هذا صاحب اليوم الأسود فنكم اذا عرفتو منو
جبتلكم صوره شخص عزيزي عليكم
صخملكم كم درس بالتاريخ
ههههههه
انه المناضل الشيخ محمود الحفيد

اسئله امتحان الفصل الأول لمادة الاقتصاد الصف السادس الأدبي
كل التوفيق والنجاح ان شاء الله
احمد جبار الدايني

شخباركم اليوم الابطال
جاي تقرون مو
اكيد منايمين لسه مو .......
يله هنه كم يوم بحياتك كله تحمله
اذا ماتحملت لتطالب بنجاح
اذا ماتحملت لتطالب بمعدل
اذا ماتحملت لاتقارن نفسك بغيرك
لان هوه تعب وقره وانت نايم
تحسوني شوي قاسي بكلامي مو اوكي هاي الحقيقة اني مؤمن بمبدأ بسيط انو ماكو شي يجي بالنوم الأهداف والطموحات تجي بالتعب والسهر والتحمل والصبر ( تتعب بالبداية وترتاح بعدين)
راح تكلولي تبالغ استاذ اوكي انطيني طالب واحدخلصة ونوم ونجح بمعدل عالي ( غير الغش) طبعا
نصيحة : دائما اسمع وتأمل النصيحة الصح حتى اذا كانت مره لان هيه الحقيقة والحقائق دائما مره.

تحملوني
اعرف اكو ناس من ورود الصف السادس لازم تكله الحقيقة حتى يصحه ضميره
طبعا من حرصي عليكم حتى ميفوتكم الوقت
كل التوفيق والنجاح ان شاء الله
احمد جبار الدايني

الشريف حسين يسلم عليكم
ماقصر الرجال وياكم
دافع ضد الاحتلال العثماني

ودزلكم ابنه صار ملك عليكم بالعراق عام ١٩٢٠ _ ١٩٢١ وهو الملك فيصل الأول ابن الشريف حسين

غيروا جو شوية
مشكله حتى تغيير الجو تاريخ شنو هاي
خلص الحياة مو كله دراسة
شوي ارتاح رفه عن نفسك شم هوى
اوكف اوكف لتروح بعيد تره هاي استراحة الضهر
يله ساعة زمان وترجع لدراستك لتسخت
هههههههه
كل التوفيق والنجاح ان شاء الله
احمد جبار الدايني

اسئله امتحان الفصل الثاني لمادة الاقتصاد للصف السادس الأدبي
كل التوفيق والنجاح ان شاء الله
احمد جبار الدايني

السلام عليكم ورحمة الله وبركاته
طلاب الصف السادس الأدبي الي مقبلين على الامتحانات الوزارية اي شي تحتاجون هاي محاضرات كامله اذا تنسه تابع بين الملزمه واليوتيوب
طلاب ٢٠٢٣ الي تحبون تبلشون وتستعدون للسادس من هسه هنا محاضرات المنهج بالكامل
تاريخ الصف السادس الأدبي وبالتسلسل وبطريقة طرح بسيطه وعامية للايضال الفكره
رابط جميع محاضرالتاريخ بالأسفل 👇
https://youtube.com/playlist?list=PLVxNfGX9XIV6RcGyHMOMNCMIAGiQYQFXc
كل التوفيق والنجاح ان شاء الله
احمد جبار الدايني

اسئله امتحان الفصل الثالث لمادة الاقتصاد للصف السادس الأدبي
كل التوفيق والنجاح ان شاء الله
احمد جبار الدايني