مولاتي حميدة ع

گلتلي يا حميده
سفرتي مو بعيده
ذبحني الانتظار
"""""""
گلتلي من رحت يم الله خليها
معنى كلمتك مـتردلي ثاريها
لو تدري شكثر متندمه تاليها
بويه شبگتك ما طوّلت بيها
ترد لو لحظه ارضه
واشبگك ارضه لحضه
حلم لو هذا صار
ذبحني الانتظار
""""""""
إلي مشتاگ ادري وانه هم مثلك
مشتاگة سوه نگعد واسولفلك
ريت اندل طريق الكوفة واندلك
بس بتك حميدة شلون توصلك
إلك وحشة يغالي
مكانك والله خالي
مته اترد الديار
ذبحني الانتظار
""""""""
گلت ما تبطي لكن طالت السفره
گلت يومين شو يومينك بعشره
گالوها الخلگ كل غايب وعذره
لكن هم يرد الطايح بحفره ؟
إلك حفروا حفيره
وحيد ابلا عشيره
يبويه بگلبي نار
ذبحني الانتظار
"""""""
رغم الفرگة احلم لسه بالملگه
وكت المغربية احس بالشهگه
من يوم الـرحت لليوم مختنگه
حميدة وداعتك ذبحتها هالفرگه
صحت بويه بنحيبي
سلاماً يا حبيبي
لغيابك فكري حار
ذبحني الانتظار
"""""""""
لو يغفه الجفن حضني سإل عنك
طفلة ونومتي دوم بوسط حضنك
صباح العافية چنت استمع منك
تظل يا عافية ومذبوح احس چنك
چنت اغفه اعله ايدك
ابوس ايدك اريدك
احن ليل ونهار
ذبحني الانتظار
"""""""""
شگد بكربله اتمنى أب عندي
حته بالسبي يمسح دمع خدي
ولو راسك بقه بيه الرمح يحدي
تظل عينك عليه وما اظل وحدي
أون ونّة رقيه
واضم راسك بديه
زماني اعليه جار
ذبحني الانتظار
"""""""""
حميدة لكربلاء اهوايه ملهوفه
اسيرة مو مهم وايديه مچتوفه
خليني انسبي بس اوصل الكوفه
اثر جدمك عيوني بلكن تشوفه
ولو عطرك اشمه
يبويه والله نعمه
احس بالاحتضار
ذبحني الانتظار

انيس الخفاجي الكربلائي


https://telegram.me/aabas78
قصائد لكل ايام محرم اشترك بالقناة

الانصار ع 👇👇👇👇

بشرف صحنه يبو اليمه
بالروح الجهاديه نرفضها العبوديه
**
طلكنه النسه يحسين ونضحي العمر جينه
لبسنه اعله الدروع اكلوب وللجومه تعنينه
محد يوصل احدودك ما دام النفس بينه
انته علت التكوين وانته مصدره ودينه


هتف دمنه يبو اليمه
من ندخل الحربيه نرفضها العبوديه
**
حبينه المنيه وياك يا قائد مسيرتنه
منه لو تطير اركاب ما نترك عقيدتنه
ما همنه الطمع والمال وما غرتنه دنيتنه
رايدنه بكرامه نعيش ونموت بكرامتنه

تعاهدنه يبو اليمه
وهالصرخه الولائيه نرفضها العبوديه
*
انته مشعل الثوره وبيدك راية الاحرار
تصلح رايد الامه وتقمع دولة الاشرار
للذله صحت هيهات الموت ولا ركوب العار
وبجيشك تطوعنه وحبيب تصدر الانصار

تماسكنه يبو اليمه
وهاي الثله نوعيه نرفها العبوديه
*
انته والدك حيدر ويحسين النبي جدك
وجهنم سيدي مأواه كل واحد خرج ضدك
حاشه بكربله نبيعك ونعوفك تضل وحدك
ويم الخيمه نادينه اشحده اليوصل الحدك

تسلحنه يبو اليمه
عدنه الطاعه شرعيه نرفها العبوديه
***
ما نخضع ولا نركع بس للواحد القيوم
من حكم الظلم والجور رايد تنصر المظلوم
ما نتخله عن دربك وخلها اشما تزيد الكوم
يمضي وينسي كلشي ويحسين الحقيقه دوم

لا تهتم يبو اليمه
صحنه صيحه قطعيه نرفضها العبوديه
***
بالدم وقعينه وياك ونرخصلك مناحرنه
وبسمك كل وكت يحسين تضل تهتف حناجرنه
يمثبت اصول الدين يالعشت بظمايرنه
سرجنه خيولنه وجينه وملهوفه مشاعرنه

دخلنه الطف يبو اليمه
وبالكتب السماويه نرفضها العبوديه
**
تمت
تحسين الخفاجي


https://telegram.me/aabas78
قصائد لكل ايام محرم اشترك بالقناة

انصار ،،،،،،،،،حجزنه بكربله لجل المنيه
انصار،،،،،،،،،،،نبيع  ارواحنه لبن الزجيه

  وبعرس الشهاده
   يامحلى  سعاده
**
ناده بيهم  وارتجز  يفخر  حبيب
اني شيخ انصاركم بالدم خضيب
افرح بموتي  اجه قسمه ونصيب
بالطف  القران   محبوبي  رهيب

اصرار.......كتبنه ننروح لك فدوه عمرنه
اصرار....اجينه بكل عزم  والله انتصرنه

    تسبيح العباده
***
وقع  التقرير  عابس   كل  شجونه
اني   عاقل  بالعشك  تحكم جنونه
مزك  اهدومه  وركض شاهد فنونه
عنده  ابو اليمه سكن  مركز عيونه

انظار..........تجنن عابس بهاي  القضيه
انظار......كتب لحسين يامحلى المنيه

يستقبل مراده
***
هسه  دورك  يابرير اكتب  مقاله
روح يم  زينب بعد  بنت الرساله
خبر طمنهه عله ابو اليمه وعياله
ما يمر   يمهه  الهوه  عز  الدلاله

اخبار..........كتبنه  وننشر  بدم   الرزيه
اخبار.......علنهه اعلامي يوم الغاظريه

بالطف الولاده
***
يم زهير الغضب واضح شاربك رف
اني  منطيك   الوعد  نكلبها بالطف
بايعك كلبي وضميري ودمي ماجف
 ماخذ  السيف بيمنه وكاطع الچف

اوتار........عزفنه بكل عزم اول ضحيه
اوتار..........تلمنه برحمتك اجمل هديه

مكتوب بفؤاده
،***
ارتجز  بن عوسجه وبدمه  ناذر
خضرتلك  كربله   قبه   ومناير
باجر تنول  الشرف والعزه باجر
حاجز عالموت اني اول  مسافر

ايثار........نشاهدهم وفو تبدي  الشعاير
ايثار........صبح دمهم مجد تقره المنابر

بيبان السياده
***
من وهب والشاكري نسمع العبارات
كتبو عله  دم  صبح  للذله  هيهات
احنه   كلما   ننذبح  نطلع سلامات
يمك الموت اعترف  نجم  الثريات

احرار..........نفوز بكربله  بدم  المناحر
احرار.....نلبي بدعوتك هل من مناصر

مكتوبه الأراده
،،،،،،،،،،،،،،،،،،،،،،،؛،،،،،،،،،،،،،،،،،،،،،،،،،،،،،،،،،،،،،
الشاعر يوسف  الفتلاوي


https://telegram.me/aabas78
قصائد لكل ايام محرم اشترك بالقناة

الانصار

وين راحو * صحبتي ونصاري
وين راحو* غربه كل اكتاري
------------------------------
وين ابو فاضل عضيدي الجان لجروحي دوه
الهوه لو شح عليه جنت اشمنه هوه
خيمت الغربه عليه وضهري بفراگه التوه
وينه ساند ضهر اخيه وين شيال اللوه


وحدي باقي *وين زلم الكلفه
وحدي باقي* هالوضع شيوصفه
----------------------------------------
وين شيبتنه الكريمه التمطر اعلينه ضوه
وين عمي الجنت احبه ابياكتر طاح وهوه
شيخ الانصار المضاهر ابفرگته گلبي انجوه
بيارزيه طاح دامي ويارمح منه ارتوه

ياحبيبي*ابروحتك إتأثرت
ياحبيبي*انته لحسينك صرت
----------------------------------------
وين الاكبر وين جاسم انده ومحد اجه
وين ابن القين رايح ولاله حس بن عوسجه
وينه نافع ولرياحي ابغربتي گلبي ارتجه
هلبت يسمعون صوتي بالهضم صدري انسجه

ابصوتي اندب*وينهه اليوث الوغه
بصوتي اندب* الوكت بينه طغه
------------------------------------------
انه تكسرني الشماته ابد مو كثرة عده
لسه جلمة وين اخيك زارعه بكلبي صده
حسين شو محد بقالك اه يچلمة وحده
منهه فاض الشيب بيه وجرح المفارك بده

صار بيه *اعله گد الطف جرح
صار بيه *بالسؤال انه انذبح
---------------------------------------
اه ياوحدت محرم وذرت گلبي وذر
ابعيني اشوف انصاري صرعه اتخالطو دم النحر
نايمه اليوث الصحاري وانه حاوطني الخطر
انكساري صار واضح للجمع بان وضهر

استوحدوني *من گضو سبعيني
استوحدوني* كون ضاك ابعيني
-------------------
الشاعر علي سليم الحسناوي


https://telegram.me/aabas78
قصائد لكل ايام محرم اشترك بالقناة

نزال للانصار ع


انصاره .. ورايته انعليها
. . . . . . . . . . . .. . . .

يرتجف طاري المنيه من يمر طارينه
اليوم ابو السجاد بينه لازم ايكر عينه
دسنه عالموت ابجدمنه وينه اليلاكينه
احنه تربات الصميده بالحرب ويمينه

كل غاره .. احنه متصديها
انصاره .. ورايته انعليها
. . . . . . . . . . . .. . . .

اليوم تاريخ المراجل تنملي صفحاته
حسين مصحف واحنه لازم ننكتب آياته
الواحد البينه . الشجاعه اتحاول امجاراته
ايعادل جيوش ال اميه الواحد ابحملاته

يتباره .. جيوش ويلاويها
انصاره .. ورايته انعليها
. . . . . . . . . . . .. . . .

نكتب التاريخ بالدم من نخط السيره
حب ابو السجاد بينه مو سهل تفسيره
اغلى من الروح عدنه حسين هو الغيره
امبايعين بعالم الذر ما نبايع غيره

نختاره .. وبيعته نشريها
انصاره .. ورايته انعليها
. . . . . . . . . . . .. . . .

الواحد وسبعين احنه والعده يعرفونه
احنه واحدنه ابكتيبه لمن ايحسبونه
واليمد للموت جفه عشره ميلاوونه
ايتيه مشراد العساكر لمن ايلاكونه

محتاره .. جيوشها نخليها
انصاره .. ورايته انعليها
. . . . . . . . . . . .. . . .
نبوس جف حسين والذل ما نبوس اجفوفه
يزيد من صرختنه يكظي سنين عمره ابخوفه
ابكربله احنه انتقدم . جيشهم وصفوفه
ينسحب بالخوف لمن يوصل ارض الكوفه

بتاره .. سيوفنه محضريها
انصاره .. ورايته انعليها
. . . . . . . . . . . .. . . .

اليوم كل واحد يطيح ابكربله ايدك رايه
اصبح الطف الوسيله حسين اكبر غايه
زينب انأمن كلبها هي هاي اكفايه
فاطمه ترضه علينه وهاي موش احجايه

البشاره .. فاطمه نرضيها
انصاره .. ورايته انعليها
. . . . . . . . . . . .. . . .

خادم اهل البيت عليهم السلام
عمار العيساوي الكربلائي


https://telegram.me/aabas78
قصائد لكل ايام محرم اشترك بالقناة

﷽ لـ الانصار الحسين عليهم السلام
القصيدة : للخلود
محرم الحرام 1445 هــ

✅✅✅

بالصمــود وللمحــن فدوه لأبن أم الحسن
اكتب يتاريخ الزمن للخلـــود
ــــــــــــــــــــــــــــــــــــــــــــــــــــــــــــــــ
احنه انصاره اشاوس مايهمنه كل عدد
احنه ويه حسين خوه وخوه للموت وسند
نموت لأجل الظعن فدوه الروح ترخصله بعد
وكلنه من انصيح زينب بالعزم نلكه المدد

ثابت عزمنه وننتظر ايأشر وفنه اليمر
ننتصـــر او ننتصـــر للخلـــود
ــــــــــــــــــــــــــــــــــــــــــــــــــــــــــــــــ
اكتــب يتاريخ الشهــاده بالعقيده وبالوعي
وضــح الخطوه منــاره وكلها بيها تندعي
كل شخص بينه ينادي هناء مكاني ومصرعي
هناء اعيشن نار كبره وهناء انوح ابمدمعي

لاتنسى اكتب هالسطر حسين منعوفه بقهر
وخـــل يوذرونـــه وذر للخلـــود
ــــــــــــــــــــــــــــــــــــــــــــــــــــــــــــــــ
عهد منطين واجينه وعله السيوف موقعين
مانخلي الجيش يكرب لا وحق حب الحسين
من اجل دين الله احنه انخلقنه ابهل يقين
همه حبل الله ورسوله وكلنه بي متمسكين

من أجلهـــم هــل فلك وهلك للحبهم ترك
الناجي بالطف اشترك للخلــود
ــــــــــــــــــــــــــــــــــــــــــــــــــــــــــــــــ
حسين موطنه واهلنه بدولته تعيش بسلام
ماتعلى اعلينه لحظه مشابك ويانه الامام
اليحسب انصاره اخوته تعجز توصفه بكلام
حسين خلانه نعشكه وصار موطنه الغرام

حسين ابونه والاهل بدربه حنيه وامـــل
الرايتـــه كلمن حمل للخلـــود
ــــــــــــــــــــــــــــــــــــــــــــــــــــــــــــــــ
كلنه نختار الشهاده ونحمي زينب والظعن
فنـــه واحـــد يكربلها اسيوفنه يتجادحن
احنـــه انصـــار العقيده للشدايد والمحن
فدوه كلناها ونردد فدوه لابن ام الحسن

العمر يرخص اله للحسين ابكربله
وماتلمهم كل فله للخلــود
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري


https://telegram.me/aabas78
قصائد لكل ايام محرم اشترك بالقناة

للعباس عليه السلام 👇👇👇

رئيسية عزاء ليلة مولاي قمر العشيرة عليه السلام

ردالي اخوي ابلا اخوي وشيب الراس
يحسين اجيته بدمعتي جاوينه عباس
حاچيته چاوين جاوبني يحسين
==========
اباب الخيم ظليت انه لحسين اتاني
من الگمر طارش يجي انطر تراني
من ابعيد اشوفه ومنكسر وحسين اجاني
منتظرة جيت كافلي مشيبه لگاني

ناشدته جاوين الگمر كفالي جاوين
جاوبني دمعه وماحجه مخنوگ الحسين
وبدمعة العين. جاوبني يحسين
==========
من ظهره خالي ومنكسر ردالي مجروح
يازينب ايگلي الگمر عالشاطي مذبوح
يمه يزينب جن متت ماظلت الروح
بعينه السهم ظل كافلج عالغبرة وينوح

بعينه السهم زينب تره عامود عالراس
جفينه طاحن عالارض مذبوح عباس
اسمع تره اونين جاوبني يحسين
==========
مارد الي تالي الگمر گلبي تألم
سال الدمع من فرگتة ظل يجري من دم
تانيت ابوفاضل تره اباب المخيم
برجعت كفيلي لخيمتي يحسين احلم

اباب الخيم انظر اله ويردلي ياريت
ياربي رجعلي الكمر واشكد تمنيت
افديله جفين جاوبني يحسين
==========
ردنه الكمر خوية يرد ماردنه هالماي
وجه العذب من شوفته يتسمه رواي
طلبة وردت منك ولو ياخوية بس هاي
كله العقيلة رادتك خل يرجع وياي

زينب تريدك يالكمر ياخوية بس كوم
بعدك سبي حرك الخيم وبولية الكوم
وياه عشرة اسنين جاوبني يحسين
==========
فوگ الثره ومااظن يجي سكينه تناطر
تسأل ابوها وهم بقى والدها حاير
يم سكنة ماهل الدمع شفته يحاذر
إيدير الوجه يبجي دمه ايهز المشاعر

ظهره انحنى حسين وبجة والمدمع السال
هز العرش دمعة نزل ويهز الاجبال
ماظل اله امعين. جاوبني يحسين
==========
راح الگمر وحدي حرت اصفگ بديه
امنين اجيبنه الخذه شاطي المنيه
بعدك يبوفاضل تره زينب سبيه
وياك اجت لكن ترد وي ال اميه

فوگ الهزل وانت برمح وبجفي الاحبال
شاب الگلب شاب الرمش ومشيب الحال
ادخل دواوين. جاوبني يحسين
==========
الشاعر/ علي النائلي


https://telegram.me/aabas78
قصائد لكل ايام محرم اشترك بالقناة

العباس عليه السلام 2023

شملي تشتّت كسروا ظهري
طاح عضيدي وشمعة عمري
يزينب راح ابوفاضل اخونه
وگع يم النهر غمضت عيونه
......

ادركني صاح عله النهر لمن سمعته
أوكع وكوم بلا وعي اركض وصلته
صاير وذر عالمشرعه بعيوني شفته
يازينب مگطّع كفيلج ما عرفته

راسه مهشّم نبله بعينه
روحي ادوّر عن چفّينه
تغيّر شكل اخوي وحته لونه
وگع يم النهر غمضت عيونه
......

حاچيته بدموعي وصحت انهض يعباس
لتخلّي اخوك بلا اخو يارفعة الراس
ظهره انكسر اسمع گمت تتشمّت الناس
جاوبني مو صدري اختنگ ما ظلت انفاس

وين چفوفك طاحن گلّي
فدوه لروحك روحي وكلّي
اخوي الما عشت لحظة بدونه
وگع يم النهر غمضت عيونه
........

عايفني مكسور الظهر بين آل اميه
من گطعوا چفوفك احس كطعو اديه
يابالفضل فگد الاخو اعظم رزيه
گلبي انجرح گبل الذبح ما تدري بيه

يمواسيني لآخر لحظه
ابقه محيّر ماظن ترضه

اليضمني بروحه وايحطني بجفونه
وگع يم النهر غمضت عيونه
......

حيلي انهدم ما ظل بعد للگومه هِمّه
ياضي نظر عيني انطفه والدنيه ظلمه
لو طاح اخوك عله الأرض منهو اليلزمه
حزام الظهر انت وطحت بيمن احزمه

ارجع وحدي شلون بدونك
ولو سألوني الينتظرونك
اگلهم گطعوا چفوفه الحنونه
وگع يم النهر غمضت عيونه
......

لوبيدي يختي عله النهر لا ما اعوفه
مني اعتذر يازينب واعرف ضروفه
سلّم عليج ويعتذر كطعوا چفوفه
للخيمه ما يرجع ولا نكدر نشوفه

ما يرجعلج كافل خدرج
لا تنخينه وصّه بصبرج
علي الثاني بقتاله يوصّفونه
وگع يم النهر غمضت عيونه
......

زينب بچت من سمعت حسين وكلامه
صاحت غيابك للسبي اول علامه
يابالفضل من يحمي زينب واليتامه
لو ذبحوا حسين العده وحرگوا خيامه

تدري بفكدك شيمر بيه
لو صاحولي يامسبيه

يجاوب گلبي من ايناشدونه
وگع يم النهر غمضت عيونه

سيد زيد الفحام
__

https://telegram.me/aabas78
قصائد لكل ايام محرم اشترك بالقناة

المشرعه وفرسانها
اليوم اكص لسانها
زينب احنه خوانها-------وانه عباس
*
بسيفي طبيت ارتجل
كاتب ... اكبر مستهل
خبر.. .عاجل لو  نزل 
                  ...... وانه عباس
الحومه ضاگت بالحرب
وعلي اشطبكم   شطب
حالف   اگضيهم  رعب
                    ..... وانه عباس

اليوم  اطك بركانها
تسبح...... بطوفانها
زينب احنه اخوانها
                     ....وانه عباس  
*
راح   اوزعكم  ثواب 
وعزم الموت برحاب
والله البسكم حجاب
                      .....وانه عباس
اله  كاع   الطف  تميل
شردت   العسكر  دليل
بيهم اروي المستحيل....
                        .....وانه عباس

جهزت ....  اجفانها
ماتت ......بميدانها
زينب احنه خوانها
                     ....وانه عباس
***
راسي  حار  وما برد
ياعلي  بسمك  مدد
راح  اطشرهم قدد
                      .....وانه  عباس
بچفي لاويت السيوف
لو زعل مات  الحتوف
والله  صگار  الطفوف 
                         .......وانه عباس

ينكلب........ ميزانها
ماجت.......بعدوانها
زينب احنه اخوانها
                        .......وانه عباس
****
بخزرتي يموت النهر
اني ... للخوه    بحر
والله  اكسر كل ظهر
                      ..........وانه عباس
دنكت   سوح  القتال
شردت  اشباه الرجال
سيفي ما يثني محال
                        ....... وانه عباس

ترتعب..........اركانها
والمفر ......عنوانها
زينب احنه اخوانها
                  ........... وانه  عباس
****
اندحرت اعروش الظلم
سيفي     صياد   الزلم
كدها  ..  ابد  ما انهزم
                      ........  وانه عباس
صاحت الغوث وعلي
 خلهه  تسمع ما يلي
زينب.... اختي دللي  
                  ...........وانه  عباس

 گطعت......ذرعانها
اختنكت....بدخانها
زينب احنه اخوانها
                     ..........وانه عباس
***
وينهه  الكال  ويريد
شاف ابوفاضل شرد
اني اريد  اكثر عدد  
                       .......وانه عباس 
راح اجيهم مفخره
شوف يوم الزنجره
اني سبع   الگنطره
                        ......وانه عباس

المهره  اشد اعنانها
لو  يطب .. سفانها
زينب احنه اخوانها

                         .......وانه عباس
،***
خادم  العباس
يوسف  الفتلاوي


https://telegram.me/aabas78
قصائد لكل ايام محرم اشترك بالقناة

نزلة عزاء

عباس. دخن غضب
عباس ذب الرگب
=========
من زينب اعطشت. يتراعد البطل
راس الگمر جدح والمكصد النهر
مايهتم بعدد. دخن ولابرد
يتمايل الهوه. من خزرة الگمر

طب غاضب مگصوده من صال النهر
والعسكر من شافه تيه كل مفر
اليگربله مايسلم يكسرله الظهر
اللاكاه. شاف العجب
عباس ذب الرگب
==========
واكف على الجرف. والعسكر اختفه
واتخورس الشمر من شافه ماحچه
ظل يرجف اووكع. من خوفه ماگدر
شاف الزلم جثث متحير وبچه

متخورس من خوفه ميدگ الگلب
مذعور ومايشرد ومتيه الدرب
وبحالة شتتوصف حاله اشكد صعب
محتار. لاماهرب
عباس. ذب الرگب
==========
بن سعد اجه وامر كل مية كل الف
خطة حرب عمل. وهنانه نفترض
بهذا الدرب يمر. ظل يرسم الكمر
من الرسم رجف. واغتاضت الأرض

كل ضربة من سيفه يذبحله الف
والقادة محتارة من كثر النزف
والشافه بعيونه خلاه يرتجف
مذهول هذا السبب
عباس. ذب الرگب
==========
بكل فرقة لوحمل تترادم الزلم
عالميمنه يهد. يفنيها بالاصل
عالميسره يشد. خلاها بس جثث
يتسودن الهرب. احسله ينكتل

مايهرب من سيفه واليهرب يرد
مايبرد بركانه وعالعسكر يشد
والقادة من تعاين بس موته تعد
والموت. الهم وجب
عباس. ذب الرگب
==========
سوح الوغه بدمه. غرگها من غضب
مامش درب بعد. من كثرة الدمه
لاشردة لامفر. عالمذبح السره
وصلها هالجثث ساترالى السمه

وعليهم من يحمل مايحصل هوه
وبكيفه يتبختر بمتونه اللوه
من وجه ماشافوا كدمابي ضوه
والروس. ذباها ذب
عباس. ذب الرگب
==========
الشاعر علي النائلي


https://telegram.me/aabas78
قصائد لكل ايام محرم اشترك بالقناة

نزلة ليلة السابع
---------------------
زينب تحشم الكافل/ حي الله عباس
بدر الهواشم نازل/ حي الله عباس
-----------------
نزل يتبختر اخوها
شافته مشيت ابوها
الحومه جدامه افتحوها
نزل گالوا حيدره
شايل السيف بيمينه
والزعل بان ابجبينه
احمرت امن الغضب عينه
نزل گالوا حيدره
ركضوا ركض جدامه/ حي الله عباس
والهامه تضرب هامه/ حي الله عباس
----------------------
صاحب الكلفات غاضب
مثل ابوه لمن يحارب
ناوي يلويها الشوارب
نزل گالوا حيدره
فرهم اعله الماي فره
والشرد منهم يجره
ضاگوا الهجمات مره
نزل گالوا حيدره
خلاهم ابدوامه/حي الله عباس
شحده اليصل لخيامه/حي الله عباس
------------------
شال بمتون السگايه
بيسرته ترفرف الرايه
وعتنه العلگمي ومايه
نزل گالوا حيدره
فرغت المشرعه كلها
بيوم ابو فاضل نزلها
ابيمنته شايل اجلها
نزل گالوا حيدره
كلمن احتار بروحه/حي الله عباس
خله الجثث مطروحه/ حي الله عباس
---------------------
من نزل صاحب الغيره
صارت الهجمه الچبيره
ضهره ابدا مايديره
نزل گالوا حيدره
نزل مغضب شايل ايده
يصرخ بصوت الرعيده
اليوم ابن مرجانه اريده
نزل گالوا حيدره
خافوا السمعوا صوته/حي الله عباس
والزلم مثل الموته/حي الله عباس
----------------------
بطل شبل الهاشميه
لعب جولات ابأميه
گامت اتهابه المنيه
نزل گالوا حيدره
زينب اتعاين هجومه
اتگول اخوي اليوم يومه
عيد عنده بوسط حومه
نزل گالوا حيدره
مبتسم من ايحارب/حي الله عباس
وبهل جماجم ضارب/حي الله عباس
------------------
بيد عباس القيامه
اليدنه من عنده العلامه
مايرد لهله ابسلامه
نزل گالوا حيدره
گام طشرهم ولمهم
حفر بيده اگبور الهم
گام بچفوفه يطمهم
نزل گالوا حيدره
الحومه صارت سوده/حي الله عباس
محد وصل لحدوده/حي الله عباس
-------------------
السيد.
كريم دانه الاعرجي


https://telegram.me/aabas78
قصائد لكل ايام محرم اشترك بالقناة

المشرعه وفرسانها
اليوم اكص لسانها
زينب احنه خوانها-------وانه عباس
*
بسيفي طبيت ارتجل
كاتب ... اكبر مستهل
خبر.. .عاجل لو نزل 
                  ...... وانه عباس
الحومه ضاگت بالحرب
وعلي اشطبكم   شطب
حالف  اگضيهم  رعب
                    ..... وانه عباس

اليوم اطك بركانها
تسبح...... بطوفانها
زينب احنه اخوانها
                     ....وانه عباس  
*
راح اوزعكم  ثواب 
وعزم الموت برحاب
والله البسكم حجاب
                      .....وانه عباس
اله كاع الطف تميل
شردت العسكر دليل
بيهم اروي المستحيل....
                        .....وانه عباس

جهزت ....  اجفانها
ماتت ......بميدانها
زينب احنه خوانها
                     ....وانه عباس
***
راسي  حار  وما برد
ياعلي  بسمك  مدد
راح  اطشرهم قدد
                      .....وانه  عباس
بچفي لاويت السيوف
لو زعل مات  الحتوف
والله  صگار  الطفوف 
                         .......وانه عباس

ينكلب........ ميزانها
ماجت.......بعدوانها
زينب احنه اخوانها
                        .......وانه عباس
****
بخزرتي يموت النهر
اني ... للخوه    بحر
والله اكسر كل ظهر
                      ..........وانه عباس
دنكت   سوح  القتال
شردت اشباه الرجال
سيفي ما يثني محال
                        ....... وانه عباس

ترتعب..........اركانها
والمفر ......عنوانها
زينب احنه اخوانها
                  ........... وانه  عباس
****
اندحرت اعروش الظلم
سيفي     صياد   الزلم
كدها  ..  ابد  ما انهزم
                      ........  وانه عباس
صاحت الغوث وعلي
 خلهه تسمع ما يلي
زينب.... اختي دللي  
                  ...........وانه  عباس

 گطعت......ذرعانها
اختنكت....بدخانها
زينب احنه اخوانها
                     ..........وانه عباس
***
وينهه الكال ويريد
شاف ابوفاضل شرد
اني اريد اكثر عدد  
                       .......وانه عباس 
راح اجيهم مفخره
شوف يوم الزنجره
اني سبع   الگنطره
                        ......وانه عباس

المهره اشد اعنانها
لو  يطب .. سفانها
زينب احنه اخوانها

                         .......وانه عباس
،***
خادم  العباس
يوسف  الفتلاوي


https://telegram.me/aabas78
قصائد لكل ايام محرم اشترك بالقناة

القاسم عليه السلام 👇👇👇👇

صاح جسام     وِيـلَـكم يا آل آميه
صاح جسام      أنني أهوه المنيـه
إن تنكروني فأنا القـاسم
أفعال سيفي لبني هاشم
***
آنه شبل المجتبى ..... وينكم يا ناصبه
اليوم اخلي السيف يتروه ابدماكم
همتي همت علي …… والبطوله اتلوگ إلي
وعلي ابلون اگلوبكم أصبغ سماكم
جيشكم سبعين ألف …… واني بلكر محترف
اله اذل سبعينكم وكسر لواكم
مني شردتكم زحف …… لأن مابيكم كلف
ترگضون وخيلكم تركض وراكم

هاي الگاع    اله احرمهه عليـــــكم
هاي الگاع    تشهد ابمشهد بچيكم
أني لكـــــم صاعقةٌ قادم
افعال سيفي لبني هاشم
****
من يبارزني صحت …… كل معسكركم سكت
سكته والطف ينسمع بي صوت البرُه
ماشفت مابيكم شهم …… لا ولاريحت زلم
واليواجهني ومحمد أنهي أمره
زلم عدكم بس عدد …… ابد مو مالت شدد
من اهف بالسيف اطيح عشره عشره
چني ابوي ابوگفتي …… مـا اثنــي ابضربتي
موابسيفي اليعتنيلي ابچفي اصطره

هذا اليوم    كله مذكـــــور ابوصيـــتي
هذا اليوم    موعـدي وعرسي ومنيتي
بهِ أنتصرنا نصــراً حاسم
افعال سيفي لبني هاشم
*
بيكم اطوي الطف طوي …… چفي ابد مايلوي
اني جندي امن الكتيبه الحيدريه
اهلي قواد الحرب …… اليوث ملگاهم صعب
اليوم اعيد افعالهم بالغاضريه
عفت عرسي وحنتي …… الحرب عيدي وفرحتي
فدوه كلشي ايروح لولاد الزچيه
لجل اميري وعترتي …… افدي دمي ورگبتي
سور اصيرن عالخيم من آل أميه

عمي حسين   اغله من روحي وحياتي
عمي حسين   كعبـــــتي وقبلة صلاتي
في حبِ سبط المصطفى هائم
افعــال سيـــــــفي لبني هاشـم
**
روس انكس وبتسم …… مثلت بالطف فلــم
بيه احصد روسكم حصد السنابل
صحف زينب نشرته …… وبالمخـــــيم بثــته
جندي باسل دوري بيه وروع مقاتل
ثوره اسوي وملحمه …… وصبــغ الگاع ابدمه
وبقه اصيح ابينكم هل من منازل
فاض بركان الزعل …… المــوت وياي ارتجل
هاشمي وراويتكم اصل المراجل

ظلمه اتصير   نينــوى والموت ضــيفي
ظلمه اتصير   من قتالي وزود ســيفي
في الحربِ صمصامي هو الحاكم
افعال سيـــــــــــفي لبني هــاشم
*
حسين قرئان انوصف …… واني بايعته بشرف
وقعتله ابدمي ما اتخله عنه
اهلي ضخروني أله …… والمواقف كربله
الموت من اجله سعاده وحبه جنه
ما أمل من خدمته …… ولا ارد عن نصرته
هوه مفتاح الجنان وهوه املنه
تجوه اصيرله وسند …… من يحل وكت الشدد
بيه وصوني وفلا اتبره منه

هاي الروح   لجله اقدمهه هــديه
هاي الروح   فدوه لسكينه ورقيه
لقطعِ اعناق العداءِ عازم
افعال سيفي لبني هاشم
****

الخادم
كامل السعيدي


https://telegram.me/aabas78
قصائد لكل ايام محرم اشترك بالقناة

نزله للقاسم ع

هذا جسام  هذا جسام
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رمله نادت يا كرام   وانته يحسين الامام
هالجمال شلـونــه
يسوه آلآف الرجال   بدر واصل للكمال
خوفي ليحسدونه

جايك بـواهس عـزم وبهمه
عمره صـح زغير لاچن زلمه
سيفه يلمع ياهو يوصل يمه
وعمه عباس شأخذ من عمه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بيده جايبلك كتاب   من حسن خير الشباب
اقره يبن الزهره
هالوصيه من زمان   عيشتني شگد حنان
وبني دكلك صدره

انته بـس ارخصله حته يقاتل
ساعه رايد واحسب شگد قاتل
جاسم ابني وبالحرب ميجامل
شيطلــع المتعلـــم امنالكــافل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والعمر لا ماله دور  الزلمه يرعب من يثور
تعرفه بالشده
اعرفه يبن الامير   حسن ثاني هم يصير
وچنه حيدر جده

كربلائك هاي وآنه احچيهه
لازم يسجــل مواقـف بيهه
جاسـم اليخبطها ويصفيهه
والعساكر هاي خل يمحيهه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رمله گللهه الحسين  انتي مثل ام البنين
والجزاء الجنه
ارفع ايدي للسماء   ربي اقبل هل وفاء
وكلشي ليقدمنه

و النعـم منـچ ومــن القاسم
هايم بحب عمه وشگد هايم
بذنـي ريشاتـه تشبهه الوادم
بالفحــل عبــاس گمـر هاشم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
گلهه عباس وشگول  هذا فحل امنالفحول
گمت اغار هوايه
خوفي هوه يجيب ماي  يصير كافل عمته هاي
وآنه اسلمه الرايه

گدهـه يا رملـه يصيـر القـائـد
هوه چم جاسم نعرفه واحـد
والله لو يطلب حياتي شرايد
غالي يبن الحسن زلمه وصامد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يسمع وگلبه اطمئن   گلهم آنه ابن الحسن
ودّع وجر سيفه
صاح يا حيدر مدد    يذبح وتـاه العدد
كلشي صار بكيفه

حمـل حمـله و حته محد ينسه
دگـت طبول الحرب وي عرسه
ونســه يـا جســام طالــع ونسه
الجيش صنته وما سمعنه حسه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي


https://telegram.me/aabas78
قصائد لكل ايام محرم اشترك بالقناة

مقدمة ليلة القاسم
 
 

عايـف حــظن الـخيام   يبني
وغافي بحظن الاسهام   يبني
حاچــينــــي يجـــسام    يبني
وينك
 
***
 
وداعت الماشـوف بيـهـــن خانگــتني العبره
شلون حضن امك تعوفه وتغفه فوگ الغبره
شجره تو خضر ورگــها وذبلـــوها الــشجره
عليك مدري على روحي الفاتحه كون اقره
 
هـــا ياتعـــب الايــام   يبني
غافي بحظن الاسهام   يبني
حاچـــيني يجــســـام   يبني
وينك
 
***
 
ارمـــاد صــرت انه بغيــابك والهــوه ذراني
واليدورني اعله جسمــك طــايحه يلگــاني
متت يبني وبقى ذكرك عايش اعله الساني
يالمــــدلل مــو الحــنه افــراگـــك الحناني
 
لا مـو وكتــك اتــنام   يبني
غافي بحظن الاسهام   يبني
حاچــينـي يجــســام   يبني
وينك
 
***
 
لملـمت روحي ســوالف بيــن هاي وهايه
بيــن رمله وبـين يــبني امشــامر الرمايه
البيك كل ضنــتي نبــله شـو هذن هوايه
بالدمه مو بــس اديتــك گـصتك امحنايه
 
شگــد متحـــمل ألام   يبني
غافي بحظن الاسهام   يبني
حاچـــينــي يجـــسام   يبني
وينك
 
***
 
طفح مو بس دمع عيني طفح عزمي وحيلي
بهاي خلـف الله اعلــه زينب گــامت اتچيــلي
صحــت يربــاي ويــتعـــبي ويامســـاهر ليلي
ســولفتلـي بكلــش ليــش بهاي ماحاچـــيلي
 
مامــرت بــالاحـــلام   يبني
غافي بحظن الاسهام   يبني
حاچــينـــي يجــسام   يبني
وينك
 
***
 
اعلومي مو زينه اجيت احچيلي عن اعلومك
ياجمال الله اشعــلامك ياهو طـــفه انجـومك
ياحــلات الحســن ليــش امغــيرات ارسومك
من كثر سحگ الخــيول امشـگگات اهدومك

چن صايرلـك اعــوام   يبني
غافـي بحظن الاسهام   يبني
حاچــينــي يجـــســام   يبني
وينك
 
***
 
الخيمه بيها رمله گلي الهيمه يبني اشبيها
خاف من حظن امــك ادفــه يالولد لاگيها
بعــَشـويه شيلــتي اتــوج ياهــو اليطفيها
عاد بس هالظهر يـبنــي روحـــتك خليها
 
امـــــك لا مـــتـــنلام   يبني
غافي بحظن الاسهام   يبني
حاچـــينـي يجــسام   يبني
وينك
*
حيدر تركي الكربلائي


https://telegram.me/aabas78
قصائد لكل ايام محرم اشترك بالقناة

شــوفتك مالت عرس
طلعتك مثل الشمس
هيبة جسام .. هيبة جسام
===========
شطب ريحان وجميـــــل بأبهى صوره
من دخل للمعــــــــركة أثبت حضوره
ما يهم بالجيش أبد ماهــــــز شــــعوره
موش جندي جنه قائــــــد أده دوره
أبد ما همــــــــه العدد
نزل يزأر كالأســــــــد
هيبة جسام .. هيبة جسام
===========
الشباب المثل عمره ما تفكر بالحـرب
ورد وتحب لترافه وينـها وين الضـرب
أمتحان الدنيا بيها منهجه كلش صعب
وأنته حافظهن وعابر أسئلتها عالكَلب
حيرت أهل الفـــــــكر
شــكَد ثكَيل ومستقر
هيبة جسام .. هيبة جسام
===========

نزلت راجل بالحريبه وأثق الخطــوة تسر
شاف همتك والعزيمة صار رجفه بالشمر
صاح بالجيـش أعتنوله بيهم مسوي ذعر
هيه لحظات وتنكَطر تحت اقدامك بكر
بس وصـــل يـمك هوى
تركت بصمـــــــة بنينوى
هيبة جسام .. هيبة جسام
===========

الحرب فن وشطاره وخبر تحتاج السنين
دخلت بس هيبة بمشيتك لاتبالي بالوتين
عمك ينادي ونصرته بيك هنياله الحسين
15 ماكمل عمــــرك أنته بس كامل يقين
دينـــــك أنصرته وفزت
على الرجــــــال تفوقت
هيبة جسام .. هيبة جسام
===========


معـزب وخلت دمهـــــم مالي وادي كربله
حكمة من الله ونباهه ماتضل أي مسأله
الله للهادي وعترته منطي أرفـــــــع منزلة
من علي الكرار ماخذ شمره بيك المرجلة
من الحسن خذت الكرم
معزب وكلك شــــــــــيم
هيبة جسام .. هيبة جسام
===========

تجمعت بيـك الشهامة والشجاعة والعزم
خوف بالعـدوان تارك مثل حيدر بالزلم
أنته تربات الـمضايف والـمعارف والعلم
كَمر ومحلي سـمـاها هواي يـهواك النجم
بيك يا شـــــبل الحسن
شـــــكَد صفات أتجمعن
هيبة جسام .. هيبة جسام
===========
شاعر أهل البيت
الشيخ عبد الحسين المنصوري


https://telegram.me/aabas78
قصائد لكل ايام محرم اشترك بالقناة

ليلة ٨ محرم الحرام
ليلة مولاي القاسم بن الحسن عليهما السلام

غبت يهلال عمري وفرحة إرباي

يجسام الوكت ما أنصــف اوياي

ينجمعن سوه عرس ومنيه
................................................................................................

عليْ تشهد اعيوني وإنته غالي
يلن سهرن عـليــك شگــد ليالي
ظلام سنيني وانته هلال عالي
وفــيــت بكربله تعـبــي ودلالي

وصاني الحسن من أول أيام

يرمله كربلــه منتظـره جسام


والعاشر ننفذ هالوصيه
ينجمعن سوه عرس ومنيه
................................................................................................


شبابك يبني كله يا ضـوه العين
فده العمك يمهجة عمك حسين
عاشر من محـــــرم جامع اثنين
عرسك والشـــهـــاده وبيّه نارين

نار الحنّــتـك تنداف بدماك

نار اموادعك وهموم فرگاك


شيجيبك بعد وترد عليه
ينجمعن سوه عرس ومنيه
................................................................................................


مصيبه وفاجعـــه من فارگتني
أنا الثكلــى برحيلك مال متني
ثگل حــمــل الرزيـــه العذبتني
مثل نار الخيـــم نـــارك چوتني

تعال الگلب خلّص من الفراگ

وگلب الأُم إذا يشتاگ يشتاگ

يبني عالجره ما صح بديه
ينجمعن سوه عرس ومنيه
................................................................................................


أنا الضاگ الفضا بعيوني بجفاك
يبعد الروح راحت روحــي ويّاك
أصفن والدمع يحچـــيـلي ذكراك
يلمـــذبّــل اعــيــوني ويــن الگاك

تعال بطيف شوف شصار بيه

تعال وخـــلّــي أحچيلك عليّه

ثكلى وفاگده وأطلع سبيه
ينجمعن سوه عرس ومنيه
................................................................................................

حل فرض الشـهــاده وگلبك إهـتـم
غيــــور ومــوعــدك عــاشــر محرم
ترخّصت الحســـــيـــن وگتله يا عَمْ
فــدايـــاك الــعــمــر والــــروح والدم

خذاك ابدمعـتـه عمّـك بالأحضـان

هلا بـشبـل الحســــن زينة الشبان


شوف عيوني إنته تصير ضيه
ينجمعن سوه عرس ومنيه
................................................................................................


يغالي المـوت عــاده لآل الأطياب
كرامتهه الشهاده الـيــوم الحساب
من الله العــــظــيــم بنص الكتاب
أشرف دم جره بالطــــف عالتراب

أهل بيت النبــوة والإمـامه

سبحانه اليخصهم بالكرامه

سلام الله على عنرة نبيه
ينجمعن سوه عرس ومنيه
................................................................................................

مــكـتـوب بأمــر رب البـريّــه
بعاشـــــر من محرم هالقضيّه
تفارگنه يــروحــــي الغاضريه
شهيد اتروح وآني أطلع سبيّه

أودعك يا نظر عيني وضواهه

يروحي وبــعـد أكثر من غلاهه

بالجنه نرد نلتم سويه
ينجمعن سوه عرس ومنيه
................................................................................................


خادم الإمام الحسين عليه السلام
عمار هليل الواسطي
محرم الحرام/ ٢٠٢٣


https://telegram.me/aabas78
قصائد لكل ايام محرم اشترك بالقناة