❗️ФУҚАРОЛИКНИ ТАСДИҚЛОВЧИ ХУЖЖАТЛАРГА НИМАЛАР КИРАДИ?

⚡️САВОЛ:
Қандай хужжатлар фуқароликни тасдиқловчи хужжат хисобланади ?

⚡️ЖАВОБ:
"Ўзбекистон Республикасининг фуқаролиги тўғрисида"ги ЎРҚ-610-сон Қонуннинг 7-моддасига асосан,

➖ Ўзбекистон Республикаси фуқаросининг паспорти, идентификацияловчи картаси ёки Ўзбекистон Республикасининг фуқаролиги мавжуд эканлигини кўрсатувчи бошқа ҳужжат Ўзбекистон Республикасининг фуқаролигини тасдиқловчи ҳужжатдир деб белгиланган.

❗️Қуйидагилар ўн олти ёшга тўлмаган боланинг Ўзбекистон Республикаси фуқаролигини тасдиқловчи ҳужжатдир:

➖ туғилганлик тўғрисидаги гувоҳнома ёки маълумотнома (боланинг туғилган жойидан қатъи назар) — ота-онасидан бирининг Ўзбекистон Республикаси фуқаролиги мавжуд эканлигини кўрсатувчи паспорти, идентификацияловчи картаси ёки бошқа ҳужжати кўрсатилганда;

➖ туғилганлик тўғрисидаги гувоҳнома ёки маълумотнома (бола Ўзбекистон Республикасида туғилган тақдирда) — фуқаролиги бўлмаган шахслар бўлган ота-онанинг (ёлғиз отанинг ёки онанинг) Ўзбекистон Республикасида яшаш гувоҳномаси кўрсатилганда.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️АЙБСИЗ ОДАМНИ ЖИНОИЙ ЖАВОБГАРЛИККА ТОРТГАН ШАХСЛАРНИНГ ЎЗЛАРИ ЖИНОЯТЧИ ХИСОБЛАНАДИ !

📄 Жиноят кодексининг 230-моддасига кўра,

➖ суриштирувчи, терговчи ёки прокурор томонидан айбсизлиги аён бўлган шахсни ижтимоий хавфли қилмишни содир этганликда айблаб жавобгарликка тортиш — икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.

❗️Ўша ҳаракат оғир ёки ўта оғир ижтимоий хавфли қилмиш содир этганликда айблаб содир этилса, — беш йилдан саккиз йилгача озодликдан маҳрум қилиш билан жазоланади.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ХОТИНИМ МЕНГА ФАРЗАНДИМНИ КЎРСАТМАЯПТИ..

⚡️САВОЛ;
Турмуш ўртоғим билан қонуний ажралишмаган бўлсакда бир йилдан бери бирга яшамаймиз. У менга ўтган 1 йил давомида фарзандимни кўрсатмай келганлиги сабабли мен уни судга бердим ва суд томонидан фарзандимни вақти-вақти билан кўриб туришим учун мени фойдамга қарор чиқарилди. Мен унга суд қарорини кўрсатдим лекин, шунга қарамасдан турмуш ўртоғим болани менга кўрсатишдан бош тортяпти. Ушбу ҳолатда унга нисбатан қандай жавобгарлик бор ?

⚡️ЖАВОБ;
Маъмурий жавобгарлик тўғрисидаги кодекснинг 198 прим 2-моддасига асосан,

➖ суд ҳужжатлари ва бошқа органлар ҳужжатларини ижро этиш тўғрисидаги қонунчиликни бузганлик учун маъмурий жавобгарлик белгиланган бўлиб, унга кўра ушбу ҳолатда турмуш ўртоғингизга нисбатан базавий хисоблаш миқдорининг 10 барвари (3 750 000 сўм) гача миқдорда жарима жазоси қўлланиши мумкин.

✏️ Агар турмуш ўртоғингиз болани Сизга кўрсатмаганлиги учун маъмурий жавобгарликка тортилса ва яна кўрсатмаслик фикридан қайтмаса кейинги сафар унга жиноий жавобгарлик белгиланиши мумкин.

❗️Яъни, Жиноят кодексининг 232-моддасига кўра, муайян ҳаракатларни содир этиш ёхуд уларни содир этишдан ўзини тийиш мажбуриятини юкловчи суд ҳужжатини бажаришдан бўйин товлашни маъмурий жазо қўлланилганидан кейин давом эттириш, — базавий ҳисоблаш миқдорининг юз баравари (37 500 000 сўм)гача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари ёки бир йилгача озодликни чеклаш ёки бир йилгача озодликдан маҳрум қилиш билан жазоланади. (Агар фарзандингиз 3 ёшга тўлмаган бўлса бу қилмиши учун хотинингизга нисбатан мажбурий жамоат ишлари, ахлоқ тузатиш хамда озодликдан маҳрум қилиш жазолари қўлланилмайди)


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️НИКОҲ ЁШИГА ЕТМАСДАН ХАМ ҚОНУНИЙ ОИЛА ҚУРИШ МУМКИНМИ ?

⚡️САВОЛ;
Никоҳ ёшига етмасдан қандай қилиб қонуний оила қуриш мумкин ?

⚡️ЖАВОБ;
Оила кодексининг 15-моддасига асосан, никоҳ ёши эркак ва аёллар учун ўн саккиз ёш этиб белгиланган.

❗️Бироқ ушбу моддада:

➖ Узрли сабаблар бўлганида, алоҳида ҳолларда (ҳомиладорлик, бола туғилиши, вояга етмаган шахснинг тўла муомалага лаёқатли деб эълон қилиниши (эмансипация), никоҳга киришни хоҳловчиларнинг илтимосига кўра никоҳ давлат рўйхатидан ўтказиладиган жойдаги туман, шаҳар ҳокими никоҳ ёшини кўпи билан бир йилга камайтириши мумкинлиги хам кўрсатилган.

❗️ Демак, никоҳ ёшига тўлмасдан оила қурмоқчи бўлганларда икки йўл бор:

✅ Биринчиси, ширин ҳаёллар оғушида 18 ёшга тўлишини кутиш;

✅ Иккинчиси эса, ўзлари яшаб келаётган туман ёки шаҳар ҳокимининг номига ёзма илтимоснома киритиш.

✏️ Киритилган ёзма илтимоснома қаноатлантирилиб, ҳокимбува томонидан никоҳ қуриш ёши илтимоснома киритганларга нисбатан бир йилга қисқартирилса, шундан кейин улар никоҳ ёшидан бир йил аввал қонунан оила қуриши мумкин. Агар етарли сабаблар мавжуд эмас деб илтимоснома рад қилинса илтимоснома киритганлар мажбурий тартибда биринчи йўлни танлаган ҳолда,— "Ҳаёллар ёмон ҳаёллар, ҳаёллар ёмон, ўн саккизга кирмай севади аёл, аёллар ёмон" деган қўшиқни эшитиб 18 ёшга тўлишини кутишларига тўғри келади..


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️Тадбиркорлар судларда давлат божи тўлашдан озод қилинган

📃 "Давлат божи тўғрисида"ги 600-сон қонунга кўра,

➖ тадбиркорлик субъектлари тадбиркорлик фаолиятини амалга ошириш билан боғлиқ бўлган ҳуқуқлари ва қонуний манфаатларини бузадиган давлат органлари ҳамда бошқа органларнинг қарорлари, улар мансабдор шахсларининг ҳаракатлари (ҳаракатсизлиги) устидан фуқаролик судларига мурожаат қилганда давлат божи тўлашдан озод қилинади


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️КРЕДИТ ТАРИХИ НЕЧА ЙИЛ САҚЛАНАДИ ?

⚡️САВОЛ:
Кредит тарихи нима ва у банкларда қанча вақт сақланади ?

⚡️ЖАВОБ:
2011 йилдаги ЎРҚ-301-сон Қонуннинг 5-моддасига кўра,

✔️ кредит тарихи — кредит бюроси томонидан кредит ахбороти субъектига нисбатан шакллантирилган кредит ахбороти мажмуи хисобланади.

➖ Кредит ахбороти субъектининг бажарилиш санасидан эътиборан беш йилдан кўп вақт ўтган пул суммасини тўлаш мажбуриятлари тўғрисидаги маълумотлар кредит тарихига киритилмайди.

✏️ Яъни, кредит олган шахснинг қачон кредит олган, қанча кредит олган, кредитни қандай тўлаган, муаммосиз тўлаганми ёки кечиктириб тўлаганми деган ва бошқа шу каби маълумотларни ўз ичига олган шахснинг кредит тарихи банкларда 5 йил давомида сақланади. Кредит оламан деб банкка боргандим Сиз "Чёрный" да экансиз деб менга кредит бермади дегани хам манашу кредит тарихи яхши бўлмаганлиги учун кредит берилмади дегани.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️НИКОҲНИ БЕКОР ҚИЛИШДА ҚАНЧА ДАВЛАТ БОЖИ ТЎЛАНАДИ ?

⚡️Савол;
Қонуний никоҳни бекор қилиш учун судга ариза берилганда тўланадиган давлат божи қанча ва давлат божини эр-хотиннинг қайси бири тўлаши керак ?

⚡️Жавоб;
"Давлат божи тўғрисида"ги ЎРҚ-600-сон қонунга кўра,

➖ никоҳни бекор қилиш ҳақидаги даъво аризалари берганлик учун қоида тариқасида ариза берган тарафдан БҲМ (375 000 сўм) нинг 2 баравари (750 000 сўм);

❗️Такрорий (Иккинчи қонуний никоҳ) никоҳни бекор қилиш ҳақидаги даъво аризаларидан БҲМнинг 4 баравари (1 500 000 сўм) миқдорида давлат божи ундирилади.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ҲОДИМГА ҚЎЛЛАНИЛГАН ИНТИЗОМИЙ ЖАЗОНИ МУДДАТИДАН ОЛДИН ОЛИБ ТАШЛАШ МУМКИНМИ ?

⚡️САВОЛ:
Менга яқинда интизомий жазо чораси қўлланилди. Бу дегани мен интизомий жазо амал қилиб турган вақтда қўшимча рағбатланитириш тўловларидан маҳрум бўлдим. Саволим шуки, менга қўлланилган интизомий жазо чораси муддатидан олдин олиб ташланиши хам мумкинми ?

⚡️ЖАВОБ:
Меҳнат кодексининг 315-моддасига асосан,

➖ Интизомий жазонинг амал қилиш муддати у қўлланилган кундан эътиборан бир йилдан ошмаслиги керак.

❗️Агар интизомий жазо қўлланилган кундан эътиборан бир йил ичида ходимга янги интизомий жазо қўлланилмаса, у интизомий жазога тортилмаган деб ҳисобланади. Бунда интизомий жазо иш берувчининг буйруғи чиқмасидан автоматик тарзда тугалланади.

✅ Иш берувчи интизомий жазони ўз ташаббусига кўра, ходимнинг бевосита раҳбарининг, касаба уюшмаси қўмитасининг илтимосномасига, шунингдек ходимнинг илтимосига кўра, бир йил ўтгунига қадар муддатидан олдин олиб ташлаш ҳуқуқига эга. Интизомий жазони муддатидан олдин олиб ташлаш иш берувчининг буйруғи билан расмийлаштирилади деб кўрсатилган.

✏️ Демак, Сизга қўлланилган интизомий жазо чораси муддатидан олдин олиб ташланиши мумкин, фақат бунинг учун Сизни бўлим раҳбарингиз ёки касаба уюшмаси қўмитаси илтимос билан интизомий чора қўллаган иш берувчига чиқиши ёки иш берувчининг ўзи Сиздан интизомий жазони олиб ташлашни хоҳлаши керак.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ЭРКАКЛАР ҲАМ АЁЛЛАР ХАМ МУДДАТИДАН ИККИ ЙИЛ ОЛДИН ЁШГА ДОИР ПЕНСИЯГА ЧИҚИШИ МУМКИНЛИГИДАН ҲАБАРДОРМИСИЗ?

📃 "Фуқароларнинг давлат пенсия таъминоти тўғрисида"ги қонуннинг 14-моддасига кўра,

▪️ технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган шахслар:

➖ Эркаклар — 58 ёшга тўлганда ва иш стажи камида 25 йил бўлган тақдирда;

➖ Аёллар — 53 ёшга тўлганда ва иш стажи камида 20 йил бўлган тақдирда пенсия олиш ҳуқуқига эга бўладилар деб белгиланган.

✏️ Демак, штатига қисқартириш келган ҳодим муддатидан икки йил аввал пенсияга чиқиши мумкин, фақат бунинг учун у юқорида кўрсатилган ёшга ва иш стажига эга бўлиши хамда меҳнат органларида ишсиз деб эътироф этилган бўлиши керак.

✏️ Пенсия миқдорлари, ногиронлик пенсиясига чиқиш, пенсияга чиқиш вақтида иш стажининг архив базаларидан топилмаслик ҳолатлари бўйича ва шу каби бошқа қўшимча саволларингиз бўлса қуйида бизга ёзиб қолдиришларинг мумкин!


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr