#reading

Men hozirda mutolaa qilayotgan “O’yinlar nazariyasi” kitobida qiziq bir satrlarga duch keldim:

“Qit’ada ko’p odamlar hayot - bu o’yin deb o’ylashadi; inglizlar kriketni o’yin deb o’ylashadi. Barcha o’yinlar ham turli ko’nikmalarni talab qiladi. Basketbolda to’pni savatga tushurish, pokerda xotirjam ko’rinishni saqlab turish kabi asosiy ko’nikmalar - bu mahorat toifasi”...

Ha, o’zim shu kunlarda inson lafzi, qarori va hislarini mahorat bilan strategik bo’lmasa-da o’yin qilinishiga guvoh bo’lmoqdaman. Satrlarda demakki haqiqat bor. Mutolada davom etaylikchi, qani.

@mahinsworld

🏆 Bukblogerlar tanlovi final oldi bosqichining so'nggi raundiga marhamat!

7️⃣ - jamoa:

@bookllover
@menbilganhaqiqatlar
@booksworld_BY_GO

📃 Mavzu: Noshirga bir so'zim bor...

📅 Ijodiy ishni topshirish muddati: 20-may, 16:00
✍️ Ijodiy ish eng kamida 300 so'zdan iborat bo'lishi lozim!

6️⃣ - jamoa g'olibi: Ushbu post

🤓 @zukkokitobxon | 958005500

​🎆 Sizlarga ajoyib yangiligimiz bor!

🛒 Endi sizda nashriyotimiz tomonidan chop etilgan kitoblarni eng arzon narxlarda sotib olish imkoni mavjud.

Shunchaki @ZukkoKitobxonAdmin orqali buyurtma berasiz. Biz esa buyurtmalaringizni "Fargo", "BTS", "DPD", "O'zbekiston Pochtasi" kabi kuryerlar orqali tezkor yetkazib beramiz! 🚚

☺️ Uyalmay yozavering. Doimiy mijozlarimiz uchun, albatta, sovg'alarimiz bisyor!

#audiomutolaa

📕 Kitob: Qalbingiz sof bo'lsa, hikoyangiz baxtli yakunlanar (9-qism)
✍️ Muallif: Hakan Mengyuch
🗣 Notiq: Baxtiyor Mo'minov

🎧 1-qism
🎧 2-qism
🎧 3-qism
🎧 4-qism
🎧 5-qism
🎧 6-qism
🎧 7-qism
🎧 8-qism

Kitob narxi - 30 000 so'm

Yetkazib berish xizmati mavjud!

📮 Muroajaat uchun: @ZukkoKitobxonAdmin

📖 Hech bir uchrashuv tasodif emas

📚 "Zukko Kitobxon" - kitobsevarlar uchun!

🦢 "Qora oqqush" yo'lda!

Toshkennda do'konimizda "Ochiq eshiklar kuni"da ko'plab bizni tanigan kitobxonlarimiz va do'stlarimiz qatori Nazarbek ham mehmon bo'ldilar. Bir-birimizni qiziqtirgan mavzularda suhbat qurdik. Xabaringiz bo'lsa Nazarbek Tolib Nasimning "Чёрний лебеди"(qora oqqush) kitobini tarjima qilayotgan edi. Ayni kunlarda tarjimani yakunlab, tahrir uchun nashriyotga topshiribdilar. Yaqin vaqtlar ichida nashrdan chiqib, kitobxonlar etiboriga xavola etilsa ajab emas. Xar xolda ko'pchilik bu kitobni nashrdan chiqishini intizorlik bilan kutmoqda. Shu o'rinda bu kitobni tarjima qilish jarayoni murakkab kechganini takidlab o'tdi.

Undan tashqari Nazarbek bizni @book_talks_uz loyihasini keyingi soniga barchani taklif qilib qoldilar.
Book Talks 22-may kuni Yoshlar ishlari agentligi Yoshlar press klubida bo'lib o'tadi.Tadbir haqida batafsil ma'lumot olish va ro'yxat dan o'tish uchun 👉https://t.me/book_talks_uz/42

#Tanlovga #Guruh7 #Ishtirokchi1

Noshirga bir so'zim bor...

