في خطاب أبي الفضل العباس لأمه الوفية أم البنين عليهما السلام

يُمّه ليش ابزينب اتوصّيني
وبالكفاله دايم اتذكريني
وآنه باقي عالعهد * ما أعاف أختي أبد
•••••......•••••
يُمّه يا أمّ الوفه * اللي عنّچ أعرفه .. حبّ الأماجد
وآنه وارث كل صفه * من حنان وعاطفه .. يا نعمه حاصد
حبّچ اتعدّى الوصف * ماكو مثلچ في العطف .. يا يُمّه واحد
ماله داعي أعترف * يُمّه عيني من ترف .. حسبيها شاهد

منّچ آنه وابنچ اتعرفيني
كل صفاتچ صدرچ امغذّيني
يُمّه كاتب عالـمهد * ما أعاف أختي أبد
•••••......•••••
آنه واخواني بعد * كل أخو طود وسند .. نعمين واكثر
العدو ابهذا شهد * الأسد ينجب أسد .. أشبال حيدر
يا بعد روحي وهلي * آنه مهجه من علي .. وبهذا أفخر
تشهد الدنيه اِلي * باسمي الشر ينجلي .. وبعمره أدبر

لو أسل سيفي ابوجه عدواني
يخسى حتّى الـموت ما يلقاني
والنَفَس بيّه شهد * ما أعاف أختي أبد
•••••......•••••
آنه من مات الولي * والدي حيدر علي .. وافراقه لوعه
بعده قلبي يصطلي * وجفني يا يُمّه اسألي .. وشوفي دموعه
من رحل وآنه ابألم * وبعهد چنت التزم .. أختي الوديعه
زينب وأجمل اسم * بالقلب ظل مرتسم .. وحاشى أبيعه

يُمّه زينب أختي وتقر عيني
من تلامس هالاسم چفّيني
وملتزم آنه ابوعد * ما أعاف أختي أبد
•••••......•••••
يُمّه وبحفظ الخدر * ومن أصد لاختي ابستر .. اقليبي يستر
بس ي يُمّه أعتذر * من تروح أختي ابيسر .. وبدمّي تفخر
منها والله ابهالعمل * أذرف ادموع الخجل .. والـمهجه مَجمَر
وادري تركب عالهزل * ومدمع الحرّه يهل .. وتنخاني أحضر

من أطيح وتنقطع چفّيني
وتركب اختي عالهزل عذريني
ولو يصوّبني العمد * ما أعاف أختي أبد
•••••......•••••
يمنتي من تنقطع * تجري من عيني الدمع .. والـمهجه جمره
واليسار التنقطع * اتخلّي قلبي منفجع .. لحسين وأمره
وراسي يُمّه ينطبر * اوسهم في عيني يمر .. ويطفيها حسره
وقلب أبو اسكينه جمر * وظهره بعدي ينكسر .. لو طاح بدره

لوعه يُمّه من أشوف احسيني
يمّي يجري دمعته ويشجيني
ومن دمي أكتب عهد * ما أعاف أختي أبد
•••••......•••••
أبو فاطمة الأحسائي
١٤٣٧/١١/٢٩هـ


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

استشهاد علي الأكبر عليه السلام

كوكبٌ من آلِ طهَ قد هوى في نينوى
جاءهُ نجلُ البتولِ وعلى التربِ هوى
نادى والدمع عفا * ياشبيه المصطفى
••••••••••
چنت أحچي لظلام الليل * أقلّه اعلى الولد خيّم
أحرسنّه اجفن عيني * أريده امن الهوا يسلم
حبيبي ومهجة افّادي * جروحه ابمهجتي ألچم
شبيه المصطفى جدي * وفرع منّ الأصل فاطم

لم أزلْ أرعاهُ طفلاً قد حوتهُ مهجتي
كيفَ يا أرضَ البلايا قد سرقتِ منيتي
ليسَ للدهرِ وفا * ياشبيه المصطفى
••••••••••
على ارموش الولد أكتب * حلم يتحقق أتمنه
چنت من صغره أنظرله * شبيه المصطفى چنه
حرسته ابعيني وبقلبي * وعشقته من صغر سنه
وعليه ابكربله وسفه * وقع كل لخفت منه

أسفي فوقَ ترابِ الطفِّ قد راحَ الأمل
بدرنا في كربلا من بعدِ خسفٍ قد أفل
لِمَ ذا البدرُ اختفى * ياشبيه المصطفى
••••••••••
على اعتاب القلب عفته * رسم بعيوني خطيته
لجل هذا اعلى نجم سهيل * وسط روحي غدا بيته
على اسم المرتضى عودي * ابفخر هالأمه سميته
لئن شفته شبيه الآل * ماخذ من علي صيته

باتَ قلبُ الصبرِ مفجوعًا على فقدِ الشباب
وغدا الدهرُ عليه لابسًا سودَ الثياب
أسفًا وا أسفا * ياشبيه المصطفى
••••••••••
عليك أمك يبعد أهلي * مدامعها شبيه السيل
تندب ياعلي بسمك * وتصيح ابصيحة الياويل
تتذكر عهدها اوياك * واسمك بالقلب ترتيل
تعبت في رباك اسنين * تسهر وي نجوم الليل

حلمٌ كانت تربيهِ لكَ الأمُ الحنون
لم تكن تعلمُ بالمرصادِ آهاتُ المنون
ثم بالدهرِ جفا * ياشبيه المصطفى
••••••••••
على مر الدهر تذكر * مثل ماينذكر أحمد
ابأذانه من يصيح الكون * إذا قال المحب أشهد
وتصلي اعليك هالأمه * ابصلاة المصطفى الأمجد
تزورك من بعد شيعه * ودها توصل المرقد

سوفَ يحييكَ زمانٌ مثل ما شاءَ الإله
وعليكَ الدهرُ يبكي مجريًا دمعًا وآه
شهدَ اللهُ كفى * ياشبيه المصطفى

