⚡️ ДИҚҚАТ

❗️ ЎЗБОШИМЧАЛИК БИЛАН ЭГАЛЛАБ ОЛИНГАН УЙ-ЖОЙЛАРГА МУЛК ҲУҚУҚИНИ БЕРИШ БОШЛАНДИ

📃 Давлат Раҳбарининг топшириқларига асосан “Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги Қонун қабул қилинган эди.

➖ Бугун мазкур қонуннинг илк натижалари кўрина бошлади дея хабар бермоқда расмийлар


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ЯНГИ ҚАБУЛ ҚИЛИНГАН ҚОНУН ҚАЧОНДАН БОШЛАБ ЮРИДИК КУЧГА ЭГА БЎЛАДИ ?

📄 Ўзбекистон Республикаси Конституциясининг 99-моддасига асосан,

➖ Қонун Қонунчилик палатаси томонидан қабул қилиниб, Сенат томонидан маъқулланиб, Ўзбекистон Республикаси Президенти томонидан имзолангач ва қонунда белгиланган тартибда расмий манбаларда эълон қилингач, юридик кучга эга бўлади.

❗️Ҳош, битта қонуннинг расман қабул қилиниши учун қанча вақт кетади ?

1) ➖ Қонунчилик палатаси томонидан қабул қилинган Қонун 10 кундан кечиктирмай Сенатга юборилади.
2) ➖ Қонун Сенат томонидан 60 кун ичида кўриб чиқилади ва маъқулланса 10 кундан кечиктирмай Президентга юборилади.
3) ➖ Қонун Президент томонидан 60 кун ичида имзоланади ва эълон қилинади.

✏️ Демак, Сенат ёки Президент томонидан Қонун рад қилинмаса ёки орқага қайтарилмаса, яъни ҳаммаси рисоладагидек кетса битта қонуннинг расман қабул қилиниши учун 140 кун вақт талаб қилинар экан. Бу дегани 4 ойдан ортиқ вақт дегани.

✏️ Кўча-куйда кўпчилик ҳар куни янги Қонун қабул қилиняпти дейишади, лекин йўқ. Ҳар куни янги Қонун қабул қилинаётгани йўқ. Янги қарор, янги фармон ёки бошқа бир норматив ҳуқуқий хужжатлар кўплаб қабул қилинаётган бўлиши мумкин, лекин Қонун эмас. Қонун бир-икки кунда масаласи ҳал қилиб қўйиладиган хужжат эмас.

Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ КИМЛАР МУДДАТЛИ ҲАРБИЙ ХИЗМАТДАН ОЗОД ҚИЛИНАДИ ?

⚡️ Савол:
Қандай холатларда фуқаро ҳарбий хизматга боришдан озод қилиниши мумкин ?

⚡️ Жавоб: 
2002 йилда қабул қилинган 436-II-сон қонуннинг 22-моддасига асосан,

❗️Тинчлик даврида муддатли ҳарбий хизматга ҳамда сафарбарлик чақируви резервидаги хизматга чақирилишдан қуйидагилар озод этиладилар:

✔️ 1) саломатлигига кўра ҳарбий хизматга яроқсиз деб топилган чақирилувчилар;

✔️ 2) агар ўзлари ҳарбий хизматга рози бўлмаса, яқин қариндошларидан бири (ака-укаси, опа-синглиси) ҳарбий хизматни ўташ вақтида ҳалок бўлган ёки вафот этган чақирилувчилар;

✔️ 3) рўйхатдан ўтган диний ташкилотлардан бирида диний рутба эгаси бўлган чақирилувчилар.

✔️ 4) Жиноий жавобгарликка тортилган, шунингдек судланганлик ҳолати тугалланмаган ёки судланганлиги олиб ташланмаган фуқаролар ҳарбий хизматга чақирилмайдилар.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️КРЕДИТГА ОЛИНГАН УЙНИ СОТСА БЎЛАДИМИ ?

⚡️ САВОЛ;
Мен ипотека шартномаси асосида кредитга уй олган эдим. Хозирги эхтиёжимдан келиб чиқиб уйни сотмоқчи бўлсам танишларим менга уйни кредитини тўлаб бўлмагунимча буни иложи йўқ эканлигини айтяпти. Шу тўғрими ?

