📊Qashqadaryo viloyatining yalpi hududiy mahsuloti qanchaga o‘sdi?

✅2022- yil yakunlariga ko‘ra, Qashqadaryo viloyatida yalpi hududiy mahsulot (YAHM) hajmi 49 520,8 mlrd. so‘mni tashkil etdi va o‘tgan yilga nisbatan 5,6 % ga o‘sdi. YAHM tarkibida qishloq, o‘rmon va baliqchilik xo‘jaligi 41,2 %, sanoat 17,2 %, qurilish 7,0 % va xizmatlar sohasi 34,6 % ni tashkil etdi.

👉Kanalga ulanish t.me/qashstatuz

⚡ Расмий муносабат

Телеграмдаги айрим каналларда эълон қилинган хабарларда Яккабоғ туманидаги 71-оилавий поликлиника ва унинг Қатағон қишлоғидаги эмлаш пунктида иситиш тизими ёмонлиги, бу ҳолатни ўрганмоқчи бўлган блогер тўсқинлик ва тазйиқларга учрагани қайд этилган. Мазкур ҳолатлар юзасидан қуйидагиларни маълум қиламиз.

Аниқланишича, Алақарға қишлоғида янги 71-оилавий поликлиника биноси қурилгани сабабли "Шодлик" МФЙ Қатағон қишлоғидаги тиббиёт пункти туман ҳокимининг 2017 йил 14 мартдаги тегишли қарори билан тугатилган. Аҳолининг туман ҳокимлигига қилган мурожаати асосида айни пайтда эски бинода тез тиббий ёрдам шохобчаси ва эмлаш пункти фаолият юритиб келмоқда. Айни кунларда ҳудудда эмлаш жараёни кетаётгани сабабли муассасага кўпроқ шифокорлар жалб этилган. Эмлаш пункти буржуйка печлари орқали иситилади. Бинода ҳарорат етарли даражада. 71-оилавий поликлиника биноси локал қозонхона орқали кўмир ва ўтин билан иситилади.

2023 йил 30 январь куни соат 8:30 атрофида 71-оилавий поликлиника ва эмлаш пункти биноларига блогер келиб, иситиш тизимидаги муаммоларни ўрганмоқчи эканлигини айтган. Оилавий поликлиника ўт ёқувчиси ишга кечикиб, қозонхонани анча кеч ишга туширгани сабабли муассаса биноси иситиш тизими энди қизий бошлаган (бу борада масъулларга нисбатан тегишли интизомий чора кўрилади).

Шифокор ва ҳамширалар беморларга ноқулайлик туғдирмаслиги ва муолажа ишларига халал бермаслиги учун блогернинг хоналарни айланиб чиқишига рухсат беришмаган. Бироқ блогер уларга фаол қаршилик кўрсатиб, шериги билан мобиль телефон орқали видеотасвирга олган ҳолда хоналарга кириб борган.

71-оилавий поликлиника катта ҳамшираси блогердан ўзини видеотасвирга олмасликни, ўша вақтда жуда бандлиги сабабли ишига халақит бермаслигини талаб қилган. Шу сабабли блогер ва катта ҳамшира ўртасида низо келиб чиққан. Бу низо муассаса ташқарисида ҳам кўпчилик гувоҳлигида давом этган.

Оқибатда блогер телеграмдаги ўз канали орқали тиббиёт ходими уни таъқиб қилиб, тазйиқ ўтказганлиги ҳақида хабар эълон қилган (бу хабар бошқа каналларда ҳам тарқатилиб, тиббиёт муассасалари масъуллари очиқликни таъминламаётганликда айбланган). Катта ҳамшира эса блогер уни ҳақорат қилганини қайд этиб, ички ишлар бўлимига ариза берган.

Айни пайтда мазкур ҳолат ички ишлар идоралари томонидан ўрганилмоқда.

Шу ўринда қайд этиш зарурки, мамлакатимизда ҳар бир фуқаронинг давлат муассасаларидан ахборот олиш эркинлиги қонунларимизда кафолатлаб қўйилган. Лекин бу жараённинг ҳам белгиланган тартиб-қоидалари, муддатлари бор. Айниқса, инсон саломатлигидек муҳим вазифа билан шуғулланиладиган муассасаларда бу қоидаларга риоя қилиш жуда муҳим.

Зеро юртимизда инсон саломатлиги олий қадриятлардан бири ҳисобланади. Очиқлик баҳонасида беморлар муолажа олаётган хоналарга видеотасвирга олган ҳолда рухсатсиз бостириб кириш, ўз хизмат бурчини бажариб турган тиббиёт ходимлари ишига халал беришга (бу вазиятда баъзида сониялар ҳам ўта муҳим) ҳеч кимга ҳуқуқ берилмаган. Қолаверса, қонунларимизда ахборот берувчининг розилигисиз аудио ва видео ёзиш воситаларидан фойдаланиш тақиқланган. Ўз ҳуқуқини талаб қилган киши ўзгалар ҳуқуқларини ҳам ҳурмат қилиши шарт.

Вилоят соғлиқни сақлаш бошқармаси ОАВ ходимлари, блогерлар ва фуқароларнинг ахборот олиш ҳуқуқларини таъминлаш, тизимда очиқлик ва шаффофлик тамойиллари устувор бўлиши учун барча имкониятларни ишга солади. Бу борада ҳамиша ҳамкорликка тайёрмиз. Бундай вазиятларда муаммо туғилганида бошқармамизнинг 1103 қисқа рақамли ишонч телефонига ёхуд бошқарма ахборот хизматига мурожаат қилишингизни сўраймиз.

Қашқадарё вилояти соғлиқни сақлаш бошқармаси ахборот хизмати.

▶️ @qashqadaryo_ssb

#EFFEKT "Istiqbol" dehqon bozori hududini tartibga olish ishlari davom etmoqda