⚡️ МУҲИМ

❗️КРЕДИТ БЎЙИЧА КАФИЛ БИЛАН БИРГАЛИКДА ҚАРЗ ОЛУВЧИНИНГ НИМА ФАРҚИ БОР ?

✏️ Бугунги кунда кўпчилик одамлар кредит бўйича кафил ва биргаликда қарз олувчи тушунчаларини бир маъноли деб ўйлашади. Аслида эса бу тушунчалар бошқа-бошқа маънога эга.

❗️Шундай қилиб кафил ва бирга қарз олувчиларнинг ўртасида қандай фарқ бор ?

📄 Қонунчиликка кўра, асосий қарз олувчи олиниши режалаштирилган кредит бўйича тўловларни тўлаш учун етарли даромадга эга бўлмаганда, мазкур тўловларни биргаликда қоплаш учун даромадга эга бўлган бошқа жисмоний шахс, яъни биргаликда қарз олувчи жалб қилиниши мумкин.

➖ Кафиллик шартномаси бўйича эса қарздор ўз мажбуриятини тўла ёки қисман бажармаган тақдирда кафил кредит ташкилоти олдида жавоб беришни ўз зиммасига олади. Бошқача қилиб айтганда, кафилликни таъминот тури сифатида эътироф этиш мумкин.

✅ Кафилнинг биргаликда қарз олувчидан асосий фарқи шундаки, кафил қарздор томонидан мажбуриятлар бажарилмаган тақдирдагина мажбуриятларни бажарувчи сифатида иштирок этади. Биргаликда қарз олувчи эса, кредит сўндирилгунга қадар доимий равишда асосий қарз олувчи билан бир хил мажбуриятга эга бўлади.

✏️ Қиссадан-ҳисса шуки, бирор-бир танишингизга адашиб кафил бўлиб қолган бўлсангиз хам, биргаликда қарз олувчи бўлиб қолманг! Кафил бўлиб қолган бўлсангиз банк Сизни асосий қарздор қарзини узоқ вақт давомида тўламаган тақдирда безовта қилади. Биргаликда қарз олувчи бўлсангиз "безовта қилиш графигидан чиқмаган ҳолда" исталган пайтда беровта қилиши мумкин. Шунинг учун ўйнаб иш қилсангиз хам ўйлаб иш қилинг !


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

⚡️ ЯНГИ ҚАРОР

❗️ ТАДБИРКОР АЁЛЛАРГА 100 МЛН СЎМГАЧА ГАРОВСИЗ КРЕДИТ БЕРИЛАДИ

📃 Президентнинг 14.03.2025 йил кунги ПҚ-103-сон қарори қабул қилинди

✅ Қарорга кўра, 2025 йилда хотин-қизларни қўллаб-қувватлашнинг асосий мақсадли кўрсаткичлари этиб қуйидагилар белгиланди:

➖ 2 миллион нафар хотин-қизларнинг бандлигини таъминлаш;
➖ 250 минг нафар хотин-қизларни касб-ҳунар ва тадбиркорликка ўқитиш;
➖ 250 минг нафар хотин-қизларни олий таълим билан қамраб олиш;
➖ 50 минг нафар эҳтиёжманд хотин-қизларни санаторийларда соғломлаштириш ҳамда уларда тадбиркорлик кўникмаларини шакллантириш бўйича мотивацион семинарлар ташкил этиш.

❗️ “HAMROH” тадбиркор аёлларни қўллаб-қувватлаш дастури доирасида 2025 йил 1 майдан:

➖ хотин-қизларга “яшил лойиҳалар” ва IT соҳасидаги лойиҳаларни амалга оширишига, шунингдек, камида 5 нафар хотин-қизнинг тадбиркорлигини йўлга қўйишга кўмаклашган 1 минг нафар “устоз” тадбиркорларга 50 миллион сўмгача грант ажратиш йўлга қўйилади;

➖ ижобий кредит тарихига эга бўлган хотин-қизларга 100 млн сўмгача гаровсиз кредит ажратилади;

➖ аёл тадбиркорлар томонидан кредит ҳисобидан сотиб олинаётган асбоб-ускуналар етказиб берилгунга қадар “Тадбиркорликни ривожлантириш компанияси” АЖ томонидан кафиллик тақдим этилиши йўлга қўйилади.


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

⚡️ МУҲИМ

❗️АЙРИМ ХОТИН-ҚИЗЛАР ИМТИЁЗЛИ ШАРТЛАР БИЛАН АРЗОН УЙ-ЖОЙГА ЭГА БЎЛИШЛАРИ МУМКИН!

📄 Вазирлар Маҳкамасининг 12.04.2018 йилдаги 285-сон қарорида оғир ижтимоий вазиятга тушиб қолган хотин-қизлар, ногиронлиги бўлган, кам таъминланган, фарзандларини тўлиқсиз оилада тарбиялаётган ва уй-жой шароитини яхшилашга муҳтож оналарга арзон уй-жойлар бериш тартиби белгиланган.

⚡️ Қарорга кўра,

❗️Уй-жойга муҳтож хотин-қизларга бериладиган арзон уй-жойлар тўловининг;

➖ 10 фоизи бошланғич бадал сифатида Хотин-қизларни қўллаб-қувватлаш давлат мақсадли жамғармаси, талабгор ишлаётган ташкилот ва бошқа манбалар ҳисобига;

➖ 90 фоизи эса банкларнинг имтиёзли ипотека кредитлари ҳисобига қопланади.

✏️ Агар орангизда оғир ижтимоий вазиятга тушиб қолган ва имтиёзли шартлар асосида уй олишда ҳуқуқий томонлама қийналаётган хотин-қизлар бўлса қуйида бизга муаммоли саволларингизни ёзиб қолдиринг!


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

❗️ДИҚҚАТ

▪️ЭНДИ САБАБСИЗ СИГНАЛ ЧАЛГАН ҲАЙДОВЧИЛАР 1 125 000 СЎМ ЖАРИМА ТЎЛАЙДИ

📃Ҳукуматнинг 172-сон қарорига илова қилиб келтирилган "Йўл ҳаракати қоидалари"нинг 48-бандига кўра,

➖ Товушли ишоралар фақат қуйидаги ҳолларда қўлланилиши мумкинлиги белгиланган:

1) ➖ аҳоли пунктларидан ташқарида бошқа ҳайдовчиларни қувиб ўтиш ҳақида огоҳлантириш учун;

2) ➖ зарур бўлган ҳолларда йўл-транспорт ҳодисасининг олдини олиш учун.

❌ Юқорида кўрсатилган ҳоллардан ташқари товушли ишоралардан фойдаланиш тақиқланади.

📄 Маъмурий жавобгарлик тўғрисидаги кодекснинг 127-моддасига асосан,

➖ сабабсиз сигнал берган ҳайдовчиларнинг бу ҳаракати уларга 1 125 000 сўм жарима солишга сабаб бўлади.

✏️ Нима учун ЭНДИ? Олдин хам бундай ҳуқуқбузарлик учун жарима бор эдику деб савол туғилиши мумкин! Тўғри, аввал хам жарима бор эди, лекин олдинги жариманинг миқдори БҲМ-нинг 1 баравари (375 000) эди. 20.02.2025 йил кунги ЎРҚ-1033-сон Қонун билан юқоридаги модданинг диспозициясига ўзгартириш киритилди ва ҳозирги кундаги жарима миқдори БҲМ-нинг 3 баравари 1 125 000 сўмни ташкил қилмоқда.


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

❗️НАВРЎЗ БАЙРАМИДА НЕЧА КУН ДАМ ОЛИНАДИ ?

➖ Наврўз байрами муносабати билан қуйидаги кунлар дам олинади:

✅ 21 март (жума) – Наврўз байрами – барча учун дам олиш куни;

✅ 22 март (шанба) – 5 кунлик иш ҳафтасидаги ходимлар учун дам олиш куни, 6 кунлик иш ҳафтасида ишлайдиган ходимлар учун иш куни;

✅ 23 март (якшанба) – дам олиш куни.


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

❗️Фуқароларга қўлланиладиган жарималар БҲМ-нинг беш бараваридан ошмаслиги керак!

⚡️ САВОЛ;
Фуқароларга қўлланиладиган жарималарнинг миқдори нимага асосланиб белгиланади ва фуқаролар учун қўлланиладиган жарималарнинг энг кўп миқдори қанчадан ошмаслиги керак ?


⚡️ЖАВОБ:
Маъмурий жавобгарлик тўғрисидаги кодекснинг 25-моддасига асосан,

➖ Жариманинг миқдори маъмурий ҳуқуқбузарлик содир этилган вақтдаги, давом этаётган маъмурий ҳуқуқбузарлик учун эса бу ҳуқуқбузарлик аниқланган вақтдаги белгилаб қўйилган базавий ҳисоблаш миқдоридан келиб чиққан ҳолда белгиланади.

✅ Фуқароларга солинадиган жариманинг энг кам миқдори базавий ҳисоблаш миқдорининг элликдан бир қисмидан, мансабдор шахсларга эса — ўндан бир қисмидан кам бўлмаслиги керак.

❗️ Фуқаро ва хизматчиларга солинадиган жариманинг энг кўп миқдори базавий ҳисоблаш миқдорининг беш бараваридан, мансабдор шахсларга эса — ўн бараваридан ошмаслиги керак. Баъзи ҳуқуқбузарликлар учун базавий ҳисоблаш миқдорининг тўрт юз эллик бараваригача миқдорда жарима солиниши мумкин деб белгиланган.

Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

⚡️МУҲИМ

❗️Эндиликда фарзандини ноқонуний равишда диний таълим олишига имкон берган ота-оналар жавобгарликка тортилади!

📃 20.02.2025 йил кунги ЎРҚ-1035-сон Қонун асосида айрим қонун хужжатларига қўшимча ва ўзгартиришлар киритилган

➖ Қонун билан “Бола ҳуқуқларининг кафолатлари тўғрисида” ги қонунга киритилган қўшимчага кўра, ота-оналар ёки уларнинг ўрнини босувчи шахслар ўз боласини шахсий эътиқодларига мувофиқ диний ва ахлоқий жиҳатдан тарбиялаш ҳуқуқига эгалиги, улар томонидан ўз боласини қонунга хилоф равишда диний таълим олишга жалб этишга, яъни болани рўйхатдан ўтказилмаган ёки лицензияга эга бўлмаган ташкилотларга ёхуд махсус диний маълумотга эга бўлмаган ва диний ташкилотларнинг Ўзбекистон бўйича марказий бошқарув органининг рухсатисиз диний таълимни амалга ошираётган шахсларга диний таълим олиш учун топширишга йўл қўйилмаслиги белгиланган.

❗️ Шунингдек, Маъмурий жавобгарлик тўғрисидаги кодекснинг 47-моддасига киритилган қўшимчага кўра,

➖ ота-оналар ёки уларнинг ўрнини босувчи шахслар томонидан ўз боласини қонунга хилоф равишда диний таълим олишга жалб этиш, —БҲМнинг 5 бараваридан 10 бараваригача миқдорда жарима солишга сабаб бўлади.

Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

⚡️ ДИҚҚАТ

❗️Бугун барча ходимлар ишдан 2 СОАТ вақтли кетишлари мумкин!

📄 Меҳнат кодекси 187-моддасига кўра,

➖ байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.

✅ Эртага 21 март – Наврўз, шунинг учун бугун барча ходимлар 2 соат вақтлироқ уйига қайтишига қонуний ҳаққи бор.

✏️ Нима учун икки соат, одатда барча ҳодимлар байрам арафасида 1 соат эртароқ кетиши мумкинлиги ҳақида ёзишар эди дейишингиз мумкин, лекин бундай пайтда иш вақти тугашидан 2 соат олдин кетиш ҳам мумкин. Агар ҳодимнинг меҳнат шартномасида ёки у ишлаётган ташкилотнинг ички хужжатларида байрам арафасидаги иш вақти фақат бир соатга қисқартирилади деб қатъий белгилаб қўйилмаган бўлса ҳодим ишдан икки соат, хаттоки 3 соат эртароқ хам уйига қайтиши мумкин. Гап шундаки, юқоридаги 187-моддада байрам арафасида кундалик ишнинг муддати КАМИДА БИР СОАТГА қисқартирилади дейилган. "КАМИДА" айнан манашу сўзининг нормада борлиги барча ҳодимлар учун байрам арафасида икки соат, ёки ундан хам эртароқ ишдан қайтиш мумкинлигига ишора беради. Чунки нормада камида 1 соат дейилган. Кўпида эса манашунча соат олдин қайтиш мумкин дейилган жойи йўқ.

✏️ Агар ушбу ёзган постимизга ҳуқуқий йўналишдаги биронта "файласуф" чиқиб қарши фикр билдирмоқчи бўлса биз бахслашишга тайёрмиз! Агар ўша "файласуф" сочи тўкилиб кетгунча меҳнат қонунчилигини ўқиган шахс бўлса хам фарқи йўқ, биз барибир баҳсга тайёрмиз..


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

❗️БАЙРАМ КУНЛАРИ ИШЛАГАН ҲОДИМЛАРГА ИККИ ҲИССА ҲАҚ ТЎЛАНАДИ

📃 Меҳнат кодексининг 263-моддасига асосан,

➖ Дам олиш кунларидаги ёки ишланмайдиган байрам кунларидаги иш учун қуйидагиларга камида икки ҳисса миқдорида ҳақ тўланади:

✅ ишбай ишловчиларга — камида икки ҳиссали ишбай баҳолар бўйича;

✅ меҳнатига кунбай ва соатбай тариф ставкалари бўйича ҳақ тўланадиган ходимларга — кунбай ёки соатбай тариф ставкасининг камида икки ҳиссаси миқдорида;

✅ маош оладиган ходимларга — ҳар бир ишланган кун ёки соат учун маошдан ташқари кунбай ёки соатбай ставкасининг камида бир ҳиссаси миқдорида.


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

⚡️ ДИҚҚАТ

❗️1 СЕНТЯБРДАН МАКТАБ ДИРЕКТОРЛАРИ, ДИРЕКТОР ЎРИНБОСАРЛАРИ ВА БОҒЧА РАҲБАРЛАРИНИНГ ОЙЛИКЛАРИ ОШИРИЛАДИ

📃 Мактабгача ва мактаб таълими вазири Ҳилола Умарованинг маълум қилишича,

✅ Президентнинг тегишли фармонига асосан, 2025 йилнинг 1-сентябридан:

➖ умумий ўрта таълим ташкилотлари директорларининг маоши 20 фоизга;

➖ директор ўринбосарлариники 15 фоизга оширилади.

✅ Боғчалар раҳбарларининг маошлари эса III вa IV гуруҳдаги умумий ўрта таълим ташкилотлари директори ўринбосарларининг маошига тенглаштириш орқали оширилади.

❗️Бу орқали Республикадаги 10 мингдан ортиқ мактаб директорлари, 7 мингга яқин боғча директорлари ҳамда 35 мингга яқин директор ўринбосарларининг иш ҳақи миқдорлари оширилишига эришилади дейилади ҳабарда.


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

⚡️ ДИҚҚАТ

❗️ВОЯГА ЕТМАГАН БОЛАСИНИ УЙЛАНТИРГАН ЁКИ ЭРГА БЕРГАН ОТА-ОНАЛАР 18 750 000 СЎМГАЧА ЖАРИМА ТЎЛАШЛАРИ МУМКИН

📄 Жиноят кодексининг 125 прим 1-моддасига асосан,

➖ Ота-она ёки уларнинг ўрнини босувчи шахслар томонидан никоҳ ёшига етмаган шахсни эрга бериш ёхуд уйлантириш, шундай қилмиш учун маъмурий жазо қўлланилганидан кейин содир этилган бўлса, — базавий ҳисоблаш миқдорининг ўттиз бараваридан эллик баравари (18 750 000 сўм) гача миқдорда жарима ёки икки юз қирқ соатдан уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади.

✏️ Тўғри, Сиз биринчи марта фарзандингизни у 18 ёшга тўлмай туриб уйлантирсангиз ёки эрга берсангиз дарров 18 миллион сўмдан ортиқ жарима тўламайсиз. Агар бундай ҳуқуқбузарлик Сиз томонингиздан биринчи марта содир қилинаётган бўлса аввалига Сиз маъмурий жавобгарликка (МЖтК 47-3-модда билан) тортиласиз. Яъни, Сизга БҲМнинг 7 бараваридан 15 бараваригача маъмурий жарима қўлланилади. Лекин агар Сиз, «Ке болам! Акангни хам 17 ёшда уйлантириб азгина жарима тўлаганман. Сени хам шу ёшда уйлантирсам ҳеч нарса бўлмайди, бу сафар хам жаримасини тўлаб қўявераман» десангиз ва шу ишни қилсангиз, бу энди иккинчиси бўлади хамда Сиз бу сафар жиноий жазо сифатида ЖКнинг 125 прим 1-моддасини санкцияси билан ҳисоблашишингизга тўғри келади.


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

🍀 Ассалому алайкум каналимизнинг ҳурматли аъзолари!

🔤Барчангизни бугунги байрам, наврўз айёми билан чин қалбдан табриклаймиз. Яна бир бор шундай қутлуғ айёмни кутиб олиш барчамизга насиб этгани учун яратганга ҳамдлар бўлсин. Байрам муносабати билан барчанинг ҳонадонига тинчлик ва тотувлик, ризқингизга барака, ишларингизга ривож тилаймиз.