محمد عبدالله الحدب
١٤٣٥/١٢/٢٣هـ


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

مقدمة للقاسم بن الحسن / وزن الحدي الشاعر قاسم الساعدي المندلاوي
رملة الليلة اشلون اتنام وتودّع باݘر جسام
****************
رملة هالليلة ابيا وضع تحݘي ويّه الغالي ابدمع
لو رحت مني يالوَلَد ألمن أعلگ يبني الشمع
زفّتك آنه أنتظر لاݘن مو زفّة ابهالوضع
اشلون احمل افراگك عَلَي يصعب يا بعد اهلي جَمع
متحزمة للمِحنة احزام وتودّع باݘر جسام
***********
هالليلة سهرتهم سوه للفجر من طَر الضوه
مَرّة الصدرهه تحضنه مَرّة تشتمّه كالهوه
اتگلّه يا كَسرة خاطري بالمجتبى گلبي انݘوه
گلت انته جَبرَة خاطري الجرحه ابدليلي انته الدوه
حَدّ السيف اعليه محتام وتودّع باݘر جسام
************
ها يالوَلَد منهو ألي لو طحت يا ضنوة علي
شلون اصبر يبني لو شفت ݘتالك يبرى ابمحملي
منهو الينزّلني إذا مݘتوفة وايصيح انزلي
حرمة وسبيّة امگيّة وابغربتي وغاب الولي
هذا الجرح ما يلتام وتودّع باݘر جسام
************
ربّيتك ابدمعة وسهَر يا هيبتي بين البشر
زفّتك أنطرهه تجي من اوصَلَت خان الدهر
ثوب العرس مثل الݘفن أبيض لݘن ثوبك حَمَر
سَفرتك يبني وسَفرتي محسومة يكتل هالسَفَر
من بعده اتعيش ابألام وتودّع باݘر جسام
************
ريت آنه گبلك أنݘل وصارمه ݘتالك يسل
اعليّه واودّع دنيتي اولا مدمعي لجل يهل
جرحك إذا مني رحت وحان البُعُد شنهو اليشل
يسهَل عَلَي موتي لݘن موتك عَلَي ما ينحمل
ذاب الگلب منهه وهام وتودّع باݘر جسام


قاسم الساعدي المندلاوي


الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇

https://telegram.me/aabas78

تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

للشهداء
--
راحوا اعزاز امن ادينه --- راحوا اعزاز
نبچي وشينفع بچينه ---- راحوا اعزاز
فارگونه --- ودعونه --- ومايجونه ---- راحوا اعزاز
...................
بحسرة أگلوب --- شكثر شيعنه شباب بدمع العيون
بحسرة اگلوب --- الحود الهم بيها ظلوا مايعودون
بحسرة اگلوب --- هالبواچي ماترجع ميّت شلون
بحسرة اگلوب --- ايهون للدفنت ولدها لاله ميهون
الصورته تحظن بديها --- تسولف اوياه
وليدي لمك حن عليها --- تسولف وياه
ضيعونه --- ودعونه مايجونه --- راحوا اعزاز
..................................... 2
رخصن ادموع --- يمهات الحزن ابچن ظلن بنوح
رخصن ادموع --- راحوا الشبان خلوا بيچن جروح
رخصن ادموع --- كل شباب امن أمه وياه ماخذ الروح
رخصن ادموع --- للنجف كل يوم جمعه الگبره وتروح
ترش ماي الورد يمه --- وتعلگ بخور
تحظن الگبره وتشمه --- وتعلگ ابخور
الأم حنونه --- ودعونه --- مايجونه --- راحوا اعزاز
.........................3
بس صورهم --- آ ه شبان النشامه شكثر راحوا
بس صورهم --- وحسره بينه انشوفهم ياويلي خلوا
بس صورهم --- اهناك بتراب النجف بلحود ظلوا
بس صورهم --- ناموا ومابعد من النوم ملوا
كل شباب اتشوفه نبعه --- تحت التراب
وسدوه ومشوا ربعه --- تحت التراب
هم نسونه --- ودعونه --- مايجونه --- راحوا اعزاز
............................. 4
الام حنينه ---- الام التودع ابن صعبه عليها
الام حنينه --- راح بالراح وتظل تفرك بديها
الام حنينه --- ليلها متنامه وتوالف بچيها
الام حنينه --- نار يتلاهب گلبها وحسره بيها
دمعة الام اعله ابنها --- تحرگ الروح
حتى من رفة جفنها --- تحرگ الروح
يتمونه --- ودعونه --- ومايجونه --- راحوا اعزاز
....................... 5
صعبه الفراگ --- ربي لاتفجعلك أم تفگد ظناها
صعبه الفراگ ---جمره من اتشم تحس نسمة هواها
صعبه الفراگ --- الام تموت اعله الولد لو ما اجاها
صعبه الفراگ --- خيالها حتى بحزن يمشي وراها
بس صورهم هاي ظلت --- بس صورهم
جرح فرگه بينه خلت --- بس صورهم
مرمرونه --- ودعونه --- مايجونه --- راحوا اعزاز
............................ 6
آه يا أم --- شحالها التحت التراب تعوف محبوب
آه ياأم --- مثل شمعه من تذكره بنارها اتذوب
آه ياأم --- تلوب بس الشوفته مشتاگه وتلوب
آه ياأم --- شوگ يعصرها وحنان ايعذب الگلوب
بعد مايرجع اوليدچ --- مو دفنتيه
حتى نوحچ مايفيدچ --- مو دفنتيه
عذبونه --- ودعونه --- مايجونه --- راحوا اعزاز
----
سيد عدنان الحمامي



الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇

https://telegram.me/aabas78

تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

يحسين الك وسط الروح جمرة حزن ما تطفه
///////////////
لو تنكشف عن الناس هاي السمه المحجوبه
جا شافت اشكد عزيات ل ال النبي منصوبه
مثل البشر هل املاك بيها اليشگگ ثوبه

وبيها الينوح ومفجوع وب عينه يلطم جفه
يحسين الك وسط الروح جمرة حزن ما تطفه
///////////////
حتى الحجر دم عليك كامت تفور اعيونه
ثغر اليقبله المختار تكسر الخيل اسنونه
وبيا ذنب جسم احسين يا عالم ايسحكونه