Agar yolg’iz esang, hamdam kitobdur,
Bilim subhidagi nur ham kitobdur.
(Abduraxmon Jomiy)

Ayni damda kitoblarga talab ko'paymoqda. Nashriyotlarda, kichik yoshdagi bolalardan tortib, katta yoshdagi nuroniylar uchun ham kitoblar chop etilyapti. Kundan-kun kitobxonlik rivojlanib bormoqda desak, adashmagan bo'lamiz. Kitoblarga e'tibor qanchalik kuchaygani sari, nashriyotlarning ham soni oshib boryapti. Bu bir tarafdan bizni hursand qilsa, boshqa tarafdan o'ylantirib qo'yadi. Ularning hammasi ham, ishlarini to'laqonli bajarishyaptimi?
Va shu mavzuda noshirlarga iltimosim va takliflarimni aytib o'tmoqchiman.

1. Bolalar uchun kitoblar. Ular o'z olamiga egadirlar. Bolalarning e'tiborlarini tortish uchun, kitoblarni aynan ularning olamiga mos qilib chop etish zarur. Tassavvur qilishga oson, va qiziqarliroq bo'lishi uchun, asardagi bosh qahramonlarning suratlari bo'lishi maqsadga muvofiq. Shuningdek, asar juda uzun bo'lmasligi ham talab etiladi.
Har bir xalqning o'z ertaklari bor. Kichik avlod, shunday asarlarni o'qib ham yaxshilik va yomonlik, savob va gunoh orasidagi farqlarni bilishadi. "Ertaklar- yaxshilikga yetaklar", deb bejizga aytilmagan .Bolalar hayvonlar bilan tasvirlangan ertaklarni ko'proq yoqtirishadi. Multfilm qahramonlarini qatnashtirib ham, ertakni yanada qiziqarli qilish mumkin. Muhimi har bir ertakning oxiri yaxshilik bilan tugashi shart, deb o'ylayman.

2. Maktabdagi darsliklar. Darslikdagi muammolar haqida ko'p gapirilgan. Ulardagi ma'lumotlarning bir-biriga zid kelishi, o'qituvchining rejasi bilan tog'ri kelmasligi, hozirda eskirgan faktlar mavjudligi, ulardagi imloviy xatolar nafaqat o'quvchi balkim, o'qituvchilar orasida ham tushunmovchiliklar keltirib chiqarmoqda.
Bu muammo Senatda ham ko'rib chiqilgan. Va "Darsliklarni birgalikda takomillashtiramiz" shiori ostida tanlovlar e'lon qilingan. Haqiqatdan ham, bu muhokamalardan so'ng ko'plab darsliklar tekshirilib, ulardagi kamchiliklar aniqlanib, yangittan darsliklar chop etildi. Yaqin kelajakda umuman darsliklarda hato va kamchiliklar qolmasligiga umid qilib, noshirlarga murojaat qilaman: "Davlatning kelajagi yoshlar qo'lida, yoshlarning qanday bilim olishi o'qiyotgan kitobi qo'lida, kitobning kamchiliklarsiz chop etilishi esa, sizlarning qo'lingizda. Yurtimiz kelajagi uchun, o'z ishingizni sidqidildan bajaring!"

3. O'smirlar uchun kitoblar. Hozirgi kunda, yoshlar orasida diniy yoki biznesga oid kitoblar keng tarqalmoqda. Shunga yarasha nashriyotlar ham shu mavzudagi kitoblarni ko'proq chop etishyapti. Noshirlardan iltimos qilib qolardimki, kitobni chop etishdan oldin yaxshilab e'tibor bering, sifati mijozlarning pulini oqlarmikin? Afsuski, ba'zida sifatsiz kitoblar ham uchrab turibti. Imlo xatolar, varoqlarning tekis emasligi, kitobning ba'zi betlari yo'qligi, o'qib bo'lmas darajada hiraligi va hokazo kitobxonlarning e'tiroziga sabab bo'lmoqda. Kitoblarning narhlari haqida gapirsak, to'g'ri ilm olish uchun bu arzimagan pullar, ammo, sifatsiz kitoblarni qo'lga olganingizdan so'ng, sarflagan pulingizga achinmay ilojingiz yo'q. Kelajakda bu xatolar bartaraf bo'lib, hamma nashriyot kitoblarning soniga emas, sifatiga ko'proq e'tibor berib chiqarishlaridan umidvorman.

