⚡️Bu yil TDYUda ham ikkinchi mutaxassislik bo‘yicha "Yurisprudensiya" yo‘nalishiga qabul bo'lib o'tadi. Imkoniyatni boy bermang, hozirdan huquq va xorijiy tillardan jiddiy tayyorgarlikni boshlang!

Kanalga aʼzo boʻlish uchun
👉 Normativ

⚡️Fuqarolar uchun muhim elektron portallar

Lex.uz — qabul qilingan qonunlar, kodekslar, Prezident farmonlari va hukumat qarorlarining rasmiy bazasi

Regulation.gov.uz — hali qabul qilinmagan qonun va qaror loyihalari jamoatchilik muhokamasiga qo‘yiladigan portal

E-qaror — viloyat, tuman va shahar hokimlarining qarorlari elektron shaklda rasmiylashtiriladigan va e’lon qilinadigan tizim

Petition.gov.uz — fuqarolar tomonidan jamoaviy murojaat va takliflar yuboriladigan elektron petitsiyalar portali.

Kanalga aʼzo boʻlish uchun
👉 Normativ

⚡️2026/2027 yil o’quv yilida TDYUda ikkinchi mutaxassislik “Yurisprudensiya” yo’nalishiga qabul bo’lib o’tadi

O’qish muddati: uch yil ;

Imtixon bo’lib o’tadigan fanlar: huquq va xorijiy tillar (B2 sertifikatga maksimal ball beriladi).

Kanalga a’zo bo’lish uchun
👉Normativ

⚡️Subsidiya ajratiladigan fuqarolarni baholashning ijtimoiy
MEZONLARI

❗Ijtimoiy mezonlar asosida baholangan ariza beruvchi 30 va undan yuqori ball toʻplagan taqdirda, talabgor sifatida tan olinib, kvartira sotib olish uchun ipoteka krediti boʻyicha subsidiya olishga haqli deb hisoblanadi.

Kanalga a’zo bo’lish uchun
👉Normativ

⚡️Endilikda 21 yoshga to‘lib, birinchi marta nikohdan o‘tgan yosh oilalarga uy-joy sotib olish uchun boshlang‘ich badal sifatida 45 million so‘m miqdorida subsidiya beriladi.

Asos: Ayollar va bolalarning himoyasini kuchaytirish to‘g‘risidagi Prezident farmoni, 03.03.2026 yil, PF–33.

Kanalga a’zo bo’lish uchun
👉Normativ

Endi ish qidirgan insonga keyingi 5 yildan soʻng nechta til bilasiz emas AI dan qay darajada foydalana olasiz degan, talab qoʻyilishi mumkin.

Chunki bugun sun’iy intellekt bilan ishlay olgan odam matn yozadi, tahlil qiladi, g‘oya topadi, dizayn qiladi, moliyaviy hisob-kitoblar va hk.

Ya’ni AI’ni to‘g‘ri ishlata olgan odam ba’zan 5 kishining ishini tezroq bajarishi mumkin.Shuning uchun hozirdanoq o‘ylab ko‘rish kerak.

Men AI’dan shunchaki foydalanayapmanmi
yoki undan ishlarimni kuchaytirish uchun foydalanayapmanmi?

❗️ Hozir qaysidir tilni bilmaganingiz uchun Sizni ishga qabul qilmayotgan bo’lsa, yaqin kelajakda ustunlik faqat til bilishda emas texnologiyani qanday ishlata olishingizda bo‘ladi.

Kanalga a’zo bo’lish uchun
👉Normativ

⚡️Davlat fuqarolik xizmatida ishlayotganlar uchun quyidagi huquqiy normalarni bilish juda muhim!

1. Intizomiy jazo va xodimning xabardor qilinishi. Agar xodimga intizomiy jazo berilgan bo‘lsa, lekin u bu haqda rasmiy ravishda (imzo bilan) tanishtirilmagan bo‘lsa, u holda bu jazo kuchga kirmagan hisoblanadi. Misol, rahbar sizga “jazo berdim” desa ham, agar sizni hujjat bilan tanishtirib imzo oldirmasa siz intizomiy jazoga tortilmagan hisoblanasiz. (Manba: "Davlat fuqarolik xizmati to‘g‘risidagi" Qonun, 47-modda)

2. Nohaq ishdan bo‘shatilganda javobgarlik. Agar davlat fuqarolik xizmatchisini qonunga xilof ravishda ishdan bo‘shatishsa, bunga sababchi bo‘lgan shaxs (rahbar) javobgar bo‘ladi. Xodimga yetkazilgan zarar esa aybdordan regress tartibida undiriladi, ya’ni tovon puli davlat emas, qonun buzilishiga yo‘l qo‘ygan rahbarning o‘zidan undiriladi. Misol uchun, sizni sud orqali ishga tiklashsa, sizga to‘lanadigan zarar puli bevosita aybdor rahbar hisobidan undiriladi. (Manba: "Davlat fuqarolik xizmati to‘g‘risidagi" Qonun, 51-modda)

3. Intizomiy jazo va rag‘batlantirishlar. Davlat xizmatchisi intizomiy jazoga tortilgan bo‘lsa ham, unga ilgari berilgan mukofotlar yoki ustamalar bekor qilinmaydi. Misol uchun, davlat xizmatchisi yil davomida yaxshi natijalar ko‘rsatib, "Samarali ish faoliyati uchun" mukofot ustamasiga ega bo‘ldi (masalan, har oylik 40% ustama). Keyinchalik u kichik bir xizmat intizomini buzib intizomiy jazo olsa ham, avval berilgan samarali faoliyat uchun ustamasi bekor qilinmaydi, to‘lab berishda davom etiladi. (Manba: "Davlat fuqarolik xizmati to‘g‘risidagi" Qonun, 47-modda)

4. Rotatsiya (joy almashtirish) qanday bo‘ladi? Davlat xizmatchisini bir lavozimdan boshqa lavozimga o‘tkazish faqatgina uning roziligi bilan amalga oshiriladi. Bu o‘rin almashish (rotatsiya) faqat teng lavozimlar o‘rtasida bo‘ladi. Misol uchun, Agar siz tuman moliya bo‘limida bosh mutaxassis bo‘lsangiz, viloyat moliya boshqarmasiga ham shunday lavozimga faqat o‘z roziligingiz bilan o‘tkazilishingiz mumkin. (Manba: "Davlat fuqarolik xizmati to‘g‘risidagi" Qonun, 39-modda)

Kanalga a'zo bo'lish uchun
👉 Normativ

⚡️Quyidagi ro’yxatda ko’rsatilgan toifalarga 1xbet va shunga o’xshash tavakkalchilikka asoslangan o’yinlar o’ynash taqiqlangan.

Qolganlarga yarashaveradi-mi?)

❗️Hattoki davlat xizmatchilariga ham taqiq qo’yilmagan ekan.

Menimcha bankir va davlat xizmatchilariga ham tavakkalchilikka asoslangan o’yinlar o’ynash taqiqlash va kerak bo’lsa, javobgarlik belgilanishi lozim.

Kanalga a’zo bo’lish uchun
👉Normativ

⚡️Xodimlarini "Open budget"ga ovoz yig'ishga majburlagan mansabdorlarga qanday chora ko'riladi?

O‘zbekiston Respublikasi Prezidentining PQ-117-son qarori 6-bandiga asosan, tashabbusli budjetlashtirish jarayonlari doirasida budjet tashkilotlarining rahbar xodimlari tomonidan majburiy ovoz yig‘ish bo‘yicha xodimlarga topshiriq berishlari taqiqlanadi. Bu majburiy mehnatga jalb qilish sifatida tasniflanadi.

Mehnat kodeksining 5-moddasiga asosan majburiy mehnat taqiqlangan. Ma’muriy javobgarlik to‘g‘risidagi kodeksning 51-moddasiga muvofiq mehnatga biron-bir shaklda ma’muriy tarzda majburlash bazaviy hisoblash miqdorining 50 baravaridan 100 baravarigacha miqdorda jarima solishga sabab bo‘ladi.

Xuddi shu harakat takroran yoki voyaga yetmagan shaxsga nisbatan sodir etilsa, Jinoyat kodeksining 148²-moddasiga asosan javobgarlikka tortiladi.

❗️Majburiy mehnatga jalb qilish holatlariga duch kelsangiz Kambag‘allikni qisqartirish va bandlik vazirligining 1282 qisqa raqamiga qo‘ng‘iroq qiling.

Kanalga a'zo bo'lish uchun
👉 Normativ