⚡️ ЖАВОБ;
Амалиётда кредитга олинган уйлар олинган кредитнинг таъминоти сифатида гаровга олинади. Яъни, ўртада тузилган гаров шартномасига асосан то кредит қарздорлиги тўланмагунча ўша олган уйингизга банклар томонидан сотиш учун тақиқ қўйилган бўлади.

❗️ Ҳош, нима қилиш мумкин ?

✅ “Ипотека тўғрисида”ги қонуннинг 26-моддасида,➖ипотека тўғрисидаги шартнома бўйича гаровга қўйилган мол-мулк, агар ипотека тўғрисидаги шартномада бошқача тартиб назарда тутилмаган бўлса, ипотекага қўювчи томонидан сотиш, ҳадя этиш, айирбошлаш орқали ёки ўзгача усулда фақат ипотекага олувчи(Банк)нинг розилиги билан тасарруфдан чиқарилиши мумкинлиги кўрсатилган. Яъни, агар банк Сизга мабодо, ўша уйни сотишингиз учун ёзма равишда розилик берса шунда уйни сотишингиз мумкин бўлади лекин, банклардан бундай розиликни олишдан кўра японга Ўзбек тилини ўргатиш осонроқ..

❗️ Демак имкони йўқ эканда ?

✅ Фуқаролик кодекси 322-моддасида қарзни бошқа шахсга ўтказиш деган норма бор. Агар кредит берган банк розилик берса, шу ипотека кредитини бошқа бир тўловга лаёқатли шахсга (янги қарздорга, ёки Сиз сотмоқчи бўлган ўша одамга) ўтказиш мумкин.

❗️Бу қандай бажарилади ?

✅ Бунда Сиз билан банк ўртасида тузилган шартномага ўзгартириш киритилади ва шартнома бўйича Сизни зиммангизда бўлган барча мажбуриятлар иккинчи шахсга ўтади вассалом. Банкларнинг шу шартга рози бўлиш эхтимоли йўқ эмас.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ ОШИҚ ЙИГИТДАН ЮРИСТГА САВОЛ..

⚡️ САВОЛ:
Ҳурматли юристлар, сизларга ўзимни қийнаб келаётган бир савол билан мурожаат қиляпман. Мен бир қиз билан 2 йилдан бери гаплашиб келаётган эдим. Нийятим жиддий ва келажакда унга уйланмоқчи эдим. Яқинда у қиз севгимга хиёнат қилиб бошқа бола билан хам гаплашиб юришини билиб қолдим. Шундан кейин у қиз билан алоқаларимиз бутунлай узилди. Энди у қиз ўша бола билан хеч нарса кўрмагандай гаплашиб юрипти. Саволим шундан иборатки, ўша қизнинг менга қилган ноҳақлиги ва мени алдаб севгимга хиёнат қилганлиги учун қонунларда унга қандай жавобгарлик бор. Умуман олганда манашу масала қандай тартибга солинади ? Хозир у ҳақда ўйласам асабларим бузилиб кетяпти. Менга шу масалада тезроқ жавоб топиб беринглар!

⚡️ ЖАВОБ;
Ҳай ҳааааай. Бу саволни эгаси тахминан неча ёшларда эканлигини Сизлар хам билган бўлсаларинг керак а ? Юристга савол бераётганлигини биляптию лекин, сал ғалати савол бераётганини билмаяпти. Ха майли, саволга тезда жавоб бермасак биз хам айбдор бўлиб қоламиз шекилли))

✏️ Саволнинг хурматли эгаси! Шу пайтгача билмаган бўлсангиз билингки, Сизни масалангизга қонунчиликда жавоб йўқ. Бу хазил эмас. Айнан саволингизда сўраган масалангиз бўйича қонунчилик Сизга ёрдам беролмайди. Агар ўша қиз ўзини севган қилиб кўрсатиб, Сизни алдаб пулингизни ўмариб кетганида, мулкингизни номига ўтказиб олганида ёки тилла тишингизни суғириб қочганида хозир Сизга қонунчилик бўйича жиддийроқ жавоб берган бўлар эдик лекин, қиз танлашни билмаган бўлсангиз ёки битта қизни эплай олмай қалбим жароҳатланди деб асабийлашиб ўтирган бўлсангиз қонунларда нима айб.

✏️ Сиз яхшиси: "Севги севги дер экан, асабингни ер экан, бошида қизиқ экан, сўнгра тошинг тер экан" Сарлавҳаси остида ичингиздаги бор аламли гапларингизни ёзингда, китоб қилиб чиқариб сотиб юборинг! Бўлди шунда қутиласиз.

✏️ Айнан сўраган масалангиз бўйича жавоб беришимиз учун эса қонунчилигимизда тахминан, — 20.20.2020 йил кунги ЎРҚ-20-сон "Аламли якун ёхуд севишганлар тарихи тўғрисида"ги Қонун, "Севишганлар келажакда албатта бирга бўлишларига қаратилган ишлар самарадорлигини янада такомиллаштириш чора-тадбирлари тўғрисида"ги Қарор, "Севишганларнинг ўзаро ишқий муносабатларини тартибга солишни айрим масалалари тўғрисида"ги Фармон ёки "Икки йил битта йигит билан гаплашган қизларни бошқалар билан яширинча гаплашишларини тақиқлаш тўғрисида"ги Низом ё бўлмаса "Мени қийнайди аламлар ёхуд бўлди мен чарчадим" номли йўриқнома ва шунга ўхшаш норматив ҳуқуқий хужжатлар бўлиши керак эди, лекин, бундай хужжатлар Хиндистонда бўлиши мумкин, бироқ бизда бўлмайди. Шунинг учун хапа бўлишимга йўқ...


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️ ДИҚҚАТ

❗️БУНДАЙ "ПРОПИСКА" ЯШАШ ҲУҚУҚИНИ БЕРАДИ, МУЛКДОР БЎЛИШ ҲУҚУҚИНИ ЭМАС.

⚡️ САВОЛ:
Мен оилавий келишмовчиликлар сабабли ҳозирги кунда қизлик уйимга қайтиб келганман лекин, келин бўлиб тушган ҳонадонимда доимий "прописка"да тураман. Уй қайнотамни номида. Саволим шуки, доимий "пропискам" ўша уйда бўлганлиги учун мени хам уйдан ҳаққим борми ?

⚡️ ЖАВОБ:
Саволингизни тўғри тушунган бўлсак, Сиз қайнотангизни номида бўлган уйдан улуш талаб қилишим мумкинми демоқчи бўляпсиз, лекин йўқ. Сизни у уйда улушингиз йўқ. Сизни у ерда доимий "прописка"да туришингиз Сизга ўша уйда яшаш ҳуқуқини беради холос, мулкдор бўлиш ҳуқуқини эмас.

📄 Уй-жой кодексининг 32-моддасига асосан,

➖ Уй, квартира мулкдорининг оила аъзолари, шунингдек у билан доимий яшаётган фуқаролар, агар уларни кўчириб келган пайтда ёзма равишда бошқа ҳол қайд этилган бўлмаса, уйдаги, квартирадаги хоналардан мулкдор билан тенг фойдаланишга ҳақлидирлар деб кўрсатилган.

✏️ Нормадан маълумки, Сизни доимий рўйхатингиз ўша уйда бўлганлиги учун қайнотангизни номида бўлган уйдан уйни мулкдорлари билан бирдек фойдаланишга ҳақлисиз. Агар уйга Сизни киритмаётган бўлса судга даъво қилиб мажбурий тартибда киритиб қўйишларини талаб қилишингиз мумкин ва бўлди. Суд Сизни ўша уйга нисбатан шу талабингизни қаноатлантириши мумкин. Доимий "пропискангиз" Сизга бошқа нарса ваъда қилолмайди. Шундай бўлса хам судга мурожаат қилиб кўрсам бўладику дейишингиз мумкин. Тўғри, судга мурожаат қилишингиз мумкин. Ҳар-ким судга мурожаат қилиш ҳуқуқига эга. Лекин, ушбу масалада судга қилган мурожаатингизни натижасини олдиндан билмоқчи бўлсангиз юқорида ёзганларимизни яна бир марта ўқинг!


