اوعديني دمعـــتـج ما تـنـكــسر
اوعديني ما تـعـــوفيــن الخــدر
اوعديني لو على صدري الشمر اوعديني
###
اوعديني من وداعي حـتى لحـــظـة قــَطِـع نحري
اوعديني لو خلص صبرج تعيشي بذكرى صبري
اوعديني من بداية مصـــرعــي لـ تكسير ظهري
اوعديني ما تجيـني والشمـر جـاثي اعلى صدري
اوعـديني تُغـمضي اعـيـونج أخـاف
تنظـريني كعـبه واسهـامـي طـواف
جم سهم عنده على جسمي اعـتكاف اوعديني
اوعديني. لو اجه بقلبي السهم
اوعديني. مـا تخـلـيـن الخـيـم
اوعديني. الخــدر يبـقــى أهم اوعديني
##
يا عــقــيــلـه وحْق ضلوع أمنه البتوله توعديني
لو وصل لج صوتي ما عندي أحد لا توصليني
لو سـمـعـتي عن حجر صك جبتهي لا ترقبيني
يـختي زينب آنه طـايـح من جـوادي سـامحيـني
لو فزعتي إمن الخيم لا تركضين
خايف اعليج اعلى وجهج تعثَرين
امـسـحـي دمـعـة بـنـاتي ولا تجين عاهديني
عاهديني. من يرد خـالــي المُهر
عاهديني. تلبسي احجاب الصبُر
عاهديني. اسكينه لاْ تظـل تنتظر اوعديني
##
من تشـوفي باجر اْثلاثيــن ألـِـف تلفـي إليّه
وآنه وحدي والعِدى أربع فِــرق دارو عليّه
هذا يــرمي وذاك يطعن بالرمح وآنه رميّه
اوعـــديـني ما تشقي الجيب فوق التَلْ يخَيّه
لو سمعتي صوت تكسير الصدُر
سِدّي آذانـج يـ زينب فــي الخدُر
عشرة اخيول اعله أضالعي تمُر لا تجيني
لا تجيني انفصل راسـي تره
لا تجيني آنــه جــثّـه مـوّذره
لا تجيني يا عقيله اشما جرى اوعديني
##
يا حـبــيـبي أوعدك يا خويه بس اِوعِـدني انته
من تصدني حايره بين اليتـامى وأبجـي سَكته
حِـن عـليّـه حتى لو راسك على رمحه نظرته
حِـن علـيّـه الاخو مهما حصل ما يتـرك اخته
يمّي خلك حتى لو راسك قطيع
يمّي خلك حتى لو حـالك فجيع
آنه من دونك يبواسكينه أضيـع يا حنيني
يا حنيني. عني لا تـبعد حنين
يا حنيني. ادعي بس الله يعين
يا حنيني. كلمتك فوق الجبين اوعديني


الشاعر . رضا درويش البحراني


https://telegram.me/aabas78
قصائد لكل ايام محرم اشترك بالقناة

دفن الأجساد الطواهر.

صعبه والسجاد الله أيساعده
الأبو غالي أشلون بيده أيوسده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ساعد الله أبهاي زين العابدين
أشلون بيده بالگبر خلّه الحنين
انطاه أُميّه لو بقى ضامي الحسين
عمت عيني مات روحه أمّرّده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عمت عيني مات ماضاگ الشرب
ضل ثلث تيام مرمي أعله الترب
يدفن السجاد وعيونه تصب
الأهل كلها عالتراب أمّدده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الأهل كلها أمدده فوگ الصعيد
أمنين ماينظر يجي أبعينه شهيد
وينظر العبدالله مگطوع الوريد
أشگال گلبه علي وهوه أيشاهده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أشگال گلبه علي من شاف الطفل
طير من الجنّه مصيوب أبنبل
وعالشريعه أيشوف عباس النفل
گمر فوگ الگاع ذبحته العده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گمر فوگ الگاع مگطوع الچفوف
ميت ونوره يشع برض الطفوف
زين والسجاد بعيونه يشوف
المر عليه عالبشر مامر أوسده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
المر عليه عالبشر مامر أو جره
من زمن آدم اليوم الآخره
ياهو مثله أيشوف أهله أعله الثره
كلها صرعه أو هوه يدفن وحده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلها صرعه وبدماها أمرمّله
راحت الأنصار وخوانه وهله
ثلث تيام أبصحاري كربله
هيچ خلّتهم الزمره الحاقده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي


https://telegram.me/aabas78
قصائد لكل ايام محرم اشترك بالقناة

حط على صدري الرضيع


عمــه رحــت الــوالــدي واريتـــه ** و ﮔلــي مـــن أبمنحـــره شميتــــه
حِــط علـى صـدري الـرضيـع ... يـا علــي
خنصــري أتـــرِده الـﮕـطيـــع ... يـا علــي
وضـل يـوصينـي أبـرقيـه
ــــــــــــــــــ
عمـه رحـت الـوالــدي أبــدمـع وأنيـــن
ومـا أخـذتـﭻ أدري لــو شفتـي الحُسـين
تمـوت روحـﭻ لجله يَـم ﮔلـب الحَـزيــن
وبعــد أجيـب أمنيــن عَمـه أبهـالحنيــن
شفتــه عمــه بـدمعتـي الهَمـالـه ** شفتـه مَـدري أبيــا وَضـع يـا حـالـه
ﮔلـــي وأبعينــــه الـــدمـــوع ... يـا علــي
بهيـــده لتحـــرك الضلــــوع ... يـا علــي
وضـل يـوصينـي أبـرقيـه
ــــــــــــــــــ
عمـه شفـت أجروحه كلفه وﮔمت أنـوح
طبـره عـالطبـر وجروح أعله الجروح
أمنـالبـواﭽـي بيــه مـاضـل عمـه روح
ﮔتلــه خــذنــي ومــا قبــل ويــاه أروح
عمـه غَسلتـه أبـدمـوع أعيـونـي ** والـﭽِفَـن صـار الأبـوي أجفــونـــي
ﮔلــي وبـدمعــه السـﭽيـب ... يـا علــي
هَـم شفــت مثلــي سَليــب ... يـا علــي
وضـل يـوصينـي أبـرقيـه
ــــــــــــــــــ
بـلايـه راس أعلـه الترب شفته طريـح
مـا سمعـت ولا شفــت مثلــه جَــريــح
أشمـا شِلـت منـه عضو الثانـي يطيــح
ﮔـابليتـه وﮔمـت أصيحـــن وا ذبيــــح
ولأكبـر أويـا بـالـﮕبـر دفنيتـه ** عمــه يَـــم جــــدم السـبط خليتـــــه
وﮔلـي مـن هِلـت التــراب ... يـا علــي
واسـي عمتــك بـالمصاب ... يـا علــي
وضـل يـوصينـي أبـرقيـه
ــــــــــــــــــ
أشسـوت أبحــالـــي مصيبـــة كــربــلاء
أنظـــر العـــريـس غـــرﮔتــه الـــدمــاء
وَيَّ لصحــاب أنـــدفـــن إهـــل الأبـــاء
وزَفتــــه صــارتلـــه يَعَمـــه بـالسمـــاء
عَمـه لــو شفتي وضع مَـدفـونـﭻ ** ﭽـا عمـت مــن البواﭽـي أعيـونــﭻ
ﮔلــي وأدمـومـه خضــاب ... يـا علــي
أذكرني لـو مَروا الشبـاب ... يـا علــي
وضـل يـوصينـي أبـرقيـه
ــــــــــــــــــ
مـا جــره مثــل الجــره أهنــا مستحيــل
للنهــر رحـــت ودمـــع عينــي يسيــــل
مـن كثـر حزنـي الـدرب أصبح طويـل
عمـه هَــد حيلـي وضـع عمـي الكفيــل
عمـه شفــت النبلـه طفــت شـوفــه ** ﭽفـوفـه عمـه أمـﮕطعات أجفـوفـه
وبـالبـــواﭽـــي وبـالتحيــــب ... يـا علــي
أبلحـــده وســدتـــه الحبيـــب ... يـا علــي
وضـل يـوصينـي أبـرقيـه

الشاعر كريم الحاج فليح


https://telegram.me/aabas78
قصائد لكل ايام محرم اشترك بالقناة

هسة جاي
ـــــــــــــــــــــــــــــــــــــــ
هسة جاي امن الدفن .. ياعمة شوفيني
من تـــراب المكبــرة .. لامــاتعــرفينـــي
الدافن هلة واحبابة
كلش ثكيل امصابـة
ياعمة شوفيني .. ياعمة شوفيني
ــــــــــــــــــــــــــــــــــــــــــــــــــــــــــــــــــ
ياعمة زين ومامتت من ادفنـــت وليانـــــــي
عمي وابوي وعيلتي وحزام ظهري اخواني
دافن عشيرة وداعتج واحد ابصـف الثانــي
ويم كل كبر اوكع دمع ووكف ابزود ايمانــي
البيتة مهجوم ابفكد .. هم تبتسم روحة
كلها توليه الاسد .. من تكثر اجروحة
زين ونفس ظل بية
يازينــــب العلويـــة
ياعمة شوفيني .. ياعمة شوفيني
ــــــــــــــــــــــــــــــــــــــــــــــــــــــــــــــ
رديت أجر كوة الجدم بيــدّت حيلـــي الصدمــة
الدافنلة مثل حسين أبو موزيـن ينكــَل جدمـــة
يوكع الواحد لوصدك وكتة ابعزيزة ايــلجمـــة
وشجم عزيز آنة اخسرت واكبالي هدروا دمة
كون مواوكع فقط .. لازم اموت آنـــي
عالجرالي ابكربلة .. شيسولف اللساني
فوك المــرض ياعمــة
راحوا الي اشجم زلمة
ياعمة شوفيني .. ياعمة شوفيني
ـــــــــــــــــــــــــــــــــــــــــــــــــــــــــــــــــــــ

أدفن ببوي وجلّبَت بجفوفي ايـــدة الترفـــة
قبّلت اصابيعة وشفت مابيها خنصر جفّـــة
من نحرة ناداني وطلب لكبر ادفنة ابصفــة
دوّرتة بس تاهت علي موحكي اذا ماعرفة
بي جرح من كل كتر .. والدم ملة اهدومة
الوجهة جن وجه النبي .. متغيرة ارسومة
سيف آل امية امجــرّحة
اشما شيلة توكع صفحة
ياعمة شوفيني .. ياعمة شوفيني
ــــــــــــــــــــــــــــــــــــــــــــــــــــــــــــــــــــــ
ناداني منحر والدي وبحجيـــة شيـــّب شعـــــري
حِط الرضيع اعلة الصدر خل نحرة يشبك نحري
ياعمة هالموقف صعب كاســر دليلــي وظهـــري
اتمنيــت وياهــم أنـــة لوربــــي ماخـــذ عمـــري
كمت اهــل ابتربتــة .. وأترّحــم الــروحة
حار الاتراب وأحس .. ظل يلجم اجروحة
واتكبعّــت بجروحــي
وحسّيت دافن روحي
ياعمة شوفيني .. ياعمة شوفيني
ـــــــــــــــــــــــــــــــــــــــــــــــــــــــــــــــــــــ
يم النهــر شفـــت الكمــر عمــي ابــلا جفّينة
ظليــت اقبــّل يسرتــة وانـــوب بســت ايمينة
ياعمة زينـــب كافلـــج مذبـــوح وموذّرينــــة
بوسة اعلة كصتج ودة ألج ويريدج اتعذرينة
امنين مالزمة انجوي .. ظليت انة ابحيـرة
كلّة حركة الشوفتج .. عباس ابو الغيـــرة
وكالالي عمي ابذمتك
وصّل سلامي العمتــك
ياعمة شوفيني .. ياعمة شوفيني
ـــــــــــــــــــــــــــــــــــــــــــــــــــــــــــــــــــــ

جوكت زلم جينة ابضعن يرّهب من اينظـــرة
من نمشي تحسدنة الارض وتلم أثرنة الغبرة
وتفرهدينة ابفد وكت كل حيد طاح اشكبــــرة
ووياي ظلت بس حرم وأطفال عمّــة وحسرة
باجرلأرض الوطـــن .. لوعمـــة ردينـــة
ابلاية شك اهل الكفر .. تشمت تظل بينة
راحوا زلمنة الهيبة
واحدنة صاير شيبة
ياعمة شوفيني .. ياعمة شوفيني
ـــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــ
ونسألكم الدعاء لخادم الامام الحسين(ع)
الشاعر مصطفى الطيب


https://telegram.me/aabas78
قصائد لكل ايام محرم اشترك بالقناة

ركضت ولركض مو الهه عاده
جبيره بنص زلم بتكم يساده

زينب تركض اشلون
عليهه اتباوع اعيون
جبيره بنص زلم بتكم يساده
-----------------------------------
تحت ضل الكفاله الجانت اتعيش
الليله اتواجه البر
الماطلعت ابد بس ويه عباس
بنص عدوان تفتر
ابمشيهه جان كافل يمسح آثار
اشلون بركضه تعثر
الماشافوهه حتى بلمحت اخيال
بنص الهيمه تضهر

