#Танқид_Мавзуга_қайтиб

Оққўрғонни "оқ олтин"да умиди борми?

📌Май ойи ҳамалнинг амалга кирган энг муҳим палласи саналади. Деҳқоннинг бир куни йилнинг қандай якунланишини айтади. Ёдингизда бўлса бундан саккиз ой муқаддам Оққўрғон туманига қарашли ғўза майдонларидан танқидий лавҳа тайёрлаган эдик.

✅ Куни кеча мазкур манзилда бўлиб, ҳолатни "эски ҳамом, эски тос"лигича турганидан оғриндик. Назаримизда ер "эгаси" дала майдонига чигит экиш мавсумидагина келган, холос. Уни ҳудуддан излаб тополмадик. Кейин бу ҳудуд қайсидир кластерга тегишли эканини сўраб-суриштирдик. Қизиқ, айни ғўза чопиғи бўлаётган дамда ҳеч зоғ кўрмаслик ғалати эмасми? Дала майдони гўё эгасиз. Ғўзалар эса яқинларини кутавериб, ҳолсизланган боладек танасини базўр кўтариб турибди.

⚖️ Пахтадан йиғиладиган "тоғ"дек хирмон ғўза парваришига боғлиқ эмасми, ҳурматли маъсуллар!

Yoshlar kundaligi

#Ифтихор

ТОПШИРИҚ ВА ИЖРО

🫂Ўрта Чирчиқнинг алп ўғлони Муҳиддин бобо, бугун "Марказий ҳарбий клиник госпитал"га уларни йўқлаб борган Президентимиздан "набирасини ўқишга олиш"ни сўраган эдилар. Давлат раҳбари ўша ондаёқ вилоятимиз ҳокими ва бошқа мутасаддиларга топшириқ бердилар.

📚 Зойир Мирзаев, таълим вазири ва олийгоҳ ректори билан Муҳиддин отанинг олдига бориб, набирасининг давлат гранти асосида ўқишга кирганлиги тўғрисидаги хушхабарни ва буни тасдиқловчи сертификатни, шу билан бирга қимматбаҳо совғаларни топшириб келдилар.

✨Таъкидлаш керакки, Имона шу ўқув йили ҳисобидан Тошкент вилоятининг, қолаверса, "Иқтисодиёт" университетининг илк талабаси бўлди.

🔷Видеода батафсил

Yoshlar kundaligi

#Челленж #Шараф_лентаси

Хотира - авлодлар бирлашган нуқта

🇺🇿Ватан бу улкан бир оила аслида. Унинг ҳам улуғ боболари, донишманд момолари, таянч оталари-ю суянч оналари бўлади. Унда яна забардаст фарзандлар, қоракўз набиралар, келгуси авлодлар ҳам камол топади.

❗Хотира эса бу авлодларни бирлаштирадиган, бус-бутун қиладиган бир белбоғ демакдир. Энг муҳими эса уни асраш, қадрлаш.

🎗Ҳа, бу шараф лентаси, бу шон лентаси. Қадр лентаси бу,  ғурур лентаси.

🔥Видеода меҳнат фахрийси Абдусаттор ота ва Холбуви ая Абдуллаевлар оиласи. Одатда уч авлод учрашувини кўп кўрганмиз, бу даврани эса беш авлод учрашуви дейиш мумкин.

📍Оҳангарон тумани "Гўшсой" МФЙ.

Yoshlar kundaligi

#Кайфият

Оддий аскар Қўлдошов анойи эмас.😂

Yoshlar kundaligi

#Жараён

🎗9 май — Хотира ва қадрлаш куни муносабати билан Nurafshon Business City'даги янги "Матонат мадҳияси" монументи очилиш маросими бўлиб ўтади.

🚨Тадбир давомида ҳарбий техникалар кўргазмаси ҳам бўлиб ўтади.

🎺Байрам ва концерт дастуримизга барча юртдошларимизни таклиф қиламиз.

🎯Кириш бепул.

Yoshlar kundaligi

#Билдириш

«Ёшлар кундалиги» иш услубини ўзгартиради

➖ Энди каналда кескин ва асосли танқидий материаллар эълон қилинади.

➖ Баъзи каттаконларнинг раҳбарликкача босиб ўтган йўли ва бугун енг учида қилаётган ишларини очиқлаймиз.

➖ Халқ ўз «қаҳрамон»ларини билиши керак, бунга ёрдам берамиз, юзхотирчилик даври тугади.

➖ Кутинг, «Ёшлар кундалиги» айрим муттаҳамларга дангал кўзгу тутади.

Yoshlar kundaligi

#Хотира

"Матонат мадҳияси" мангу куйланажак

💫Президентимиз ташаббуслари билан Нурафшон шаҳрида бугун яна бир сўлим маскан қад ростлади — Зулфия Зокирова ва унинг урушдан қайтмаган беш ўғли, садоқатли келинларига атаб муҳташам ва салобатли ҳайкал ўрнатилиб, унга "Матонат мадҳияси" номи берилди.

💐Тадбир давомида Тошкент вилояти ҳокими Зойир Мирзаев ва бир қанча жамоат арбоблари сўзга чиқиб, ўтганлар хотираси ёд этилди. Сўнгда монумент пойига гулчамбарлар қўйилди.

Yoshlar kundaligi

#Блогерлар_овози

🗣Янгийўл шаҳрининг Янгийўл тумани билан боғловчи Жун канали устидан ўтган кўприкнинг ҳар иккала томони, айниқса, шаҳар тарафидаги йўлнинг носозлиги тирбандликларга сабаб бўлмоқда, — деб ёзмоқда @yangiyolliklar канали.

🚑Обуначилар томонидан юборилган юқоридаги расмда ҳатто тирбандликда тез тиббий ёрдам машинаси ҳам қолиб кетгани акс этган.

❗️Ҳудуд мутасаддиларидан ушбу масалага эътибор қаратишларини сўраймиз.

Yoshlar kundaligi

#Таълим

🆕ДИҚҚАТ! ТАЛАБАЛАР!!!

⚡️ Энди сертификат олишим керак деб ўйлашнинг хожати йўқ. Фақат бу ҳозирча...

❗️Сиртқи таълим тугатилади. Нима учун?

Батафсил маълумотни видео орқали олишингиз мумкин.

Yoshlar kundaligi

#Танқид

"Тўқбой" "Водаканал"га бегонами?

✅Бекобод туманидаги "Найман" маҳалласига қарашли "Тўқбой" қишлоғида 10 кундан бери тоза ичимлик суви тармоқдан узилган. Мутахассисларнинг таъкидлашича, истеъмолчиларнинг сувдан қарздорлиги бор. Аҳоли эса сув йўқлигидан норози.
Масаланинг икки томони бор. Бизга маълум бўлишича, Давлат дастури асосида 4 ой муқаддам мазкур қишлоққа сув қувурлари тортилган. 110 та хонадонга ҳисоблагич ўрнатилган. Қолган хонадон эгаларига ўзлари сотиб олиш "тавсия" қилинган. Улар эса ҳисоблагичсиз сувдан фойдаланишган. Яқинда мазкур масалада маҳаллада мониторинг олиб борилган. Ҳисоблагичи йўқ истеъмолчиларга ўрта тўлов ҳисобида маълум сумма чиқарилган. Табиийки, тўлов нарх-навоси истеъмолчиларга маъқул келмаган.

📌Айни кунларда ариқдан келаётган сувнинг лойқалиги сабабли чорва молларини ҳам суғоришни имкони бўлмаяпти, – дейди аҳоли. Улар ҳар 20 литр сувни 3 минг сўмдан сотиб олишга мажбур бўлмоқда.

⚠️Хўш, бу муаммога қачон чек қўйилади? Ёки ўз вақтида аҳолини ўз ҳисобидан бўлсада, ҳисоблагич ўрнатишини назорат қилмаган "Водаканал"га тўқбойликлар бегонами? Нима қилганда ҳам мазкур муаммо зудлик билан ҳал этилиши лозим. Ахир тоза ичимлик суви нафақат ичилади, бошқа эҳтиёжлар учун ҳам сарфланади. Мутасаддилардан жўяли жавоб кутиб қоламиз.

Yoshlar kundaligi

#Бола_тилидан

– Нега бунақа жиддийсиз?
– Ўғил бола жиддий бўлиши керак.😂

🤝Бизнинг ҳамкор: Олмалиқ шаҳар 9-ДМТТ

Yoshlar kundaligi

#Таъсирли

Келинг, кўнгилни бир бўшатиб оламиз.

Видеони охиригача кўрмаганлар сўзимизни тушунмайди. Биласизми, 10 дақиқа олдин отаси ўлганини эшитган журналист, эфирда жилмайиб туради. Қўшиқчи, шундай хабардан кейин, янада таъсирли куйласа, одамлар буни шунчаки "артистизм" йўйишади...

Халқимиз ичида ҳар куни юзлаб инсонлар "Ота-Она" деб аталмиш энг яқинларидан айрилади. Уларнинг ҳолатини эса, на бир артист, ёки кузатувчи шарҳлаёлмайди.

Аммо, фақат ёшлардагина ҳали имкон бор. Ҳозироқ ота-онангизга боғланиб, "мен сизларни яхши кўраман, жонимдан ортиқ кўраман" деб айтиб қўйинг. Кейин, кеч бўлмасин...

Yoshlar kundaligi

#Туйғу

Салқин саҳарларда, бодом гулида,
Бинафша лабида, ерларда баҳор.
Қушларнинг парвози, елларнинг нози,
Бахмал водийларда, қирларда баҳор.

🖋Шеър: Зулфия

📷 Фото: Саҳобиддин Рустамов

Yoshlar kundaligi

😢 Тошкент вилоятида радар ўрнатаётган 26 ёшли муҳандис ток уришидан вафот этди

🔗 Бугун деярли барча тармоқларда шу хабар тарқалди.
Бахтсиз ҳодиса 1 май куни Қибрайда бўлгани айтилмоқда.

📌 Тафсилотлар видеода!

Yoshlar kundaligi