بصوت. مسلم المطيري

ريت يرجعلي شبابي
واشتكيله من المشيب


كلمات الشاعر
حسن لعيبي الحريشاوي

لذكرى ولاده الامام محمد الباقر عليه السلام

افرح يگلبي الصابر
بمولد امامي الباقر
بمولد امامي الباقر
★★★★★
صوت الرساله ومعدن الحكمه
باقر علوم المعرفه بعلمه
انواره هلت للخلگ  نعمه
هازم دياجير الظلم اسمه

گلبي سعيد الخاطر
بمولد امامي الباقر
★★★★★
رابع اولاد الطاهر الزهره
سابع بدر ينضاف للعتره
خامس امام من النبي عطره
بميلاده روحي اليوم مبتشره

وكل ناصبي ضل حاير
بمولد امامي الباقر
★★★★★
دروب الحوالك نوره ضواها
اغصان المحبه بچفه رَوَّاها
مو مثل كل يوم انا الگاها
صارت الدنيا بعيني محلاها

دنيا وتسر الناظر
بمولد امامي الباقر
★★★★★
للمعرفه الباقر رفع رايه
هو منار الهدى والآيه
طلاب علمه  اجت عنايه
مبدا الدين ونصرته الغايه

والعلم كوكب داير
بمولد امامي الباقر
★★★★★
يا هلا بميلاد الگمر واكثر
يا نور يا قداح يا جوهر
وارث علوم المصطفى وحيدر
لروح المعارف والعلم مصدر

هليوم ابد موعابر
بمولد امامي الباقر

الشاعر حسن لعيبي الحريشاوي

وَسَّع دورها المدرسه الفكريه
وفتح بيبانها المعرفه الدينيه
وقواعد للفقه تزهي  بمساعيَّيه
تحدَّه القمع واشكاله الرجعيه
تهل انواره من الباري قدسيه
للباقر علوم الخلک  مَحنيَّه
لمن  قادها ثورته العلميه
يا ريح التهز  روحه  الحسينيه

((شلون الريح تهزه الماخذ علمه من السجاد  ))

الشاعر حسن لعيبي الحريشاوي

🥀لوفاة سيد محمد (سبع الدجيل) سلام الله عليه🥀



اداء ملا امير الصبر 🥀🥀

كلمات الشاعر ✍حسن لعيبي الحريشاوي

بمناسبة ولادة الامام علي الهادي ع

اهني الرايح وجاي      وكلمن فرح وياي
ابطلعة نورك اليوم   علي الهادي يمولاي
★★★★★
أَبَشَّر المادره ويدري    ولادة سيدي وفخري
ليوم الاخره ذخري     الملاها بكرم دنياي
     علي الهادي يمولاي
  ★★★★★
اهني العالم باسره       هذا اليوم منتظره
يعاشر نور بالعتره      حكيم العقل  والراي
          علي الهادي يمولاي
★★★★★
اهني الجاي والرايح    واسامح كلمن ايسامح
اهني اليوم ابوصالح      اجيت اليوم  وفاي
          علي الهادي يمولاي
★★★★★
اهني وافرح وامشي    اهني بمولدك كلشي
ينور  توالم ابرمشي     سكن دلالي وحشاي
           علي الهادي يمولاي
★★★★★
سلامي عليك يلهادي   صغت لعيونك انشادي
تحله وتكثر اعيادي       ينور لحزني محّاي
         علي الهادي يمولاي
★★★★★
هله بنور المله الناظر    امامي وسيدي العاشر
يسر الگلب والخاطر          يماي بعطش روَّاي
         علي الهادي يامولاي
★★★★★
اهني الدنيا والبيها       ابفجرها وبلياليها
احزان العمر اطويها    واضل للفرح مشاي
          علي الهادي يامولاي