مابغضتك يلمذبوح بس الگلوب الصلفه
يحسين الك وسط الروح جمرة حزن ما تطفه
///////////////
ربك فضح كل ايزيد واهل الخدر مستوره
اشكد حاربوا هل عزيات لكن بقت معموره
ماتنطفي ب أمر الله هل انفس المجموره

والينجرح گلبه ب اه من كربله مايشفه
يحسين الك وسط الروح جمرة حزن ما تطفه
///////////////
دمعتنه اوضح مقياس للمؤمن واعماله
الماينكسر كلبه اعليك واجب يعيد افعاله
انته الغريب العطشان گطعت الكوم اوصاله

دارت عليك العدوان منك اجت تتشفه
يحسين الك وسط الروح جمرة حزن ما تطفه
///////////////
يلتبجي دمعه اعله حسين باجر الك مذخوره
هذا الخبر يشفي الروح شعشع علينه ابنوره
مو فاطم اتلم دموع اهل العزه ابقاروره

والمابجه ابيوم اعليك من يعتذرلك كلفه
يحسين الك وسط الروح جمرة حزن ما تطفه
///////////////
جرح المحب بالچلمات يصعب تره تفسيره
لطم الصدر هذا وسام ل اهل الشرف والغيره
ضلن بنات المختار لا كافل ولا ديره

هذ الجره اعله الوليان وبيا كلام انوصفه
يحسين الك وسط الروح جمرة حزن ما تطفه
///////////////
يوم الوعد للموعود لمن ينادي ابثاره
وينصب محاكم عاشور ويكشف جميع اسراره
ساعتها رايات الثار ترفرف ب أدين انصاره

وكلمن ضلم اهل البيت باچر ذنوبه اتوكفه
يحسين الك وسط الروح جمرة حزن ما تطفه
///////////////
ياربي ندعي ابكل دار نرفع ذكر لمصابه
ووتجمع اب اسم حسين ل اجل العزاء احبابه
وتبقه تدك فوك الراس شبانه وي شيابه

وصوت اللطم من ابعيد ل أبن الرسول اتعرفه
يحسين الك وسط الروح جمرة حزن ما تطفه
///////////////

احمد عيسى البديري


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

موشح
............
عن لسان حال حميده وهي تخاطب أبيها مسلم أبن عقيل عليه السلام
................
الليله كلبي أموادعك بس جارحه
أحساسه غير أحساس ليل البارحه
.....................
أحساسه للسبعه العجب ثامن صفه
والأمل من جيتك مسلم طفه
أحروف الأبجد كلها أبد متوضفه
البارحه أوياك المشاعر سارحه
..................
البارحه أنته أوياه ياأغله حبيب
الليله صارت سولته الون والنحيب
ياغريب أذكر هلك مالك نصيب
أبديرة الغربه المشاعر واضحه
...................
أبديرة الغربه أشكثر تبقه تريد
أظل غريب الدار وحساسك أكيد
يفتقد ناسه أوأمل ذاته الوحيد
يرجع أيماسي اليريد أيصابحه
....................
رجعتك مفتاح أمل باب النجاة
أويا حياة التهنه بعدك ياحياة
والله يامسلم أذا أشوفك رفات
أنصب أعليه تراني الفاتحه
................
أنصب أعليه العزه الباقي العمر
جي لئنك يتمني من زغر
حسرتك جمرة غضا أبلب الصدر
تلهب أوخلكي اليتيم أتواكحه
................
تلهب أوخلكي أبئلف عبره أنقهر
لا تخليني أوتروح أبهل السفر
الكوفه متخلي أعتبار الئي بشر
الغدر ديدنها والله الفاضحه
...............
الغدر ديدن أهلها أبكل وكت
أبجدي أبو الحملات حيدر ماشفت
غدرت أبهاي الكتب من أمنت
جاحميده بيها يبقه أشرايحه
................
جاحميده أخلاف عينك هم تظن
الليل يهنه أئلها أويغمضلهه جفن
بويه مسلم فدوه أريدنك حضن
السيف راسك ماأريدن ذابحه
................
السيف راسك يكطعه أوجسمك عله
الكاع ينذب غدرتك ذيج المله
حزني أريده اليوم عملة كربله
أحسين مذبوح أوتكوم النايحه
................
خادم أهل البيت
الشاعر : أسماعيل الجوراني
الأثنين : 21/8/2017



الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇

https://telegram.me/aabas78

تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

بعدني أتهجّه بالخدمه بعدني
دخيل الله ودخيلك لا تردني
ــــــــــــــــــــــــــــــــــــــــــــــــــــــــــ
بعدني ابلا اسم وبلا هوية
بخدمتك ما وصلت الأبجدية
تسبيحي الألك ياخذ بديه
(يا محلى الوداع بهالمسية)
لون متهجي اسمك تعتقدني
دخيل الله ودخيلك لا تردني

********
بعدني و حاء اسمك مالي حيله
سنيني بخدمتك كلش قليلة
يردد هالگلب واسمع عويله
(غير احسين ما عدنه وسيله)
اخذني العالمك لا لا تهدني
دخيل الله ودخيلك لا تردني

********
خدمتك اغلى من الكون كلّه
ابوس اتراب اليخدمك وأجلّه
الحشر كلش صعب واهناك ذله
(إلا من أتى وحسين خِلّه)
اذا يتبره مني الي ولدني
دخيل الله ودخيلك لا تردني

********
محطات العمر بالخدمة كلهه
صعبهه الشافته اعيوني وسهلهه
تهون گبال دمعة اعليك أهلهه
وقصيدة اسمع واردد مستهلهه
روحي لكلشي بيه ذكرك تشدني
دخيل الله ودخيلك لا تردني

********
اذا تخدعني هالدنيا بهواهه
ويخليني غروري بهالمتاهه
اريد امصيبتك يسطع ضواهه
دليلي بساع يرجع لانتباهه
واذا مرة الذنب عنك بعدني
دخيل الله ودخيلك لا تردني

********
اذا اتخيل الدنيا بدونك
اشوفنهه عدم والله وعيونك
شسوي بعقلي لو مابيه جنونك
اذا زليت وياي اعلى هونك
عبد لازغر عبيدك من تعدني
دخيل الله ودخيلك لا تردني

