א גוטן ערב שבת וויליאמסבורג... ס'דא מענטשן וואס האבן אייך עפעס צו זאגן.

אין "דער איד" פסח אויסגאבע פון די שמחות פון נכדי הברך משה... נייס!

ענדליך! מיט אן עד אין אלע אויסגאבעס מעלדן ר' שאול'ס מענטשן אז זיי עפענען א פרישע מיידל שולע 'בנות פערל' פאר די קומענדיגע שנת הלימודים - תשפ"ג.

די שולע עפענט זיך מיט די יונגערע קלאסן, אריבערברענגענדיג א לאנגיעריגע סוקסעספולע פרינציפעל פון 'בית שרה' פרי שולע (קוקט אויס ווי זיי פרובירן צו מאכן א נייטראלע שולע, און נישט דוקא געבינדן צו גור'ע משפחות).

#גור_פאליטיק

שמועות צירקולירן אז קהילת סקווירא האט שוין אראפגעלייגט א דעפאזיט אויף א געגענט אין פלארידא ניו יארק, וואו ס'וועט אויפגעשטעלט ווערן א סקווירא קהילה און מוסדות. דאס איז נישט די שטאַט פלארידא, נאר א געגענט אין אפסטעיט ניו יארק.

פלארידא איז עטוואס ארויף פון קרית יואל, און לויט די גוגל מאפעס נעמט די וועג פון קרית יואל ביז פלארידא אכצן מינוט. פון שיכון סקווירא נעמט די וועג פערציג מינוט.

עדיט: למעשה הער איך בשם די עסקנים וואס שטייען אין שפיץ פון טרעפן א געאייגנטע פלאץ פאר א נייע שטעטל אז די שמועה איז פאלש. עטליכע פלעצער ווערן כעת גענומען אין באטראכט אבער מ'האט נאכנישט פיינעלייזט אויף גארנישט, און מען האלט ניטאמאל נאנט צו פיינעלייזן.

נאך 15 יאר האט זיך מהרז"ל צום ערשטן מאל היינט ביי א מעמד אויפגעריסן, אפן גערעדט און שארף אראפגעריסן די ארונישע פירערשאפט אין קרית יואל.

אויף דאס וואס ער זאגט "ואין פוצה פה ומצפצף" איז וויכטיג אנצומערקן אז ‏פארגאנגענע פרייטאג האט מהר"א דאס פרעזענליך פארדאמט ביי א דרשה אין ישיבה, אזוי אויך האבן אלע מנהלים אין זיינע ישיבות דאס שטרענג פארדאמט.

וואסטע געמיינט, ס'איז לעבעדיג...

אויב איז די כוונה געווען צוריק אויפצופלאקערן די מחלוקת, האט ער שיין מצליח געווען... די ארונים שפרינגען פון די הויט און זענען ביזי צוריקשמעטערן יעדע פייל וואס זיי האבן, און די זאלונים זענען שטארק פארנומען אוועקמאכן און זיך באשיצן...

יעצט ווארט מען נאר צו הערן פון ר' אהרן אליינס... שטיל וועט ער דאך לכאורה נישט בלייבן...

די זאלונים האבן צוזאמגענומען אלע זייערע רבנים אונטערצושרייבן א צעטל קעגן די ארונים אין קרית יואל, וועלכע זיי האבן ארויסגעגעבן נעכטן.

די מחלוקה איז הולך וגדל... זאליס שרייען אז "גענוג איז גענוג", און די ארונים שרייען אז זיי זוכן סתם אנצוזייען מחלוקת.

קהילת קארלין סטאלין מעלדט אז אין ליכט פון די זיכערהייט סיטואציע זאל יעדער וואס האט געזעצליך א גאן דאס ברענגען מיט זיך אין ביהמ"ד - סיי אינדערוואכן און סיי אום שבת.

ענדליך...

סאטמאר סעלעברירט ה' אייר...

מאמי, מיין רבי האט געהאט א בעיבי!

דאס קינד וועט לכאורה סייווי נישט זיין די קומענדיגע רבי, כמנהג סאדיגורא...

די מחלוקת צווישן ריינער פון קינדליין און פאנעט פון 100 האט צוריק אויפגעפלאקערט ווען ריינער האט פארגעהאלטן געשעפטן פארוואס זיי פאלגן נישט דעם עיקול פון בית יוסף קעגן 100, און געוויסע געשעפטן האבן עס אראפגענומען פון די שעלווס.

ריינער'ס טיעם איז ארויסגעקומען מיט א גליון קעגן פאנעט, וואו זיי שטעלן פאר פאקטן לויט זייער זייט.

ריינער'ס גליון קומט נאך וואס פאנעט איז ארויסגעקומען מיט א בריוו וואו ער שטעלט אהער אן אנדערן בילד, און האט פארגעלייגט די פאקטן פון זיין זייט.

ברעיקינג! 100 מאכט זיך צו!

שטייענדיג פון די זייט קוקט אויס ווי ריינער'ס בריוו (וועלכע איז ארויסגעקומען נאך פאנעט'ס) איז געווען א טויט קלאפ פאר ר' מענדל הערש פאנעט, און די 100 אויסגאבע.