الشاعر  حسن لعيبي الحريشاوي

🌹🌹(مولد جديد)🌹🌹

الليله الفرج وجب بالثاني من رجب

🎼 آداء وتسجيل استديو وهندسة صوتية
🎧المنشد الحاج جواد علامة

📚كلمات الشاعر حسن لعيبي الحريشاوي

🎹 تنفيذ ابو مهدي علامة
لبنان عدلون 03454951
☘️☘️☘️☘️☘️☘️☘️

ابوذيه لِلْإِمَامِ عَلِيٍّ الْهَادِي عَلَيْهِ السَّلَامُ

عَلِيّ الْهَادِي يَنَور الْعِلْم ودِين
يشافع يَوْم نَشَر الصُّحُف ودِين
أودَّك سَيِّدِي وَمَوْلاَيَ . ودَّين
لشخصك وانتسابك للزچيه

الشاعر حسن لعيبي الحريشاوي

لاستشهاد الإمام علي الهادي عليه السلام ( ميمر)

سامره مهظومه اليوم   تعلن مصاب الهادي
★★★★★
شيطفي ناري ونار يجري المدمع
تنوح القصيدة وكل حرف والمطلع
يضَمَّد جروحي كل صبر ماينفع

بضعن العلم دار البين   والموت اصبح حادي
★★★★★
الظالم عرف نشر المعارف ثوره
بهيبة علي تصير المواقف  خطره
جيش ورقابه اتحولت سامره

معلوم نهجه ومعروف    كل ظالم استبدادي
★★★★★
حاكم فلا عن الظلم يتخله
شاف بوجوده دولته مختله
بكل مسئله اصحاب العلم ترجعله

الهادي بعزيمه واصرار   من طبع جده الهادي
★★★★★
شگد فرق مابين النقم والرحمه
وين التسلح بالفتن والظلمه
وبين التحله بالحلم والحكمه

نايم ظمير الحكام    عن ياظمير ينادي
★★★★★
الروح ضجت بالحزن مفجوعه
للهادي تندب بالدمع واللوعه
ناديت ربي بچبدته المصدوعه

بجاه الامام المظلوم      حقق يربي مرادي

الشاعر حسن لعيبي الحريشاوي

لاستشهاد الإمام علي الهادي عليه السلام (عگيلي )

ياعالم طبعك من عالم
يلنورك من صفوة هاشم
ياعالم طبعك من عالم
★★★★★
أزلام الشر اتراقب بيتك
لمن هز العالم صيتك
يلمتحمل مسئوليتك
والحق والشر مامتوالم
يلنورك من صفوة هاشم
★★★★★
لوصوت الحق يمنعونه
هم يظهر جيل يسمعونه
يعرفون الحق ويتبعونه
والظالم يتراجع نادم
يلنورك من صفوة هاشم
★★★★★
شگد ساعات المرت صعبه
يلهادي بأيام الغربة
عناد الظالم وين وحزبه
يلرايك معلوم وحاسم
يلنورك من صفوة هاشم
★★★★★
من شافوا صعبه الوضعيه
فرضوها اقيود الجبريه
عرفوا نظراتك ثوريه
بيها تهز عروش  الظالم
يلنورك من صفوة هاشم
★★★★★
حق شافوك ومامتراجع
وشافوا حق الوادم ضايع
ودوم تريد اتغير الواقع
لازم يضهر شره الحاكم
يلنورك من صفوة هاشم

الشاعر حسن لعيبي الحريشاوي

لاستشهاد الإمام علي الهادي  (ملمع ) بين قوسين فصحى

(أنت سرٌّ  عَلَويَّ    ثم نهجاً نبوي )
سيدي ياعلي الهادي
★★★★★
انت ياباني الصروح المهدوية
بالتفاني والأخلاق الاحمديه
نهج واحد من علي وسيد البريه
لحد امامي صاحب الطلعه  البهيه

(صاحب النهج السوي  ثم نهجاً نبوي)
سيدي ياعلي الهادي
★★★★★
ماالوم الروح لوتعجز توصفك
يابو وجه الخير تمطر كرم چفك
يابحر واهل العلم وگفت بجرفك
والطواغيت  اللئيمه تريد حتفك

(منك سحر مهدوي  ثم نهجاً نبوي)
سيدي ياعلي الهادي
★★★★★
المنهج الاسلام يااعظم وسيله
وَضَّحتَ  شكله وتعاليمه الاصيله
الخالفك محتار وافكاره هزيله
صوتك الحق والمعارف تنتميله