🤲 Яратган эгамнинг ўзи ўтганларимизни руҳларини шод қилсин, хасталаримизга шифо берсин хамда қолганларни саломатлик билан сийласин илохим...

👉 @Yurist_Blogerr

❗️ ДАВЛАТ ФОЙДАСИГА МУСОДАРА ҚИЛИШ НИМАНИ АНГЛАТАДИ ?

📄 Маъмурий жавобгарлик тўғрисидаги кодекснинг 27-моддасига асосан,

➖ Маъмурий ҳуқуқбузарликни содир этиш қуроли бўлган ашёни ёки маъмурий ҳуқуқбузарликнинг бевосита ашёсини мусодара қилиш мазкур ашёни ҳақ тўламасдан мажбурий тарзда давлат мулкига ўтказилишини англатади ва ушбу чора жиноят ишлари бўйича туман ёки шаҳар суди томонидан қўлланилади.

🔤Шу ўринда:

❗️Ҳуқуқбузарнинг шахсий мулки бўлмаган ашё мусодара қилиниши мумкин эмас. (Муомаладан чиқарилган ашёлар бундан мустасно)

‼️ Ўқотар ов қуролини, пневматик ов қуролини ҳамда унинг ўқ-дориларини, бошқа ов қуролларини мусодара қилиш асосий тирикчилик манбаи овчилик бўлган шахсларга нисбатан қўлланилиши мумкин эмас.


Савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

❗️БОҚУВЧИСИНИ ЙЎҚОТГАН ХОТИН-ҚИЗЛАР БОҒЧА ПУЛИДАН ОЗОД ЭТИЛГАН

📃 ПФ-87-сон Президент Фармонига асосан,

⚡️ Боқувчисини йўқотган хотин-қизлар учун:

✅ фарзандлари учун давлат боғчаларига тўланадиган ота-оналар бадалидан озод қилиниши;

✅ 3 ёшгача фарзандлари учун нодавлат боғчаларга бюджетдан субсидиялар ажратилиши белгиланган.


Бепул савол-жавоб 👇
@yuristdan_javob_bot

Каналга уланиш 👇
             @Yurist_Blogerr

⚡️МУҲИМ

❗️1 апрелдан аҳолига ижтимоий ёрдамлар уларнинг даромади киши бошига минимал истеъмол ҳаражатлари миқдорининг 2 бараваридан тўғри келган тақдирда хам кўрсатилади

📄 Президентнинг “Аҳолини ижтимоий ҳимоя қилиш тизимини молиялаштириш тартиб-таомилларини такомиллаштириш тўғрисида”ги ПФ-17-сон Фармонига асосан,

✅ 2025 йил 1 апрелдан:

➖ “Ижтимоий дафтарлар” жамғармалари орқали кўрсатиладиган ижтимоий ёрдамлар Камбағал оилалар реестрига киритилган оилаларга, уй-жой шароитларини яхшилаш ва соғлиқни сақлаш бўйича ижтимоий ёрдамлар эса – ойлик даромади оила аъзоларининг ҳар бирига минимал истеъмол харажатлари миқдорининг 2 бараваридан кўп бўлмаган оилаларга ҳам тақдим этилади.

❗️ “Ижтимоий дафтарлар” жамғармалари орқали ижтимоий ёрдамлар қуйидаги тартибда кўрсатилади:

➖ оилаларни камбағалликдан чиқариш бўйича индивидуал режада камбағал оилаларнинг ёшлари ва хотин-қизларига муайян ижтимоий ёрдамларнинг белгиланиши ушбу тоифадаги шахслардан қўшимча мурожаат талаб этмаган ҳолда “Ижтимоий дафтарлар” жамғармалари ҳисобидан ижтимоий ёрдамлар кўрсатилишига асос бўлади;

➖ “Ижтимоий дафтарлар” жамғармалари ҳисобидан ижтимоий ёрдам кўрсатишни сўраб мурожаат қилган шахсларнинг ижтимоий ҳолатини аниқлаш “Ягона миллий ижтимоий ҳимоя” ахборот тизими орқали, оиланинг молиявий ҳолатини эса – идоралараро ахборот алмашинуви орқали автоматик равишда баҳолаш (скоринг) натижаларига мувофиқ амалга оширилади.


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr