❗️НИКОҲНИ БЕКОР ҚИЛИШДА ҚАНЧА ДАВЛАТ БОЖИ ТЎЛАНАДИ ?

⚡️Савол;
Қонуний никоҳни бекор қилиш учун судга ариза берилганда тўланадиган давлат божи қанча ва давлат божини эр-хотиннинг қайси бири тўлаши керак ?

⚡️Жавоб;
"Давлат божи тўғрисида"ги ЎРҚ-600-сон қонунга кўра,

➖ никоҳни бекор қилиш ҳақидаги даъво аризалари берганлик учун қоида тариқасида ариза берган тарафдан БҲМ (375 000 сўм) нинг 2 баравари (750 000 сўм);

❗️Такрорий (Иккинчи қонуний никоҳ) никоҳни бекор қилиш ҳақидаги даъво аризаларидан БҲМнинг 4 баравари (1 500 000 сўм) миқдорида давлат божи ундирилади.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ҲОДИМГА ҚЎЛЛАНИЛГАН ИНТИЗОМИЙ ЖАЗОНИ МУДДАТИДАН ОЛДИН ОЛИБ ТАШЛАШ МУМКИНМИ ?

⚡️САВОЛ:
Менга яқинда интизомий жазо чораси қўлланилди. Бу дегани мен интизомий жазо амал қилиб турган вақтда қўшимча рағбатланитириш тўловларидан маҳрум бўлдим. Саволим шуки, менга қўлланилган интизомий жазо чораси муддатидан олдин олиб ташланиши хам мумкинми ?

⚡️ЖАВОБ:
Меҳнат кодексининг 315-моддасига асосан,

➖ Интизомий жазонинг амал қилиш муддати у қўлланилган кундан эътиборан бир йилдан ошмаслиги керак.

❗️Агар интизомий жазо қўлланилган кундан эътиборан бир йил ичида ходимга янги интизомий жазо қўлланилмаса, у интизомий жазога тортилмаган деб ҳисобланади. Бунда интизомий жазо иш берувчининг буйруғи чиқмасидан автоматик тарзда тугалланади.

✅ Иш берувчи интизомий жазони ўз ташаббусига кўра, ходимнинг бевосита раҳбарининг, касаба уюшмаси қўмитасининг илтимосномасига, шунингдек ходимнинг илтимосига кўра, бир йил ўтгунига қадар муддатидан олдин олиб ташлаш ҳуқуқига эга. Интизомий жазони муддатидан олдин олиб ташлаш иш берувчининг буйруғи билан расмийлаштирилади деб кўрсатилган.

✏️ Демак, Сизга қўлланилган интизомий жазо чораси муддатидан олдин олиб ташланиши мумкин, фақат бунинг учун Сизни бўлим раҳбарингиз ёки касаба уюшмаси қўмитаси илтимос билан интизомий чора қўллаган иш берувчига чиқиши ёки иш берувчининг ўзи Сиздан интизомий жазони олиб ташлашни хоҳлаши керак.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ЭРКАКЛАР ҲАМ АЁЛЛАР ХАМ МУДДАТИДАН ИККИ ЙИЛ ОЛДИН ЁШГА ДОИР ПЕНСИЯГА ЧИҚИШИ МУМКИНЛИГИДАН ҲАБАРДОРМИСИЗ?

📃 "Фуқароларнинг давлат пенсия таъминоти тўғрисида"ги қонуннинг 14-моддасига кўра,

▪️ технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган шахслар:

➖ Эркаклар — 58 ёшга тўлганда ва иш стажи камида 25 йил бўлган тақдирда;

➖ Аёллар — 53 ёшга тўлганда ва иш стажи камида 20 йил бўлган тақдирда пенсия олиш ҳуқуқига эга бўладилар деб белгиланган.

✏️ Демак, штатига қисқартириш келган ҳодим муддатидан икки йил аввал пенсияга чиқиши мумкин, фақат бунинг учун у юқорида кўрсатилган ёшга ва иш стажига эга бўлиши хамда меҳнат органларида ишсиз деб эътироф этилган бўлиши керак.

✏️ Пенсия миқдорлари, ногиронлик пенсиясига чиқиш, пенсияга чиқиш вақтида иш стажининг архив базаларидан топилмаслик ҳолатлари бўйича ва шу каби бошқа қўшимча саволларингиз бўлса қуйида бизга ёзиб қолдиришларинг мумкин!


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️16 ёшга тўлган шахс ўз ФИО-сини ўзи ўзгартириши мумкин!

📃 Оила кодексининг 226-моддасига асосан,

➖ Фамилияни, исмни ва отанинг исмини ўзгартириш ҳақидаги аризалар ариза берувчи ўн олти ёшга тўлгандан кейин фуқаролик ҳолати далолатномаларини ёзиш органи томонидан, ушбу шахснинг доимий яшаш ёки вақтинча турган жойи бўйича рўйхатдан ўтган жойдан қатъи назар, кўриб чиқилади.

✅ Фамилия, исм ва ота исмини ўзгартириш тўғрисидаги хулоса ички ишлар органлари томонидан ушбу шахс тегишлича текширувдан ўтказилгандан кейингина тузилиши мумкин.

❗️Агар Фуқаролик ҳолати далолатномаларини ёзиш органи фамилия, исм ва ота исмини ўзгартиришни рад этса рад этилганлик ҳолати бўйича манфаатдор шахс судга шикоят билдириш ҳуқуқига эга.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️НОГИРОНЛИГИ БЎЛГАН БОЛАЛАРНИНГ ОНАЛАРИ БОШҚАЛАРДАН 5 ЙИЛ ОЛДИН ПЕНСИЯГА ЧИҚИШИ МУМКИН

⚡️САВОЛ;
Болаликдан ногиронлиги бўлган болаларни тарбиялаган оналар пенсияга 50 ёшдан чиқиши мумкинлигини эшитдим. Шу ростми ?

⚡️ЖАВОБ;
Бундай норма қонунчиликда мавжуд. "Фуқароларнинг давлат пенсия таъминоти тўғрисида"ги қонуннинг 12-моддасида, болаликдан ногиронлиги бўлган фарзандларнинг оналари уларни саккиз ёшгача тарбиялаган бўлса — иш стажи камида 20 йил бўлган тақдирда умумий белгиланган 55 ёшдан эмас, бошқаларга қараганда имтиёзлироқ яъни, 50 ёшдан пенсияга чиқиши мумкинлиги кўрсатилган.

✅ Демак, болаликдан ногиронлиги бўлган болаларни камида 8 йил тарбиялаган оналар пенсияга бошқалардан 5 йил олдин чиқиши мумкин. Фақат, юқорида кўрсатилган иш стажига эга бўлишлари керак.

✏️ Меҳнат стажи билан боғлиқ ҳамда пенсияга алоқадор ҳар қандай ҳуқуқий масаладаги саволларингизни қуйида бизга ёзиб қолдиришларинг мумкин!


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️МУЛЪТИРАДАРЛАР МУАММОСИ ЯНА АВЖИДА..

⚡️САВОЛ:
Мулътирадарлар қайд этган ҳуқуқбузарликлар  48 соат ичида ваколатли органга юборилиши шарт эканлигидан ҳабарим бор, лекин нима учун анча вақт олдин, ҳаттоки 2024 йилда қайд этилган ҳуқуқбузарликлар учун жарималар энди келмоқда. Масалан, 6 ой олдин мулътирадар орқали қайд этилган ҳуқуқбузарлик учун энди жарима келиши қанчалик қонуний ?

⚡️ЖАВОБ:
Яхшиямки радарчи акаларимизни бахтига Маъмурий жавобгарлик тўғрисидаги кодекснинг 36-моддаси бор. Мазкур моддада кўрсатилишича, маъмурий жазо ҳуқуқбузарлик содир этилган кундан бошлаб, давом этаётган ҳуқуқбузарликлар учун эса, ҳуқуқбузарлик аниқланган кундан бошлаб бир йилдан кечиктирмай қўлланилиши мумкин.

✏️ Сиз Ўзбекистонни қаерида яшашингиздан қатъий назар, менга мулътирадар жаримаси кеч келди деб қаергадир шикоят қилсангиз Сизга анашу 36-моддани баланд овозда ўқиб беришади. Энди табиий савол туғилади! Ундай бўлса 48 соат деган масала нима бўлади ?

✏️ Тўғри, мулътирадар орқали қайд этилган ҳуқуқбузарлик ўша ҳуқуқбузарлик учун жарима солиш тўғрисида қарор чиқаришга ваколатли бўлган органга қирқ саккиз соат ичида юборилмаган тақдирда, маъмурий ҳуқуқбузарлик тўғрисидаги иш МЖтКнинг 271-моддасига мувофиқ тугатилиши керак. Бироқ, Сиз эътироз билдириб борган ташкилот Сизни ҳуқуқбузарлик қилганлигингиз тўғрисидаги маълумот бизга 48 соатдан хам олдинроқ етиб келган, фақат биздаги техник муаммолар сабабли жарима бўйича қарор Сизга кеч борган деб айтади ва тамом. Агар бундай маълумотни ёзма шаклда оламан десангиз ёзиб хам беришади.

✏️ Бу масалада муаммо шундаки, 48 соат деган норма билан Сиз жаримадан қутила олмаслигингиз мумкин. Чунки, менимча, мулътирадарчилар жарима қарорини чиқарадиган органга 48 соат ичида хабар бермаган тақдирда хам кейинчалик бу муаммони ҳал қилиш мумкин. Ҳар-холда бу мумкин эмаслигини билишнинг оддий одам учун реал имкони йўқ. Буни билишнинг реал имконияти бўлиши учун мулътирадарчилар билан жарима чиқарадиган орган бир-биридан мутлақо манфаатдор бўлмаслиги керак эди. Амалда эса ундай эмас. Амалда ҳар икки томон хам бирдек манфаатдор бўлган жойдан 48 соат деган норма отилиб чиқиб Сизга ёрдам беролмайди.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr