غريبُ كربلاءْ حُسيناً واحُسينْ
ذبيحٌ بالعراءْ حُسيناً واحُسينْ

------
طلع لجل العداله يِحَافظ عالرساله
إجه هو وعياله بضعن هيبه وجلاله
لجن كَوم الضلاله البِدَو همُّه بقِتاله
فكَد أهل البساله ولا ناصر بقاله

بعزٍ وإباءْ حُسيناً واحُسينْ
ذبيحٌ بالعراءْ حُسيناً واحُسينْ

------
على الشاطي فجيعه اشكثر كلفه وفضيعه
خذت عقل الطبيعه امردت كَلب الوديعه
للجفوف الكَطِيعه بجت دم الشريعه
لجل عين الطليعه الورد ودّع ربيعه

نعى كفَّ الوفاء حُسيناً واحُسينْ
ذبيحٌ بالعراءْ حُسيناً واحُسينْ

------
الحقد سدد سهامه بكَلب راعي الشهامه
ولا صحت سلامه انجتل تاج الكرامه
ولا خيمه بخيامه بكَت لجل اليتامه
الحزن توجِع سهامه إلى يوم القيامه

يدومُ ذا الرثاءْ حُسيناً واحُسينْ
ذبيحٌ بالعراءْ حُسيناً واحُسينْ

------
عُكَب جثته الخضيبه وعُكَب ذيج الشبيبه
صُفت زينب غريبه احملت هم ومصيبه
الأخو الراح اشيجيبه الدمع يجري المغيبه
الجرح ميصح طبيبه تِظل ناره لهيبه

تنوحُ والنداء حُسيناً واحُسينْ
ذبيحٌ بالعراءْ حُسيناً واحُسينْ

------
حدث ما صح نظيره اتضح كلمن ضميره
بلطفوف الخطيره العرب من كل عشيره
اعملت عمله جبيره ولا جن عدها غيره
افجعت طه اوزيره نست بيعة غديره

سليلُ الأنبياءْ حُسيناً واحُسينْ
ذبيحٌ بالعراءْ حُسيناً واحُسينْ

------
أبو زهراء صالح الحلي

منهو اليِعَوضك خويه يالحسن
رحت امن ادينه ولفك الجٍفن
ياوطنه الضاع منه
وعطف ابونه وريحة امنه
رحت امن ادينه ولفك الجٍفن
-----١
ياسليل الهادي يانبض الزجيه
الأخو ينكسر ظهره بفكَد اخيه
ما يِفيد النوح لا صفكَات ايديه
وجهك الغالي ارتحل واني برزيه

ظهري انكسر لا ما يِصح جبر
وينتظره يم شاطي النهر كسر
طاحت الخيمه التلمنه
وعطف ابونه وريحة امنه
رحت امن ادينه ولفك الجٍفن
-----٢
شلون نكَضيها الليالي ابلا وجودك
سنين مرت بالدهر عشنه اعله جودك
تارس الدنيه ضوه بشامة خدودك
لو تِرد نفدي العمر كله اعله مودك

مات الورد منه اختفه العطر
وتخنكَه نسمات الهوه التمر
بعازتك يابو المحنّه
وعطف ابونه وريحة امنه
رحت امن ادينه ولفك الجٍفن
-----٣
زينب ابلا شوفك اتكاثر حزنها
من رحيل الهادي لسه يدوي ونها
لا تسلني واسأل الدمعات عنها
اِلمصايب والنوايب شيبنها

قبل السبي شافت سبي الألم
ويّه النعش مصيوبه بالسهم
بالعجل ما باقي يمنه
وعطف ابونه وريحة امنه
رحت امن ادينه ولفك الجٍفن
-----٤
اكعد وشاهد ضِيوفك كلها تنعه
والفقير ايناطر الجفك يشبعه
حتى طير البل سمه بعيونه دمعه
من عكَب عينك حزين اختلف وضعه

جبدك جرح بجٍه الإنس والجن
وسابع صفر طول الزمان ايون
آه من عندك حرمنه
وعطف ابونه وريحة امنه
رحت امن ادينه ولفك الجٍفن
-----٥
خويه مسموم ودفنتك وابقه مجروح
ما اشوفك يعني بيه اتشيب الروح
وداعت الله ماشي انتي واني للنوح
ما أبطل دمعي إلا ونحري مذبوح

بطف كربله لمّن أكَع تجي
محتاجك اتسندني ونتجٍي
بلجٍي نتلاحكَ حرمنه
وعطف ابونه وريحة امنه
رحت امن ادينه ولفك الجٍفن
-----
أبو زهراء صالح الحلي

كانت بداية كتابة هذه القصيدة الحسينية عندما زرت مرقد سيدي ومولاي الإمام العباس بن علي عليهما السلام بتاريخ ٢٣-٧-٢٠٢٤م، ١٦ محرم ١٤٤٦هج، وقد أكملتها فيما بعد ... نسأل الله تبارك أن يتقبلها منا ويوفقنا وإياكم للدوام على الخدمة الحسينية المباركة....

وضحيلي الصار بالتفصيل اريد
زينب بيا حال ردت للشهيد
كربله يا كربله كربله يا كربله
------١
أرده انشدج كربله عن الضعن
شلون رد اعليج من بعد المحن
سولفيلي عالعقيله وعالشجن
والفواطم كيف وبيا حاله اجن

ياهي منهن ماتت اندفنت بعيد
زينب بيا حال ردت للشهيد
كربله يا كربله كربله يا كربله
------٢
بالله كَولي شلون طاحت عالكَبر
المندفن لا راس عنده ولا صدر
شلون كَدرت تحتمل كل هالهجر
الفاكَده الخوان هم عدها صبر

من عُظم وناتها ايلين الحديد
زينب بيا حال ردت للشهيد
كربله يا كربله كربله يا كربله
------٣
يم شبيه المصطفه ذبت دمع
شاب وشمحلاته نحره منكَطع
ابن اخوها ولجله حكَها تنفجع
بيها هم تدرين كاسر جم ضلع

يم ابو نايم علي اموذر فقيد
زينب بيا حال ردت للشهيد
كربله يا كربله كربله يا كربله
------٤
هم سمعتي شلون ناغاها الطفل
وكَلها ياعمه كَطع نحري النبل
إلمثل عمري ايحمل هذا الجتل
وجبدي من فعل العطش ظل مشتعل

ابلا ذنب مذبوح ليش ازغر وريد
زينب بيا حال ردت للشهيد
كربله يا كربله كربله يا كربله
------٥
القاسم العريس من دمه الخضاب
ومابقوا عد زينب الهاشم شباب
كلها صرعه ونومه اشو جو التراب
امصاب زينب ما يجي بمثله مصاب

المر عليها يكتل وكلش شديد
زينب بيا حال ردت للشهيد
كربله يا كربله كربله يا كربله
------٦
شلون راحت كَولي يم راعي اللوه
وعدها عباس بمثابة هالهوه
جبده ما ضاك العذب جمره انجوه
يمه طاحت هيه والميت سوه

لو يصح إلها بقت يم العضيد
زينب بيا حال ردت للشهيد
كربله يا كربله كربله يا كربله
------
أبو زهراء صالح الحلي

الخير اويه الشرف لم الحسن كله
هو الخير غير الأهله يندله
من رب العرش مخصوص لهل البيت
ما عدهم ذنب لا عدهم اي زله
رسول الله شكثر صرح على الزهراء
عليها الباري يامه سلم وصله

عمرها ١٨ ورده وتِشع أنوار
الكون اظلم لون عن نورها اتخله
مأثرها ومفاخرها أُسِس للدين
مدينة علم هيه الباب ابو الحمله
قداسه ومعرفه وعفتها ما تنقاس
وحجاب الزهره عند الله كالقبله

جبريل ابعظمته يوكَف اعله الباب
ما يدخل اذا مو هيه تأذنله
باب الزهره مو كلمن طرقها يفوت
هاي الباب وي عرش الله متصله
الرضاها يرضه يزعل عاليعاديها
وكلمن حارب إلها بناره ايغله

عُمر والزمره اجوها شعدهم اوياها
يردون الوضيع اعله المجد يعله
يردون الخلافه ايقودها الجلاد
والمؤمن ذليل ايعيش بالذله
الخسيس ايصير سيد يحكم الاسياد
والإسلام يرحل يبقه بس ظِله

لاء الزهره طلعت من خلف هالباب
كلا للظلم هيهات ننذله
هله بالموت شنهو الموت لا منخاف
المهم دين الله لو طك الضلع سهله
المهم الله أكبر تبقه في كل يوم
والدين الحنيف وصيته يتعله

ضحت بالضلع بالعين بالمحسن
وظلت أم أبيها تعاني جم عله
حرموها البجي وممنوع تبجي اهواي
حرموها إرثها إو أخذوا النِحله
ماتت فاطمه ومات الفرح بالدار
وظل بيت الحزن تاريخها اينقله
........
خادمها
#أبوز هراء_صالح الحلي

تِغذينه اشكثر من راحت امنه
وراحتنه امتداد الراحت امنه
راح الخير لمّن راحت امنه
امنين انجيب مثل امنه الزجيه

الحزن والنوح طوّقنه وحدنه
راحت أمنه ظلينه وحدنه
وبلطم الصدر كلنه وحدنه
علي الرادود يقره بهالرزيه
وشنهو المستهل آ يالزجيه

دمعتي اعله الوديعه ابهم تنسال
وروحي الهالمصيبه كون تنسال
يظالم ما دريت اهناك تنسال
ليش امصوب الزهره الزجيه


يهل بيت النبوه ويا هوانه
نسيم الرحمه انتو وياهوانه
الدهر ما راعه الكم ياهوانه

بداها بسيد العتره ولا انصف
قسَّم دينه أجزاءًا والى انصاف
وبهالحاله والفوضى ولن صف

هجم عالدار عالزهره ولا هاب
الباب امن الجمر يحركَ ولهاب
ولا ناصر فزع إلها ولاهاب

ما عدهم شرف أبدن ولا دين
عتبه اويه الزجيه الهم ولّه دِين
عسنّك ياعُمر ميت وليدين

انشلت وانسطر منك وجه لك
اسم الشوم يبقه اسمك وجَهلك
خاسر كلمن ابوجهه وجهلك

فاز الخله حيدر مو خلافه
ابو الحسنين أكبر من خلافه
لجل الدين مو لجله خلافه

وكفوا ضده مو صفاً وصفين
إذا رايد خبر عنهم وصف فين
الجمل والنهروان اسأل وصفين

علي العالي اعله كل عالي فتح له
اشكثر أبواب لعلومه فتح له
الشهاده اتلوك اله وتحله فتح له

الخليفه الرسمي من بعده حسنهم
شاف الناس ما تصفه حس أنهم
راحوا للذهب والمال حُسنهم

صَالح والصُلح واضح نَصر له
سكن بكَلوبنه أو إسمه نِصر له
خدام وجنود أحنه نصير له

أخوه حسين ابو اليمه شرفنه
مو هو الذي فاني شر أفنه
بفعله ينذكر دومه شرّفنه

مجالس تنعقد بسمه وله احباب
يحضرها النذر عمره واللي حباب
يشفه اللاح شباجه ولح باب

تسع انوار من صلبه ميامين
الما يرضه ابأمامتهم مايؤمن
يهلك بالحشر باجر ميامين

يهل بيت النبوه ويا هوانه
نسيم الرحمه انتو ويا هوانه
بحماكم إحنه دنيه أو آخريه

أبو زهراء صالح الحلي ١٤/١١/٢٠٢٤

هلله هلله بالليالي الفاطمية
لا تعوفون المجالس والزجيه
.....١
فاطمه المظلومه بت أشرف نسِل
بيا ذنب من بعد ابوها وتنقتِل
همها والصار وجره ما ينحمِل
(١٨) عام وخذت إلها المنيه
لا تعوفون المجالس والزجيه
.....٢
بابها اثكَيِل او عليها يندفع
ومن غدر ملعون مكسورة ضلع
جنها شمعه وذابت الكثر الدمع
حملت أنواع الغصص وأعظم رزيه
لا تعوفون المجالس والزجيه
.....٣
بيتها الجان اليشع مثل الصبح
مجدر ومحزون من كبر الجرح
محسن الما شم هوى شو منذبح
بجه سكان السمه أو أهل الوطيه
لا تعوفون المجالس والزجيه
.....٤
رحلت وخلت يتامه اويه القهر
وما يعوضها البجي بطول الدهر
حيدر الكرار دمعاته نهر
خلص اسنين العمر ينعه القضيه
لا تعوفون المجالس والزجيه
.....٥
بالرغم من المآسي والهظم
ثورة جانت عالنواصب والظلم
يعترف بفعالها حتى الخصم
عاشت وماتت فدائيه أو أبيه
لا تعوفون المجالس والزجيه
...

لا شيء عنْها مانعٌ لي أو يحول
من قالَ إني أعشقُ غيرَ البتول
نبضي هيَ بل كلُّ عمري والميول
وشفيعتي في يومِ حشري والمثول

رفعنا لافتاتِ العزِّ والمجدِ
حُسينًا قُلنا فيها من بنا يُحدِي
تبعناه من المهدِ إلى اللحدِ
ولا نخشى من السيفِ لنا يُردي


ردت اكتب قصيده الحيدر الكرار
سمعت من القلم صوت شعذب دافي
كلي اكتب قصيده الفاطمه الزهراء
من تكتبها انت الحيدر توافي
بديت اكتب شعر واستحضر الافكار
وابحث عن صور مرت على اطيافي
وكل صوره التمر ما بيها ابو الحسنين
تمنعني الزجيه الفضها بشفافي
بقيت اويه القلم سهران ذاك الليل
بلكن الكَه جمله بساحل اضفافي
لكَيت اعله الوفه مكتوبه هالكلمات
جرح المرتضى اعله الزهره ما شافي
عمرها 18 عام ودهتها آلام
وتعذب فؤاد الكوثر الصافي
دققت النظر وبصفها لن موجود
جواب الزهره واضح شفته ما خافي
تكَله جرح البهامك هدم حيلي
وجمرك يا علي بنص كَلبي ما طافي
ذبيت القلم من ايدي ذاك الحين
وناديت الدهر كَتله اشكثر جافي
هم اثنين جانوا عايشين احباب
ليش بهالعجل الهم صرت نافي
حيدر بالنجف والحبها تسكن وين
كَبرها البلمدينه ابلا صرح عافي

بين الباب والحايط طف الها
عصرها الظالم أو أسكَط طفلها
مو بس عين بالسطره طفه إلها
طفها اول طفوف الغاضريه


ألعن عملت الثاني ودينه
كافر بالنبي الهادي ودينه
رفس باب الهدى برجله ودينه
سطر بيهن محمد والزجيه


الضلع مكسور أذاها وسلها
الدمع بالعين واساها وسلها
الهادي من تلكَاها وسلها
من أذاج بويه وغدر بيه
وعينج ليش يالزهراء مطفيه


عكَب عينج حزن والنوح يماي
ما أهنه بشرب وبزاد يماي
وجهج ما أشوف اشلون يماي
ظلمه الدنيه يالزهره عليه


شعنده الدهر ويانه ويه الباب
اكَلوب اشكثر فاجعها ويه الباب
صار النه الحزن توأم ويلباب
من يوم اكسروا ضلع الزجيه


علي بهاي الحياة اشاف مرها
وإيده اعله الضلع من يوم مرها
روحه اويه الحبيبه اتروح مرها
وظل ابلايه روح اعله الوطيه


أرحل يافرح حزني خليلاي
عندي اثنين أحبابي خليلاي
راحوا مني ظل داري خليلاي
أون والبير من يلطم عليه


صحت يا دنيه نيرانج وجيهه
للمجلس تجي فاطم وجيهه
هيه اتوزمت بامري وجيهه
وذخري اهناك يوم الأخريه

يامن يقبل التوبه وعافي
نسألك بم كَبر مخفي وعافي
شافي كل مريض النه وعافي
كرامه الفاطمه الزهره الزجيه

أبو زهراء صالح الحلي

راسي بخدمتك عالي وسامي
وبعد الله بيك ابدي وسمي
منك حصلت هذا وسامي
ملك خليني ابين البريه

عِفت اِلناس والتِرتاح عنّاي
لمولاي الحُسين بدمع عناي
أريده ايخفف الأوزار عناي
دِخِيله بدنيتي وبالآخريه

عليمَن تِجذِب الحَسرات كُف آه
كِلمن يقصِد العباس كفاه
صُفن نَهرَين مِن الجُود كفّاه
مِن ساق العرِش ترويك هيّه

فاز ومنتصر كلمن علي له
وخاسر كلمن الكَالوا علي لا
أمانه اوياي ودتها ال عليله
سلام الكم يخدام الزجيه

"أنين الفقد”
هِيَ فَاطِمٌ أُمُّ الهُدَى، فِي مَجْدِهَا
مِنْ نُورِهَا شَعَّ الضِّيَا وَتَوَهَّجَا

مَا خَابَ مَنْ جَاءَ إِلَيْهَا تَائِبًا
مِنْ هَذِهِ الدُّنْيَا، وَمِنْ ذُلٍّ نَجَا

حُورِيَّةٌ، إِنْسِيَّةٌ، قُدْسِيَّةٌ
جَمَعَتْ صِفَاتَ الخَيْرِ فَضْلًا مُنْتَجَا

نَفْسُ النَّبِيِّ المُصْطَفَى، بَلْ رُوحُهُ
وَكِلاَهُمَا لِهُدَى الأَنْامِ مَنْهَجَا

وَرَثَتْ خِصَالَ مُحَمَّدٍ وَعُلُومَهُ
فَهِيَ الصِّرَاطُ المُسْتَقِيمُ، الأَبْلَجَا

لَهْفِي لَهَا قَدْ رُوِّعَتْ وَتَأَلَّمَتْ
وَصَبَاحُهَا قَدْ صَارَ لَيْلًا إِذْ دَجَا

رَحَلَتْ وَأَدْمَعُهَا بَكَتْ طُولَ المدى
مَا ذَا أَتَى لِقُلُوبِنَا غَيْرَ الشَّجَا

تَرَكَتْ يَتَامَى دَارِهَا تَتَفَجَّعُ
كُلُّ الأَسَى لِبَيْتِهِمْ قَدْ وَلَجَا

أَمَّا عَلِيٌّ جُرْحُهُ لَنْ يَنْدَمِلَ
فَلِعَوْدَةِ الأَحْبَابِ قَدْ خَابَ الرَّجَا

دَمْعٌ هَمَّا فِي عَيْنِهِ مَاتَ الفَرَحْ
وَلِحَزْنِهِ فِي قَلْبِهِ لَا مَخْرَجَا

مَاتَتْ، وَلَكِنْ لَمْ تَمُتْ، بَلْ حَيَّةٌ
وَبِذِكْرِهَا صَوْتُ الزَّمَانِ لَاهِجَا

وَلِظُلْمِهَا يَثْأَرْ لَهُ مَهْدِيُّهَا
عَجِّلْ لَهُ يَا رَبَّنَا بِالْفَرَجَا

أبو زَهْرَاء صَالِح الحَلِيّ

يللي كَلبك ممتلي بهم وألم
اعتني للقاسم وشوف العطاء

هذا بن موسى بن جعفر سيدك
باب اله متصله بابواب السماء

ما يخيب اللي قصدله بدمعته
وما يخيب اللي طلب منه الشفاء

اسأل التاريخ عنه يحدّثك
شلون يكِرم ميزته الحب والسخاء

من صفات اليمه ماخذ هيبته
بالأرض أو بالسمه امن الاولياء

شعنده جاي القاسم لأرض السواد
حتى وجهه يصير للوادم ضياء

الكَاع مخضّره صفت من جيته
النعمه بيها ازدادت وزاد الرخاء

الخير يتطشر على كلمن سكن
في جواره وما يمر بيه البلاء

اليمه والمو يمه حاسبهم ضيوف
بالصبح يتفكَد الهم والمساء

عينه عالأطفال بالذات البنات
عدهم اكَلوب اشكثر بيها نقاء

اسمه بالحله وبعد في كل مكان
بريّت الكلمن عِشكَله جن هواء

في حياته جان ينحب عالفرات
يذكر العطشان واحوال النساء

مات والحسرة بوسط كَلبه اشتصيح
آه وا ويلاه منج كربلاء

صحنه يبقه منبر بطول السنين
ينعه عالزهراء ويقيم العزاء

أبو زهراء صالح الحلي

”(من مَلَامِحُ عَظمة الإمام القاسم ع)”

ابْنُ الْإِمَامِ الَّذِي نُورُ الْوَرى نَسَبُهُ
عِزٌّ تَمَيَّزَ فِي الدُّنْيَا لَهُ أَثَرُ


عِلْمٌ تَفِيضُ بِهِ الْأَفْكَارُ عَنْ شَرَفٍ
كَالنَّهْرِ يَسْقِي وَيُحْيِي الْخَيْرَ وَالظَّفَرُ


زُهْدُ الْحُسَيْنِ بَدَا فِي طُهْرِ سِيرَتِهِ
وَالنَّاسُ تَحْيَا إِذَا فَاضَتْ لَهُ النَّظَرُ

تَوَاضُعٌ فِيهِ يَبْدُوا فَخْرَ مَنْزِلَتِهِ
وَالْخَلْقُ يُبْصِرُ فِي أَفْعَالِهِ الْعِبَرُ