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ТУҲМАТ ҚИЛГАН ШАХС 75 000 000 СЎМГАЧА ЖАРИМАГА ТОРТИЛИШИДАН ҲАБАРДОРМИСИЗ ?

📄 Жиноят кодексининг 139-моддасига асосан,

➖ туҳмат қилиш, яъни била туриб бошқа шахсни шарманда қиладиган уйдирмалар тарқатиш, шундай ҳаракатлар учун маъмурий жазо қўлланилганидан кейин содир этилган бўлса, — базавий ҳисоблаш миқдори (375 000 сўм)нинг икки юз бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади.

➖ Нашр қилиш ёки бошқача усулда кўпайтирилган тарзда, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида жойлаштириш орқали туҳмат қилиш, — базавий ҳисоблаш миқдорининг икки юз бараваридан тўрт юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд икки йилдан уч йилгача ахлоқ тузатиш ишлари ёки бир йилгача озодликни чеклаш билан жазоланади.

➖ Туҳмат:
а) оғир ёки ўта оғир жиноят содир этишда айблаб;
б) оғир оқибатлар келиб чиқишига сабаб бўлган ҳолда;
в) хавфли рецидивист томонидан;
г) ғаразгўйлик ёки бошқа паст ниятларда қилинса, — базавий ҳисоблаш миқдорининг уч юз бараваридан беш юз бараваригача миқдорда жарима ёки уч юз олтмиш соатдан тўрт юз соатгача мажбурий жамоат ишлари ёхуд бир йилдан уч йилгача озодликни чеклаш билан жазоланади.

✏️ Ха, тухмат учун ушбу кодексда белгиланган жавобгарлик айнан шундай. Шунинг учун биров ҳақида бошқаларга гапираётганингизда ўйнаб гапирсангиз хам ўйлаб гапиринг!

Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️ МУҲИМ

❗️СОТИБ ОЛИНГАН МЕБЕЛЛАР БОШҚАСИГА АЛМАШТИРИЛМАСЛИГИНИ БИЛАРМИДИНГИЗ ?

📄 Вазирлар Маҳкамасининг 75-сон қарорига 1-илова қилиб келтирилган чакана савдо қоидалари билан тасдиқланган рўйхатга кўра,

➖ сотиб олинган зарур сифатдаги мебель (мебель гарнитурлари ва тўпламлари) қайтариб олинмайдиган ёки шунга ўхшаш товарга алмаштирилмайдиган ноозиқ-овқат товарлар сирасига киради.

✏️ Масалан, Сиз мебель дўконидан мебель сотиб олиб уйингизга олиб кетдингиз. Уйга борганингизда Сиз олиб борган мебелни турмуш ўртоғингиз бўлмайди деди ёки фарзандингиз мен ўйлагандакасимасакан деди ва энди мебелни бошқасига алмаштиришингиз керак. Анашундай ҳолатда Сизга мебель сотган дўкон эгаси мебелингизни бошқасига алмаштириб бермасликка қонунан ҳаққи бор дегани бу.

✏️ Энди тўғри, агар Сизга мебель сотган сотувчи Сизга маъқул келмаган мебелингизни бошқасига алмаштириб беравераман деса муаммо йўқ, бемалол ўзингизга саъқул бўлган бошқа мебелни танлаб олишингиз мумкин, лекин "нима, алмаштириш керак, кечириб қўясиз" деса уни кечириб қўйишга мажбурсиз.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ЭЛЕКТРОСЕТЬ СВЕТ ЎЧИШИ ҲАҚИДА ОЛДИНДАН АҲОЛИНИ ХАБАРДОР ҚИЛИШГА МАЖБУР!

📄 Вазирлар Маҳкамасининг 31.05.2024 йил кунги 319-сон қарорига асосан,

➖ ҳудудий электр тармоқлари корхоналари электр тармоғи хўжалиги объектларининг режали таъмирланиши туфайли электр энергияси билан таъминлашдаги мумкин бўлган узилишлар тўғрисида камида 3 кун олдин огоҳлантиришга мажбур.

❗️Шунингдек, истеъмолчиларга электр энергияси етказиб беришнинг тўхтатиб турилиши ва бунинг сабаблари тўғрисида маълумот бериши лозим.

✏️ Юқорида "Ҳурматли фуқаролар! Фалон куни соат манашу вақтда "свет" ўчирилади. Бунинг сабаби қуйидагилардан иборат" деб электросеть аҳолини камида уч кун олдин огоҳлантириши кераклиги ҳақида гап бормоқда.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ТАДБИРКОР АЁЛЛАРГА ГАРОВСИЗ КРЕДИТ БЕРИЛАДИ

📄 Асос:
Президентнинг 14.03.2025 йил кунги ПҚ-103-сон қарори.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️ ДИҚҚАТ

❗️ЁЛҒИЗ ОНАЛАРГА ФАРЗАНДИНИНГ БОҒЧА ТЎЛОВИ УЧУН 562 500 СЎМГАЧА МОДДИЙ ЁРДАМ БЕРИЛАДИ

📄 Ўзбекистон Республикаси Президентининг 14.11.2024 йилдаги ПФ-185-сон Фармонига асосан,

➖ 2025 йил 1 мартдан бошлаб Камбағал оилалар реестрига киритилган ва расмий банд бўлган ёлғиз она (ота)га ижтимоий шартнома асосида бир нафар фарзанди учун бола уч ёшга тўлгунига қадар мактабгача таълим хизматидан фойдаланиш учун Ижтимоий ҳимоя давлат жамғармаси маблағлари ҳисобидан базавий ҳисоблаш миқдори (375 000 сўм)нинг бир ярим баравари (562 500 сўм)гача миқдорида моддий ёрдам берилади.

✅ Бунда агар болалар эгизак бўлса, моддий ёрдам эгизакларнинг ҳар бири учун берилади деб кўрсатилган.

✏️ Фармонда ушбу тўловлар кунлик тўловми, ойлик тўловми ёки йиллик тўлов эканлигига ойдинлик киритилмаган. Мантиқан олиб қаралса, мактабгача таълим хизматидан фойдаланиш учун ҳар ойда тўлов қилиниши керак. Демак, бу тўловларни ҳар ойда тўланиши керак бўлган тўлов деб қабул қилсак бўлади.


Бепул савол-жавоб👇
       @yuristdan_javob_bot

Каналга уланиш 👇
                  @Yurist_Blogerr

❗️ ИШСИЗМАН, ЛЕКИН ИШСИЗ ШАХС ЭМАСМАН. НЕГАЛИГИНИ ЎЗИМ ХАМ БИЛМАСМАН.

⚡️ САВОЛ:
Мен ҳеч қаерда ишламайман. Ишсизлар учун берилаётган имкониятлардан фойдаланаман десам менга Сиз ишсиз шахс эмас экансиз дейишмоқда. Мен ростдан хам ҳеч қаерда ишламайман. Қандай қилиб мен ишсиз шахс бўлмаслигим мумкин ?

⚡️ ЖАВОБ:
Ўзбекистон Республикасининг 20.10.2020 йилдаги ЎРҚ-642-сон қонунининг 44-моддасида, Сиз нега ишсиз эмаслигингизни сабаби келтирилган бўлиб, унга кўра,

➖ таълим муассасаларида таълим олаётганлардан ташқари, ўн олти ёшдан то пенсия таъминоти ҳуқуқини олиш ёшигача бўлган, ҳақ тўланадиган ишга ёки иш ҳақи келтирадиган машғулотга эга бўлмаган, иш қидираётган ва иш таклиф этилса, унга киришишга тайёр бўлган ёхуд касбга тайёрлашдан, қайта тайёрлашдан ўтишга ёки малакасини оширишга тайёр бўлган, ишга жойлашишда кўмак олиш учун маҳаллий меҳнат органларига мурожаат қилган ва ушбу органлар томонидан иш қидираётган шахслар сифатида рўйхатга олинган меҳнатга лаёқатли шахслар ишсизлар деб эътироф этилади деб кўрсатилган.

✏️ Хулоса қилиб айтадиган бўлсак, Сиз ишсиз бўлиб ишсиз эмаслигингизни сабаби шуки, Сизни ишсизлигингиз маҳаллий меҳнат органларида расман қайд этилмаган. Сиз ушбу органга мурожаат қилинг, уларни қонуний талабларини бажаринг ва улар Сизни расман ишсизлар рўйҳатига киритиб қўйишади. Шундан кейин Сиз ишсизлик нафақасини хам, ўзингиз айтган ишсизлар учун берилаётган бошқа имкониятлардан хам фойдаланишингиз мумкин бўлади.

Бепул савол-жавоб👇
       @yuristdan_javob_bot

Каналга уланиш 👇
                  @Yurist_Blogerr

❗️МЕНГА УЙИМДАН АНЧА УЗОҚ ЖОЙДАН ИШ ТАКЛИФ ҚИЛИШМОҚДА..

⚡️ САВОЛ:
Мен мутаҳассислигим бўйича ишга кириш учун меҳнат органига мурожаат қилган эдим. Улар менга уйимдан анча узоқда бўлган жойдан иш таклиф қилишмоқда. Мен улар айтган жойга ишга кирсам ҳар куни у ерга боришни ўзига учта транспортга чиқишим керак бўлади. Яъни, боришда учта, келишда яна учта машинага чиқиб қатнашим керак. Агар мен ўша таклиф қилинган ишга кирмасам улар мени ишни рад этди деб хужжат расмийлаштириб қўяр экан. Шу адолатданми ?

⚡️ ЖАВОБ:
Бирйўла Хитойдан таклиф қилиб қўяқолмаптида ишни. Ҳар-бир ташкилотнинг эски касаллиги бўлади. Сизда кузатилган ҳолат бу ўша ташкилотнинг эски касалликларидан бири. Лекин йўқ, улар ишни бундай шаклда ташкил қилишга ҳақли эмас. Чунки бу ерда мақбул келадиган иш деган масала хам бор! Яъни, улар Сизга қулай бўлган жойдан иш таклиф қилиши керак.

❗️Мақбул келадиган иш нима?

20.10.2020 йилдаги ЎРҚ-642-сон қонунга кўра, мақбул келадиган иш — фуқаро бажаришга қодир бўлган, фуқаронинг олган маълумоти йўналиши ва ихтисослигига, малакасига, касбий тайёргарлигига, иш тажрибасига, соғлиғининг ҳолатига кўра мос келадиган, яшаш жойини ўзгартиришини назарда тутмайдиган, унинг доимий яшаш жойидан унчалик узоқ бўлмаган ҳамда меҳнатга ҳақ тўлашнинг белгиланган энг кам миқдоридан кам бўлмаган иш ҳақини кафолатлайдиган иш ҳисобланади.

✏️ Меҳнат органи Сизга анашундай мақбул келадиган иш таклиф қилиши керак. Улар таклиф қилган иш уйингизга яқин бўлса, соғлигингизга тўғри келса ва ойлиги яхши бўлса-ю лекин, Сиз у ишни рад этсангиз шундан кейин улар ишни рад этди деб хужжат расмийлаштириб қўйиши қонуний бўлади, адолатдан бўлади.

Бепул савол-жавоб👇
       @yuristdan_javob_bot

Каналга уланиш 👇
                  @Yurist_Blogerr

❗️ЖОЙИ КЕЛГАНИДА БИР МУШТ УРУШ ХАМ НОҚОНУНИЙ ЭМАС

⚡️САВОЛ:
Қандай ҳолларда бошқа одамни урган шахс жавобгарликка тортилмаслиги мумкин ?

⚡️ЖАВОБ:
Бир қарашда ҳайратланарли савол тўғрими ? Бундай саволни икки хил тоифадаги одамлардан бири бериши мумкин. Биринчиси, қонунчиликни умуман тушунмайдиган тоифадаги одам, иккинчиси қонунчиликни жуда яхши тушунадиган инсон бўлиши мумкин. Майли, ким бу саволни берганидан қатъий назар жавоб қуйидагича,

📄 спорт оламидан ташқари бошқа бир шахсни урган одам барча ҳолларда жавобгарликка тортилади, фақат биргина ҳолат бундан мустасно. Маъмурий жавобгарлик тўғрисидаги кодекснинг 19-моддасида охирги зарурият деган нарса бор. Яъни, шахсга ёки мазкур шахснинг ёхуд бошқа шахснинг ҳуқуқларига, жамият ёки давлат манфаатларига таҳдид этаётган хавфни, башарти бу хавфни ўша ҳолатда бошқача чоралар билан бартараф этиб бўлмаса ҳамда етказилган зарар олди олинган зарарга қараганда камроқ бўлса, бартараф этиш учун содир этилган ҳаракатлар маъмурий ҳуқуқбузарлик деб ҳисобланмаслиги белгиланган.

