‏استعمل هذا الرابط للانضمام إلى مجموعتي في واتساب: https://chat.whatsapp.com/D0FJhWRQvG0DUqRN0OEHTb

#فتاة_الظلام30:
بقلم فلورا 🤍🎇


بجهه هبه كانت ماشه تجيب مويه ولمن مرت بغرفه بسام و فجاءه سمعتهو بتكلم بصوت عالي
بسام :انت اخ قايل نفسك يعني!؟
اسمعني قلت ليك بحولهم ليك.بعد اضمن انك م ح تأذي هبه....بسمع ف الطرف التاني .....اسمع م انت البتهددني تمام .....
كانت فاتحه عيونها بذهول :يعني ناصر عايز يبيعني ؟بالبساطه دي هاينه عليه و م بهمو امري!؟. بعدين ود الناس ده م مجبور يعمل كده
وقفت شويه و ضربت باب غرفتو بعد م اتاكدت انو قفل التلفون
بسام: اتفضل
فتحت الباب
بسام:هبه! اهلا
هبه و هي واقفة ف الباب: معليش ازعجتك بس عايزه اتكلم معاك ف موضوع إذا ممكن
بسام:ممكن اتفضلي
هبه:هنا!؟؟
بسام:اوك أرح الحديقه

&ريم
ريم:م فاهمه ممكن توضح ؟؟كيف و لعنه شنو؟
خالد:يعني النحن فيه ده م لعنه؟+أنا متأكد ح نلقى الجواب ف المخزن ده
ريم:شنو الخلاك متأكد للدرجه دي؟
خالد:ح تجاوبك ي ريم بس هسه لازم افتحو .فكري ممكن وين يكون المفتاح
ريم و هي بتفكر :مممم عرفتا
خالد:وين؟؟
ريم:غرفه جدو الله يرحمو
عاين ليها وهو بفحط:طيب منظرين شنو أرح نشوف
ريم:براحه الناس نايمه
و الاتنين مشو غرفه جدهم الفي الطابق الثاني .دخلو
خالد:فتشي ف المكتبه و أنا بفتش ف الإدراج دي
ريم:طيب
بعد عشره دقايق
خالد:م لقيتيهو ؟
ريم بإحباط و هي بتعاين ف الارض :لا و انت م لقيتو صح
هز راسو .ريم:ي الله .و فجاءه ركزت على حاجه بتلمع ملصقه ف الفرشه دنقرت تشوفها لقت مفتاح مخيط ف الفرشه
ريم:لا حول ولا قوه الا بالله وحسبي الله ونعم الوكيل
خالد:مالك ي بت
ريم:عند موس و لا حاجه حاده
خالد:لا ف شنو؟
ريم و هي بتزح الفرو بتاح الفرشه:شكلو جدو مخبي شي ف المخزن ده.
خالد:ده المفتاح صح؟. (بس دقيقه أنا الغباء ده م بنفع معاي أنا لو مكان ريم كنت كشطو كف م ظاهر انو مفتاح ح تكون مطوة🙂)
ريم:يس
_
ف الحديقه
بسام:سامعك
هبه و هي بتفرك يدينها من التوتر و البرد ف نفس الوقت:عايزة ارجع بيتنا
بسام:نععم؟كيف ترجعي بيتكم؟
هبه:ناصر ف النهايه اخوي يعني م ح يقتلني بعدين أنا ح اقعد هنا لمتين
بسام:الخلاك تقرري كده شنو هسه؟ناصر اتكلم معاك؟
هبه: لا لا بس أنا عايزة ارجع
بسام:إذا رجعتي بيتكم متأكد ح تطلعي جنازه
هبه ضحكت بتوتر:م للدرجه دي
بسام و هو بعاين ليها: م ح اخليك ترجعي
هبه نزلت راسها و بقت تعاين ف يدها:لي يعني!بسام هو اخوي
لازال يعاين ليها لمن نطقت اسمو عيونو لمعو هل اسمو حلو و لا هي القالتو بطريقه حلوه!💜(لا هو اصلا حلو🦦)
بسام:للمره التانيه الخلاك تقولي فجأة كده شنو.
هبه:م صح اخوي قاعد و امشي اقعد مع ناس تانين و بعدين كفاية متقله عليكم
بسام:اسي ف زول قال ليك انتي متقله علينا؟
هبه:أنا إذا رجعت برتاح
بسام:انتي لي عنيده كده
هبه ابتسمت: معليش
بسام:متاكده
هبه:اي
بسام:إذا حصل ليك حاجه؟
هبه:م ح يحصل
بسام عاين للسماء: استغفر الله طيب بس اذا عمل ليك شي ترجعي تمام؟
هبه:تمام.

_
ريم:فتح
خالد: اي و اخيررا
فتحو الفلاشات و دخلو المخزن وكان مضلم ف تحت زي سلم تاني زي اربعه عتبات
خالد:براحه م تقعي
ريم وهي بتكح:لا حولا ده ليه دهر م انفتح
بقو بفتشو على دليل .
ريم:خالد عان الخزنه دي
حاول يفتحها م فتحت :اها دي مفتاحها ح يكون وين ؟
ريم: استغفر الله..
خالد:انا ح اشيلها معاي و احاول فيها.
ريم:تقيله لكن!
خالد. و هو برفع فيها :يعني م شديد
ريم:اساعدك؟
خالد:لا لا بس افتحي لي الباب
ريم جرت باتجاه الباب عشان تفتحو اتخلعت لما سمعت صوت بسام و هو بتناقش مع هبه
ريم بخفوت:م لقيتو مكان للنقاش إلا هنا
خالد:ف شنو؟
ريم بصوت واطي: بسام و هبه جنب الباب
خالد:يا الله
ريم:و الحل؟!
خالد:ح تقعد لحدي م يمشو
ريم عاينت حوليها ف المكان و كان فيه حاجات قديمه و مغبره و مليان عناكب
ريم:المكان مخيف
كان بعاين وراها و هي كانت لسه بتتفحص المكان
خالد:ريم
ريم:اها
خالد:بتخافي من الفيران ؟
ريم: اموت و لا اشوف لي فار
خالد لله ريقو :تمام
ريم :لي؟
كانت عايزه تقبل بس بسرعه جراها لما الفار كان جاي عليها.(مششششششم)
كانت عايزه تصرخ بس. بسرعه ختا يدو ف خشمها
خالد؛:براحه م تصرخي ح يسمعونا تمام
هزت راسها ..و زح يدو و اول م زحاها
ريم ركبت فوق العتبه و هو اداها ضهرو بقت تشد ف تشيرتتو:وااي اكتلو اكتلو ي خالد
خالد و هو بحاول يكتم الضحكه: تمام تمام اهدي هو فار م ديناصور😂
خبتتو ف ضهرو :م في شي بضحك😒
خالد:آسف خلاص امشي شوفي الف الباب ديل مشو
ريم بقت تمشي باطراف اصابعها و وقفت جنب الباب م سمعت شي فتحتهو بسيط م لقت زول مشت ليهو:مافي زول
خالد:الحمد لله
مشو براحه و خالد ماسك الخزنه م كانت كبيره شديد بس تقيله شويه .دخلها عرفتو و ريم من هابلتها لسه ماشه الباب . وقف جنب الباب و قال و هو رافع حاجبو:تحبي تدخليكانت عايزه تخبتو بس هو قفل الباب .ف نفس اللحظه ابتسمو سوا (طبعا اكيد انا م هنديه بس مشوها لي🦦)

دخلت الغرفه براحه شافتهم لقت خلود و ليت نايمات ختت يدها ف قلبها و طلعت نفس : اوه الحمد لله
اترمت ف السرير و بقت تفكر
ريم:"ي ربي الخزنه ح يكون فيها شنو؟ح نتخلص من مشكلتنا دي "فجاء ابتسمت لما اتذكرتك خالد مسكت المخده شديد و نامت بسلام ..

#يتبع
#فلورا💜

#فتاة_الظلام31:
بقلم فلورا 🤍

في واحد من مقاهي الخرطوم زفرت بقوه و هي بتتكلم بزهج :اسمع ي ناصر انت بتغش علي يعني وين القروش القلت لي ح تجيك من ورا هبه؟
ناصر:ولله هو قال لي ح يديني ليها الاحد
ضحكت بسخريه:ولله هو قال و انت زي الاهبل صدقتو لازم تضغطو
ناصر:اعمل شنو يعني اجرو من شعرو ولا كيف
جيهان:اضرب ليه و قول ليه ح تديهو الليله بس اذا م جابها ح تسوق هبه
ناصر:ح يجيب نتيجه تفتكري
جيهان:اكيد بعدين انت المهددو م هو
طلع التلفون من جيبو و اتصل لبسام
جيهان:افتح الاسبيكر
بعد ٤ اجراس بسام رد
ناصر:اسمعني هنا م أنا البتغشى بكلام الليله القروش جبتها تمام م جبتها ح اجي اجر هبه من بيتكم و انت عارف الح يحصل
بسام:تعال
ناصر:شنو!؟
بسام:سمعت القلتو تعال البيت
ناصر:اعمل شنو ف بيتكم ؟
بسام؛مش قلت عايز اختك تعال البيت وسوقها
جيهان عاينت ليهو احساس ده شنو
ناصر:انت بتلعب معاي و لا شنو اذا جيت ح اطربق الدنيا فوق راسكم
بسام:م انا البتهدد و البتعملو اعملو ...وطق قفل الخط.. ناصر خبت قزازة المويه في الارض بقوة
جيهان: ممكن افهم ده شنو؟انت كنت بتستغباني و لا شنو.مش قلت انو الراجل خايف و اتوسلك عشان م تضرب هبه و قال ح يديك مقابل كده ٩٠٠الف م ظاهر
ناصر رمى الحساب و قال:ارح مش عايز الدنيا تقوم ف بيتم انا ح اقومها.
جيهان لوت خشمها .ومشت وراه .

&ريم 9:00
صحيت ح صوت المنبه و هو بكورك كنت عايزه اقفلو بس اتذكرت الليلة عندي جامعه🙂.جريت سرعه سرعه و جهزت المحاضرة كانت 10 و الجامعه من بيت جدو بعيده .اسي لولا ناس خالو ح يقعدو شهر تاني احساس مشتاقين للسودان ولي تراب الوطن المجيد .غايتو .شلت مفتاح العربيه و لا زول كان صاحي دورت و جريت جري لولا ستر الله كان اسي انا ف الحوادث لكن دي محاضره عبدو لو فوت محاضره واحد بنذرك و التانيه كان عملت السبعه وزمتها م تدخل ليه محاضره و العجب كان اتأخرت الله قال بقولك كان جات امو من الترب م بدخلها .غايتو الله يخارجو منننا 🙂🙂

اول م وصلت الجامعه لقيت عمر و سوزي خالطين يخلطهم الهم اسي ده جو حب و عولاق😒
لبعت سوزي .:سوزي الله يرحم زمن كانو بضربو لي من 6ص عشان اجي اسي ولا مكالمه ي معفنه م ضربتيها لي 🙂
عمرو:هوي م تضربي لي مرتي دي تاني
ريم:يمرمروك في التراب شاحده الله
سوزي:لا حولا من الدعا بس التقول مولوده مع عجايز
ريم:م ده الحاصل 😃
عمرو:اها خير مالك جايانا من صباح الرحمن
ريم:جامعه ابوك و انا م عارفه لا سمح الله ان شاء الله ابيت فيها+انا يكلب تقفل ف وشي و تكلموني قبل الخطوبه بيوم اللوم م عليك على المعفه الجنبك دي صحبه حبش بس🙂
عمرو:م انتي قليله ادب لكن 😂+ اساسا الذله اللقيتها منك سبب كافي يخليني اقفل ف وشك الخط و انكرك حطب كمان.
ريم:تف عليكم 😪
سوزي:خلاص ها .ارح بعد ده عبدو بخش القاعه
ريم:اي م كملتي الونسه بعد كده عشان كده نمشي .
سوزي عاينت لي من فوق لتحت .
ودخلنا لعبدووو..


&خالد
صحيت زي الساعه 11كده نزلت ع اساس اجيب لي سكين افتح بيها الخزنه و انادي ريم تجي تشوف معاي الفيها شنو .بس لما نزلت م لقيتها لا ف الصاله مع الناس و لا ف المطبخ
خالد:غريبه.
بسام:شنو الغريب😀
اتلفت واري بخلعه:بسم الله خلعتني
بسام:معلش م قلت لي شنو الغريب
خالد :ماف حاجه
بسام:اممممم بتحب من وراي ي زول الايام دي م عاجبني نهائي اليوم كلو سرحان.
خالد طق إتذكر ريم و ابتسم .
بسام:الله الله كمان معاها بسمات من الصباح لالا شكلك واقع ي ابن الخاله🤣
خالد رجع لوعيو:,هي حب شنو كمانن انا بتاع الكلام ده‍
بسام خت يدو ف كتف خالد:السرحان ده عرض لحاجتين العين و الحب و من بسمتك دي يبقى حب😉
خالد ضحك :,عادي يمكن سرحان بفكر ف الشغل
بسام:م علي انا الكلام ده🤣
خالد لف عيونو و سكت
بسام بقت تعابير وشو جاده و قال لخالد :اسمعني عايز اقول ليك حاجه
فجاة سمعو صوت زول بضرب ف الباب الخلفي بقوة
بسام غمض عيونو و قال: دي الحاجه.


&ريم
ريم و هي شايله السندويش: م عارفه ولله مرات بستلطفو مرات بقول اخبتو بالحيطه
سوزي:ده م استلطاف يختي ده حب عديل 😏
ريم:يحبك مجنون ان شاء الله
سوزي: غايتو
ريم و هي سرحانه:ياخ ولله بس مواقفو اغلبها حلوة حلوة .انتي عارفه امبارح من الحماقه كنت ح ادخل وراهو غرفتو😂😂
سوزي:قولي ولله 😳
ريم: والله جد 😂
سوزي:م بسآلك ي صحبتي صحي هبله😂
ريم:ياخ هو كيوت كده 🥺
سوزي:لا انتي حبيتيهو يختي😏
ريم:م عارفه يااخ
سوزي:ياخ كان عرستو ح تكونو حلوين حلا❤️‍🔥🙊
ريم:😒😒
سوزي:جااده انا تخيلي كده تعرسو او بالاحرى اتخيلي تعرسي خالد السمح ده و تصحي كل يوم على خلقتو دي براها رهابه😭❤️

ريم:ان شاء الله عمرو يسمعك😂
سوزي:بري كلهم كوم و عمري ده كوم براهو ده واحد ف ال1000 راجل 🙈❤️
ريم:, حكم.
سرحت بخيالي و اتخيلت لو عرسنا كيف ح نكون .و اتخيلت حاجات كتيره تاني نفضت الافكار دي من راسي البخليني اعرس المتخلف ده شنو .& بسام
خالد :ف شنو ي بسام و ده منو البدق ف الباب ده ؟
بسام:اخو هبه ضرب و قلت ليه تعال البيت بشرح ليك بعدين
خالد:الجابو شنو (انت م قالو ليك بشرحو ليك بعدين 🙂)
بسام:بعدين بعدين اسي اسرع قبل م الجوا ينتبهو .
خالد :طيب
بسرعه اتوجهو للباب الخلفي كان و اقف ناصر و عيونو شرار من الغضب
ناصر:انت بتغشني انا قايلني عوير و لا اهبل انت .
بسام:وطي صوتك اول
ناصر:م بوطيهو .بعدين انت م قدر الحاجه بتقولها مالك .
بسام؛انت مش قلت عايز اختك اسي عايز ارجعها ليك في شنو كمان.
ناصر:قلت ليك خليها و اديني القروش
خالد عاين ليه باحتقار :بايع اختك عشان قروش انت اسي قايل روحك راجل مع الرجال و اختكم قادر تحميها من نفسك
ناصر:قصدك شنو يعني انا م راجل خليت ليك الرجوله انت ي ¥¥¥
خالد:احترم نفسك عشان م اجي اديك كف يجيب اجلك
ناصر:تعال كان بتقدر
كان خالد ح يمشي بس بسام مسكو
خالد بغضب:خليني ليه الكلب ده
بسام:كلب على روحو روق انت.
بسام اتلفت ع ناصر ؛:اسمعني انا ح اديك هبه بس لو سمعت انك ضربتها م ح ارحمك
ناصر:انت بتهدد ف منو؟ قايلني بخاف منك و لا شنو كمان امشي جيب هبه و إلا ادخل اجيبها انا
بسام قرب منو و ابتسم :انا بهدد فيك م في غيرك و إتذكر لورقه الوقعتها ديك .
ناص:يعني فيها شنو غشيت علي ف القروش و بس
بسام:لا ي صحبي م كده الورقه ديك كانت تعهد انك م تٱذي هبه و إذا اذيتها ح تتحبس ي حلو
ناصر بخلعه:تعهد شنو انا وقعت عشان قلت لي دي ح تكون ضمان لي من البنك عشان اشيل القروش بآسمك
بسام:بس هي م كده 😉
ناصر و هو بمسكو من قميصو :الله ياخدك ي كلب بتغش علي انا ولله م اخليك.
خالد جرا و فكا منو يد ناصر منو
جات هبه الكانت مراقبه الكلام ده كلو من البلكونه بس م سامعه هم بتكلمو ف شنو
ناصر جرا و مسكها من يدها:كل المصايب دي بسببك الله ياخدك .
بسام :نحنا قلنا شنو عن الورقه ي مان😉
نزل يدو و عاين لاختو بزهج:طيري قدامي
بسام:اسمعي ي هبله لو اذآك كلميني تمام
هزت راسها و مشت ورا اخوها الهايج...


في نهايه اليوم كانو ريم و خالد ف السطوح كان خالد شايل سكين صغره بحاول يفتح الخزنه .بيها
ريم :لسه
خالد و هو بضغط بقوة ع مكان المفتاح :قرب .
بعد مسافه م كبيره طق فتحت الخزنه ابتسم خالد و زفر :و اخيرا
ريم صفقت بحماس .فتحها لقا فيها بس جواب مقفل بشمع .عاين ليه خالد و هو بقلبو ف يدو مان فيه عنوان بوراه"الى الذين تشابههو".فتحو و كانت الرساله الفيه كالاتي:
"يحكى ان هناك من اصابتهم اللعنه في هذه العائله و سوف تصيب احد احفاده او إثنين غير معروف و هناك حل واحد في هذه الحاله إن على الذين اصابتهم هذه اللعنه الزواج لكي تنحل عنهم "
خالد و ريم عاينو لبعض بخلعه ..

#يتبع
#فلورا ❤️‍🔥

#فتاة_الظلام32:
بقلم فلورا💤

ب جهه هبه اثناء م بترتب حاجاتها ف الدولاب .لقت ظرف .استغربت لانو اول مره تشوفو قلبتهو ف يدها .
هبه :دا شنو كمان
فتحتو لقت فيه قروش كتيره و ورقه صغيره سالتها و قرت محتواها . "هبه .خليك قويه و م تدي لزول فرصه انو يآذيك او يمسك بآذى .دافعي عن نفسك و م تسمحي لزول انو يضايقك سواء اخوك او خطيبتو او غيرو .و اتأكدي انك م براك اذا حصل ليك اي شي اتصلي علي و م تخافي و كوني بخير...بسام"
ابتسمت بلا وعي و هي بتعيد الرساله دي مره و اتنين و تلاته .او مره تحس باهتمام .اول مره تشعر انو ف زول بهمو امرها ..ختت يدها ف قلبها عسى و لعل دقات قلبها تهدا ...دست الظرف تحت الفراش لما سمعت صوت باب الحوش بفتح عرفت انو ده ح يكون ناصر .
هبه بخفوت:اصلا استحاله اليوم يعدي كده سليم. .لكن تاني م ح اسمح ليه يضايقني.الحمد لله ع رساله بسام الصحتني
.جا من بعيد و هو بكورك .:هبه انتي ي زفتته وينك
هبه :استغفر الله. رفعت صوتها :؛اهاا جايه.
طلعت ليه .
ناصر:انا بكورك لي ساعه طرتي وين
هبه ببرود:م سمعت
عاين ليها بطرف عينو و هو بقلع الجزمه:الاكل جاهز
هبه:ثواني اختو ليك .
و مشت ع المطبخ ..اثناء م هي بتسخن ف الاكل اتذكرت بسام و سرحت فيهو بقت تقول بينها و بين نفسها ياخ بسام ده سمح سماحه مرتو بختها بيهو و زايد السماحه شهامه غايتو الله يحفظو ل اهلو .. و اتذكرت لما كان يوم ريم جاها التهاب و هي كانت قاعده معاهم الطريقه الكان بهتم بيها لاختو
#فلاش_باك
بسام:ريم ح تاكلي و لا اكلك انا
ريم:مااا عايزه ياخ
بسام:م ضروي تعوزي لازم تتغذي عشان تعوضي .
ريم:بسام اعوض شنو انا عملو لي عمليه م التهاب بجي لكل الشعب و اي مواطن 🙄
بسام م إشتغل بيها و حشر ليها ملعقه الشوربه ف خشمها .
ريم:ياااخ... قاطعها :اشربي الشوربه دي تاني م بسالك لحدي العصر .
عاينت للساعه : العصر!!فضل ليه نص ساعه ي حبيب
بسام:يااخ ي ريم عليك الله م تعاندي و اكلي
ريم:خلاص خلاص .م تبكي فينا🙄
بسام:😒😒😒ابكي عشانك انتي
ريم: عليك الله امش شوف شكلك وتعال
نكش ليها شعرها و قال:امش و اجي القاك كملتيها
ريم:حااضر
بسام: يحضر ليك الخير✨
ريم: اخجلني🙈🙈

#باك
ناصر:هوي ها .
لا رد
طقطق اصابعو :ي بت انا لي ساعه بتكلم معاك
هبه انتبهت:ها
ناصر: هوا تقدك ان شاء الله
م اشتغلت بيهو
ناصر:بلا يخمك حرقتي الاكل . ..مسكها من شعرها و كان عايز يضربها كف مسكت يدو و نفضتها :انت م بتتعب؟يدك دي من الضرب م بتوجعك .م باقي زول تتراجل عليهو غيري .اسمعني ي ناصر دي آخر مره تمد يدك علي .و لعلمك اذا عملتها ح اضرب لعمي عثمان و انت عارف اذا كلمتو بعمايلك ح يعمل شنو و اولهم ح يفركش خطوبتك من جيهان الطاير بيها دي .(ينصر دينك.. فينك ي بسام من زمان👍💃)
ناصر:قلتي شنو عيدي عيدي شايفك من م مشيتي للجماعه ديلك حالك اتبدل .... مسك شعرها تاني و قال :انتي بتهدديني انا . ..... كان عايز يضربها بس مسك نفسو لما قالت.:عمي احتمال يكون رحيم عليك لكن الشرطه لا ..

بيت جيهان (الشحروره🦦)
عثمان :جيهان انتي ناصر ده جاي يتم العرس ده متين . الموضوع ده طول شديد و الناس بدو يتكلمو
جيهان؛:م انت عارف ي ابوي شغلو م مستقر يوم إشتغل و تلاته لا اسي قال عندو قروش جايهو و ح يتم بيهم العرس لكن م حدد متين
عثمان:لكن متين (هي م قالت م حدد شنو العباطه😐).انتو ليكم قريب التلاته سنين مخطوبين .و الموضوع ده زاد عن حدو كتير و الناس اكلو وشنا بالكلام .انا ح اضرب ليه اقول ليه عجل الموضوع ده وشال التلفون
جيهان بسرعه مسكت التلفون:لا لا ي ابوي
عثمان:مالك يا بت
جيهان و هي بتحاول تدارك الموقف :قصدي هو تلفونو ليه يومين رايح شكلو نساه ف المواصلات
عثمان:طيب ع العموم العرس ده لازم يتم ف حدود الشهر الجاي هو م لعب عيال ده عرس
جيهان: حاضر
.جيهان بعد ابوها مشى قالت بخفوت"آخر الزمن اعرس ناصر ولله لو انطبقت الارض م اعرسو .اسي لو م القروش القال جايهو دي كان زمان فركشتا .لكن اسي دي شنو المصيبه الوقعت فيها دي"

& ريم_خالد
ريم:ده‍ شنو؟
خالد:م عارف و لله راسي شطب
ريم قعدت ف الارض:و الحل؟
خالد:....
ريم:كدي اقراه تاني و لا فتش الخزنه كويس م في شي كده و لا كده‍
خالد و هو بوجهه ليها الخزنه:شايفه شي
ريم بخيبه امل:لا ..(خيبه امل شنو خالد ده بدون جواب و لا لعنه بعرسو🦦)
ريم بينها و بين نفسه"ده الكان ناقصني"
خالد عاين ليها .
هزت راسها بهبل :شنو؟
اشر عليه و عليها وقال بالانجليزيه :الاتنين نفهم م يقال ف النفس
ضربت راسها :شتتت ياخ .اسي نعمل شنو آخر فتره الكوابيس كترت علي و م بقدر استحمل و ...قاطعهاخالد:نعرس

ريم وسعت عيونها:عفوا؟!؟؟؟؟
خالد:ده الحل الوحيد +انا كمان الكوابيس م بتخليني انوم و بتضايقني
ريم:ي الله .
خالد:فتره موقته بس (جات ف ملعبك ياا😂)
ريم:افكر .
خالد ضحك باستهزاء:تفكري شنو اساسا الاتنين واقعين ف ورطه
لبعتو ف ضهرو:ما شاء الله قنبله تفاول🙂
خالد:ده الحقيقه 😂
ريم؛:انت مالو م فارق معاك !؟
خالد:كيف م فارق معاي؟+انو كان اضايقت كان بكيت الواقع واحد و كان جيت و لا مشيت ده الحل
ريم:اسمها كان مشيت كان جيت م العكس👍
خالد: استغفر الله بس ده الركزتي فيه
ريم:اي شي إلا الخطاء الاملائيه ي ود امريكا😏
خالد:😒😒
ريم و هي ماشه:طايره انوم
خالد:ريم
ريم وقفت :اهاا
خالد: اديني جواب.
ريم ابتسمت؛:قلت ليك افكر و برد ليك.
و واصلت مشي لحدي م وصلت الغرفه شالت التلفون و رسلت ل سوزي "سوزي صاحيه"
و ختت التلفون و بقت تفكر .هو فعلاً ماف حل غير كده .لكن ده زواج .اي عارفه انو زواج لكن ده الصح .م صح و لا شي دي مسوليه و زوااااااااج .ياخ كان في حل تاني م مشكله لكن ده الحل الوحيد لفك اللعنه دي ...حركت راسها بقوه و هي بتنفض الافكار دي من راسها و مشت اتوضت و جات صلت استخاره ..و دعت ربنا ييسر ليها .و نامت.....جاتها صحيه نص الليل شالت التلفون و رسلت "انا موافقه"
ريم:ده الحل و الصح
خلود صحت :قلتي شي ي ريم؟
ريم:لالا بس كنت بظبظ المنبه نومي انت .
خلود:',طيب تصبحي ع خير
ريم :و انتي من اهلو
و رقدت ناامت

بالمقابل هو كان بتكلم مع مايك .و بحكي ليه ف الحاصل(مايك رجع الولايات)
مايك:خالد اريد ان أسالك سؤال كنت اريد ان أسالهو لك من قبل
خالد:م هو؟
مايك؛:انت تحبها؟
خالد اتنهد؛:م عارف ساعات احس أني بحبها و ساعات اقول ده مجرد إعجاب
مايك ابتسم:لا ي صديقي يبدو انك احببتها
خالد ابتسم :و الخلاك تتاكد كده شنو
مايك:النظرة التي تنظر لها بها .كانت تدل على انه ليس مجرد إعجاب +ليس. مهم ان اتاكد انا بل انت..
بعد م قفل من مايك عاين السماء و بقا سرحان و فجاءه إنتبه انو تلفونو نور شالو و قرا محتوى الرساله الجاتو منها .ابتسم و قال:شكلو كلامك صح ي مايك❤️‍🔥


&هبه
ناصر فكاها و بالمقابل هي ربعت يديها و ابتسمت:شايفاك خفت
ناصر:انتي و الكلب داك كان م ادبتكم م يبقى اسمي ناصر و ساعتها م ح افكر في انك اختي و لا سجم
ضحكت باستهتار:ياتو يوم اعتبرتني اختك اصلا جاري ورا جيهان و كأنها ملاك الرحمه! تسمع كلامها. تنفذ البتقولو .يوم واحد كذبتها و صدقتني كل مره بتضربني بسببها بسكت و بمشيها ليك بقول ده اخوي لكن إنت طوالي بتهيني و تضربني و تقول لي ي هبه امشي يمين امشي امشي شمال امشي بدون م اسألك لي ... بقت تبكي:يوم واحد سالتني ي اختي اكلتي شربتي محتاجه شي الشغل البشتغلو تشيل قروشو و الجامعه لو م عمي عثمان م كان ح تخليني اقراها . .انا وصلت الحد منك و لا مره تاني ح اسمح ليك تمد يدك علي او تستغلني و انت عارف انا ساعتها ح اعمل شنو لو جربت ...و مشت الغرفه و بقت تبكي بحرقه .
ناصر قعد ف اقرب كرسي و بقى بفكر ف كلامها و هل هو ظالمها (لا 🙂🙂🙂🙂). .و اثناء م بفكر ضربت ليه فلانه (جيهان😒)
جيهان:وين انت من قبيل بضرب ليك
مسك وشو و قال :قاعد ف حاجه.
جيهان لوت خشمها:جبتها
ناصر':اي
جيهان:جنبك هي
ناصر:لا
جيهان؛:و مالك بترد لي بطرف خشمك
ناصر:حاسي اني ظالمها
ناصر:منو؟
ناصر:هبه
جيهان:و الخلاك تحس انك ظالمها شنو
ناصر:انتاقشنا و طلعت الف قلبها كلو
جيهان:و من متين بتتاثر بكلامها +هي عارفاك ح تحن عليها عشان كده بتستغل الحته دي... و بقت تحرش فيه لحدي م رجع ناصر الحيوان و صدق كلامها (خايب🙂)
بعد قفلت منو زفرت بزهج:ده ضميرو عايز يصحى ع حسابي😒

&الصباااح
$ريم
صحيت الساعه 11 لما نزلت كلهم بقو يعاينو لي و يتبسمو .استغربت ف شنو . لحد م جاتني خلود و قالت لي؛:العروس
ريم:عروس منو؟
خلود:خلودي😉
ريم:خلودي منو؟
خلود:الزوج المستقبلي ل ريم🌚
يادوب استوعبت انو خالد كلمهم . .
مشيت المطبخ فتحت التلاجه بزهج طلعت لي عصير و اثناء م بشرب فيه جاني بسام
بسام:اخيرا البيت ح يهوي ي سلام
م رديت ليه
بسام:العروس
ريم :يعرس ركبيك🙂
بسام :عقبالي .بالعرس ي رب🙏
فجاءه جاتو رسالة و ابتسم
ريم بمكر:شكلو ح يكون عقبالك فعلا😉......


#يتبع
#فلورا ❤️

فتاة الظلام 33:
بقلم فلورا‌❄️⁩

السبت. السادسه مساءً..
كانت قاعده مع العيله الكريمه في قعده شاي المغرب .كانت حاسه انو الكل مركز معاها كان كل دقيقه يشغلوها ليها .على حس انو كانو هي و خالد كانت عندهم علاقه مع بعض و م كلمتهم .
خ احمد؛:عروستنا مالها ساكته😉
ريم:بسمع فيكم .
خ احمد:بعد تعرسي خالد زول فينا بتسمعي ليه مافي .😏
خلود :صحي ولله م تجيب خبرنا تاني
ريم ف سرها و هي بتعاين لخالد بغيظ :الله يلعن اللعنه الخلتني مضحكه للعالم😒
خالد رفع لها حاجبو و قال ف سرو:ف لعنه بلعنوها كمانن
ريم "بلعنها انت مالك
خالد ضحك و قال:حره مرتي
ريم:يمرمروك ف التراب شاحده الله
خالد:حبوبه ولله
ريم:تحب مجنون .😒
خالد:انتي!
ريم......
بعد دقائق قامت فت فت فت
كورك ليها خالها :ماشه وين
ريم:نعسانه عايزه انوم
خالها:تصبحي على خير
ريم: وانت من اهلو... وفت خشت جوه دخلت الغرفه جدعت الطرحه ف الارض بقوه و ضربت الارضيه بغيظ:الحيوان ده ختاني ف موقف بيش . استغفر الله بس
ضربت ليها سوزي
سوزي:العروس🦦
ريم:يعرسك جن عاشق شاحده ربي🙂
سوزي:هوي ها م تداعي +انتي لاقيه تعرسي خالد ده
ريم:م عايزه القى زاتو .
سوزي:حماره طول عمرك
ريم:الحمار اليرفسك🙂
سوزي:بعيدا عن قله اديك دي انتي شايفه ف حل تاني؟ لو شايفه في ارفضي وبس
ريم قعدت ف السرير:م المشكله إنو ماف حل تاني .جدو ده عذبنا عذاب يعني م كان ف حل غير ده
سوزي:الله يرحمو+يعني اللعنه دي اخترعها جدك ده‍ ؟م اكيد ف سبب خلاها تصيبكم .
ريم:م عارفه ي سوزي ملخبطه شديد
سوزي:انتي رافضه الزواج و لا خالد ؟
ريم:انا م قادره احدد انا عايزه شنو .ساعات اقول إتقبل و ساعات افكر انو ده قرار ضخم م سهل عشان اجرب .
سوزي:انتي حاسه اتجاه‍ خالد بمشاعر ؟
ريم وقفت و بقت تحرك يدها بتوتر:انتي بقيتي تجيبي خارجيات مشاعر شنو !؟
سوزي:طيب انتي م نفسك تتخلصي من لعنتك دي ؟م نفسك تعيشي طبيعيه و بدون ضغط نفسي
ريم:نفسي ولله
سوزي:يبقى ماف حل غير تعرسي خالد.

_
.بجهه تانيه.
-الو
-اهلين منو معاي؟
-انتي جيهان
جيهان:ايوا منو؟
-بتاع التوصيل عندك اوردر
جيهان:من منو ؟
-م عندي فكره .انا دخلت حيكم .تعالي استلميه
جيهان:طيب . بعد قفلت:ي الله من منو بكون .ناصر !؟ هي ها ده مقطع و الحاجات دي و لا بعرفها . .جرت لبست عبايتها و انتظرو جنب الباب شافت موتر التوصيل .ضرب ليها و رفعت ليه يدها
بعد استلمته من الحماس فتحتو ف الشارع .لقت سلسل بإسم "نيفرتيتي" استغربت ده شنو لما فتحت الكرت و قرت اسم المرسل فتحت عيونها بتعجب:عمرو.
فجأة جاها صوتو:ايوا
رفعت راسها بخلعه.
عمرو ضحك:اتذكرتيني شايفك.
جيهان:طبعا بتذكرك.+دي شنو المفاجاه دي
عمرو:حلوة موش😉
جيهان : اكيد. رفعت ليه السلسل و قالت :لسه فاكر 😂
عمرو و هو مدخل يديهو ف جيبو و بعاين ليها بابتسامة:,طبعا فاكر و دي حاجه تتنسي.
جيهان ضحكت و قالت :صحي اتفضل
عمرو:مره تانيه اسي جيبي تلفونك
جيهان؛:لي ؟
عمرو:م عايزه رقمي؟
مدت ليه التلفون .بعد كتبو ضرب لنفسو
جيهان بمكر: يعني مسحت رقمي بدري شكلك
عمرو:نووو م مسحتو بس التلفون القديم اتسرق
جيهان:اها
عمرو:يلاا ي بتنا لبعدين .
جيهان:مع السلامه
عمرو:الله يسلمك.

$هبه بتحكي:
الفتره الفاتت بقيت م بسكت ل ناصر و بقيت الكلمه بالكلمه .انا م عارفه حاسه دي م شخصيتي و دي م انا مستغربه من نفسي . و بسال نفسي هل انا قويه و لا القوة دي جاتني بسبب بسام ..الليله من دون الايام مرقت الشغل متاخر .شالتني نومه ..(شغاله ف بوتيك ف السوق)
لما وصلت استلمني السر سيد البوتيك و اداني حقي من الشكل م اتكلمت معاهو كتير و م عملت شي غير اعتذرت ليه و عدتو انها م ح تتكرر ..الليله من دون الايام كان الزباين ف البوتيك كتار و كان فيهم كذا راجل . اثناء م ببايع واحد من الرجال لما اديتو الباقي مسك يدي و بقى بعاين لي بطريقه م حلوة و قال:اسي عسل زيك بخلوهو يشتغل .انتي يشتغلو ليك ولله .😍 وكان عايز يقرب اكتر بس
م حسيت إلا و انا قاطعه فيه كف لما انخلع :احترم نفسك و احترم عمرك و المكان الانت فيهو بتقل ادبك عيني عينك ي وسخ .. الراجل هاج و بقى :انتو بقيت القليلات ادب الوحده بقت تحوم ف السوق و شغاله ف وسط الرجال و تجي تتهم الناس اسي ي بت الناس انا هبشتك و لا عملت ليك شي كما وسخه انتي. اسي انا م غالبني ارد ليك الكف لكن م بدق حريم انا .
ضحكت بعدم تصديق:ولله مختل انت ولله كلكم صنف قذر
السر:ي جماعه استهدو بالله و ي اخ اهدي نحل المشكله .
الراجل :مشكله شنو و انت ي اخوي بتشغل ليك اي زول ف محلك ده بنات قليلات ادب و م مربيات كان مربيات م كان طلعتو وسط الرجال اهلكم وين من الكلام ده ...قاطعتو و رفعت ليهو اصبعي:اهلنا سالوك ف شي!!انت لو م عارف نفسك غلطان البخليك تهيج كده شنو و كان على قله الادب ف انتو اسيادا و الشغل وسط الرجال ده نحن بتشتغلو لاننا بنات رجال و م بنسمح للرجال التعبو فينا يطلعو ف الوقت ده و يشتغلو و ليك حق تشتري من هدوم الحريم لانك تبعهم .