4. Yoshi ulug' insonlar uchun kitoblar. Yoshlarga qancha kitob o'qigani sharoit yaratilib berilayotgan bo'lsa, nuroniy buvi-bobojonlarimiz uchun ham ularga qulay bo'lgan kitoblar yaratish zarur. Hammamizga ayon, yosh o'tgani sari sog'liklarida o'zgarishlar bo'lib, ko'p yoshi ulug' inosonlarning ko'rish qobiliyati pasayadi. Shu sababdan, gazeta yoki boshqa asarlar o'qish, ularga qiyinchilik keltirishi mumkin. Shuning uchun, kitoblarni ularga mos qilib kattaroq shriftlar bilan yozish, maqsadga muvofiq.

Aytiladigan gaplar ko'p, bularning barini amalda ko'rishimizga umid qilib qolamiz.

🤓 @zukkokitobxon

#Tanlovga #Guruh7 #Ishtirokchi3

Noshirga bir so'zim bor

Assalomu alaykum ushbu postni o'qiyotgan barcha kitobsevarlar.

Bu postni nashriyotlardagi noshirlarga rahmat va tashakkur tariqasida hamda, tanqid va o'zgarish qilishlariga umid qilgan holda yozdim.

Hozirgi globallashuv zamonida kitobxonlarga o'zlari istaganidek kitoblarni yetkazib berish ham albatta o'ziga yarasha qiyinchiliklarni talab etadi. Shukrki nashriyotlarimizda talabga yarasha kitoblar soni ham ortib bormoqda. Ayrim qo'pol kamchilik va qo'l uchidagi mehnatlarni aytmasa sezilarli darajada o'zgarishlar bor. Bu kamchiliklarga esa sal keyin to'xtalib noshirlarni po'stagini qoqish niyatidaman.😉 Bundan bir necha yillar avval izlagan kitoblaringizni topish hozirgi vaqtdagidek qulay emas edi. Kitob sanoqli chiqarilgan keyingilari chiqarilguncha esa ancha vaqt o'tib ketgan bo'lardi. Hozir esa izlagan kitobingiz istalgan vaqtda, bir necha nashriyot taqdim etgan holda mavjud.

Xurmatli noshirlar sizlarga aytiladigan bir emas ko'plab gaplar bor. Xato hammada bo'ladi. Lekin bir xatoni qayta-qayta takrorlayverish axmoqgarchilikdan boshqa narsa emas. Etibor berib ko'rganmisiz nashriyotlarimizda so'ngi vaqtlarda nashrdan chiqarilayotgan kitoblarning deyarli 70-80% Turk adabiyoti yozuvchilarining asarlari. Shu o'rinda sizlarga savol "xurmatli, aqlli noshirlar" "yashab turgan dunyoimizda qancha davlatlar bor? Qancha boshqa yurt adabiyoti bor?" Yoki bu dunyo Turk adabiyoti bilan cheklanganmi sizlar uchun? Bu gaplar bilan Turk adabiyotini yerga urish, yomon ko'rsatish niyatida emasman. Tan olish kerak yaxshi, salmoqli asarlari bisyor (bir tiyinga qimmatlari ham, qog'ozlar hayf bo'lgan bunaqalariga essiz). Lekin faqat shu bilan cheklanib qolish qanchalar to'g'ri? Axir hali qo'l urilmagan asarlar, tarjimasini va kitobsevarlari o'qishini kutayotgan durdona kitoblar juda ko'pku. Hayron qolaman nashriyotlarda fors, hind, arab,urdu tilini tarjima qiladiganlar nahot topilmasa. Axir sharq olamida eng mashxur olimlar va yozuvchilar aynan shu yurtlardan chiqqan va chiqmoqda. Ko'rinishi diqqatni tortadigan, lekin ichida oldi qochdi narsalardan boshqa hechnarsa bo'lmagan kitoblarni katta miqdorda ishlab chiqarishadi. Lekin bu kitobdan hech kimga manaviy ozuqa bo'ladigan biror tayinli narsa yo'q. Shu o'rinda noshirlarga savol "nashrdan chiqqan kitoblaringizni opa-singlingiz, aka-ukangiz rafiqangiz yoki farzandingiz o'qiydigan darajada manfaatli va ibratli deb hisoblaysizmi? Chiqargan kitoblaringizni ularga ravo ko'rasizmi barchasini?" Shu savollarni kitob bosmaga tayorlanayotganida o'zingizga berib ko'rasizlarmi? Bu gaplar va savollarni berishga yetarlicha asoslarim bor. Kezi kelganda aytib o'tish kerakki 20- asrda ijod qilgan va o'sha davrda kitoblari chiqqan o'zbek yozuvchilarining ayrim asarlari hozirgidek taraqqiy davrda qayta chiqarilmagan. Ana o'sha 20-asrda chiqarilgani bo'yicha qolib ketgan asarlar borligi achinarli. O'zbek bo'la turib bular sizni qiynamaydimi, o'ylantirmaydimi? Yoki maqsad faqat pulni qurtdek sanashmi?

Chiqarilgan kitoblarning sifati, xato va nuqsonlarini, tarjimasini tekshiradigan nazorat qiladigan insonlar ayrim nashriyotlarda bormikan degan savol meni qiynaydi. Ayrim kitoblarni o'qib buni qaysi "chalasavod" yozdi ekan degan fikr paydo bo'ladi odamda. Bunaqa kitobni chiqargan odamlarni maktabida darsni koridorda o'tgan deyish mumkin. Chunki bir nechtagina xato bo'lsa tushunish mumkin, lekin g'ij-g'ij xatolar va o'zbek tili tugul boshqa tilda ham topilmaydigan so'zlari bor kitoblar ham uchraydi (ko'p). Bundan tashqari kitoblarning muqovalanishidagi ko'r-ko'rona chiqarilgan kitoblarga ham to'xtalish kerak. Tasavvur qiling bir kitobxon kitoblar xarid qilyapti. Arzimagan summaga emas, o'zi istagan ayrim narsalardan qisinib yig'gan puliga oldi deylik kitoblarni. Olgan kitoblari esa ajoyib asarlar lekin uning muqovasi huddi archilgan sabzavotdek varoqlaridan tushib qolsa, 1-2 kunga yetib bormay shunchaki ushlab ko'rgandayoq kitob abgor holga tushib qolsa, kitobxon uchun alamli vaziyat emasmi. O'zingizga ham shuni ravo ko'rgan bo'larmidingiz. Kitob olgan odamda nima ayb kitoblarni yoqtirganimi?

