من صرخة المنابر تهتفلك الخدم
حي على الشعائر ياسيد النعم
حسين حسين حسين حسين
--------------------------------------------------------------
يحسين الوادم فقره وكله تلوذ بحضرتك
واطشر خيرك وانترست كاع الله بسفرتك
انسد بيت الله وعوضنه فرض الحج شوفتك
كل زاير لابس احرامه ويأدي زيارتك

ونتمم المناسك تجمعنه كربله
وي جابر وعطيه تطب القافله
حسين حسين حسين حسين
--------------------------------------------------------------
الرايد خير وجاه وصيت وتكبر سمعته
يبچي اعله حسين ويدمي العين وتنزل دمعته
سلطان الخادم بين الوادم فخره بخدمته
كل خادم ينذل بس اليندل دربه وعزته

ال يلمس الحقيقه بخدمته يقتنع
مايعرف الخساره بتجارة الدمع
حسين حسين حسين حسين
-------------------------------------------------------------
ياسر اجنوني الكل تهموني بميزان العقل
واني بكل واهس صاير عابس لجلك بالفعل
خليني ابابك تدري اترابك لعيوني الكحل
متوزع جسمك بس ابأسمك يجمعنه الشمل

عين العقل جنوني ويلمني مجلسك
واطشر بقصيدة تحاچي محبسك
حسين حسين حسين حسين
--------------------------------------------------------------
كل خادم موكب لازم يكتب اسمه ويفتخر
واليخدم زاير حتمأ باچر بالعز ينذكر
أتعب وأتإكد انته مأيد سعيك ينشكر
يالخادم ذمه هاي الخدمه تخلصك بالكبر

كل خادم السمعني اگله اطمئن
بالخدمه كل ذنوبك كانها لم تكن
حسين حسين حسين حسين
-------------------------------------------------------------
عالفطره ولائي ويبقه ندائي حسين ويرتفع
مغرگني بخيرك شلي بغيرك وشلون اقتنع
وبفضل الدمعه هاي السمعه حصلهه الشمع
گتلك هذا اني وهاي احزاني ويحلالي الدمع

شعوري والمشاعر عليه مؤتمن
وتمنه روحي تبقه حمامه بالصحن
حسين حسين حسين حسين
--------------------------------------------------------------
طهرني اترابك عتبت بابك مستشفى العلل
حسين الماحبك لا مو ذنبك بفكاره الجهل
ناخذ من روحك وامن اجروحك ايمان وآمل
من غير الدمعه اعله ابن البضعه مايسوه العمل

من المنبر الحسيني نصيحه بالختام
لاتترك الشعائر تحيه والسلام
حسين حسين حسين حسين

الشاعر حيدر الخفاجي


https://telegram.me/aabas78
قصائد لكل ايام محرم اشترك بالقناة

بس صفي نيتك( نزال خدمه )
————المستهل————-
بس صفي نيتك بالعزا يرفعلك الهامه
صدگني ابو الاكبر ترا ما ينسى خدّامه
*****
ما ينسى دمعات التصب لا ينسى خدام
شيب وشباب مسجله كل ما يـمر عام
محسوب ابو الموكب ترا ومحسوب لطام
كلهم يخدمون بفخر حتى الطبر هام

صوره عزاء لكل شخص واعمال گدامه
صدگني ابو الأكبر ترا ما ينـسى خدّامه
*****
صفيها وياه بصدگ يصفالك حسين
خير اليصيبك يالمحب من دمعة العين
البس سوادك وألتحق ويه المعـزين
كل صعبه تسهل تنجلي گدامك اتلين

باچر هويتك من تجي ماضيها ببهامه
صدگني ابو الأكبر ترا ما ينسى خدّامه
*****
عشرة محرم من تجي أتلّگـاها بدموع
غير الحزن واللطمه الك مابيها موضوع
دگ الصدر للمنذبح واحنيها الضلوع
واطلع للحسين بجزع وبگلب مفجوع

محلاته گلبك ينچوي من جمرة اخيامه
صدگني ابـو الأكبر ترا ما ينسى خدّامه
*****
گوم استعدّ الخدمته وشد نخوة الحيل
اوگـف نهارك للعزا حد ما يـجي الليل
ومثل السبيه ام الخدر خل ظهرك إيميل
محسوبه كل دمعة حزن من عندك اتسيل

بأول محـرم يامحب گوم انشر أعلامه
صدگني ابو الأكبر ترا ما ينسى خدّامه
****
ونّتحلى بأخلاق الخَدم خلي آنـه وياك
ونخدمله بالنگدر عليه وانگله الك هاك
لو ما خدمتك والعزا ولو ما هويناك
ياسيدي ونحرك تــرا انضيع ابلياك

وين اليخدمه من صدگ ويشده أحزامه
صدگني ابو الأكبر ترا ما ينسى خدّامه
*****
خادم اهل البيت(حــمــزه فـاضـل)


https://telegram.me/aabas78
قصائد لكل ايام محرم اشترك بالقناة

(سريعة –نزلة)
حبك زكاة اعمالي
راسي بخدمتك عالي
ــــــــــ
عالي-بخدمتك راسي
اجمل عشك يحسين يا مولانه
ابغيرك-هالعمر وحشه
ما الها قيمه ابلا لطم دنيانه
...
كل يوم جرحك ضل يعيش اويانه
يوم الحشر مولاي لا تنسانه
وياك اضل للتالي-راسي بخدمتك عالي
ــــــــــ
عشكي-وساكن بروحي-يا حسين بيك اهل العشك مجنونه
غشمه-الرادو انعوفك-ننسه المصاب ومنبرك يردونه
...
كل من خدم غيرك تره يهينونه
وانته اليخدمك سيدي ايحسدونه
صار الحزن يحلالي-راسي بخدمتك عالي
ــــــــــ
عشكك-سيدي نعمه-كلبي ابفطرته الخدمتك دلاني
كلبي-عاشك الخدمة-حسيت حبك ينبض بشرياني
...
يل منبرك فوك النجم علاني
ما دورت وياك واحد ثاني
صار الدمع يبرالي-راسي بخدمتك عالي
ــــــــــ
شفته-بساعة الظلمة-نورك سراج اشما ما تهت  يهديني
انته-خدمتك رحمه-لومات كلبي بمجلسك  تحييني
...
منك خذت معنى الحياة وديني
يحسين بس وياك حلوه اسنيني
للموت ساكن بالي-راسي بخدمتك عالي
ــــــــــ
اعمه-ابكلبه ما شافك-خسران كلمن ما بجه اويه احبابك
خاسر-سيدي العافك-ما يسوه عمره الما لطم لمصابك
...
فــــدوات اروحن سيدي لترابك
سجلني يا ابن المصطفى بكتابك
ما ابدلك يالغالي-راسي بخدمتك عالي
ــــــــــ
نعيم ابو باقر الساعدي
اسالكم الفاتحة والدعاء لولدي ووالدتي


https://telegram.me/aabas78
قصائد لكل ايام محرم اشترك بالقناة

قصيده للخدمه


ابخدمتك يحسين .. شاني ارتفع بين البشر تدريني
===============================
صيتي ابخدمتك سيـدي بين الناس..رفعت مقامي
ملا اسمي صار وبيه احسن نوماس..صاير وسامي

عليـه اتصيـح ملا الـناس وسمـي صــار الـه قيمـه
الناس اتقبل ايدي اتريد چي اقرء اعله ابو الشيمه

ابخدمتك يحسين ..طالب ابمدرسة الخـدم خليني
             شاني ارتفع بين البشر تدريني 
===============================
يـالمالكيتـك بيـه آنـه الـتقصيـر ..حاجبنـي ذنبـي
مـا دوريتـك گمـت ادور تصـويـر..ضيعــت دربـي

هـوه الـي يعـرفـك ليـش يريــد الـوادم اتعـرفـه
الـشايـل رزق الله اشبيـه تطيح النعمه من چفه

ابخدمتك يحسين..ابمك احلفك عالدرب دليني
           شاني ارتفع بين البشر تدريني
===============================
مـذنب اجيتـك سيـدي وترجــاك.. ابـداعـة رقيـه
يـا الـماتـرد طَـلاب اريـداً انخــاك..بهـاي الــمسيـه

ابــداعــة ابنــك الـعطشان ثبتنـي علـه الــخدمــه
گلبـي ابمجلسك مـولاي ابجمـر اخيامكـم حـزمــه

ابخدمتك يحسين..جمر الطفر من خيمتك يچويني
              شاني ارتفع بين البشر تدريني 
===============================
حصلت منك جـاه تقـديـر وصيت..يـا نعمــة الله
گلبي اسود وعفتك وغيرك رضيت..گلبي شيبدله

عَلَـي عطشـان وشـرب مـاي ونته الماي ماضگته
حتــه ايعيـش ابنـي ابخيــر ابنـك ينذبـح شفتـه

ابخدمتك يحسين..مابقه شي عندك ومامنطيني
            شاني ارتفع بين البشر تدريني 
===============================
ارد اعترفلك سيـدي  بس خجلان ..بهاي القضيه
مـرات اجـي للمجلس الـبيـه افلان.. يقره الـعزيه

اجيـت الـخاطر الـرادود مـا چيتك يبـو اسكينــه
اشكثـر عنـدي صلافـه بهاي وگل للزهره سجلينه

ابخدمتك يحسين..ندمان ودموع الخجل تعميني
            شاني ارتفع بين البشر تدريني 
===============================
مايوم گلت الروحي خل ارضي حسين..ابچمهوري مهتم
وناسـي الـزچيــه تحضـر ابـدمـع الـعين ..من اقره مأتم

بيــــش الـنـــاس تنفعنــــي حتـــــه آنـــــه ارضيهـا
منــو الــينطينـي جنــه هنـاك بـس احسيـن ينطيها

ابخدمتك يحسين..ابشـوفتك راضي عَلَي قر عيني
              شاني ارتفع بين البشر تدريني 
==========================
✍حيدر الشغانبي


https://telegram.me/aabas78
قصائد لكل ايام محرم اشترك بالقناة

للعليلة عليها السلام 👇👇👇👇

#مجالس_محرم_الحرام_١٤٤٦هـ

💫💫💫العليله 💫💫💫

شال ضعن احبابي .. و الف صفحه اعتابي
لو ماترد الضعون .. اشهگ واموت ابابي

اه ياحسين
🔹🔹🔹🔹🔹

بكل رساله ابديها .. الورقه ارد اطويها
وظال گلبي محتار .. اكتب وامسح بيها

بدرب كل امسافر .. روحي روحي تهاجر
على الضعن من يحجون .. ينكسر گلبي الصابر

آه ياحسين
🔹🔹🔹🔹🔹

ضايعات اخبارهم .. ومثل طيره بدارهم
الهجر كاسرلي اجناح .. تجويني نار اغيابهم

الطف بعيد هوايه .. وعطش گلبي المايه
شكثر لحسين اشتاك .. والعمي راعي الرايه

آه ياحسين
🔹🔹🔹

ضعن شيخ الديره .. شال وانه بحيره
وياه خذه العلويات .. بس انه كال ازغيره

وبالعلل دلالي .. حيل ماخلالي
بي تطيب الجروح .. بس ماخذاني الغالي

آه ياحسين
🔹🔹🔹🔹

خذو عمري وياهم .. الكربله مسراهم
والكمر غايب وانجوم .. مااعيشن ابلياهم

اندعي يرد سالم .. علي اخوي وجاسم
وعلى عبدالله الروح .. اسمه ويه نفسي تقاسم

آه ياحسين
🔹🔹🔹🔹

الفاكد اهله وناسه .. الشيب يترس راسه
يروح مايعرف وين .. مذبوح كل احساسه

من البجي يمل جاري .. ونهر دمعي الجاري
‏بس جدتي ام العباس .. يمي وتعرف اخباري

آه ياحسين
🔹🔹🔹🔹🔹

جم علك شديته .. ابابي واتمنيته
حسين يرجع للدار .. والدي ينور بيته

وموصدك احلامي .. تطلع و مو دامي
وترد زينب وياه .. وحلوه تصير ايامي

آه ياحسين
🔹🔹🔹🔹🔹

علي حسين المنصوري


https://telegram.me/aabas78
قصائد لكل ايام محرم اشترك بالقناة

فاطمه العليله..ع.

حسين بويه آنه العليله والهجر أذّاني
أشعطلّك عنّي يغالي وأدري ماتنساني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حسين بويه آنه العليله والهجر شل حالي
من رحت عنّي يبويه بس دمع يبرالي
ليش چا عنّي بطيت أشعطلك يالغالي
وين الأكبر وين عمي ليش چا ماجاني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بويه لو تدري أبغيابك چا گلت معذوره
الليل ما أعرف أنامه أو روحي چن مجموره
ليش أضل من دون حلّي أبچي أو مقهوره
وليش من دون البنات أگليبي ضل أيعاني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حسين طگ گلبي عليكم بويه وينك وينك
من عمت عينه زماني الحال بيني وبينك
أدري مو هينه عليك أوبويه الله أيعينك
لچن تدري الفرگه وشتهيت أخواني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لحّگ أعله الضال بيه الهجر خلّص روحي
أفراگكم أثّر عليه أو صار أشد أجروحي
من مشيتو أو لحد هسه زاد همّي ونوحي
يبو اليمّه خاف ترجع بويه ما تلگاني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والله مشتاگه الخواتي والطفل عبدالله
كون هسه روحي أتسافر أو توصلّه
گاعده أبّاب المحاري أبچي أوأدعي الله
گبل لا أموتن أريدن طارش اليلفاني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ويّه ريح الهاب أودّي لهفتي لحسيني
أمطرّزه أبلوعات گلبي وبيها دمعة عيني
بويه مشتاگه أشوفك والهجر ماذيني
الصبر مليته وغلاتك وهوه هم ملّاني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي


https://telegram.me/aabas78
قصائد لكل ايام محرم اشترك بالقناة

فاطمه العليله ع


                  ليلة افارگك تهــدم الــحيل
                  تخلص ادموعي باول الليل
      الوحدي مـــن عفتوني..تغرگ ابدمعي اعيوني
==================================
      الليل ونهاري اگضيه بچي مانشف دمع اعيوني
      مهضومه كلش والحسن يابويه مـــــن عفتوني
      بـالـضعن چــم يــوســــف مشه بفراگهم اذوني
      اهـــل المــدينــه ام الحـزن مو فاطمه سمـوني

                    انـه البچيت ابكثر يعقوب
                    وانعيلكم بـالـيفطر اگلوب
       وين الگه اليسكتوني..تغرگ ابدمعي اعيوني
==================================
       ماعندي حيل اولا صبر خلّصن مــن فرگاكم
       دمعة اعيوني سلوتي يــالـــماخذتني وياكم
       كلشي نسيته ابدنيتي بس ماگدرت انساكم
       اجبر اعيونـي ابنومتي بـلـگي ابحلم الگاكم

               وشلون انــــام ودمعتي اتسيل
               كل ماغفيت اسمع رگض خيل
       ياساتر امـــن اظنوني..تغرگ ابدمعي اعيوني
===================================
      يالماعفت كلشي ورحت بس الحزن ظل ليه
      جانت گبل لاسافرت يـابـــويــه عندي امنيه
      بيهه اشمن ريحتك خليلي بـــــــــــس ارقيه
      لـــــو  الها خلينـي اظــم اگلادتهه والتـرچيه

             لاچمني گلبي وخايفه اتروح
             منها التراچي وتترك اجروح
       الها اضم خلوني..تغرگ ابدمعي اعيوني
===================================
       ياهيه مثلي امــــن البشر فارگت كل اخوتها                      صاحت وراكم والضعن چـن ماسمع صيحتها
       ركضت وراهــم حافّيـــه اورجليهه مـا عانتها
       چم مـــره طاحة عـالـوجـه وعيونهم شافتها
                  
                   تانوني اصيحن بويه يحسين
                   گلبــي احســه انجسم نصين
       مـاردوا ايگـــومــــوني..تغرگ ابدمعي اعيوني
===================================
       رديـــت لبيوت الحزن ويكسـر الخاطر حالي
       ايموت المفارگ محب وآنه افگدت چم غالي
       افراگكم هـوه السبـب المـرض مــــــو چتالي
       ذبلانه مــــــن گد الحزن  امبينه اعله اخيالي
      
                  الفارگ هله بياساعه يتاح
                  لحد ايلومه بويه لو صاح
       ابكل مغرب اتموتوني  ..غرگ ابدمعي اعيوني
==========================
   حيدر الشغانبي    
      


https://telegram.me/aabas78
قصائد لكل ايام محرم اشترك بالقناة

نزال وداع العليله


علي ياعلي ** علي ياعلي
علي ياعلي ** علي ياعلي
----------1-------------
گالو انودع العليله. لامحال
وانه دمعاتي جرت
گلت راح الفرح وايام الدلال
وضعون اتطشرت
صفت حسراتي تهد روس الجبال
والجدام اتعثرت
صار يوم السفر واقع مو خيال
والمواجع سيرت

قبل لايمشي الضعن
انظـر القـبر الحسن
خوفي لو دار الزمن
علي ياعلي ** علي ياعلي
------------2-----------
شدو احمول السفر وگليبي ذاب
ولجروح اتحزمت
اني طفله اوماردت هذا العذاب
والمصايب خيمت
ويلي صار الحزن مايفتحلي باب
ولأمور أتازمت
شفت أخوي الطفل شايلته الرباب
والهوادج جدمت

كل دقيقه أتمر شهر
صرت محنيت ظهر
ذبل اعيوني القهر
علي ياعلي ** علي ياعلي
-------------3----------
ذبَل إعيوني الضعن من شفته راح
حيره حرني الدهر
حيل اصيح ومَحد اليسمع صياح
گلبي ذاب امن القهر
من كثر مانوح فص اعيوني طاح
والدمع مثل المطر
گمت آون من المسه لحد الصباح
ما احب طاري السفر

گلبي ما يحمل بُعد
للمصايب يستعد
أدري الاكبر مايرد
علي ياعلي ** علي ياعلي
--------------4-----------
أحضر اضعون المشت لرض الظفوف
ونته تخضر بالشدد
جدي من انخاك رد هاي الالوف
صيتك يرد العدد
باچر اتلاگيهم ارماح وسيوف
تجتمع من كل بلد
عمي عباس اليعدل بالصفوف
گمت اخاف امن الحسد

زينب اوياهم تره
جبل وبهيئة مره
لاتضل امحيره
علي ياعلي ** علي ياعلي ----------5-------------
يمن رديت الشمس رد الضعون
لاتروح الكربله
واليندبـك مـاتخيبله الضنون
أنته باء البسمله
گلبي شاهد ادري بيهم مايجون
هلمصيبه أمسجله
الله كاتب لازم الواقع يكونك
عذر يابو المرجله

لازم ايحل الأمر
والطفوف اتضل عمر
والهواشم تنتصر
علي ياعلي ** علي يا علي
"""""""""""""""""""""'"""""""
فاخر علي الشبيبي


https://telegram.me/aabas78
قصائد لكل ايام محرم اشترك بالقناة

﷽ #مجالس_محرم_الحرام_1446 هـــ

القصيدة : ميته ريت بحظن ابوي

▪️▫️▪️▫️▪️▫️

ميته ريت بحظن ابوي وداع والشد ضعنه اخـوي
افراكهم كسر وجرح وما اعيشن للصبح اه يدنيا
ــــــــــــــــــــــــــــــــــــــــــــــــــــــــــــــــ
صاح بأسمي وكلبي كظني وماعرفت اشصـــار بيه
صاح بأسمي بهت لونـي وكـل دوه طاح امن اديه
صاح بأسمي وكتله انـــه اويـــاك فاطمتــك خطيه
صاح بأسمي حسين ابوي يروح ياوسفه المسيه

بس هالمسه وعني يروح وامتلى قلبي جروح
حالي حال المنذبح وما اعيشن للصبح اه يدنيا
ــــــــــــــــــــــــــــــــــــــــــــــــــــــــــــــــ
من حظني بــده عمري يمـــوت من ساعات الوداع
من حظني حسيت خنكه بروحي ماتوسعها اي كاع
من حظني كـل سفينه ابكلبي مصيوبه امن الشراع
من حظني ايســت راح ابقى ما امشـي ويه السباع

هاي سفرتهم تطول بيها ما ادري شكول
جني مصيوبه ابرمح وما اعيشن للصبح اه يدنيا
ــــــــــــــــــــــــــــــــــــــــــــــــــــــــــــــــ
ماخذاني ضليت وحدي بنوحي وعيوني على ظعنه
ماخذاني وكلبي جمــر فركـــه وسنيني اهيه حظنه
ماخذاني بروحـــي يلسع مايفض واللامـــي حزنــه
ماخذاني انــه واحلامـــي ابسفرتـــه اهـــواي متنه

الليل مايرحم عليل وانه ماضل بيه حيل
راح عن داره السمح وما اعيشن للصبح اه يدنيا
ــــــــــــــــــــــــــــــــــــــــــــــــــــــــــــــــ
يافركته شلون اعيشن عكبه وافراكه الكسرني
يافركته امعارك ويه المـوت روحـــي من تركني
يافركته متعلعله ابدونه ويضــل ذكــراه يهدنـي
يافركته ابدربه اناطـــــر كل خبر منـــه يهمنـــي

انكساري ابدربه صار وروحي مستنيه على نار
وغير الالم لا مايصح وما اعيشن للصبح اه يروحي
ــــــــــــــــــــــــــــــــــــــــــــــــــــــــــــــــ
حسيني رايح وبغربة اعيوني حمل ما شالته اجبال
حسيني رايح عافني الوحدي وعليله ودمعي همال
حسيني رايح شال من داره وبقى بنص روحي ماشال
حسيني رايح سره بظعنه وكربت الظعنه اهيه الاجال

عمر خلص بس دموع الليله ملجومه الشموع
جرح وتصب بي ملح وما اعيشن للصبح اه يدنيا
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري


https://telegram.me/aabas78
قصائد لكل ايام محرم اشترك بالقناة

(العليله ) ع يهل المحنه

يهل المحنـــــه ابنــــيه لاتنسوهه
ظلت غريبه وتبجي لتعوفوهه
***

آنه العليله وتجـــــــــــري دم اعيوني
من الهجر شابن احــــــــــس اجفوني
سهرانه ابجي وسارحه اوي اضنوني
روحي الفكدكـــــــــــم والله عذبتوهه
***
يحبابي شو من الفجـــــــــــر تعبانه
يابس دليلي وتلتهـــــــــــــب نيرانه
ماودي اشــرب بس احس عطشانه
زاد الالم بعروكـــــــــــي خليتوهه
***
من الصـــــــبح عبــــد الله يتراوالي
مدري اشحصله الغالي وابن الغالي
وجه تغير مــــــــدري ليش اكبالي
بالله العليله منهــــــــــو اليطمنوهه
***
افتر واسولف وحـــدي وانه ابداري
زينب وحـــيده تطلـــــــــع ابفكاري
خيمتهه شـــبت وآنه شـــــبت ناري
وين الزلـــــم واخوانـــــي ميطفوهه
****

شنهو الحصل هالساعه كاسر ظهري
طايح اخوي الاكــــــــــبر وما ادري
يوجعني كلبي جن تســــــلب عمري
الظلت وحيــــــــده والله مرمرتوهه
***

ضلعي تكسر مدري شــــو حسيته
وكلبي تمرد منعصــــــــر كضيته
طحت وابوي حســــين جن ناديته
يالرايحين التبجـــــــي لوعوتوهه
***


الشاعر ابو علي الركابي


https://telegram.me/aabas78
قصائد لكل ايام محرم اشترك بالقناة

العليله.ع.

الله أيعينچ يالعليله
أبيوم الضعن أعلن رحيله
أشضل عندچ أبهالدار
بس گلب يلهب نار
الله أيعينچ يالعليله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الله أيعين گلبچ من مشى الحادي
من طوّح ظعن ريحانة الهادي
هلچ راحو أبوادي وأنتي أبوادي
يا ظيم العليچ أبهالمسه السادي
ماظن بعد يلفون
حضري دمع وعيون
والله محنّتچ مو قليله
الله أيعينچ يالعليله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ألي أيفارگ هله فارگها عافيته
يحس حتى الهوه هم يذبح أبريته
شله أبعمره اليعيش وظلمه ضل بيته
الله أيعين گلبچ هاي تاليته
عيشي أبگلب مكسور
من بعد ضعن الحور
ياهو ألي ضل أو تشتكيله
الله أيعينچ يالعليله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الفرگه أتريد حيل وأنتي راح الحيل
أشّفتي من الزمان أوهيچ بيچ أيعيل
زغيره أعله المحنّه وألأفى أوياويل
أشحالچ يالعليله من يجيچ الليل
بس الصدى أتسّمعين
خالي مچان أحسين
غير الدمع ماضل وسيله
الله أيعينچ يالعليله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صفه بس الدمع والظيم يبرالچ
وعلي يكسر الخاطر فاطمه حالچ
أبوچ حسين راح أو ما بعد جالچ
لا مرسال لا طارش الودّالچ
عينچ بقت عالباب
ومناطره الغ
يا حزنچ الماصح مثيله
الله أيعينچ يالعليله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حگچ لو بچيتي والدمع ينزل
العزيزه أخلاف أبوها من يروح أتذل
البيت أبلا أبو أعليه الظلام إيحل
سهم فرگه الأبو وسط الگلب يكتل
الماعنده أبو ياناس
حزنه فلا ينقاس
الفاگد أبوه فاگد دليله
الله أيعينچ يالعليله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أصبري يالعليله أعله الهظم والهم
بعد هيهات شملچ بالأهل يلتم
أبوچ أحسين راح أوراح إلمشّيم
وهلچ كلهم ضحايا ولا شهم يسلم
وعبدالله هم مذبوح
كثري الحزن والنوح
السهم صابه وهدله حيله
الله أيعينچ يالعليله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي



https://telegram.me/aabas78
قصائد لكل ايام محرم اشترك بالقناة

عذبني يابويه الهجر ..شيبني فركاك ..ما اكدر انساك
كل مغرب بدمعي انتظر ..شيبني فركاك ..ماكدر انساك
حتى الرمش شاب ..من كعدة الباب
--------------------------
فاركوني اهل المحنه ويدي جرح صوابي
كاعده وايدي اعلى خدي بلكي يندك بابي
مكابله الحيطان عيني ويجري دمع عتابي
ضلت دياري خليه وفاركوني احبابي

محتاره والمدمع يصب ..يالماتردون ..شيضل بالعيون
بالغربه ونات الكلب .. يالماتردون ..شيضل بالعيون
حتى الجفن ذاب ..من كعدة الباب
----------------------------------
ضلت ابالي صوركم والدمع بعيوني
بليله مني يروح كلشي لياجرح عافوني
اهلي بديار الخليه راحوا وخلوني
الهضم كاسر دليلي وشاب رمش جفوني

يابويه تعبني السهر ..من دمعة العين .. صارت نياشين
تخليني مكسورة ظهر.من دمعة العين.صارت نياشين
غطاني التراب .. من كعدة الباب
----------------------------------
ياحنيني وماكو مثلك ها يبو الحنيه
ادري ماينطيك كلبك لابد ترد ليه
عد ابوها شكد عزيزه مدلله البنيه
انتظر جيتك تجيني طوليت اعليه

جا يمته لديارك ترد ..يالواعدتني ..شو فاركتني
ياباب من بعدك اسد .. يالواعدتني.. شو فاركتني
ارد ابدي العتاب ..من كعدة الباب
---------------_----------
بويه ليش الدنيه ضلمه وما اشوف بعيني
وتدري ببنيتك عليله المن مخليني
الدمعه يابويه اعلى خدي بالهجر تجوني
بدونك وسهر الليالي شلون اخلص سنيني

عايفني بثايبك اشم ..ولحضنك اشتاك .. عذبني الفراك
بالغربه حيلي منهدم ..ولحضنك اشتاك ..عذبني الفراك
واشتم بالثياب ..من كعدة الباب
-------------------------------
انتظر طارش يجيني يكلي شنهو اخباركم
صارت عليه مضلمه من مشيتوا دياركم
ياخذ المغرب حسرتي وطوليتوا غيابكم
حالي من حال اليتيمه شسوه بيه فراگكم

شحجيلك بحالي اليضل .. حال اليتيمه .. والله هضيمه
ولا واحد المنكم سأل ..حال اليتيمه .. والله هضيمه
وبكلبي عطاب ..من كعدة الباب
----------------------------------
تمت
احمد الخفاجي


https://telegram.me/aabas78
قصائد لكل ايام محرم اشترك بالقناة

لا تروح بويه وتخليني
لا تروح فركتك تاذيني
سفرتك جنها طويله // ارحم بهاي العليله
**
رحتو ودموعي وراكم تجري
حرت ارشن ماي لو رش عمري
بويه مثل اهلال حدب ضهري
وانه راح اشلون اعيشن مدري

راح اموت بويه اخذني وياكم
راح اموت من كثر فركاكم
هالهجر ما بيه حيله // ارحم بهاي العليله
**
ليش بويه اتريد عني اتسافر
والله عكبك اكسر انه الخاطر
البيت تدري اخلافك اضلم صاير
وجفني طول الليل ضل امساهر

من مشيت الفركه هدت حيلي
من مشيت صار موحش ليلي
حزني ابد ماكو مثيله // ارحم بهاي العليله
****





انضر الدمعة رقيه اتلالي
وحته كلتلي اصعدي ابدالي
بويه كلتلي مكانج خالي
وانه تدري اشكد تعذب حالي

بحركه اصيح يختي ما صاحوني
بحركه اصيح وحدي شو خلوني
هاي ليله اشلون ليله // ارحم بهاي العليله
***
ما ردت يابويه منك ناكه
بس حنانك رايح انه اشتاكه
بويه عبد الله كتلني افراكه
دمعه وي دمعي اعله خدي اتلاكه

بحضني جان اينام ويناغيني
بحضني جان اوجها تارس عيني
جان يبجي وانه اشيله // ارحم بهاي العليله
*









بويه اريد اسكينه تكعد يمي
وحلوه من اسمعها تنده بسمي
ما تشيله اجبال عكبك همي
بويه جا يمته يجيني عمي

كلي ليش عمي ما مر بيه
كلي ليش عاف هيج ابنيه
كلبي ما يبرد غليله // ارحم بهاي العليله
*
تسعر بنص كلبي ضلت نارك
ليش ما وصلتني بويه اخبارك
كل وكت تنشدني عنك دارك
بويه عاد بحلم مرني امبارك

كلبي ذاب والقهر شل حالي
كلبي ذاب بغيبتك يالغالي
امن المرض تدري نحيله // ارحم بهاي العليله
**
تمت
تحسين الخفاجي


https://telegram.me/aabas78
قصائد لكل ايام محرم اشترك بالقناة

نزله

هم ترجعولي. فدوه گلولي. روحي ما تحمل هجر
**
روحي مشتاگه عليكم...كلش اهواي
لو بچيت البيت اشعر ...يبچي وياي
صرت اشوفنها صوركم...حتى باالماي
امنيت عمري تجوني....عندي بس هاي
بتكم ازغيره....وموحشه الديره....داري صارت چن گبر
**
افتر ابيتي واگولن.......... وين الحباب
والصدى اسمع يگلي.......... كلها غياب
ليش عفتوني ومشيتو..شنهي الأسباب
الدنيا سجنتني بحزنها......وقفلت الباب
دهري بچاني....راحو اخواني.....مابقه بروحي صبر
**
بعد ماعندي سوالف....احچي بدموع
بغيركم يحبابي والله....ماكو موضوع
بهذاعمري ومن سفركم...گلبي مشلوع
ناركم مشتعله أحسها......جوه الضلوع
ابقى منتظره......وگلبي شيجبره....حيل ياذيني الكسر
**
بعد مااشوف بحياتي..........لحضه ارتاح
كلشي ماضل عمري كله....ويه الأهل راح
المطر شنهو اليرده................گلي لو طاح
من اهد مارحتو عني..........ماكو مصباح
النهار اسود......والنزل عاالخد....هذا مو مدمع جمر
**
لامهد يمي واهزه... ولا اخواهناه
وماكو عبدالله عزيزي .....والعب وياه
حيل شالع گلبي كلش......... والله فرگاه
اه مو وحده بدليلي..............بيه ألف اه
چنت اناغيله.....ومن الوليله......گلبي يرتاح اشكثر
**
كربله شمسويه بيكم......شنهي الاخبار
صدگ يحبابي بخيمكم.......شبت النار
ريت مچويه اديه............ ويه الزغار
ولا اضل انه بحسرتي.....اوحشت الدار
الجره بيكم ....وكل مأسيكم.....بيه اتمنه تمر

الشاعر سعد العبودي


https://telegram.me/aabas78
قصائد لكل ايام محرم اشترك بالقناة

ام البنين عليها السلام 👇👇👇

تربيه بنهج السنين
مدرسة...ام البنين
*
ابكل وكت ام الوفه ترجمت عنوانهه
قدمت اربع ولد للكرم ايمانهه
مدرسه ابكل الدهر تعتلي ابشجانهه
خطت بحبهه الوفه قافلة احزانهه

انها الحق المبين
مدرسة ام البنين
*
اربعه ابطف الوفه قدمت مجهودهه
ذيع ياصوت العشك للابطال وزودهه
صار ديوان الشرف بالعزم مشهودهه
حب ابو الاكبر صبح للجهاد يقودهه

تبقى نهج المتقين
مدرسة ام البنين
****
ربت وضحت زلم. قدمت وليانهه
زودهه وتاج الفخر من كمر عدنانهه
چانت احيود العزم وفته بجيمانهه
اتشوفهه بطف كربله قدمت قربانهه

بيها صوت العاشگين
مدرسة..... أم البنين.
****
نذرت أشبول الطهر والعهد لحسينهه
مفخره بكل النسه قدمت ضي عينهه
عزبت فوك النهر وزعت چفينهه
چان تسبيح الدمع كل حياة اسنينهه

بالعهد وفت بنين
مدرسة ام البنين
*
جامعة أم الوفه كلشي بيها اتشوفهه
خرجت منهه الگمر غيرته بمعروفهه
هيه زود المعرفه بلهفه كون انطوفهه
بالكرم ماصح نظير بالسخاء چفوفهه

كلشي ضحت للحسين
مدرسة ...... ام البنين
*
شوفهه بطف كربله والكمر دك ثايه
عدهه مدرسة النهر غيرته الوفايه
هذا سبع الكنطره بيده شايل رايه
وصته بتاج الصبر بالوفه امسمايه

خل تشوف الثائرين
مدرسة ام البنين
*
تمت بعون الله
خادمكم .....يوسف الفتلاوي


https://telegram.me/aabas78
قصائد لكل ايام محرم اشترك بالقناة

محضر لجية محرم دمعة العين
نعمه عايش هالسنه والطم عالحسين
احسب ايامه بدمع ..و ابجي دم اعلى الضلع
----------------------------
انه كل عام ..احسب ايام
وانتظر عاشور جيته بدمع العيون
ليلي ما نام .. محزم حزام
حضرت لبس السواد واعلن اجنون
لحرك الخيام ..تهيج الالام
الطم بحركه لمصابه ويه اليلطمون

حضرت دمع الحزن لايام عاشور
للمجالس واللطم شوك اهل الكبور
وصوت حمزه ينسمع..و ابجي دم اعلى الضلع
-----------------------------
احسب احساب .. دكة الباب
يهيج كلبي من الالم وي العليله
دمعي سجاب .. بهذا المصاب
ياخليل مفارك الليله خليله
وي الاحباب ..يبدي العتاب
الليله وي ام البنين شلون ليله

نبدي وي اول دمع من المدينه
هناك صار المأتم بدار الحنينه
ون كلبها المنفجع ..و ابجي دم اعلى الضلع
------------------------------
كلبي محروك ..وصدري مخنوك
اليوم اريد اشبع بجي بنص المجالس
يذبح الشوك ..ودمعتي تلوك
بس الك يحسين بيها جنون عابس
الهضمه بالسوك ..ناخت النوك
ومن دمع عيني عله زينب جفي تارس

ابجي دم اعله الخدر هذا انه حالي
انه وي ذاك الحزن طول الليالي
انحب واعلك شمع ..و ابجي دم اعلى الضلع
-------------------------------
دمعة الليل .. تكضي بالويل
هذا حال المنكسر ظهره الحبيبه
رايح الحيل .. ودمعتي تسيل
انحب و وناتي زينب ياغريبه
معدل الميل ..سحكته الخيل
مرمي ذاك عله الوجه ضايع طبيبه

شيبه من دم الوريد مخضبينه
ليش كطعوا خنصره ومسلبينه
وليش راسه ينكطع ..وابجي دم اعلى الضلع
---------------------------
كلبي مجروح ..بعالم النوح
حسين شفته بالحلم حزوا وريده
شفته مطروح ..وكثره الجروح
ويركض السلاب يكطع خنصر ايده
بعطش مذبوح ..وطلعت الروح
وعينه تربي اعلى الخيم صارت بعيده

يادمع فززني من هاي المصيبه
عيني شافت من نمت رؤيه عجيبه
بصدره حافر ينطبع ..وبجي دم عالضلع
***
تمت
الشاعر احمد الخفاجي


https://telegram.me/aabas78
قصائد لكل ايام محرم اشترك بالقناة

الى ام البنين ع

                     ودعنـي ابنظرات اعيـونك
                     زينب وحسين ايشوفونك
لا تشبگـنـي                                                عباس ابني
                     زينب وحسين ايشوفونك
١==================================
             يــوم افـراگكم عـايفلـي چــم حســره
             طلـع گلبي اويه أول خيط من فجــره
             لا تشبگنـي اخــوتـك تــذكــر الـزهــره
             الفاگـد امــه مــن يذكرهــه شيصبــره

                  احسين امن امه الموت ايحرمه
                  مـا شـابــع مــــن شبگات امـــه
روح وخلني                                               عبـاس ابني
                  زينب وحسيـن ايشــوفــونــك
٢==================================
             يـَــــــم احسيـن يــمــــــه لا تنـادينـــي
             هــــاي الـچلمـــه تاذيــــــه وتــأذينـــي
             سبب مـا ريـد اصير ابـدمعـة احسيني
             وراهه اشكد بچي اعيونه عمت عيني

                     چلمت يمـه اطيح ادموعـه
                     وتخلي ابگلبه اشچم لوعـه
يمه اعـذرني                                                  عبـاس ابني
                     زينب وحسين ايشوفونـك
٥==================================
             يمـه اختــك يتيمـه وكلشـي يلچمهـه
             مــاريـــد ابـــوداعـــي اويــاك ألــمهـه
             اشمـاً ريحتـك زينـب امــــن اشتمهـه
             امــــك زينـب وآنــــه الـصــرت امهـه
     
                     اكثر مـــن امــــك تعبـانــه
                     هيـه امربيتك مــوش آنــه
شگد تطلبني                                          عبـاس ابني
                     زينب وحسين ايشوفونك
٤==================================
            مــن الـعصـر حــد الـصبــح حيـرانــه          
            امـن الـونـه الگلـب مـا ضال بمچانــه
            أول ام تــــــودع اوليـــــــــدهـه انــه
            مــو للمـاي بــس الحضنـه عطشانــه
              
                     روح ومـاذِب مـاي ابظهـرك
                     مـا ترجــع والطـف ينتظرك
  اشكد يحرمني                                       عبـاس ابنــي
                    زينب وحسيـن ايشوفونـك
٥==================================
             يبنـي ابجفـن عينــي مـا بقــت دمعـه
             كلشي اويــاك راح وبـعــد شيــرجعـه
             حـالـي ابفرگتك خيط ابوسط شمعـه
             سـابـع جـار نـوح  امـك بقـه ايسمعـه

                     عـافيتي اويـاكـم خَذتوهه
                     بــس ونـه الأمكم عفتوهه
ما تلحگني                                                    عباس ابني
                     زينب وحسين ايشوفونك
٦==================================
             كـــل الـمـا تـمـــــر عـــالـبـــال هاليلـه
             عَلي مــرت وگلبــي فــرهــدت حيلـه
             إدَي مــالحگـن لــدمــوعــي والشيلـه
             نعش امــك يضل مـا واحــد ايشيلـه

                     ويـن اولادچ لـو نشـدونـي
                     اتجاوبهم دمعات اعيـوني
مـا عـــايفني                                                عباس ابني
                      زينب وحسين ايشوفونك
==========================
✍حيدر الشغانبي


https://telegram.me/aabas78
قصائد لكل ايام محرم اشترك بالقناة

(سريعة نزله)

باب الفرج للسائلين
رمز الوفاء ام البنين
ــــــــــــــ
كلمن وفه اويه الزهره يتوفق تره
بهاي الكرامه يعيش دنيا واخره      
اقرب مثال ام البنين الطاهره
باب الحوائج بالشدايد حاضره
عن تضحيتها عاجزين
رمز الوفاء ام البنين
ـــــــــــــــــ       
يل رايد التوفيق تقبل خدمتك
ماتبرد اعلى حسين  حركه جمرتك
ام البنين اوياها صفي نيتك
تكضيها صدك مهما جانت  حاجتك
باب الرجاء بكل يقين
رمز الوفاء ام البنين 
ــــــــــــــــــ
تكضي الحوائج بالثكيله امجربه
ما ينكسر كلمن يجيها ابمطلبه
تكضيها كل حاجه  لون مستصعبه
بس كون ما ماكل حرام ولا ربه
ما تعتذر للقاصدين
رمز الوفاء ام البنين
ـــــــــــــــ
ام الكرم باب الحـوائج للبشر
كلمن ندبها بيوم صدك  ما خسر
تحضر له بالشدات حد كطع النحر
هاي الوفيه الطاهره وام الكمر
من عدها ما يرجع حزين
رمز الوفاء ام البنين
ــــــــــــ
تستاهل ام عباس هاي المنزله      
جازاها من ضحت ولدها بكربله
لشيعة علي الاطهار صارت كافله
تفزع له بالشده اليطيح ابمشكله
للينتخي صارت معين
رمز الوفاء ام البنين
ـــــــــــــــ
نعيم ابو باقر الساعدي
اسالكم الدعاء لوالدي ووالدتي


https://telegram.me/aabas78
قصائد لكل ايام محرم اشترك بالقناة