اخجل من نفسك جاي تشاغل بت قدر اختك بتكون
الرجال هاج و كان ح يضربني بس السر مسكو و قال لي بزهج:خلاص ي هبه اسكتي
الراجل:فكوني عليها الكلبه دي كمان بتتهمي اشاغل ليك شنو بلاي
السر:خلاص اسكتو انتو الاتنين و انت ي اخ ح نعرفك اذا غلطان و لا لا ف كاميرات ف البوتيك و هي الح تدلنا
الراجل اتوتر و انفعل:حريقه فيكم كلكم .... و كان عايز. يمشي بس ف زول ثبتو و قال:شنو ي حبيبنا م قال ليك شوف الكاميرات اول .
رفعت راسي بسرعه لانو الصوت ده :بسام😳
الراجل؛:و انت منو كمانن ؟
بسام:م ضروري تعرف . و ارح ي اخونا ورينا الكاميرات .
السر فتح التلفون الكان رابطو بالكاميره؛ و شافو الراجل و هو بقرب ل هبه و بعاكس فيها .
الراجل بلع ريقو و م قدر يتكلم
بسام:اها بعد ده قول ده م انا .
و طبعا لناس كلهم كانو بتفرجو ف المهرجان الحاصل ده ..
بسام طلع الراجل برا و بدا يضرب فيهو الا انا لحقتو و قلت ليه :خلاص بسام خليهو
بسام و هو بضرب فيهو :الزي ديل مفروض يتمحو
مسكتو و قلت ليهو: عليك الله كفى انا تعبتا ياخ
فكى الراجل و الراجل لقاها فرصه و جرى
بسام عاين لي:انتي كويسه
اكتفيت انو اهز راسي
بسام:ارح طيب اوصلك
هبه :شكرا .بمشي بالمواصلات
بسام:دقيقتين جيبي شنطتك من جوه و تعالي منتظرك ف العربيه.(بسام السرور 🦦❤️) و مشى ع العربيه . زفرت بضيق و مشيت جبت شنطتي و اعتذرت من السر و و قلت ليه بعوض ف الايام الجايه و الخلاني استغرب انو م شاكلني لما شافني مستغربه
السر ؛:مالك مسهيه كده . م تستغربي انا عندي بنات ف البيت و اكيد م ح ارضى زول يعمل العملو فيك لبناتي او لوحده من اخواتي و خلاص امشي و إلا اخصم من راتبك
هبه:شكرا ليك شديد 💜
مرقت لبسام لقيتو واقف جنب العربيه
بعد ركبت اتحرك و هو ساكت .تقريبا نحن طول الطريق ساكتين .بس دقيقه ده شارع بيتنا !
هبه:ماشي وين
بسام:؛مكان😄
هبه عاينت ليه مستغربه:اي وين
بسام:ابردي ي بتي م خاطفك
وقف ف شارع النيل
بسام:ارح
هبه:وين؟بسام انت عارف انو ناصر يقطع رقبتي
بسام:م انا م ح اخليهو يعني ☺️ انزلي يلا
نزلت و قعدنا جنب ست شاي .اشتري لي قهوه و مويه
هبه:اي صحي انت الجابك هناك شنو
بسام:كان امي موصياني لكم حاجه عشان كده
بقى يشرب ف قهوتو و هو شارد ف النيل فجاه. قال لي:كنت حاضرها من البدايه
هبه:شنو؟
بسام:المشكله .كنت عايز اتدخل لكن لما لقيتك انتي بتدافعي عن نفسك اتفاجأت صراحه و م حبيت اتدخل إلا اشوفك ح تعملي شنو
هبه بتعاين للقهوه:م عارفه مالي من بقيت م بسمح لناصر باي حاجه بعملها فيني و برد ليه الكلمه بالكلمه حسيت اني بقدر ارجع حقي و عرفت الخوف م ح يعمل لي شئ غير انو يضرني و يوقفني ف مكاني .
بسام ضحك':لكن قبيل لما ضربتيهو كف. حسيت بيه ولله حار كيف😂
هبه:كبيت زهجي كلو فيه😂
بسام عاين ليها :عجبتيني لكن.
دق دق دق قلبها بقى يدق بقوة...

_

ماسكه السلسل ف يدها و بتتذكر اول يوم شافت عمرو فيه هو ود اهلها من بعيد كده لكن كان بجيهم طوال و لفتره من فترات الثانوي كان قاعد معاهم رسمي و هي كانت ف الاساس من الزمن داك بقت معجبه بيه لحدي م ف يوم سافر لا مو ف مصر و تاني م لمت فيه و انا بالنسبه للسلسل كان بقول ليها انو هي عيونها بتشبه نيفرتيتي و هي بتقول ليه شفتها وين كان ردو:بالوصف😂
حست انو القلب تاني دق ليه .
جيهان بتتكلم مع نفسها؛:ولله بعد رجع م اخليك .كان لحبيبتك دي و لا لغيرها .و ناصر ده كده كده ح افركش منو قريب و لله لو عرسني عمرو ده كميه الدلع والقروش الح تجيني ياااخ راحه 💃

____

بعد مرور 4ايام من يوم السبت . كان ابو خالد جا السودان و دي اول جيه ليه من 8 سنين بعد م خالد كلمو لانو عايز يعرس بت خالتو نزل عشان . الموضوع ده مخصوص..
ابو خالد:رايك شنو ي احمد نعمل العرس بعد اسبوعين كده
احمد:م استعجلت شويه؟
ابو خالد:ولله ي احمد انا جازفت الاجازه دي مجازفه عشان الموضوع ده احسن نتمو عشان تاني م ح القى فرصه انا عني ف السودان شهر بس ولله
احمد:ولله م عارف اقول ليك شنو كدي اشاور ام بسام
ابو خالد:خير
لما مشى كلمها .قالت ما دام م عندو فرصه قريبه على بركه الله و اصلا ماف داعي للخطوبه م دام العرس بعد اسبوعين ..
ريم الخبر وصلها سرعه شالت تلفونها و ضربت لخالد
ريم:خالد ده شنو البحصل ده
خالد:شنو ؟؟
ريم ؛القالو ابوك و خالو ده
خالد:قالو شنو ؟
ريم:بتستهبل يعني م عارف
خالد:ريم لا لله إلا الله
ريم:محمدا رسول الله
خالد:قولي قالو شنو انا م في البيت لي يومين و اكيد م ح اكون عارف
ريم:قالو العرس يكون بعد اسبوعين بسس انا يادوب بحاول اتأقلم و هم رببب جو قالو دايرين يعملو العرسخالد:م عارف كلام زي ده ابوي ف البيت اسي صح

ريم؛'اي
خالد:طيب جايي
خالد اتناول مفتاح العربيه من الطاوله و اتوجه للبيت . لما وصل لقى خالو و ابوه ف الصاله و امو و خالتو
خالد:السلام عليكم
كلهم:و عليكم السلام
خالد قعد ابوه قال ليه عايزك ف موضوع
خالد :نعم
ابوه:,طبعا انت عارف اجازتي شويه و م بقدر اقعد كتير وووو.......الخ '"الكلام القالو لخالو احمد"'
خالد:م عارف لكن الوقت م ضيق .
ابوه:بتستنو تاني كم سنه و اجي !؟
خالد بسرعه:لالا
خالو ضحك
ابوه:طيب حاول اقنع ريم تعملوه بعد اسبوعين .
خالد :طيب
ام ريم:لو م اقتنعت خليني بتكلم معاها انا
هز راسو
ضرب لريم قال ليها تعال الحديقه الورا
ريم :اها غيرو المواعيد
خالد هز راسو بمعنى لا
ريم:شيييت ياخ مالهم مستعجلين كده
هز كتفيهو
ريم:استغفر الله اها و العمل؟
برضو هز كتفو لفوق بمعني م عارف
ريم :انت ساكت كده مالك اقنعوك و لا شنو!؟
خالد:الصراحه اقنعي ابوي
ريم:ده الكان ناقص يلاا
خالد:ريم اسمعيني ابوي تاني م ح يجي قريب اجازتو قصيره شديد و هو جا من لندن عشان الموضوع ده مخصوص و هو عايز يستقل اجازتو البسيطه دي و إذا سافر تاني اييييك ح يجي بعد سنين لانو الشهر ده اطول اجازه ليه. و كمان جامعه لين و ناس خالو ح يمشو +ناس هيثم لما يجو ح يمشو من هنا طوالي الولايات و م ح يجو قريب الناس كلها اسي موجوه ف حاولي اتقبلي مره واحده بس حاضر
عاينت ليه
خالد:هاا موافقه
لسه بتعاين ليه
خالد:'بتت
ريم:خلاص خلاص تمام
خالد :يعني موافقه
هزت راسها و قالت:غايتو الزول استغفار بسببكم ساي بخش الجنه
خالد همس براحه:الحمد لله.

#يتبع
#فلورا💤💜

#فتاة_الظلام34
بقلم فلورا 🤍
اتزينت بالابيض وكانت اجمل عروس في عين امها و في الواقع .باستها و حضنتها قوي و بقت توصي فيها.هي بالمقابل حضنتها و م كانت سامعه اي شي من البتقولو ليها لأنها ف اللحظه دي م عايزه تركز في اي شي غير حضن امها الدافي
امها بعدت منها و مسكت وشها بيديها وهي بتقول ليها:طيب
اساسا م كان سمعت اي شي من الكلام القالتو بس هزت راسها بالايجاب ..م عارفه كان الاسبوعين ديل مرو سرعه كده كيف .م حست الا و اخوها بصحيها ف اليوم ده و كان باين عليه الحزن و انو هي ح تفارقهم مسيطر عليه شديد و بقول ليها الليله عرسك ..م حست الا و بخلود بتهمس ليها ب :,خالد وصل . ده الصحاها من واقعها
عرفت نفسها خلاص اطورتت و ماف رجعه تاني لما جا داخل حست قلبها ح يطلع من مكانة عاينت حوليها م لقت و لا زول .عاينت باستغراب اسي المكان ده كان مليان كيف م حست بيهم و هم بطلعو . عاينت ليه تاني و عينها استقرت ف عيونو و شكلو كان لابس بدله بندقيه مع قميص ابيض و بيبيونه ب الاسود و جزمه بنيه جلديه و كان شعرو مرقدو و عاملو بطريقه خرافيه ..اتقدم باتجاها و هي قلبها شويه و ح يطلع من مكانة احاسيس متلخبطه سيطرت عليها للحظه فرحت و اللحظه التانيه تزعل و التالته تندم و الرابعه تخجل ده شنو البحصل ليها ده هي مستيه شنو اسي يجي مسكها و يضمها و لا يسلم ليها ف رأسها طوالي اتوجهت نحن الباب و قالت ليه بتوتر:يلا عشان م ناخرهم
وقف قدامها و دخل يديه ف جيبو و قال:طيب استني ابارك ليك
اتوترت شديد و قالت ليه و هي بتفرك يديها :على شنو ؟؟
هي بتستهبل و لا غبيه م عارفه نفسها هبله و لا عويره ده شنو السؤال الاهبل ده
خالد رفع حاجبه:ولله!
ريم:ياااخ خالد برأي متوتره م توترني زياده
ضحك و مد ليها يده و قال ليها :خلاص طيب .جيبي يدك عشان م يقولو غاصبها ☺️
ريم:😒😒😒
خالد:خلاص افردي وشك ياخ تقولي ضاربك 😒
ريم:انت تقدر هو
خالد:ممكن نتخارج☺️
ريم: ممكن
مد يدو تاني و مسكنها .مجرد م طلعو الزغاريد انهمرت عليه .و الفرح كان عامي في كل أرجاء المكان..ركبو العربيه .المتوجهه على الصاله..بعد ربع ساعه وصلو و لقو باقي الأهل هناك و الزغاريد م تدي الدرب .
لين جاتهم جنب الباب عشان تنبههم لي الأسلو و ريم ستين يمين قالت م دايره ف النهايه خلوها و شغلو غنيه (فوقانا نجوم الليل )دخلو بيها ..الغنيه كانت هديه لحد م وصلو الكوشه و بدت الفنانه تغني و الناس تجي تبارك . .وابشر ي عريس و مبروك ي عروس و رقص الناس و الضحك و الفرح .ريم لقت نفسها بتبتسم لما خالد همس ليه بي:كده كده خربانه انبسطي ساي ..فعلا فكرت كده و قامت ترقص (فالحين الاتنين يلا لو أنا منكم بشيل لي طبقين اكل و اقعد بالجمه واطق ززين🦦)
.
بعد ساعتين من البهجه و الفرح انتهى العرس و بقو ف موال الوداع و المخاخيت و الدموع(يععععع)
مشو غيرو و على المطار وصلو الدوحه و كانو لسه مستنين ..
.ريم بتعب':ماشين وين
خالد:مفاجاء
ريم لفت عيونها و ضحكت
بعد شويه ندهو ..على الركاب المتوجهين ل هولندا .عاينت ليه بفرح .
ريم:عرفت كيف نفسي امشيها
رفع كتفيه:سر المهنه 😉
مشو و ركبو الطياره المتوجهه لمطار "امستردام شيفول". كانو تعبانين تعب و مرهقين شديد مشو اقرب فندق لقوه .خالد حجز سويت بغرفتين عشان ريم تاخد راحتها .(خالد السرور🦦)
هي بس عايزه زول يشيلها و يختها ف السرير كانت بتفتح عينها بتحدي عشان عايزه اشوف الفندق كويس و م يفوتها شي .
خالد:ريم
ريم:😴
خالد':ريمم
ريم😴
ربت ع كتفها بخفه (كان دي أنا كان لبعتها)خالد:'ريم اصحي ارح الجناح (جناح و لا ورك😛)
ريم:هاا
خالد مسكها لانو حس انها ح تقع لأنها ماشه و هي نايمه .زي حمار النوم..
خالد:'غايتو لماضه ع الفاضي
لوحت بيدها ف الهواء:أنا م طرشا تراا
وصلو السويت .ونام اي واحد ف غرفه و نامو كانو م حصل نامو قبل كدا .
صحت الصباح .سمعت صوت دندنه ف المطبخ الانجليزي المرفق بالجناح .
لقت خالد بعمل ف قهوة بمزاج
عاينت ليه و كانت بتحك ف عينها عاين ليها
خالد:صباح الخير
ريم:صباح النور. رايق شكلك😄
خالد:Yes,
ريم: دايماً.
خالد:جمعا.-+اعمل ليك قهوة
ريم:ي ريت
خالد:ده شنو الذوق الواقعه فيه ده 😉
ريم:غلطانه أنا بتكلم بذوق معاك😒
مد ليها القهوة وقال ليها:اشربي بسرعه و اجهزي عشان اوديك مكان ظابط
ريم:وين؟
خالد:مفاجا
ريم:مشششششم
شربت قهوتهاو مشت تجهز طلعو و اتوجهو لي لي متحف "فان جوخ" كانت بتعاين لي المتحف و البرديات المتعلقه فيه و اللوحات و المجسمات القديمه .كانت بتعاين ف ارجاء المتحف و الجنسيات المختلفه .لاقت واحده تركيه قالت ليها .reem?
ريم:Yes
البت:Nasılsın(كيف حالك)

ريم:iyi hamd olsun(بخير الحمد لله)
البت:ben Handa'yım(أنا هانا)
ريم:Seni tanıyamadım?(لم اتعرف عليك)
هاندا:Amerika Birleşik Devletleri'ndeki İngilizce dil kursunda sizinleydim.(كنت معاك في كورس اللغه الانجليزيه في الولايات المتحده)
ريم:Merhaba Handa(اهلا هاندا )
هاندا:Hollanda'ya eğlence veya eğitim için mi geldiniz?(جيتي هولندا للاستجمام و لا دراسه؟)
ريم بتوتر:balayımız için kocamla geldim(جيت مع زوجي لشهر العسل)
هاندا:Evliliğin için tebrikler canım
ريم:Teşekkür ederim ve neden geldin?(شكرا.وانتي جيتي لشنو)
هاندا:Ablamla tedavi için geldim.(جيت للعلاج مع اختي),
ريم:Güvenliğiniz için Tanrı'ya şükürler olsun(حمد لله على السلامه)
هاندا:Teşekkür ederim kusura bakmayın şimdi gideyim Allah'ın izniyle görüşürüz(شكرا.انا اسفه سأذهب الان أن شاء الله اراك قريبا)
ريم و هي بتلوح ليها:Görüşürüz(الى اللقاء)

خالد :فهريه أوزيل معاي 😉
ريم:الله نحنا هينين هو 😌
خالد:متين اتعلمتي تركي ؟
ريم:اخدت دروس ف اللغه التركيه و الكوريه و جاري التحديث للغه الفرنسيه 😌
خالد:ما شاء الله .بالتوفيق أنا بعرف الروسيه و التركيه و الفرنسيه
ريم:واو بتعرف الروسي
خالد :نعم
ريم رفعت كفها و قالت ليه:ح تعلمني
خالد :تدفعي كم ؟😏
ريم:استفزاز ام استفزاز
خالد: الاتنين
ريم :امممم
خالد :ارح نفطر أنا جعان
ريم:وانا .ارحح
مشو و طلبو الاكل جاهم فطور تركي بالاضافه لبعض الأجبان الهولنديه و الفطائر المحشيه بجبنه الناتشوز و البارميچان .
شالت قطعه من الفطاير الساخنه اكلتها بتلذذ بعدها جابو ليهم عصير البرتقال الفريش و قهوه تركي ( أنا معلقه ف تركيا من الصباح 😁)
بعدها ركبو المترو واتوجهو لي ساحة الدام .و بعدها متحف ريجكس
.
خالد:انتهى اليوم في امستردام و ح نمشي الريف
ضمت يدها بفرح :جادي😃
خالد:ايوا
ريم:حلوة حركات المزارع و الخيول و الحاجات دي اتشوقت أنا
خالد عاين ليها و ابتسم

صباح اليوم التاني اوجهو لريف "زانسي شانس"
جنة الجمال الأوروبي .كانت نايمه طول الوقت لحد م وصلو ريم زانسي .كان المنظر يحبس الأنفاس من الجمال منظر الطواحين و هي بتتحرك و الخضره محيطه بكل المكان منظر الماسة هم يشتغلو و تانين يلعبو و اخر سياح كان منظر اجمل من جميل .فتحو عيونهم بدهشه .
ريم:جنه بس ما شاء الله😍
خالد:اي
نزلوا في واحد من البيوت الريفيه و التقليديه .
هم وصلو المغرب رحبو بيهم بالطريقه التقليديه الريفيه .
واحده من السكان:انتم متزوجون حديثاً اليس كذالك؟!
خالد:نعم
. (مترجمه طوالي )
كان عندهم احتفال للزائرين الجدد .
حضروهو و مشو نامو .

صباح اليوم التاني كانو في متحف للاحذيه الخشبيه"القباقيب" كانت مندهشه في الناس العملين ديل م بفوتو شي الا و يعملون منو مشروع(فلاحه اوربيه مفيش مثال🦦💜)
كان كل يوم يمشو مكان لحدي م تمو ١٢ يوم في يوم كانو بتمشو .كان في بقر و كده و هي م كانت شايفه انو في بقر لقايت م سمعت صوت البقر و كانو قريبين منهم شديد
ريم وهي بتجري:وااااااي ده شنو مالك م نبهتني
جاري وراها':اهدي قايلاك بتحبيها
ريم':نغم احب ليها شنو انت م شايف حجمها ده دي لو رفعت رجلها و ختتها ف الارض برجعني السودان جنازه .
خالد:م للدرجه دي😂
ريم:م تضحكككك
خالد خلاص .ارح نمشي ناكل فطايرهم دي
مشو اكلو الفطائر الهولنديه التقليدية هي طلبت حلو بالتفاح و هو طلب مالح .

تاني يوم اتوجهو من الصباح مشو يتسوقو في بقاله ألبرت هيجن التاريخيه هي البقاله يعود تاريخها لي اكثر من ١٨٠ سنه .
ريم :يعني البقاله دي لمن عملوها حبوبه حبوبه حبوبه حبوبه حبوبه حبوبه حبوبه حبوبه حبوبه حبوبه حبوبه حبوبتي م ولدوها
خالد:ويمكن اكتر ولله😂

_
بسام بتكلم مع هبه.
بسام:يعني بكره ح تمشي البوتيك تاني
هبه:اي
بسام:أنا قلت ليك خليه و أنا بحاول اجيب ليك شغل ف مجالك. ....قاطعتو
:بسام انت ساعدتني كتير شكرا لي كتير و م قصرت بس بعد كده أنا عايز اعتمد على نفسي و م عايزه اتقل عليك اكتر
بسام:أنا شكيت ليك
هبه:م قصه شكوى بس..قاطعها :هبه أنا م بساعد فيك بدافع الشفقه أنا صراحه بحبك
طبول قلبها أعلنت القرع و بقت م قادره تتكلم بس كل العملته شالت شنطتها و قالت :عن اذنك.
م عارفه هل تفرح لانو يبادلها الشعور و لا تحزن لانو اخوها استحاله يعديها ع خير ..
ولا ح تتهنى ولا يوم مع خطيبه اخوها العقربه اكتفت بانو تجري و تركب اقرب حافله متوجهه ع محطتها ..م حاول يمشي وراها كان عايز يخليها ع راحتها حس نفسه اتسرع بس تاني قال احسن اعرف من اسي رأيها
__
نرجع لناس ريم
يوم ورا يوم وريم بتحس بإحساس غريب بجيها لمن تكون مع خالد .
وخالد بالمقابل حاسي بنفس الاحساس معقول ال٢٢ يوم دي أثرت فيهم بالسرعه دي .هم اصلا م حسو بيها كانو منسجمين مع بعض لدرجه خلتهم يستغربون ده شنو البحصل ده .قربو من بعض كتير ف الفتره دي و اتعرفو اكتر و اكتر .

#يتبع
#فلورا
بنزل تكمله 34 قريب .قراءه ممتعه❤️❤️

اول قصه

#فتاة_الظلام34: (التكمله)
بقلم فلورا 🤍

&هبه.
قاعده ف السرير و بتذكر الكلام القالو بسام قلبي بقا يضرب بسرعه .أنا م بنكر اني كمان معجبه بيه و قد اكون حبيته .لكن استحاله أوفق بعلاقه زي دي .أنا عارفه ناصر اخوي ممكن يقلب الدنيا و ممكن عادي يأذي بسام .و كمان بالمقابل عارفه بسام م ح يقبل رفضي عشان حاجه زي دي ف أنا ح افهمو اني معتبراهو اخ و بس.حسيت بوخزه لمن اتذكرت بت خالتو ديك و نظراتها ليه و نظرات الكره ف عيونها اتجاهي شكلها بتحبو .همست:هي تستاهلو اكتر .
بعد مسافه سمعت كركبه المفتاح ف الباب عرفت انو ده ناصر.جا خاشي و معاه جيهان .أنا صراحه بستغرب ف البت دي ياخ ال٢٤ ساعه متمكيجه و ملبسه م بتتعب .
جيهان:سلام
م عاينت ليها زاتو:اهلا
جيهان:واي ي ناصر من بياخه اختك
ناصر:م تشتغلي بيها عويره ساي دي
ضحكت بستهتار .
لما عاينت ليه :خير ف شي يضحك
هبه:أبداً
ناصر:قومي سوي لينا حاجه نأكلها بدل قعدتك الما منها فايده دي
هبه:مش هي الح تكون مرتك يبقى تعمل ليك هي
ناصر بغضب:انتي ولله اخر فتره بقيتي قليله ادب
جيهان:من بارت لي جماعه بسام و لا باسم داك بقت بتتلامض
عاينت ليها بستخفاف و شلت تلفوني مرقت بره .أنا بعد كده م مجبورة عليهم و لا مجبوره استحملهم .ياخ هم لو م تعبوني م برتاحو خلينا من جيهان الجحش البقولو عليه اخوي ده م راعى لي و لا اشتغل بي ح تشتغل بي هي
فتحت تلفوني لقيت كميه مكالمات من بسام و رسايل كان محتواها
[هبه ردي]
[هبه جادعه تلفونك وين]
[هبه خليني افهمك أنا جادي م بلعب يااخ عليك الله ردي]
[م عايزه تردي اوحي أنا ح اجيك ]
نططت عيونها بخلعه ردت ليه:[تجيني وين ؟؟؟؟]
بسام[اخيرا رديتي ولله كنت جاي عليك ف البيت]
هبه'[لالا م تجي ناصر و خطييتو قاعدين م ينفع]
بسام[طيب ممكن اتصل نتفاهم]
هبه اتنهدت[بسام قلت ليك ناصر و خطييتو قاعدين لي على الهبشه م ينفع .وبعدين أنا ح انسى القلتو لي قبيل تمام و انت أنساه لانو م ينفع]
قفلت الشبكه و ختت رأسها ف ركبتها و اتنهدت:العملتو الصاح


&بسام
كنت بحاول من رجعت البيت اضرب ليها بس م كانت بترد .بقيت اسال نفسي هل أنا استعجلت و لا هي م عايزاني .رسلت ليها كميه رسايل م ردت الا لمن قلت فيها جاي بيتكم .أنا عارفها خائفه من اخوها مهما قالت فالبتقولو ده م كلامها أو هي عايزه توصل لي فهم محدد .رسلت اخر رساله ليها و تاني م ردت .كيف انسى؟البت دي مجنونه ؟انا عايزها و هي رافضاني؟! بقيت بفكر ف سبب يخليها ترفض . اول سبب جا ف بالي اخوها .وبقيت مصر افهم منها لي م عايزاني .
أثناء م بفكر كده الباب دق .مشيت فتحت كانت دي لين .
بسام:اهلين لين
لين: فاضي؟!
بسام:ايوا في حاجه
لين بدلع:ممكن تطلعنا أنا و خلود زهجانين و عمرو ماف و ماف غيرك
بقيت افكر ولله م ناقص
لين:بليييييز م ترفض🙁.
اتتهدت:خلاص اجهزو اطلعكم .
لين صفقت بفرح:شككرا
ابتسمت ليها و مشت تجهز .قفلت الباب .م كانت فايته علي حركاتها و احتكاكها معاي اخر فتره بس أنا لا عقلي و لا قلبي معاها عشان كده فضلت اعمل رايح ..مشيت لبس و انتظرتهم تحت .


&ريم .
كنت قاعده جنب الشباك و كان خالد طلع يعمل مكالمه .كنت شايله كبايه قهوة بقيت افكر أنا لي متساهله كده؟لي م حاسه انا خايفه من الحاصل و الحيحصل؟يعني اسي نحنا القرار الاخدناه ده م هين كونو نتزوج!و بعدين مصيري شنو هل اذا اتحلت اللعنه دي ح نتلطق و لا الحيحصل شنو !؟انا لي م فكرت في العواقب مع أنا وخيمه شديد ؟!حاسه راسي ح ينفجر نحنا اتساهلنا مع القرار ده بطريقه مبالغ فيها .
خالد جا داخل و أنا م انتبهت ليه بحد م طقطق لي ف اضاني قبلت مخلوعه
ريم:وااي خلعتني😳
خالد:مالك!؟
عاينت جوه الكبايه :ماف شي
خالد:حاسي العكس .
ريم:ولله م في شي ... و كنت ماشه بس مسك يدي :عايني وشك بوضح انو في شي .
عاينت ليه :احنا ح نعمل شنو ؟
خالد:ف شنو!؟
ريم:ف الحاصل معانا ده انا حاسه انو اتساهلنا مع الموضوع شديد؟يعني للان م معروف مصيرنا شنو
خالد:اشمعنى فكرتي فيه اسي
ريم:هو انتو خليتو لي وقت افكر فيه كل شي ربب ربب خبتوه
خالد:طيب انتي حاسه انك استعجلتي تتزوجيني أو ندمتي؟
ريم من غير م تشعر: لا
خالد ابتسم خفيف و قال ليها:م تشيلي هم كل ح يتحل قريب .بس انتي م تفكري كتير
ريم:كيف يعني م افكر ؟!ولله أنا ح اجن .يعني جدو ده الله يسامحو .جهجهنا
خالد':الله يرحمو بعدين الحاجه دي قدر خ ليه يد فيها و يمكن يكون ده م هو زاتو ؟
استعدلت و انتبهت:كيف يعني م هو؟
خالد:قبل شويه كنت بتكلم مع مايك حكى لي انو في قصه مشابهه لينا يعني ناس بقرو الافكار لكن م بشوفو زينا ف الضلام . و كان بتجيهم كوابيس .المهم بعد فتره اكتشفو انو البيت هو المسكون والفيه اللعنه فهمتيريم هزت راسها:بس نحنا م زيهم لانو م استقرينا ف البيت ده الا لما كنا صغار. بترت كلامها و قالت :المخزن

خالد باستغراب: مخزن شنو ؟
ريم:حكو لي ناس بسام و
زمان اني لما كنت صغيره كنت محبوسه ف مخزن و معاي زول لكن م عارفه منو .كنت محبوسه قريب اسبوع م عرف يطلعوني .
بقا يتذكر بس م عارف .هل هو ولا واحد تاني
خالد فجاءه :المخزن كان فيه نفق كده
ريم:,م عارفه ولله
خالد:لانو إذا كان فيه تحت الارض زي نفق كدا فا لاسف ده انا الكنت معاك لكن ح نعرف كيف و نحنا المره الفاتت م ركزنا شديد .
ريم:معقووول
خالد خت يدو ف وشو :م عارف راسي ح يطق
ريم: نرجع بس
خالد زح يدو :نرجع وين(يلا أنا م عارفه انت غبي خلقه ولا وراثه 🙂)
ريم:السودان
خالد:لسه الشهر م تم و اول سؤال ح يسالو لي رجعتو بدري
ريم:ياخ م مشكله اساسا قربنا نتمو م فارق
خالد قام :طيب بشوف .
وكان ماشي بس رجع و قال لي ؛:ناس ديڤيد و مرتو عازمننا عشا(ديڤيد ده امريكي جا هو مرتو هيلين و ولدو ادم عشان يقضو الاجازه و صادفناهم كم مرة و اتعرفنا عليهم و هكذه ). (دقيق اسي الامريكين ديل ف بلدهم بعتبرو مسافرين ف داعي يسافرو تاني؟🦦)
ريم :طيب . ماسه انوم شويه لبعدين
خالد:طيب

المهم جا المسا و جهزت لبست لي بنطلون جينز ازرق باهت و قميص ابيض معاهو حزام كبير بالاسود و طرحه بيبي بلو مشكله و اسبورت ابيض و شلت شنطه سودا صغيره . و عملت لي ماسكره و ايلاينر ملون بالازرق و قلوس و خلاص طلعت استنيت خالد بره و اشتغلت بتلفوني .بعد شويه جا طالع . كان لابس بنطلون جينز ازرق و قميص بني و اسبورت ابيض اديدس و ساعه جلديه و كالعاده الشعر مرقدو بطرقه حلوة .
كنت ح اسرح بس قال لي:نطلع
ريم:ايوا
مشينا كانو عازمننا في مطعم كده جميل و حوليه ناس برقصو رقصات تقليديه و كان فيه زهور كتيره
ادم:انتي ريم أليس كذالك؟
ريم ابتسمت ليه طبعا كان ابيييض و شعرو اشقر طويل وكان مغطي عيونو قصدي الشعر :نعم
بقى بتونس معاي و بحكي لي مواقفه ف المدرسه ياخ عسسسسسل ولله .
هيلين:ادم اترك ريم لتأكل عزيزي
هز رأسه و قعد ف الكرسي الجنبي
ديڤيد:إذن ي خالد انت صاحب شركه KMA
خالد:نعم أنا و شريكي مايك
ديڤيد:أجل لقد جئت مار ف يوم بمبنى شركتك اعجبني تصميمها جدا
هيلين ضحكت:أجل اتى يحكي لي عن جمال الشركه لمده اسبوع كامل إلى أن رأيتها و أنا أيضا اعجبت بها جميله جدا أهنئك على هذا التصميم الرائع
خالد:شكرا لكم من الحمد لله أنه اعجبكم
ريم عاينت ليه و ابتسمت .
بعد شويه ودعوهم و اعتذرو انو وقت نوم ادم (مواعيد اجانب مفيش مثال🦦❤️)
المهم اتمشو ووقفو قدام الناس البرقصو لحدي م في و حده جات جرت ريم و واحد جرا خالد دعاهم عشان يرقصو و رقصوهم بالغصب و الاتنين شتر . 😂
ريم كانت ح تقع لانو الناس كانو كتار و برقصو و بكوركو و برفسو رفس .مسكها خالد (يعني ح أمسكها أنا😒)
خالد: ي ساتر. كويس انتي؟
ريم طبعا م اتكلمت بس هزت راسها .
رجعو البيت لبست ليها بجامه اكمامها طويله باللون الابيض الكريمي .
جا طق ليها الباب
فتحت ليه الباب و اتثائبت:ف حاجه
خالد ابتسم :,لا بس كنت عايز اقول ليك ح نسافر بعد بكره وتصبحي على خير.
قالت ليه و هي بتحاول جاهده عشان تفتح عينها :وانت تصبح من اهلو 😴
ضحك على اللخبطه و قرر يتسلى شوية:ريم
ريم :ها 😴
خالد:انتي بتحبيني
ريم:اي😴
خالد:شديد
ريم:اي😴
خالد:شديد شديد يعني
ريم: اي اي😴
خالد:و أنا زاتو
ريم:اي😴(علقت)
خالد ضحك :تمام ي يحببتي 😂
ريم:انت منو 😴
خالد:ود الجيران
ريم:بتعمل شنو ي ود الجيران هنا 😴
وخلاص كانت عايزه تقع لأنها واقفه و بتتكلم وهي نايمه .ثبتها و وداعا لي السرير . رقدها و هو ماشي بس هي كانت ماسكه يدو قوي .
اتطر يقعد معاها شوي لحدي م تنوم كويس و يمشي أو هو عشان عايز يقعد معاها . مشا يدو ف شعرها النازل على وشها وودا ليها ورا اضانها(اذنها🙂)
و همس :م عارف كيف و متين بس شكلي وقعت على قول مايك....ابتسم و عاين ليها و لي طريقه نومها الهاديه .باسها ف رأسها و همس ليها :بحبك❤️
فك يدو براحه و مشى لي غرفتو و نام بهدوء .و هو بفكر فيها و الحيحصل بعداك ....

#يتبع
#فلورا💙
اسفه على الأخطاء 💗
و التأخير💜

#سودانيز_برودكاست 😍 ❤️:
دا اعظم واهم شير تشيرو 💔..كلنا إحتمال نحتاج ليهو ،ياريت تشيروا علي أوسع نطاق، في مصابين مفقودين من اهلهم ،لو شيرت ممكن يختصر البحث للأهل عن مفقودينهم.

تنبيه_هام: لو في اي زول عندو مريض حمانا الله واياكم عشان ما يتعب ويلف ساي دي ارقام المستشفيات يضرب يتاكد بستقبلو الحالة ولا لا

مستشفى كوين بري                      00249183286013

مستشفي الساحة
2565
إستقبال مستشفى أنطاليا
0183776999
إستقبال مستشفى إبن الهيثم
0922325114
إستقبال مستشفى إمبريال 
0183768064
0183773861
0183776071
إستقبال مستشفى الأطباء
0183464419
0183471973
إستقبال مستشفى الجودة
0183492280
إستقبال مستشفى الرسالة
0183743299
0155183555
إستقبال مستشفى الرسالة حوادث القلب
0155183444
إستقبال مستشفى الشريف
0183871415
إستقبال مستشفى الفؤاد
0183430261
0183430262
0183430263
إستقبال مستشفى الفيصل
0155771000
إستقبال مستشفى الزيتونة
0120347011
إستقبال مستشفى الكويتي
0117590901
إستقبال عيادة المستشفى الكويتي
0123590905
إستقبال مستشفى دار العلاج
0183522616
إستقبال مستشفى رويال كير
0156550151
0156550150
إستقبال مستشفى شوامخ
0155146666
إستقبال مستشفى فضيل
0183741424
0183741425
0183741426
إستقبال مستشفى يستبشرون
0183237804
0183237805
إستقبال مستشفى الإنجاز
0123112643
0123112645
إستقبال مركز رزان بالنزهة
0155103388

إستقبال مركز الخرطوم التخصصي للاورام( *KOSC* )
الاستقبال         0155884000
السكرتارية        0155885000
منسق العيادة    0901234233

إستقبال مركز الخرطوم للثدي
0912500025
إستقبال مركز النيلين التشخيصي
0183741226
0183793533
إستقبال مركز الدرديري للأعصاب
0155117079
إستقبال مستشفى السودان للقلب
0183232132
إستقبال مستشفى الشيخ
0157907682
إستقبال أسنان مركز السودان للعيون
0120612730
إستقبال مستشفى هيلث كير
0155272701
إستقبال مركز صحة وعافية
0913045356
إستقبال المركز الدولي للسمع
0183790233
0912412049
إستقبال مستشفى جرش
0183529900
إستقبال مستشفى المودة
0183771006
إستقبال مستشفى حراء
0912809292
0918008888
0912351782
0912338886
إستقبال مركز إنجاز التشخيصي
0183476568
0183477587

مستشفيات الأطفال
إستقبال مستشفى زكريا مبارك
0154870131
0154870130
إستقبال مستشفى أحمد خالد حميدة
+249991466311
*
مستشفيات الولادة
إستقبال مستشفى الراهبات
0183775159
0183768492
إستقبال مستشفى دريم
0155660612
إستقبال عيادات مستشفى دريم
0155660626
مستشفي حراء
0912809292
0918008888
مستشفى الروضه
استقبال مستشفى شفاء العليل
0120768111
استقبال مستشفى الروضه 0124005580
إستقبال مستشفى القمة…

يا رب سلم و احفظ السودان و أهله من كل شرر .🤲🤲🤲🤲🤲🤲🤲🤲