ــــــــــــــــــــــــــــــــــــــــ
مازن الزبيدي


الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇

https://telegram.me/aabas78

تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

آه يمصـــاب الجـــــواد
...................
نصــرخ بصــــوت وننـــادي
راح بسمـــــوم الاعـــــادي
نشتكــــي لــرب العبـــادي
ونعلـن اليــوم الحـــداد
.................
نعـــــزي اليــــوم الزجيــــه
وعلــــي حمــــاي الحميــــه
ونعتنــــــــي للكاظميـــــــه
والعــزه ببـاب المـــــراد
.................
مصابــك الشيعــه ضهدهــــه
يــاقضيتهــــــه وعمدهـــــه
السم الـي جرعتــه مردهــــه
وصبـح غاطيهـه الســواد
..................
المنــــادي اليــوم كبـــــــر
فكدت الشيعـه ابـــو جعفـــر
واجب لكــل شيعـــي يحضــر
يعـزي ائمتنـه العمــاد
...................
بكل كتــر ننصـــب عزيـــــه
راح امـــــــام الرافضيـــــه
يــاجـــــــواد الجعفريــــــه
صوتنــه بهــذا البـــلاد




الشاعر
مالك الحلفـي


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

#هلاليه


هل محرم وبتدت رحله عذابي
ياجبل يكدر على محنه مصابي

.....

ردلي فكري للامس
البي طفت نور الشمس
هناك ليل وناتج الظلماتي عاشور
كطعت الريه نفس
ابجي بس بلايه حس
شحال للينظر اخوته باقيه انحور


مابقت حيله فقط حزني وعتابي
ياجبل يكدر على محنه مصابي

.....

شفت بعيوني شكثر
الما ابد شافه بشر
الخطوه من اخطيها معناها منايه
دمعي عالوجنه عثر
بالي مرت بي صور
صوره صوره رسمت بروحي نهايه


امنياتي ماتت وشيب شبابي
ياجبل يكدر على محنه مصابي

.....

انخه بس محد سمع
عظمي من متني طلع
من كثر يهلال تدري ضرب السياط
صحت كفالي رجع
الشمر ناداني (وجع)
گلبي من كد التعب يابو الفضل شاط

لا تجي يهلال هذا اخر جوابي
ياجبل يكدر على محنه مصابي

.....

راح ارد نفس الالم
ركن من عمري انثلم
غدرت الناس بعلي اليشبه محمد
حلمي ميت مو حلم
كل جرح تاليته دم
بس أنه جروحي على الما ادري تنعد

بوجه لجمات العمر فاتحته بابي
ياجبل يكدر على محنه مصابي

.....

شنسه حتى اتذكره
رماح لزمتله سره
رايده تهني لان حنته قريبه
الخاين انطو تذكره
الموت معزوم ودره
زفت اسيوف ونبل جانت عجيبه

جاسم بعمري احس كاثر ضبابي
ياجبل يكدر على محنه مصابي

.....

كون متمر ياشهر
انت ماخذلي نحر
تقدسه وتجله يهلال الحمامه
الحافر بصدره حفر
خنصره منه انبتر
هذا تاليت الاجه يريد السلامه

يم محمد بالحشر ناده حسابي
ياجبل يكدر على محنه مصابي

.....

شذكر وشنسه بعد
خالي وتهز بالمهد
اي رباب الحايره الفكدت ابنها
نام يبني يالولد
تلولي بس ماكو احد
عالمهد تبجي انحنت ويدر لبنها

من بعد ذاك الشهد حنضل شرابي
ياجبل يكدر على محنه مصابي

.....

گلبي بيك شكد ركض
وياك ابد ماعندي حظ
من وراك اتحملت شتم واذيه
الغايه اعرف من نهض
ذاك عالطفله انتفض
جرها حيل وباك ترجيه رقيه

صاحت بصوت والم عمه حجابي
ياجبل يكدر على محنه مصابي

.....

خيام محتركه وعبي
شيبت گلب النبي
جن احس يصيح آه من كربلائي
آنه بنت الطالبي
وانت عاشور السبي
الله ليعودك عليه بكل دعائي

تالي ما تالي الهزل اصبح ركابي
ياجبل يكدر على محنه مصابي


ک. ليث كرار الموالي


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

خادم الک وتوَسلَکّ یبن الزچیــه
آنه و هلی یابو علـی. نخدم سویــه
﴿ لَکَ تلطم یدین _ یاحبیبی حسین﴾
|••••»»•••••»»•••••»»•••••|
خـادم و اصیحــن خــادم
مـثلــک اضـْلَّـن صــایــم
بلعشــرا اصیــرن هایــم
میهـمنــی کل من لایــم

نوح ولطـم. ما انـحـُــرم. خلیّنی هل عام
امسَـح نعـِل. شاب و طفل. یامحلـه الایام
﴿نفتخـر خادمین _ یاحبیبی حسین﴾
|••••»»•••••»»•••••»»•••••|
کـل خیــری مــن حَضـرتَـک
اغـلامــک اضــل سائلــک
جبــریــل هــم یســئـلک
ما ترضـٰی اجـی امجدّی لک

مااختجـل صاحب فضل مسکین اجیتک
آنه فقیـر. لَک بس اصیر. یم باب بیتـک
﴿لَك امدهه الیدین_یاحبیبی حسین﴾
|••••»»•••••»»•••••»»•••••|
یحـسـیــن عشـگــک أجــِر
اشمحـلـات اخلصــه العمــر
کـل مـــن یجــیلــی یِمــُر
مـکـتــوب فـٔوگ الـگــبر

عاشگ رِحَل جاله الأجل بمجلس عزائک
ابعشگه احترگ گلبه غِرگ من اشتیاقک
﴿عل نَحر کاتبین _ یاحبیبی حسین﴾
|••••»»•••••»»•••••»»•••••|
نــعــم الله یـابــوعـلــی
عن کــل شی سویّتــه الــی
مـا قَــصـْـرِّت یـلـولــی
صـوتـی یضــل یعـتـلــی