حتى بالحلم زينب اميره
معقوله وصدگ تطلع اسيره

ياوسفه على ام عون
اعليهه اتباوع اعيون
جبيره بنص زلم بتكم يساده
------------------------------------------
متعوده تنام ابعين عباس
اشلون بهيمه نامت
اولا واحد يگلهه زينب اشبيج
الحيره خيمه صارت
المحروسه بگمرهه بهدوة الليل
تغفه ابفيه جانت
هسه الليل كله تحرس اطفال
عجيبه شلون دارت

عجيبه اعله الوكت ماحن عليهه
من عگب الگمر يحدون بيهه

بنص شمات يمشون
عليهه اتباوع اعيون
جبيره بنص زلم بتكم يساده
---------------------------------------
مهيوبه بخوهه وكلشي مامون
راحت هاي منهه
اعله هزله ولنياگ امكشفه بسوگ
اولا حماي عنهه
اشيقنع زينب العباس مذبوح
وترافج حزنهه
اثاري التنسبي تعطش للخوان
من يهدل ضعنهه

اثاري الينسبي عينه اعله خوته
ولو طر الغرب يتمنه موته

اشلون الغربه يحدون
عليهه اتباوع اعيون
جبيره بنص زلم بتكم يساده
-----------------------------------------
يرافجهه الگمر وينصي الانوار
لو تمشي ويه اخوهه
هسه اعله المهازل واضحه النوگ
زينب طببوهه
زينب من اهلهه تخجل اشلون
بسوك ايوگفوهه
وگفوهه عمد للفرجه ساعات
وصاحو شتمو ابوهه

وگفت بت علي فرجه للنضار
ولصار اعله زينب عمره ماصار

بس شمات يحچون
عليهه اتباوع اعيون
جبيره بنص زلم بتكم يساده
----------------------------------------
سره ضعن السبايه وحدر ابعيد
وبلايه عشيره
ومامش ديره ماخلوهه تنشاف
بت حيدر اسيره
خوارج من ينشدوهم يگولون
ياوجه التديره
حيرت زينب اعله الوجه تنشاف
ياعالم جبيره

بين الحيره ولخجلانه زينب
من گوطر ضعنهه وبيهه اووچب

وبيهه يزغر الكون
عليهه اتباوع اعيون
جبيره بنص زلم بتكم يساده
--------------------------------------------
گضه درب السبي وللشام آهات
لازم تسري بيهه
ولملگه فرح وطبول ضلام
تتشفه ابسبيهه
چنهه ابلايه رحمه الدينا لوعات
هيج اتصب عليهه
ولقصر الضلاله سايگ النوگ
گل گصده ايحديهه

دخلت للقصر ومهبطه الراس
ذبحوهه ابنشدهم وين عباس

بنص ديوان ملعون
اعليهه اتباوع اعيون
--------------------------------
علي سليم الحسناوي


https://telegram.me/aabas78
قصائد لكل ايام محرم اشترك بالقناة

الكوفه ليش اتطالب ابنسوانهه
وزينب اتنشف الدمع بردانهه
ــــــــــــــــــــــــــــــــــــــ
كل عشيره البالضعن عدهم مره
فزعو الهه ورجعوهه إمخدره
وبقت تتلفت عقيلة حيدره

مثل ورده وضيعت سندانهه
ــــــــــــــــــــــــــــــــــــــ
نزلوهن حرمه حرمه إمن الهزل
وفوگ كل هذا خذو منهم فصل
وخلو العلويه تنجر بالحبل

امده الدنيه وخرس بلسانهه
ــــــــــــــــــــــــــــــــــــــ
عود شالتهم حميتهم لان
مارضو نسوان منهم ينسبن
بس رضو زينب يبجيهه الزمن

بت رسول الله وزعيم اكوانهه
ــــــــــــــــــــــــــــــــــــــ
ليش عافوهه وحيده ابنص زلم
يازمن معقوله زينب تنشتم
وهوه من الله نزل هذا الاسم

شجره طيبه وماتموت اغصانهه
ــــــــــــــــــــــــــــــــــــــ
تنتظر واحد يگللهه الگوه
بالرمش دمعتهه وإيطگهه الهوه
عدله لاكن هيه والميت سوه

إمن الشمر لاذت بروس اخوانهه
ــــــــــــــــــــــــــــــــــــــ
وهيه زينب تبقه شيالة ثگل
بت ابوهه البالكلايف ينگل
مرأه بس تسوه المضايف والعگل

وماگدر واحد يزغر شانهه
ــــــــــــــــــــــــــــــــــــــ
أخ يا أم الحزن يالسلبوچ
للأسف ماطالبو بيچ وخذوچ
فضلو نسوانهم مافضلوچ

اتحرشو بالله إو غضب سبحانه



#العبدالحسيني_محمدالجماسي


https://telegram.me/aabas78
قصائد لكل ايام محرم اشترك بالقناة

عايش معانــــــــات اهواي
وطبگ نهاري اعــــله الليل
طف كربله ياخـــــــذ ناس
ودرب السبي ياخــذ حيل
لعزازي دفان خلتني الاحزان

تعبتني الدنيــــــا والله من مصايبهه وحزنــهه
تحرگ الحسره بدليـلي حگي يــــــاوادم اونهه
ياهو گال العله تهــضم روحي هاضمهه زمنـهه
كربله همي وعـــــذابي شيبت عيني وجـفنهه
هذا الهضم بيه امنـــــــين
وشسوه هيچ ابــــــــحالي
هيچ اليعوف اهله ايصـير
وانه العفت كل غــــــــالي
ماعندي عوان خلتني الاحزان


