❗️Прокурор, ички ишлар ва солиқ органлари раҳбарлари секторлар фаолияти бўйича юклатилган вазифаларидан озод этилади.

📃 Президентнинг 21.04.2025 йилдаги ПФ-71-сон Фармонига асосан,

➖ Эндиликда секторлар ишига бош вазир ўринбосарлари ва Ўзбекистон маҳаллалари уюшмаси ҳамда унинг ҳудудий бўлинмалари масъул этиб белгиланади.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️2 ЁШГА ТЎЛМАГАН БОЛАСИ БОР ҲОДИМЛАРГА ИШ ВАҚТИДА ҚЎШИМЧА ТАНАФФУС БЕРИЛАДИМИ ?

⚡️ САВОЛ:
Мен декретдан фарзандим икки ёшга тўлмасидан ишга қайтганман. Саволим шуки, фарзандим ёш бўлганлиги сабабли иш куни давомида менга қандайдир қўшимча танаффус берилиши керакми йўқми ?

⚡️ ЖАВОБ:
Меҳнат кодексининг 407-моддасига асосан,

➖ Икки ёшга тўлмаган боланинг ота-онасидан бирига (васийсига) дам олиш ва овқатланиш учун танаффусдан ташқари болани овқатлантириш учун қўшимча танаффуслар берилади. Бу танаффуслар камида ҳар уч соатда, ҳар бири ўттиз дақиқадан кам бўлмаган давомийликда берилади. Икки ёшга тўлмаган икки ёки ундан ортиқ нафар фарзанди бўлган тақдирда, танаффуснинг давомийлиги камида бир соат қилиб белгиланади. Болани овқатлантириш учун танаффуслар иш вақтига киритилади ва ўртача иш ҳақи бўйича ҳақ тўланади деб белгиланган.

✅ Икки ёшга тўлмаган бола отасининг ёки онасининг (васийсининг) хоҳишига кўра болани овқатлантириш учун танаффуслар дам олиш ва овқатланиш учун танаффусга қўшиб берилиши ёхуд иш кунининг (сменанинг) тегишинча қисқартирилган ҳолда бошига ёки охирига кўчирилиши, шу жумладан жамланган ҳолда кўчирилиши мумкин. ✏️ Демак, бу танаффусдан ўз вақтида ҳар уч соатда ёки хаммасини жамлаган ҳолда бир вақтда хам фойдаланиш мумкин.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ҚОНУНИЙ НИКОҲ ДАВОМИДА ОЛИНГАН УЙНИ БЎЛИШ УЧУН АРИЗА БЕРСАМ СУД АРИЗАМНИ РАД ҚИЛДИ..

⚡️ САВОЛ:
Мен турмуш ўртоғим билан бундан тўрт йил аввал ажралишганмиз. Бирга яшаб юрган вақтимизда, яъни турмуш ўртоғим билан қонуний никоҳда бўлган пайтимизда янги қурилган ҳонадонлардан 3 хонали квартира сотиб олган эдик. Мен яқинда қонуний никоҳимиз давомида сотиб олинган ўша уйдан ҳаққимни ажратиб беришини сўраб судга ариза берган эдим. Суд аризамни рад этди. Рад қилинган хужжатда айтилишича муддатни ўтказиб юборган эмишман. Шундай ҳолатда суд даъвойимни рад қилиши тўғрими ?

⚡️ ЖАВОБ:
Оила кодексининг 27-моддасига кўра,

➖ никоҳдан ажралган эр ва хотиннинг умумий мол-мулкни бўлиш тўғрисидаги талабларига нисбатан 3 йиллик даъво муддати қўлланилиши белгиланган. Сиз қонуний никоҳингиз бекор бўлганидан бошлаб 3 йил ичида қонуний никоҳингиз давомида олинган уйдан улушингизни талаб қилиб судга мурожаат қилмаганлигингиз даъво муддати ўтиб кетишига сабаб бўлган.

✔️ Юқоридаги асосга кўра, даъво муддати ўтиб бўлганидан кейин мурожаат қилинганлиги сабабли суд томонидан даъвонинг рад этилиши қонуний ҳисобланади.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️ ДИҚҚАТ

❗️1 МАЙДАН КАМ ТАЪМИНЛАНГАН ОИЛАЛАРГА ЭЛЕКТР ВА ГАЗ ТЎЛОВЛАРИ БЎЙИЧА КОМПЕНСАЦИЯ ТЎЛАНАДИ

📄 Президентнинг 02.04.2025 йил кунги ПҚ-134-сон қарорига асосан,

➖ 2025 йил 1 майдан, «Ижтимоий ҳимоя ягона реестри» ахборот тизими орқали болалар нафақаси ва моддий ёрдам олувчи ҳамда Камбағал оилалар реестрига киритилган, шунингдек, Реестрларга киритилмаган, бироқ моддий аҳволи бўйича кам таъминланган оилалар мезонларига тўғри келувчи, оиладаги жон бошига даромади минимал истеъмол харажатларининг 1,5 баробаридан ошмайдиган оилаларга:
 
➖ электр энергияси истеъмоли бўйича — ойига базавий меъёрдан ортиқ фойдаланилган 150 кВт соатгача;

➖ табиий газ истеъмоли бўйича — иситиш мавсумида ойига базавий меъёрдан 250 куб метргача, бошқа даврларда ойига базавий меъёрдан 150 куб метргача ортиқ фойдаланилган қисми учун базавий меъёр доирасидаги ҳамда базавий меъёрдан ошган нархлар ўртасидаги фарқ компенсация қилиб берилади.

✏️ Ушбу маълумот 👉 Манабу ердаги 👈 ёзган постимиз бекорга ёзилмаганлигига яна бир исбот бўлади..


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️ ДИҚҚАТ

❗️ПАСПОРТИНГИЗНИ АМАЛ ҚИЛИШ МУДДАТИГА ҚАРАБ ҚЎЙИНГ!

✔️ Муддати ўтган паспортни 1 ой ичида алмаштирмаганлар жарима тўлайди

📄 ПФ-4262-сон Президент Фармонига илова қилиб келтирилган "Ўзбекистон Республикаси фуқаросининг биометрик паспорти тўғрисида"ги низомнинг 11-бандига кўра,

➖ фуқаро паспортининг амал қилиш муддати тугагандан сўнг ёки фамилияси, исми, отасининг исми, туғилган йили ва миллати ўзгарганда паспортини 1 ой муддатда ID-картага алмаштириши лозим.

✔️Фуқаро амал қилиш муддати ўтган биометрик паспортини ўз вақтида ID-картага алмаштирмаслиги — яъни, ҳақиқий бўлмаган паспорт ёки идентификацияловчи ID-карта билан яшаши МЖтКнинг 223-моддасига биноан маъмурий жавобгарликка сабаб бўлади.

‼️ Бундай ҳуқуқбузарлик БҲМнинг 3 баравари, яъни 1 125 000 сўмгача миқдорда жарима солишга сабаб бўлади.


Бепул савол-жавоб  👇
       @yuristdan_javob_bot

Каналга уланиш 👇
                  @Yurist_Blogerr

⚡️ 🔤🔤🔤🔤🅰️🔤

❗️БУГУНДАН АРИЗАЛАР ҚАБУЛИ БОШЛАНДИ !

➖ мутаҳассислиги бўйича 5 йил иш стажига эга хотин-қизлар ОТМга ўқишга имтиёзли кириши учун уларга тавсиянома берилади

📃 Ҳукуматнинг 09.06.2022 йил кунги 322-сон қарори билан тасдиқланган Низомга кўра,

➖ мутахассислиги бўйича камида 5 йил меҳнат стажи бор, лекин олий маълумотга эга бўлмаган хотин-қизлар давлат ОТМга алоҳида қабул параметрлари (500 та квота) доирасида тўлов-контракт асосида ўқишга қабул қилиниши белгиланган.

❗️ Бунда талабгор Оила ва хотин-қизлар давлат қўмитаси тавсияномасига эга бўлиши керак.

❗️ Тавсиянома олиш учун талабгор қуйидаги талабларга тўғри келиши керак:

➖1) ўрта махсус ёки профессионал таълим бўйича мутахассисликка эга бўлиши;

➖2) тавсиянома олгунга қадар олий таълим олмаганлиги ёки олмаётганлиги;

➖3) ўрта махсус ёки профессионал таълим мутахассислиги бўйича 5 йиллик меҳнат стажига эга бўлиши.

❗️ Қарорда тавсиянома олиш учун талабгор доимий яшаш ёки вақтинча рўйхатда турган жойидаги туман ёки шаҳар оила ва хотин-қизлар бўлимларига ҳар йили 1 майдан 1 июнга қадар ариза билан мурожаат қилиши кераклиги белгиланган.

✏️ Бу маълумотни олий маълумотли бўлиш орзусида юрган етарли стажи бор танишларингизга юбориб қўйсангиз уларга манфаатли бўлади!

ҚЎШИМЧА САВОЛЛАР УЧУН 👇
       @yuristdan_javob_bot

Каналга уланиш 👇
                  @Yurist_Blogerr

❗️МАНСАБДОР ШАХСЛАР ТОМОНИДАН ФУҚАРОЛАРНИНГ МУРОЖААТЛАРИНИ ҚАБУЛ ҚИЛМАСЛИК ЖАВОБГАРЛИККА САБАБ БЎЛАДИ

📃 Маъмурий жавобгарлик тўғрисидаги кодекснинг 43-моддасига кўра;

➖ Жисмоний ва юридик шахсларнинг мурожаатларини қабул қилиш ва кўриб чиқишни қонунга хилоф равишда рад этиш, уларни кўриб чиқиш муддатларини узрли сабабларсиз бузиш, ёзма ёхуд электрон шаклда жавоб юбормаслик, жисмоний ва юридик шахсларнинг мурожаатлари тўғрисидаги қонунчиликка зид қарор қабул қилиш, жисмоний ва юридик шахсларнинг бузилган ҳуқуқлари тикланишини, мурожаат муносабати билан қабул қилинган қарорнинг бажарилишини таъминламаганлик👇

❗️мансабдор шахсларга базавий ҳисоблаш миқдорининг бир бараваридан уч бараваригача миқдорда жарима солишга сабаб бўлади.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ҲОДИМ МЕҲНАТ ТАЪТИЛИГА ЧИҚАЁТГАНИДА УНГА ТАЪТИЛ ПУЛИ ҚАЧОН ТЎЛАНИШИ КЕРАК ?

⚡️САВОЛ;
Меҳнат таътилига чиқаётган ҳодим учун таътил пули қачон берилиши керак ?

⚡️ЖАВОБ;
Меҳнат кодексининг 233-моддасига асосан, ҳар йилги меҳнат таътилида бўлган вақти учун ходимга белгиланган тартибда ҳисоблаб чиқариладиган ўртача иш ҳақининг сақланиши кафолатланади.

➖ Ҳодимнинг ҳар йилги меҳнат таътили учун ҳақ тўлаш жамоа шартномасида, ички ҳужжатларда ёхуд меҳнат шартномасида белгиланган муддатларда, бироқ таътил бошлангунига қадар охирги иш кунидан кечиктирмай амалга оширилади.

✏️ Юқоридаги норманинг мазмунидан келиб чиқадиган бўлсак, ҳодим меҳнат таътилига чиқаётганида унга таътил вақти учун тўлов олдиндан амалга оширилиши керак. Бу нормада истисно ҳолатлар йўқ. Айтайлик, амалда ишлаб турган ҳодим ойнинг 15-санасидан меҳнат таътилига чиқишга ариза берган бўлса, таътил пули унга таътилга чиқишдан олдинги охирги иш куни яъни, ўша ойнинг 14-санасидан кечиктирмай, агар ўша 14-сана дам олиш куни бўлса ундан олдинги иш кунида тўланиши керак.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️КОРХОНАГА "СОКРАШЕНИЕ" КЕЛГАНИДА ИШДА ҚОЛИШ УЧУН КИМЛАР ИМТИЁЗЛИ ҲУҚУҚҚА ЭГА ?

📃 Меҳнат кодексининг 167-моддасига асосан,

➖ корхонада ходимлар сони (штати) қисқариши муносабати билан меҳнат шартномаси бекор қилинганда ишда қолдириш учун имтиёзли ҳуқуқ малакаси ва меҳнат унумдорлиги юқорироқ бўлган ходимларга берилади.

❗️Малакаси ва меҳнат унумдорлиги бир хил бўлган тақдирда қуйидагиларга афзаллик берилади:

✅ қарамоғида икки ёки ундан ортиқ киши бўлган ходимларга;

✅ оиласида ундан бўлак мустақил иш ҳақи олувчи бўлмаган шахсларга;

✅ мазкур корхонада кўп йиллик иш стажига эга бўлган ходимларга;

✅ ишлаб чиқаришдан ажралмаган ҳолда олий ва ўрта махсус, профессионал таълим ташкилотларида меҳнат шартномасига кўра тегишли мутахассислик бўйича ўз малакасини ошираётган ходимларга ҳамда ишлаб чиқаришдан ажралган ҳолда олий ва ўрта махсус, профессионал таълим ташкилотларини тамомлаган шахсларга ўқишни тамомлаганидан кейин мутахассислиги бўйича ишлаш шарти билан уч йил мобайнида;

✅ мазкур корхонада меҳнатда майиб бўлиб қолган ёки касб касаллигини орттирган шахсларга;

✅ ногиронлиги бўлган шахсларга;

✅ уруш ногиронлари, уруш қатнашчилари ва уларга тенглаштирилган шахсларга;

✅ атом объектларидаги фалокатлар оқибатида келиб чиққан оширилган радиация нурланиши билан боғлиқ нурланиш касаллиги ва бошқа касалликларга йўлиққан ёки шундай касалликларни бошидан кечирган шахсларга.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️МАЪНАВИЙ ЗАРАР НИМА?

✅ Маънавий зарар деганда жабрланувчига қарши содир этилган ҳуқуқбузарлик ҳаракати ёки ҳаракатсизлиги оқибатида у бошидан кечирган маънавий ва жисмоний (камситиш, жисмоний оғриқ, зарар кўриш, ноқулайлик вҳ..) азоблар тушунилади.

📃 Фуқаролик кодекси 1022-моддасига кўра,

➖ маънавий зарар пул билан қопланади. Маънавий зарарни қоплаш миқдори жабрланувчига етказилган жисмоний ва маънавий азобларнинг хусусиятига, зарар етказувчининг айби даражасига қараб суд томонидан аниқланади.

✅ Зарарни қоплаш миқдорини аниқлашда оқилоналик ва адолатлилик талаблари эътиборга олиниши лозим. Жисмоний ва маънавий азобларнинг хусусияти маънавий зарар етказилган ҳақиқий ҳолатлар ва жабрланувчининг шахсий хусусиятлари ҳисобга олинган ҳолда фуқаролик суди томонидан баҳоланади.

❗️Маънавий зарар тўланиши лозим бўлган мулкий зарардан қатъи назар қопланади.


Бепул савол-жавоб👇
       @yuristdan_javob_bot

Каналга уланиш👇
                  @Yurist_Blogerr

❗️ҲАДЯ, МЕРОС ТАРИҚАСИДА ОЛИНГИН МОЛ-МУЛК ШАХСНИНГ ХУСУСИЙ МУЛКИ ХИСОБЛАНАДИ!

📄 Оила кодексининг 25-моддасига асосан,

➖ Эр ва хотиннинг никоҳга қадар ўзига тегишли бўлган мол-мулки, шунингдек улардан ҳар бирининг никоҳ давомида ҳадя, мерос тариқасида ёки бошқа бепул битимлар асосида олган мол-мулки улардан ҳар бирининг ўз мулки ҳисобланади.

✔️ Никоҳ давомида эр-хотиннинг умумий мулки ёки улардан ҳар бирининг мол-мулки ёхуд эр ва хотиндан бирининг меҳнати ҳисобига мол-мулкнинг қиймати анча ошишига олиб келган маблағлар (капитал таъмирлаш, қайта қуриш, қайта жиҳозлаш ва бошқалар) қўшилгани аниқланса, эр ёки хотиндан ҳар бирининг мол-мулки уларнинг биргаликдаги мулки деб топилиши мумкин.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ЎЗИНИ ЭГАЛИГИДА БЎЛМАГАН УЙ-ЖОЙЛАРНИ ҲУСУСИЙЛАШТИРИШНИНГ ФАҚАТ ИККИ ЙЎЛИ БОР ХОЛОС!

📄 Фуқаролик кодексининг 187-моддасига асосан,

➖ мулкдор бўлмаган, лекин кўчмас мол-мулкка ўн беш йил давомида ёки бошқа мол-мулкка беш йил давомида ўзиники каби ҳалол, ошкора ва узлуксиз эгалик қилган шахс бу мол-мулкка мулк ҳуқуқини олади

✅ Кўчмас ва бошқа мол-мулкка давлат рўйхатидан ўтказилиши шарт бўлган мулк ҳуқуқи ушбу мол-мулкка эгалик қилиш ҳуқуқини вужудга келтирувчи муддат туфайли олган шахсда ана шундай рўйхатдан ўтказилган пайтдан бошлаб вужудга келади.

✏️ Ким нима деган тақдирда хам узоқ йиллардан бери мулк ҳуқуқи бўлмаган ер участкаларини ҳусусийлаштиришнинг фақат икки йўли бор! Биринчиси юқоридаги 187-моддада келтирилган норма бўлса, иккинчиси хамма билган ва ҳозирда амалда бўлиб турган "Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги 937-сон Қонун нормаси. Бу иккинчи нормани ҳалқ тилида кўпчилик "акция" хам дейишади. Манашу икки норма талабидан бошқача шаклда айтарли хужжати бўлмаган мол-мулкларни ҳусусийлаштиришнинг амалда имконияти йўқ. Агар ушбу масала бўйича кимда қўшимча саволлар бўлса қуйида бизга ёзиб қолдиришларинг мумкин!


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️ МУҲИМ

❗️ГАЗ ХИСОБЛАГИЧНИ ПЛОМБАСИНИ БУЗГАН ФУҚАРОЛАР ЖАВОБГАРЛИККА ТОРТИЛАДИ

⚡️Савол;
Мен хўжалигимдаги газни қайта ёқаман деб газ хисоблагични пломбасини бузиб қўйдим. Бунинг учун менга қанча жарима қўлланилиши мумкин ?

⚡️Жавоб;
Маъмурий жавобгарлик тўғрисидаги кодекснинг 101-моддасига кўра,

➖ Умумий фойдаланишдаги электр, иссиқлик, газ тармоқларига ўзбошимчалик билан уланиш ёки улардан фойдаланиш қоидаларини бошқача тарзда бузиш ёхуд электр, иссиқлик энергияси, табиий газни ҳисобга олиш асбобларига шу жумладан уларнинг пломбаларига қасддан шикаст етказиш ёки бундай ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш, — фуқароларга базавий ҳисоблаш миқдорининг ўн бараваридан ўн беш бараваригача, мансабдор шахсларга эса — йигирма бараваридан йигирма беш бараваригача миқдорда жарима солишга сабаб бўлади.

✏️ Демак, агар вазият айнан Сиз айтгандек бўлса яъни, газни қайта ёқаман деб эҳтиётсизлик орқасидан ҳисоблагични пломбасини бузиб қўйган бўлсангиз ва ҳолат худди Сиз айтгандек бўлганлигини исботлаб берсангиз Сизга маъмурий жавобгарлик қўлланилмаслиги керак. Лекин, вазият аслида Сиз айтганингиздан бошқачароқ шаклда содир этилган бўлса Сизга нисбатан БХМнинг 10 дан 15 бараваригача жарима қўлланилиши мумкин.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ЁЛҒИЗ ОНАЛАР 1 628 550 СЎМГАЧА БЎЛГАН ДАРОМАДЛАРИДАН ДАРОМАД СОЛИҒИ ТЎЛАШЛАРИ ШАРТ ЭМАСЛИГИНИ БИЛАРМИДИНГИЗ?

📄 Ўзбекистон Республикаси Солиқ кодексининг 380-моддасига кўра,

➖ икки ва ундан ортиқ ўн олти ёшга тўлмаган болалари бор ёлғиз оналар даромадлар қайси ойда олинган бўлса, ўша ойда ҳар бир ой учун меҳнатга ҳақ тўлаш энг кам миқдорининг 1,41 баравари (Бўлади 1 628 550 сўм) миқдоридаги даромадлар бўйича солиқ солишдан озод этилади.

✏️ Бу дегани, 16 ёшга тўлмаган камида икки нафар боласи бор ёлғиз оналар олаётган даромадларини манашу 1 628 550 сўм сўмдан ортган қисмигагина даромад солиғини тўлайди бўлди.

✅ Бу имтиёз ҳар бир бола учун фуқаролик ҳолати далолатномаларини ёзиш органлари (ФҲДЁ) томонидан тақдим этиладиган маълумотнома асосида берилади.

✏️ Ушбу масала бўйича кимда қўшимча саволлар бўлса қуйида бизга ёзиб қолдиришлари мумкин!


Савол юбориш 👇
@yuristdan_javob_bot

Каналга уланиш👇
           @Yurist_Blogerr

⚡️ ДИҚҚАТ

❗️ЭНДИ СИРТҚИ ТАЪЛИМ ДЕГАН НАРСА БЎЛМАЙДИ.

