شيخ البطحاء”

هُوَ عَبْدُ المُطَّلِبِ الأَصْلُ الَّذِي
نُورُ النُّبُوَّةِ فِي ذَرَارِيهِ سَرَى

جَدُّ الرَّسُولِ وَمِنْ يَنْبُوعِ عَطَائِهِ
شَرَفُ الكَرَامَةِ فِي القَبَائِلِ قَدْ جَرَى

قد عَاشَ فِي البَطْحَاءِ سَيّدَ قومِه
لِلْحَقِّ قَدْ كَانَ الوَلِيَّ وَمَا انْثَنَى

هُوَ كَالسَّحَابِ إِذَ فَاضَ بِجُودِهِ
مِنْ كَفِّهِ قَلْبُ السَّقِيمِ قَدِ انْتَشَى

يَحْمِي السَلامَ وَصَوْتُهُ لِلظَّالِمِينَ
بَاتَ الرَّدَى لَا يَخْتَفِي طُولَ المَدَى

أُسْدٌ أَمَامَ الشِّدَّةِ، صَقْرٌ فِي الوَغَى
وَلِبَيْتِهِ بِالْمَجْدِ كَانَ الْمُلْتَجَى

لَمَّا أَتَاهُ الفِيلُ يَرْجُو كَعْبَةً
دَعَا الإِلَهَ، فَكانَ أَمْرُهُ مُرْتَجَى

“اللَّهُمَّ رَبَّ البَيْتِ” قَالَ بِخَشْيَةٍ
وَمِنَ السَّمَاءِ جُنُودُهُ جَاءَتْ وِقَا

حَتَّى غَدَا الفِيلُ القَوِيُّ كَأَنَّهُ
هَشِيمُ زَرْعٍ بَعْدَ حَرْقٍ قَدْ هَوَى

يَا مَنْ حَمَيْتَ الكَعْبَةَ الغَرَّاءَ إِذْ
زَحَفَتْ جُنُودُ الظُّلْمِ لِلْحَقِّ جَفَا

لَمْ تَمْضِ عَصْرًا حَتَّى أَتَاكَ مُحَمَّدٌ
فَنَظَرْتَ مَعْنَى النُّورِ أَجْمَلَ مَنْ رَأَى

طُوبَى لَكَ، يَا مَنْ غَدَا فِي عَقبِهِ
دِينُ السَّمَا وَهُدَى الخَلِيقَةِ وَالْوَرَى

بيت احزان بالدمعات لبناي
فكَدت اربع بنين ارضعوا لبناي
مو ألهم بجيت إلمن لبناي
حسين الي أعز من روحي اليه

لون تدري شكثر ربيت مالمتني
وكل هالدنيه بولادي مالمتني
انكسر ظهري عليهم ليش مالمتني؟
عطاشه اتذبحوا بالغاضريه

يحادي العيس لا تسرع تمهل
توّه أبني البدر عباس تم هل
دمع اعيوني بوداعه تم هل
بغياب الكَمر تظلم عليه

يمن طول عليك العسر بل حال
إذا رايد جواب وخبر بالحل
إنخه ام البنين وشوف بالحال
تنطيك المراد ام الحميه


"انشودة التاريخ"

آنه ام البنين انشودة التاريخ
من يمي المفاخر قررت تبدي

امن اجيت البيت ابو الحسنين خدامه
برضاتي وهالشرف كل غايتي وقصدي

تِعلّقت بيتامى الطاهره الزهره
ومشاعرها الامومه اتفيض واتبدي

إذا شوفنهم براحه اكَليبي احس مرتاح
ألهم كل حياتي امسخره وجهدي

اعزاز وماكو اعز من عدهم اهل البيت
افديهم بكل ما أملك وعندي

عشت اسنين ويّاهم موده وخير
بعد الله ورسوله اذكرهم ابوردي

لجن يا وسفه عذبني الزمن من دار
راواني المصايب مر وكَف ضدي

جثيره الالام صوبني وقسه بيه
جروحه بكَلبي ظلت للكَبر تدي

من طبروا علي بالهامه طبروني
دمعات الوداع شخلت بخدي

واويلي الحسن لمن رحل مسموم
آنه اوياه هم جنّه انمرد جبدي

هيجي اجروح مو هينه أو أبد مطيب
اجروح امفصلات الطولي وبكَدي

الأمر لله.... كَلت ابني السبط موجود
اعيش ابصايته او وكَت الشدد سدي

مرت بينه الايام أو إجه الميعاد
وطلع ضعن الهواشم للذبح يحدي

ما صح بيدي اجه اوياهم وشوف الصار
ما بين الحياطين انتحب وحدي

عيني اعله الدرب واتنطر الأخبار
بلجن طارش ايمر بيه ويعدي

واني اجويعده بنص داري لن أسمع
خبر عن الحسين وكربله يصدي

طلعت ولن إبن حذلم يقص أخبار
ما ظل الحسين وذبّحوا ولدي

الكتلني افراكَ الحسين وفكَد عباس
وحتى بموتي اون اعليهم بلحدي

أبو زهراء صالح الحلي

"في حضرة الوفاء"

دَمْعِي عَلَى أُمِّ البَنِينِ تَوَاتَرَ
يَرْثِي الحَزِينَةَ فِي الحَيَاةِ الغَادِرَةِ

أُمٌّ بَكَتْ أَبْطَالَهَا فِي كَرْبَلَا
عَيْنَاهَا فَاضَتْ بِالدُّمُوعِ الغَامِرَةِ

مِذْ وَدَّعَتْهُمْ لِلْمَنُونِ بِلُوعَةٍ
غَابَ الأَحِبَّةُ فِي اللَّيَالِي السَّاهِرَةِ

قَدْ قَدَّمُوا الأَرْوَاحَ عِشْقًا لِلْعُلَا
فِي نِينَوى أَمْسَوْا كَوَاكِبَ زَاهِرَةِ

عَبَّاسُهَا بَدْرُ العَشِيرَةِ مَا انْثَنَى
عَنْ نُصْرَةِ الحَقِّ بِرُوحٍ ثَائِرَةِ

طُوبَى لِعَبْدِ اللهِ نَالَ مُرَادَهُ
وَلِجَعْفَرٍ تِلْكَ الجُهُودُ الظَّافِرَةِ

عُثْمَانُ قَدْ أَهْدَى حُسَيْنًا رُوحَهُ
يَوْمَ الوَغَى أَشْلَاءَهُ مُتَنَاثِرَةِ

لَمَّا أَتَاهَا النَّاعِي يَنَعَى وَلَدَهَا
قَدْ بَانَ فِيهَا الحُزْنُ، تِلْكَ البَاهِرَةِ

كَمْ هَالَهَا قَتْلُ الحُسَيْنِ بِكَرْبَلَا
فَبَكَتْهُ عُمْرًا وَالمَشَاعِرُ زَاخِرَة

فِي هَذِهِ الدُّنْيَا قَضَتْ مَكْلُومَةً
وَبِرَغْمِ كُلِّ البُعْدِ كَانَتْ صَابِرَةَ

يَا حَسْرَةً قَدْ صَابَهَا جُرْحُ الَاذَى
بَعْدَ الرَّحِيلِ مِنَ الأَيَادِي الجَائِرَةِ

إِذْ هُدِّمُوا قَبْرًا لَهَا بُغْضًا بِهَا
فَالظُّلْمُ يَخْشَى مِنْ وُجُودِ الطَّاهِرَةِ

أَمُّ البَنينِ مَثَّلَتْ دَرْبَ الوَفَا
فِيهَا المَعَانِي لِلْكَرَامَةِ ظَاهِرَةِ

لِمَصَابِهَا يَبْقَى الأَنِينُ شِعَارَنَا
نَرْجُو شَفَاعَتَهَا غَدًا فِي الآخِرَةِ

أبو زهراء صالح الحلي

يالرايد خبرها ورايد البرهان
لا تحتار تلكَه الزهره بالقرآن
نور النور هيه وحجة الرحمن
هيه ام الأبوها ومنشأ الأكوان

زهرتنه الباري امعليها
ومن أسراره شكَد منطيها
------
هيه اتلوكَ اله وهم هو إلها يلوكَ
أبو الحملات بالكلفات ما مسبوكَ
أغلى اثنين عنوان الفخر والشوكَ

حيدر والزهره اشمحلاهم
يرتاح الكون بطرواهم
------

الباري بعترة احمد من علينه
واحنه الشيعه بيهم من علينه
بمحمد والزجيه ومن علينه
النه الرفعه دنيا أو آخريه


الفرق شاسع مع العذّال بالناي
ابأدب آنه احتفالي موش بالناي
جسور الحب مع اهل البيت بالناي
تجيهم بالحزن والفرح رجليه

من العرش فاطمه آيه فخر مُنزله
الطاه الرسول النبي شعت وسط منزله
حازت معاني الشرف واجمل واعز منزله
ربنا خلقها العلي كفؤً لها حيدره
حيا الله اسم الولي نبع العلى حيدره
بهذا الخبر كل بشر كل ميت او حي دره
آنه العدوهم عدو دربه أبد منزله

لاَ مثيلَ لها

شَعَّتْ بِآيَاتِهَا الْأَكْوَانُ وَازْدَهَرُوا
وَسَارَ فِي نُورِهَا الْأَرْوَاحُ وَالْبَشَرُ

بِنْتُ النَّبِيِّ الَّتِي طَابَتْ مَنَاقِبُهَا
وَمَجْدُهَا فِي الْوَرَى يَعْلُو وَيُزْدَهِرُ

رُوحُ الطَّهَارَةِ مِنْ سِرِّ الإِلَهِ بَدَتْ
تُجْلِي الظَّلَامَ بِنُورٍ لَيْسَ يَنْحَسِرُ

فِي بَيْتِ أَحْمَدَ كَانَتْ لِلْهُدَى شُعْلَةً
تَسْمُو عَلَى الْحَقِّ، لَا يُطْفَى لَهَا أَثَرُ

خَصَّ الإِلَهُ بِهَا الطُّهْرَ الْعَظِيمَ كَمَا
تَتَزَيَّنُ عَلَى الدُّرِّ أَوْصَافٌ وَتَفْتَخِرُ

عَاشَتْ عَلَى النُّورِ، لَا دُنْيَا تُغِرُّ بِهَا
هِيَ الْعَفَافُ، وَفِيهَا الْفَضْلُ يعتمرُ

كَأَنَّمَا الْكَوْنُ فِي أَرْجَائِهَا لَذَّةٌ
وَالطَّيْرُ فِي ذِكْرِهَا بِالْحُبِّ تَنْتَشِرُ

فَاطِمَةٌ مَا دَرَى التَّارِيخُ قِيمَتَهَا
إِذْ تَمْلَأُ الْخَلْقَ إِشْعَاعًا وَتَنْتَصِرُ

فِي كَفِّهَا سِرُّ أَسْرَارِ الْوُجُودِ بَدَا
وَفِي رِضَاهَا نَجَاتُ النَّاسِ تُخْتَبَرُ

قَامَتْ بِحَقٍّ عَلَى دِينِ الإِلَهِ وَقَدْ
غَدَتْ عَلَى مَنْهَجِ الْمُخْتَارِ تَسْتَقِرُ

سَلَامُ رَبِّي عَلَى مَنْ لَا مَثِيلَ لَهَا
فِي مَدْحِهَا تعجزُ الأشعارُ وَالصُّورُ

“سَيِّدَةُ الأَنْوَارِ”

حُبُّ البَتُولِ رَوْضَةٌ مُعْطَاءُ
أَزْهَارُهُ تَفُوحُ بِالإِيْمَانِ

سَيِّدَةُ الْأَنْوَارِ شَمْسُ الضُّحَى
فِي دَرْبِهَا سَارَتْ خُطَى الْعِرْفَانِ

مَنْ ذَا يُدَانِي فَاطِمٌ فَضْلُهَا
فِيهَا تَجَلَّى مَنْهَجُ الْقُرْآنِ

يُحْيِي قُلُوبَ الْأُمَّةِ ذِكْرَاهَا
وَيَرْتَوِي مِنْ نَبْعِهَا الضَّمَانِ

سِرُّ الإِلَهِ مَعْدِنُ الأَلْطَافِ
بَلْ إِنَّهَا مَالِكَةُ الْجِنَانِ

مَنْ ذَا يُسَاوِي طَهْرَهَا رَفْعَةً
أَوْصَافُهَا أَعْلَى مِنَ التَّبْيَانِ

مَنْ يُغضِبُ الزَّهْرَاءَ لَا شَكَّ هَلَكْ
عَقِبَاهُ بَيْنَ اللَّظَى وَالنِّيرَانِ

مِنْ أَجْلِهَا مَنْ عَاشَ فِي غُرْبَةٍ
تُجْزِيهِ يَوْمَ الْحَشْرِ بِالإِحْسَانِ

والخَادِمُ حَتْمًا يَفُوزُ غَدًا
يَنَالُ مِنهَا العِزَّ في أمانِ

أبو زهراء صالح الحلي

موسى بن جعفر عظيم امصابه
نار فكَده تِحركَ ابأحبابه
————-1
سمه طاغي العصر هارون الظلام
وراح من عدنه الإمام إبن الإمام
نرسل الروحه دمعات وسلام
بلهفه اجينه انزور احنه اعتابه
————-2
ويلي عالمظلوم شاف شكَد مرار
طلع محمول بنعش بعد انتظار
عالجسر خلوه في وضح النهار
والطبيب ارتاع من اصوابه
————-3
اصوابه يكتل ما كَدر يشفيه طبيب
مات مسموم الغريب ابن الغريب
حكَه لجل الكاظم يزيد النحيب
وحكَه ينعى الكون أمر اغيابه
————-4
لا عمام ولا عشيره الحضرته
مثل جده حسين وحده بغربته
شيعته مفجوعه ظلت شيعته
تِون عالوجنات دم سچابه
————-5
تعزيه تعقدله في طول الزمان
تواسي بيها الهادي والزهره الضمان
تدعي من الله يِعيشها ابأمان
وما تِحيد بيوم عن أبوابه
————-6
الكاظميه اتصير عاشور وعزاء
منها للأسماع ترفع هالنداء
هذا يوم الكاظم ويوم الوفاء
العنده حاجه تنكَضي وما خابه
————-
أبو زهراء صالح الحلي

أَلَا يَا كَاظِمَ الْغَيْظِ، عَظِيمُ الْحُزْنِ أَوْجَعَنَا
مُصَابُ الْفَقْدِ أَحْرَقَنَا، وَذِكْرُ السِّجْنِ أَفْجَعَنَا

نُنُوحُ وَدَمْعُ أَعْيُنِنَا يُنَادِي بَعْدَكَ: “ضِعْنَا!”
عَلَيْكَ الْقَلْبُ مُلْتَاعٌ، فَهَلَّا الصَّبْرُ يُنْفِعُنَا؟

نِدَاءُ الشَّوْقِ فِي لَيْلٍ، دُعَاءُ الْحُبِّ يَجْمَعُنَا
بِفَيْضِ الْجُودِ وَالْعِزِّ، سَنَا ذِكْرَاكَ يَرْفَعُنَا

سَلَامُ اللَّهِ يَا سَنَدًا لَجَأْنَا فِيكَ مَطْمَعَنَا
شَفِيعٌ فِي غَدٍ أَنْتَ، وَبَعْدَ اللَّهِ مَفْزَعُنَا



خاسر كلمن الينساك ون تاه
كَلبي اعليك بس تزداد ونته
شلون ارتاح يامولاي ونته
امسمم عالجسر جسمك رميه

يكَاضي الحاجه والكلفه والمراد
ألم رايح على افراكَك والمراد
لدكَ اضلوعي هالليله والمراد
چبدي اعليك ياچبد الزچيه

أبو زهراء صالح الحلي

"هوسات شعبانيه"
‏عزيز امك يمولاي وذخرنه
إحنه بغير حبك ما كبرنه
چا ذلتنه هالدنيه او زغرنه
وبالرجلين چا رحنه وخسرنه

بسمك يحسين اتعلّينه
وخدام الناس اتسمينه
——————

يكفّال العقيله ورفعة الراس
كفو منك يبو فاضل يعباس
تنطينه بمحنه ورقه واحساس
من فضلك ايدينه صفت تنباس

من جودك عز اتروينه
ويمك أولنه وتالينه
——————

علي السجاد يا زينة عباد الله
مثل افعالك احنه ياشخص نلكَاه
ذليت الاعادي بالصبر والآه
للتاريخ نورك إنت من ضواه

من صبرك إحنه اتعلمنه
وهيهات الباطل يهزمنه
——————

علي الأكبر ينبراس البطوله
قاصر كل شعر بسمك نِكَوله
شبيه المصطفى الهادي وطوله
ومثل جدك علي رمز الفحوله

شاب انت ونفخر قدوتنه
والعالم بيكم هابتنه
——————

سلطان الزمن يا منقذ الأمُه
موش ابعيد لا بد تكشف الغُمّه
وتكَصد للغريب وتثأر الدمّه
تعيد الشام چي بيها إلك عمّه

وتراوي الويل العدوانك
واحنه بعون الله امن اعوانك
——————
أبو زهراء صالح الحلي

يلايم لا تجي المحفل دعه النه
أبو السجاد چي حبنه دعا النه
رفع چفينه للباري دعا إلنه

والله بجوده والطافه شملنه
يبقه للأبد دائم شملنه
الورد واعطوره هو من شملنه

عن بيت النبوه ما بعدنه
ورغم الموت نتزايد بعدنه
على الطيبات والنخوه بعدنه

بنعم وقعنه للعتره بدينه
ونهايه إلنه ماكو بل بدينه
الناس اشكال شو كلمن بدينه

تالي ازمان من عقلك تردنه
ونمشي اوياك عالباطل تردنه
بكاس ابليس واعوانه تردنه

دكَول اشعندك اويانه ولك رد
روح المنبعك واصلك ولك رد
العرب ترفض شخص مثلك ولكراد

أسود كَلبك وفكرك ومالك
تاريخ الشرف إلنه وما لك
مثل عمار عاهدنه ومالك

ما نكَطع مع العتره وصلنه
لأن بيهم إلى القمه وصلنه
الهادي بمنزله وبيهم وصلنه

شلون اتريدنه انخالف نبينه
الأمر واجب علينه انظل نبينه
بوجه كلمن رفضنه احنه نبينه

ربنه بعترة احمد من علينه
واحنه الشيعه بيهم من علينه
بمحمد والزجيه ومن علينه
إلنه الدنيه والجنه الزهيه

صدى الوعد
صوتٌ يجلجلُ في المدى يتردَّدُ
والكونُ في شوقٍ له يتعبَّدُ

والجرحُ قد طالَ المسيرُ بليلِهِ
متهيِّبًا، والفجرُ يبدو مُبعَدُ

والدهرُ يصرخُ في الدموعِ نداؤهُ
هل آنَ أن يأتي النداءُ الموعَدُ؟

لا زالَ في كفِّ الضياءِ تباشرٌ
لكنَّ في كفِّ الظلامِ تجمُّدُ

والحقُّ صارَ ميتمٌ ومُضيعُ
يبكي شجاً ألامُه لا تبردُ

كفَّا نبيٍّ تمسحانِ دموعَهُ
لكنَّ دمعَ العاشقينَ مُبدَّدُ

يا من له الأقدارُ تأتي سُجَّدا
وبه الهدى قد أشرقتْ تتوقَّدُ

هبني ربيعًا من يديكَ فأنتَ لي
أملٌ إذا ما ضاقَ دربٌ مُجهَدُ

كلُّ المواقيتِ التي بانتْ لنا
وُعدٌ وأنتَ النبأُ المتجدِّدُ

فمتى نرى في النائحاتِ بشارةً؟
ومتى يُرى وعدُ الإلهِ ويُحمَدُ؟

لترابِ مقدمِكَ الفدا أرواحُنا
وخطاكَ تتبعُها الوجوهُ وتسجدُ


قصيدة العاشقين:
عَجِّلْ فَمَا لِلْهَائِمِينَ سِوَاكَ حُبٌّ
فَبِدُونِكَ سَادَ الظَّلَامُ وَالْأَذَى

وَتَكَدَّرَتْ كُلُّ الرِّيَاضِ وَالنَّدَى
لَمْ يَبْقَ فِي أَحْدَاقِنَا غَيْرُ الْقَذَى

أَعْيَادُنَا مَنْقُوصَةٌ لَمْ تَكْتَمِلْ
وَقُلُوبُنَا تَعْلُو حَنِينًا بِالشَّذَى

فَبِغَيْرِ طَلْعَتِكَ الْمُنِيرَةِ أُرْهِقَتْ
أَيَّامُنَا وَتَنَاثَرَتْ فِي ذَا الْهَوَى

مُذْ غِبْتَ عَانَقَنَا الْأَسَى مُتَلَهِّفًا
وَتَفَرَّقَتْ أَعْمَارُنَا بَيْنَ الرَّدَى

فَإِلَى مَتَى وَالْقَلْبُ يُحْرِقُهُ الْجَوَى
وَيَزِيدُهُ فُرْقَاكَ لَوْعًا وَالْمَدَى؟

هِيَ زَيْنَبٌ أَكْرِمْ بِهَا مِنْ لَبْوَةٍ
هَزَمَتْ أُمَيَّةَ وَالدُّهُورُ شَوَاهِدُ

لَمْ تَنْثَنِ حِينَ الأَحِبَّةِ صُرِّعُوا
وَرُؤُوسُهُمْ فَوْقَ الْقَنَا تَتَوَسَّدُ

فِي شَخْصِهَا صَبْرُ عَلِيٍّ المُرْتَضَى
وَشُمُوخُ فَاطِمَةٍ بِهَا يَتَجَسَّدُ

أَمْسَتْ كَفِيلَةَ ضَعْنِهَا بَعْدَ الأُلَى
فِي اللَّيْلَةِ الظَّلْمَاءِ نُورٌ يُوقِدُ

جَبَلٌ مِنَ العَزْمِ القَوِيِّ تَحَوَّلَتْ
نَهْرًا تَفِيضُ جِرَاحُهَا وَتَكَابِدُ

تِلْكَ الْجُمُوعُ صَغِيرَةٌ فِي عَيْنِهَا
فَاللهُ نَاصِرٌ حَقَّهَا وَمُؤَيِّدُ

فِي ذِلَّةٍ صَارَ الطُّغَاةُ أَمَامَهَا
والنصرُ كانَ حليفها المُتسيدُ

يمكنكم متابعة حساباتنا
على منصات التواصل الاجتماعي….
من خلال الروابط الآتية:

منصة التوك توك/

https://www.tiktok.com/@saleh__1969?_t=ZS-8tpK4f9qF44&_r=1

منصة الإنستغرام/

https://www.instagram.com/abo_zahraa_alhilly?igsh=cGI2anZqaDF2NjZw&utm_source=qr

منصة التلكرام/

https://t.me/aAlhilly

منصة اليوتيوب/

https://youtube.com/@salh-atra3533?si=LhxuBSZfgwxmfg54

منصة الفيس بوك/

https://www.facebook.com/share/16ErXKWLm5/?mibextid=wwXIfr

(حامل النعش))
آنه زينب — هايشيال النعش صبرك عليه
آنه زينب — خل اودع والدي وروحي سويه
چان لجروحي دوه.……........والأماني والهوى
آنه زينب
—————1
الدنيا من بعده عليه اشگد حزينه
وگلبي عالفرگه فقط الله اليعينه
وين ألگه اليشبه بكلشي العلينه
من يعوضني الدفء صوته وحنينه
آنه زينب–وكلشي من غيره بحياتي امغير اللون
آنه زينب–ابلا علي بعيوني يصبح أسود الكون
ياخذ اوياه الضوه…….....……..والأماني والهوى
آنه زينب
————— 2
شحچي للأيتام باچر من يجوني
وعن أبونه الغالي گاموا ينشدوني
شلون لو صاروا بعطفه ايذكروني
بكل دقيقه وهمه يمي ايموتوني
آنه زينب—عمري جبته امصوبه ابأمي الزچيه
آنه زينب–مني دهري الليله اخذ حامي الحميه
غصني مايوم ارتوه………..……والأماني والهوى
آنه زينب
—————3
داري والمحراب يصفن بيت الاحزان
من يجي وقت الفريضه يبچي لاذآن
أبگه مشتاگه السمآعه يقره قرآن
عدنابسچان اويه حيدر يحله رمضان
آنه زينب— راح كل رمضان لجله انصب عزيه
آنه زينب—عندي يا عيد اليمر دمعه ورزيه
گلبي بغيابه انچوه…….….…..والأماني والهوى
آنه زينب
—————4
فگده يترك خله ماتوصف عسيره
واليفارگ مثله دمعاته غزيره
راح اعيش ابحسرته لحزني أسيره
إرثي منه ذكريات اشگد چبيره
آنه زينب–أبگه شوفن كل فجر چن راسه مطبور
آنه زينب—أذكر اعله اهدومه دمه شلون منثور
أبچي عالگعده السوه…...…… والأماني والهوى
آنه زينب
—————5
مات ابويه الما رضه يظهر خيالي
وماتت بعيني الأماسي والليالي
بالنعش مو بس علي عزي ودلالي
آنه أبچي الموتته ويبچي اعله حالي
آنه زينب — وصي دفانه يوسع لحده أكثر
آنه زينب —بالنجف يوميه روحي يمه تحضر
برفقتي راعي اللوه………..…..والأماني والهوى
آنه زينب ——————
الخادم/ أبو زهراء صالح الحلي

نبنيها نبنيها بعون الله نبنيها- كَبور البقيع
——————1
ما بقه أي شي بعد عن الظهور
يطلع المهدي بعد كل هالعصور
شيعة اهل البيت تِنعَم بالسرور
ينتهي حكم السقيفه وماكو جور

نرويها نرويها قصتها نرويها - كَبور البقيع
——————2
اِلحشد راياته بيها ايرفرفن
وعينك ومتشوف بس صحن الحسن
والمناير تضوي عالعالم زهن
والليالي السود بيض اتحولن

تاليها تاليها مِتنَوره تاليها- كَبور البقيع
——————3
تتصل أرض البقيع بكربلاء
والمواكب تنزل اتقيم العزاء
والمنابر تقره أطوار الرثاء
والحناجر تصدح بصوت الولاء

نحييها نحييها هالذكره نحييها- كَبور البقيع
——————4
النواصب تنتهي وبئسَ المصير
واليظل عايش فقط شعب الأمير
تصير كل أيامه أعياد الغدير
ما يظل بالشعيه محتاج وفقير

تغنيها تغنيها للشيعه تغنيها-
كَبور البقيع
——————5
يرجع الإسلام بالحق ويعود
ومكه تخلص من حكم ربع اليهود
راية اهل البيت بس هيه التسود
ويشهد بحيدر علي كل هالوجود

طاريها طاريها يسعدنا طاريها- كَبور البقيع
——————
الخادم/ أبو زهراء صالح الحلي

نعزي الموسى بن جعفر
امن الحله إجينه
فاكَد والده الصادق
رُبان السفينه
قائدنه ونِعم منّه- عالزينات علّمنه - رُبان السفينه
——————1
إحنه ولد الحسن إحنه ونفتخر والله ابأبونه
انضحي لهل البيت كلشي وهمّه هم كلشي نِطونه
وساعة النحيّ الأمرهم بالأصل همّه الحيونه
مهما قسه اويانه الزمن
نتنومس بذكر الحسن
نبقه معاهم بالمحن
أهل فزعه ايوصفونه

لذلك نحي هالذكره
بكل عام اليمرنه
إلهم إحنه مديونين
شما طول عمرنه
الصادق هو ملهمنه - عالزينات علمنه- ربان السفينه ——————2
سيد السادات هو وهم إمام الجعفريه
علمه معروف امتداده إلمحمد والوصيه
تروح فدوه الشسع نعله كل شيوخ الناصبيه
هو الأصل هو الفصل
بالباري شخصه متصل
والشيعه بوجُوده تِصل
للمعالي السرمديه
مو كلمن اله اعمامه
صادق مخلص وزين
بس بيت النبوه الحق
همه النور والدين
بجعفرنه تقدّمنه- عالزينات علمنه- ربان السفينه
—————— 3
لا أُميه ولا بني العباس كَدروا صد جهوده
أربعة ألآف طالب هذه تكفي من شهوده
همه راحوا للحضيض وهو ظل دائم خلوده
يحله المجد لهل المجد
والدنيه بيهم تِنسعد
واليخسه من عاش بحقد والجنهم بس وروده

تاريخ الشرف ينقل جعفر عالي صيته
عدوه الي خسر كلشي بنص الذله بيته
بتضحيته حفظ دمنه - عالزينات علمنه- ربان السفينه ——————4
كَبره مو بس بالمدينه گبره مبني بالمشاعر
فكره مو أحيا العقول وهاي هيه احيى الضمائر
مو بعيد اويانه حاضر تصدح بذكره المنابر

شيخ الأيمه اللي ربح
والمذهب بجاله رجح
اليعتنقه مبخوت ونجح
يحصّل العز والمفاخر
هيبه ومنزله ورفعه ينطي لليتبعه ويزقه العلم زقاً ويخليله سمعه

متعودين يكرِمنه- عالزينات علّمنه- ربان السفينه ——————5
ندعي ربنه بهالرزيه ننجمع برض المدينه
نقيم مأتم على الصادق والمحب يشتد ونينه
ونذكر الصار اعله أمنه فاطمه الزهره الحزينه
نبجي على كسر الضلع
ويفيض أنهار الدمع
عنهم أبد ما ننكَطع
الشيعي مايبرد حنينه
في أرض البقيع انعيد أيام المحرم واحدنه بعلو صوته لو صلى وسلم

اليجمعنه معلّمنه-عالزينات علّمنه- ربان السفينه
——————6
الخامس وعشرين شوال ذكره تبقه توجع النه
بيها فاركَنه الحبيب الذي بلطافه شملنه
واحنه من ساعه رحليه لسه يتألم شملنه
أذتنه كلش فركَته
وذيچه الأيادي السمته
ما ننسه والله اوصيته

إحيو ياشيعه الأمرنه الله يرحمكم لجلنه
——————
الخادم/ أبو زهراء صالح الحلي