لو انـذبـح راسی ابرمـح هـم ماابَطّل
(حا ،سین) (یا،نون) الحروف. بسمک ارَتّل
(کُلنّــا عاشـقیـن_یاحبیبی حسین)
|••••»»•••••»»•••••»»•••••|
#یوسف_الزبیدی


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

جينَه والخِطوه لوعَـات
وشُوك يملِـي المسَافات
إحنـَـه أيتـَـام الحســين
نِمشي والحَادي شِمّات
***
للطــفوله ابرحلـَــة الشـَـــامات أكـــدَار
خلـّــت ابوِجـدَان كِـل هاشِــمي تذكـَــار
ايبـﭼّي عَـينه ادمُوم كل سَاعات الِـنهَار
ومِن يجي الليل اعلى جَمر النايبه ايبَات
***
هَـايه طفله ادمـُـوم تجـري مِـن اذِنهـَـا
جَــر تراﭼـيها الخَسـِــيس اوّلـّــه عنهَـا
خِــذَت دَرب اليسـِــر تتـلافـَــت لَوَنهـا
اتمـر عَـليها الريح بيها اتخلي رَجفـَـات
***
وطـفل بعــدَه مَابـِـدَت رحلـَـة اسِـنينه
طـَــاح مِن امـّــه وبقـَــت لجلَه حزينـَـه
محسن الطـف وَاسَـه محسن بالمَدينه
وﭼَـنها فـاطِم حَاضِـرَه اويَه الزينبـيّات
***
وطفلـَــه لِحســين اليـِـتِـم بيـّـن عَـليها
ارقيـّــه اســمهَا رِقــّـــة الأزهار بيـها
اتشـِــيل سِـجّادة صَــلاته ابـّــين ادِيها
وكِل أذان اعلى الأرض تفرِشها سَاعات
***
وطفله ضَاعَت بالدرب ماحسّت الناس
بس عِرَف بيها الأبُو صَاحب الإحساس
رِكـَـز بالـﮔاع الرمـح واتـوَجـّـه الـرَاس
صُوب بتــّـه وشاهِدَوا بعـــيُونه دمعَات
***
غِصَص هاي وماوِصَل أي وَصُف لِيها
السِـمه ضجـّـت إلهَه واملَاك الـّـي بيها
عَـفيـــه ﮔلبـــﭻ زينــب وصَـــابر عَـليها
اشـﮔد حِمـَلتي اهمُـوم آ يالحرّه وآهَات
،،،،،،،،،،،،،،،،،،،،،،،
لقمان البدران


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

قصيدة جديده
----@@@@@@@
ضايع وجيت لحضرتك
كل همي انا زيارتك
ايا الرضا ايا الرضا
--------------
يالنايم بديره غرب
طالت علينا زيارتك
محتاج ازورك ياشهم
كل سعيي اقبل عتبتك
فدوه انا اروح لرضا
كلبي حن لشوفتك

مشتاكله كل روحي يالغالي وتدريني
يالاسمك جن رسمك يم طيفك وديني
ايا الرضا ايا الرضا ايا الرضا
......................
كل همي راح ومابقى
لمن نخيتك يالوفي
يا بوالحسن منك اريد
ترزقني ادموع وبجي
خليني انوح لعمتك
وخليني ابجي عالسبي

خليني يم بابك وي نوحي وحسراتي
يالمنك كل حيلي ودموعي و عبراتي
ايا الرضا ايا الرضا ايا الرضا
...................
خليني اقرالك عزاء
وخليني ازيدها الدموع
وخليني انوحن ع الطفل
وخليني انوحن عالضلوع
لفيني يم بابك عبد
ايا سلطاني الجزوع

ياحيلي ودمعاتي وعبراتي وسلطاني
يالغالي يم بابك يسجدلك وجداني
ايا لرضا ايا الرضا ايا الرضا
.....................
كل ساعه اذكرها الهزل
وتلجمني اهات الضعن
اذكر سبي واذكر خدر
وذكر على النوك ومشن
يحديهن الكافر ترى
وبسم الكفيل يحشمن

عماتك بالهيمه بلا والي ويحديهن
كل شامت بالخدر يتشمت ياذيهن
ايا الرضا ايا الرضا ايا الرضا

للملا ابو رقيه الفاطمي


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

الشاعر كرار حسين الكربلائي:
واحسيناه
واغريباه
نحرك يجدي اگبالي گطعوه
...
الباقر انه ويوم عاشورك بعيناي
جرحك بگد السمه وظل يكبر وياي
عندي من يوم الطفوف اسوالف هواي
اذكر اشفافك يجدي شما شفت ماي
عمري خلصان
دمعه واحزان
يا ريت نحري وياك ذبحوه
...
بسهم المثلث طحت من فوگ مهرك
جيت اركض يا كتر طايح ادورك
والشمر شفته تثنه فوگ صدرك
و١٢ طبره عله نحرك يطبرك
شايل الراس
عالصدر داس
راسك براس الرمح شالوه
...
من بعد ذبحك يجدي بحالك اشصار
گطعو جسمك وجسمك صار طشار
سلبو حته قميصك والرمل حلر
وشلت خنصر يمنتك بچفوفي الزغار
بعيني مرسوم
منحرك دوم
وسأل ردائك ليش سلبوه
...
اذكر مصابك يجدي واگعد انعه
مصرعك اتخيله وبعيوني دمعه
ازغير ما اگدر رمح چبدك اطلعه
وانه كل ضلع التكسر جنت اسمعه
عشره الخيول
بصدرك تجول
وشچم ضلع بالخيل هشموه
...
والسبي اصعب واشد من المنيه
هذي اثار الحبل لسه بديه
ريت اموت ولا شفت زينب سبيه
مچتفيها وطبت لديوان اميه
لعمتي زينب
ابچي وانحب
ستر الجلاله اشلون يسبوه
...
كربله راواتني اشكال النوايب
شايل بگلبي مصايب من مصايب
ردت موتي وي رقيه بالخرايب
يا عمر گضيته بفراگ الحبايب
جبدي سموه
كبري هدموه
وبلا مناير وسفه خلوه
...
عبدهم
كرار حسين الكربلائي


