"اُدْعُ اللّٰه أَنْ يُؤنسَك بمَنْ يألَفكَ وتألفه فِي خلقِه، وأنْ يطيّب رُوحك بيد حنُون فِيها مِنْ رحمَتِه، وَيطيب جُرحك بلسَانٍ ليّن فيهِ مِنْ مودتِه، ويُذهِب قرحك بِبلسمٍ دَافئٍ فِيه مِنْ بركَتِه، وأنْ لَا يكتبَ عَليْكَ الوحدَة ولاَ الوحْشَة، وأنْ يهبك مَنْ يسقِيك ولَا يُشقِيك!". .

اللهم صلِّ على قرَّة أعيُننا محمَّد، واحشرنا في زمرته، واجعلنا من أهل شفاعته، وأحينا على سُنَّته وتوفَّنا على ملَّته وأوردنا حوضه يا حيّ يا قيّوم إنَّكَ على كلِّ شيءٍ قدير .

الناس هترتاح لما تفهم إن محدش بياخد كل حاجة، وإن مساعدتك لغيرك مش هتاكل من رزقك ، وإن الأرض تساع نجاح الكل ، والسما بابها مفتوح لدعوات الكل..
يا بخت اللي ربنا يجعله سبب في رزق، أو نقلة لقدام، أو سندة لحد .. ويا ويل الأناني اللي يفتكر إنه هيلاقي خير لما يمنع الخير عن الغير.. أصل عمرها ما بتمشي بمزاج البشر والله!.. طول عمرها ماشية بكرم ربنا، وستره، وإرادته.

"أنا آسف إني غصب عني بخاف من اللي جاي وأنا عارف إنه بإيدك وحدك سُبحانك
وآسف إني بفكر كتير وبتعب دماغي وبشيل الهَم رغم إني مُتأكد إنه في الأول وفي الآخر أمرك أنت وهتمشّيه زي ما أنت شايف الحكمة يا رب.

آسف إني بتلهي عن ثوابت كتير مُقتنع بيها وبآمِن بيها وبخلّي الدنيا تاخُدني وتشغلني وتخوفني وأنت جنبي مابتسيبنيش ولا لحظة..

ربّي اشرح لي صَدري
ويسِّر لي أمري
واغلب خوفي بلُطفك وكرمك يا رحيم."

لما تصلي وتقرأ قرآن دا مش معناه إنك شيخ!
دا العادي والمفروض والله

الدنيا بتروح لإتنين.. واحد بيسعى أوي ليل نهار وبيحاول وبيعافر، وواحد نيته حلوة وقلبه راضي وبيساعد باللي في إيده.

الأول عدل ربنا والتاني رحمة ربنا

ربنا يكتب لنا نصيب ورزق الاتنين
ويكتب لنا نجاةً من الدنيا وعوضًا بالآخرة)".