❗️НОГИРОНЛИГИ БЎЛГАН БОЛАЛАРНИНГ ОНАЛАРИ БОШҚАЛАРДАН 5 ЙИЛ ОЛДИН ПЕНСИЯГА ЧИҚИШИ МУМКИН

⚡️САВОЛ;
Болаликдан ногиронлиги бўлган болаларни тарбиялаган оналар пенсияга 50 ёшдан чиқиши мумкинлигини эшитдим. Шу ростми ?

⚡️ЖАВОБ;
Бундай норма қонунчиликда мавжуд. "Фуқароларнинг давлат пенсия таъминоти тўғрисида"ги қонуннинг 12-моддасида, болаликдан ногиронлиги бўлган фарзандларнинг оналари уларни саккиз ёшгача тарбиялаган бўлса — иш стажи камида 20 йил бўлган тақдирда умумий белгиланган 55 ёшдан эмас, бошқаларга қараганда имтиёзлироқ яъни, 50 ёшдан пенсияга чиқиши мумкинлиги кўрсатилган.

✅ Демак, болаликдан ногиронлиги бўлган болаларни камида 8 йил тарбиялаган оналар пенсияга бошқалардан 5 йил олдин чиқиши мумкин. Фақат, юқорида кўрсатилган иш стажига эга бўлишлари керак.

✏️ Меҳнат стажи билан боғлиқ ҳамда пенсияга алоқадор ҳар қандай ҳуқуқий масаладаги саволларингизни қуйида бизга ёзиб қолдиришларинг мумкин!


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️МУЛЪТИРАДАРЛАР МУАММОСИ ЯНА АВЖИДА..

⚡️САВОЛ:
Мулътирадарлар қайд этган ҳуқуқбузарликлар  48 соат ичида ваколатли органга юборилиши шарт эканлигидан ҳабарим бор, лекин нима учун анча вақт олдин, ҳаттоки 2024 йилда қайд этилган ҳуқуқбузарликлар учун жарималар энди келмоқда. Масалан, 6 ой олдин мулътирадар орқали қайд этилган ҳуқуқбузарлик учун энди жарима келиши қанчалик қонуний ?

⚡️ЖАВОБ:
Яхшиямки радарчи акаларимизни бахтига Маъмурий жавобгарлик тўғрисидаги кодекснинг 36-моддаси бор. Мазкур моддада кўрсатилишича, маъмурий жазо ҳуқуқбузарлик содир этилган кундан бошлаб, давом этаётган ҳуқуқбузарликлар учун эса, ҳуқуқбузарлик аниқланган кундан бошлаб бир йилдан кечиктирмай қўлланилиши мумкин.

✏️ Сиз Ўзбекистонни қаерида яшашингиздан қатъий назар, менга мулътирадар жаримаси кеч келди деб қаергадир шикоят қилсангиз Сизга анашу 36-моддани баланд овозда ўқиб беришади. Энди табиий савол туғилади! Ундай бўлса 48 соат деган масала нима бўлади ?

✏️ Тўғри, мулътирадар орқали қайд этилган ҳуқуқбузарлик ўша ҳуқуқбузарлик учун жарима солиш тўғрисида қарор чиқаришга ваколатли бўлган органга қирқ саккиз соат ичида юборилмаган тақдирда, маъмурий ҳуқуқбузарлик тўғрисидаги иш МЖтКнинг 271-моддасига мувофиқ тугатилиши керак. Бироқ, Сиз эътироз билдириб борган ташкилот Сизни ҳуқуқбузарлик қилганлигингиз тўғрисидаги маълумот бизга 48 соатдан хам олдинроқ етиб келган, фақат биздаги техник муаммолар сабабли жарима бўйича қарор Сизга кеч борган деб айтади ва тамом. Агар бундай маълумотни ёзма шаклда оламан десангиз ёзиб хам беришади.

✏️ Бу масалада муаммо шундаки, 48 соат деган норма билан Сиз жаримадан қутила олмаслигингиз мумкин. Чунки, менимча, мулътирадарчилар жарима қарорини чиқарадиган органга 48 соат ичида хабар бермаган тақдирда хам кейинчалик бу муаммони ҳал қилиш мумкин. Ҳар-холда бу мумкин эмаслигини билишнинг оддий одам учун реал имкони йўқ. Буни билишнинг реал имконияти бўлиши учун мулътирадарчилар билан жарима чиқарадиган орган бир-биридан мутлақо манфаатдор бўлмаслиги керак эди. Амалда эса ундай эмас. Амалда ҳар икки томон хам бирдек манфаатдор бўлган жойдан 48 соат деган норма отилиб чиқиб Сизга ёрдам беролмайди.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️ МУҲИМ!

