بعد اذنك ممكن تشوفلي متي سينال المرء ما يريد

وما مُصَابِي إلَّا فِي نَفسِي؛ تُريدُ لي هَلاكًا
وأُريدُ لهَا الجنَّة!

بحب جدًا آية: "‌وَلَقَد مَننَّا عَلَيكَ مرَّةً أُخرَى"

علشان بتفكرني دايمًا إن ربنا مأنعمش عليّ مرة، ولا رزقني مرة، ولا كرمني مرة، ولا لطف بيا مرة، بل حياتي كلها نِعَم وأرزاق وكرم وألطاف مُتجددة، في كل يوم وكل وقت.

مش عارف هتفهموني ولا لا، بس أنا بحس بالإحراج الشديد لو رايح إنترفيو ولاقيت واحد أو واحدة مجرد ما يشوفوني يتكلموا إنجليزي، وانترديوس يور سيلف، إلا لو الوظيفة خاصة بالإنجلش زي الكول سنتر أو كتابة المحتوى.

يا معلم ما أنا خريج كلية بالإنجليزي، ولو مبعرفش أتكلم ما أنت هتعملي اختبار أو هتديني تاسك بالإنجليزي، وساعتها هتعرف مستوايا، أنا داخل بقولك السلام عليكم تروح عاوج لسانك وتقولي مش هنتكلم غير بالإنجلش...ليه أنت مين؟

أنا جايلك المقابلة وأنا مزاحم نص الموقف عشان أركب ميكروباص ومدي واحد أو واحدة كتف قانوني، وأنت نازل قبل ميعاد شغلك بساعة عشان تركب نفس الميكروباص في موقف تاني عشان متقفش طابور.

أنا من شارع فيصل وأنت من ناهية، أنا بلدي المنوفية وأنت هتلاقيك من كفر الشيخ، وبعدين على الهيصة دي كلها أنت آخر مرة كلت لحمة كانت سنة كام تحديدًا؟

أحيانًا بتحصل مصيبة لإنسان وتلاقيه هادي جدًا وكأن مفيش حاجة حصلت، أه هو حزين بس بيتصرف عادي.

ده الصابر، واحدة من أعلى درجات الإيمان بالله، ده شخص ربنا بيحبه لدرجة إنه وقت وقوع المصائب بيلهمه الصبر عليها.

الصبر اتذكر في نقص الأموال، الثمرات، الأنفس، وحتى في الأذى، كل ده عشان هو مفتاح من مفاتيح الجنة.

{وَاللَّهُ يُحِبُّ الصَّابِرِينَ}

ولا تبتليني في مطالبي،
واجبُرني في الأشياءِ التي أقصُدها وأسعى إليها.
وامنُن عليَّ بلُطفِك في كُل خطوةٍ
وامنُن عليَّ بقُرَةٍ عينٍ غير مُنقطعة،
وارزُقني نورَ البصيرة،
ووفقني للخير،
الخير الذي ترضاهُ لي وتحبه.
وارضَ عني
ارضَ عني رِضًا لا أشقى بعدهُ أبدًا يا ربّ.

أدعوك
‏ألّا أتعلق بشيءٍ ليس مُقدرًا لي،
‏أن أقع
‏في كل ما يُشبه قلبي،
‏ويألف وجودي.

"الكَلِمة" تأثيرها عجيب والله على النَفْس
ولإني حين تذوقت ذاك الشعور لم يمر عليّ يوم إلا وأخبرت كل من أراه كلمة طيبة صدوقة،
فهي كلمة تُفتَح لها أبواب السماء (إِلَيْهِ يَصْعَدُ الْكَلِمُ الطَّيِّبُ)
وهي أيضاً هداية وفضل من الله للعبد (وَهُدُوا إِلَى الطَّيِّبِ مِنَ الْقَوْلِ)
وهناك أجمل وأدّق قول عن الكلمة الطيبة لابن بطال حيث يقول :
جعل الله فى فطرة الناس محبة الكلمة الطيبة، والفأل الصالح والأُنس به، كما جعل فيهم الإرتياحَ للبشرى والمنظر الأنيق، وقد يمر الرجل بالماء الصافى فعجبه وهو لا يشربه، وبالروضة المنثورة فتسره وهي لا تنفعه.

بيجي عليّا أيام كده بحس إن أبسط الحاجات تقيلة على قلبي وسخيفة بشكل لا يُحتمل وإن خلاص في اللحظة دي أنا عاوزه أنهار ومش قادرة اتحمل أكتر من كدة وهترمي في الأرض زي اللعبة اللي بطاريتها فضيت."))

والنهاردة ..
واحد من الأيام دي."))

لا نرتَجِي بَعد الرَّحِيلِ رُجوعَكم
‏ماذَا سَتُجدي رَجعة الغُرباء