عشت طف امن البواچــي وظهري مال امن المصيبه
شفت ابوي اگبالي طايــح والحوافر فــــــــوگ شيبه
خلّصت من يوم عــــــاشر روحي ماطـــلعت عجيبه
اه ياليل اللـــــــــــــــــفاني من شفت زينــــب غريبه
ليل اهدعش شايل ضيم
غربه وبنات ابحــــــــيره
مانامت عيوني اللـــــــيل
مو النه هاي الـــــــــديره
بعيوني دخان خلتني الاحزان


شدو احبال اعله اديـــنه ورهمت الـــــــما ترهم النه
نمشي وي الماله حشـمه واحنه اهل الحشمه اسمنه
شالو حسين برمـــــحهم وللسبي شــــــــــالو ضعنه
ماطلعنه اگـــــــبال اهلنه اگبال خلـــــگ الله طلعنه
ذاك النهار المــــــــشؤوم
طلع فـــــــــــــياي اعبينه
نتلافت ابـــــــــين الناس
محد يگول اشــــــــــبينه
بالهيمه نسوان خلتني الاحزان


منضر النار اعــــــــله بالي طافت اخيام العقيــــــله
لا لي حيل اطفيلي خيمه والركض مـــــــابيه حيله
تچوي گــــاع الله بجمرها والفرار الـــــــــنه وسيله
هينه من تعثر جــــــدامي طيحت الحرمه ثگـــيله
جابو هزل للنســـــــــــــوان
والهزله تمشي وتـــــــــعثر
بين الحرم والاطــــــــــفال
گلب العلــــــــــــــيل اتحير
حرگولي صيوان خلتني الاحزان


اكبر المرن علـــــــــــــــيه من ورا افـــــراگ الاودهم
ياهو دافن اهله بـــــــيده ومايوچـــــــــد ياهو منهم
وياهو طبت سوگ عمـته والحچي امـــشامر يمرهم
والچــــــبيره المثل زينب كلفه من اتطــب قصرهم
نوگــــف ســره بذاك الباب
والوگفه صعـــــــبه اعلينه
تالي الوكت نجـــهب ناس
وامگـــــــــــــيدات ايدينه
مو النه هالشان خلتني الاحزان

خادم القصيده
الشاعر شاكر الصيمري


https://telegram.me/aabas78
قصائد لكل ايام محرم اشترك بالقناة

مولاتي العقيله تخاطب الامام السجاد ع بعد رجوعه من دفن الاجساد


ماحچت بس اشرتلي ابأيدها
تريد اسألك عمه عن اوليدها
++++++++
صوت ماعدها الحچي من عدها غاب
هاي ثلث ايام ماتحچي الرباب
گاعده اتلولي الحضنها بالتراب
اتشيل اديها انوب تحضن جيدها
++++++++
بالخرابه چي سگف بيها اعله هاي
اتكترت ماترضه تگعد بالفياي
اشرتلي اتگول شرب ابني ماي
لو بعد جثته العذب شيفيدها
++++++++++
اتگول وين ادفنته چا عبد الله وين
الهسه ملفوفات بگماطه الادين
وحده دافن ابني لو وي الحسين
الگبر وحشه اعله ابني ايزيدها
++++++++++
نـام ابـنـها بالتراب الغالي نـام
فوگ صدر حسين مابين السهام
شالهن ذرعانه وافهمت الكلام
من بچه عبد الله امه ايريدها
++++++++++
ويه ابوه حسين وبنفس الحصير
حته جسم حسين هم صلير زغير
ما اميز بين الاول والاخير
لا تساليني وبعد ماعيدها
++++++++
عمه من عبد الله مگطوع النصيب
خل تبطل من دللول الحبيب
الراح مايرجع ولا حته النحيب
اير اهلنه هناك سكنت بيدها

الشاعر ثائر الربيعي


https://telegram.me/aabas78
قصائد لكل ايام محرم اشترك بالقناة

النياق ناصره )

……………………………………………………………

عدهن احساس •• النوگ صاحن صوت رفقن بالعقيله
عدهن احساس •• مـوش هـنّه الـناس غـيرتهم هِزيله
عدهن ابزينب درايه
ناحن الدمع السبايه

……………………………………………………………

ناگه تبچي ويمها سبعين الف ضحكت
هُـمّـه مـا ملكو عـقـل  بـس هي ملكت
شـافت حسيـن انذبـح و بلحظه هزلت
ابصوت واحد هـي و الميمون صرخت

يا ظليمه •• عـلى وادم تذبح ابعترت نبيها
يا ظليمه •• ولبنات الزهره محتاره ابعبيها
اخوان ماكو ولا حمايه
ناحـن الدمـع  السـبايه

………………………………………………………………

صاحت الناگه الجبيره ومني اسمعن
يا مـعاشـر نوگـنه  و بـهـيده تمـشن
لو خـوات حسين جابوهن يصعدن
هـنّـه تعـبانات  وي الـگـاع نوّخـن

صعبه تصعد •• زينب و متعوده بجفوف الكفلها
صعبه تصعد •• بيدها احبال و ركض ورّم رجلها
ارگابچن سوّنها بايه
ناحن الدمع السبايه

…………………………………………………………

وانتي صيري ابنصنه يا ناگة رقيه
خـاف مـنـج  توگـع ابلـيل السبيه
من تريد اتنام خـل ظـهرج تچـيه
مـو تلچمين الاذن مجروحه هيه

لاخر النوگ •• ردي لو شفت الشمر و السوط بيده
لاخر النوگ •• تـره راس  حـسـين يهـتز ابحـديده
عيونه الها اضل ربايه
ناحـن الدمـع السبايه

………………………………………………………

و انتي يا ناگـة عـلي حِنّي الغربته
مـن حـديد الجامـعه حفرت رگبته
لا تخـليـه  يلـچم  تـذبـح  لـچمته
واعله هونج بالمشي لو هل دمعته

علي ابلا روح ••دفن روحـه بالكبر وي والده حسين
علي ابلا روح ••چـم مصيبه وفاجعه شافتهن العين
ترك روحه اوي الضحايه
ناحـن  الدمـع  السـبايه

…………………………………………………………

لو وصلنه السوگ خـل انسوي ركضه
للـعيـون الحـرم  هـايه اتصـير عُرضه
و اعله زينب هالمصيبه اهـواي عظمه
الشمس عرگت من خجلهن غدت ظلمه

فرجه فرجه ••سوگ والصايح وصل ضعن الاساره
فرجه فرجه ••مستحه او مو دمع بالعين  ايتجاره
واستحت حتى العبايه
ناحـن الـدمع  السـبايه

………………………………………………………

فوك ارفعن روسجن صيرلهن ادروع
للـحجار الشام كلها اصطفت اجموع
احجاره مره اعالوجه مره اعالضلوع
تشگف ايد و ايد بيها اتنشف الدموع

آ يلطفال ••وجوه صفره الخوف نشف حتى دمهم
آ يلطفال •• الجـوع ومن  جـلودهـم  باين عـظمهم
ازغار ما تحمل رزايه
ناحن الدمـع السبايه
……………………………………………… ..

✍️ ( سيد خضر الزاملي )


https://telegram.me/aabas78
قصائد لكل ايام محرم اشترك بالقناة

فخر الاسلام .. دخلت الشام .. راية المرتضى ترفرف عليهه
***
اتسّلمت منصب القائد بالوكاله
لحد مايشفه العليل اتضل بداله
حرمه وامعلمها حيدر عالبساله
ماسبوها راحت اتكمل الرساله

عدهه قرآن .. عالرمح چان .. حبتّه ورفعته زينب بديهه
***
كتبت اعله الخدر كلا للهظيمة
هاي اخت عباس ماتعرف هزيمة
الجبل من ينگطع راسه ايصب عزيمة
وهي رفعت راسه شوف اشگد عظيمة

بيهه عباس .. يرفع الراس .. والگمر من تمر يتباهه بيهه
*
التمن اعليها المصايب من زغرهه
وما حننها وهنّه اكبر من عمرهه
ياهو گال انذلت وسلبوا خدرهه
وهي يحلف چان ابو الغيرة بسترهه

روح الاحجاب
للخدر باب
لا تظن لو بچت تسمع بچيهه
****
وگفت بمجلس يزيد بكل شهامه
چنها حيدر واگف وشاهر حسامه
المايطخ الهامه يمها ابلايه هامه
ماكو صوت ولا نفس چنها القيامة

دخلوا انذار
ركبوا العار
صاعقة اعلى الكفر ينزل حچيهه
***
هايه زينب للفخر والعفه آيه
وماكو واحد عدهه اغلى امن العبايه
گالتلهم ماكو ثورة ابلا ضحايه
احنه الله ويانه بس انتم سبايه

الكم النار ..واحنه الاحرار .. بالصبر للجبل صارت شبيهه
*****
الشاعر وليد العكيلي


https://telegram.me/aabas78
قصائد لكل ايام محرم اشترك بالقناة
 

قصائد السبي (شور)

لحن مسلم الوائلي (اويامحمد هدت الخياله)
...................................................................
اه يــــــــزينب   بقـيتــــــــــــــــــي لحـالـــــــــچ
..................................................................
هجمت جيـــــــوش الاعـادي بلا رحـــــــــــــــم
ذبحوا اخوانـــچ وحـــــــــــــــرگوهـــــــا الخيم
مات اخـــــــــــــــوچ حسيــــــن ياوسفه الشهم
وابــــــوفاضل مـــــــــات صگـار الـــــــــــــــزلـم

يـــــــــــــــوم عاشــــــــــــــر كلشي ماخـــــلالچ
..................................................................
هايـزينب وسفـــــــــــــه يابـــــت النبـــــــــــــي
تالي عمـــــــــــــرچ هايــــــحــــــــــــــره تنسبي
اليحـــــــــــــدي بضعنـــــچ حسافـــــه الاجنبي
بلايـــــــــــــه والـــــي ماشيــــــــه بطرگ العبي

بلايــــه والـــــــــــــي محــــــــــــــد اليبـــــرالچ
..................................................................
شلـون حمليتي يــــــــــــزينب هالامــــــــــــــــر
وانتــــــي بعينــــــــــــچ تشوفيــــــــــــن الشمر 
بسيفـــــــــه او لحسيــــــن حزالــــــــــــه النحر
بـــــــــــعونـــچ الله يكــــــون ياام الصبـــــــــــر

وانتي تشوفيـــــــــــن اخييـــــچ ينذبح گدامچ
..................................................................
منيــــــن مانشــــرد تلاگينــــــــــــه العــــــــــده
بلاخيــــــم ضلينــــــــــه أخيامنـــــــه متفرهده
رقيـــــــــــــــــــه بعينـــــــــــي شفــتها شـــارده
گلبـــــــــــــي بهاللحظـه الله يـــــــــــساعــــــده

بالنار يحترگـــــــــــــون شفتــــــــــي اطفالــــچ
..................................................................
ناگه هزلــــــــــــــــه جابــــــــــوا لبـت الــــدلال
وربطـوهــــن وسفــــــــــه اديـــــــــــــه بالحبال
ناگتي يبــــــــرولها أشبـاه الرجــــــــــــــــــــــال
وللشام والله اليــــــــوم شــــدينـــــــــه الرحال

بقيتي أنتـــــــــــي وحيـــــــده خـــــلاف كفالچ
..................................................................
الشاعر                   عماد محمد الدراجي
الخميس                         2022/8/11

https://telegram.me/aabas78
قصائد لكل ايام محرم اشترك بالقناة

جلجل الليل بظلامه        واحنه ياحيدر يتامه
مذبحه ناسي وهلي         والله حيره يا علي
والوكت بين ظلامه          واحنه ياحيدر يتامه
#############
دخيلك ياعلي الليله بلايه خيام
بلا كافل عل غبره اشلون انام
شردت مرعوبه كل الحرم وايتام
انهضلي يبونه انخاك  يا ضرغام
مابقه حارس للخيم        بلا كفيلي والعلم
مذبحه كل النشامه        واحنه ياحيدر يتامه
#############
شحجيلك يبويه من ياهي ابدي
ياوالي بس معلول ضل عندي
حادي الموت بخواني ضل يحدي
شيطفي النار يابويه وانه وحدي
انظر يبويه حالتي      ابقه وحيده بغربتي
كسرو جناح الحمامه       واحنه ياحيدر يتامه
##############
جفوف الكمر عباس كطعوه
والهامه بعمد يابويه  ظربوه
بسهم عين الكمر ياوالي طفوه
والرايه بحوافر خيل سحكوهه
ضلت عيوني علنهر       والله مشتاكه للكمر
عل ثره ينحب حسامه    واحنه ياحيدر يتامه
###############
جم لوعه شاف حسين ياحيدر
من عباس والقاسم والاكبر
والافجع على كلبه  والاكثر
دم طفله على صدره مطشر
والسهم صاب الطفل     بعمر الورد وينجتل
والطفل خالي منامه     واحنه ياحيدر يتامه
################
مصاب حسين ياحيدر شلون مصاب
عطشان ويناديني يداحي الباب
عمت عيني وبضهره شفت نشاب
شضمدنه وبجسمه الف صواب
من توجه ليه الشمر       بعد شصبر ياصبر
يناجي ربه  بكلامه     واحنه ياحيدر يتامه
################
طبروه بوريده حسين جدامي
ابن امي بقه مرمي جسم دامي
بخيول وحوافر سحكت الظامي
ظلينه بس عيله وبلا يه حامي
مذبحه شفت اخوتي        هليله ليله حيرتي
زينب اليله بلاسلامه        واحنه ياحيدر يتامه
################
يبويه الليل من جلجل اخذ كلبي
حادي الشوم باجر بياديره يحدي
عفتهم بكربله كل خواني واعمري
على فراك اخوتي كل حيل ماعندي
من الجره شاب الكلب      مذبحه خوتي علترب
شالو روس بلاعمامه    واحنه ياحيدر يتامه
••••••••••••••••••••••••••••••••••••••••••••••••
    
كلمات خادم الحسين
          حسن الجحيشي

#تم_بعون_الله_محرم_2022


https://telegram.me/aabas78
قصائد لكل ايام محرم اشترك بالقناة

مفجوعات. متعوبات. من الحبل
مسبيات. محنيات. فوك الهزل
****
طلعن لليسر كلهن. وين اهل الوفه ايصيحن
ولو طاحت مره اعله الكاع كلهن بالسره ايطيحن
اشما طكهن شمر بالصوط. لخوهن كلهن ايديرن
بنات الجاه والعفه. حكهن لمن ايحيرن

بس ايتام. ودرب الشام. ما ينحمل
مسبيات. محنيات فوك الهزل
*
هذني الاجن علويات. بس امتربه أعبيهن
بسوك الكوفه ليش الناس. بس تتفرج اعليهن
واحد غيره ما مش بي. ابو فزعه ويحاميهن
كلش تعبن امن الطف. وبعد لجمات ما بيهن

مهظومات ومسلوبات. ومال الحمل
مسبيات. منحيات فوك الهزل
****
زينب تجري دمعه. وكلبه امن البجي تفطر
صحت يا علي ادركني. وتشكي ضلت الحيدر
صاحت ليش جا ما جيت. لمن سلبو الخدر
تدري بصدر اخوي حسين. بويه بحافر اتكسر

بصدره الخيل. داست حيل. ريتك عدل
مسبيات. محنيات فوك الهزل
***
الرباب تنوح عبد الله. وليلى براس ابنها اتهم
ولمن وصلو الكوفه. حميده ركضت المسلم
صاحت بويه حاجيني. وكامت بالتراب اتشم
اكثر بويه من الصوط. صاحت فركتك تلجم

نادت وين. وعالخدين. المدمع يهل
مسبيات. محنيات فوك الهزل
*
بت حيدر خذاها الشيب. وبدت من الحزن تتعب
وبسوك العبيد اشلون. اسأل وكفو زينب
كلب زينب جبل بس حيل. من ضيم الطف اتعذب
دارت عينها اعله حسين. وبحركه بدت تنحب

عالمظلوم. تبجي دموم. والون يسل
مسبيات. محنيات. فوك الهزل
***
العشاير كالو التمت. وأرض الشام ضجوها
والعدها عشيره تكوم وعشيرتها يخلصوها
واهل زينب كظو بالطف. والوليان عافوها
وما عدها عشرة نشوف. يفزعون ويطلعوها

اشبيها الناس. تهبط الراس. من تنسال
مسبيات. محنيات. فوك الهزل
*
تمت
تحسين الخفاجي

https://telegram.me/aabas78
قصائد لكل ايام محرم اشترك بالقناة

السبي

مشيـنـا بلا ولي وذبـاحك ويــانه    وابراسك الحــادي شكـثـر اذانه 


كل ما نستراح إينزل الراس
ويگلي يـزيـنب هـذا عباس
—————-
من أتعب وشيل العيـن اشوفن راسك العالي
صاعد عالـرمح گـدام طـول الممشه يـبـرالي
شـوف الحادي والـذباح خويه شسوو بـحالي
كـل ما نـگــعـد ونـرتـاح جـابـو راسـك گـبالي

ويصيحون بسمي وانت گدامي
ويـن الـچـان يمسح اثـر لجدامي

راح الكله غيره وينگط حساس
ويــگـلي يـزيـنب هـذا عـباس
—————-
ضعنك بالحبل مشدود من الوجع يجرن دم
واذا مـن التـعب نرتاح يمك خــويه نـتـشـتم
واذا نطلب شراب الماي من الضرب ما نسلم
قوي ايضربون بالاطفال سوط الحادي ما يرحم
من كــثر الوجع وجه الطفل ذابل
ولويات الحبل حد العضم واصل

بالگوه اليتامه اتـجـر الأنفاس
ويـگـلي زيـنب هـذا عــبـاس
—————-
من شفتك طحت عالگاع بـيّـن بالوجه حزني
واستفحل عليه الجيش سبني وگام يضربني
ازرگ صار يا عباس من سوط الشمر مـتـني
جرني بكل صلافة عين وأنا الهضم ذابـحني

وين انطي الوجه  واچفوفي محترگه
وهاي امتوني من سوط الشمر زركه

ما خلوني اودعك ذوله الأنجاس
ويـگلـي يـزيـنـب هـذا عـبــاس
—————-
على الناگه الهزيله إمشيت من ديره ولعد ديره
شما يوگف مسير النوگ احير بنزلتي حيرة
واحشم بيك يا عباس وينك يا ابو الغـيـره
طلب عندي اذا انزل فقط راسك علّي ديره

اريد إشعر  بعينك تنضر اعليه
مو عين الشماته الـيـتصد ليه

حاميلي يخويه من حجي الناس
ويـگـلي يزيــنـب هـذا عــبــاس
—————
ذبح زين العبادالنوح وعينه من البجي حمره
ومن الحزن صار اهلال محني ومنكسر ضهره
واذا يـوگف يجي الحداي من السلسله يجره
ما رحمو عـليـل حسيـن واجروحه بكبر صبره

خاوي امن العطش واشفافه ذبلانه
مــو هـوه المـهـم عـنـده المهم انا

من ايشوفني يشهك بالانفاس
ويـگـلي يـزيـنب هـــذا عباس
—————-
الشاعر عقيل زيدان الفريجي


https://telegram.me/aabas78
قصائد لكل ايام محرم اشترك بالقناة

#نزاله


ما تنهزم .. بت علي بت علي
ذلت زلم .. بت علي بت علي

الناگه عرگت يوم شالت هيبه ما گدرولهه
مـات اخـوج الجيش ناده رجفوا وگلولهه
اتميل عن زينب الـوادم بالدرب بخيولهه
ما تذل لــو الــف خيمه زينب ايحــرگولهه

عندي عِلم .. بت علي بت علي
ذلــت زلــم .. بت علي بت علي

بـرأسها عبـاس شالــت مـا تـدنگ رأسهه
الله متكفل جرحهه هيجي جان احساسهه
يا مـره التوصل صبرها ويمهه ماتوا ناسهه
بيهه زعلت گمر هاشم تجري اويه انفاسهه

لا مو حلم .. بت علي بت علي
ذلــت زلــم .. بت علي بت علي

خلهه تعصف ريح غربه ما تِكسر اجناحهه
هيبة الـقــاده ابمشيـها وبس حبلهم لاحهه
بت علي ابموقفها خلت زلم تكره ارواحهه
سيفها چلمتها زينب والكفــو امن اسلاحهه

والله ونِعم .. بت علي بت علي
ذلــت زلــم .. بت علي بت علي

الجيش لــدموع العقيله كله صار ابحسره
والــدرب شـاهــد عيــــان وبلمـواقـف ادره
اكـتاب مـن العفه زينب مـا يخلصه اليقـره
وهيه مــن طبع القــياده تلــوگ بس للحره

بس الأسم .. بت علي بت علي
ذلــت زلــم .. بت علي بت علي

هاشميه وما تدنگ جفهه شــال الــرآيه
بيـهه هيبه من ابــوهه يا خلگ وهـوايه
عـالمـه وصديقـه زينب لليــتامه احمـايه
فـقـط عند الله واخوهه ندبـت وشجـايه

صاير وسمّ .. بت علي بت علي
ذلــت زلــم .. بت علي بت علي

زينب الـربت بوفاضل ما يطيح احجابهه
مدرسه امن الصبر هيه والعفاف ابوابهه
ضمت الحسره ابگلبهه زينب اعله احبابهه
كلشي صله ابكل خشوعه عله تراب اعتابهه

أخت الشهم .. بت علي بت علي
ذلـــت زلــم .. بت علي بت علي



الشاعر خيري الصفراني

https://telegram.me/aabas78
قصائد لكل ايام محرم اشترك بالقناة

گابليته        تجري گامت دمعتي
انه بنتك      گمت اسولف قصتي
واحسيناه.   واحسيناه.     واحسيناه
**
چان ينضرلي ولكن ضيعاني
حگه لن درب السبي اشگد غيراني
وجهي راح وصار هسه وجهي ثاني
گتله خليني اعله صدرك لو ثواني
عينه دمعت        والدي وليه يحن
ماحضني           لئن ماعنده حضن 
واحسيناه  واحسيناه    واحسيناه
**
گابليته وگمت اسولفله اعله حالي
وينه صدرك ارد احضننك يغالي
والرمح يابويه تدري هوايه عالي
شويه انزل عنه ذكرني بدلالي
عنه انزل     بويه وتقرب الي
خل اشمك   اقسم عليك بعلي
واحسيناه.   واحسيناه        واحسيناه
**
ليش وجهك ذابل وتنزف جروحه
ردت امسح دمه لكن ماالوحه؟؟؟
هوه روحي والرمح ماخذها روحه
لا تلومني عزيزي وارد انوحه
ارد انوحن    عاالحنين وفرگته
والله صعبه   رمح غافي برگبته
واحسيناه      واحسيناه      واحسيناه
**
من وگفت اگباله لمن عاينيته
بس سمع صوتي تحرك شاهديته
سولفتله شلون چنه وذكريته
گتله تذكر زمنه لو نسيته
شلي بيهه          دنيه مابيهه ابو
عني غايب   ذاك ابو الملگه الحلو
واحسيناه       واحسيناه         واحسيناه
**
ناشديته اعله الرضيع السبحه الدم
يلفض اسمي بويه انشدك ماتعلم!!
ادري البنحره سهم صعبه يتگلم
راح مهده وحترگ وي المخيم
مهده مهده           حرگته نار الخيم
ياهو مثله            هيچي ناغاه السهم
واحسيناه       واحسيناه       واحسيناه

#الشاعر سعد العبودي

https://telegram.me/aabas78
قصائد لكل ايام محرم اشترك بالقناة

شافوني اسولف بالدمع 
چي صوتي ضل  ماينسمع
       الحك بنياتك
     فرهدو خيماتك
&&&&&&&&&&&&&&&&&
الخيمه حرگوهه اعله راسي وشبت النار
وياي اطفالك يخويه وفكري محتار
كلهه اتجوت بديهه وضلت اثار
رقيه بنتك العزيزه اتشاكف احجار
بنيتك جره منها الدمه //تدري عليك معلمه
   ‏من الرمح نضراتك
   ‏فرهدو خيماتك
   ‏^^^^^^^^^^^^^^^
   راسك العل رمح شفته ايبجي هواي                  
   اسكينه رگضت اعله رمحك جابت الماي
   ‏تكول بويه خلي راسك فوگي افياي
   ‏بويه ليه دني راسك وحجي وياي
  ‏اختك جبيره وركضت //وطفالك شگد صيحت
  ‏شيبي من شيباتك
  ‏فرهدو خيماتك                   
^^^^^^^^
عل الهزل صعدت بناتك وضهر مكسور
  من صعدنه بس نباوع شفنه النحور
نيته يحرگ گلب زينب وگلبي مفطور
  من شتمني شفت راسك ليه ويدور
انطبگن اعيونك بس شفت \\ غمضت ومدري شگلت
بس تهل دمعاتك
فرهدو خيماتك
^^^^^^^^^^^^^^
  الشماته كلهه يمنه  اتطلع الروح
‏شحمل اجروح عله متني عله  المذبوح
  ‏ تباوع الوادم عليه  وين ماروح
  وانت كدامي علرمحك راس مجروح
اطيحني كلساعه الهزل _خويه شحمل هذا الحمل
اي وحگ لجماتك
فرهدو خيماتك
^^^^^^^^^^^^^^^^^
طببونه الشام بعدك  بصدة النوك
ذاك يرمينه بحجر والجدم محروك
عرس عدهم من دخلنه بطبت السوك
بچف للاخر وبحبلهم حيل مطبوك
رحلة سبينه  ونتهت// والشام اشوفنه شمت
بالگلب جمراتك
فرهدو خيماتك
^^^^^^^^^^^^
الشاعر محمد الهاشمي


https://telegram.me/aabas78
قصائد لكل ايام محرم اشترك بالقناة

بالظعون   طوّح الحادي وسره
والمتون    بيها  ناري إموجره
يعباس يعباس ترضه اروح ميسره
.........................................................
يالعشت عمر الطفوله  ابّين اديه
چنت أحيا بشوفتك  صبح ومسيه
بيك روحي تعلگت يبن الوفيه
وهالسبب خلاني اجي للغاظريه
  ينوماس ..... وأنت گايد ناگتي
  والانفاس... كلها من عطر اخوتي
يالطياب يالطياب  بيكم انه مخدره
يعباس يعباس ترضه اروح ميسره
.........................................................
خويه بعدك گلّـي ياهو الاشتكيله
مابگت غيرك  يبو فاضل وسيله
من بعد خدر اختك المامش مثيله
صفت ما بين الغرب ذيج العقيله
    هالاشرار .عني زاحو  كل ستر
    يشب نار خويه بخيامي الشمر
بالايتام بالايتام   ضلت اختك حايره
يعباس يعباس ترضه اروح ميسره
........................................................
ناده اخوچ اعلا الثره وبلايه چفين
من بعد عين  الگمر بيمن  تشيخين
ريته اخذ عمري وحياتي خلافك البين
ولا اعيش بدينا ما بيها.... انتَ وحسين
   ولا اروح     خويه مابين العده
   بلا  روح     تمشي گوه الفاجده
والعيون والعيون تجري من دم عالثره
يعباس يعباس   ترضه اروح ميسره
........................................................
يل چنت انت النفس يالبّت احشاي
شلون انسه وداعك ولوعة يِتــاماي
واللّٰه مو بيدي يخويه اعذرني من هاي
من نخيتك اعتني لسكينه بالماي
    يظنواي  جتني وتنادي الضمه
چِوَه حشاي  چبدي  يابت فاطمه
ردت ماي ردت ماي   والشفاه  مفطره
يعباس يعباس ترضه اروح ميسره
...........................................
من رحت للعلگمي وناديت ابشري
النفس مثل الجبل صار  اعلا صدري
ردلي ابو اليمه اعلا خده دموعه تجري
ناده راح  ال چنت أحسبه  حزام ظهري
   
فگدناه ........ يختي شيال العلم  صحت لاه....... گلبي مايحمل الم
يبو الجود  يبو الجود  ظهر أخيك كاسره
يعباس يعباس ترضه اروح ميسره
..................................... .................
هسه حاچيني برحيلي ورايك شلون
عالهزل زينب صفت ياظي العيون
هذي إخْـت الخارجي گامو ينادون
شصبر وسوط الشمر يلعب بالمتون
بلا خوف....... ناده حشمي كافلچ
بلا شوف........وينه خل يفزع الچ
بالحبال بالحبال  گيد إيد اختك  تره
يعباس يعباس ترضه اروح ميسره
••••••••••••••••••••••••••••••••••••••••••
كلمات خادم الحسين

           (#حسن_الجحيشي)

https://telegram.me/aabas78
قصائد لكل ايام محرم اشترك بالقناة

ليالي السبي

مرت أيام بسبينه وهذا حالي
بالخرابه إجويعده بنص الليالي
حالي يشغلك لوشفتني
مكسوره الخاطر عفتني
هذا حالي.    هذا حالي
==========
يابوفاضل.   دمعي سائل
خويه من دم يجري دمعي
عالهزيله.     اشكد نحيله
وينك انت شوف وضعي
ماتجيني     ياحنيني
من الألم اه انكسر ظلعي

عيني مشبوحه لدربكم يالغوالي
اجساد ظلت والرؤس اعل العوالي
انظر يخويه هذا متني
مكسورة الخاطر عفتني
هذا حالي
==========
جم خرابه.    اعل الترابه
نايمه اشلون إبلا حراسه
العسكر أجناب  شوف المصاب
الينجرح كون تنزف انفاسه
ينزف آلام.    عينه متنام
تغمض شلون بلايا ناسه

التغمض عيونه هله ياخويه يمه
موش ناس بلا خجل لاعدها رحمه
هاي المصايب من لوتني
مكسورة الخاطر عفتني
هذا حالي
==========
ايچلچل الليل.   يخلص الحيل
تبدي الهموم كلها بخيالي
جانت ايام.      كعدة اخيام
جان أخويه اعليه والي
هسه هيمه.     بلايا خيمه
خويه عباس محد اجالي

لاخبر منكم اجاني وحدي ظليت
ميته وياكم يخويه اشكد تمنيت
من طحت خويه اهضمتني
مكسورة الخاطر عفتني
هذا حالي
==========
الفگد چتال.     ايشيب الحال
من ايدي كلكم ضيعتكم
بيوم واحد.    الله شاهد
عالترب حيف من عفتكم
گلبي نيران.   بفگد الإخوان
طفت عيني وماشفتكم

أتذكرت كعدتنا سوه بكل مسيه
يكعد حسين وتجي بصفه رقيه
و يمك يخويه گعدتني
مكسورة الخاطر عفتني
==========
شحچي آلام.     خويه الأيتام
لسه عالماي شابح نظرها
ماي يردون.   خويه يبچون
شح الأطفال كل صبرها
من يجوني.    يألموني
رادت الموت شلها بعمرها

اتمنت اطفالي المنيه يابوفاضل
والفگد نيران بيه تدري شاعل
هاي اليتامه الألمتني
مكسورة الخاطر عفتني
هذا حالي
==========
تمت ولله الحمد المقصر مع الحسين
          ✍   علي النائلي


https://telegram.me/aabas78
قصائد لكل ايام محرم اشترك بالقناة