يصير عندك تصور اهم صفة للمقابيل هو الشكل لحد ماتعاشر شخص حلو واخلاقه زفت

يصير عندك اقتناع الفلوس هي كل شي لحد ماتعيش ويه شخص عنده فلوس بس نفسيته سوده


يصير عندك تصور المتدين هو احسن الناس ، من تقتربله تشوف ماكو ذرة رحمة بگلبه
تقتنع الشخص المحبوب هو احسن اختيار ومن تعيش وياه تشوف نفاقه

من تقترب من كل اصناف البشر راح تعرف البشر
المرغوب واليبقى بذاكرتك هو الأنسان الكلبه نظيف

ما جنت اعرف شنو معنی
حجيك مطر صيف'
كبرت وفهمت انوا شكد ما جان المطر قوي
بالصيف يبقه وره دقايق يختفي وكأنوا
ماكو شي ،ساعتها عرفت انوا هالجملة
تنكال للناس
الي مو كد كلامها ماعدها مصداقية بالكلام
عدهم تردد بكلشي الناس الكذابة ....
فأبقوا وي ناسكم الي تنطبق عليهم مقولة
حجيك مطر شتاء * "

الانتقام

هذا التفكير العدواني بمجتمعنا موضوع حزين بصراحة ، ويخليك تبتعد حتى عالناس التعرفهم من تعرف يريد ينتقم من فلان بسبب منشور عالفيس لو بسبب علاقة عاطفية فاشلة او عمل ماانكتبله يتحققله نجاح .

بحيث اكثر من شخص يفوتلي يسألني شلون انتقم من فلان لأن يحاربني وأريد انتقم من فلان او انتقملي منه وأكسر عينه بسبب موضوع ديني او سياسي ورسائل هواي من كلام هالضعفاء

ماكو شي اخلاقي اسمه انتقام ،
الأنتقام يحق من تاخذ حق لفقير او عاجز من
شخص ظالم مايردعه عن ظلمه اله فعل يشبه
فعله
بس العلاقات الانسانية ، الحب ، الأسرة ،
الصداقة ، العمل ، ماكو بقاموسها كلمة انتقام
سميها تجارب فاشلة ، ناس مزيفة ، تفكيرك
بالأنتقام استهلاك للعقل ونزيف للمشاعر

تريد تنتقم اسعد نفسك وقدر
الانسان الصدك يستحقك والمكان
اليريدك ومرتاح انت بي
الانتقام انت تنجح وتعتبر الراح من
شخص وموقف تجارب فاشلة
وتستمر ، تختار ناس صح وتشوف
نفسك محظوظ بيهم ،

الانتقام تنجح بشغلك وتعوفهم بالشوارع
والكهاوي كاعدين ، هذا الأنتقام عمل تنجح
بي وصديق يقدرك وحبيب يفتخر بيك
مجرد لحظة من راحة بالك وسعادتك هي
اکبر انتقام .

اني شخص مايتذكر لون ملابس العالم
الي اشوفها يومية ولانوع ساعاتهم، حتى
نص سوالفهم انساها وره ساعة من
اللقاء ، اعاني من موضوع نسيان
اللحظات ، الاشياء الي ماتلامس مشاعري
وعقلي ، ف لو السوالف جانت عن شي
احبه جان اتذكرت حتى الكلمات ، اني من
الفئة الصعبة المصابة بعدم اللامبالاة لأي
شي مايلفت الگلب .

مو كل موضوع لازم الك رأي وتحجي بي

يصير
عندك تصور اهم صفة للمقابيل هو الشكل
لحد ماتعاشر شخص حلو واخلاقه زفت
.
يصير عندك اقتناع الفلوس هي كل شي لحد ماتعيش ويه شخص عنده فلوس بس نفسيته
سوده
.
يصير
عندك تصور المتدين هو احسن الناس ، من تقتربله تشوف ماكو ذرة رحمة بگلبه
تقتنع الشخص المحبوب هو احسن اختيار ومن تعيش وياه تشوف نفاقه

·
من تقترب من كل اصناف البشر راح تعرف البشر
المرغوب واليبقى بذاكرتك هو الأنسان الكلبه نظيف

من الغباء تمنع اللي تحبه انو يدور ع غيرك. او تمنعه يحجي وي انسان غيرك او تمنعه يتعرف ع غيرك صدكني لو يحبك مثل متحبه انتَ جان هوه منع نفسه.

أتعبني ذلك الطريق ، عندما ذهبت برفقتك قَد كان متعباً مليئٌ بالأشواكِ والصخور
أتذكرُ ؟!
حينما أنجرحت قدماي
قُلت لي: سـ أكمل السير بمفردي وعندما تتشافى قدمكِ ألحقي بي ..

بعدها أدركت بـ أنك أعطيتني صفعة
"كصفعة بوجهِ طفلاً من والدتهِ " ..

الزواج والحب الصالح
مو اله تكتبين بالحساب اميرة زوجي حبيبة زوجي و كل محتواج زوجي زوجي
طلعنا سافرنا اشترينا تونسنا جابلي كذا شغله هدايا و مع كل هذا انت بداخلج خوف انو يخونج او يتركج بيوم من الايام ، ماعايشه بأمان و كل همج شلون تبينين للعالم هو يحبج و مدللج
بحيث توصل لمستوى تنشرين غرفة نومكم والاجواء
ليش ؟
بكل بساطة لأنج ما تثقين بي وماتحبينه حب صادق ..

والرجل كذلك اللي يشجع زوجته على النشر وهلأمور
ماتحبها حب صادق

الحب والزواج الصح من تمتلكون خصوصية و ما تشاركون كلشي بالأنترنت ولا حتى وي اقارب و الاهل ، اذا طلع واحد منكم لمكان حيكون بكامل الثقة انو الطرف الثاني ما يخون ولا يسوي شيء غلط ، من واحد منكم يتمرض يتعب الثاني يكون وياه ، من يكون قليل غزل بينكم وبالنشر بس افعالكم تبين الحب

رضينا او مارضينا هو هذا الصح .. !

اللهُم نورك إن بات كل شيء مُظلماً.