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

قصيده للقاسم عليه السلام .....................
#######################
راية حيدر
ءءءءءءءءءءءءءءءءءءءءءءءءءءءءءءءءءءءءءءءءءءءءءءءءءء
من تبرز جاسم لعداك هاك عصابت راسي وياك
اتعصب بيها وظل وافيها
هاك عصابت راسي ويام
سسسسسسسسسسسسسسسسسسسسسس
راية حبدر هاي كبالك حلوه ترفرف هاي الرايه
اتقدم ليها ولا تتعطل واجعل من روحك وفايه
احمي اوطانك بالدم يبني واهلك يا جاسم حمايه
اتمسك بيها بوسط الحومه
وكلمن يبني يموت بيومه
رد ماظيها وظل وافيها
هاك اعصابت راسي وياك
سسسسسسسسسسسسسسسسسسسسسس
انه امك واسمع بوليدي هاي الحومه تريد ابطال
تحزم بالله وطب اعليها صعبه الحومه وما تنشال
تهوه الصامد واهل النخوه ومن تبرز جنك شلال
صورة امك لا تنساهه
حطها ابالك دوم ابراها
افزع ليها وظل وافيها
هاك اعصابت راسي وياك
سسسسسسسسسسسسسسسسسسسسسس
عمك حاير ما مش ناصر قدم روحك لجل حسين
خل روحك مطعم للصارم وبالك يبني تزوغ العين
خط بدمك وارسم صوره وسجل اسمك بالماضين
حمزه وحيدر والطيار
بجفهم علو اكبر دار
بدم ارويها وظل وافيها
هاك اعصابت راسي وياك
سسسسسسسسسسسسسسسسسسسسسس
كوكب وجهك يلمع ظيه بالميدان وخله ينور
انتم بيت العز والهيبه اعليكم رحمه الله اتدور
هاشم جدك رمز العزه ساد الدنيه وظل منصور
ايجوع روحه ويطي الناس
شجرة خير وكله احساس
واسمك بيها وظل وافيها
هاك اعصابت راسي وياك
سسسسسسسسسسسسسسسسسسسسس
خطوه وتكعد يم الهادي بس اتعبره الهم ينزاح
بالفردوس اسمك يوليدي يا جاسم وجهك مصباح
لجل احسين استشهد يبني وعمك حاير ما مرتاح
الباسل مثل الكوكب عالي
يظوي الناس ودوم ايلالي
شع اعليها وظل وافيها
هاك اعصابت راسي وياك
سسسسسسسسسسسسسسسسسسسس
ويوم الترحل جاسم عني اتعود لازم هذا الحال
لاجن رغما عني اتصبر وبعدك حيره وما تنشال
افزع لله واشكي الحاله بلكت يسكن هذا البال
ودرب الممشه تشوفه العين
انتظرك وانظر لحسين
يبني ارويها وظل وافيها
هاك اعصابت راسي وياك
#######################
الشاعر مهدي العبساوي


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

الشاعر مهدی جناح الکاظمی
______________________________
قِف بِنا يا ركبُ في وادي الطفوف...و أنظرِ الزحفَ أُلوفا و أُلوف
و على إبن المصطفى اصطفّت صفوف...أنكرت عهدَ وفي الذممِ
______________________________
أنكرت عهدَ وليدِ المصطفى...من لهُ المروةُ تسعى و الصفا
حقدُ بدرٍ و حنينٍ ما أنطفا...هو لا النارُ سرى في الخيمِ
________________________________
ثبتَ السبطُ لها لما دنت...مثلما الكرارُ في أُحدٍ ثبت
ضاقت الأرضُ بها لما رأت...عزمهُ عضّت بنانَ الندمِ
_________________________________
هو لو لم يُعطي في الذرِ العهود...لمحا في سيفهِ آيَّ الوجود
راحَ بالنفسِ و بالأهلِ يجود...لا يُنالُ المجدُ إلا بالدمِ
_________________________________
لا يُنالُ المجدُ إلا أن تعوف...عِيشةَ الذُلِ و تحيا بالحتوف
إنَ من قالَ خُذيني يا سيوف...علّمَ الناسَ صعودَ القممِ
_________________________________
قد أبى عيشةَ سُكانِ القبور...جاعلاً مرقدهُ ذاتَ الصدور
حولهُ الخلقُ إلى الحشرِ تدور...دورةَ المُحرمِ حولَ الحرمِ
_________________________________
قُم بِنا يا صاحبي نحوَ الفُرات...نسّتقي منهُ دروساً بالثبات
نسألُ العباسَ كيفَ المعجزات...خطّها بالسيفِ لا بالقلمِ
__________________________________
قمرُ الطفِ لهُ النجمُ سعى...لاثماً كفيهِ لما قُطعا
بكتِ الرايةُ و السيفُ معا...لهما فوقَ رمالِ العلقمي
___________________________________
قِف بِنا يا صاحبي هذي الخيام...هاهُنا طفلٌ يتيمٌ و إِمام
و هنا زينبُ عينٌ لا تنام...عندَما تغفو عيونُ الأنجمِ
___________________________________
قف بِنا ننظر هاتيكَ البدور...لِنرى الخيلَ علت أيَّ صدور
كتبت فوقَ ثرى الطفِ سطور...وطأت فيها العُلا بالقدمِ
_________________________________
قِف بِنا يا ركبُ هذي كربلاء...هاهُنا الأرضُ جِراحٌ و دِماء
قل لها كيفَ على الأرضِ سماء...رُفعت شاخِصةً كالعلمِ
_________________________________
قِف بِنا يا صاحبي عِندَ الرضيع...لِأُريك السهمَ و النحرَ القطيع
قِف بِنا نجمعُ أشلاءَ الربيع...من على أجفانهِ و المِبسَمِ
_________________________________
قُم بِنا حتى نواسي مهدَهُ...و كما يبكيهِ نبكي عِندهُ
ثمَّ سَلهُ كيفَ أمسى بعدَهُ...و هو الفاقِدُ عِطرَ النَسَمِ
_________________________________
قِف بِنا نسألُ زينَ العابدين...سارَ و الناقةُ حاديها الأنين
كيفَ قّوضت عروشَ الظالمين...عِندما قارعتَها بِالكَلِمِ
_________________________________
قل لهُ يا سيدي كيفَ الجِراح...طلعت في عُتمةِ الليلِ صباح
كيفَ فرعُ العودِ في وجهِ الرياح...ثابتٌ كالطودِ لم يَنقَصِمِ
__________________________________
قل لهُ كيفَ إلى الشامِ أسير...رُحتَ يا جُرحاً على الأرضِ يسير
قل لهُ يا أيها البحرُ الكبير...قطرةٌ فيكَ عُلومُ الأممِ
__________________________________
أيها السجادُ قد ناحَ الوجود...و بكى المحرابُ يا عينَ الوجود
مثلما ناحت بكفيكَ القُيود...يومَ أصبحتَ دليلَ الحرمِ
__________________________________


مهدی جناح الکاظمی


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

فی حق #المجالس_۱۴۳۹

مجالسنـه ابمحّرم رجعت اردود
یامحلـه الّلیالی اب لبسـة السـود
مادام احنـه عدلین
کلنه انصیح یحسین

۰۰۰۰۰////۰۰۰۰۰/////۰۰۰۰۰۰
یامحـله البواچـی و اللیالّی الـإنـتظـرهه
یامحلـه المجالس بیهه واهـس مـن نطبهه
یامحـله الیدگ چفّه اعـله صـدره مایهمـهه
و اذا ماتلطـم اعله احسین ایدی والله اگصهه

یــا اهــلاً وسـهــلاً بـل مجالــس
کل شاب ابهــیامــه ایصیر عابس
دم تجریلک العین
کلنـه انصیح یحسین
۰۰۰۰۰////۰۰۰۰۰/////۰۰۰۰
شاب ایبیـع کل شـی و ینصب اقرایه للحسبن
یخجـل بلحشــر باچـر تـجی اگباله ام البــنیـن
و الزهرا تجـی اتدَوّر مجالـس عل خَدَم ویــن
تشوف الیلطم ابأحساس تکتب انته الک دین

باچـر لـو متـت نتـجَّمــع اویــاک
نِزفَّـــک بل ورد نشفعلک اهناک
احسین العشـگ تدرین
کلنـه انصیح یحسین
۰۰۰۰۰////۰۰۰۰۰/////۰۰۰۰
یامحــله المـنــابـر ناخــذ ادروس و عبــارات
و بوقت اللطــُّم رادود یقــرأ اعلــه السبیات
اذا سئلــونه انتــو امنین نکشفله الهـویــات
یشـوف احنــه تلامیذ المجـــالس و القرایـات

یامـحلــه الهــویــه بأسـم هایــم
و کل شاب ایتــمنّـه ایصیر خادم
حزنـی یبقی کل حین
کلنـه انصیح یحسین
۰۰۰۰۰////۰۰۰۰۰/////۰۰۰۰
یامحـله نشـوف الطفـل جای و معتــنی ابشوگ
نشـوفه ابـکل وجـوده ایصـیح زینب رکبت النوگ
یلطــم علـه اعیـونه ایگـول تــالی طَـرَّت الســوگ
هل چلـمــه اشعظـمهه ابإسم حافـر صدر مسحوگ
بی نـوح وبواچـی و لطــم ع الراس
میهــمـنــه الکــلام و لومــة النـاس
روحی فدوه لحسین
کلنـه انصیح یحسین
۰۰۰۰۰////۰۰۰۰۰/////۰۰۰۰
#یوسف_الزبیدی

🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

يهلال المصيبه انوارك اخفيـــهه وعلينه ايام حزنك لا ترد بيهه
ريتك بالســـــــمه يهلال لا هليت
بالهم والحـــــــزن والنايبه رديت
جمره بكل كلب من طلعتك خليت
علينه اسهـــــام بانوارك تراميهه
&&&&&&&&&&&&&&&&&&&&&&&&&&
اخفي انوارك وغيب معالمهه
تراك بطلعــــتك زينب تألمهه
تزيد احزانهه وتنصب مآتمهه
تذكرهه بنوايبهه ومــــــآسيهه
&&&&&&&&&&&&&&&&&&&&&&&&&&
يهلال المصــــيبه لا بزغ نورك
ولا كرب علينه وعـاد عاشورك
على الحره العقيله تجبل بجورك
يعود وياك كل اللي جرى اعليهه
&&&&&&&&&&&&&&&&&&&&&&&&&&
تصد ليك ودمـــوع العين سجابه
ونيران الحــــــزن بالروح لهابه
تصيح بصوت آيحسين ومصابه
هيهات الدهــر لجروحه يشفيهه
&&&&&&&&&&&&&&&&&&&&&&&&&&
يا جـــــــرح اللذي من كربله يلتم
من عاشور شنســه يا حزن يا هم
عكب حسين بعيوني الزمان اظلم
وايامي غدت تشبه ليـــــــــــاليهه
&&&&&&&&&&&&&&&&&&&&&&&&&&
اشما تمضي الليالي وطالت سنيني
يظل حد الحشر يجري دمع عيني
اني البالـــــــــحزن محد يساويني
همومي من ثجلهه يبيد راسيــــهه
اني الشفت اخوي امـــــــوسد التربان
محزوز الوريد بخــــــطة الميـــــدان
اني اخت الغريب اللي كضا عطشان
واثياب العليه اعدا امسلبــــــــــيهه
&&&&&&&&&&&&&&&&&&&&&&&&&&
عليه بطلعتك تجــــــــــــــــدد الامي
وتشب بيه امن اشوفك جمرة خيامي
وجفوف الجفيــــــــل اتصير كدامي
اخوي اللي المـــراجل كلهه راعيهه
&&&&&&&&&&&&&&&&&&&&&&&&&&
واتذكر علي الاكــــبر على الغبره
وعبد الله الرضيع اتروه من نحره
وجسام الشباب الجــــرحه ما يبره
عريس بدمــــــــــــا جفه يحنيهه


