القصيدة // گالولي حسين
الرادود // سيد فاقد الموسوي
الشاعر // احمد المشرفاوي ــــــــــــــــــــــــــــــــــــــــــــــــــــــــــــــــــــــ
هل من ناصر تگدر الخاطر
ارحم حالك وارحم حالي
ماهي اخوانك بس نسوانك
عدهن ماضل غيرك والي

ايعينك الله مالك امعين
وگومك على الغبره مطاعين
ومنين اجيب المرتضى منين

وجدامك لخيامك
تركض وترد للناس
لاتفگد تتعذب
هذا اليفگد عباس

طيحت الماي ياشط ونسيته
انده عباس گله احتاجيته

يوليدي اتحشم شفتك
وابيض من شيبك شفتك
گوه اتفر راسك لختك
تثبت وتميل


گالولي حسين عينه علالزهره
گالولي حسين خانگته العبره
جيت وثوبك حاضنته
ينشگ كل ماخيطته
ثاري الخيل مواعدته
اخخ من الخيل
ــــــــــــــــــــــــــــــــــــــــــــــــــــــــــــــــــــــ
طلعن كلهن اباب اخيمهن
يومن ومناشغهن سكته
ساعه ومهرك رد من كترك
يصهل والوادم لاحگته

يصيحون زينب طلعوها
واحرگو گلبها ابراس اخوها
سبو الزچيه وشتمو ابوها

حشمتك والگيتك
طايح بس شابح عينك
لخيامك وجدامك
مابيهن حيل يعينك

ثوبك مسلوب ومطشر صدرك
چبدك مصيوب ودم خانگ نحرك
تزحف خيل يردنك تخلص كل مايسحگنك
وكل حافر ياخذ منك وتالي وي الخيل



گالولي حسين عينه عل الزهره
گالولي حسين خانگته العبره
جيت وثوبك حاضنته
ينشگ كل ماخيطته
ثاري الخيل مواعدته
اخخ من الخيل
ــــــــــــــــــــــــــــــــــــــــــــــــــــــــــــــــــــــ
امك ميته ومامفتكه
كلشي انحل وانته المالك حل
انته الوحدك من دون اهلك
لاترضى تموت ولاتعدل

من الزغر چان عليك دمعي
بس انه اذب حجتي بضلعي
يااحله صوت يناغي سمعي

وهسه انته تون سكته
الريح يلچمك لوهب
موجرحك ولاذبحك
انته الكاتلتك زينب

صحتك ويلاه ولامن ها يمه
شيطلع الها من الغاص بدمه

تريد تحاچي بنياتك
والدم يسبگ چلماتك
چن تگول بنضراتك
اه من اليل



گالولي حسين عينه علالزهره
گالولي حسين خانگته العبره
جيت وثوبك حاضنته
ينشگ كل ماخيطته
ثاري الخيل مواعدته
اخخ من الخيل
ــــــــــــــــــــــــــــــــــــــــــــــــــــــــــــــــــــــ
صاير بس دم يادم ينلم
يوليدي شلون يلومونك
بطرگ الوينك وشوفت عينك
ها ثاري الدم غطه عيونك

ماغير دمك كلشي رايح
متبدي چنك موش طايح
يگولون بسمي هواي صايح

هايبني الهضمتني
چانت عينك لضعونك
تتحسر ماتگدر
توگف والحيل يخونك

شمسوي السيف مايرضى يعوفك
تصفگ ياحيف وماهنه چفوفك

اتغمض عن زينب موحل
تفتش تلگاهه عل التل
وتضل بحيلك تتوسل
وكتك ياحيل



گالولي حسين عينه علالزهره
گالولي حسين خانگته العبره
جيت وثوبك حاضنته
ينشگ كل ماخيطته
ثاري الخيل مواعدته
اخخ من الخيل
ــــــــــــــــــــــــــــــــــــــــــــــــــــــــــــــــــــــ
باچر ضعنك يمشي ونك
وي شهگات امك يتلاگه
انت مگطع باچر تسمع
زينب تنعاك من الناگه

لتگول ماعندچ امروة
لاتگول ضيعت الخوة
ماخوذة يحسين گوة

هايختي ها رحتي
بالطف ماضل شي يسوه
باچر عل نوگ زينب تتيسر
وبنص السوگ طول اختك يفتر

باچر راسك يتقدم
ليزيد وضعنك يلتم
والعصه اتسكت المبسم
عن الترتيل



گالولي حسين عينه علالزهره
گالولي حسين خانگته العبره
جيت وثوبك حاضنته
ينشگ كل ماخيطته
ثاري الخيل مواعدته
اخخ من الخيل
ــــــــــــــــــــــــــــــــــــــــــــــــــــــــــــــــــــــ

القصيدة // لازم اتحمل
الرادود // سيد فاقد الموسوي
الشاعر // احمد المشرفاوي ــــــــــــــــــــــــــــــــــــــــــــــــــــــــــــــــــــــ
يبو الفضل تذكر گبل تنحني گبالي بدهشه
والله وكت صارت چنت وتونه سوه نتمشه

نسوان عندي اتاني ويطول الحچي
اتمنه لوعندي وكت واگضي بچي
جيب اليگومني وعليمن انتچي

لواگدر شلتك لختك زينب
رايدهه تثغب حتى اتعذب

موش يشيب الراس اخلافك ينمل الراس
موش حسين اليبچي بسكته بطيحت عباس


لازم اتحمل لامو لازم
هل مره ارد ابچي اگبال الوادم
لازم اصرخ من كل گلبي وتسمعني الناس
موش حسين اليبچي بسكته بطيحت عباس
ــــــــــــــــــــــــــــــــــــــــــــــــــــــــــــــــــــــ
شگد صيحت حد ماطحت ماهزتك صيحاتي
كون الافه تگعد الغفه چافزو وليداتي

شگد صيحت يم ولدي ماگالو شكو
لاچنهم اولادي ولاچني ابوي
عباس بس انته فرق انته اخو

ياهو اليعقلهه حسين بكترك
يتوسل وانته ولاتتحرك

لوانداس اخلافك مولو لازم انداس
موش حسين اليبچي بسكته بطيحت عباس


لازم اتحمل لامو لازم
هل مره ارد ابچي اگبال الوادم
لازم اصرخ من كل گلبي وتسمعني الناس
موش حسين اليبچي بسكته بطيحت عباس
ــــــــــــــــــــــــــــــــــــــــــــــــــــــــــــــــــــــ
يامن فلك طره وهلك فگدك بريجي تربع
سويت الك. طر بهلك ويامن احچي من ارجع

ميت واخيك ماتريد اتمرمره
مبتسم واجدامك واديك مبتره
عل الثره امدد من عمت عين الثره

ضاحك بالگوه وگوه مصبر
من الضحكه مبينه شگد متعور

ومبين گايلي اعذرني باخر انفاس
موش حسين اليبچي بسكته بطيحت عباس


لازم اتحمل لامو لازم
هل مره ارد ابچي اگبال الوادم
لازم اصرخ من كل گلبي وتسمعني الناس
موش حسين اليبچي بسكته بطيحت عباس
ــــــــــــــــــــــــــــــــــــــــــــــــــــــــــــــــــــــ
كلمن هوه چنه سوه نشيله وفرلك راسي
راضي تره كون السره مايوصلك عباسي

ممنون منهم چانو يعطلونك
فدوة الك راحم كلهم ولعيونك
عباس يل لافوگك ولادونك

هم هدو حيلي وهم بچوني
چانو بعيوني وانته عيوني

لامو راعي النوماس انته انته النوماس
موش حسين اليبچي بسكته بطيحت عباس


لازم اتحمل لامو لازم
هل مره ارد ابچي اگبال الوادم
لازم اصرخ من كل گلبي وتسمعني الناس
موش حسين اليبچي بسكته بطيحت عباس
ــــــــــــــــــــــــــــــــــــــــــــــــــــــــــــــــــــــ
شابع قهر ومحني الضهر ماشوفن الگدامي
ماينعدل وصارت عدل شيبتي گبال حزامي

كضيت ماكضيت خاصرتي سوه
محدب ويسره ويمنه ياخذني الهوه
مكشوف راسي ومايرف فوگه اللوه

مادامك ساكت ليش اتاخر
خل الحگ زينب لاتتيسر

هل العمر العشته افگد طولك مامرني احساس
موش حسين اليبچي بسكته بطيحت عباس


لازم اتحمل لامو لازم
هل مره ارد ابچي اگبال الوادم
لازم اصرخ من كل گلبي وتسمعني الناس
موش حسين اليبچي بسكته بطيحت عباس
ــــــــــــــــــــــــــــــــــــــــــــــــــــــــــــــــــــــ

بسم الله
القصيدة:يالمهدي يمتى الفرج
الملا:سيد فاقد الموسوي
ـــــــــــــــــــــــــــــــــــــــــــــــــــــــــــــــــ
يالمهدي يمتى الفرج والگبة تبنيها؟
بسامرا لو طلعتك يالمهدي ثاري العدم
وچفوفك بكربلا والروس تبنيها
يالمهدي رف رايتك فوگ السواتر زلم
سمران ومعدلة وتحلى بمعانيها
شبان يم گبتك وتريد بس طلعتك
يالمهدي وبشوفتك تكبر أمانيها

يالمهدي يمتى الفرج والگبة تبنيها..؟
ـــــــــــــــــــــــــــــــــــــــــــــــــــــــــــــــــ
فرت زلم والسمر تتناوش للردا
وچفوفك شما حلن عمك يحليها
باچر الشمس والظهر زينب تلاگيها
وچفوفك مدللة صارت خيم كربلا
تگطع نحر حرملة وتشوف هاليها

يالمهدي يمتى الفرج والگبة تبنيها..؟
ـــــــــــــــــــــــــــــــــــــــــــــــــــــــــــــــــ
بعيونك شگد خيم عطشانة بيها المهد
سرداب إلك بالسما وتندل تطب ليها
ثار الحسن سيدي بچفوفك وما برن
يالهدموا گبته تهدم أرض بيها
ثار الحسن والخيم وسكينة يابو الشيم
والظلت بلا علم..يالمهدي حاميها

يالمهدي يمتى الفرج والگبة تبنيها..؟
ـــــــــــــــــــــــــــــــــــــــــــــــــــــــــــــــــ
من فاطمة بدمعتك عدنا الحچي
هوايه ومن الضلع والخيم هواي احتارت بيها
يا چف علي وسطرتك سطرة علي بهايه
وخدود العدتك تندل بواچيها واسطرها
يا چف صقر بس طفي عين الشمر
ثار الله ثار الكسر ما يرضى ياذيها

يالمهدي يمتى الفرج والگبة تبنيها..؟
ـــــــــــــــــــــــــــــــــــــــــــــــــــــــــــــــــ
يالمهدي جودك مطر وأنت الكرم والهلا
يا كشخة الله الصدگ سيفك يبچيها
من ترتفع رايتك يالكاشخ بكربلا
زينب تجي مشرعة وفنه اليحاچيها
وبزودك الهدمه مهزومة ومهشمة كسرة علي وفاطمة وزينب نواسيها

يالمهدي يمتى الفرج والگبة تبنيها..؟

بسمه تعالى

القصيدة :- حلم مرني

اداء :- سيد فاقد الموسوي

كلمات:- السيد محمد الموسوي

°°°°°°°°°°°°°°°°°°°°°°°°°°

حلم مرني جفه دموعي
سكنه صوتج حنه ضلوعي

دخيلج..

سبيه.. بت حسين بالطفوف سبيه
خطيه.. اجتني وحيل عطشانه خطيه
عليه.. شنو انه وتجي تنشد عليه

جيت من السبي وضيم الدواوين
وتنشدين ع الخداَم الحسين

دخيلج..

حلم مرني..

°°°°°°°°°°°°°°°°°°°°°°

نسيناج.. والتهينا بضيم الحسين نسيناج
علي وياج.. مامعقوله ما واكف علي وياج
اذا جاج.. خل يعذرنا كليله اذا جاج

خل تعذرنا زينب والنساوين
من الله دموعنا يطيحن على حسين

دخيلج..

حلم مرني..

°°°°°°°°°°°°°°°°°°°°

ع الخيام.. لهسه عيونج تباوع ع الخيام
ولا نام.. الله يساعد جفنج ولانام
يخداَم.. سكينه تريد دمعتكم يخدام

ابجو على الحسين الظال عريان
وعلى الطبت مجتفه بديوان

دخيلج..

حلم مرني..

°°°°°°°°°°°°°°°°°°°°

عهد هاي.. كل مجلس اذكرنج عهد هاي
ولا ماي.. لا عباس ظل عدكم ولا ماي
يامجاي.. لاتكطع على سكينه يمجاي

ماترهم سبيه ونشتكيلج
كون نزور الحسين ونجيلج

دخيلج..

حلم مرني..

°°°°°°°°°°°°°°°°°°°°

تعبتي.. انتي هواي ياسكينه تعبتي
ركضتي.. من الخيم لحسينج ركضتي
دمعتي.. كون الروح تطلع وي دمعتي

ماخلا على حالج سوط المتون
كون من العيون تطيح العيون

دخيلج..

حلم مرني..

°°°°°°°°°°°°°°°°°°°°°

قصيدة: هلي
الشاعر: سيد فاقد الموسوي
كلمات : حمزة الحسناوي
ـــــــــــــــــــــــــــــــــــــــــــــــــــــــــــــــــ
هلي بالغربة عافوني
هلي عموا ع عيوني
هلي بالعدلة ادفنوني بدربكم
هلي گلبي ع گد حيله
هلي امن يدك اتچيله
هلي ياهو الاشكيله ويردكم
هلي يامن ضيعوني بديرة والديرة بعيدة
هلي وايدي شگد شلتها اليغرگ تضل روحه بيده
محد يريدك يگلبي من صحت ياهو اليريده

هنا يهلنا هنا يهلنا..هنا يهلنا هنا يهلنا
ـــــــــــــــــــــــــــــــــــــــــــــــــــــــــــــــــ
هلي سدادت العازة
هلي عدلتكم جنازة
هلي هذا الجفه اموازه وبختكم
هلي طر الدهر حيلي
هلي جفوني شر ليلي
هلي ياهو يبچيني بعدكم
دارت حبال ع اديه ودارت الوادم عليكم
چنت اجي متعنية ليكم هسه ملحوگة من اجيكم
وأنتم مگطعين اديكم ياهلي يعني شبيدكم

هنا يهلنا هنا يهلنا..هنا يهلنا هنا يهلنا
ــــــــــــــــــــــــــــــــــــــــــــ
هلي أنا التحبوني
هلي جاي ابچي سكتوني
هلي لو طيف اندهوني بستركم
هلي فهمو الگلب خيفز
هلي گلوله راح العز
هلي سيف بدليلي يحز هجركم
هلي چا شيصير گلبي كلكم عليه هم خطية
أنا الابچي وأنا الاسكت وأنا التصبر عليه
جسمه جاسمت المصايب وحدة بيكم وحدة بيه

هنا يهلنا هنا يهلنا..هنا يهلنا هنا يهلنا
ـــــــــــــــــــــــــــــــــــــــــــــــــــــــــــــــــ
هلي لهنا ولحگوني
هلي گاموا يطگوني
هلي من روحي خلصوني الوحيدة
هلي كون اليطگونه
هلي منها ويموتونه
هلي چا طگت متونه شتفيده
يهلي مانمنه وبختكم ما ينام الگلبه هايم
وگفه واگضي الليل اشردوا من تهد علينا الوادم
النايم عل الگاع اعبره هذا ميت موش نايم

هنا يهلنا هنا يهلنا..هنا يهلنا هنا يهلنا
ـــــــــــــــــــــــــــــــــــــــــــــــــــــــــــــــــ
هلي حلالت العگدة
هلي كحلة بچفن رمدة
هلي واحدهم انعده بعشيرة
هلي چانوا نجم يلمع
هلي تچايه لليفزع
هلي من عدهم وتگطع يغيرة
ظلمة ليش ديار اهلنا ومحد يسير علينا
عندي وي كل ظلمة ذكرى هنا گعدنا هنا حچينا
ما حسبتلها يروحي يم اليفرحچ بچينا
يهلي مانمنه وبختكم ما ينام الگلبه هايم
وگفه واگضي الليل اشردوا من تهد علينا وادم
النايم ع الگاع اعبره هذا ميت موش نايم
هلي يامن ضيعوني بديرة والديرة بعيدة
هلي وايدي شگد شلتها اليغرگ تضل روحه بيده
محد يريدك يگلبي من صحت ياهو اليريده
من طب ضعنكم ع الولاية
وتلاكت چفوف الرداية
كل واحد يغني ع راية
سوو درب لام العباية
هالليلة ضاگت بيه الأنفاس
ياهو اليبدل الهوى بعباس

قصيده:انت جرح
الرادود:سيد فاقد الموسوي
كلمات:؟
@@@@@@@@
انت جرحٌ في ثناياهُ اغيب

المٌ انتَ وعشقٌ لا يطيب

قطراتُ الموتِ والشيبُ الخضيب

هطلت كالمزنِ للخد التريب

خنصرٌ سافرَ من كفٍ غريب

راحَ يحكي عن عطاشى ولهيب

صدركَ المرضوضِ بالخيلِ المريب

ينزفُ اللهَ وقرءانٍ عجيب

جسدٌ رغمهَ الجراحاتِ مهيب

سترَ الدُنيا وكان سليب

ليسَ عيباً انما كلُ المعيب

انتَ يا ماذا وما تكفي حبيب

انتهَ يا اين وضوءٌ لا يغيب

جئتُ امشيكَ دموع ونحيب

جئتُ امشيكَ مسيحاً وصليب

صوتكَ الوصلُ من عمقِ النحيب

دقَ بابَ القلبُ والدمعُ مجيب

انتهَ يا انشوده الحزنِ الغريب

يا حسين

وكفى انته الحسيب

ياحسين

وكفى انته الحسيب
......

قصيدة: هنا يا هلنا
الرادود: سيد فاقد الموسوي
كلمات : حمزة الحسناوي
ــــــــــــــــــــــــــــــــــــــــــ

هنا يهلنا..هنا يهلنا

يا دنيا ع كيفچ هونچ ويانا
ضليت أنا اگولن هاي مو أنا...احا احاا
للغربة انطي وجهي الوكت خلانا
غير الينطگ يباوع ع اخوانا..احاا احاا
وينكم يهلي انولينا..هدت الوادم علينا
وينكم ردوها
ما تحامي من الرداية..للستر يهل العباية
ليمت تلحگوها

هنا يهلنا..هنا يهلنا
ـــــــــــــــــــــــــــــــــ
ما توگف عساها تموت رجلينه
نعثر بالندور عليه ضلينه
خاف يشوفها من تركض سكينة
همزين عباس السهم سد عينه
يعرف الضيم الوراها يمكن تعمد عماهه
ما يريد يشوفها..
والشريعة نمر عليها..ياهي اليچتفون اديها
خل تضم چفوفها..

هنا يهلنا..هنا يهلنا
ـــــــــــــــــــــــــــــــــــــ
من بين الحوافر ذيچ حاچيته
جسمك منسحگ ويگوم تانيته
خوية الشامت يسمعني حسيته
يله العنده اهل خل يرجع بيته
گوم يالبس أنت عندي..اعبر شگد ع ولدي
وما وگفت عليها
بالشمس ناموا عفتهم..والمشوا يمهم صحتهم
لحد يغطيهم

هنا يهلنا..هنا يهلنا
ـــــــــــــــــــــــــــــــــــــــ
كمل يالحديت ولا ترد بيها
المن راجعة المحد متانيها
ماي النوگ محد گام ينطيها
خاطر تتعب وما نصعد عليها
تعبت النوگ وتعبنا..گمنا من نصعد تذبنه
هاي شدة ونايحة
حادي نسوانك يگلها..الطايحة ما نوگفلها
ميتة حسبوا الطايحة

هنا يهلنا..هنا يهلنا
ـــــــــــــــــــــــــــــــــــــــــــــ
أنا أخت اليحط نيشان بالهامة
ذاك البس هوى الله يفوت گدامه
بس دار الوكت وافترت أيامه
گام يهوس المو زلمة بخيامه
ودارت الدنيا وشفتها..وصارت الما حسبتها
هاي چا تاليها
هاي الطلابة شيحلها..حرمة تنطگ يم الها
ومحد يهد ليها

هنا يهلنا..هنا يهلنا

القصيدة // گالولي حسين
الرادود // سيد فاقد الموسوي
الشاعر // احمد المشرفاوي ــــــــــــــــــــــــــــــــــــــــــــــــــــــــــــــــــــــ
هل من ناصر تگدر الخاطر
ارحم حالك وارحم حالي
ماهي اخوانك بس نسوانك
عدهن ماضل غيرك والي

ايعينك الله مالك امعين
وگومك على الغبره مطاعين
ومنين اجيب المرتضى منين

وجدامك لخيامك
تركض وترد للناس
لاتفگد تتعذب
هذا اليفگد عباس

طيحت الماي ياشط ونسيته
انده عباس گله احتاجيته

يوليدي اتحشم شفتك
وابيض من شيبك شفتك
گوه اتفر راسك لختك
تثبت وتميل


گالولي حسين عينه علالزهره
گالولي حسين خانگته العبره
جيت وثوبك حاضنته
ينشگ كل ماخيطته
ثاري الخيل مواعدته
اخخ من الخيل
ــــــــــــــــــــــــــــــــــــــــــــــــــــــــــــــــــــــ
طلعن كلهن اباب اخيمهن
يومن ومناشغهن سكته
ساعه ومهرك رد من كترك
يصهل والوادم لاحگته

يصيحون زينب طلعوها
واحرگو گلبها ابراس اخوها
سبو الزچيه وشتمو ابوها

حشمتك والگيتك
طايح بس شابح عينك
لخيامك وجدامك
مابيهن حيل يعينك

ثوبك مسلوب ومطشر صدرك
چبدك مصيوب ودم خانگ نحرك
تزحف خيل يردنك تخلص كل مايسحگنك
وكل حافر ياخذ منك وتالي وي الخيل



گالولي حسين عينه عل الزهره
گالولي حسين خانگته العبره
جيت وثوبك حاضنته
ينشگ كل ماخيطته
ثاري الخيل مواعدته
اخخ من الخيل
ــــــــــــــــــــــــــــــــــــــــــــــــــــــــــــــــــــــ
امك ميته ومامفتكه
كلشي انحل وانته المالك حل
انته الوحدك من دون اهلك
لاترضى تموت ولاتعدل

من الزغر چان عليك دمعي
بس انه اذب حجتي بضلعي
يااحله صوت يناغي سمعي

وهسه انته تون سكته
الريح يلچمك لوهب
موجرحك ولاذبحك
انته الكاتلتك زينب

صحتك ويلاه ولامن ها يمه
شيطلع الها من الغاص بدمه

تريد تحاچي بنياتك
والدم يسبگ چلماتك
چن تگول بنضراتك
اه من اليل



گالولي حسين عينه علالزهره
گالولي حسين خانگته العبره
جيت وثوبك حاضنته
ينشگ كل ماخيطته
ثاري الخيل مواعدته
اخخ من الخيل
ــــــــــــــــــــــــــــــــــــــــــــــــــــــــــــــــــــــ
صاير بس دم يادم ينلم
يوليدي شلون يلومونك
بطرگ الوينك وشوفت عينك
ها ثاري الدم غطه عيونك

ماغير دمك كلشي رايح
متبدي چنك موش طايح
يگولون بسمي هواي صايح

هايبني الهضمتني
چانت عينك لضعونك
تتحسر ماتگدر
توگف والحيل يخونك

شمسوي السيف مايرضى يعوفك
تصفگ ياحيف وماهنه چفوفك

اتغمض عن زينب موحل
تفتش تلگاهه عل التل
وتضل بحيلك تتوسل
وكتك ياحيل



گالولي حسين عينه علالزهره
گالولي حسين خانگته العبره
جيت وثوبك حاضنته
ينشگ كل ماخيطته
ثاري الخيل مواعدته
اخخ من الخيل
ــــــــــــــــــــــــــــــــــــــــــــــــــــــــــــــــــــــ
باچر ضعنك يمشي ونك
وي شهگات امك يتلاگه
انت مگطع باچر تسمع
زينب تنعاك من الناگه

لتگول ماعندچ امروة
لاتگول ضيعت الخوة
ماخوذة يحسين گوة

هايختي ها رحتي
بالطف ماضل شي يسوه
باچر عل نوگ زينب تتيسر
وبنص السوگ طول اختك يفتر

باچر راسك يتقدم
ليزيد وضعنك يلتم
والعصه اتسكت المبسم
عن الترتيل



گالولي حسين عينه علالزهره
گالولي حسين خانگته العبره
جيت وثوبك حاضنته
ينشگ كل ماخيطته
ثاري الخيل مواعدته
اخخ من الخيل
ــــــــــــــــــــــــــــــــــــــــــــــــــــــــــــــــــــــ

القصيدة // طلع ضعن السلام
الرادود // سيد فاقد الموسوي
الشاعر // حمزه الحسناوي
ــــــــــــــــــــــــــــــــــــــــــــــــــــــــــــــــــــــ
سلمت امري ومشينه وطلعت اضعون الضوه
واختنگ وجه المدينه اوغبر اتراب الهوه
انه وخيال الكفلني بالضعون مثل النفس
صرنه بگلوب الهوادج نصعد وننزل سوه

هم سوه ويه الهوه چنت اصيحنه اويهب
والضوه بوجنته والضوه الباقي چذب

حتى عيونه چانت تصفن بعيونه
بيه الناس يشوفونه
عشت وياه عشت وياه

هوه احلامي تشرط عالنوم احلامي
من احسب احلى ايامي
عشت وياه عشت وياه

اذا احسب واريد
اگلك بالوريد
احسك هم بعيد


طلع ضعن السلام مشه ويانه الحمام
يروحي المن انام طلع ضعن السلام
ــــــــــــــــــــــــــــــــــــــــــــــــــــــــــــــــــــــ
يادرب كثر المسافه ومن عسه ايطول السفر
چن علي وميثم مشينه نمشي جدمين ابئثر
نجمه نجمه احسب ضعن وچان الحسين الشمس
للسمه امسير ضعنه اوگايد الرحله الگمر

ياگمر للگمر رايح امسير الك
والنجم مونجم چفو بطولك هلك

يشبه روحه بس هوه اليشبه روحه
وتحلي الدم اجروحه
هاي شلون هاي شلون

حتى خياله لامومثل الخياله
يطلع بالضلمه اخياله
هاي شلون هاي شلون

عجيب اخياله چان
ضوه يسوي المكان
احس يمه بأمان


طلع ضعن السلام مشه ويانه الحمام
يروحي المن انام طلع ضعن السلام
ــــــــــــــــــــــــــــــــــــــــــــــــــــــــــــــــــــــ
امنت واحچي اويه روحي شو خفت من امنت
والعمر من يمشي يمشي والوكت مايلتفت
كلشي گام بعيني يحله وهذا خوفني اوعلي
الموحلو چان بضعنه يمشي ويانه الوكت