هو صوت هاشمي    ثم نهجا نبوي )
سيدي ياعلي الهادي
★★★★★
أبدور علمي بالحياة وفكر واعي
بدولة الايمان والرحمه تداعي
بدوره خصمك  بيك حد الموت ساعي
ماعرف حق المودة  ولايراعي

(كنت صبرا فاطمي  ثم نهجاً نبوي )
سيدي ياعلي الهادي
★★★★★
چان صبرك أشد من صخر الرواسي
ناضلت وشگد چنت منهم تقاسي
لجل دفع الظلم تتحمل مآسي
اتوازر المظلوم بالشده وتواسي

(ياعليا من علي    ثم نهجاً نبوي)
سيدي ياعلي الهادي

الشاعر حسن لعيبي الحريشاوي

لاستشهاد الإمام علي الهادي عليه السلام ( ميمر)

سامره مهظومه اليوم   تعلن مصاب الهادي
★★★★★
شيطفي ناري ونار يجري المدمع
تنوح القصيدة وكل حرف والمطلع
يضَمَّد جروحي كل صبر ماينفع

بضعن العلم دار البين   والموت اصبح حادي
★★★★★
الظالم عرف نشر المعارف ثوره
بهيبة علي تصير المواقف  خطره
جيش ورقابه اتحولت سامره

معلوم نهجه ومعروف    كل ظالم استبدادي
★★★★★
حاكم فلا عن الظلم يتخله
شاف بوجوده دولته مختله
بكل مسئله اصحاب العلم ترجعله

الهادي بعزيمه واصرار   من طبع جده الهادي
★★★★★
شگد فرق مابين النقم والرحمه
وين التسلح بالفتن والظلمه
وبين التحله بالحلم والحكمه

نايم ظمير الحكام    عن ياظمير ينادي
★★★★★
الروح ضجت بالحزن مفجوعه
للهادي تندب بالدمع واللوعه
ناديت ربي بچبدته المصدوعه

بجاه الامام المظلوم      حقق يربي مرادي

الشاعر حسن لعيبي الحريشاوي

لاستشهاد الامام علي الهادي عليه السلام

امامي وسيدي العاشر
اجيتك خادم وزاير
امامي وسيدي العاشر
★★★★★
الوجيه الطاهر الصفوه
حليف السجده والتقوى
يلصابر على البلوه
اليضدك ياعلي خاسر
امامي وسيدي العاشر
★★★★★
الامام الصابر العابد
الحكيم العالم الراشد
ماهزك فعل حاقد
ولاظالم صلف غادر
امامي وسيدي العاشر
★★★★★
أسف بيك الاجل حادي
بفعل ظالم استبدادي
أمامي وسيدي الهادي
يانجم السمه الزاهر
أمامي وسيدي العاشر
★★★★★
عمود الدين واركانه
حبك يضل عنوانه
عشت ابدنيا خَوَّانه
على بلوه الزمن صابر
امامي وسيدي العاشر
★★★★★
رضاك اليوم نترجه
فداك الروح والمهجه
يجد القائم الحجه
سليل المصطفى الطاهر
امامي وسيدي العاشر

الشاعر حسن لعيبي الحريشاوي

لاستشهاد الْإِمَامِ علي الهادي عَلَيْهِ السَّلَامُ
على طور ملا باسم الكربلائي (محرم ياهلا بشهر الدمع )

سامرا . لبسَت ثِيَاب الحزن
سامرا . لبسَت ثِيَاب الحزن
★★★★★
دمُوعي تتخاطف بَواتِر . مِنْ تمُر بجفوني
والونين اعبرت حدَّه . الْحزن غَيَّر لَوْنِي
جِيت سامَرَه الأَمَامِيّ والعشگ مضموني
الطُّم ابحرگه لمُصابَه . وَالدّمْع بعيوني

والدموع. ذَوبَّت مِنِّي الْجَفْن
سامرا. . لبسَت ثِيَابَ الحزن
★★★★★
أبچي مَوْلَاي الغربتك . وَلِعَظِيم مصَابَك
بعالمك أَدْخَل وَشوفَّن . غربتك وصوَّابَك
عشت يلهادي بغربتك حَرَس لزمَّوا بَابِك
الْوَدَاع أسوَّه بيهم . شُوف حَال احبابك

