⚠️လက်နက်ကြီး ပစ်ခံရနိုင်သည့် ဒေသများရှိ အရပ်သား ပြည်သူများအတွက် သတိပြုရန် အချက်များ

‌❗️နေအိမ်တွင် ‌ဗုံးခိုကျင်း၊ကတုတ်ကျင်းတူးခြင်း (သို့) သဲအိတ်များဖြင့် ဗုံးခိုလှုံရန် နေရာများ ပြင်ဆင်ထားရန်။

❗️ဗုံးခိုကျင်း၊ကတုတ်ကျင်းတူးခြင်းများ ပြုလုပ်ရန် မလွယ်ကူပါက နေအိမ်တွင် အတွင်းပိုင်း အကျဆုံး နှင့် အလုံခြုံဆုံး အခန်းတခုကို သတ်မှတ်၍ ပုန်းအောင်း ခိုလှုံရန်၊ မှန်ကာထားသည့်အခန်း အပြင်ဘက်နှင့် ထိစပ်သည့်အခန်းများကို အသုံး မပြုရန်၊ဖြစ်နိုင်ပါက အဆိုပါအခန်းတွင် ဆန် အိတ်များ၊သဲအိတ်များ(သို့)ဘိလပ်မြေများ စသည်တို့ကို အသုံးပြု၍ ပုန်းအောင်းစရာနေရာ ဖန်တီးရန် 

🔥မိမိနေအိမ်တွင် လက်နက်ကြီး ပစ်ခတ်သံ ကျယ်လောင်စွာ ကြားရပါက သက်ကြီးရွယ်အိုများ၊ မီးနေသည်များနှင့် ကလေးသူငယ်များ အလွန်အမင်း ထိတ်လန့်နိုင်သည့်အတွက် နားပိတ်စို့စရာ (ear plug)၊ ဂွမ်းစ၊ ပတ်တီးလိပ် စသည်တို့ကို အသုံးပြု၍ နားတွင် ပိတ်ဆို့ပေးရန်

⚡️ပြင်းထန်သည့် ပေါက်ကွဲသံကြောင့် နားစည်ပေါက် ကွဲနိုင်သဖြင့် နားကိုပိတ်ပြီး ပါးစပ်ကိုဟထားရန်

✈️မိမိနှင့်နီးကပ်သည့် နေရာမှ လေယာဉ်သံများ ကြားရပါက အပြင်သို့လုံးဝထွက်မကြည့်ရန် ပုန်းအောင်သည့်နေရာတွင် ဆက်လက် နေထိုင်ရန်။

✈️လေကြောင်းတိုက်ခိုက်နိုင်သည်များကို ကြိုတင် စဉ်းစား၍ အကာအကွယ်များ ကြိုတင်ပြင်ဆင် ထားရန်။

💡မိမိနေအိမ်သည် အဝင်အထွကိ လမ်းမကြော တွင် တည်ရှိပါက လုံခြုံရေးပိုမိုဂရုစိုက် ပြင်ဆင်ထားရန်။

⚡️အသုံးပြုပြီး မပေါက်ကွဲသေးသော စစ်လက်နက် ခဲယမ်းပစ္စည်းများ(လက်ပစ်ဗုံး၊မော်တာကျည်၊ဒုံးကျည်) တွေ့ရှိပါက အလွန်အမင်း အန္တရာယ်များ သဖြင့် ထိခြင်း၊ကိုင်တွယ်ခြင်း၊ခြေဖြင့် ကန်ခြင်း၊ နေရာရွှေ့ခြင်း၊ မီးရှို့ခြင်းများ လုံးဝ(လုံးဝ) မလုပ်ရန်။

⚡️၎င်းတို့သည် ပေါက်ကွဲလုနီးပါး ဖြစ်နေတတ်ပြီး ထိတွေ့ရုံဖြင့် ပေါက်ကွဲနိုင်သည်။

#SSN
May 23, 4:26 PM
📬သတင်းပို့ရန် @SagaingScoutNetworkBot

🌹 နှင်းဆီနဲ့အတူ ဆက်လက်တိုက်ပွဲဝင်ကြ ✊

လာမယ့် ဇွန်လ ၁၉ရက်နေ့ဟာ ကျွန်တော်တို့အားလုံးရဲ့ ခေါင်းဆောင်၊ မြန်မာလူထုရဲ့ ခေါင်းဆောင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ၈၁နှစ်ပြည့် မွေးနေ့ ဖြစ်ပါတယ်။

အားလုံးသိကြတဲ့အတိုင်း အခုအချိန်မှာ အမေစုဟာ အကြမ်းဖက် ဖက်ဆစ် စစ်ဘီလူးတွေရဲ့ မတရားဖမ်းဆီးအကျဉ်းချခြင်းကို ခံထားရပြီး အမေစုနဲ့တကွ နိုင်ငံရေးအကျဉ်းသားတွေအားလုံး လွတ်မြောက်ဖို့အတွက် ကျွန်တော်တို့အားလုံးမှာ တာဝန်ကိုယ်စီရှိကြပါတယ်။

လက်ရှိအချိန်မှာ နိုင်ငံတဝှမ်းလုံး စစ်ရေးအရှိန် မြင်တက်လာနေပြီး တော်လှန်ရေးတပ်ဖွဲ့တွေရဲ့ အောင်အခုအချိန်များစွာ မြင်တွေ့နေရပြီဖြစ်ပါတယ်။ သို့သော်လည်း စစ်ရေးလှုပ်ရှားမှုများနှင့်အတူ နိုင်ငံရေးလှုပ်ရှားမှုဖြစ်တဲ့ လူထုလှုပ်ရှားမှုများဟာလည်း ပစ်ပယ်ထားလို့မရတဲ့ ဖြစ်စဉ်များ ဖြစ်ပါတယ်။

လာမယ့် ဇွန်လ ၁၉ရက်နေ့မှာ တစ်နိုင်ငံလုံးအတိုင်းအတာနဲ့ လူထုလှုပ်ရှားမှုကြီးတစ်ခု ဖော်ဆောင်သွားဖို့ ရှိပါတယ်။ မွေးနေ့ရှင် အမေစုကို ဂုဏ်ပြုခြင်းအားဖြင့် "အမေစုနဲ့အတူ ဆက်လက်တိုက်ပွဲဝင်ကြ" ဆိုတဲ့ ခေါင်းစဉ်နဲ့ ပြည်တွင်းပြည်ပ က တော်လှန်ပြည်သူများအားလုံး ပူးပေါင်းပါဝင်ကြမယ့် လှုပ်ရှားမှုကြီးဖြစ်ပါတယ်။

ဒီလှုပ်ရှားမှုကြီးရဲ့ တောင်းဆိုချက်နဲ့ လူထုအသံတွေက ရှင်းရှင်းလင်းလင်းပါပဲ။

၁။ "အမေစုနဲ့တကွ နိုင်ငံရေးအကျဉ်းသားအားလုံးကို ခြွင်းချက်မရှိ ချက်ချင်းလွှတ်ပေးပါ။"

၂။ "အဓမ္မစစ်မှုထမ်းဥပဒေ ချက်ချင်းဖျက်သိမ်းပေးပါ။"

၃။ "ဦးဝင်းမြင့်သည် နိုင်ငံတော်သမ္မတ၊ ဒေါ်အောင်ဆန်းစုကြည်သည် နိုင်ငံတော်အတိုင်ပင်ခံပုဂ္ဂိုလ် ဖြစ်သည်။"

တို့ ဖြစ်ပါတယ်။

ဒါ့ကြောင့် မိမိတို့ဝေဟင်ကလည်း တော်လှန်ပြည်သူတွေကို ဇွန်လ ၁၉ရက်နေ့မှာ နှင်းဆီပန်း(သို့မဟုတ်) ပန်းတစ်မျိုးမျိုးကို ဘုရားတင်တာ၊ ပန်ဆင်တာ၊ အချင်းချင်းမျှဝေတာတွေပြုလုပ်ကြဖို့၊ အွန်လိုင်းကမ်ပိန်းအနေနဲ့ ပန်းဓာတ်ပုံတွေကို ဆိုရှယ်မီဒီယာမှာ မျှဝေတာနဲ့ မြေပြင်လှုပ်ရှားမှုတွေအနေနဲ့လည်း နှင်းဆီပန်းတွေကိုင်ဆောင်ပြီးပါဝင်ကြဖို့ တိုက်တွန်းလိုပါတယ်။

ဒါ့အပြင် တော်လှန်ပြည်သူတွေမှ ဒီလှုပ်ရှားမှုကြီးမှာ ပါဝင်ဆင်နွှဲထားတဲ့ မှတ်တမ်းဓာတ်ပုံတွေကိုလည်း မိမိတို့ ဝေဟင်အဖွဲ့၏ @SagaingSNetworkbot သို့ ပေးပို့ ပါဝင်ကြဖို့လဲ တိုက်တွန်းလိုပါတယ်။

မိမိတို့အနေဖြင့် "အမေစုနဲ့အတူ ဆက်လက်တိုက်ပွဲဝင်ကြ" အမည်နှင့် SSN၊ ဝေဟင်၊ မြေပြင်၊ ရေပြင် ချန်နယ်တွေမှာ ဖော်ပြပေးသွားမှာ ဖြစ်ပါတယ်။ ပေးပို့လိုသူများအနေနဲ့ မိမိတို့ရဲ့ တစ်ဦးချင်းလုံခြုံရေးကို ထောက်ရှုပြီး လုံခြုံစိတ်ချရသော ပတ်ဝန်းကျင်အနေအထားအပေါ်မူတည်ပြီး မှတ်တမ်းဓာတ်ပုံများ ရိုက်ကူးပေးပို့ကြဖို့လည်း အသိပေးအပ်ပါတယ်။

#SUU_81Birthday
#ROSE_Movement
#Rose_of_hope
#Proof_of_Life