❗️ШАРОИТИ ОҒИР КЕКСАЛАРГА ДАВОЛАНИШ УЧУН ДОРИ-ДАРМОНЛАР ХАМДА ЖАРРОҲЛИК АМАЛИЁТИ ХАРАЖАТЛАРИ ҚОПЛАБ БЕРИЛАДИ

📃 Президентнинг 2022 йилдаги 167-сон қарорига асосан;

✅ шароити оғир ва кам таъминланган кексаларга рецептга асосан 3 ойлик эҳтиёж асосида дорилар, тиббий ва махсус протез-ортопедия мосламалари олиб берилади ҳамда жарроҳлик амалиётларининг харажатлари қопланади;

✅ ўзгалар парваришига муҳтож ёлғиз кексалар ва ёлғиз яшайдиган кексалар ҳар йили бир маротаба санаторийларда бепул соғломлаштирилади;

✅ оғир ташхисли касал ҳамда ногирон кексаларга шифокорлар рецептларига мувофиқ, 3 ойлик эҳтиёждан келиб чиқиб дори воситаларининг 50 фоизигача суммаси компенсация қилинади.

➖ Шунингдек,

✔️ кексаларнинг жисмоний тарбия ва спорт билан шуғулланишлари учун абонемент харажатлари қопланади;

✔️ давлат театрлари ва музейларига кексалар учун чипта нархлари тўлиқ қоплаб берилади.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️ МУҲИМ

❗️Ишсиз фуқароларга субсидия ва ссуда (фоизсиз қарз) ажратиш бўйича аризаларни қабул қилиш давом этмоқда

➖ Субсидия ва ссуда аризалари жисмоний шахслардан тест режимда қуйидаги 3 та йўналишда қабул қилинмоқда.

✅ Уруғлик ва кўчатлар сотиб олиш учун субсидия (1 125 000 сўм).

✅ Миграциядан келган шахсларга қишлоқ хўжалиги кооперативларига устав фонди киритиш учун субсидия (3 750 000 сўм).

✅ Камбағал оила аъзоларига зарур асбоб-ускуналар учун ссуда (18 750 000 сўм).

❗️ Мазкур маблағлардан фойдаланиш учун асосий талаблар:

✅ Ижтимоий ҳимоя реестри ёки камбағал оила реестрига киритилган оила эгаси ёки аъзоси бўлиш;

✅ "Ишсизлар реестрида" ишсиз деб эътироф этилган бўлиш керак бўлади.

👉Онлайн ариза бериш

✏️ Мазкур имкониятдан фойдаланиш бўйича кимда қўшимча саволлар бўлса қуйида бизга ёзиб қолдиришлари мумкин!


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️ МУҲИМ

❗️ЁШЛАРГА 7 ЙИЛ МУДДАТГА ВА 100 МЛН СЎМГАЧА ИМТИЁЗЛИ КРЕДИТЛАР БЕРИЛАДИ

📄 Президентнинг 14.02.2025 йил кунги ПҚ-62-сон “Ёшлар тадбиркорлигини ривожлантириш ва бандлигини таъминлашга доир қўшимча чора-тадбирлар тўғрисида”ги қарорига асосан,

✅ 2025–2027 йилларда “Ёшлар бизнеси” дастури амалга оширилади:

➖ Мазкур дастур доирасида жумладан, “Бизнесга биринчи қадам” лойиҳасига мувофиқ 18 ёшга тўлган ва 30 ёшдан ошмаган ижтимоий солиқ тўлаган ўзини ўзи банд қилган жисмоний шахсларга онлайн шаклда имтиёзли давр билан 7 йилгача муддатга 100 млн сўмгача кредитлар имтиёзли микроқарз сифатида ажратилади.

✅ “Ёшлар учун иш ўринлари” лойиҳаси асосида ЯТТ сифатида фаолият юритувчи ёш фуқароларга, шунингдек, таъсисчилари ёш фуқаролар бўлган юридик шахс ташкил этган ҳолда фаолият юритувчи кичик тадбиркорларнинг камида 20 та иш ўрни яратишни назарда тутувчи лойиҳаларига имтиёзли давр билан 7 йилгача муддатга 5 млрд сўмгача маблағлар ажратилади.


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

❗️ФҲДЁ ОРГАНИ ҚАНЧА МУДДАТДА ЭР-ХОТИННИ НИКОҲДАН АЖРАТИШИ МУМКИН ?

⚡️САВОЛ;
Турмуш ўртоғим билан оила қурганимизга 3 йил бўлди. Ўртада фарзанд мавжуд эмас. Ҳозирги кунда турмуш ўртоғим билан ажралишмоқчимиз ва ажримга ҳар иккимиз хам розимиз. Биз ажрашиш учун ФҲДЁ органига ариза берсак улар бизни қанча муддатда никоҳдан ажратиши мумкин ?

⚡️ЖАВОБ;
Оила кодексининг 218-моддасига асосан,

➖ никоҳдан ажралиш ариза берувчиларнинг доимий яшаш ёки вақтинча турган жойи бўйича рўйхатдан ўтган жойдан қатъи назар фуқаролик ҳолати далолатномаларини ёзиш органига ариза берилган кундан бошлаб уч ой муддат ўтгач қайд этилади деб кўрсатилган.

✏️ Демак, ўртада фарзандлар мавжуд бўлмаса ва эр-хотиннинг ҳар иккиси хам ажрашишга бирдек рози бўлиб ФҲДЁ органига ариза берса, ФҲДЁ органи томонидан уларни никоҳдан ажратиш ариза берилган кундан бошлаб уч ойдан кейин амалга оширилиши мумкин.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr