شغال حالياً على مشروع مساعد شخصي (AI) جوه الواتساب 🤖

البوت خفيف جداً (بيسحب 25 ميجا رام بس)، فتقدر تشغله على موبايلك عادي، أو على كمبيوتر أو سيرفر خارجي براحتك.

وعملتله صفحة ويب Local تتحكم فيه منها وتخصصه زي ما تحب بدل ما تتحكم من الواتس نفسه.

المميزات اللي شغالة حالياً:

• نظام Notes (زي بوت Rose في تليجرام) ونظام Tasks.

• تفريغ وتلخيص الريكوردات (عشان صاحبك اللي بيبعت ريكورد 10 دقايق، أو لو طالب وبتلخص ريكوردات محاضرات).

• يرد على الناس لو أنت مشغول، أو يرد على العملاء لو عندك بيزنس.

• تقدر تعمل جروبات خاصة وتخصص Agent لكل جروب (مثلاً جروب تسجل فيه مصاريفك والـ AI يحسبلك ويقولك عملت إيه خلال الشهر).

• بيتربط بـ Google Drive و Google Sheets عشان يحفظلك معلومات أو تديله داتا يشتغل بيها.

• بيدعم الربط مع Tasker لمحبين الأوتوميشن.

المشروع هيكون Open Source ومجاني.. أنت اللي هتحط الـ API بتاع Gemini وهتربط حسابك على جوجل كلاود بنفسك (والاتنين مجانيين) عشان الخصوصية وتبقى كل حاجتك عندك.

فا لو حد عنده فكرة تانية شايفها مفيدة يقولي أضيفها 👇