مَبسوُطة وفخورة فيهُم وبأي شخص دايماً أخطر على باله بإنه يجي يبشرني بفرحة إجتيازه حتى لو ماكان مِن طُلابي، عارفة وحاسة بشعوُركم لأني بيوُم كُنت بمكانكُم، سَعيدة بكل أحد يجتاز الاختبار ويحاول ومايوقف وحاط الاختبار تحدي لنفسه يا أنا يا الدرجة، مرة ومرتين وثلاثة وأربعة ومايستسلم! ..
دورتي مو عصاية سحرية! أنا كُنت مُجرد سبب وسعيدة وجداً إنكُم إخترتوا هذا السبب ومشيتوا فيه، نجاحكُم نجاح لي مش نجاحي نجاح لكُم، زي ما انتوا احياناً تتعلموا مني حتى انا زيكم اتعلم منكم وأستمد منكُم قوُتي بإني أحاول دايماً وما استسلم لأي شي أبي أوصل له .. فَرحتكُم فرحتي وأي درجة وصلتوا لها فهي بجهدَكُم وإجتهادكُم وأهنيكُم، مَبسوطة لاني كُنت جزء بسيط من نجاحكُم ان كان لـ تَخصص أو ماستر أو دكتوراه أو وظيفة أو تحويل، ودايماً أحب أشارككم تجارب الطُلاب عشان تعرفوُا انه الي يحط هدف لنفسه ما يوصله وبس! ( يتعداه ) ونعيد ونكرر الي يوصلوا لدرجاتهُم بإيش أحسن من الي ما يوصلوا ؟! الفرق ( جُهد وجِد وإجتهاد ) كُلكُم قدها لكن ..

Work hard!👏🏼👏🏼👏🏼👏🏼..

من القلب لِـ القلب🫀🌻.

رسالة لك💌:

حتتسهل والله بلاش تفكير وحُزن😌♥️♥️..
كل ما ترجوهُ آتٍ ، إنَّ خيرَ اللهِ مقبل ..

‏كل حاجة بتتمناها حتحصل في الوقت المُناسب، أبشر ولا تيأس!

موقع الاستماع هذا اعتقد انه معظمكم يعرفه، لكن يلي مايعرفه ..

" هذا الموقع مممرا مُمتاز لتطوير مهارة الاستماع من كتاب قياس، وسبق وجاء منه نصياً في الاختبار ، تقدروا تدربوا نفسكُم عليه 🙏🏼🌟" .

https://www.esl-lab.com/

قال ﷺ: ‏[ أوتروا إنّ الله وتر يُحب الوتر ]❤️.

“ لعل ركعة واحدة تكون نهاية حزن ثقيل، وبداية فرح مقيم؛ لا تستخفوا برفع الأكف إلى الله ، فإنه "قريب يجيب دعوة الداعِ إذا دعاه"

مرحباً مساء الورد😍!

بالنسبة لـ علامات الترقيم أسهل بارت في الاختبار، كيف بيكون الترتيب الصحيح لعلامات الترقيم وممكن نلخبط فيه لو ماركزنا🤷🏻‍♀️.

بهذا اللنك حيكون فيه اسئلة لعلامات الترقيم وحتعرفوا اخطائكم وايش الصح وتقدروا تتعلموا منه 👏🏼😉👀..

https://www.grammarbook.com/grammar_quiz/punctuation_mastery.asp

فرحة الانجاز عظيمة مع استمرار هناء بالدورة تعدت المطلوب وأجمل👏🏼❤️.

يمديك تبدأ بدورة ستيب من الصفررر وتوصل للدرجة اللي تبغاها بإستمرارك ومذاكرتك🎉🙊..

فَكُن لَطيفاً دائماً💗!

مين فيكم يلخبط بين الصفات والظروف !👀
‏
‏اختبروا نفسكم وسووا هذا الكويز دحين وشوفوا اذا تعرفوا تميزوا بينهُم، يلاا😉💪🏻.

https://www.grammarbook.com/grammar_quiz/adjectives_and_adverbs_1.asp

#للفائدة_العامة ✨💗.

ثلاث اشياء مُهمة لازم تحطوها فبالكُم عشان توصلوا لهدفكم :

- الإصرار ✅ - الإلتزام ✅ - الإستمرارية ✅.

لأنه الإصرار في تحقيق الهدف والحلم من صفات الشخص المُتميز، يعني كل ما كانت إرادتك راسخة، كل مازادت احتمالية الوصول لهدفك، لذلك لا تيأس بسهولة ولا توقف مكانك بدوُن محاولة ولا تتشائم أبداً لما تطيح، لاتخلي ارادتك تضعف لما ماتشوف بوادر نجاح التزم واستمر والاهم من هذا كله توكل على الله بكل شي وإتأكد اذا ربي رضي عليك راح يرضيك بالشي الي تحبه ويسعدك💗.

بدايتي بقناتي هذي كانت يوم :

18 Dec 2019🌈💛..

مَـرت سنَّـة كاملة من وقت البداية، واليوُم إحنا :

23 Dec 2020🌈💛..

بهذي الفترة دخل على قناتي أكثر من 13,000 أخ و أخت مَبسوطة فيكُم كُلكم وقناتي ما صارت أجمل الا بوجودكم، مبسوطة مرا لاي معلومة حتى لو كانت بسيطة وصلتها لكُم✨..

بهذي السنة رغم انها كانت سنة ثقيلة على الكُل الا اننا لو التفتنا لبعض الاشياء الي بيدنا بنشوف اننا اكتسبنا شي جميل حتى لو بسيط، كنت ومازلت وبأضل انبسط بكل أحد يجي يبشرني بإجتيازه وبأفرح لفرحه، فيه منهم كانوا يحبطوا انهم مايعدوا من المرة الاولى لكن استمروا واتجاوزا الاختبار هذا الي كانوا يعدوه بمثابة العقبة لهُم، مع انه مافيه عقبة بالدنيا هذي كُلها، وكل شي نقدر نتغلب علييييييه💭💛🌻..

حتى انتو برضوُ بتعدوُا وتجتازوُا لما تجتهدوا وتذاكروُا كويس وربي ما يضيع تعب أحد ..

ان شاء الله ماتعدي السنة هذي الا واحنا محققين الهدف الي حاطينه لنفسنا🥺❤️❤️!

يلاااا نحللل مع بعض شوية تمارييين واختبر معلوماتكم🤓! لاتنسوا تكتبوا سبب الاختيار عشان يستفيد الي مايعرف وأجر لكم!❤️..