قصيده بمناسبة استشهاد الإمام الجواد ع
****************************
(التقاء الطفين)
يالجرحك ممتد منالطف. لكلوب أحبابك
ليش باول عمرك ترحل. وأعلنت غيابك
حادي الموت لهل الحد قرر
حته تواسي عمك الأكبر
أعلنت غيابك
***********************
بلحظة ميلادك مرسومه.
أيه تفيض بجمر النور
يا تاسع الآلآم الزهره.
وجه وجهك يم عاشور
واصنع تل من خطوة زينب.
لآهاته يون كلب الطور
واوكف (واقرء ما يتيسر )
من أحرف مصحف منحور

محرابك ذاك اصبح خيمه. بدعوة كل ليله
يامن رد يوسف رد الاكبر. يم أمه ليله
لهفتهه بدعواتك تكبر
حته تواسي عمك الأكبر
أعلنت غيابك
*********************
يابو الهادي دولة حزنك
خطت خارطة الاحزان
من شرق دموعك ممتده
وشمالا نحو الصيوان
ويمر من اجنوبك عطشك
يتعذر من العطشان
تتوجه غربا أحلامك.
اتصبها بجف سيد الشبان

لشبل حسين تروح آمالك. تبجي آماله
وبسمات ايامك تتوسد. باحضان رماله
وآمال ايامك تتبعثر
حته تواسي عمك الاكبر
أعلنت غيابك

*************************
لو عمرك كد نوح وأكثر
هم بي تزرع صوت نياح
والواح اجراحك مصنوعه
من ذيج سفينة الجراح
صوت بجرح الواحك يبني
بيت احزان من الالواح
ماذا على من شم ترابك
يالاكبر من جسمك طاح

طيفك ذاب برملة طفك. متعني يمه
وشفاف الأكبر تسمعهن. ينادن يا يمه
وطيفك فوك ضماه تنثر
حته تواسي عمك الأكبر
أعلنت غيابك
***********************
لو نفرض حاضر وي عمك
وتعاينله ابين اعداه
وساقي الموت أتقدم سيفه
وبكأسه الأوفى رواه
بيدك كاس السم نشوفه
تشرب منه وتروي ضماه
خاف يطيح الأكبر كبلك
ابنفس اللحظه اتطيح وياه

دم جبدك خليته بجفك وبسماك توسد
وبمملكة الباري ردد. خذ يا محمد
وناديت انجان تريد أكثر
حته تواسي عمك الاكبر
أعلنت غيابك
***********************
وي السم روحك تتنازع
نتصورهه لذيج الروح
وبسطح همومك جن جبدك
ينثر بترابه المذبوح
وسطحك قطعه منالطف أصبح
بي خدك وسدته بنوح
حته تحس حره وتتخيل
خدك فوك الخده جروح

الكون وهذاالعالم أجمع. بهل الموقف حاير
الله وياك ينادي بحسره. يل عنهه مسافر
مسافر عنهه بجمرة هالحر
حته تواسي عمك الاكبر
أعلنت غيابك

خادم أهل البيت ع
هادي السلامي الكاظمي


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

طيب السمعة يظهر الجمعة
باخر علامة
يشهر حسامة
....
هيجي ونسمع خبر اعلن ظهورة
مهدي الامة وصار كل جيشة يدورة
هالخبر عاجل يجي بين السطورة
ظهر مهديكم يشيعة ياغيورة

هاي البشارة للهوة اخبارة
راسم هيامة
يشهر حسامة
....
يظهر المهدي عالشاشات الحقيقة
ويعلن الثورة باقل من الدقيقة
كل نواصب هالعصر دمهم يريقة
والظلم والجور يتلاشة بطريقة

ساعة يهاجم مايظل ظالم
يركع امامة
يشهر حسامة
....


من علامات الظهور الصيحة نسمع
وبشهر رمضان هاي الصيحة ترفع
قائم الامة ظهر ياعالم اركع
ممبعد هالساعة كل توبة متنفع

ساعة اليظهر كل ظلم يقهر
مهدي الكرامة
يشهر حسامة
....
يظهر المهدي وفقارة بيدة شاهر
وينعلن وقت الظهور بيوم عاشر
يم ستار الكعبة انشوفة ظاهر
يجمع القادة ويصير الثار حاضر

ثارة ماينسة ياخذ بنفسة
ثار اليتامة
يشهر حسامة
....
يالا ثارات السبط ثار الزجية
هذه صرخة تنرفع بالغاضرية
يظهر المهدي وبيديه دمعة رقية
وبيدة جف عباس حماي الحمية

وبيدة ثارات تنهي ماساتة
راعي الزعامة
يشهر حسامة

++++++++++++++++++
الحمدلله رب العالمين
اللهم صل على محمد وال محمد

موسى ااخادم

🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

اقرء الفاتحة وتسهل ... يم ام البنين الحل
عدها كرامه والله يتقبل الداعيها
------------------------------------1
اذا عندك حوائج واصبحت مره
وماضلت وسيله البيها تتبره
ادعي ام البنين بخاطر الزهره
بحق حسين كلها وزينب الحره
----------------------------
ادعي بجاها توسل ... يم ام البنين الحل
دون الحسين اربع بنين الي تضحيها
عدها كرامه والله يتقبل الداعيها
----------------------------------- 2
اذا ناوي بسفر تستوجب النيه
كون الفاتحه للحره مقريه
توصل بالسلامة وتحس مكضيه
من اخطار الطريق الحارسه هيه
------------------------------
لو تاه الدرب تندل ... يم ام البنين الحل
نوصل لهلنه ونشكر الحره ومعاليها
عدها كرامه والله يتقبل الداعيها
------------------------------2
اذا صعبة الحاله وما نفذ حلنه
للباري بدموع الهم توسلنه
بجاه ام البنين تحل مشاكلنه
جربنه الامر شفنه الوضع كلنه
دوم اجاوب اليسال ... يم ام البنين الحل
ترد الجواب الزاكيه للي يناديها
عدها كرامه والله يتقبل الداعيها
------------------------------ 4
خلي نيتك وياها سريه
شكد وادم شفت ما عدها ذريه
دعت ام البنين بدعوه قدسيه
رزقها الله البنين القصص مقريه
------------------------------
شي موجود مايجهل ... يم ام البنين الحل
يوميه بينه يمر خبرنسمع محاجيها
عدها كرامه والله يتقبل الداعيها
-------------------------------- 5
ختاما يالكريمه بجاه ابو اليمه
الي حاجه واجيت بروح مهتمه
اريد الذنبي جاره واطلب الرحمه
غركت بحر مظلم خوف اليِعمه
-----------------------------
روحي شلون تتحمل ... يم ام البنين الحل
منها الشفاعة بالحشر يم الله ناخيها
عدها كرامه والله يتقبل الداعيها
---------------------
خادم خدمة ام البنين
علي الزهيري


