السلام عليكم
خدمة ابي عبد الله عليه السلام
تم نشر 👆👆👆مايقارب 200 قصيده ترتيب الايام على على مرحلتين من اول ليله الى اخر ليله من عشرة محرم
اي شخص يحتاج مساعده باي شي يراسلني على معرف البوت @abasltmymybot وحاضر اسالكم الدعاء

گوم ياعباس يمركض الزلم


گوم يل سموك سبع الكنطره
لاتخلي حسين وخته محيره
كوم يلحامل صفه من حيدرة
حسين من گالو طحت كض اظهره
گوم يل كاسر ظهر ساحگ خشم
گوم ياعباس يمركض الزلم

كوم ياعباس لوح رايتك
من الخيم زينب يخويه تنختك
گوم ياعباس حلت ساعتك
الجيش طشره الجيش كله بيمنتك
بسيفك اثلم بالرگب بالطف ثلم
گوم ياعباس يمركض الزلم


الخيل كل الخيل فزعت عالخيم
من درو مصيوب ياراعي الشيم
خويه هاي الناس ماعدهم قيم
حتى عبدالله ابن اخيك ماسلم
ردعلي مشتاگه اشوفك مبتسم
گوم ياعباس يمركض الزلم


كوم طشر الجيش يحزام الظهر
ظهر اخيك من طحت خويه نكسر
شوفتك بخيامنه تعادل نهر
تصير ظلمه الدنيه لومات الكمر
گوم رد لخيام اخيتك يالشهم
گوم ياعباس يمركض الزلم

انه جيت وياك خويه مدلله
يصير ارد وخواني كلهه مچتله
وانه شنهي الحصليته بكربله
وحده ضل منحور شيخ القافله
وختك المهيوبه ظلت بس هدم
كوم ياعباس يمرگض الزلم

الشاعر محمود رحيل


https://telegram.me/aabas78
قصائد لكل ايام محرم اشترك بالقناة

الليله السابعه قصيده بحق العباس ع



الحومه  كاصد ليهه     اتنومسي بطاريهه 
يزينب    يزينب      
...............

موعدي صار والايثار  لبن عقد الوله 
انه  عباس  والاحساس اخوج يمثله
شرايج بهاي  واذا ماي  اروي العايله 
لخاطر حسين والحسين  عفتهه  كربله 

والله  جان افنيهه    اتنومسي بطاريهه 
...............

سمعو اخبار   شطت نار  واجوني  اتوسلو 
ياخو زينب    لاتغضب     باكابرهم  لفو  
وانه ابو الراي   شلي بهاي   وان يمي بجو
همه سبعين    برمش عين احسبيهم  كضو  

صولتي تعرفيهه   تنومسي بطاريهه 
..............

ساعه لن صوت   بالخيام   يناديني العطش 
فرفحت ليه  واحس بي   دليلي ادموعه رش
صوت الاطفال  والعيال  عليه كلبي انخمش
رايح اعليه    ابديه    النهر  وسط  النعش  

جودي راح  امليهه     اتنومسي بطاريهه 
................

جلت  الخيل   مثل ليل     وانه  يم  النهر  
ارفس بهاذ    وكع   هاذ      الذبح بيهم  كثر     
جن علي وياي     على الماي    فتت  بيهم  قهر 
حتى عزريل      صرخ  حيل     على كيفك يالكمر

كال الي   وتاليهه     اتنومسي   بطاريهه 
.................

شايل  الواي     جبت ماي    اجيتج  للخيم  
كثرو  اعداي    وانه  وحيد  لجن  ماعندي هم
رادو الجود    كلت  لا      شودي  للحرم  
انه  ابو الزود  والحدود   المافاهم   فهم  

حجايتي  وحاجيهه     تنومسي   بطاريهه 
..................

شدو الحيل    كمت حيل    الشهم بيهم  رجف 
الما رجف مات   حرامات    بوجهي  ماوكف 
والسهم  فات  على العين    وخجل كلبي انزف
لجن  الماي   يالاهواي    نطيته  ابداله  جف  

جفوفي  راح  انطيهه     تنومسي  بطاريهه



الشاعر ايوب  السويطي 


https://telegram.me/aabas78
قصائد لكل ايام محرم اشترك بالقناة

الخيل داست عالوقار     واخـتـلـف وجه النهار

                والـطـبـيـعـه اتـغـيـرت
                والــمــلائـــك كــبّـــرت

                *---------------*---------------*

        الشمس متغطيه بستار الكـسـوف
        اتــوزع الـقـرآن بـرمـاح وسـيـوف
        انسحگت الآيات بتراب الطـفـوف
        وچانت الخيل بعماهه وما تشوف

اختلفت ألوان السـماء     حمـره وبـلـون الدمـاء

                  والـعـقـول اتـحــيــرت

                *---------------*---------------*

        السـمـه اتـغـيـر وضـعـهـه لـلـوقـار
        وبين بوجه الـكـواكـب الانـكـسـار
        والضيـاء استغربيته وظلمـه صـار
        اختلفت ألوان الطـبيـعـه بـالـنـهـار

مـترب بـعـج الخيول     الداست بروح الرسول

                  والـضـلـوع اتـكـسـرت

                *---------------*---------------*

        الـريـاح الـعـاتـيـه اتـأدي الـسـلام
        للوقار الـداسـتـه اخـيـول الـلـئـام
        للـثـلـث تـيـام مـتـغـطـي بـسـهـام
        والـضـيـاء بطيحتـه تـبـدل ضـلام

شـخلت بحاله الرماح     كثرت اعـلـيـه الجراح

                 الـشــفــاه اتــفــطــرت

                 *---------------*---------------*

         الاعوجيه الداست بصدر الحسين
         داســن الـقــران والـذكـر الـمـبـيـن
         حـزنـت الأمـلاك والــروح الامـيـن
         وعـزت الـهـادي وامـيـر المـؤمنيـن

تنعى لحسين الحبيب     الشمس گـبـل المغيب

                والـنــجــوم اتــكــدّرت

                *---------------*---------------*

        نـاحــت الأمــلاك وتـهـل الـعـيـون
        شافت المسلوب بحضان الـمـنـون
        والعشر خيـالـه يـرحـون ويـجـون
        عمداً بصدر الحـسـيـن يرضرضون

اهتزت السبعه العجاب     جسمـه غطاه التراب

                  الاعــــادي اتـجـسـرت

                *---------------*---------------*

        كربلاء بالنوح ضـجـت والـعـويـل
        والملائك تـمـسـح الـدم الـيـسـيـل
        قـصـة ابراهيم رجـعـت بـالـدلـيـل
        الـشـمـر نـمـرود وحـسـيـن الخليل

ناره شـبـت بـالخـيـام     واعـتـلـه لصدر الامام

                الــقــضــيــه اتـكـررت

                *---------------*---------------*

✍ بقلم خادم الحسين ع
      الشاعر رعد الجريخي

https://telegram.me/aabas78
قصائد لكل ايام محرم اشترك بالقناة

        نشرت امك فاطمه  ثوبك الينزف الدمه
                 وصاحت املاك السمه
                           حداد
                     __
       الليله دمع الزهره امك يشبه هلال الدمع
       الليله تنزل رايه حمره ورايه سوده ترتفع
     الزهره هاي الليله اصعب عدها من كسر الضلع
       شافت هلال المصيبة البي وريدك ينكطع
        ثوب حزنك شمته  وبجت لمن نشرته
                وكلشي كتبت دمعته
                           حداد
                     __
     فاتحه امن الليله تبدي بكل كلب وبكل جرح
      باقي ايام وتشوفك زينب اختك منذبح
       الليله حيره والمدامع ضيعت وجه الصبح
     مدري هذا هلال شَهرك مدري راسك عالرمح
        هلال هذا مو كمر  ليش يكسرلك ضهر
                 علنت جروف النهر
                        حداد
                  ____
       هلال شهرك بي عليله هواي ضلت تنتضر
      بي تضل زينب وحيده وخالي يلفيها المهر
     ونحرك البي عطر جدك ثنعش طبره ينطبر
    وتسحك بنيتك رقيه اعله الرمل واعلة الجمر
        بين هلال الالم  البي تضل ابلا علم
                 اشعر بكل الخيم
                      حداد
                 ___
     الليله جم حزام ينشد والعكل ماتنلبس
   والفياي دموعه تجري من تضل جوه الشمس
     انت باجر دوم تبقه والخلك كلهم امس
    بكل زمن ثورة وريدك ينطي للعالم درس
      متت لكن مامتت  درس للعالم صرت
             طحت ولزينب صحت
                       حداد
                  __
       بكلب لهفان الزجيه الليله دمعتها تصب
     من عزة تطلع حزينه ولعزة ثاني تطب
     المابجه كلبه لمصابك هذا ماعنده كلب
    باقي جم ليله ويا زينب وتاخذك منها الحرب
       خلافك الدمعه تهل  تركب اختك عالهزل
                 والسبي ماينحمل
                        حداد
                    ____
سيد معتز الحسيني

https://telegram.me/aabas78
قصائد لكل ايام محرم اشترك بالقناة

اذا الجبال سيرت من الخيم للمشرعة
زينب لبو فاضل نخت يعني وقوع الواقعة
الله خلاه امير الغاضرية
هذا عباس كفيل الفاطمية
.......................
هي بس گالت يخوية هو دگ الگاع بيده
شافها اعله النهر تشبح عرف عباس التريده
هنا بدت قصة قيامه و المحاسب حل وعيده
قسم يا زينب و خدرچ للنهر اخنگ وريده
لمن مشه شبه الجبل ممشاه سبع الگنطره
و تتطاير ابچفه الكتب چن صار يوم الآخره
و يصرخ الجيش برز ملك المنيه
..................................
سار بالبسمله يردد و الشمس هجرت سماهه
مدري ذكرت أيد حيدر يوم الها اومى و حناهه
مدري من عنده الثريه اتگبعت من مستحاهه
المهم ما ظل نور بالطف بس جبينه يشع ضواهه
اذا النجوم انكدرت خجلانه من نور الگمر
و يقبل اجدامه الترب و يقبل چفوفه النهر 
شايل اوصاف علي حامي الحميه
.................................
شايل ابچفه الشريعه و صوته يا زينب ابشري
بالتكفل گري عينچ هذا مجرى الماي بأمري
والله لو ما ذكرى امچ ما تظل كل گطره تجري
چن احسهه تگلي هونك هذا يا عباس مهري
اذا البحار سجرت لمن بده بعينه الزعل
عباس شيصبره بعد دمع اخته گـدامه همل
و النهر صاح ملك يبقى عليه
..........................................
صوت سافر للمدينه و امه تسمع صوت ابنهه
يمه هضمو زينب اختي و بينت دمعة حزنهه
و إغضبت و الكون شلته و آنه آمر و آنه انهه
يمه ابقي الكون يفتر لو الدنيا اكسر متنهه
اذا الوحوش حشرت منتظره راي ام البطل
قد علمت ما احضرت و احترگت اوراق الاجل
نادته بصوت هلا يبني الشفيه
...........................
سمع آذان السماء يردد بصوت الولايه
صاح اشهد ان حيدر حجة الله اعله البرايه
و اشهد ان حسين امامي وجهه مصباح الهدايه
و ملا جوده بالكرامه و صاح حي اعله السقايه
زينب تنادي بالدمع حي على تاج الزلم
اشهد ان كافلي ما مثله بالعالم شهم
وفــه وياي ابو النفس الابيه
.............................

الشاعر السيد موفق الموسوي


https://telegram.me/aabas78
قصائد لكل ايام محرم اشترك بالقناة

اتخيل وياي _ اكبالك الماي
وشايل رضيعك مذبوح
بهذا الوضع وين تروح
////////////////////////////
كلمن عنده ابن بالبيت _ وخصوص العمره ست اشهر
مي بارد اذا عطشان _ يشربه وعنه ميقصر

جا عبدالله ظامي ومحد ايشربه
كبل اشفافه من الحر يبس كلبه
تخيل شايل ابنك حالته صعبه
وشامت بالسهم بحظينك ايضربه

غمض العين _ ابن الحسين
بحظننه انذبح طفل ازغير
يفرفح بقه مثل الطير
////////////////////////////
المتعود يحجي تعبان _ يشوف وليده ينسه الهم
وابو اليمه رجع متعوب _ وركبت ابنه تنزف دم

دم اوليده ينزف تارس اجفوفه
غطه نحره صعبه الربته تشوف
من الخيمه طلعت امه ملهوفه
كل ظنهه ارتوه الما تكدر اتعوفه

ينزف اهواي _ كلهه بهداي
من كلهه هذا ابنج مات
اعليهه انغمه بهل الحظات
////////////////////////////
اعتبره هذا صاير بيك _ من الحر خامل اوليدك
تقبل يجري يمك ماي _ ويموت من العطش بيدك
الموقف هذا صاير وي ابو اليمه
يأشر بيده ظل ما تطلع الكلمه
ترف عبدالله لو المر الهوه ايلجمه
اتوقع ماكو ماي و غسله ابدمه

بيهه حسيت _ تبجي ظليت
الشامت تسمعه يحاجيك
ماي يكلك ما ننطيك
////////////////////////////
بخيالك سافر اويه حسين _ وهز كاروك المدلل
ودليلوو يالولد لتكول _ يفز خافنه يتعلل
بكاروكه الرضيع اعيونه مفتوحه
ركبته تلث اصابع كلهه مذبوحه
السموم ايلجمه كاعد لمن ايلوحه
شنو ذنبه بسهم من طلعو روحه

سافر اوياه _ ونادي ويلاه
روحك بجي خلهه تشوغ
اكماط الطفل دم مصبوغ
////////////////////////////
منو يتوقع ايذبحون _ طفل جان بعمر ورده
يبجي من السهم صاباه _ دمه دمعته بخده
اتخيل بين ادينه الدلله اينازع
عكس اخيامه ابو اليمه اشو راجع
السهم من ركبته مكابل لكا طالع
هم شايف مثل هالقصه هم سامع

سمعو ياناس _ القصه بحساس
زغير بسهمهم فطموه
راسه برمح هم شالوه
////////////////////////////
تمت ____ علاء الزيدي


https://telegram.me/aabas78
قصائد لكل ايام محرم اشترك بالقناة

2023 قصيده جديده لسيدتي فاطمه العليلة عليها السلام

حمل ضعنهم والركب راح
ومن يومها ما شفت الافراح
=======================
1
وينك - كلب العليله شيحتمل
وينك - ضليت بس مدمع يهل
وينك
اتسمع دروب الاجوا - من السفر- بلكن خبر- منكم يداويني
اتخيل احبابي اذا - واحد حضر – يمسح اثر- دمع البقه بعيني

ساهرت ليلي والكمر غاب
وانه اسأله ما شفت الاحباب
بلكي تشافي هاي الجراح
ومن يومها ما شفت الافراح
-----------------------------------------------------------------------------------
2
حيره – غربه الديار ابلا اهل
حيره –موت الهجر مابي اجل
حيره
من اسمع اعله اهلي ولو- طارف خبر - طول السهر- ايزيد اهاتي
اغفه وعله عيوني طواريهم تمر – واني انتظر – منهم خبر اتي
كالولي مده والسفر طال
وامال كامت تذبح امال
راحي انبره وان افرك الراح
من يومها ماشفت الافراح
-----------------------------------------------
3
دنيا –صارت مسافات الورد
دنيا – وما اشوفن بعيني يرد
دنيا
كلتولي مده وينتهي – هذا البعد – واهلي ترد – واستقبل احبابي
والشفته هل مده بقت – وانا انضهد – كلساع ارد - بس الهوى ابابي

ايست يلتم شمل الاخوان
ومو دار وحده حي للحزان
ماينسمع بس صوت النياح
-------------------------------------------------
4
ريته – محملني وياه بالركب
ريته – كل هم ولا هذا الكرب
ريته
شنهي العلل من هل سفر - انه الشفت – بس ما متت –وارتاح من اهي
يابويه من عكب الاهل - قابل عشت – وبكل وكت - صار الفكر ساهي

رفت رموشي والدمع طاح
ونوح الوحيده كبت النياح
وي المسيه والعطر فاح
----------------------------------------------------
5
يشهد - ليلي عليه والنجم
يشهد -لو مر عله عيوني حلم
يشهد
اهفو على شمت عطر - تطفي الجمر- – داري كبر - من فارك الغالي
الدنيا ما ترحم قلب - ب اول عمر - ضل يستعر - ولا راعت احوالي

معلوله واصعب عله الوداع
لا مرهم الها ايداوي الاوجاع
تدرون ليل الفركه ذباح
------------------------------------------------------
6
اعرف-واحساسي ينبيني الجره
اعرف - جن الغوالي اموذره
اعرف
مدري حلم مدري صدك -صورة ذبح – بيها انذبح – حرمتني من نومي
والغربه مو غربة وطن – هجر المحب – بي تغترب – عشت بسجن يومي
لا جوني لا وصلتي انباء
شاء الجليل بحكمته ششاء
هم اعله عله تكور وطاح

احمد عيسى البديري


https://telegram.me/aabas78
قصائد لكل ايام محرم اشترك بالقناة

نزله

ليلة 8. مــن محرم الحرام


جاسـم اختاض وزعـل
ثلطعش عـــمره ونـزل.

___
13 عمـــرة الـــــورد ويحصد الوادم حصد
شمـر غيضه ومايرد ويــمرد العـــايل مرد

كاشـخ بثوبه وفزع وسيـفه بجفه أنــطبع
طفه بجفـوفه الشـمع رمـله صاحت بالدمع


الفـــرحه ماتـت ياأمل
ثلطعش عـــمره ونـزل.


الفرحه ماتت ياضوءه بغيبتك ضاك الهوءه
لكلبــي مايـنفع دوه عمـري ولماكو ســـوه

من مشـــيه ذاك الولد والكـــلب منـه ارتعد
رتــك الحـمـلي سند فــركته صارت بعـــد

بعازت ولــيدي ورحـــل
ثلطعش عـــمره ونـزل.


كأسر خشوم الزلم يفزع أبني ومبـــتسم .
باالعـــــدد لا مايهـم يـــهـــــزم.ولا ينـــهزم

فرحتـــه بصيد الزلم. صـــيدة فرسان الوشم
بالشــرد لا مايــــهم عــمته صاحت ياشـهم


يجمــع بحـــيله وحـمل
ثلطعش عـــمــره ونـزل.


ع العده صال ويجول حتــارت بفعله العـقول
بصولته يصيح ويكول اليوم أكنطرها الخيول

اليوم أســوي الزلزله. اليــوم حـيــر كربــــله
عمي راعي المرجله. بزوده عــمـتي مـــدالله


والعــدو مــــنه نــذهل
ثلطعش عـــمره ونـزل.


المهرة هدها بلا رسن. الحومه طبعا أبن الحسن
كل خــــواته هلـــهلن بالــــجره كلـــهن حجن

صولته صــولت علي الكــــرب حـــده ينـولي حيــفه بيـهـــم ينجلي نــــــاده بيـــــهـم أبتلي



مثل حيــــدر بالــجمل.
ثلطعش عـــمره ونـزل.
___
الخادم

الشاعر مرتضى آل مكطوف


https://telegram.me/aabas78
قصائد لكل ايام محرم اشترك بالقناة

للحرب ودت اشلون اربعه وابو فاضل لزمها المشرعه
**
بغيرة الله تحزمو وعالمنيه اتراكضو ولد حيدر كيفو اجوها
كمر هاشم باللوه وكربله تصيح الهوه للحرب نزلو سوه وسبوها
الروس كلها اطايرت والجيوش اتراجعت حكها زينب زامطت بخوها

ومن هز الرايه العباس ضلو راس يطك براس

هوسه // وسيفه من الدم صار احمر

ياهو يكدر يفوت ويمنعه وابو فاضل لزمها المشرعه
***
امن ام البنين وكفو ماخذه اطباع البدو بله يشبها منو اصيله
هاي اهلها اهل الهله وهيه حيل معدله اشما تضحي بكربله قليله
رضعتهم عاطفه وعلمتهم عالوفه حسين كنز المعرفه الوسيله

وها يم عباس اشتردين ولدج لزمو ضهر حسين

هوسه لعبو جوله ولدك بالطف

اكبال اخوهم قروها الواقعه وابو فاضل لزمها المشرعه
*
شدو الحيل واجو وعالفرات استطلعو بالمعسكر هوسو نشامه
اتراجع الطف ليوره شاف سبع الكنطره وبالخيم تتنطره اليتامه
للزلم ماضل اثر هذا عباس الكمر اتكول صارت عالنهر قيامه

من عنده اشلون يشردون خل ناخذ عطوه يكولون

هوسه // عباس هاك اخذ النهر

اهنانه عسكر تعنه وضيعه وابو فاضل لزمها المشرعه
***

وين المهيل نزل شفنه متن الطف هدل اعليهم ايلوك الزعل ضياغم
كلبو الدنيه كلب ودخلت انذار الحرب الجيش فر امن الرعب هواشم
ذوله تربات الولي ذوله واحدهم علي بيدهم من تعتلي الصوارم

من فوك الخيل ايشمرون وميه بصف ميه يذبحون

هوسه // اهل الغيره سوها ارماد

والنشامه بدماها اموقعه وابو فاضل لزمها المشرعه
**
صفنت عيون السمه بولد حماي الحمه غركوها بالدمه المعاره
ماكو فرصه الهم بعد فكر روحه الما شرد والكمر بخوانه هد غياره
للحرب سيفه ابتسم وجان شيال العلم محد يمر بالخيم شعاره

تصهل بالميدان الخيل راواهم عباس الويل

هوسه // عباس الشط طير راسه

والكتايب بعدهي مروعه وابو فاضل لزمها المشرعه
**
غاره والسبعين الف كلها منهم ترتجف بالحرب ماكو عرف نشاهد
حشم حسين اخوته وهمه دوم بطاعته صارو بصف خيمته سواعد
بالنصر خل تحتفل كربله وتحجي الفعل حته لو جاي الفضل يجاهد

بساع وردو شمرت قوس بالخيل امعلكين الروس

هوسه // بيهم يتباها الملعب

حسين الهم رفعه ايده ودعه وابو فاضل لزمها المشرعه
*
تمت
تحسين الخفاجي


https://telegram.me/aabas78
قصائد لكل ايام محرم اشترك بالقناة

نزله هلالية 2023

هل محرم والحزن بهلاله
نـرفــع الرايــات لستقباله
........

هل محـرم بالحـزن واللـوعه
والامام المهدي تجري دموعه
عالسبية زينـب المفجـــــوعه
ودمعته بطول الزمن همّــــاله
.......

هل محرم والنبي يبچي ويون
ونشرت املاك السمه ثوب الحزن
ثوب ابواليمّه الذبيح الممتحِن
وفاطمه تبچي وتنوح اگباله
.......

هل محرم يحچي محنة كربله
يالله ياخــدام خل نستقبله
بالمجالس كل عشگنه انرتّله
بالمــــدامـع نبتــدي اعمـــاله
.......

نحيي ايام العزه ونلطم سوه
عالذبيح المات ضامي بنينوه
الماي يجري بالنهر بس ما روه
لا شرب هوّه ولا اطفاله
........

يالله خل نحيي شعائر كربلاء
نلطم عله حسين ونقيم العزاء
شهر عاشور انفرض شهر الولاء
نواسي بي طه الرسول وآله
........

للعـزَه نتهيّئ ونلبس سواد
والمجالس نقره بيها بكل بلاد
عدنه واجب نحيي امره وعتقاد
حسين قائدنه ونظل نقراله

سيد زيد الفحام
_'___

https://telegram.me/aabas78
قصائد لكل ايام محرم اشترك بالقناة

موشح الانصار




انتو  انصار العقيده وشانها
انتو  امجاد الوغى وفرسانها

١

يارجال العزه والحق والثبات
يا أسود الغانمه ومعنى الحياة
كل أسم من ينذكر بالصلاوات
لون رادت تشتعل نيرانها
٢

ودارت المعركه بنيران وسهام
والأنصار الحرسو احدود الخيام
قدمو اعمار  ومناحر  والكلام
ترجمو أهل الوفه وعنوانها
٣

اول الاسماء قاتل بأقتدار
عاصب عيوني نزل والراس حار
والنعم منه برز  شيخ الأنصار
ياحبيب الچان عزها وشانها
٤

اتقاتل وعالم فقه يابن خضير
وسيد القراء انته يا برير
بروح وحده تنزل انته وي زهير
والهوه انسد بوسط ميدانها
٥

ومسلم بهمه نزل بن عوسجه
من نزل للزمن گام ايحاججه
محد اتقدم ومن سيفه نجه
من توسطها ارتفع دخانها
٦

دارت المعركه واتفرج تعال
من تقدم بيها نافع بن هلال
والحسين ايشاهد بعينه الرجال
ياهو خان العشره ياهو الصانها

٧

شوذب وجون الرجل يم الرجل
ثابتين بمعركه ودگو رجل
الموت طوقهم مثل طوق الحجل
وشجرة المعركه همه اغصانها

٨

وآخر الانصار نازل مدري وين
مزگ اثيابه وصرخ ياسامعين
انه عابس انه مجنون الحسين
صوتي يوصل للسمه واعنانها


لاتنسون والدي وابني عباس من الرحمه والغفران
خادمكم رياض الرسل الجابري


https://telegram.me/aabas78
قصائد لكل ايام محرم اشترك بالقناة

يارقيه،،،، يارقيه،،، يارقيه



ذاكه صدره الكله حنيه انكسر
والحوافر وصلت الحد الضهر
جسمه چم خيال داساه وعبر
والحجر نصين سوه اجبينه

والدچ عريان ضل بكربله
جسم جسمت گلبه نبله حرمله
لاهله بذيچ المشاهد لاهله
وحتى ثوبه ومحبسه مسلبينه

بعد ما يرجعلچ وراح الابو
بيت ماضلچ ولا عم لا اخو
شوفي ذاك العالرمح راسه منو؟
خاف تشتاقيله تشوفينه

راحت ايام الدلال وغربت
وشيبته ذيچ الكريمه اتربت
والخيول اشخربت ماخربت
عاالمصايب گلبچ الله يعينه

طفله بعدچ تجرح ادموع الهجر
وحيل حيل اتعب ايام الاسر
عمرچ ابين الخرابه والقصر
يارقيه باچر  اتودعينه

عاالرمح بايت وصارت نومته
المثله كون يغمض بنص عيلته
من عمت عين الرماح الشالته
منظره يمرمرنه ويبچينه

شدي حيلچ كون عندچ باقي حيل
منين اجيبن والدچ والدنيه ليل
من تركته تحولن دمعاتي خيل
يغيرن اعله الاخد اذاتردينه

الشاعر سعد العبودي


https://telegram.me/aabas78
قصائد لكل ايام محرم اشترك بالقناة

اليله 9 محرم الحرام

أبن غانم لاتطب       علي الأكبر  بالحرب
____
طــــبهم بزود وعزم.       حارت بوصـفه الزالم
الحومه طبها بلا معين .   بسيفه ضل الحاقدين
دارس. فنون الحرب.     من يـطب   ماينــغلب
والزالم كــــل  الزالم. .    شــردت ولبست هدم
كلف ملكاة وصعب    .   
علي الأكبر بالحرب
___
يشبــه الحــيدر عـلي.   الحومه طاويها طئوي
با الـحرب ماله مثل. .   حيدر بحرب الجـمل
بجفه فقاره ويـصيح.   الشافه يكوم ويطيح
ها الشبل أبن الفحل     علي  الأكبر  ارتــجل
أرتجل وكت الضرب     
علي الأكبر  بالحرب
____
أبــن غانــم اسـتعد.        عـلي الاكـبر الـيهد
بسيفه يطبر هامتك.   .    المـــن تلعب العبتك
تلعب ويه ابن الفحل      يشـــبه العمه الكــفل
من يطب شايل الوه      يكطــع أنــفاس الهوى
يشتعل نار وغضب       
علي الأكبر  بالحرب
__
والشمر خاف  الشمر      شــاف جيشه ينكسر
واكف وحار شيصيح      والزالم كامت  تطيح
خاتل بخلف الحرس.     ونكطع منـــه النفس
عطوه عطوه ياشهم .  .   كمنه نـنقـص باالزالم
والعدد ماينــحسب        
علي الأكبر  بالحرب
___
عمه صاح بصولته      عفــــيه جف الربته
سيفه شاله بيمنته    صـــاح أبشـري العمته
كلها عمه أداليلي         كربلـــه نذلــت ألي
والرماح تخـــجلت.      كلــها طاحـت ونزل

غيمه وعليهم تصب. 
علي الأكبر بالحرب
____
الخيم جاي البــطل.    راس أبن غانم حمل
صوته صوته يعتلي.  .  الجــائزه بــويه الي
الجائزه بشربت ماي     كلبي عطشان هواي
الخيمة  امه يعتني.       وأمه تنـحب ياعلي
تشابكو كلب بكلب.   
علي الأكبر بالحرب
_
الحــرب رأد  أردود.          بكل فخر وبكل زود
اليوم اسوي المجزره.    وأنــه جــدي حـيدره
اليوم اوسدهم تراب.      اليوم أراويهم عذاب
اليوم اسـوي الزالزله .      والجــيوش مبهذاله
والله بيهم من أطب   
علي الأكبر باالحرب
_
الخادم  علي الأكبر
الشاعر والرادود الحسيني

الشاعر مرتضى مكطوف


https://telegram.me/aabas78
قصائد لكل ايام محرم اشترك بالقناة

دللول...دللول..يعبدالله  دللول
راح  راح  من   عيني   الولد
**
اجيتك  حايره   وتفكد  امناغاك
شاغلني  سهر ليلي وحنان ارباك
ذابحني زماني اشخله من فركاك
ياسهم الغدر  ما ظني هيج وياك

يمحزون ...يمحزون سهم فكدك  يمحزون
راح  راح من عيني الولد
****
اون بلا شعور وظهري محني عليك
اشربك ماي من عيني الدمع يرويك
اشوفك  يبني  نايم  والسهم ماذيك
اسولف والدمع  بالسكته لو حاجيك

عله  الاه.... عله الاه  خلص عمري عله الاه
راح  راح  من عيني الولد
****
تمد   ايدك   ييمه  تريد  مني  الماي
اركض  عالنهر  بس كونه جاي وياي
يايمه  بونيني اشيطفي نار  احشاي
انشلع  سباح كلبي وحسرتي بدنياي

نمت ليش... نمت ليش ..يعبدالله
نمت  ليش
راح رمن عيني الولد
****
چنت حلمي وحياتي وشمعة امالي
ييمه انظر  جمالك چن سمه هلالي
اهزن  بالمهد   شفت   المهد  خالي
اصدن  للرمح   صد  راسك  اكبالي

يمنحور..   يمنحور  ذبل وجهك  يمنحور
راح  راح  من عيني الولد
****
ذبح عمري الدهر ومرادف الحسبات
فاركني  حبيبي  وكلبي  بي لجمات
ما صدك   ييمه  وليدي ماظن  مات
نايم  عالترب  متروس   اثر طعنات

اناغيك.. اناغيك......نمت وبروحي اناغيك
راح راح من عيني الولد
****
خلص عمري عل نحرك ونتهه عمري
تعودت   انه  اشوفك  نايم  بصدري
اريد   ارباي  يبني  وكل تعب سهري
مذبوحه امنياتي  شخله  كل  دهري

بالونين  بالونين........ذبحت امك بالونين
راح راح من عيني الولد
***
تمت بعون الله
خادمكم ....يوسف الفتلاوي ..


https://telegram.me/aabas78
قصائد لكل ايام محرم اشترك بالقناة

نزلة عزاء

عالرگب سيفي نزل.   انه ابن خير العمل
      انه الاكبر.    انه الاكبر
==========
انه الاكبر بالمعاره وسيفي يحصد بالزلم
قارعه بلحظه نزولي مثل جدي المنتقم
علي براسي بالشجاعه ماابالي ومااهم
اني الاكبر بالحرب
شبه حيدر من اطب
اني بعيوني الزعل
اني ملگايه صعب

بيدي فقار.           نزل نار        عزم بالرايه
افدي الحسين.   فده العين.     نطيته حجايه
انه تربات الفحل.    انه ابن خير العمل
انه الاكبر
===========
عمي ابوفاضل يگلي انت يوليدي فخر
زودك وزودي سويه خذنه من فارس مضر
نور وجهك والوسامه هواي تشبه للگمر
شاف عزمي وصولتي
منه ماخذ شمرتي
احجايتي وحده تظل
مااثني بضربتي

عندي مقياس.     على الراس.   ضربتي بسيفي
جني عفراس.     على الناس       تشاهد حيفي
لاح بعيوني الزعل.    انه ابن خير العمل
انه الاكبر.      انه الاكبر
==========
المعركة بجفي درتها وماشفت بيهم رجل
واليبارزني ويجيني هذا ماعنده عقل
العدد موشاهد اعرفه شاهِد العركه الفعل
شاهِد لفعلي الخصم
اني خورست الزلم
سيفي بالعرگه حچه
وي الرگب ظل منسجم

صوت مسموع.    بالاظلوع.   تسمعه من يرن
ذب الارگاب      ولاهاب.      عساكر بس تون
الجيش راواه الاجل.   انه ابن خير العمل
انه الاكبر
==========
ضاكت الوسعه عليهم وادم إدّور الهوه
واسمع العسكر يسولف ورطه اجينه لنينوه
روس تشكي العله صارت سيفي صارلهم دوه
صوتي بالعسكر هتف
العسكر گبالي رجف
شردت الوادم رعب
الجثث وصلت للنجف

تسمع الصوت.   اجه الموت.     واعاين حاله
حاله الخوف.    بلا شوف.      ركض خياله
وادم وكلها خلل.   انه ابن خير العمل
انه الاكبر
==========
فرغت الحومه واعاين مابقه منهم نفر
ناس ماتت ناس شردت بيهم متيه المفر
واليتيه رد واجاني لموتته برجله حظر
الخوف سيطر عالگلب
وادم متيهه الدرب
السيف يحصدهم حصد
والله يحتار اليطب

حيرة يحتار.       شنوالصار.     يشوف الحاصل
طاحت سيوف.  بالاطفوف.      فقاري يقاتل
صوتي بالحومه ارتجل.   انه ابن خير العمل
انه الأكبر
==========
           ✍الشاعر علي النائلي


https://telegram.me/aabas78
قصائد لكل ايام محرم اشترك بالقناة

﷽ لـ مولاتي العليلة عليها السلام
القصيدة : لاتطول بالسفر
محرم الحرام 1445 هــ

✅✅✅

لاتّـطـــول بالسفـــــر بويه يحسين
على الدرب شح النظر بويه يحسين
برحلتك كلبـــي نجوه
وجنحي بالفركه التوه _ بويه يحسين
ــــــــــــــــــــــــــــــــــــــــــــــــــــــــــــــــ
نفس البعد نفس الهضم والفركه صعبه
الباقـــي لجلك ينتظــر مشلـوع كلـــبه
راح اتانـــي ومـا ترد
ومحمله جفوفي ورد
يالتارس اعيوني نشد _ يمته انه اشوفك

برحلة الحــب والسفر كلها امنياتـــي
يالعفتني البيت وحشه ابلا خواتـــي
يامكان البيه اعيش وكلبي مكســـور
بسهم فركاك الدهـــر صوب حياتـــي

الشبكه مختلفه تـره للفركه مو مالت دلال
يادرب ياخذني ليك روحي مختنكه تعــال

عينــي تشبح للدرب بويه يحسين
الذكره تنهش بالكلب بويه يحسين
الحيل بحزانـــي هـوه
وجنحي بالفركه التوه _ بويه يحسين
ــــــــــــــــــــــــــــــــــــــــــــــــــــــــــــــــ
انـــه العليله والمرض جملته فركـــاك
انــه العزيزه فاطمــه ومشتاكه ملكاك
محمل وماكـــو الـــي
وبعيده عن ناسي وهلي
ابنيتك يابـــو علـــي _ ومدلها ايـــدك

الله لاينطي الدرب ماخـذ حناني
طفله مو مالت هجر والكم تتاني
ليش يا ضي النظر تتركني وحدي
وانه ويــاك اطمئن وانته امانـــي

برحلتك كلبي انكسر وعشت حسرات البعد
كلبي ذايـــب والقدر خلاني اسولف بالنشد

بعينـي اللام الظعـــن بويه يحسين
بعدك فلا عندي وطن بويه يحسين
غابت اسنين الضـــوه
وجنحي بالفركه التوه _ بويه يحسين
ــــــــــــــــــــــــــــــــــــــــــــــــــــــــــــــــ
طبع اليسافر لو رحــل لغيابه ايام
ليش انته مني من رحت تتركني بوهــام
يالرايح بكلبي الحجي
عيوني ماخذها البجي
راح اتاني ومن تجي _ تشرق حياتي

بدونك اشما تبتعد مكسوره روحـــي
الليل هندس من يجن ويلمني نوحي
شايف اشكال القلب من رحت يحسين
ياروح روحي ويه المشى وخذي بجروحي

شلفايده مـــن النظــر لو ما اشوفنك صدك
ولو طول اغيابك علي كون اموت واحترك

اسهر ابليل الدمــع بويه يحسين
افراكك الماينجرع بويه يحسين
الليل بحزاني ارتوه
وجنحي بالفركه التوه _ بويه يحسين
ــــــــــــــــــــــــــــــــــــــــــــــــــــــــــــــــ
كلما يمر طاري هلي واختـي رقيه
ابصلاتـــي واختنك والنـــار بيــه
بـ الله اكبـــر ياهلي
اذكر سكينه وي علي
البيت ماضل بي ولي _ وصاير خرابه

يابو علي ودارك بقى محزن بالاوداع
مثل السفينه المنكسر من عدها الاشراع
من خذت سكنه ورقيه وعمتي زينـــب
ضايعه وماكو سمه الحزنـــي ولا كـاع

ريت كل هذا الجره بحلامي ماجنك رحت
من افـــز عيني الك يعنــي بحظانك نمت

صارت صدك لمن رحت بويه يحسين
بكلب العليله شكسرت بويه يحسين
للمرض انتـــه الدوه
وجنحي بالفركه التوه _ بويه يحسين
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري


https://telegram.me/aabas78
قصائد لكل ايام محرم اشترك بالقناة

ليلة ٩ محرم الحرام
ليلة مولاي علي الأكبر عليه السلام
( قصيدة نزلة عزاء )

گلبي ويّاك يالأكبر ... گلبي ويّاك
گلبي ويّاك يالأكبر ... گلبي ويّاك
………………………………………………………………………………………

يبني يا سِبّاح گلبي وماي عيني
أدعي ربي يا علي ســالم تجيني
من دخلت المعركه واشتد حنيني
آنه أُمك والگلــب يـخــفي ونيني

روحي بحماك يالأكبر ... روحي بحماك
گلبي ويّاك يالأكبر ... گلبي ويّاك
………………………………………………………………………………………

يبني گلب الوالده يـبــاصر إبنهه
لا تلومه إنچان ذايب من حزنهه
وآنه روحي اوياك ما ينگطع ظنهه
تظل غريبه لو رحت وإنته وطنهه

دمعي ناداك يالأكبر ... دمعي ناداك
گلبي ويّاك يالأكبر ... گلبي ويّاك
………………………………………………………………………………………

بخيمتي وعيوني ما عافت خيالك
اليوم حگ إرباي أريده وحگ دلالك
يالمليت اعيـــــوني يوليدي بجمالك
لو ردت روحي إخذ روحي بدالك

صعبه  أنساك يالأكبر ..صعبه  أنساك
گلبي ويّاك يالأكبر ... گلبي ويّاك

………………………………………………………………………………………

شگد ثگيله اعله الگلب هاي الليالي
الله بس يعلم  يبعد الروح حالي
غالي إنته وهذا أبوك حسين غالي
أنتظر ترجعلي وتجاوب سؤالي ؟

وين الگاك يالأكبر .. وين ألگاك
گلبي ويّاك يالأكبر ... گلبي ويّاك
………………………………………………………………………………………

صابره وأتنطرك والخوف بيه
عالجمر يوليدي أتاني رد إليه
آخ منهه دولبتنـــي الغاضريه
امروّتك يعيوني فدوه رد عليه

عمري يفداك يالأكبر .. عمري يفداك
گلبي ويّاك يالأكبر ... گلبي ويّاك
………………………………………………………………………………………

يا بعد گلب أمك وتفديك أمك
أرجع ومشــتاگه يالأكبر أشمّك
گلبي ما يحمل مرار وصعب همّك
يا مناي وآنه أروحن فدوه لٱسمك

ربنا حيّاك يالأكبر .. ربنا حيّاك
گلبي ويّاك يالأكبر ... گلبي ويّاك
………………………………………………………………………………………

خادم الحسين عليه السلام
عمار هليل الواسطي
محرم الحرام/ ٢٠٢٣

https://telegram.me/aabas78
قصائد لكل ايام محرم اشترك بالقناة

مقدمه
ليلة واحد من محرم

اول مسه ابشهر الدمع
من فاطمه يلچم ضلع
هم تدري يحسين


هاي اول ليله مـــــن شهر المصايب
بيها گلب الزهره لجل حسيـن ذايب
ليلة استـــــــــــــفتاح للهم والنوايب
الان وادي الطف جرت بيه العجايب
اجروحه كثره وماشفن
بأول مسه يتلچـــــــمن
هم تدري يحسين


اهـــــــلال اول ليله تدري عــذبانه
بذبحك وحرگ المخـــــــيم ذكرانه
كل لطمــــنه وكل دمعـــنه ماكفانه
المثلك احنه انموت ياريت ابمكانه
واحد محـــرم موسهل
يدمي النواضر من يهل
هم تدري يحسين
°°°°°°°°°°°°°

✍الخادم
كامل السعيدي


https://telegram.me/aabas78
قصائد لكل ايام محرم اشترك بالقناة

مقدمه  اول  ليله

هاي الليلة  هاي الليلة  --- أول ليلة من عاشور
"""""""""""""
هاي الليــــــلة  هل الهـــــــلال
عاشـــــــــــور  ومحزن كل حال
المدمع  يجـــــــــري  وهمـــــــــال
وأعـــلام  الســـــــود نعليــــــله
"""""""""""""
يهـلال  بحزنك  من تظهــــــــر
دمعـاتي تفيض  وتتفجـــــــــــر
يوجــــــــــع جرحك يابو الأكبر
ويدمك  كل دمـــــع نســــــيله
"""""""""""""
يهـــــلال  مصيبتهم  صعـــــبة
بالطف  عاش حســـــين الغربه
حســـــين  الحق أواضح  دربه
نســحكَ عالخوف  ونـمشيله
"""""""""""""
شاعر أهل البيت
الشيخ عبد الحسين المنصوري


https://telegram.me/aabas78
قصائد لكل ايام محرم اشترك بالقناة