✏️ Бу нима дегани? Кимдир, қаердадир асаб отига миниб катта бир "проблема" ни бошлаш арафасида турипти. Масалан, хотинини ўлдираман деяпти ёки бошқа бировни нима қилса қиладиган реал даражада. Анашундай ҳолатда уни йўлини тўсиб кимдир унга бир мушт тушурса ва шундан кейин анави одам шижоатидан қайтиб мулойиб тортиб қолса, натижада урган одамнинг ўша тушурган мушти, кузатилиши мумкин бўлган катта "проблема"ни олдини олган бўлса, мушт тушурган шахс жавобгарликка тортилмайди. Охирги заруриятнинг таржимаси манашуни англатади. Фақат, бу жуда нозик масала. Оралиқ ечимни топа олиш керак. Охирги зарурият экан деб уни жон жойига тепиб, кузатилиши мумкин бўлган муаммодан хам катта муаммони чиқариб қўйиш ярамайди..


Бепул савол-жавоб👇
       @yuristdan_javob_bot

Каналга уланиш 👇
                  @Yurist_Blogerr

⚡️ МУҲИМ

❗️СУД ОИЛАНИ МУДДАТ БЕРМАСДАН ХАМ АЖРАТИШИ МУМКИНМИ ?

⚡️ САВОЛ:
Мен турмуш ўртоғим билан жуда жиддий сабабларга кўра ажралиш учун судга мурожаат қилмоқчиман. Эшитишим бўйича суд оилани биттада ажратмас экан, яъни оилани ярашиши учун муддат берар экан. Савол шуки, суд муддат бермасдан хам оилани ажратиши мумкинми ?

⚡️ ЖАВОБ:
Албатта, суд муддат бермасдан хам оилани ажратиши мумкин. Оила кодексининг 40-моддасида, суд эр-хотинга ярашиш учун олти ойгача муҳлат тайинлашга ҲАҚЛИ эканлиги кўрсатилган.

✏️ Суд никоҳдан ажратишни сўраб мурожаат қилганларга уларни ярашиб кетиши учун 6 ойгача муддат беришга ҲАҚЛИ, мажбур эмас! Яъни, олти ойгача муддат бериш бу суднинг хоҳиши дегани бу. Суд бу муддатни бермасдан туриб хам бир мартада оилани ажратиб юбориши мумкин.

✏️ Лекин, ҳозирги кунги амалиётда судлар аксарият ҳолларда бундай муддатни беришмоқда ва буни тўғри амалиёт деса хам бўлади. Чунки хамма хам Сизчалик жиддий сабаблар билан ажралиш учун судга мурожаат қилавермайди. Айримлар борки, улар шунчаки шахсият масаласи, оилада кузатилиши мумкин бўлган арзимас сабаблар билан хам ажралиш учун ариза бераётган ҳолатлар кам эмас. Мени ҳали дадам бундай чақирмаган деб судга ариза кўтариб бораётганлар хам бор. Лекин, агар Сизни ҳолатингизда масала жуда жиддий бўлса ва бу жиддийлик суд томонидан тасдиқланса, суд Сизларни бир мартада хам ажратиши мумкин.

✏️ Судга борганингизда хам жиддий сабабингизни аниқ далил ва исботлар билан келтириб беришингиз керак. Суд Сиз келтирган фактларни даражасига таяниб, Оила кодексининг 41-моддаси бўйича Сизларни никоҳдан бир мартада ажратиш керак ёки керак эмаслигини ҳал этади. Судга борганда "Ўртоқ судя масала жиддий. Айтсам Сиз хам уялиб кетасиз. Шунинг учун яхшиси биттада ажратинг тамом" деб ўтирманг! Суд ҳеч нарсадан уялмайди..


Бепул савол-жавоб👇
       @yuristdan_javob_bot

Каналга уланиш 👇
                  @Yurist_Blogerr