ياوكت شوگمت تركض بهذا الضعن
گصر ابخطوتك واخذ الايام اليجن

ضل ويانه غيرك يتمنه ويانه
خسران احنه العافانه
رايح وين رايح وين

ضلت ليله لاتخلص هاي اليله
باچر گلبي تهد حيله
رايح وين رايح وين

يوكتي اوگف شجاك
شنو اليركض وراك
اخذني الوكتي ذاك


طلع ضعن السلام مشه ويانه الحمام
يروحي المن انام طلع ضعن السلام
ــــــــــــــــــــــــــــــــــــــــــــــــــــــــــــــــــــــ
گربت تگضي المسافه الكربله اوگمت انعصر
اوكثر حسين بضعونه السوالف عالصبر
سولف الراح يصيرن واحنه ثگلنه المشي
اومن وصل يم الحوافر ثگل اجدامه المهر

يامهر منكسر باچر اتروح اوترد
من تضل وحدك ماكو خيال اليهد

هذا خيالك يرجع مكسور اخيالك
باچر تفگد خيالك
ياخيال ياخيال

مواي واحد خيالك مواي واحد
رمحه يهد گبل الشارد
ياخيال ياخيال

ترد باچر تصيح
والف طيحه تطيح
عفت خدرچ ذبيح


طلع ضعن السلام مشه ويانه الحمام
يروحي المن انام طلع ضعن السلام
ــــــــــــــــــــــــــــــــــــــــــــــــــــــــــــــــــــــ
خلصت ذيچ السوالف هسه ضل يحچي السهم
والعلم مايل اشوفه ومره ماشوف العلم
هذا كله ايگلي زينب يله گومي اتحضري
واختصار الهذا كله هسه انه ابلا خيم

لاخيم لاعلم لااخو لاولد
لاضعن لاوطن لاستر لاسند

طلعت زينب من صاحو طلعت زينب
انه الخلتني اتعذب
اهلچ وين اهلچ وين

ميته احسلي وياهم ميته احسلي
من شفت الناس تگلي
اهلچ وين اهلچ وين

يرد خدرچ محال حلم صار الدلال
اجه وكت الحبال على الدنيا السلام


طلع ضعن السلام مشه ويانه الحمام
يروحي المن انام طلع ضعن السلام
ــــــــــــــــــــــــــــــــــــــــــــــــــــــــــــــــــــــ

قصيده : يله اطشرن
الرادود : سيد فاقد الموسوي
الشاعر : .؟؟؟

ـــــــــــــــــــــــــــ

يله اطشرن حركوها الخيام
بعد كلمن تحير بسالفتها
والما تنسحك وكبالها تطيح
اختها هناك ختغطي اختها
خيل معصبه وماتكدر تشوف
وادري دوس حته الشايفتها
صحت اعليهن بصوت
هواي احسلها التموت
عليه دكربت والتمت الناس
اشرد لو ردت بس اشرد منين
حشمتك وكالو التحشميه
هوه يريد فزعه من النساوين
فجأه وكلها سكتت واعرف الصار
ماتنضم واضمه سوالف اليل
سكتو سكته وحده الجيش يردون
نسمع من يسحكون اعله الحسين
الحافر منه ما طيب
ياخذ بيك ويجيب
لياحد نركض وجندوب الركاض
وين ارد اوصل وين الله ونداس
هوه حسين راس وراس مكطوع
شيفيد من اسولف ضيمي لراس
خلص عمت عيني بحلك السيوف
احجي وثاري تسمع بل الحجي الناس
يم عباس اروحن بلكي بي روح
صاحو هاج ذني جفوف عباس
راحت هيبتج بيج
محد بعد يحميج
علي يسويلجن جاره
توه الطف بده والراح ننساه
بدت حرب الشماته وي المداليل
هسه الروس تفتر واحنه زينات
بس الله اكبر من يجي اليل
وكفه نام كمنه كبار وصغار
والوكفه التطول تهدم الحيل
عيشنه برعب ذباحك يكول
النهار ركاض وصياح
اليركض غير يرتاح
علي يسويلجن جاره
ياهو الاكلفه ويقطع البيد
يوصل هلي ويصرخ من بعيد
يا ال هاشم نسوانكم طبت عله يزيد
وحدايهن موش من اجاويد
وكلهم يهاشم شفت شوفه
الشام زينه اعله كل طوفه
متانين بت سيد الكوفه
يا عازت الكطعو جفوفه

ـــــــــــــــــــــــــــــ

القصيدة // رديتلك تعبانه
الرادود // سيد فاقد الموسوي
الشاعر //علي مالك الموسوي
ــــــــــــــــــــــــــــــــــــــــــــــــــــــــــــــــــــــ
ليله وحده وماتحمل
صارن حسين اربعين
هم ابشرك راده اركض
بس يخويه الگاك وين
لاتشوف الشام غاد
شسوه بختك يل حنين
توني اريد امسح دموعي
وطلعو راس الحسين


جاه المن رديت اذا ماشوفك
مچتفه وبلكت تحلنه اچفوفك


خويه هم رديتلك تعبانه
ــــــــــــــــــــــــــــــــــــــــــــــــــــــــــــــــــــــ
مدافع الزوار نعمه
مومثل دفع الزغار
هنانه ماي الناس تشمر
غاد بس تشمر احجار
ارد اعور گلبك انه
وخل اگلك شنهي الصار
طفل توه يگول بويه
مشو اجدامه اعله نارر


خويه جيتك عورتني احچايه
انه زينب ليش صاحو هايه


خويه هم رديتلك تعبانه
ــــــــــــــــــــــــــــــــــــــــــــــــــــــــــــــــــــــ
الموبالك صار بينه
والبالك كله اخوي
حيره مدري عليمن ابچي
حيره مدري عليك الوجن
لوعله العباس اخوي
كلشي ماريد ارد اشوفك
گلي وين بروح ابوي
خلصت بالسوگ صوتي
وبعد ماضلت يبوي

عمر خلصته عليك ادواره
ايست منك وجيت ازياره


خويه هم رديتلك تعبانه
ــــــــــــــــــــــــــــــــــــــــــــــــــــــــــــــــــــــ
الناس عدهه امچان تگعد
واختك الوگفه حرام
وداعتك عل ركضه هايه
من اهد حرگ الخيام
تريد تكتل هسه زينب
خويه بس گللها شام
اتخيل ابنيتك تگلي
ماي ماريد ارد انام

اشوه لوعل گعده هم والگومه
خويه صارت حتى طلبه النومه


خويه هم رديتلك تعبانه
ــــــــــــــــــــــــــــــــــــــــــــــــــــــــــــــــــــــ
عمت عين الشام كله
وعمت عين الدنيا هاي
حسين يمي ينسي صوته
والشمر صيح وراي
مرضاني السوگ خويه
ومحد اطاني دواي
اتخيل يصيحون كلهم
عدنه بس مانطي ماي

الماي صاحو عدنه كلش زايد
انطشره بس مانطي منكم واحد


خويه هم رديتلك تعبانه
ــــــــــــــــــــــــــــــــــــــــــــــــــــــــــــــــــــــ

القصيدة // مناحه ولطم
الرادود // سيد فاقد الموسوي
الشاعر //؟؟ ــــــــــــــــــــــــــــــــــــــــــــــــــــــــــــــــــــــ
على الماتت هضم واندفنت بسكته
ياهو اليثغب وچفه على خاصرته
حل فرض اللطم وتموت راح ام عون
ياهو اليجيب دمعه ويل بچي لعمته

وسنتين هل ماجينه
يم عون منچ نعتذر

ولم عون من هل ليله
تبدي المناحه بكل گلب

الف وسفه والف حسره والف ندمه
گبر ام الخدر محد لطم يمه
چنه نوح يمه مهدلين اهدال
هاذه يصيح يمه وذاك ياعمه

وبس لامثل ذيچ السنه
ومحد لطم يم بابهه

عرگ تابوتهه ونه على ونتهه
ميته وصبت اعله حسين دمعتهه
تانتهم يجون اخوانها بتشيع
اجت بس الشماته ومااجو اخوتهه

ويم عون ميته اخوانچ
وهم مايجونچ هل سنه

هاي البچت الدنيا بواچيهه
تسع اخوان عدها وماجو ليهه
موگلكم يهلنه على البخت تچفون
مبارك خلي ابنهه يثغب عليهه

ياعون من هل ليله
ولتهدل على امك لطم

مگيول المثل والشاهد ارد انعه
فرق بين التشوفه وبين التسمعه
الطب للشام يعرف شنو معنى الشام
على ام عون الشماته هناك منجمعه

وين الذبح خوانهه
على ام عون ملتمه الخلگ
ــــــــــــــــــــــــــــــــــــــــــــــــــــــــــــــــــــــ