🤓 @zukkokitobxon

​​#taqriz

"Qalbingiz sof bo'lsa, hikoyangiz baxtli yakunlanar"📚
Hakan Menguch

Bu kitob haqida taqriz yozishdan oldin ko'p o'yladim, miyyamda so'zlar ko'p lekin munosiblarini tanlab saralab yig'ib jumla yaratishim kerak edi...
Hakan Menguchning so'z boyligiga qoyil qolmasdan iloj yo'q. Kitobning ilk sahifalarida Hakaning yangi sayohati haqida so'z boradi. Afrikalik bir so'fiy bilan nay tufayli tanishib qolishadi va undan keyin esa hikoyalar ketma-ketligi boshlanadi. Asar falsafiy va psixologik janrda yozilgan. Inson o'zligini anglash, o'zini va o'zgalarni sevish, orzu qilish va armonlardan xalos bo'lish, yiqilish va ayni yiqilgan joydan xarakatga tushish, eng kuchli ayollar qanday bo'ladi? Erkaklar qanday ayollarni sevadi? Erkaklar nega aqlli ayollardan ko'ra "tarbiya qilib olaman" jumlasiga ishonib oddiy ayollarni tanlaydi? Ayollar o'zini qachon baxtli his qiladi? Baxtli juftlik degani aslida nima? Baxt kimda? Dardning davosi, dard ichidami? Shu kabi barchani doim o'ylantirib qo'yadigan mavzularda keng fikrlar va qisqa hikoyalar kitob ichidan joy olgan.
Eng muhimi kitobda ideallik tushunchasi yo'q. Kitobda yozilganidek)
-Men chiroyli aqlli go'zal yetuk ayolni izladim, uni topdim unga ko'nglimni ham ochdim. Ammo u ham o'ziga o'xshagan yetuk ideal erkakni izlayotgan edi va bu erkak men emas edim)

Inson bolasining istaklari juda ko'p...Lekin siz istaganingizga shu qadar talpinasizki, uning istagani balki men emasdirman degan fikr hayolingizni bir chetiga ham kelmaydi. Hammaning o'z istaklari va orzulari mavjud. Siz o'zingizga berilgan narsadan ortig'ini qo'lga kirita olmaysiz. Bu hayotning o'zgarmas qonuni.
Bu haqida kitobdan keng tushunchalarni o'rgandim. Va shu joyida o'zimdan ham qisqa bir fikrlarni qo'shib ketmoqchiman. "Yigitlar doim aqlli o'qimishli farosatli va har tomonlama ideal qizni izlaydi, topadi ham deylik) lekin u qiz unga o'zi kutgandek javobni qaytarmaydi. Rad etadi. Nega? Negaki, inson o'z ahvolini o'z holini o'nglamasa, o'z aqlini o'z ilmini oshirmasa, tabiiyki o'zidan balanddagi inson bilan baribir fikrlari bir nuqtada kesishmaydi."
Aqlli qizlar fikrlash doirasi keng ayollarni hayron qoldirish ham xech qachon oson kechmaydi. Bundan keyin esa shunchaki voz kechib harakat qilmaydigan erkaklar yutqizadi.

Kitobda aytilganidek Amerika prezidentlarining biri o'z ayoli bilan bir kuni oddiy kafega tushlikka borishibdi. Kafe egasi prezidentning xotini bilan alohida gaplashishni iltimos qilibdi. Ayol rozi bo'libdi. Qisqa suhbatdan so'ng ayol qaytibdi. Shunda uning eri unga shunday debdi:
-Ko'ryapsanmi agar menga turmushga chiqmaganingda, shu oddiy kafe egasining xotini bo'lgan bo'larding)
Ayol jilmayib javob beribdi:
-Agar siz menga uylanmaganingizda shu kafe egasi u emas siz bo'lardingiz!
U esa yonimda prezident bo'lardi.

Har bir muvaffaqiyatli erkak ortida bitta ayol turadi.
Kitobni tavsiya qilaman buni bilasizlar, tezroq olib o'qib menga o'z fikrlaringizni yozib qoldiring kutaman 😊

@diaryfarangiz 📚

​📖 Dastlab Muhammad (s.a.v.)ning ashaddiy raqiblaridan boʻlib, ayniqsa, musulmonlar jamoasi uchun muvaffaqiyatsiz tugagan Uhud jangida alohida xizmat koʻrsatgan, biroq, Rasululloh s.a.v.ning qarindoshlari boʻlgan Maymunaga uylanganlaridan soʻng, islomni qabul qilib musulmonlarning eng jasur sarkardalaridan biriga aylangan, Suriya (Shom)dagi Muʼta jangidan soʻng "Sayfulloh" ("Allohning qilichi") faxriy nomini olgan buyuk tarixiy shaxs haqida ajoyib asar o'qishni istaysizmi?

Paygʻambar vafotlaridan keyin soxta paygʻambar Musaylima izdoshlarini shafqatsiz jazolagan, 633-yili Qodisiya jangida forslarni yenggan, 635-yili Damashqni egallagan, 636-yili Vizantiya imperatori Xerakliy (Irakliy) qoʻshinlarini Yarmuk jangida yengib, Falastin va Suriya (Shom)ni zabt qilgan, Hims shahrida vafot etgan Xolid Ibn Validning nurli hayot yo'lida haqida hikoya qiluvchi ushbu asar sizda bir olam taasurot qoldirishi shubhasiz!

📕 Muqova - qattiq;
📑 Sahifa - 478 bet;

🚚 Qo'shimcha ma'lumot va buyurtmalar uchun: @ZukkoKitobxonAdmin

🤓 @zukkokitobxon | 958005500

#audiomutolaa

📕 Kitob: Qalbingiz sof bo'lsa, hikoyangiz baxtli yakunlanar (10-qism)
✍️ Muallif: Hakan Mengyuch
🗣 Notiq: Baxtiyor Mo'minov

🎧 1-qism
🎧 2-qism
🎧 3-qism
🎧 4-qism
🎧 5-qism
🎧 6-qism
🎧 7-qism
🎧 8-qism
🎧 9-qism

Kitob narxi - 30 000 so'm

Yetkazib berish xizmati mavjud!

📮 Muroajaat uchun: @ZukkoKitobxonAdmin

📖 Hech bir uchrashuv tasodif emas

🤓 @zukkokitobxon | 958005500

​#KitobdanParcha

📖 Maksim Kotinning "Botaniklar ham biznes qiladi" kitobi biznes va uning asoslariga yangicha qarash kashf etadi. Bu kitobni oʼqigan koʼpchilik odamlar oʼz biznesini ochish toʼgʼrisida qarorni hech bir ikkilanishsiz qabul qilishi mumkin. Bu biznes konseptsiyasini qurish boʼyicha oddiy qoʼllanma emas, yoʼq. Bu ichki dunyoni oʼzgartirib yuboradigan kitob.

Kunlarning birida bosh qahramon Fedor Ovchinnikov oʼz biznesini ochishni qaror qiladi. U oligarx yoki boy ota-onaning oʼgʼli emas. Fedor – yuksak orzuga ega idealist, u orzusi uchun oxirigacha kurashishga tayyor bolgan oddiy bir yigit.

U oʼz doʼkonini faoliyatini yo'lga qo'yibgina qolmay, keyinchalik butun bir tarmoqni ishga tushiradi, bor kuchi bilan oʼz biznesini rivojlantiradi, kechayu-kunduz ishlaydi va oʼzini butunlay biznesga bagʼishlaydi. Uning omad kaliti oddiy - samimiylik va ochiqlik. Fedor uch yillik tinimsiz mehnatidan soʼng, kitob biznesini tark etadi. Аmmo u butunlay boshqacha odamga aylanadi! Endi u oʼz ishidan zavqlanib, ajoyib gʼoyalar yaratishga va ularni hayotga tatbiq etishga qodir inson!

Kitob davomida oʼquvchi Fedorga hamdard boʼlib, u bilan birga kuladi. Bu esa asarning diqqatga sazovor ajoyib asarlardan biri ekanligiga sabab bo'la oladi.

📓 Kitobni biznes sohasiga qiziqqan barchaga o'qish tavsiya etiladi!

🚚 Arzon narxda buyurtmalar uchun: @ZukkoKitobxonAdmin

🤓 @zukkokitobxon | 958005500

#KunIqtibosi

“Rahbar uchun eng muhim fazilatlar -
bu kamtarlik, hokimiyatni bo’lishishga
tayyorlik; insoflilik, odamlar, qadriyatlar
va tashkilot vazifalariga samimiy
muhabbat hisoblanadi.”

📖 Dennis Bakke. “Quvonch baxsh etadigan ish”

🤓 @zukkokitobxon | 958005500 | Buyurtmalar uchun

​​#book_review

“The art of strategy: A game theorist’s guide to success in business and life” kitobini o’qishni ancha reja qildim. Hech ingliz tilidagisini Amazonda in stock (sotuvda) ko’rmadim. Shunda qarasam o’zbek tilida ham bor ekan.

“O’yinlar nazariyasi” Barri Neylbaff va Avinash Diksit tomonidan yozilgan. Kitob juda katta - 708 bet.

Kitob 3 qismdan iborat. O’yin nazariyasi strategik va bosqichma-bosqich fikrlash bo’lib, sizning opponentingizning keyingi harakatlarini oldindan bilish san’atidir. O’yin nazariyasining qismidan biri common senseni rivojlantirish, dunyoqarash va dunyoni yangi ko’z hamda rivojlanish nazari bilan ko’rishdir.

Muammolarni sabablarini strategiyalab, birlashtirish va yo’naltirishni tahlil qiladi.

Mualliflar o’yin nazariyasini mutaxassis bo’lmaganlar uchun juda oddiy va sodda bayon etishga harakat qilgan. Kitob qiyin, lekin o’qib ko’rishga arziydi. Sekin-sekin qiyin ilmiy kitoblarni ham o’qishni boshlayverish kerak. Qachongacha yengil-yelpi kitoblar o’qiymiz.

Kitobdan o’zimga yoqqan fragmentlar bilan bo’lishmoqchiman:

“Qit’ada ko’p odamlar hayot - bu o’yin deb o’ylashadi; inglizlar kriketni o’yin deb o’ylashadi. Barcha o’yinlar ham turli ko’nikmalarni talab qiladi. Basketbolda to’pni savatga tushurish, pokerda xotirjam ko’rinishni saqlab turish kabi asosiy ko’nikmalar - bu mahorat toifasi”...

“Agar sizda domimant strategiya bo’lsa, qabul qiling”

“Agar siz birinchi o’rinda bo’lsangiz va joyingizni saqlab qolmoqchi bo’lsangiz, u holda o’zingizdan keyingining harakatlarini qaytaring”.

@mahinsworld

#audiomutolaa

📕 Kitob: Qalbingiz sof bo'lsa, hikoyangiz baxtli yakunlanar (11-qism)
✍️ Muallif: Hakan Mengyuch
🗣 Notiq: Baxtiyor Mo'minov

🎧 1-qism
🎧 2-qism
🎧 3-qism
🎧 4-qism
🎧 5-qism
🎧 6-qism
🎧 7-qism
🎧 8-qism
🎧 9-qism
🎧 10-qism

Kitob narxi - 30 000 so'm

Yetkazib berish xizmati mavjud!

📮 Muroajaat uchun: @ZukkoKitobxonAdmin

📖 Hech bir uchrashuv tasodif emas

🤓 @zukkokitobxon | 958005500

​#YangiNashr

📕 "Oʼzingga mehr ila"

Ushbu kitob oʼziga befarq boʼlmaganlar uchun. Uzoq vaqt mobaynida oʼzining istaklarini anglamagan va eʼtiborsiz qoldirganlar uchun. Oʼzining his-tuygʼularini yashirgan, oʼzining mavjudligini qabul qilmagan va oʼzining betakror jihatlarini nima ekanini bilmagan, ammo bugun oʼz-oʼziga doʼst boʼlishni istagan har bir kishi uchun.

🗣"Аgar kutubxonamda insonning oʼziga boʼlgan mehri haqida birgina kitobni qoldirishimga toʼgʼri kelganida, men chuqur maʼnoli, taʼsirli va haqiqatga toʼla boʼlgan aynan ushbu kitobni tanlagan boʼlardim".

©️ Tatyana Mujitskaya. Psixolog, "Menga hech narsa mumkin emas" va "Аql bovar qilmas hodisalar nazariyasi" asarlarining muallifi

💸 Kitob narxi; 37 000 so'm

🚚 Buyurtmalar uchun: @ZukkoKitobxonAdmin

🤓 @zukkokitobxon | 958005500