📄 Президентнинг 05.05.2025 йил кунги ПФ-76-сон Фармонига кўра,

➖ 2025/2026-ўқув йилидан бошлаб таълимнинг сиртқи шаклига қабул тугатилди. Яъни, жорий йилдан бошлаб сиртқи таълимга ҳеч ким қабул қилинмайди. Бошқача айтганда, бу йилдан бошлаб йўналиш туридан қатъий назар сиртқи таълим учун мутлақо квота ажратилмайди.

❗️Ушбу тартиб давлат ва нодавлат (хусусий) олийгоҳлар учун ҳам бирдек амал қилади. Яъни, бу давлат олийгоҳларига тааллуқли масала, хусусий олийгоҳларда сиртқи таълим сақланиб қолаверса керак деган нарса хам йўқ дегани бу.

✔️ Шу жойида кўпчиликда савол туғилиши мумкин! Сиртқи таълим шаклида амалда ўқиб келаётган талабалар энди нима қилади ? Масалан, кимдир иккинчи курс, кимдир уч ёки тўртинчи курсда ўқийди. Энди улар нима қилади ? Улар ўқишини қолган жойидан давом эттираверади. Фақат сиртқи таълимга энди янги талабалар қабул қилинмайди. Амалдаги сиртқи таълим талабалари ўқишини битиргунларича уларда ўзгариш бўлмайди дегани бу.

➖ Сиртқи таълим тугатилди, энди сиртқи таълим ўрнига қандай таълим тури жорий қилинади ? Бу савол хам кўпчиликни қизиқтирса керак. Юқоридаги Фармонда келтирилишича, эндиликда сиртқи таълимнинг ўрнига кундузги таълимдан бошқа муқобил таълим шакллари бўйича қабул квоталари босқичма-босқич ошириб борилади. Бу кўпроқ масофавий таълим шакли бўлса керак.

❗️Шунингдек, олийгоҳларда муқобил таълим шакллари бўйича умумий қабул квотасини кундузги таълим шакли қабул натижасининг 50 фоизидан оширишга йўл қўйилмайди. Яъни, кундузги таълим шаклига нечта талаба қабул қилинса, муқобил таълим шаклига шуни ярмига тенг миқдордаги талабалар қабул қилинади холос.

❗️Фармонга кўра, эндиликда муқобил таълим шаклларини магистратура босқичига хам тадбиқ қилишга рухсат берилади. Масалан, энди магистратурада хам масофавий ўқиш мумкин бўлади. Магистратурада бунгача фақат кундузги таълимга рухсат берилган эди.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️БУГУНГИ КУН ҲОЛАТИГА ИШСИЗЛАР ТОМОНИДАН ТЎЛАНИШИ КЕРАК БЎЛГАН АЛИМЕНТ МИҚДОРЛАРИ ҚАНЧА ?

📃 Оила кодексининг 140-моддасида,

➖ агар алимент тўлаши шарт бўлган шахс шу даврда ишламаган бўлса ёки унинг иш ҳақи ёки даромадини тасдиқловчи ҳужжатлар тақдим қилинмаган бўлса, алимент қарзи ундирилаётган вақтда Ўзбекистон Республикасидаги ўртача ойлик иш ҳақи миқдори бўйича ҳисоблаб чиқилади деб кўрсатилган. Давлат статистика агентлиги томонидан берилган маълумотга таянган ҳолда алимент тўловчилар учун МИБ томонидан белгиланадиган Ўзбекистондаги ўртача ойлик иш ҳақи ҳисоблаб чиқилган.

⚡️Шунга кўра, бугунги кун ҳолатига МИБнинг расмий mib.uz сайти орқали ишсиз бўлган алимент тўловчилар учун ҳар ойлик алимент миқдорлари болалар сонига қараб;

✔️ Бир нафар бола учун— 1 592 039 сўм;

✔️ Икки нафар болалар учун— 2 122 719 сўм;

✔️ Уч ва ундан ортиқ болалар учун— 3 184 079 сўмни ташкил қилмоқда.

✏️ Шундан келиб чиқиб ким аслида қанча алимент олиши ёки тўлаши кераклигини ҳисоблаб олса бўлади. Агар қўшимча саволлар бўлса қуйида бизга ёзиб қолдиришларинг мумкин!


Савол юбориш  👇
  @yuristdan_javob_bot

Каналга уланиш 👇
                @Yurist_Blogerr