نزلة عزاء لمولاتي العليلة عليها السلام

وداعا. ودعتني من رحت
وداعا. من گلتها شيبت
==========
حظرت روحي يبويه ارد اروح بسفرتك
ياللي رايح ماتردلي علم عندي بروحتك
حسرة وداع بدليلي بويه تشبه حسرتك
لاتعذبني دخيلك موتتني دمعتك

يبويه. راح كلشي وايست
وداعا. من گلتها شيبت
==========
ياللي عايفلك عليله وانت يابويه الدوه
بدار وحشة بلا اهلها وخذت وياك الضوه
فراك وجهك عطشاني وشح على انفاسي الهوه
شكد ركضت وماشفتني والدرب جنه انطوه

وراكم. ياحسين شگد صحت
وداعا. من گلتها شيبت
==========
بوجهي مرسومه المصيبة وانرسم لون الالم
وجمر گلبي من عفتني فاق جمرات الخيم
هموم روحي بروحي نبتت تشبه مثلث سهم
ساتر امالي البنيته بروحتك بويه انهدم

يغالي. بويه والله تعذبت
وداعا. من گلتها شيبت
==========
شمس روحي من عفتني غابت وغاب الصبح
وليل حزني مارحمني وعاشراني جم جرح
اتعب ومن تعبي انامن واحلم بنحرك رمح
والحقيقة ابالي اشوفك بويه بالطف منذبح

بغيابك. والله حيل تلوعت
وداعا. من گلتها شيبت
=========
كلشي متغير يبويه الكون وانجوم السمه
ليش حته الليل اشوفه احمر بلون الدمه
والنهار بعيني ظلمة الدنيا كلها مظلمه
خطف وجهي النوح بويه والله يابن فاطمة

اكابر وبعباتي اتعثرت
وداعا. من گلتها شيب
==========
الشاعر علي النائلي


https://telegram.me/aabas78
قصائد لكل ايام محرم اشترك بالقناة

عليله وبالغرب دمعاتي تجري
عليله ابلا ذبح مذبوح نحري

عيني وگلبي اعلباب !!!!!!! اناطر جيت الاحباب
&&&&&&&&&&&&&&&&&&&&&&&&&&&&&&&&&&

ويه احساسي اسولف ونشد المار
بلجن عن ضعنكم سامع اخبار
موگد جمر گلبي للحزن صار
عليله والدمع يوميه خطار

عليله وطول افراگ الغوالي
ودموع وسهر ويه الليالي

انحب والگلب شاب !!!!!!!!!! ،، عيني وگلبي اعلباب
&&&&&&&&&&&&&&&&&&&&&&&&&&&&&&&&&&

حتى الطير انشده من يمرلي
سلامي وياك اگله وصله لأهلي
نار افراكهم  نص روحي تغلي
بعد بالدنيا عگب اخواني شلي

كل مغرب دمعهه عيوني هامل
وتنطر يمر ساعي الرسايل

ونشد بالهوى الهاب!!!!!!!!!!!! ،، عيني وگلبي اعلباب
&&&&&&&&&&&&&&&&&&&&&&&&&&&&&&&&&&

ابچي وعلدرب مشبوحه عيني
واتاني الأكبر واحسب يجيني
اونن والصخر ذاب بونيني
احن وشوگي لاخواني وحنيني

شيصبر دليله الظل يناطر
يتأمل يلاگي احبابه باجر

يجهل كل  الأسباب !!!!!!!!! عيني وگلبي اعلباب
&&&&&&&&&&&&&&&&&&&&&&&&&&&&&&&&&&

ماهمني المرض هموني اخوتي
يرد خالي من اصيحن ليه صوتي
گمت ادعي ابصلاتي وبقنوتي
اخذ ياربي عمري  وگربه وموتي

مايحله العمر  دون النحبهم
تظل العين تتربى. لدربهم

لكلشي ايحسب احساب!!!!!!!! ،، عيني وگلبي اعلباب
&&&&&&&&&&&&&&&&&&&&&&&&&&&&&&&&&&

اسولف يا مصيبه وبيهه أبدي
بقت بس ذكريات احبابي عندي
أتاني والدمع جارحلي خدي
عگب ذاك الشمل خلوني وحدي

وحدي وبدمع كل مغربيه
ادعي ربي  تاخذني  المنيه

ادعي وگلبي منصاب ،!!!!!!!!!! ، عيني وگلبي اعلباب
&&&&&&&&&&&&&&&&&&&&&&&&&&&&&&&&&&

اونن والدمع من دم اهله
العليل اشلون يبقى ابلايه اهله
بعد بالدنيا عگب إخوانه شله
سؤالي يصعب ومحد يحله

اليتمرض تظل احبابه يمه
يحن ساعة لخوته وساعه لمه

ويهل دمع العتاب !!!!!!!!! ، عيني وگلبي اعلباب
==========================
الشاعر احسان الحميداوي

https://telegram.me/aabas78
قصائد لكل ايام محرم اشترك بالقناة

فرحانه و أحـضر بالدوه و ثياب الحسين
ويحاچي عمامي منكسر ودموعه بالعين
ايگلهم باقيـه هنــانه هنــانه
ما نــاخِـــذها ويـــانه ويـــانه
__
شِلَـتْ حيلي ... اسهَرِت ليلي
صلاة الليل أبوي بـ حِجـــرتي صـلّـه
بـ ألَم مَخــفي ... يـلِم چَــفي
حِجابي و شِلتَه ويه اگماط عبد الله

بضوه وَجها والدي اتوضيت
الراح لو لحظه اله اشتاگيت
الأبو ضحكت عافيه لـ الروح
و بوجـــوده يا حـــلاة البيت

تعبانه واحس بــروحي ماكو حيل بيه
لكن أصحه لو بس والدي يباوع عليه
گتله جروحي فرحانه فرحانه
ما نــاخِــــذها ويـــانه ويـــانه
____
أدورهن ... و احضرهن
عصه السجاد بيدي و الدوه امحَضره
ولا اتعب ... أجي لزينب
و أگلــها خلّي يمي سِبـــحة الزهـــره

امســـافره و لا ما گلت لا وين
و الهــــوادج اخـوتي امحضرين
و البـــنات تــگــول الي شلونج
بخير ما دام اني اشوف حسين

وحده تگلي اصبري و تبچي ما ادري شبلاها
و الشبگــتني ذيـــج و رايــحه الدمعــه وراها
فلانــه تحاچي بفلانه فـــلانه
ما نــاخِـــذها ويـــانه ويـــانه
____
نِخــليــها ... مَــرض بــيــها
سِمعت واجه حسين و يمسح اعله الراس
عِشِت صَدمه ... و نِده يُمه
عنــدج هاي امــانه ابنيـــتـــي يـم عـــــباس

حچايه بيها كلشي بيّــه بان
واعرفتها بدمــعــة الخوان
أنه مقصوده و گلت يمكن
والدي بـــس لا عَلَي زعلان

مو قصة مرض ادري السفر يراد اله حيل
گتله عالاقل اخذوني لو بس اسرج الخيل
گال لـ عــمي تعبــانه تعبـانه
ما نــاخِـــذها ويـــانه ويـــانه
___
بدمع هامل ... يبو فاضل
صحت معــقوله بــتكم تبقه وحـدها
تره هـــيّه ... البــنــيّـــــه
الـف مـــوته تــــمـــوت ابلايه والدها

گِــله لا يتـــركني و يـسـافر
افراگه أكبر كسره للخاطر
حضنه بس يروح من عندي
يعني راح يصـــير لـ الحـافر

الموت بكـــربله ينـتظره خلّه يحن عليه
ريت ايگلي صعدي فاطمه بمحمل رقيه
بس تسولف احضانه احضانه
مـا نــاخِـــذها ويـــانه ويـــانه
_
بقت روحي ... مع جروحي
تعاين علىٰ الضعن يگطع فــيافـي البــر
على حسيني ... بقت عيني
و بقـــيت اقـــراله الله يسلم المــنــحر

من مِسح راسي ولاني الويل
و صدگ هسه ما بگالي حيل
يعـني راح انتـــظره بس ادري
تِنــتظر صـــدره ابويه الخيـل

طارش دمعتي يسمع خبر ظعنه وحچوها
يا نــاس العــليله بكـــربله ذبحــــوا ابوها
الگال بفرگته انه ميــــته انه
ما نــاخِـــذها ويـــانه ويـــانه

الشاعر حاتم صبري الكاظمي


https://telegram.me/aabas78
قصائد لكل ايام محرم اشترك بالقناة

فارگوني ** اهلي واحبابي وخواتي
ودعوني ** راحت وياهم حيــــاتي
ياهو البعد يبرالي ** والعله شلت حالي
****
فاطمه اّنّه العليلـــــــــــه انعه وحدي
ما بگه واحـــــــــد الي من اهل ودي
عيوني شافت هالضعن باحزانه يحدي
گلبي صاح بلوعته يحـــــــبابي ردي
وسفه راحت ** غابت اقمار الهواشم
روحي ناحت ** من مشه ضعن الفواطم
بالفرگه طگ دلالي ** والعله شلت حالي
***
شنهي حال الطــفله لو فگدت اهلهه
بالسفر ضاع الفرح منهه وامـــــلهه
روحي من كثر الهـــضم زادت عللهه
دمعتـــــــــي صارت دمه تنزل وهلهه
دومي ابچي ** والقهر هدملي حيلي
ويامن احچي ** مابگه واحد خليلي
راح بسفر دلالي ** والعله شلت حالي
****
مثل شمعه اصبحت مُظلم ضواهه
روحي ورده ذابله ومحد سگاهه
عنّهه شح الماي ماتمطر سماهه
البين رافگهه بحزن والهم لواهه
من اصلي ** ادعي يارب الجلاله
لو تردلي ** والدي وترد عياله
ماادري باليجرالي ** والعله شلت حالي
*
داري صارت موحشه وخيّم ظلامي
گمت افز من نومي مرعوبه بمنامي
احچي وي روحي الصده يرجع كلامي
دمعي بالحرگه الهلي يبعث سلامي
عندي لوعه ** بالحشه ملتهبه ناري
دمعه دمعه ** ينگظي ليلي ونهاري
سهرانه باليالي ** والعله شلت حالي
*
ليلي اظــــــلم صار من غابت بدوره
حالي يشـــــكي حالتي وضيَّع سروره
والدي بطــــــــول الوكت يبرالي نوره
گبالي مرسومه صورهم صوره صوره
ياصورهم ** تحمل اياتك نبينه
ياقدرهم ** حكمه مكتوبه علينه
بيهم ربطت اّمالي ** والعله شلت حالي
****
فكري ويه حسين مشدود وكياني
لخوتي وعمي يفيض بحب حناني
يم مهد عبدالله حولتـــــــــه مكاني
ادري روحي تروح لو محد اجاني
ونه تكبر ** تنحب لولد الزچيه
لوتأخر ** والدي تلوح المنــيه
صار النعي موالي ** والعله شلت حالي
الصغير المفصر
ابو لقاء البهادلي


https://telegram.me/aabas78
قصائد لكل ايام محرم اشترك بالقناة

ام البنين عليها السلام 👇👇👇👇

كربلاء اسمعيني
ما اريد كل بنيني
اخذي ولدي هديه
رجّعي حسين اليه
كربلاء .. كربلاء
…
آنه لو مر طاري اسمي كلها صاحت والنعم
الله خالقني اخلف من علي اربع زلم
اختصت بفن الشجاعه تهزم وما تنهزم
الطف اذا يبدي حصاده تغربل بروس الزلم

دخيل الله اذا بين زعلها
بديها تنكث الگاع واهلها
الشمس ترجع سنه من تباوعلها

ماكو خوف بيها أمني
لا يجون ما يهمني
قدمتهم بديه
رجعي حسين اليه
كربلاء كربلاء
……….
رضّعتهم حُب حسيني و عالعشگ كبروا سوه
حسين اذا ما يرضه عنهم ما يشمّون الهوه
من زغرهم علمتهم عالسيوف وعاللوه
گبل اساميهم تراني حفَّظِتهم نينوه

هناديهم اذا يلمع ضواها
الزلم بس العجاج يظل وراها
ولا تعرف وجهها من گفاها

هُم رجال كل مهمه
والوفاء عدها ذمه
حِنّي يا طف عليه
رجعي حسين اليه
كربلاء .. كربلاء
…
حلفتهم بالمحنه وبالتعب يوفون الي
گتله جعفر افدي اخيّك گلّي يُمه اتدللي
عون اطلبك گال ابشري خلي راسچ يعتلي
والتفتت العون احشمه و هوّس بغيرة علي

صحت يُمه العرب كلمتها كلمه
اللزم ظهر الحُسين انگله زلمه
عزيز الله يهنياله اليخدمه

يا طفوف امنياتي
ولدي هاي كل حياتي
بدمهم اكتب وصيه
رجعي حسين اليه
كربلاء .. كربلاء
…
شايله العِصّابه بيدي وهوّست هوسة فخر
گتله يا عباس اريده إسمك احزام الظهر
حسين اذا يعطش يغالي اتبدّه گدامه نهر
يا گمر والرايه بيدك دِگ وتدها اعله الگمر

اگلك كلمه يُمه واصفنلها
ردت زينب تحجِّب حتى ظِلها
و يبشروني وِفه وياها الكفلها

گلبي صاح من حنانه
بت علي تظل امانه
ويّه اخته الأبيه
رجعي حسين اليه
كربلاء ….كربلاء
…
كربله دمعاتي نزلت ما يرد حسين احس
كربله يذبحونه ضامي كربله وصّي الشمس
كربله وصّي الحوافر صدره باچر ينرفس
كربله زينب غريبه كربله شيردّ امس

تِحَشم اخوتها ما واحد يجيها
و يسلبوها عمت عيني عليها
يچتفوها و حبل ياكل بديها

و آنه اصيح بالمصيبه
زينـبــاه يا غريبه
نادي يالغاضـريـه
رجعي حسين اليه
كربلاء .. كربلاء
…
خادم الحسين ( عليه السلام)
كرار حسين الكربلائي
( ابو كميل )

https://telegram.me/aabas78
قصائد لكل ايام محرم اشترك بالقناة

نزلة عزاء ليلة مولاتي ام البنين عليها السلام

يعباس       اسمع الوصيه
يعباس      من امك الوفية
==========
اسمع الراي.    يوفاي        يميزان الشيم
ها يعباس.    ينوماس.     تفيي اعل الخيم
تگطع ادروب. بالحروب    اذا رف العلم
طب على الماي. يالهواي.  يالتنگط قيم

يعباس.     عالي كالثريه
يعباس   من امك الوفية
==========
يبني والجود.    والازنود.      اريدن هايه
بين الاسيوف.   بالاطفوف.   ترف الراية
سيفك انشال.   بالاثگال.    واعرف الغايه
تفدي جفين.     للحسين.     تدگ الثايه

يعباس.   صاحب الحمية
يعباس.  من امك الوفية
=========
طيح الخيل.  على الخيل.  يتربات الفحل
ذب الازلام.    عالازلام.      اذا جدمك نزل
طيح الروس.  والانفوس.   تراويها الاجل
ادري عباس.   نزل داس.    عساكر من زعل

يعباس         بيدك المنيه
يعباس.       من امك الوفية
==========
طلع الحيف.   على السيف.   تگض اجفوفك
بمتنك الواك.   والوياك      تريد تشوفك
كعبة والماي.   يوفاي.       يضامي يطوفك
دينك حسين   يظل دين.    ثبت معروفك

يعباس.  موقفك هويه
يعباس من امك الوفية
=========
سور الاخيام.   والايتام.     يكافل زينب
التلاگيه.        تخليه.         يتيه المهرب
يسمع الصوت. إجه الموت.  يشوف اليگرب
يمه الاطفال.  والعيال.   عذب خل تشرب

يعباس.      لخاطر الزجيه
يعباس.     من امك الوفيه 
==========
مدرع ونار.     شنو الصار.    تكول الوادم
منهو اليصول.   واليجول     علي جن قادم
القادة تحتار    يمغوار.     تشوف الصارم
لگطع الانفاس. يعباس.     تشوفك عازم

يعباس.     حير ال اميه
يعباس.     من امك الوفية
==========
الشاعر علي النائلي


https://telegram.me/aabas78
قصائد لكل ايام محرم اشترك بالقناة

بالولد متبرعه   الك فدوه الاربعه
قدمتهم  قدمتهم
****
اتبرعت ام البنين بكل ولدها
وشوفتك يحسين تسوه الدنيه عدها
رحتو والضحكه بجفاكم زاعلتها
وزينب بدمع النواضر ودعتها

والكلب الكم دعه   الك فدوه الاربعه
قدمتهم  قدمتهم
****
انه وصيت الولد لجلك يضحون
انته اغله امن النفس واغله من العيون
عاهدوني ودري بيهم ما يقصرون
عفيه ولد ام البنين الكلبو الكون

وهوسو عالمشرعه   الك فدوه الاربعه
قدمتهم   قدمتهم
****
هاي زينب لازم العباس اديها
وانه اول ما طلع وصيته بيها
ايغار حته امن الهوه شفته عليها
كبل لا تطلب طلب يركض يجيها

والله طيب مرضعه   الك فدوه الاربعه
قدمتهم   قدمتهم
*
علي من ميزني وتقدم اليه
يدري اخلفله ولد كلهم حميه
مثلي بالدنيه ابد ماكو وفيه
الما عرفني خل يجي ويسأل عليه

انه اصل الواقعه   الك فدوه الاربعه
قدمتهم   قدمتهم
**
عالشريعه باجر يكطعون جفين
اويالسهم يوليدي رايح تطلع العين
اشلون بيك الوحدك من تبقه يحسين
ينسحك بالخيل صدرك يبني مرتين

وشعظم هالفاجعه   الك فدوه الاربعه
قدمتهم   قدمتهم
**
راح تتحول قبب ذيج المناحر
والجفوف بكربله تخضر مناير
المصرعك مشاي يطلع راح جابر
وباجر الكبرك يجي مليون زاير

وزايرك لبه وسعه   الك فدوه الاربعه
قدمتهم   قدمتهم
****
تمت
تحسين الخفاجي


https://telegram.me/aabas78
قصائد لكل ايام محرم اشترك بالقناة

عزبت.......بربع  زلم
ورضعتهم بس عزم

والمراجل للگمر عنوانها
●●●●●●●●●●●●●●●●●●●●●●
ابوفاضل رفع راسي  بالمجد  عزه اعتله
والنهر  ناده  دخيله   بيده   يگلب  كربله
انه ابني بزوده يكشخ زينب اخته مدلله
بعزمي ربيت  البواسل بت حزام  امعدله

عفيه زودي ابربعه
وقعوا   عالمشرعه

والمفاخر تشهد ابميدانها
●●●●●●●●●●●●●●●●●●●●●●
الله بيض وجهي بيهم وانه منطيته عهد
اربعه  لحسين فدوه  انتو يم ظهره سند
وانه وياكم  اخدمه  حسين يا يمه المدد
والحنين حسين يدري بكلبي ماغيره بعد

انه وصيت الگمر
بيده  يهديله نهر

والعراضه لو يطك بركانهه
●●●●●●●●●●●●●●●●●●●●●●
فخري بيهم راح اكتبه دونت اروع صور
والمسافه النهر يگصر بجوده ينحط النهر
خوة العباس خوه   تحچي  ذرعانه  دهر
دورت  بالدنيا  كلها   ماشفت مثله   گمر

صارت الخوه سمه
تبوس چفه فاطمه

والفضائل كربله  بيبانها
●●●●●●●●●●●●●●●●●●●●●●
بيهم اتنومس واگولن همه بنخوه شرط
والجرف بيده تشيم جابه يم رجله يخط
يرتعب  والنهر يرجف راد بالخيمه  يحط
هذا كفال الفواطم بغيرته الشاطي فحط

بيك تنبض كربله
كلهم  اولادي اله

والمعالي ترجمت طوفانها
●●●●●●●●●●●●●●●●●●●●●●
ذوله ولدي  بالمعاره حزام  للكلفه  رهن
وابوفاضل من خصاله هذا للخوه وطن
والفواطم بيده رايه هوه  حماي الضعن
گدها معروف وگلتهه انت خيال الرسن

شمخ زوده معتلي
بهيبته يشبه  علي

يا كتيبه  تنهزم فرسانهه
●●●●●●●●●●●●●●●●●●●●●●
بالمحبه اشكد احثهم شفت زود ومرجله
بخزرة العباس  حادث  والنهر  مايه ابتله
زعل  والعباس غاضب چنه يقره الزلزله
والعجاج اتشوف خيبر ثاني خيبر كربله

امربع الحك رجعه
يا   اصالة   منبعه

والعساكر  خورست بلسانها
***

تمت بعون الله تعالى الشاعر_يوسف_الفتلاوي


https://telegram.me/aabas78
قصائد لكل ايام محرم اشترك بالقناة

ليلة مولاتي أم البنين عليها السلام
محرم الحرام ١٤٤٦ هجري

قصيدة { فاگدة اعزاز }



هَمْ الفگدله إعزاز محّــد يشيله

والگلب من فرگاك ما يگظي ليله

لي وين هجرك صعب ... يحسين وانته الگلب
……………………………………………………………………………………………………………


رحـــت وخَــذِت ويّـاك يالـغــالي روحي

أغفه اعله دمع العين أصحه اعله نوحي

وجروحي بيش تطيب يا دوه اجروحي

معذوره دمع العين من دم أسيله

لي وين هجرك صعب ... يحسين وانته الگلب
………………………………………………………………………………………………………………

تانــيــتـك ومــا جـيـت يـبــن الزچـيّـه

والهالسـبــب تانـيــت أمــر اللّـه بـــيّــه

عالعاشت ابـفـرگــاك سـهــلــه المنـيّـه

شوفتك حتى بطيف شو مستحيله

لي وين هجرك صعب ... يحسين وانته الگلب

…………………………………………………………………………………………………………………………………………………………………………………………

ليلي ونهاري اعليك ما غمضت العين

گلتلهه كثري النوح لن راح الحسين

يبني الدمع شيفيد من يگطع البــيـن

وانه البقت ويّاي بس العليله
لي وين هجرك صعب ... يحسين وانته الگلب

………………………………………………………………………………………………………………


مو حزني عـالأولاد فدوه أربـعـتـهم

بنخوتهم يوافوك ما حشّمتهم

لو عندي عشر أولاد چــا وزّعــتـهــم

بالطف يغالي انذور ثق هم قليله

لي وين هجرك صعب ... يحسين وانته الگلب

……………………………………………………………………………………………………………


كل لحظه تگظي بعام ما تطفـه ناري

من عدهه يبني وشوف ضيم إنتظاري

موحش تره ابلياك كل عُــمــره داري

والجرح وسط الروح ما صح مثيله

لي وين هجرك صعب ... يحسين وانته الگلب
……………………………………………………………………………………………………………………………………………………………………………………………


شحچي اعله ضيم الروح من الضعن رد

حســبالــي يبني اتعود بس حلمي أبعد

أظلم نهاري وصـار چـــن ثــوبــي الأسود

والصفنه يبني حسين أمست طويله

لي وين هجرك صعب ... يحسين وانته الگلب

…………………………………………………………………………………

خادم الإمام الحسين عليه السلام
عمار هليل الواسطي
الكوت
١٤٤٦ هجري / ٢٠٢٤

https://telegram.me/aabas78
قصائد لكل ايام محرم اشترك بالقناة

4محرم الحرام



أم البنيـن بفــركتك يالغــالي تحتــار
لا ماهـدت من البجي والدمعه مدرار 
__
يايمــه مو هيـج الهجر يايمه وشــلون 
وفراكك يذوب الكلب يانـور العــيـون
شــيب دليلي بغـيبتك وتغــــير ألـــون
والله رحيـلك يالــولــد يايـمـه ميـهـون 
 
يايمه بعدك من رحت شو مضلمه الدار
أم البنيـن بفــركتك يالغــالي تحـــــتار

****

يايمــــه لو طال البعد يكتنــي الفــراك 
كلبي بغيابك يالولد كل الحظه يشـتاك  
حســين بعـٔدك والـهجر والله ميــنطاك 
مااشــرح الصــار وجـره تـدرينـه عشاك 

لاهدهد يجب الخــبر مكطوعه الاخبار 
أم البنيــــن بفركتــــك يا لغالي تحتار 

*
يايمه هم ترجع بــعد وتــشـوفك العـين
لا تكــطع بذيـج البكت يايمـه يحـسـين
أم الكــــمر وأم الوفـــه يكـــتلها الونين 
 ماريـده عمـري بغيـبتك مااريـد السنين 

يمته ترد أه يالرحــت ماتــدري بالصار 
أم البنـيـــن بفـــركتــك يالغالي تحتـار 

****
والله الدليل من البجي مالحظه يـهده  
يجري الدمع من العين وحده ع وحده 
كلبــي يـيمه بغيــبتك وشـباكي عنـده 
كل  ضــني بعـدك يالــولد يايــمه مـده 

ماجنـت أضن هـذهالبعد اه البـعد حار
أم البنـيـــن بفـــركتــك يالغالي تحتار

***
أتمنـــه ترجــع يالشـلت وتعــود الأيـــام 
نكـــعد نــســـولف بالـهــلا ونــزيح اللأم
مــاأدري دهـري يالـولـد يايمه وشظــام
خلاني بعدك يالرحت مـطعونه بسهـام 

سهم الهجر ماينجرع وسط الكـلب نار 
 أم البنـيـــن بفـــركتــك يالغالي تحتـار 
 
**
الشاعر الحسيني 
مرتضى مكطوف الموالي 


https://telegram.me/aabas78
قصائد لكل ايام محرم اشترك بالقناة

نزله حماسيه
4
محـــرم الحـــرام  

ثكيله وزنجيل ونزله 


       غــيره منها راضعين 
       ذوله ولــد أم البنين 

_
درستهم عل وفه  
 ورضعتهم عاطفه 
           يابنــينـي هـاتفـه 

للاخو صـيرو معين 
ذوله ولد أم البنين 
____

للخو صــيــرو ســــند 
جسد طايح يم جسد 
             يمـه اريد أنه الوعـد 

لا تـعوفون الحسين 
ذولـه ولد أم البـنين 
____
يا أبو فاظــل ياذخر   
عينك اعله أم الخدر 
            صبح واجب هل أمر 

واجب تـوفـيها أدين 
ذولـه ولد أم البـنين 

____
صاحو بصوت النداء 
عل وعد وعله الوفاء 
           لينــه تــشـــهــد كـربــلاء 

بصرخه وحده هاتفين 
ذولــه ولـــد أم البـنين 
____

 ثلث كواكب والكمر. 
شدو للــضهـر بضـهر 
             بالعــدو بـان الـــخطر 

من فعــلهـم حائرين 
ذوله ولــد أم البنين 
_
أخـوان شـــيال الــوى.   
 نــزلـو الـطـف نـيـنوى 
            ونكـطع حـتى الهوى 

ياحبــل الله الــمتـين 
ذولــه ولد أم البـنـين 

____
نــسل عـبد المــطلب  
للـحـرب لمــن يـهــب 
           الغيره من عدهم تشب 

مـن فعلـهم حـائريـن 
ذوله ولــد أم البـنين 

____
نـاده جعــفر بالقـتال     
من بده بسوح النازل
               اليوم اسويكم مثال 

ينظرب طول السنين 
ذوله ولــد أم البـنين 
____
نـاده عثـمان وهـتـف    
وحـق حيدر والنجف    
                والعدو بسيفه رتجف 

يرجف وكلش حزين 
ذوله ولــد أم البـنين 
____
هـذا عبـدالله الـبطل   
ع الكفـر لمــن حمـل 
                بالـــحرب.مــاله مــثل

من دخل سوح الهجين 
ذولــه ولــد أم البــنـين 
____
كلمات الشاعر الحسيني 
مرتضى مكطوف الموالي 


https://telegram.me/aabas78
قصائد لكل ايام محرم اشترك بالقناة

مسلم عليه وسلم 👇👇👇👇

خانو بالضيف كلهم يا حيف ماكو مروه
خلوني اوحيد وعن اهلي بعيد بعازة خوه
والكالو للكوفه اقدم غدرو يحسين بمسلم
***
يحسين جروحي جبيره والدنيه بعيني زغيره ماتت بالناس الغيره رد المن جاي
بعيوني الدمعه شهيده ومشتاك البنتي حميده من صاحت مسلم اريده اذتني اهواي

حير بروحك ضم جروحك والله اليحميك
اتوسلك ارجع بهلك كل خوفي اعليك

ما عدها الناس ذرة احساس لتثق بيهم
يم الشمات ميت حسرات ونضر ليهم
بعيالك دلالي ايهم غدرو يحسين بمسلم
****
يا سيد الحب قربانك يالمالي الدنيه حنانك في قلبي انته مكانك
اجمل محبوب
ضامي ومعشوكي اجيته وبحبك كلبي رويته اسمك ما لحضه نسيته
بالدم مكتوب

انته الغالي وثق عن بالي طيفك ميروح
تمشي بدمي واشعر يمي وساكن بالروح

مثلك يحسين الكه انه امنين قائد ميخون
يتحده الموت وعالصعبه يفوت ويضاهي الكون
تزعل والدنيه تغيم غدرو يحسين بمسلم
****



طوعه تشجعني شفتها والرايه بجفي خذتها والحومه بعزمي خضتها
واسمي اشمحلاه
انه الطوفان الاحمر وسحك بجدامي العسكر هالفارس صاحو حيدر
ما شاء الله

هيهات اخضع لو اتكطع حاسبها احساب
انه الاشجع بالكوفه اقلع رايح جم باب

شبل الكرار واسحك عالنار وانهي الموقف
حاربت الجور والسيف يدور بيه امكيف
لوحة اعله الحيطان ارسم غدرو يحسين بمسلم
*
والفارك تدري حبيبه اسأل يا دمعة تجيبه والوادم كلها غريبه
يكظيها اشلون
ما يكدر ليله ينامه ويخلص عمره ندامه والدمعه بعينه علامه
ويصبح مسجون

شيصبرني لتذكرني بذيج الايام
جنت انتظرك وانه الضهرك خليني احزام

خذلتني الناس وردت العباس راعي الغيره
مثلك عطشان ويم البيبان صرت بحيره
رايح للميدان اهجم غدرو يحسين بمسلم
**

كاتب عالرايه عباره للعالم انته منار الميتعبك عمره خساره
وللذل هيهات
صوتي بكل هيبه اينادي ماعوفن روح الهادي والكوفه تشوف امجادي
ومسلم مامات

طوفان الدم من يتقدم يجرف جم ليل
بيهم ازئر وانه بحيدر شديت الحيل

التاريخ يكول ياهو المسؤل عن هالحاله
طبع الغدار دوم ايضل عار شفنه افعاله
واليحجي ايكلوله اكتم غدرو يحسين بمسلم
*
تمت
تحسين الخفاجي


https://telegram.me/aabas78
قصائد لكل ايام محرم اشترك بالقناة

نزال.......لمسلم ع
____

صار يوم الزلزله
هيأ الطف كربله
.....هذا ابو طاهر....هذا ابو طاهر
***
يفتر اعله الجيش كلهم بالسره
والجثث يمه تشوف امطشره
كلها يم مسلم تصير امحيره
والسكوت ايصير رن المسطره

يعتلي ابسوح النزال
داخت اشباه الرجال
هذا ابو طاهر.......هذا طاهر
***
دنگت سوح الوغى وفرسانهه
الكوفه مسلم بيده گص لسانهه
هذا الاشعث شرد من ميدانهه
اطفوف صارت والمفر عنوانهه

يفتر الفارس چتيل
شردت العسكر دليل
**
سلمت ارواحهه ابسوح القتال
والفراسه اتريد بس عز الرجال
يا حلات المعترف فرض النزال
ضربته وحده فلا يثني محال

كلشي بالكوفه يصير
شفنه قائدهم اخير
***
تيهت مشرادها وعج الصفوف
يفتر اعله الجيش وينوش الألوف
خيط ابسيفه رگبهم ظل يرؤؤف
عاشت ايمينك يمسلم بالحتوف

علن يوم المشئمه
ابد ماكو مرحمه
***
دلهم وصوته بوارق بالحرب
يمه نص الجيش حولهم رعب
صار يستنكي المواهب واليطب
خارطه الكوفه گلبهه وتنشطب

يعيد خبير لو هتف
مثل حيدر بالنجف
***
بالختام الجيش ظل بلا كلام
يفرض ابرايه عليهم بالقيام
صارت الكوفه محطات ازدحام
شوف مسلم بعد ما فك الثام

كلها يم بابه تصيح
مسلم اهنانه استريح
***
تمت بعون الله
خادمكم.... يوسف الفتلاوي


https://telegram.me/aabas78
قصائد لكل ايام محرم اشترك بالقناة

ليلة مولاي مسلم بن عقيل عليه السلام
محرم الحرام ١٤٤٦ هجري

قصيدة { غيرة وعزم }

شَد عالزلم هاك اخذ أخباره
گالــو علــي راجــع ابفـقّـاره

مسلم يمسلم ... مسلم يمسلم
........................................................................

مسلم بزوده طلع غيره وحميّه
دخلت انذار العساكر والله هيّه
كلهه محتاره بقت شنهو القضيّه
فارض اعله الكوفه جو الخيبريه

لا ما رجف غاره تتبع غاره
موت الحَمَر عالعده بتّاره

مسلم يمسلم ... مسلم يمسلم
........................................................................

هوّه مو كل سيف ينعد عالبواتر
شوف مسلم وحّده بس گلبه ثائر
بيا علي ضربات سيفه من يباشر
چن حجر سجيل نزلت عالعساكر

گول وفعل كلشي صار بكيفه
ميثنّي أبد ضربه وحده السيفه

مسلم يمسلم ... مسلم يمسلم
........................................................................

قالع إرگاب وكفو من هالمراجل
عنده أقوى معركه تحصيل حاصل
اختلفت بوصفه العده لمن يقاتل
علي گالو مرّه گالو أبو فاضل

هيچ الشهم من يشد احزامه
تصفه الزلم هامه تضرب هامه

مسلم يمسلم ... مسلم يمسلم
........................................................................

ما أبالغ بالوصف ثق ما أوافي
هالفحل تتباهه بمجاده القوافي
لو گلت مسلم فقط صدگني كافي
هذا واقع ما أظن عالدنيا خافي

كل الشعر ما وفه أمجاده
خله الخصم حاير ابمشراده

مسلم يمسلم ... مسلم يمسلم
........................................................................

طوعه حرمه وسجلت موقف بطوله
هذا مو أي واحد يحصله وينوله
گالت الحق بزمن محد يگوله
والشهامة اطباع واطباع الرجوله

گلهه بفخر هامتچ مرفوعه
شكراً إلچ والنعم يا طوعه

مسلم يمسلم ... مسلم يمسلم
........................................................................

خادم الإمام الحسين عليه السلام
عمار هليل الواسطي
الكوت
١٤٤٦ هجري / ٢٠٢٤


https://telegram.me/aabas78
قصائد لكل ايام محرم اشترك بالقناة

#محرم1446


أتـــلـفـــت ولا واحــد ** تـشيله الغــيره ويساعـد
محــد من أسولف يستـمعـلي
الوادم والعطش يردون جتلي
----------------------------------------------------------
1= مالكيت الضهري تجوه -- ولا حضـيت بــــناس تـسوه
والوحـــيد تحير روحه -- أيـــدور وما عــــــــنده خوه
فــزعـت الكــوفه عليه -- درت ماعـــندي تجيه
مسلم بعــيدين أهله -- من الزلــم أيـده خليه
** رسالة شوك عــــمري وضاع بالغـــربه
وكلبي فـــــــراك أبو السجاد المتعـبه
***
وادم لاعــرف بيها ** ماتسمع شحاجــــيها
بكتري الموت واكف مثل ضلي
الوادم والعــطش يردون جتلي


2= سدو السيافــــه دربي -- وما أطخ للــذله طبعي
أتحزمـــيت بهاشميتي -- صحت ساعـــدني يربي
بياعلي شديــــته حيلي -- وكلت يحسيـــن ندعيلي
شلون دنيا وفاركتــنه -- لا أجـــــيك ولا تجيلي
** سفيرك ماله غــير السيف وجفوفه
الله لا يشوفــــــك غربت الكوفه
*
عـني بعـيد ماشوفك ** رايد دعــوه بجفوفك
يخلي وماأعوفه بضـيج خلي
الوادم والعـطش يردون جتلي




3= ناس ماعدهم مواقف -- من غدرهم كلبي خايف
مالكيــت مروه بيهم -- ولا مربيـتهم مضايف
واليخون بضيف بيته -- هذا مسلـــــوبه حميته
جني مو خطار عـدهم -- سدو الـــــــباب الأجيته
** أذان الضهر عـــــدهم ضيعوا وكته
يريتك ماتـــــــشوف بمحنتي الشفته
**
كسرت خاطري هايه ** ماكو الحجيي شرايه
مايلكون بين الــــــناس مثلي
الوادم والعطش يردون جتلي



4= وين يمـــشي الماتريده -- الديره وأخوانه بعــــيده
يبن عمي الغربه تكـــتل -- وأنوله والد حمــــــيده
أفزع ومكشوف ضهري -- ذبني بيـد الغــرب دهري
والمهم يحسين عـــمرك -- مايهمـــني يروح عمري
** ياضيم الفـــواطم من يجي العاشر
يروحن وين وأنت بصدرك الحافر
***
نار وتحرك خــــيامك ** نـــوك تشيل بيتامك
بعدك بالعـــمر يحسين شلي
الوادم والعطش يردون جتلي



5= عـوضت منحر بمنحر -- وأنت تستاهل وأكـــثر
فدوه العــيونك حبيبي -- سلمت والقـــصر كزبر
كتـــله ياموت ع مهلك -- طحت وأنه مبــتسملك
حسين سلـملي عليهم -- من حميده الباجي أهلك
** بسبيـلك من متــت مرتاح بالمــوته
أبن عــــمك شهم والزينه متفوته
****
صار وداع بالكوه ** رحتلك ياسبط فدوه
بس لا قـــــصرت وياك كلي
الوادم والعطش يردون جتلي
*


#عبد #الجليل #المالكي


https://telegram.me/aabas78
قصائد لكل ايام محرم اشترك بالقناة

نزلة / مسلم بن عقيل عليه السلام. 2024

مسلم هذا وهاي اخباره
٠٠٠٠٠٠٠٠٠٠٠
حي مسلم لو ردت تشوفه
أطّـهّــر ودخل للكوفه
بعينك راح تصد معروفه
من گبته اتشاهد انواره
٠٠٠٠٠٠٠٠٠٠٠
ما مات الضحّه بدم راسه
عايش يبقه بفكره وناسه
ومسلم ثبّت بالدم ساسه
شتكول البحسين اختاره
٠٠٠٠٠٠٠٠٠٠٠٠٠
عن مسلم رايد برهاني؟
لا تسأل وجه السفياني
أسأل طوعه وأسأل هاني
يحجولك عن دينه وثاره
٠٠٠٠٠٠٠٠٠٠٠
ما طخ لبن زياد وحكمه
من اجل الاسلام واسمه
مسلم ضحّه بنحره ودمه
وذل جيش الكوفه ابّتّاره
٠٠٠٠٠٠٠٠٠٠
ما عاف حسين ولا باعه
باخطر موقف مسلم طاعه
هز عرش الظالم وتباعه
فرسان بمسلم محتاره
٠٠٠٠٠٠٠٠٠٠٠٠
ذَكّر خصمه بفارس خيبر
ظل يحصد برگاب العسكر
يم مسلم يكرب من يگدر
يكطع راسه ويهدم داره
٠٠٠٠٠٠٠٠٠٠٠٠٠
ما يوكع لوما يغدرونه
مسلم مچتوف يهابونه
من قصر الظالم يرمونه
ما مات تخلّد بفكاره

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://telegram.me/aabas78
قصائد لكل ايام محرم اشترك بالقناة

نزلة عزاء لمولاي مسلم ابن عقيل عليه السلام

علي بالكوفة حظر. مسلم الموت الحمر
الكوفه مساها الخطر يابو طاهر. يابو طاهر
==========
من دخل للكوفه. جن علي بصولاته مايثني بسيفه شاهده ضرباته
لوحمل مايرجع مسلم بحملاته
هاشمي بطباعه. يذبح بخزراته

لاح بعيونه الغضب. السيف من دمهم شرب
بالغضب يمطر مطر يابوطاهر. يابو طاهر
==========
ابوطاهر قائد. سيد من القاده
ابن عم الكافل. الكمر عم الساده
من وصل للكوفه ماخلف ميعاده
الكوفه بيه تسولف. ظلت بأمجاده

مسلم وثابت عزم. وحده رجفها الزلم
والنعم كلك فخر. يابوطاهر. يابو طاهر
==========
موت نازل بيهم. فنهم ايگربونه
خله بيهم خوفه. وكلهم ايهابونه
من علي افعاله. والله ويعرفونه
وابوفاظل زوده. بخزرته وعيونه

الكوفه خلاها تميل. چنه عباس الكفيل
صاحوا بسيفه القدر يابوطاهر
==========
من بده بالغاره. كباله وكفت طوعه
الكاع صارت حمره. بس جثث مزروعه
القادة ماكو گباله. عيشاهم لوعه
هذا طاح بخوفه ونته مسموعه

ونهم تسمعه وتگول. حي ابوطاهر يصول
حمزه جفه من سطر يابوطاهر
==========
الجيش حار بروحه. إتبهذلت احواله
مسلم الطب ليهم. سولفت افعاله
گلها سجدت يمه. الخوف حط ارحاله
موزلم بس نسوه. نسه كلها اگباله

صاروا اكباله نسه. تيهه الجيش ونسه
وبيهم لأمره صِدر. يابوطاهر
==========
مسلم بوحده صفه. همه صح هوايه
الحرب عند الموقف والمواقف أيه
ماسلم ايي واحد. بيده هز الراية
النصر بيده وحاظر. وصل هاي الغايه

لاح من صال النصر وكف وحده ومنتصر
بالمعارك ماخسر. يابوطاهر
==========
الشاعر علي النائلي


https://telegram.me/aabas78
قصائد لكل ايام محرم اشترك بالقناة

محرم الحرام 1446 هـ

لمولاي مسلم بن عقيل عليه السلام

سفير الحب وصل كـوفان
نهر عينه لـچــن عطـــشان
متعوب بسَفُرته
مكتوب بنظرته
عــــــــطــــــــشــــــــــــــان

مسلم ابن عم حــسين ... الكــوفة اجاها
لمن وصل شاف الناس ... الدرهم حِواها
بكعبة الدينار اتـــطوف ... كــــل مبتغاها
لخاطر المال يـضحـون ... بعين وضواها

البعض منهم لگــاها اسهام
بعضــهم بالجــذب اســلام
يجر گوه حسرته
مــكتوب بنظرته
عــــــــطــــــــشــــــــــــــان
ـــــــــــــــــــــــــــــ1ـــــــــــــــــــــــــــــــــــ

قادم بــــــلهفه واصــرار ... وبعــــينه ثورة
لاگو بأهـــــــلاً حـــيّـاك ... والكــل ينـــظره
شاف الدغش بيهم عاش ... وانحسم امره
الصاحو احنه بيــــــمناك ... يــردون كسره

شِـماته امبطـنه ابصحبان
عــقلــهم ديـــرة للعــميان
واعلنها ثورتـــه
مكتوب بنظرته
عــــــــطــــــــشـــــــــــان
ــــــــــــــــــــــــــــــــــ2ـــــــــــــــــــــــــــــــــ

بليل وغرب مســلم صار ... والهـــم اجاله
عطــشان من راد المـاي ... ياهـــو انتخاله
واباب طــوعه ابـــاحزان ... نــــوخ رحاله
طلعت تنشده انته منين ... وجاوبها حاله

گـــالتله هـــــــلا وحــيّـاك
رزق الله بنظــر عــــينــاك
اجه بجيتك عرفته
مكـــتوب بنظـــرته
عــــــــطــــــــشــــــــــــان
ــــــــــــــــــــــ3ــــــــــــــــــــــــــــــــــــــ

اشما ينصح الوادم شاف ... ميته الضمائر
باعو انفـــــــسهم لـلات ... وعمية البصائر
الخانو بمسلم عالــــدين ... ســلّـو بــــواتر
الــــــغدر بيهـــم معروف ... أهــل الــكبائر

مــسلم نــاده بالميــــدان
الغدر مو شيمة الشجعان
علّاها صرِخـته
مكتوب بنظرته
عــــــــطــــــــشــــــــــــان
ــــــــــــــــــــــــ4ــــــــــــــــــــــــــــــــــــــــــــ

مـــــــرسال راد ايودّيـــه ... للــــــغاضرية
ويـــخبره ارجع يحسين ... يـــبن الزچية
اهـــــل الرسايل خــانوك ... وانـغــدر بيه
والــــــگال اقبل يحسـين ... بـاع القضية

اليريدك بالســجن سجنوه
اليحبك منــحـره گـــطعوه
وبگلبه جــمرته
مكتوب بنظرته
عــــــــطــــــــشـــــــــــــان
ــــــــــــــــــــــــــــــ5ــــــــــــــــــــــــــــــــــــــ

#احمد_رزاق_الاعرجي
#رزقهم_سلام_الله_عليهم


https://telegram.me/aabas78
قصائد لكل ايام محرم اشترك بالقناة