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

ان طالت السنين ---- وجار الظالمين بمحبتك وبخدمتك نباهه ياحسين


كلما ترف الرايه فوك الهامات
نستمع صوت حسين يصدح هيهات
ها يالتظن حسين بسيوفك مات
هاك استمع شنهي التكوله الرايات

حبيبي ياحسين ---- فداك ياحسين
صارت عهد من المهد لبيك ياحسين
=========================

كلمن يقدم للمبادئ نحره
تحمله الشعوب بفخر من تذكره
حسين الفخر كله ويزود بفخره
بسمه انتفض كلمن يقوم بثوره

فماله مثيل ------ وكربلا دليل
كلمن نهض بيه انتفض بوجه الظالمين
=========================

دينك صحيح واكدت افكارك
شنهي الحقيقه تكون في منظارك
كلمن رضخ للظلم بالذل شارك
يحسين كلي شكد عظيمه ادوارك

فتارة شهيد ----- وتارة عميد
وتارة عبر المدى تقود الخالدين
=========================

يالناصبي كلي بعدائك شتريد
بالك تظن ننحني لتروح بعيد
احنه شعب لوينذبح رد جديد
حسين انولد بالطف لجن وين ايزيد

فحكمة الزمان --- يندثر الجبان
والثبته من حكمته يعيش الثائرين
=========================

ردت علينه ذيولهم متحزمين
جنهم تناسو حالهم في صفين
طلعلي وكفت شرف لجدادك وين
حتى تجيني اليوم وتعادي حسين

قد هزم الجميع --- بنحره المنيع
فحبه وعشقه يذل الحاقدين


محمد دعبل النوري


https://telegram.me/joinchat/EC4l_kCW7a06aa_Vh0IRkw


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

رافـع ايدي بالدعاء آمنيه عندي ورجاء
المـهدي اشوفه ابكربلاء
ونلتقي بصحن الحسين
__________________________
ابكثر ما مشتاگ اشوفه ادعي ودموعي جرن
وكل خـميس اتمـنه انـي اگـعد ابـاب الصحن
علـى زوار ابـو اليـمه اعيـوني بـس ايــراقبن
بلكـي اتـبرك واشـوف المـنـتظر ابـن الحسن

شوكت يايوم اللقاء آمنيـه عندي ورجاء
المـهدي اشوفه ابكربلاء
ونلتقي بصحن الحسين
______________________
انـه احـس شوگي بـراق الـكربله بـيه عــرج
ويـم ابو الـيمه لساني بذكـر ابـو صالح لـهج
ربــي اللــهــــم عــجــل لــولــيــك الـــفـــرج
كون ازور حسين واسمع گالـو المهـدي خرج

ويدخل بهيئة ضياء آمنيه عندي ورجاء
المـهدي اشوفه ابكربلاء
ونلتقي بصحن الحسين
__________________________
ربي لاتحرمـني مـن حـســين ومن ازيارته
ادري بالمــهدي وجـوده دوم هـوه ابحظرته
عـلى شـباچ ابو اليمـــه بـلكي اسـمع عبرته
بلكي يـتحنن عـليـه واحـظه انــه بـشوفته

رايـد اقـراله عــزاء آمنيه عندي ورجاء
المـهدي اشوفه ابكربلاء
ونلتقي بصحن الحسين
______________________
التقي ويَاه حلمي وشــوگي البروحي كُـبر
وبمخيـلــتي امـامـي شكـثر راسمـله صـور
ليلـة الجـمعه مـؤكــد يجـي المحزوز النحر
هيچ واتوفــق واشوف ابعيني انه المنتظر

اشكثر ابگلبي عناء آمنيه عندي ورجاء
المـهدي اشوفه ابكربلاء
ونلتقي بصحن الحسين
__________________________
ابخاطـري شي ارد اگـله لچن أذانــي الخــجل
ابـشعوري اهواي شايـل خوف يــاربــي أوجل
اشكثر ناديته بحياتي العجـل يالمهدي العجل
خـاف من يظـهر الـغايب انـي لافـيـني الأجل

گـبل ماتـدنه الوفـاء آمنيه عندي ورجاء
المـهدي اشوفه ابكربلاء
ونلتقي بصحن الحسين
______________________
كلشـي بالدنيه اسـئله وصــرت انـه اتـوَسله
المهدي دلـوني ابمكانه ومسـتعد اتعــنـه اله
ابكـربله عـندي قـناعه هـســه هـوه بـكربـله
ابـكثر ميحــب ابـو اليــمه بالمـخيم مــنزله

لچن عايش بالخفاء ** آمنيه عندي ورجاء
المـهدي اشوفه ابكربلاء
ونلتقي بصحن الحسين
______________________
تمت والحمد لله في ٢٣ /١/ ٢٠١٦
حيدر تركي الكربلائي

الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇

https://telegram.me/aabas78

تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

شنهــو زينــب خـويــه بيـكم محتــرگ
بـس دخلتــي إعليَّــه شَمّيــت الحَــرِگ

سـولفيلـي اشصـار يَّختـي ابكـربلـه
شلـون اجيتـوا إبــلا چفيـل العايلـه

خـويـه زينـب .. خـويـه زينـب


گعـدي يمـي وسـولفيلـي اعلـه الجَـره
ليـش هيچـــي امتـــربــــه يَّمخــــدره
حسـين وينـه و اويـن سبــع الگنطـره
احچــي يختــي الـنـار بيــه امـوجَـره

گـولــي شنهــي الصـار بيكـم والحصـل
صدگ راس احسين عن جسمه انفصل

إمـدللـه چنتــي إبــوجــوه إمـدللـه
شلـون اجيتـوا إبـلا چفيـل العايلـه

خـويـه زينـب .. خـويـه زينـب


ويـن اُخــوتــچ گتلـي يـا بـت حَيـدره
وحــدي يَّمحمــــد رجعـــت إمحيـــره
خـويـه عفـت اخـوانـي كلهـم عـالثـره
إبـلايـه روس أو بـس جثـث متــوذره

خـويــه يمحمــد يبــن خيــر العَمَـــل
ابكـربلــه عفـــت الاحبَّـــه و الإهَــــل

لا تنــاشـدنــي يبــن عقـــد الــولـــه
شلـون اجيتـوا إبـلا چفيـل العايلـه

خـويـه زينـب .. خـويـه زينـب


خـويـه مـن گـالـوا اجيتـوا إمنـالسَبـي
والــذيــال إمحَـرگـــه وذيـــچ العبـــي
إعليكــم إگلبـــي إنمُــــرَد يـــا زينبـــي
اشحـال گلـب الزهره والـهـادي النبــي

صدگ جسم حسين خويه اصبح وصل
الجَسَــد حسيتـه مـن روحـي افصَل

بـالــدمــع استقبلــچ لــو بــالـهـلـــه
شلـون اجيتـوا إبـلا چفيـل العايلـه

خـويـه زينـب .. خـويـه زينـب


إي يخـويـه اليـوم إجيـت ابهـالحـــزن
عفـت اخـوتـك عـالثـره اخـذونـي إون
اتـلاثـه ضَلــوا عـالثــره ابــلايــه دَفــن
وتعــرف إبحنيتـي لخـوانــي امنَحِـــن

مـا يلمنــي ابكـافلــي بعـــد الـوكـت
شوف دمعي دَم على حسيني يِّكـت

منهـي مثلـي همـوم هالگـد شـايِّلـه
شلـون اجيتـوا إبـلا چفيـل العايلـه

خـويـه زينـب .. خـويـه زينـب


بيــدچ الكـــاروك إشــوف وحــايــره
ويكسـر الخـاطــر يــزينــب منظـــره
ويــن عبــد الله يخيتـــي الطـاهـــره
السَهَـــم گــالــولـــي نـــام إبمنحــــره

إبيـا ذنــب عبـد الله گليلـي انچتَـل
مــا يِّــرد إگطـــع بعــد منــه الإمَــل

دمعتــچ بگليبــــي زينــب قـاتلــــه
شلـون اجيتـوا إبـلا چفيـل العايلـه

خـويـه زينـب .. خـويـه زينـب


يـا مصيبــه احچيلــك آنـــه امِــرمُــره
وإعلـه عبــد الله وچبـدتــي إمجَمُـــره
خـويــه بـالشـام الـدمـع مـن دَم جَــره
مـاتــت إرقيــه إعلــه راس المَفخَـــره

وبـالحُسـين إلـف وتسعميَّــة جَــرح
جسمـه رَضـوا وإعتلـه راسه الـرمح

تســإل وجبـــت الطـريــق امعَلعِلـه
شلـون اجيتـوا إبـلا چفيـل العايلـه

خـويـه زينـب .. خـويـه زينـب


احچيلي بعـد اعلـه الجــره يَّـم الـوفــه
إسمعــــت للشـــام رحتــــي امچتفــــه
رحتـــي وانتـــي ابهــالعيـــال امكلفـــه
وبحــرگ لخيــام ابـــن هنـــد اشتفــــه

وگالـوا حسين إعتلـه صدره الشمـر
وداست الخيـل ابحوافـرهـا الصـَدر

بـالــدمــع والنــوح طَـرّيتــي الفلــه
شلـون اجيتـوا إبـلا چفيـل العايلـه

خـويـه زينـب .. خـويـه زينـب


عـالنهــر طـاح البطــل راعــي الـعَـلَــم
ونــذبـــح لحســين والحيـــل انهـــدم
مــا كفـاهــم حـرگــوا إعلينــه الخيــم
ابكـربلـه وبـالشـام شفـت اشگـد إلَـــم

وزفـــة الـقـاسـم هــلاهلـهـا الــدمـــع
وعلـي لاكبـر طبـرتــه تحنـي الضلــع

إبـريحـة بالعطـاب اجيـت امحملــه
شلـون إجيتـوا إبـلا چفيـل العايلـه

خـويـه زينـب .. خـويـه زينـب


كريم الحاج فليح

18 / 8 / 2017


الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇

https://telegram.me/aabas78

تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

بحر الكرم والجود___مثله فلا موجود
راح الجواد اليوم
☆☆☆☆☆☆☆☆☆☆☆☆
هالليلة مخسوف الگمر
لمصاب إبن سيد البشر
هذا الجواد أبن الدرر
لمصابه دلالي أنفطر
من أطهر الأصلاب___من أشرف الأنساب
وحده يون ويحوم
راح الجواد اليوم
♧♧♧♧
راح الهنه راح الفرح
هالليلة دلالي أنجرح
لمصيبته دمعي سفح
ظل الجواد أعله السطح
هذا الحزن مريود___والشكوى للمعبود
للخالق القيوم
راح الجواد اليوم
♧♧♧♧
مثل الحسين بوحدته
ثلث تيام بغربته
بالشمس ظلت جثته
وأهل الحميه حضرته
يتقارن بجده___لمن بگه وحده
ونفس الچبد مجسوم
راح الجواد اليوم
♧♧♧♧
تاسع أمام نشاهده
يلوب من الألم وحده
ماواحد حضر ساعده
سمو مثل سم والده
وياهو الذي تسئله___يتبره من چتله
وشتعتب وشتلوم
راح الجواد اليوم
♧♧♧♧
خل نمشي نگصد مسكنه
وعالمتن نعشه أنوزنه
وأنغسله وأنچفنه
وبالكاظميه ندفنه
خلوا النعش يفتر___يم موسى بن جعفر
مسموم ويم مسموم
راح الجواد اليوم
♧♧♧♧
لمصيبته نعلن حداد
وننصب عزه ونلبس سواد
غدروا محمد الجواد
باب الوفه وباب المراد
من الواجب نذكره___وننصب عزه ونقره
نجري دمع ودموم
راح الجواد اليوم
♢♢♢♢♢♢♢♢♢♢♢♢♢
الشاعر (أسعد الگريعاوي)



الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇

https://telegram.me/aabas78

تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

الختمة القرآنيه
سورة هود ص 224

#الرادود_محمد_النوري
#شاركونا_الأجر

بالغالي نشتريك واعلى الجدم نجيك
رغم الظلم نرفع علم لبيك ياحسين

****************************

كل الاطراف تحالفت ترهبنا
لمن دروك حسين مصدر حبنا
نفسه يزيد بكل عصر جربنا
اعله محبتك يحسين من حاربنا
رجعت أحفاده بالقتل تطلبنا
لكن انصدمو من لكو مذهبنا
***************
بالقتل لن يبيد ويحيا من جديد
أرواحنا. ..دمائنا. ..لبيك ياحسين
*************************

يالماخذ اعقول الأمم بعلومك
يحسين ماكو يوم أشد من يومك
كل الطغات تحيرت وخصومك
أنت اليموت الموت في مفهومك
صوت الحقيقه اعله المظالم دومك

****************
فحار الظالمين بمنهج رصين
صوت الدما. .صوت الولا. ..لبيك ياحسين
****************************

ياثوره من رب العرش عنوانك
ياجمره تسعر بالقلب نيرانك
إنت الشجاعه الصامده بميدانك
يحسين منك ترتجف عدوانك
ربك رفع يوم المواقف شأنك
يالقدمت أهلك واعز إخوانك
****************
هزمت الظالمين بالدم ياحسين
وقد علا. ..صوت الدما. ..لبيك ياحسين
*************************

لو تجري فوك الارض حمره دمانه
لا مايهم مادام عالي الوانا
نهواك بالذر وانت هم تهوانا
رب العرش أحباب إلك رادانا
مادام مثل الروح إنت ويانا
كل يوم خلي يموتونه اعدانا
***************
أن كان في الصمود أو كان في الخلود
ندائنا ...شعارنا. .... لبيك ياحسين
*************************

يالماخذ اعقول الأمم بأفكارك
تحيرت كل الدنيا من انصارك
من كل كتر طلعت تحج انصارك
ضحت بكل شي حتى توصل دارك
والنصب موكب بالعزاء وشارك
والوكف يخدم بالشرف زوارك
******************
فاعلنو النفير. ...وقررو المسير
نحو العلى لكربلا لبيك ياحسين
*************************

محمد دعبل النوري


قناة قصيدة كربلاء / / قصائد محمد دعبل النوري
https://telegram.me/joinchat/EC4l_kCW7a06aa_Vh0IRkw


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

(من قصائد الأمام الجواد ع)

ضامي الطفوف وغربته
فكري انشغل بمصيبته
مااگدر انساه
وعندك يبو الهادي حضرت
بمصابك حسين اذكرت
بالحسره والاه
~~~~~~~~~~~~~
أمك انه الحزينه جيتك منالمدينه
تعنيت الك محنيه من ثگل المصيبه
يوليدي الله يعلم دمعي جريته من دم
من شفت جدك ياوسف جثته سليبه
والكربله اعتنيته فوگ الترب لگيته
شحال الحبيب الينظر المصرع حبيبه
تمنيت اداوي جرحه ودم جبهته امسحه
ضلعي لچمني وگلبي ما بطل نحيبه

صد ياجواد الحالتي
ضليت أنادي بلوعتي
اياحسيناه
وعندك يبوالهادي حضرت
بمصابك حسين اذكرت
بالحسره والاه
~~~~~~~~~~~~~~
اسمع يغالي نوحي بالطف عفتها روحي
من عاشر محرم تحوم أبين الاحباب
حسين حضرت طفوفه بياحاله جن اشوفه
مغسل بدمه والجفن صار من التراب
الگاع انضرته جمعت دمه السمائه رفعت
ياربي خذ هاذي الدماء الصارت خضاب
بلا رأس اثاري جثته عالرمح رأسه شفته
مصاب الغريب بگلبي يبقه اصعب مصاب

ما أنسه يومه للأبد
حزنه بدليلي مابرد
للمحشر انعاه
وعندك يبوالهادي حضرت
بمصابك حسين اذكرت
بالحسره والاه
~~~~~~~~~~~~~~~
مانشف يجري دمعي يوليدي هذا طبعي
كل واحد من أولادي احضرله بمماته
وكل واحد بنيني. بكلبي ترك ونيني
اليوم القيامه احضر بموعد وفاته
بحزني أنظر اعله گبره بنوحي وحنيني اقره
مقتل حسين بكربله وكل نايباته
يالوعة المصايب جم غالي عندي غايب
ومثل الولد للأم أبد ماكو بغلاته

جم غالي عندي نايحه
واعليه قريت الفاتحه
ابچي اعله مثواه
وعندك يبوالهادي حضرت
بمصابك حسين اذكرت
بالحسره والاه
~~~~~~~~~~~~~
شبل الرضا يغالي جيتك بهذا حالي
سم چبدك بچبدي سره واحضرت يمك
سهم الغدر رماني برميته ما خطاني
مهمومه جيت وزاد فوگ همومي همك
بهذا العمر غيابك. وسفه انختم شبابك
وام الفضل هذا غدرها وشهد سمك
يومك انه حضرته. ويوم السبط ذكرته
لمن شفت فوگ الثره مطروح جسمك

يالجددت كسر الضلع
گلبي بمصابك منفجع.
ما أنسه ذكراه
وعندك يبوالهادي حضرت
بمصابك حسين اذكرت
بالحسره والاه
~~~~~~~~~~~~~~
يالگطعوا دليلك. كل عام انه اعتنيلك
للكاظميه المأتمك وبثوب الحداد
استشهادك من أذكره الگبرك اجي وانظره
بدمع اليصب يبن الرضا ولهفة الوفاد
زوارك انتظرهم. لا ما يضيع أجرهم
الگصدوا الك يوليدي من كل هاي العباد
وبمرقدك اتاني. ضيف الذي اجاني
وينادي جيت بدمعتي ياباب المراد

ضيف اليجيك الحضرتك
يوليدي يذكر غربتك
انعاك وياه
وعندك يبوالهادي حضرت
بمصابك حسين اذكرت
بالحسره والاه
~~~~~~~~~~~~~~~~~~~~~

خادم أهل البيت ع
الشاعر زيد الكاظمي


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

#قصائد_محرم_١٤٣٩ (200)
#قصائد_علي_الاكبر_عليه_السلام


شجون ليلى


صحت يوليدي يالاكبر.. يمن وجهك كَمر يزهر
اذا عني غبت يبني
اعيشن لحظه ما اكَدر
>>1<<
علي يبني .. و أمل ماضي سنيني البيـك جنت احلم
صرت إنــته .. وحلم عمري .. وي طلة هلالك تم
اشوفك يا .. علي ارتاح .. لجروحي صرت بلسم
ينور العين .. ماضنيت .. اشوفك عالثره امخذم
ابد ما چانت ابّالي ... يكل احلامي وآمالي
كَمر وجهك يّدلالي
اشوفه اعله الثره امعفر
>>2<<
يماي العين .. عيني جف .. دمعهه وبالصدر ونه
ودلّالي .. يَدلّالي .. تِكَـــف نبضاته يتمــّنه
حال امك .. يبعد امك .. اذا ما ناشدت عنه
شجره و فرگتك منشار .. بغصاني يحد سنه
علي يا ماي يرويني ... تعال وليدي وسكَيني
بحنانك يبني داويني
يبعد امك لتتعذر
>>3<<
اصد يبني .. لَــوجهِ احسين .. اشوفن ثغره الباسم
و يطمِنّـــي .. لأن مِنـّه .. اعرفك يالولد سالم
لاجن راحت البسمه .. من صد ليك ابن غانم
وشفت احسين يوليدي لهـروش الگلُب لازم
دعيت الله بكَلب جمره ... يرب سَهِّل علي امره
وإلي ردّكْ إلي ابنصره
عِدت حملة علي حيدر
>>4<<
إنغمه اعليّه .. يمنوايه .. لمـّن خـُلـصتِ الدعوه
وصِحيتِ امن السهه ولنّك يبني بحضني ياسلوه
شفت نورك .. علي يبني .. لخيام الحرم ضوه
يه شِبْهِ المصطفه بكل شي غيره و مرحمه و نخوه
شكرت الباري وظنوني .. تظل يا شمعة اعيوني
بطبرتك تالي فجعوني
شفت كل جسمك موذر
>>5<<
حلم عمري .. و أمل روحي .. انهدمن من شفت دمك
ودمع عيني .. و صده ونيني ..ظلن يا علي يمك
ضاعن يا علي ضاعن سنين اربايه وآنه امك
ماصدگ يبعد الروح گبر ابكربله ضمك
تِمَنّيت آنه مذبوحه .. وعلى التربان مطروحه
فديتك كَلبي و جروحه
يماي اعيوني يَمشَكّــَر

زكي الياسري النجفي


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

هاي آختك گوم
أجت ما بين الگوم
وسط هالبر آتحوم....تدوّر جسمك

أجت كاتلهه النوح
أجت تمشي بلا روح
عدل لو لا مذبوح....عليك بأمك

ثار الله حسين أبن علي
وجه الله حسين أبن علي
ــــــــــــــــــ
تصيح وماكو آمعين
منو يدليني حسين
جبتله ماي العين....منو يوديني

بعد ما ضلّي راي
الجثث يبن آمّي هواي
يمن ما ضگت الماي....يَخَي حاچیني

ثار الله حسين أبن علي
وجه الله حسين أبن علي
ــــــــــــــــــ
رغم هالحاله ألگاك
أنَه آختك ما أنساك
أعرفك من آدماك....وعطر الخوه

رغم هالخيل والنار
جثث عالگاع طشّار
أعرفك بيك آثار....معاني حلوه

ثار الله حسين أبن علي
وجه الله حسين أبن علي
ــــــــــــــــــ
رغم للخيل ميدان
أعرفك بيك نيشان
يخي بس آنته عريان....سليبه آهدومك

يخي ومشيت بدروب
شفت چم شاب مصيوب
شفت بس انته مگلوب....تصب آدمومك

ثار الله حسين أبن علي
وجه الله حسين أبن علي
ـــــــــــــــــ
للشاعر حسين الخرساني


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

#قصائد_محرم_١٤٣٩ (201)
#للهلال


لسان حال العقیله سلام الله علیها
**********
یـا محـرم مـن تهــل
تنفجع طفله و طفــل
اذکـر ابـدور الهواشـم
واهلـی الراحـوا چتـل

یهـلال..لتهل علینه
یهـلال..نذکر سبینه
_____________
آنه ام الحـزن زینـب بـت علـی حامی الحمــه
عمری گضّیته ابمآسی و للجروح امحزّمــه
امصایـب المـرّت علیـه بچّـت املاک السمــه
من بگیت ابلایه والی و الاطفال امیتّمــه

آه یـا شهــر الجــروح
ابطلعتک شوفی یـروح
لا تـذکّـرنی ابعـذابـی
یا محــرم مالـی روح

یهـلال..لتهل علینه
یهـلال..نذکرسبینه
____________
آه یـا چافـل ظعنّــه من طلــع للمشرعــه
طاح یم النهر مرمی ابعینه سهم الفاجعــه
من تعنّه حسیـن شافه اچفوف منه امگطّعــه
ابیا گلـب ودّع عضیده و شاف جثتـه اموزّعـه

آه یـا شهــــر الکــدر
ویلی مـن طـاح الگمــر
ضاع خدری اخلاف عینه
و ظهـر الحسیـن انکسر

یهـلال..لتهل علینه
یهـلال..نذکر سبینه
__________
آه یا شبـل ابوالیمـه و طیحتــه فوگ التــرب
الرجعتـه رفعت ادیهه امه تدعي و تنتحــب
من رجـع عطشان ابنهه وگصـد للحومه یطــب
ودّعه حسیـن و یشوفه ایلـوج چبده و یلتهـب

صـاح ابوالیمـه ابحـزن
آه یــــوداع الابــن
طـاح عالغبـره و تــوذّر
جسـم الاکبـر منطعـن

یهـلال..لتهل علینه
یهـلال..نذکر سبینه
_________
آه یا بـدر الهواشم من طلع مثل البــدر
للحرب رمله تودعـه و بالمخیّم تنتظــر
عاف عرسـه و ما تهنّـه ضحّـه نفسه و یفتخــر
مایعـز روحه اعله عمه ویفـدی لحسین العمــر

جاسـم ابعرسـه انذبـح
گلب الحسیـن انجـرح
زفّتــه نـوح و بـواچـی
و طفّـوا اشمـوع الفرح

یهـلال..لتهل علینه
یهـلال..نذکر سبینه
________
آه یمصیبـَـة ولینــه و ذبحِتـه ابّین الملــه
من طلع و الطفل بیده حسیـن یطلب مای الــه
ماشرب گطـرة امیّه و گطع نحره حرملــه
هوّنت کل المصایب هالمصیبـه ابکربلــه

آه یـا نحــر الرضیـــع
جسم الحسین الصریـع
ابلاذنب عبـدالله مـرمی
صعبه و المنظـر فظیـع

یهـلال..لتهل علینه
یهـلال..نذکرسبینه
__________
آه یا لیلـة العاشـر من بگینه ابلا ولــي
الگوم حرگوا کل خیمنه و مافـزع واحد الــي
وین جاسم وین الاکبر وین کافل محملــي
کلهه نومـه عالوطیـه و الحرایـر تنولــي

آه یـا حـرگ الخیـــم
للیسر تمشـی الحـرم
وین ابوالیمه عضیدی
و ویـن شیـّال العلـم

یهـلال..لتهل علینه
یهـلال..نذکرسبینه
________________
بقلم الرادود یعقوب البوغبیـش


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

الشاعر ابو مريم الاسدي:
زينب عليها السلام
....................
راح اسولف والدمع حار وجواني
....................
اول احجايه ويه شمسي .. ماكسر كلبج دحسي ..
وانه احس مذوبحه نفسي..وعالترب سالت دماهه
ياشمس نار الحراره .. وشكثر عندج جساره..
حركتي اخويه وباحتضاره .. وشفته اتحاجي سماهه
مدري منج آنه اشكي لو زماني
راح اسولف والدمع حار وجواني
..................
وياكمر بالك اشوفك .. بالسمه وتمد جفوفك..
آنه اكطعهن واعوفك .. بس كمر واحد اعرفه
انطه عينه وجف شهامه..ريحه بي فقره ويتامه
خله هامه ودم علامه .. لكل محب لو دمعه ترفه
وياهه حزني عالشريعه وكل حناني
راح اسولف والدمع حار وجواني
..................
ياتراب الطف حريمه .. فوكك انهضمت يتيمه..
والشمر جفه لئيمه .. وسوطه مايرحم زغرهه
هجت اتريد البريه .. وسفه يسبوهه رقيه..
والحبل بيهه وبيديه .. تمشي جن تمشي الكبرهه
بصدري اضمهه لو شمر سوطه اجاني
راح اسولف والدمع حار وجواني
.................
جروحك بايدي واثرهه .. ياحبل من كد عصرهه
وآنه زينب وسفه جرهه .. خيطك وصارت سبيه
اسبيني بس عوف اليتامه .. ارهيف اكليب الحمامه..
تدري ماظلت عمامه .. بهيده من اتجر رقيه
جم سهم قوسك يصوبني ورماني
راح اسولف والدمع حار وجواني
.................
ياهزل هونج علينه .. نصعد امجتفه ايدينه
بهيده لو عنهم مشينه..عله النحر ريحيني مري
عندي حزن بكلبي اطلعه .. حتى اخويه اهنانه اودعه
بلجي ونه بي واسمعه .. واشتري بهاللحظه عمري
امشي آنه يبكه بمهم كل كياني
راح اسولف والدمع حار وجواني
................
أبو مريم الاسدي



الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇

https://telegram.me/aabas78

تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

نزله لحن لؤي البغدادي (هاي الوصيه) ***************************** حره وأبيه بالغاضريه من عندهذا الصوت بالغاضريه ***************************** اليوم ودتله رساله بت علي حامي الحمه أرد اخبرك بيها بويه حسين مات من الضمه ريت حاضربيها بويه تشوف هاي الملحمه كربله العباس حاضر وشاف حرك مخيمه سلم عليه بالغاضـــــــــريه احميلي هالاطفال بالغاضـــــــــريه ***************************** من سمعها الكمـــر ناده وصاح يازينب بعد الماي يمج راح اجيبه وهذا من عندي وعد نادتـــه الحره وتكله رد عليهـــم خــويه رد كلها عدعـينج يزينب وللحرب راح استعــد كاتب وصيه بالغاضـــــــــــــــريه من بعدي ياهو الظال بالغاضـــــــــــريــه ***************************** خويه يازينب اخبرج ليل الموادع صعب ياهي مثل الحره زينب تمشي بهذا الدرب خويه اعذريني يزينب بعد مايسوه العتب خويه اخبرك بالجرالي اعداك مشوني غصب ضيم واذيه بالغاضــــــــــريه بعدك منو الكفال بالغاضــــــــــريه
خويه لوتنخاني اختك روحي الك انطيها وسفه امشي بهل القوافل والشمر حاديها كوم وارجـــــــع ليـــه خويه وؤايتك عليها اخــتك ومسـبــيــــه ضلت وسفه ياواليــها صبرك عليه بالغاضــــــريه ضربوني الانذال بالغاضـــــريه ***************************** والله اصعب لحضه عندي بيها ماتوا اخوتي اليوم للباري يبــــويه راح اقــدم شــكوتــــي واوكف على التل ونادي مني راحت ضنوتي اصعب مصــيبــه عليه بيوم حركوا خيمتــــي انصب عزيه بالغاضـــــــــــــريه مشدوهت البال بالغاضـــــــــــــريه ***************************** اليوم ارد اذكر مصيبه مرت بها النسوان شاهــدت طفله يتيــمه تلتهمها الــــــنيران موقـفي بالشام هذا زينب انه ام الاحـــزان اليوم محتاره يبويه واحتارت وياي الاكوان شفت المنيه بالغاضـــــــــــريه ومتغير الحال بالغاضــــــــــــريه ***************************** اصعب الحالات عندي من شفت دمعه رقيه بعــدمـــايلتـــم شملنا وترجع الكعـــده سويـه وانه كل مجلس احضره بويه تحضرني المنيه من دخلت المجلس انه عني كالو خارجيه وضربوها اديه بالغاضـــــــــــريه عدوانك العذال يالغاضــــــــــــريه


الشاعر عماد الدراجي


الناشر عباس التميمي:
قصائد حسينيه مكتوب

{{ مـدفـن الـعـقـيـلـه }}
ـــ ـــ ـــ ـــ ـــ ـــ ـــ ـــ ـــ ـــ ـــ

لـو غـمـضـت أعـيـونـي ومـتـت
يــــم الــنــهـــــر گــبــــري ردت

أتــغـســـل بــفـيــض الــدمـــــه
ولا بــعــد أبــو فـاضـل عـشــت

والــچــفـــن رايـــــة كــافــلـــي
والــغُـســـل دمــعــات الـتـكــت

بــخّــو الــگـبــر مـن جــربـتـــه
مـنـهــه الــعـذب لا مـا ضـگــت

گــولــولــه هـــاي أم الــخــــدر
بـلـچــي أعـلـه زيـنـب يـلتـفـت

يـگـعـدلــي وأحـچـيـلـه الـجـره
لـمّــن وگــع شــنـهــي الـشـفـت

ويــشـاهـد أمــتـونـي شــغــدت
هــذا الــيــطـگ ذاكــه الـيـعــت

وأشــكــيـلـــــه آلام الــيــســـــر
فــي غــربــتــي لــمّــن رحــــت

يـالــعـفــتـــو زيـنـب للــهــظـــم
بـالـونّــــه والـدمــعـــه صـحــت

تــنـهــــاب گــلــولـــــي مــتـــى
مـــن دون خـــــوّان الأخــــــت

ـــــ ـــ ـــ ـــــ ـــ ـــ ـــــ ـــ ـــ ـــــ ـــ ـــ ـــــ ـــ ـــ
الـشـاعـر
سـيــد عــلاء الـحـيّــدري



الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇

https://telegram.me/aabas78

تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

أنه دمعه اعلى النهر طاحت يعباس
خويه خلاني الدهر بس كطع الاتفاس
خويه رافع هامتك....يالمشيت لحومتك
خويه من ذكراك ظلت غيره و إحساس
*************************
عالنهر ماطاحت دموع اليتامى
عالنهر غيره ترى وطاحت كرامه
عالنهر مو حسره طاحت لو ندامه
عالنهر طاحت ترى كل الشهامه
**********
هناك ظلت عالنهر روحي تحاجيك
يالمشيت وروحي خويه تعلكت بيك

انه نخوه بلامتك. ...يالمشيت لحومتك
خويه من ذكراك ضلت غيره واحساس
*************************
شفت يم الرايه حيره وحسرة أيتام
جانو ينطرون فرحه وصارت آلام
جانو ينطرون عمهم بيده الأحلام
بيده كل النهر جابه اشكد عطش ضام
***********
هناك ظلت عالنهر أحلام الاطفال
اشكثر يم الرايه نزفت لهفه وآمال

دمع تنزف جربتك. ..يالمشيت لحومتك
خويه من ذكراك ظلت غيره و إحساس
*************************
من مشيتو ومن بقيت اني وحيده
توجهت صوب الغري لحيدر اريده
بويه زينبكم بقت وسفه وحيده
مدللاتك اسروهن يالصميده
**********
ماتهون عليك زينب ياوليها
خويه ياعباس أختك تدري بيها

امعلمه اعلى مروتك. ...يالمشيت لحومتك
خويه من ذكراك ظلت غيره و إحساس
*************************
تدري ياعباس زينب حره تدري
شلون تتركني وحيده بحيرة أمري
خويه دمعي سكته ياعباس يجري
أنت عالغبره صريع وضعني يسري
**********
خويه يابا الفضل أمري وياكم احتار
نار بخيامي عفتها وبالقلب نار

من اصد لرايتك. ...يالمشيت لحومتك
خويه من ذكراك ظلت غيره و إحساس
*************************
روحي عثرت يمك بشاطي المنايا
وكل الارواح المشت خويه ورايه
تنزل الرايات كلها وتبقى رايه
فقط رايه بجفك اتروي الضمايه
**********
راية العباس صارت منبع الجود
الباع روحه ومارضى بلاماي ويعود

شرف كانت وكفتك. ...يالمشيت لحومتك
خويه من ذكراك ظلت غيره و إحساس
*************************

محمد دعبل النوري
قناة قصيدة كربلاء / / قصائد محمد دعبل النوري
https://telegram.me/joinchat/EC4l_kCW7a06aa_Vh0IRkw


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

قصـــیدة رثــاء؛؛؛
((عنوان القصیده منظر ألم ))

وقوف السیده رقیه عند مصرع
ابیها الحسین علیه السلام ؛؛؛

ریـت تسـمع صرخــتی لَمـّـن صحـت
بویه ضربونی علی اعیونی و طحت

ابعـینی هَلمـنـظر الک ما ینـرسم
شفت راسک منـعـزل عن الجسم
(اتیتمـت من الزغـر)(یصعب اعلیه العمر)

۞۞۞ ۞۞۞

رُقیه بتک جیت اخبرک واجهت کل الخطر
و أشـرح السـادی علیه و أرد ابّـین لک خبر
آه یحسـین ابغـیـابک نـار بضلوعی اسـتعـر
بویه طـرّ فجـر المصایب خَیَم ابگلبی القهر

اِمهَروله و ماتدری چم مره اوگعت
صحـت بویه حسـین یمک نـوخت
( عِفت صیوان الاهل)(و انه یتبعنی الاجل)

۞۞۞ ۞۞۞

جیت چن طیر الوصالک جیت مکسورة جِنِح
من وصلت الحومه شفتک یا خَضیب المِنجِرح
طبره وی طَبره اعلی جرحک شفته دمک مِنسِفِح
نوخیـت انه ارد ابـوسـک لچـن راسک مِـنـذِبح

طفـلـه ما اَتحَمل اِبحرگـه اصـرخـت
ابحـین راسک منـذبـح بـویه شـفـت
(یاهو شـیبک خَضـَّبه)(منـهـو گلبک صَـوَبّـه)

۞۞۞ ۞۞۞

اتکاثـر ابگلبی المـئاسی بدمعـتی ونار الحزن
و المصابک بویه صدگ حگی إِذا عگلی یجن
بویه إِنه ابنـیتک رقیه وضمنی ابهاذ الحضن
موحشه ابین الأعادی حایره ابروحی امتحن

بویه خل اشـتم عـطر حضـنک ردت
لَــن رحـت مـنــی عـَلَی مــا عــَوَدِت
(اگعد امسح دمعتی)(إتعَطَّف انتی الحالتی)

۞۞۞ ۞۞۞

انظر اجروحک یغالی و انه احس بیه الألم
یا ذبیح ارتفع راسک جرحک ابگلبی اِنرِسَم
کون مذبوحه ابمکانک و انه صَوَبنی السَهَم
صرت مرعوبه واشاوط وانظر الحَرگ الخِیم

نوب امشی ونوب اطیح وشاوطت
ونوب راسی إِبحرگه علگاع اضربت
(جسمک امعَفر دمه)(ماله والی ولا حمه)

۞۞۞ ۞۞۞

بویـه ما خلونی یمک فـزعت اخیول الأجل
إمحَزِّمه الصَدرَک یظامی اتدوسک اترید ابعجل
بلشمـس واگع ضحیه و گلبی لمصابک ذِهَل
و علـرمح مرفـوع راسک و انته تنظر للأهل

من نَـظُرتک بـویـه والله اتعـذبـت
الـک هلـمــنـظــر أبـد ما حـَسـَبّـت
(اوداعة الله یلأبی )(اخلافک انطگ بلسبی)

۞۞۞ ۞۞۞

تمـــت بعـــون الله تعـــالی ....
کلمات خادم الامام الحسین ع ؛؛
سـید محـمد المـوســوی(جزیره مینو)


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

بين السيده الحوراء. ع .ونهر العلقمي

ضامي شفتك يانهر
ترتوي بجف الكمر
والعجب كل العجب ....... يسري بامواجك لهب
ترتوي بجف الكمر
.........................................................
بدمعتي اتعنيت الك يل علكمي
وشفت ابو الغيره اعله مايك يرتمي
وشفتك بجود العطاشه الهاشمي
ترتوي بجف الكفاله وتحتمي
لوله سبع الكنطره .... انت ميت عالثره
حاربتنه ابلاسبب ... يسري بامواجك لهب
ترتوي بجف الكمر
.........................................................
شلون روعت الرضيع المنذبح
ولاسگيته بگطره من مايك تصح
شلون ترضه اعله الطفل عذبك يشح
ومثل سهم البين تترك بيه جرح
شلون نبلة حرمله ..... تروي نحره بكربله
اشكثربالخيمه انتحب .... تسري بامواجك لهب
ترتوي بجف الكمر
....................................................
انت جرحك مايطيب ويندمل
لان فعلك يانهر ماينعقل
روعت بخيامي جم طفله وطفل
نارك ونار الخيم نفس الفعل
بيك يحتار الوصف ... انت ماتملك عطف
كل طفل صاح وندَب ..... تسري بامواجك لهب
ترتوي بجف الكمر
.......................................................
بعذب مايك ترتوي اوحوش الفله
ومارويت اعيال بت خير المله
تدري ضامي حسين طاح بكربله
يروي نيران الضمه بدم مقتله
يجري زمزم منحره ..... ودمه يرسم عالثره
جلمة احساس وعتب .... يسري بامواجك لهب
ترتوي بجف الكمر
.........................................................
ماشرب مايك شبيه المصطفه
وتالي بالدم جمر بركانه انطفه
الدنيه عالاكبر بجت متأسفه
من ندب يبن الرسول بعاطفه
بويه تسعر جمرتي...... العطش ذوب جبدتي
ضامي منك ماشرب ... تسري بامواجك لهب
ترتوي بجف الكمر

سيد علاء الموسوي


🌹اسم القناة واسم الشاعر ذمه لمن ينقل للگروبات 🌹

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


اشترك قصائد جميع الشعراء👈@aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد قصائد مواليد وأفراح اهل البيت اضغط هنا وشوف 👇👇👇👇👇👇

_https://t.me/joinchat/AAAAAEFVSMd2pvMFlLPXYg
تريد كروب للقصائد الحسينيه وألحان منبريه مختلط اضغط هنا 👇👇👇
https://t.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747