الصدقة تديم النعم و تدفع النقم وترفع البلاء وتستنزل الشفاء 💚

مَّن ذَا الَّذِي يُقْرِضُ اللّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً وَاللّهُ يَقْبِضُ وَيَبْسُطُ وَإِلَيْهِ تُرْجَعُونَ [سورة البقرة: 245]

https://youtube.com/live/0H_S2BiC2Bs

كل عام وانتم بالف خير يا رب 💚
تقبل الله طاعتكم 💚
الدنيا عيد، لا تقلي في عندي مشكلة بحلها وبعدين بعيد 😂

عم تستخدم cursor 🤖 كمحرر لتسرع عملك وتختصر وقتك وأحياناً النتيجة يلي عم يقدمها أغلب ال models غير مرضية 😐
جربت مثلي تضيف rules، أنا أحياناً ممكن انسا شي بال rules وبقلب ال prompt تضيف المطلوب 😅 كيف لازم الخرج يكون (مثلاً طريقة كتابة اسم ال class على مبدأ PascalCase)
طبعاً ممكن تقلي سيدي مثل بعضها بنضمن شي ملف ظابط منيح وبنقله نفس مبدأ هذا الملف الخرج 😅 ليش وجعة الراس
امم حل مانه مثالي 😅 وأنا لقيتلك الحل الأفضل ب repo على github باسم "Awesome CursorRules" فيه العديد والعديد من ال rules الجاهزة لمختلف بيئات العمل 😍 مثل:

Next.js (Material UI, Tailwind CSS)
Next.js (TypeScript, Tailwind)
HTML (Tailwind CSS, JavaScript)
Laravel (PHP 8.3)

وبعد اطلاعي على بعضهم في أمور ما كانت خاطرتلي ضمن أي prompt 😅
بالنسبة الي لح جربها وشوف الفرق بالنتائج 😁، وانت شاركني برأيك حتجربها أو مانك من جماعة cursor 😂💔؛ وفي حال ماحبيت تجرب بس اعمل اطلع على طريقة كتابة ال prompt
الريبو:
https://github.com/PatrickJS/awesome-cursorrules
#ai #cursor #vscode #chatgpt

الشعب ناطر تنرفع بشكل فعلي من الشركات 🤣 وخاصة التقنية
بعض المواقع يلي ناطرينها تفتح 🔥 ب IP سوري 🙂:
https://www.paypal.com/us/home
https://cloud.google.com/
https://hub.docker.com/
https://www.coursera.org/
https://chatgpt.com/
https://ipinfo.io/
https://cloud.digitalocean.com/login
https://portal.aws.amazon.com/billing/signup

سنعلمكم بأي موقع يعمل ب IP سوري 🥹

كوني الي فترة منقطع رجعتلكم بموضوع جديد 😅 وبخص العقوبات 🌚
ألا وهو كيف عم يتم تطبيق العقوبات الالكترونية على الدول 🧐

بحيث ممكن بدولة تفتح موقع يفتح نظامي، وبدولة ثانية يفتح معك جزء من نظام معين او ما يفتح بالمرة 🫠
لناخد مثال موقع بايبال وموقع Github:
موقع Github:
إذا كنت بسوريا، اليمن، ممكن العراق، روسيا، كوريا الشمالية، (أتوقع الصين أيضاً) فيك تستخدم خدمات Github كاملة ماعدا إنشاء private repo بالإضافة لترقية الحساب 😐
هذا الحظر بيتم من خلال برمجيات نظام Github نفسه بحيث في تقييد لهل دول من خلال ال Ip الخاص فيك (أي ليس من الضروري من الموقع الجغرافي 🗺 ! ممكن تدخل لموقع وما تعطيه إذان للوصول لموقعك)
طبعاً أقرب ما يمكن تشبيها باطر عمل الويب هو إنشاء Middleware لمنع بعض الخدمات من دول معينة من خلال لستة 📝 IPs (أو ممكن تستخدم خدمة لتعطيك الدولة الخاصة من خلال بال Ip)
موقع Paypal:
إذا كنت بسوريا وجربت تدخل عليه لح تطلعلك رسالة محتوها Error 403 ومستحيل يشتغل معك ولا جزء منه ! لك حتى الملفات ال static مثل ال css,js مافيك تفوت عليهم علماً برمجياً ك back-end صعب شوي تعمل هل شي
وهون بكون الحظر على مستوى الشبكة او السيرفر بشكل عام، يعني البرمجيات (ك back-end) ما بتستلم الطلب وتعالجه؛ ممكن الحظر من خلال سيرفر الويب 🌐 بحيث إذا عم تستخدم Apache تحظر لستة IPs بملف .htaccess
وممكن من خلال جدار حماية للشبكة 📶 بحيث سيرفر الويب ما بعالج الطلب اصلاً !
وممكن يتم استخدام Cloadfalre لعملية الحظر بحيث الطلب ما بيوصل لبرمجياتك او حتى لملفات static

هي الطرق لتحظر دولة او مجموعة دول معينة، خبرني عم تفكر تحظر شي دولة من استخدام مواقعك 😅

ملاحظة: المواقع المذكورة هي مثال، ومو بالضرورة يكون مطبقين الطريقة مثل ما وضحتها بالضبط، ممكن يتم إستخدام كل الطرق بحيث حظر على مستوى الشبكة وعلى مستوى سيرفر الويب والبرمجيات ك back-end وممكن بطرق او آليات مختلفة

Sudo i need to reaction 🥹

استرداد مليون سجل لقواعد البيانات من خلال PHP أو Import One Million Rows To The Database PHP !! 🤯
الأمر مانه مستحيل بس اول شي بيخطر ببالك كم ساعة بيحتاج 😅 ! أو بالأساس جهازي بيستحمل يعالج هيك شي !
بهذا الفيديو شرح لحلول المشكلة ببين كيف بيفشل بسبب حدود ال memory (في حل ترفع ال memory لكن أنت خلقت مشكلة أنك رفعت ال memory) وكيف حل عن حل بيفرق مثلاً تسرع العملية بأكثر من 40 ضعف 🤯 ! (وهذا درس بأن مو المهم الكود شغال !)
https://www.youtube.com/watch?v=CAi4WEKOT4A

عطيين رأيك فيه 🤔 هل ممكن يغير أفكارك لكثير أمور او انت ما بتحتب تعقد حالك وتفوت بالأمور الصعبة 😅

كل عام وانتم بالف خير 💚 كل عام وانتم إلى الله أقرب 💚 اعاده الله علينا وعليكم بالخير والبركة 💚

المنصة الأشهر لتداول العملات الرقمية الأن بدون VPN بدون Proxy 🥹
وقت سمعت الخبر ودخلت عملت حساب صرت اتاكد اني موقف البروسكي وال VPN ما مشغله كلعادة 🤣🤣
بالنسبة للتوثيق شغال رفيقي وثق من شوية 🔥

باذن الله القادم أعظم 🔥🇸🇾
——————
ملاحظة انتظرونا المسا بأول منشور بسلسلة #منشورات_تقنية 🔥

أكيد بيوم من الأيام شفت اثنين عم يتخانقو حول:

1: نظام Linux احسن من Windows
2: لاء انت ما تفهم ال Windows سهل وسلسل
1: انت يلي ما بتفهم وبقدر اثبتلك بس ما هلق ونحن عم نحكي تقلي فصل النظام عم يثبت تحديثات
2: فشررررررررررررت 😱 انا موقف التحديثات التلقائية
1: اي أنا ماني مضطر عطل شي ما بهمني بالاساس 😏
2: اي خلص معك حق بس شغلي الفوتشوب حبيبي 🙂 لشوف هل نظام الخارق تبعك

#ملاحظة سريعة: بعض المعلومات يلي لح تقرأها ممكن أول مرة تعرفها! الملاحظة ما لاجذبك بس هي المعلومات شبه معدوم ذكرها

نعم الفرق بين Windows و Linux 😅 ولح تلاقي بهذا المنشور الإجابة بدون تحيز بعد سنوات من استخدام النظامين (3 سنوات استخدم Windows وسنتين استخدم توزيعات Linux)
كيف بلش كل واحد فيه 🤔:
- ال Windows تم تطويره من شركة Microsoft بآخر الثمانينات، هدفه كان واضح: نظام تشغيل سهل، واجهته رسومية، موجه للمستخدم العادي والشركات (طبعاً كيف بلشة هل شركة معروفة وفيك تبحث اكثر عنها)
- اما ال Linux: بلش صاحبنا Richard Stallman يلي يعتبر عند كثير الأب الروحي للبرمجيات مفتوحة المصدر فهو أسس نظام GNU ورخصة GNU GPL ب 1989م (رخصة قانونية لتبين شو بحقلك وشو ما بحقلك؛ كمثال برخصة GNU بحقلك تشوف ال Source Code وتعدل عليه بشرط تذكر ان مشروعك الجديد عبارة عن تعديل من هل مشروع وتستخدم نفس الرخصة فيه)
ببداية التسعينيات كان النظام بيحوي على: مكتبات، مترجم compiler، محرر نصوص، سطر أوامر مع Shell، نوافذ النظام

همممممم وين بداية Linux 🙂 ليش عم تتفزلك علينا !
القصة هون بتبلش بعام 1991 كان حبيبنا Linus Torvalds منهي بناء نواة Linux (يلي اشتقها من اسمه وفيك تشوف بالتشابه بالحروف) كانت النواة على اساس تستخدم بنظام Minix (نظام كان عم ينبنا بنفس الفترة؛ لكن السبب يلي خلاه يموت هو ان Open Source لكن ال Code فقط للقراءة يعني ممنوع التعديل !) لكن بعدين تم استخدم النواة مع نظام GNU لتربط الهاردوير بالسوفتوير 🔥 وبهيك بكون صار عنا نظام بني فيه أعظم الأنظمة؛ وممكن تشوف كثير مميز أو حتى توزيعات بتخبرك انك عم تستخدم GNU/Linux لكن العادة انتشرت اكتب Linux وامشي

تمام أنا شو لازم استخدم وأيهما الأفضل 🤔
سوأل غلط 😅 مافي نظام يعتبر الأفضل بالمطلق، ممكن تقلي شو الأفضل بالبرمجة بقلك توزيعات Linux بتريحك كثير، تقلي طب الألعاب؟ بعد تجربة لقيت مافي منافس لل Windows بهل مجال 🙃
بشكل عام
ويندوز أفضل في:
استخدام عادي، برامج Office احترافية - عمل مكتبي -، برامج التصميم والمونتاج، الألعاب، برمجيات مخصصة للويندوز، اي شيء من انتاج Microsoft كالعمل على برمجيات ال c# ك .net
توزيعات Linux في:
استخدام عادي، اي شيء متعلق بالبرمجة، الخصوصية واحترام المستخدم أهم من أي شيء، هاردوير بطاطا، خدمة مستخدمين اخرين ببرمجيات مخصصة (كالسيرفرات، مع تنويه بأن الحصة الإجمالي ل Linux تعد 90% من إجمالي السيرفرات في العالم)

تمام شو الفرق بينهم 🤔؟
ويندوز:
- تدعمه شركة جبارة
- موثوق بشكل كبير بالمؤسسات الحكومية (حسب الحكومة وعلقتها بأمريكيا مشان ما تقلي روسيا! 🤣)
- تحديثات دورية ومضمونة
- بحاجة لترخيص من الشركة الأم، وقد تحتاج لترخيصات للبرمجيات المستخدم عليه
- يحوي عدد مستخدمين جبار، واي شركة تقدم خدمات سيكون الجهة الأولى وقد يكون الأخيرة لها للإستهداف
- سهل الاستخدام وفيه شروحات كثيرة ممكن يتعلم منها اي شخص
توزيعات Linux:
- كل توزيعة تدعمها جهة أو مؤسسة او شخص
- قابل للتخصيص بشكل كبير بحسب الواجهة يلي تستخدمها (نعم شكل النظام ما عجبك فيك تغيره أو تغير الواجهة كاملة)
- التحديثات بشكل شبه لحظي (ممكن كل 5 دقائق تحدث وممكن كل شهر وممكن ما تحدث لانه التحديث خيارك ! مو اجبار من النظام)، طب كيف بشكل لحظي؟ النظام بيحوي كثير برمجيات ممكن تحديث من شي برمجية او من التوزيعة او حتى البرمجيات يلي انت بتنزلها ممكن تضيف مستودعاتها لتحدث اول بأول ! - طبعاً ممكن من توزيعة لتوزيعة تختلف -
- مانك مضطر تدفع لتستخدمه ! ممكن تدفع لتاخد دعم فني او تدعم مادياً المطوريين
- عدد المستخدمين ممكن ما بيتجاوز 5% من إجمالي أجهزة الحاسوب، لهيك اغلب التطبيقات عليه من مطوريين عاديين مافي وراهم ممول وشركة
- الاستخدام ممكن شخص مابحب الاستكشاف ما يعرف يستخدمه (ممكن مبتدأ يعرف يستخدمه بس بدو يحرك الماوس ويقلب بالنظام ليتعرف عليه كأن اول مرة بيقعد على حاسوب)، أنت بتقرر إذا بدك تقضي وقتك بال Terminal أ ولاء فحسب التوزيعة وكيف الاستخدام حتى ما حدا يقلك لح تلاقي حالك كل وقتك ب Terminal؛ ممكن مستخدم عادي بس اول ما يثبت النظام يعمل أهم كم شغلة وبعدين كل امورو بتصير بواجهات

هلق خبرني عم تفكر تنتقل ل Linux 🤔 أو عندك نية ترجع ل Windows ما حبيت ال Linux 🤣
مافي سمايلات المنشورات جداً طويل وحذفت بعض الأمور منه 😅 بسبب كثافة المنشور وتقييد التلجرام، ياريت تتفاعل إذ مهتم
#Linux #Windows

#سياسية #غير_تقني
ما يحدث وسوف يحدث بين ايران والاحتلال ليس مجرد صواريخ نستمتع بمشاهدتها، لا انه تغير للمنطقة ورفع الظلم عن المظلومين

فاخوتنا في الأحواز العربية سلبت حقوقهم هم وأخوتنا الأكراد بسبب النظام العنصري بايران وقد تكون هذه الحرب هي وسيلة لإضعاف هذا النظام لتصبح الفرصة المناسبة لإستعادة الحقوق فيه
ومن يتوقع أن ايران دخلت نصرةً للشعب الفلسطيني كما يروج بمنصات الاستغباء الاجتماعي علينا أن نستذكر أن فلسطين محتلة من أكثر من 75 عام وأن طوفان الأقصى بدأ 2023 - هل يعقل أن التغطية ضعيف لهذه الدرجة في ايران ! - فالطوفان لن ينتهي إلا بعد تحرير الدولة الفلسطينية

أما ما يحدث للاحتلال فجميعنا سمع بمصطلح لعنة العقد الثامن لليهود، فكيف تتوقع لكيان تدعمه أقوى دولة ان ينهار فقط بمرور الزمن بدون أن يضعف وينهك - لن ننام ونستيقظ ونتفاجىء بسقوطه ! -

أما نحن كمسلمين فالأن متفرجين لكن علينا انتظار الفرصة المناسبة لنجبر العالم لأن يقولوا كما قالوا عن سوريا "نحن نحترم ارادة الشعب في تقرير مصيره" (لا تستغرب فمن قتل وهتك عرض السوريين هم أول من بادر في هذه الرسالة عند تحريرها)

ليش لازم تتعلم Docker اليوم؟ 🤔
إذا كنت مبرمج: 👨‍💻
- ضروري يكون معك إذا كنت ضمن مجال DevOps أو ناوي عليه 😉
- ما تتعرض لموقف "والله شغالة البرمجية على لابتوبي 😅"
- ممكن يكون شرط أساسي لتتوظف بشي شركة 🏢، لأنه بيسهل الشغل ضمن الفريق 🤝 (ما ضروري تضيعو وقت والتيم عم يستفسر ليش طلعلي هل خطأ، أو أنا منزل node ليش طالب مني حدث او انزل اصدار)
- بتستخدم كلشي بيحتاجه المشروع... للمشروع بس 🙃:

يعني عم تشتغل مشروع Laravel، وبنفس السيرفر في مشروع قديم PHP Native،
المشروعين بدهم قواعد بيانات، بس نازل mysql ومشروعك محتاج mariadb اما بتفوت برحلة طويلة لتخلي بشكل اساسي mariadb كسيرفر قواعد بيانات أو العكس تستعمل mysql لبرمجياتك 🫠 (الفرق مو كبير، بس ممكن تواجه مشاكل - مثلاً انا واجهت مرة مشكلة بال sub querys فنقلت ل maridb بشكل اساسي 😅 -)

- طبقة أمان إضافية 🔒:

انت عم تشغل أغلب الخدمات بشبكة خاصة مثل قواعد البيانات، ونرجع للمثال السابق، تخيل المشروع يلي ب PHP Native فيه ثغرة SQL Injection وكان لسبب من الاسباب عم يستخدم يوزر root 🥲 تبع قواعد البيانات (تعتبر كارثة، بس افترض عميل سلمك السيرفر الخاص فيه بعد ما كان مسلمه لشي مبرمج) هون إذا قاعدة البيانات عنفس سيرفر قواعد البيانات كلشي بخص هل مشروع صار عند المخترق

- بيئة جاهزة! مانك مضطر تدور عكل برمجية وتعيد تنزيلها بالسيرفر 😌

عن نفسي من كم شهر عملت مشروع خاص ببايثون وقت اجيت ارفعه للسيرفر ضيعت ساعتين وانا عم دور على كلشي برمجيات بيحتاجها ليشتغل اخر شي مليت وكنسلت المشروع 🤣، بس من كم يوم عملت مشروع صغير python استخدمت docker كاساس للعمل كأن أسهل مشروع برفعه لبيئة production بحياتي 😅

- تحكم بالمنافذ port بكبسة زر 🕹، تخيل تقدر تشغل سيرفر قواعد بيانات على بورت 80 بدون ما تعدل ملف config واحد وتضل ساعة تدور وين الملف والسطر (لا تعملها على port 80 بيزعل nginx 🤣🤦🏻‍♂️)
- إذا ما كنت مبرمج: 😬
- بدك تعمل سيرفر منزلي؟ لازمك Docker 🌚
- إذا حبيت تدخل لعالم ال Open Source وتحمل برمجيات مجانية ومفتوحة المصدر إحتمال كبير يلزمك ووقتها بكبسة زر بتنزل كلشي! احسن ما تضيع اسبوع وبالاخير ما تعرف إذا ما لقيت شرح تفهم عليه 😅

طب شو قصدك بكلمة Docker أول مرة بسمع فيها 😅؟
ببساطة برمجية بتقوم بإنشاء بيئة متكاملة باي مشروع برمجي، كأنك عامل نظام افتراضي مخصص لهل برمجية (فيك تبحث عنه وتعرف الفرق 😉) بأخف شكل ممكن
بتقدملك هي البرمجية صور (بيئات جاهزة) للإستخدام أوتبني فوق هل صور -بيئات-، مثلاً نظام Ubuntu مخفف (لا تستغرب إذا ما لقيت بعض الأوامر الاساسية 😅 مثل: nano - vi - vim - sudo) لتبني مشروع صغير وتنزل برمجية برمجية من يلي بدك تستخدمهن (طبعاً في بيئات جاهزة لأغلب الغات واطر العمل والبرمجيات المشهورة مثل nginx)

امتى ما لازم تستخدمه؟ 😶
- شلون كل هل فوائد وما بدك ياني ما استخدمه 😒، ببساطة عندك مشروع صغير بدك تشغله على سيرفر واحد، بدك تضيع شوية وقت لتهيء ال Docker فيه وبنفس الوقت حتستهلك موارد إضافية مشان ال docker 🙃
- مظبط سيرفرك ليشغل البرمجيات يلي بتشتغل عليها بشكل كامل، والمشاريع يلي بترفعها مشاريع صغيرة، ماحابب تعجق حالك وتدخل بدوامة هل port مستخدمه او لاء (مثلاً بتقدم خدمات لعملاء لإنشاء مواقع wordpress عندك سيرفر خاص لهل شي، ممكن يكون عندك الف موقع إذا ما مرقم المنافذ لح تضيع، وبنفس الوقت لكل موقع عم تشغل نفس البرمجيات بشكل منفصل ! استهلاك موارد إضافي !)"

هذا كلشي 😁 خبرني لح تستخدمه 🌚 أو حاطه كهدف مستقبلي 😁

قد نسمع في الأيام القادمة خبر برفع الحظر عن سوريا من موقع Github 😁
هل هناك خبر رسمي؟ لا مجرد توقع برفع الحظر الكامل بعدما تم رفع مجال "avatars.githubusercontent.com" من الحظر ورفع "raw.githubusercontent.com" من الحظر أيضاً

هل أنت متأكد من ان هذه المجالات كانت محظورة 🧐؟
بالطبع 🥲 بزياراتي شبه اليومية ل github trending
مبروك سلفاً للشعب السوري 💚🔥

نصيحة سريعة في PHP

في php8.1 تم دعم تفريغ المصفوفات داخل مصفوفة من خلال إضافة ثلاث نقاط (...) مثل JavaScript
بدل من استخدام تابع array_merge