شَجَاعَةٌ مَا رَأَتْهَا الْحَرْبُ فِي أَحَدٍ
إِلَّا وَخَافَتْ يَدًا تُدْنِي لَهَا الْخَطَرُ

سَاقِي الْكَرَامِ بِفَيْضِ النُّبْلِ فِي يَدِهِ
يَجْرِي الْعَطَاءُ بِلا مَنٍّ وَلَا ضَجَرُ


قَبْرٌ لهُ صَارَ لِلْإِيمَانِ ذَا عَلَمٍ
يَأْتِي إِلَيْهِ مَنْ يَرْجُوا بِهِ الْأَثَرُ


مَنْزِلَةٌ خَلَّدَ التَّارِيخُ سِيرَتَها
حَتَّى غَدَتْ فِي مَدَى الْأَزْمَانِ تُعْتَبَرُ

غربتي وحزني هنّه القاسم آني
عطاء ونور أنطي القاسم آني
يالتنشد عليه القاسم آني
الأرض تعرفني وانجوم الثريه

الغير العتره بالإخلاص مشهد
أزور الأضرحة وما عوف مشهد
روحي اهناك راحت لأرض مشهد
تِطوف اعله الرضا بصبح ومسيه

لا ميموت كَلب اليحيي مجلسنه
باجر بالحشر عند الله تقديره

ما معقوله يتساوى الذي لاهي
ويّه أهل الشرف والنخوه والغيره

الخلّص عمره ينعى بهم على الزهراء
مثل الحاير بنفسه وتصاويره

الينطي اموال ويقيم الذكر والنوح
يتساوى اويه كلمن سيء السيره

اليحسب كل سنه العاشور وايامه
مثل الما نطق فد يوم تكبيره

الناذر روحه واعياله لأجل هالدين
مثل ذاكه الذي رافع مناخيره

لا هيهات كلمن ياخذ استحقاق
مذكوره بكتاب الله وتفاسيره

بالقسطاس تاخذ تعبك ومأجور
الخاسر صوجه مو بالعتره تفكيره

أهل بيت النبوه المنجى بالأهوال
والحبهم نطوه للجنه تأشيره

اليبغض ألهم ابلايه سؤال وليش
مثواه الجهنم إلها تسفيره

ذكر العتره خل يصير طول اليوم
وليل انهار للشيعي بتعابيره

الضحالك دِمه أو أطفال والمنحر
مجلس كون اله بكل منزل وديره

الكَلب مجمور لا متفيد بخته
الرضوا عنه الأيمه شكبر بخته
قسمت اعله الرضا السلطان بخته
يبيض وجهي دنيا اوآخريه

اعيذ نفسي وديني واهلي ومالي وو لدي وما رزقني ربي وخواتيم عملي واخواني ومن يعنيني امره بالله الواحد الاحد الفرد الصمد الذي لم يلد ولم يولد ولم يكن له كفوا احد وبرب الفلق من شر ما خلق ومن شر غاسق اذا وقب ومن شر النفاثات في العقد ومن شر حاسد اذا حسد وبرب الناس ملك الناس اله الناس من شر الوسواس الخناس الذي يوسوس في صدور الناس من الجنة والناس

“رثاء شيبة الحمد (عبد المطلب) في يوم وفاته”

شَيْبَةَ الحَمْدِ فَقَدْنَا، وَالْأَسَى كَانَ البَدِيلُ
مَكَّةُ تَبْكِي عَلَيْهِ، وَزَمْزَمُ يَرْثِي الْأَصِيلُ
كَيْفَ لَا تَبْكِيكَ طُهْرًا، وَأَنْتَ حِصْنٌ وَدَلِيلُ
قَدْ حَمَيْتَ الْبَيْتَ حَقًّا، إِذْ غَدَا الْكُفْرُ يَجُولُ

شَيْبَةَ الحَمْدِ رَحَلْتَ، وَالدُّنَا صَارَتْ ثَكِيلُ
فَانْطَوَى بَدْرُ الهُدَى، وَغَابَ فِي اللَّيْلِ السَّهِيلُ
لَيْتَنَا نَلْقَاكَ يَوْمًا، فِي جِنَانٍ وَمَقِيلُ
عِنْدَ رَبٍّ قَدْ حَبَاكَ، بِالْعَطَايَا وَالْفَضِيلُ