الشاعر السيد موفق الموسوي


الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇

https://telegram.me/aabas78

تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

هيامي... و سلامي... لبو الأكبر إمامي

آه يـمـسـلـوب ...يـمخضوب
يـضـامي إعله الفله ...ذبيح إبكربله
يــروح الــبــســمـلـه
لـجـلـك إيـنـوح...نـبي نوح
و إلـك آدم يون ...يصب دمع الحزن
يــنــادي مــن يــحــن
هيامي ...و سلامي... لبو الأكبر إمامي
****
دمـعـك إيـلـوح... يـمـذبوح
خـضب وجه السمه ...يقلها الفاطمه
ضــلــوعـه إمـهـشـمـه
فـاطـمـه الـيـوم... يـمـظلوم
تـنـادي المنتظر...ضلع إبني إنكسر
ذبــيــح امــن الـنـحـر
هيامي... و سلامي... لبو الأكبر إمامي
*****
عـالـثـره إويـاك... حـمه إحماك
أسـد عـالـمشرعه...جفوفه إمقطعه
إعــتــنــيــت إتـودعـه
مـا رضـه إيـعـود...أبـو الجود
بـلا مـي لـلـخيم...و ترجاك بألم
تــبــلّــغ لــلــحـرم
هيامي... و سلامي... لبو الأكبر إمامي
******
عـيـسـه مـصـلوب... يمسلوب
نـعم ظل منصلب ...لجن مو بالغرب
ذبــيــح اعــلـه الـتـرب
مـوسـه بـالـطـور... يـمنحور
يـحـن الـلوعتك...و ينوح الغربتك
يــقــبّــل تــربــتـك
يدامي... و سلامي... لبو الأكبر إمامي
*****
تــعـرف إعـداي... يـمـولاي
يـقربان الشرع ...يضامي و منصرع
إلــك يــجــري الــدمـع
خـل يـقـولـون... يـمـجـنون
أظـن يـدرون أظن...أنا إبحبك أجن
و هــواك إعــلــيـه أحـن
غرامي... و سلامي... لبو الأكبر إمامي
*******
و الـلـي والاك... مـيـنـسـاك
لـحـد تالي العمر...و إله حبك ذخر
و إذا طــب لــلــقــبـر
إعــلــه بـلـواه...يـرجـواه
تـحـضـره إبحفرته...تعيينه إبوحشته
يــــوارث هـــل أتـــه
يسامي... و سلامي... لبو الأكبر إمامي
**********

نجم الصراف الکاظمی


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

#نزله_الحسین_یقول_للعباس_۱۴۳۹

الحومــه الک و ارعیهـه طیـر لَـیحط بـیهـه
یابا الفضـل
••••••+•••••••+•••••••+••••••••
یالا عباس مهیوب زامطهــه ابرگب
خل یشوفون عندی. لو حل الغضـب
شارط اعداک. بلموت و ارحگهـه بحطب
لَبّس اشیــَل. و اعبی لشیوخ العرب
شَمّر ابضـربـاتـک
ارهب ابخزراتــک
یابا الفضـل
••••••+•••••••+•••••••+••••••••
هاک سـیفـک و الجـود یابـن حیـدرا
ارفـع الراس. لختــک راعی المفـخرا
طَیّر الروس. یاخوی. و اعمــل مگبـرا
یا مَلِک موت. نــَزِّل. نار اموَجّــرا
من تلاگـی املاگـه
الموتهم مشتاگــه
یابا الفضـل
••••••+•••••••+•••••••+••••••••
لنـهـه زیـنب طلعت. سمعت بلخـبر
هذه عبـاس. معلوم. چن حیدر مظر
هلهلت لـه. گالت. اسمع یل گـمـر
خـَلّی سیفک. یرکع. یسجــد بل نَـحر
خلهـم ایشــردوها
الگـاع لـو طبـّوها
یابا الفضـل
••••••+•••••••+•••••••+••••••••
ماعـلیــکـم شوفــو. شعمـل من اطب
معجــزاتی. تـنــزل. جِواتّ الـحـرب
انطــی فتوه. لعدای. ارعبهـم رعــب
اتــذِب چفافی. و شـیَْل. تلبس بل غصــب
الّه آخــذ روحـهـم
سبحــه اسوّی ابروسهـم
یابا الفضـل۲
••••••+•••••••+•••••••+••••••••
#یوسف_الزبیدی


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

#استشهاد الامام الجواد عليه السلام

مسموم يبن الرضا مظلوم يبن الرضا
_••_________________
يالجــواد اليوم ننعى مصــــيبتك
بالغدر يا حيــف ســمو جبــــدتك
والكاظميه اليوم بســــمك نادتك
بينه تسعر دوم تبقــه جــــــمرتك
مالوم يــــبن الرضا مظلوم يبن الرضا
___________________
بالحــزن والنوح دمعــــتنه تهمل
الليله كــوكب نور من عدنه رحل
يا قصــيده اعليك نكتب يالفحل
بالسمــه الاملاك تــــــقره المستهل
محروم يبن الرضا مظلوم يبن الرضا
___________________
اتعنتك هاليوم مكــــسورة ضــــلع
فاطــــــــمه الزهراء وتهل الدمــــع
ويلي يالمســموم كلــبـي منفـــــجع
جيت انوح اعليك يلجم هالو وضع
ملجوم يبن الرضا مظلوم يبن الرضا
___________________
يا شباب اشلــــون نايم بالشمس
يا نــــضر عيــــناي يا بعد النفس
جــــــبدك المسموم يا سم انترس
بالشمس ضليت يا حلــــم الامس
مهموم يبن الرضا مظلوم يبن الرضا
___________________
يالــجــــواد اوياك مــــنمل اللطــــم
نلــــــطم اعــــله الراس ونشد العزم
وســــفه ويســــموك يالكلك قــــــيم
انواسي ابو الحسنين حيدرنه الشهم
مهظوم يبن الرضا مظلوم يبن الرضا
___________________
تمت بحمد الله تعالى
بقلم الملا ناجي الصالحي ✍•
ونسألكم الدعاء ...


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747