الْأَحْبَاب . لجلك تَنُوح وتون
سامراء . لَبسْت ثِيَابَ الحزن
★★★★★
بالمدامع رُوحِي تَحْتَج . علزمان وجُورَه
راد يتعذب الهادي . ومايكَمَّل . دورَه
وَشَارَك أَعْوَان الظَّلالَه . يرِيد يحجب نُورُه
يُرِيد لِلسلَّطان يخضَع . يَخْضَع بكل صُورَه

لَا هَيْهَات يَنْكَسِر كَسْر الْغصْن
سَامِرا . لَبِسْت ثِيَابَ . الْحُزْن
★★★★★
أَلَك يافرض الْمَحَبَّه. . وَشَافِع بميعادي
نوحي ومَقصد عزائي . والمدامع زادِي
أَبث لوعات التعازِي . والهن اسْتِعْدَادِي
العسكري صوبت گلبه مصيبتك يلهادي

والفراگ صَعُب حيل عَلَى الابْن
سَامِرا . لَبسْت ثِيَابَ الحزن
★★★★★
رُوحِي لِمُصَابِه حَزِينَه. وحايره ومهظومه
وَمِثْل المفارگ يزيدن . ماتزول اهمومه
وَمِثْل رايَّه بِحَرْب طاحت . علترب ملمومه
الهادي من لَوْنُه تغيَّر . چبدته مَسْمُومَه

واويلاه . مِنَ الْهُدَى طَايح ركن
سَامِرًا . لَبسْت ثِيَاب الحزن

الشاعر حسن لعيبي الحريشاوي

لاستشهاد الامام علي الهادي عليه السلام
(وزن تجليبه )

روحي اميتمه ومشتاگه للحضره
للهادي امامي ابأرض سامره
★★★★★
للمظلوم أبد مارحمته الوادم
ولاظالم رجع من فعلته نادم
مدري بياذنب مطلوب للحاكم
لأن من طه أصله ومن بني هاشم ؟
وتحبه الناس كلها وتحلف بصبره
★★★★★
سجن لابيه ضوه ولاترحل الظلمه
بمطامير العليها ماتمر نسمه
معروف السبب لوينحچي ابكلمه
علي الهادي خطر لوينذكر أسمه
مسجون ويهابه الگاعد ابقصره
★★★★★
بوجه الخير طبع الحقد من يوگف
معروف السبب ماحاجه يتوصف
السم الهادي منهم مابشر أنصف
نفس الذبحوا المظلوم يوم الطف
بحوافر خيل گوم الهشمت صدره
★★★★★
أريد اشبع بواچي وأنحب إبابه
اول حال أوصف شوگي واسبابه
وثاني حال اپچي اللوعة أمصابه
وثالث حال اعزي أهله وأحبابه
واعزي المصطفى المختار والعتره
★★★★★
يا آل الجرايم ما الهن كل حد
من أرض المدينه وصلت المشهد
سامره عليكم والنجف تشهد
وارض الكاظميه وكربلا المقصد
بالمحشر خصمكم والد الزهره

الشاعر حسن لعيبي الحريشاوي

نعي
لاستشهاد الامام علي الهادي

علي الهادي شكثر مولاي    
عانيت شكثر   منهم
لگيت اخرهم ابغدرك
مثل اطباع أولهم
لاعندك ذنب  مولاي
حتى تعتذر  الهم
تحقيق وبحث يردون
تثبت انته موضدهم
يم دارك حرس وانته
كل مره تفهمهم
دارك لللعلم والخير
لاچن ياهو يقنعهم
خافوا ثورة من دارك
تجي  يوم  وتطشرهم
خافوا من دعائك يوم
ريح ابليل تاخذهم
خافوا من  عباداتك
صلاتك دوم ترعبهم
وحدك لاچن يشوفون
دولة انت  تحاربهم
مصدر قلق  للظلَّام
وجودك مايناسبهم
رادوك شكثر تحتار
يلصبرك محيرهم
يعرفون الغدر بالسم
هاذي  دوم لهجتهم
بدايه موتتك صارت
تعبر عن نهايتهم

الشاعر حسن لعيبي الحريشاوي

لاستشهاد الامام علي الهادي عليه السلام (وزن هجري)

لفت ياحيف المنية.  التاسع اولاد الزچيه
الدنيا ماادري شجاها.    ضجت الگاع وسماها
              التاسع اولاد الزچيه
★★★★★
أشطَوَّل الليل وعذابه.   والنهار اصبح ظلام
وبرجب وگفت الدنيا.     تودع أنوار الامام
موحشه سامره صارت    فارگت بدر التمام

غاب حاضرها ومجدها.    وكل خمايلها او وردها
من مشه عنها ضواها.  ضجت الگاع وسماها
              التاسع اولاد الزچيه
★★★★★
العسكري ينظر الهادي. بلوعته وگلبه الحزين
فارگت يابويه  بعدك.  راحتي وطعم السنين
فارگت طه وبضعته.  وجدي أمير المؤمنين

ياضوه عيوني ونظرها.   كسرتي يصعب جبرها
الحزن سامره لفاها.    ضجت الگاع وسماها
         التاسع اولاد الزچيه
★★★★★
ضلت الدار ابحزنها.   تون علهادي وتنوح
ومهبط جروح بدليله. العسكري يشكي الجروح
وين من لوعة عذابه.   يشتكي والمن يروح

موحشه الدنيا بأهلها.    ايام مامرت مثلها
بكل صبحها وكل مساها.   ضجت الگاع وسماها
           التاسع اولاد الزچيه
★★★★★
شيَّعَت سامره اهلها.    وَدَعَّت  خير الزمان
الشامل الناس بمحبته. حصن للناس وأمان
عطف واحسان  ومَوَدَّه. وين ما حل يامكان

الناس لوتخفي دمعها.    گلوب يكشفها وضعها
يوم ناحت لابن طه.   ضجت الگاع وسماها
        التاسع اولاد الزچيه
★★★★★
الساطعه الدنيا بوجوده.   تاسع اولاد البتول
طال سامره حزنها.     حزن دايم مايزول
تشكي من حكَّام بيها.   عذبوا آل الرسول

ليش بالسم ليش تالي.  غابت بدور الليالي
موحشه يخنگ هواها.    ضجت الگاع وسماها
        التاسع اولاد الزچيه

الشاعر حسن لعيبي الحريشاوي

سامره مهظومه اليوم   تعلن مصاب الهادي🚩

لاستشهاد الامام علي الهادي عليه السلام
(وزن تجليبه )

حزن ماله نهايه وينتهي نوحي
مصابك سل خناجر تطعن جروحي
تاه الفكر تاه الراي
امامي الهادي يا مولاي
مصابك سل خناجر تطعن جروحي
★★★★★
يا وسفه الخلگ ما انصفوا وياك
تصلح هذا ضدك تلگه صاير ذاك
مايكفي غدرهم  حَزمَّوا دنياك
بالشر حَزمَّوها الماتود ملگاك

الگضه مو اصعب من الجاي
امامي الهادي يا مولاي
مصابك سل خناجر تطعن جروحي
★★★★★
من سادات اهل البيت والحكمه
علي الهادي يبو الطيبات والرحمه
ما ترضى تمر على البشر ظلمه
شانك من يقدره  ورايك يفهمه

خانوا گلبك الوَفَّاي 
امامي الهادي يا مولاي
مصابك سل خناجر تطعن جروحي
★★★★★
بعد المن امامي اتوجه اعتابك
سلطه امعَثَّره وادَّور مصابك
رقابه وحرس ياما وگفوا ابابك
حضروا والهدف يتعَجَل غيابك

هاي الگوم ضدك هاي 
امامي الهادي يا مولاي
اصوابك سل خناجر تطعن جروحي
★★★★★
يا قطب العلم يمدلي كل حاير
امام انت نهار من السمه صادر
سلطة شر يا اول  رادتك آخر
ما تحجب علم مكشوف للناظر

فكرك بالعلم رَوَّاي
امامي الهادي يا مولاي
مصابك سر خناجر تطعن بروحي
★★★★★
السَمَّك وين مجده كل مجد ماله
المعتز ماله عِز المحشر اگباله
بجهنم لاله چاره ومنكسر حاله
ونفس الحال باچر تصبح امثاله

يامن بالحشر حَمَّاي
امام الهادي يا مولاي
مصابك سل خناجر تطعن جروحي

الشاعر حسن لعيبي الحريشاوي

إلَى سَيِّدِي وَأَمَامِي الْعَاشِر الْإِمَامِ
عَلِيٍّ الْهَادِي عَلَيْهِ السَّلَامُ  
(وزن المثلث)

مِنْ اللَّهِ هَذَا الْأَمُرِ     سَيِّدِي طَاعَتَك
اتمنه كُلّ الْعُمْر      ينگضي بِخِدْمَتَك
★★★★★
نُورٍ  مِنْ الْبَارِي  لِلدُّنْيَا  وَأَرْضَهَا
عَلِيّ الْهَادِي طَاعَتَك رَبِّي فُرَضَها
طَاعَتَك مَوْلَاي اِرْفُض مِن رُفَظها
وَكُلّ مَوَدَّة مارعاها ولاحُفَظها

جِبَالٌ مِنْ الصَّبُر     بالمحن مُهجتَك
اتمنه كُلّ الْعُمُر      ينگضي بِخِدْمَتَك
★★★★★
بِخِدْمَتِك مَوْلَاي رَيْت يَطُول عُمْرِي
خادم آٌبِقَه يَنْحَنِي بِالْخِدْمَه  ظَهْرِي
مِنْ سَوَادِ الشَّعْرِ حَدّ ميشيب شَعْري
ياوسيله وَنوُر.   إلَيَّه ابليل گبري

وفوك رَأْسِي تمُر     بِالْحَشْر يمنتَك
اتمنه كُلّ الْعُمْر     ينگضي بِخِدْمَتِك
★★★★★
ياامامي  الْهَادِي   لِلْبَارِي وَسِيلَه
بِدَمْعَه جِيتُك تَصُبّ واعمالي قَلِيلَه
ياطريق الدِّين يانهجه وَسَبِيلَه
وَخَيْر مااگدر . أَوَفِي مِن جَمِيلَه

لوتهل مِنْ جَمُرِ    دمعتي بِحَضْرَتَك
اتمنه كُلّ الْعُمْر     ينگضي بِخِدْمَتِك
★★★★★
بِالْحَشْر حَمَاي لِلنَّاس وَسَلَامَه
لِلْعَجْزِ عَنْه لِسَانَه وشت كَلَامَه
وَكُلّ ذَلِيلٌ هنَاك يشْعر بِالْكَرَامه
مِن الْجَحِيم انْتَه دِرْعٌ يُوْم الْقِيَامَه

مِن الْمَهْد للگبر   سَيِّدِي امحبَّتَك
اتمنه كُلّ الْعُمْر   ينگضي بِخِدْمَتِك
★★★★★
شلون نَار الْحَشْر باچر تحتويني
يَوْم انخاك ودمعتي بِطَرَف عَيْنِي
يَوْم أَتْلَفَّت يَسَارِي وَعَنْ يَمِينِي
أَبَد ماتتركني وَحْدِي كُلّ يَقِينِي

كُلّ كَسْر يَنْجَبُر   يشفه  من نظرتك
اتمنه كُلّ الْعُمْر    ينكضي بِخِدْمَتِك
★★★★★
ياامامي الْعَاشِر وَمِنْ خَيْرِ عِتْرَه
يَبْن طَه وَحَيْدَرَه وَفَاطِمَه الزَّهْرَه
يلگضيت الْعُمْر حَسْرَه بِأَثَر حَسْرَه
أَلَك بِالسَمّ ظالِم أَتَوَجَّه ابغدره

زَلَّه ماتنغفُر         لِلذَّبْح شمعتك
اتمنه كُلّ الْعُمْر  ينگضي بِخِدْمَتِك

الشاعر حسن لعيبي الحريشاوي