📌"نصائح عامة ومهمة بعد اول شهر دوام من المدرسة

1⃣- الصلاة والدعاء والتوكل على الله

2⃣- التحضير اليومي اذا ضبطته يعني ضبطت الشهري واذا ضبطت الشهري يعني ضبطت نصف السنة ومابعدها واذا ضبطتهن يعني ضبطت المادة
اليومي = المعدل
فـ ابذل جهد باليومي
اعتبر اليومي هو وزاري مُصغر

3⃣- انتبه من بعض الاصدقاء ولتتأثر بيهم اللي يگولون (احنا ماداندرس ، هذا الموضوع ماقرينا ، ماجاوبنا بالامتحان) البعض منهم يجذبون حتى لا ينحسدون لتمشون ورا كلامهم انتو دتدرسون لهدفكم ، وهم اكو يحاولون يخلوكم تتراجعون حتى هم يتقدمون فـ ديروا بالكم من هذا النوع من الاصدقاء

4⃣- حاول تگعد بالمقدمة بالصف حتى يكون تركيزك ويه الاستاذ ومايفوتك شي

5⃣- خلي يمك دفتر ملاحظات صغير جوا الرحلة وأي تحضير ينطي الكم الاستاذ اكتبه حتى لاتنسى

6⃣- اي سؤال يكول عليه الاستاذ (مهم ، فراغ ، تعريف ، وزاري) اكتب على الموضوع مهم او وزاري حتى من تجي تراجع تركز هذا مهم ،

7⃣- السؤال الي تخطأ بي بالامتحان اليومي او الشهر أشر عليه او خليه عليه علامة حتى من تجي تراجع تعرف هذا خطأت بي وماتعيد  الخطأ بالوزاري

8⃣- مو مهمة الدرجات الضعيفة اللي اخذتها وراحت ، اهم شي تعرف وين خطأت حتى لو اخذت 50 عادي المهم هسة تعوض

9⃣- من ترجع من المَدرسة ضروري تراجع الموضوع اللي اخذته بالمَدرسة قبل لتقرا التحضير حتى متنسى ومايتراكم عليك ،

0⃣1⃣- المشاركة بالدرس راح تساعد هواي بإنُ يصير الك واهس تدرس علمود ثاني يوم تگدر تشارك الاساتذة راح يحبوك وتزيد ثقتك بنفسك ❤️.

شلون احفظ بطريقة اسرع 📁❤️‍🔥؟.

اليوم راح نحجي عن هالموضوع بطريقة سلسة وبسيطة ❤️‍🔥✨📁.

هواي منگم يريد اسرع طريقة الحفظ والاسف ماكو هيج شي، بس اكو طرق تسهل الكم الحفظ ومو تسرعة فَ لازم يكون عدنة وعي عن هلجانب📁❤️‍🔥.

الكل شخصية او كل نسان الة قدرة معينة اكو سريع بحفظ المعلومة اكو وسط واكو بطيء وياخذ وقت بلحفظ ↩️❤️‍🔥✨.

فَ الطرق الي تساعد على تسهيل الحفظ وهم تخلية مترسخ بالگم، ✨📝.

اول شي الاطلاع تفتحون المادة تاخذون نظرة علية تقرونة وتطلاعون علية بدون حفظ الموضوع كلة تقرونة وهم تفهمونة يعني مو بس قراءة 🗂❤️‍🔥✨.

ثانيّ شي هو تحديد او التلخيص تجون تحددون الاشياء الأكثر اهمية الى اقل اهمية من المناقشة او من الأسئلة، بلنوت او بلورقة او باقلام التحديد تحدونة 🗂❤️‍🔥✨.

ثالث شي، تجيبون هذا الكتاب بعد مسويتو الطرق تجون تحفظون الامثر اهمية بصوت عالي ضروري بصوت عاليّ وهم تمشون يعني تبقون رايحين جاين تحفظون الي حددتو بصوت عالي تلقائياً حتشوفون بديتو تحفظون🗂❤️‍🔥✨.

رابع شي، التخيل والشرح يعني بلغرفة المالتكم تتخيلون اكو طلاب وتشرحولهم يعني فصخو كلمة كلمة واشرحو بلطريقة العامية وتبسطونة الكم مثل السالوفة حرفيًا راح تحفظونة بشكل اسىرع🗂❤️‍🔥✨.

خامس شي، هو الكتابة يعني تحيبون الستكير او الورقة تحفظون مثل اول تعريف تجون تكتبونة بسرعة حتئ لو بخطط ما مفهم اهم شي تكتبونة ولزكو للورقة بلكتاب او كدامكم افضل الستكير 🗂❤️‍🔥✨.

خامس شي، من تحفظون توكفون كدام المراية وتراجعون نفسكم وتباعون الروحكم وتحفظو مثل المدرسين تخيلو انفسكم مدرسين والمراية طلاب او تخيلو انتم جاي تشرحون المدرس🗂❤️‍🔥✨.

وهم تحددون وقت الي تحفظونة تردون من كذا ساعة الكذا حتئ يصير عنكم تحدي وخدع العقل ضروري اخلص واحفظ هلشي بهل وقت وراح تشوفون حفظتو قبل الوقت❤️‍🔥🥹😂✨

وبس هاهية ، موفقين ياربي📂❤️‍🔥✨.

📢♥️نصائح لكل الصفوف (من الرابع ابتدائي للسادس اعدادي) ✍🏻📚

-قبل ما نقرا او نجي نحضر دروسنا لازم نشوف نفسنا بينة حيل نقرأ ؟ لو نحتاج انام شوية ، النوم ضروري كلش حتى نركز ونسيطر على دروسنا ، اذا شفت نفسك تعبان لا تقرأ اخذ ساعة راحة نوم بس مو اكثر ، خلي اهلك يكعدوك اذا ما تكدر تكعد بسرعة 😁❤️

-كذلك التغذية وشرب المي ضروريات ، تغدوا هسة وبعدها بلشوا قراية ب 3 اذا ما نعسانين واذا عدكم تعب ناموا وكعدوا ب 4 ، ولمن تبدون تقرون خلوا بطل مي يمكم كل شوية شربوا مو تنسون ما تشربون لان ضروري حتى يبقى العقل سليم نشيط 💗🧠

-لا تستخدم طريقة وحدة للدراسة ، جرب اكثر من طريقة ، كل مادة والها طريقة مختلفة وكل طالب يفهم ويحفظ بشكل معين ، الخلاصة هي اقروا بكل الطرق اذا شفتوا نفسكم مجاي تحفظون زين واثبت ع الطريقة الافضل والي تناسبك 😇

-مالكم اي علاقة بالمدرسين والي جاي يسووه ، اذا انطوك تحضير 10 ورقات وعندك هواي تحاضير وامتحانات و متكدر تحضر كل التحاضير عادي لا تضوج ولا تنقهر ولا تتوتر ، اقرا الي تكدر عليه والباقي تقراه لمن تخلص كل الواجبات او تقراه بوقت ثاني او ع نصف السنة📚💗

- الامتحانات الشفهية مهمة وتعتبر كذلك مراجعة لنصف السنة ف انتبه عليها زين واخذ بيهن درجات كاملة حتى تضمن درجة عالية بالامتحان التحريري ✍🏻✅

- دراستك خليها العصر احسن وقت لا تقرا بالليل متاخر كلش لان يصير عندك كسل وخاصة هسة برد وشتاء و الجسم بسرعة يبرد ويصير عندك خمول وما تكدر تكمل دراستك زين ولا تحفظ بشكل كامل 🤍

- خلي درجاتك مال الشهريات بورقة واكتبهن كاملات و اكعد احسب شكد يحتاجلك بنص السنة حتى تجيب الاعفاء او شكد يحتاجلك حتى تضمن دخولك للوزاري حتى يكون عندك علم بكل شيء قبل الامتحان 💗💪🏻

موفقين يا ابطال ♥️

شونڪم عيني سچاچة اليوم جايبتلكم نصائح لطريقة الحفَظ بشڪل صحيح🫣🤎.

هاي الطريقة بس للمواد الحفظية بدايتا انتَ/تِ لازم تعرف نفسك من يانوع حته من احجيلكم نصيحتي تفتهمون يعني من الطلاب التحب تفتهم المادة لو التحفظها لو من الطلاب الا تحفّظ ولا تفتهم😅💗.


اول طريقة للطلاب التحب الفهم اذا جنت طالب من هذا النوع قبل لاتقرة المادة اطلع ؏ـلى المادة مجرد 5 دقائق لاتقراهة ولاتحفظة حاول تفهم المكتوب عندك ليش سويت هيج لان انتَ/تِ اذا فهمت الموضوع راح تحفّظ بسرعة لأن اولشيء انتَ/تِ من راح تفتهم المادة راح تتخيل وراح تفهم المادة القريتهة من تحاول تحفّظ المادة راح انتَ/تِ راح تتخيل وتذكر الانتَ قريتة بهاي الـ5 دقائق📚💚.


النوع الثاني اليحب يحفظ ويدرخ المادة اڪثر مشكلة يواجهة هذا النوع النسيان يعني انتَ/تِ تنسى القريته طبعاَ شيء اڪيد هسة اتگُلي ليش؟ لاטּ انتَ/تِ جاي تقرة الصفحة كلها من البداية للنهايـة ومرات التحضير اكثر من ورقتين السؤال المهم شلون تقرة رࢪكزوا ويايي حتى تحفّظ المادة وتدرخهة بشِڪل صحيح لتقرة الموضوع بشكل كامل مثلا اذا عندك تحضير 5 اسطر لاتقراه من البداية للنهاية اقرة سطر سطر يعني كملت السطر الاول ارجع اقرة السطر الثاني بعدك ماحفضتهة ارجع اقراه مرة ثانية وعلى نفس الحالة الى ان تسيطر عليه يمكن هاي الطريقة تاخذ وكت بس طريقة كلش مضمونة وراح تفيدڪم لأن اولشيء انتَ/تِ جاي تحفّظ بشڪل مضبوط لأن جاي تحفّظة وتعيدة الشيء الثاني هاي الطريقة بشنوꪮ تفيدڪُم؟اني اگلكم بمڪان ماتعيد ڪُل الصفحة راح تعيد سطر واحد اذا نسيتة راح تذكرة مرة ثانية بشكل كلش بسيط وانشاء الله تفيدكم هاي الطريقة🔗🖤.


النوع الثالث الطلاب الا الها ولاعليها😂💔.
لاهمَ من النوع الاول ولاهمَ من النوع الثاني لا يحب يفهم ولايدرخ ولايحب الدراسَة انتم وبعدين وياكم شوڪِت تقرون بس اريّد افتهم المُـهم حددوا نفسكم اكتشفوا نفسكم اني جايتلكم طريقتين للقراية والحفظ اول طريقة اقروا ويـة اصدقائكم لأن اولشيء راح ايصير عدكم واهس للقراية لأن تقرون وية صديق الشيء الثانيي لراح ايفيدك انتَ/تِ تقرة الموضوع منا وصديقك يقراه منا واثنينكم واحد يشرح الموضوع للثاني الطريقة الثانية خلي واحد من البيت يقريك اي شخص بس المهم واحد ايقريكم هسة اتگول شنو السبب وليش🗿؟ لأن هوَ يحجي وانتَ/تِ تعيد وراء فـة بُڪل بساطـة ࢪراح تحفّظ وهاي اسهل طريقتين لگيتهة الكم🪤💕.

موفقين يارب 🤍

دعاء يوم الامتحان :(الله أني توڪلت عليك وسلمت امري إليك لا ملجأ ولا منجا منك الا إليك )✨

دخول الصف :(رب أدخلني مدخل الصدق وأخرجني مخرج الصدق وأجعل لي من لدنك سلطانًا نصيرًا)✨

قبل البدء بالحل :(رب اشرح لي صدري ويسر لي امري وأحلل عقدة من لساني يفقه قولي بسم الله الفتاح ، اللهم لا سهل إلا ما جعلته سهلا وأنت تجعل الحزن إذا شئت سهلًا يا ارحم الراحمين)✨

اثناء الامتحان :(لا إله الله الا انت سبحانك إني ڪنت من الظالمين يا حي يا قيوم برحمتك أستغيث ، يارب ان مسني الضر أنك ارحم  الراحمين)✨

عند النسيان :(اللهم يا جامع الناس في يوم لا ريب فيه اجمع على ضالتي)✨

بعد الانتهاء :(الحمدلله الذي هدانا لهذا وما ڪنا لنهتدي لولا ان هدانا الله)✨

احفظوهن يمكم تحتاجوهن هاي الايام ♥️🤲🏻

شخباركم سچاچة 🥹💜

شلون احفظ قطع الانگليزي وما انساهم ؟؟ 🤔✍🏻

اول شي لازم تعرفون انو القطع عبارة عن قصة اذا انت قريتها بس بالانگليزي واجيت تحفظ الاسئلة والاجوبة من دون ترجمة اكيد راح تواجه صعوبة ومراح تكدر تحفظهم وتذكرهم اصلا... 😕

شنو اسوي وشنو هيه الخطوات ؟؟👇🏻

1- معرفة تفاصيل واحداث القصة من خلال ترجمة القطعة الى العربي وقرائتها بالعربي يعني تفهم معناها شنو تفهم فكرتها فهاي الخطوه تساعدك كلش بالحل.💞

2- تحديد السؤال وترجمته وتحديد جوابه وترجمته.💞

3_اهم نقطة بالحفظ هيه التكرار لازم تبقة تكرر الشي الي تحفظة لفظا وكتابة
فالعقل من يتعود ع التكرار راح راسا يستذكر هالشي من تجي بعدين تراجع💞

4- تجيب مسودة او قصاصات وتكتب الكلمات الإنكليزية الجديده عليك وتواجه صعوبه بيها وترجمهم وتحاول تخليهم بمكان يكونون كدامك حته كلما تشوفهم تراجعهم واضمنلك مراح تنساهم بعد 🤭

5- التركيز ع الاسئله الوزاريه والمكرره لان دائما بالقطع يجيبون الاسئله الوزاريه ويكرروها نفسها او يغير صيغة السؤال بس الجواب نفسه لهذا كلتلكم لازم ترجمها وتفهمها.

ومثل مكلتكم يا حلوين اهم شي التكرار والمراجعه ابقى كرر بالحفظ لحدما تمل وتحس نفسك بعد خلص حفظت هالشي اكعد ثاني يوم وروح اقره الي جنت تكرر بي راح تشوف عقلك لا اردياً وبدون تفكير حيكرر الشي الحفظته هواي 😌💞
ـــــــــــــــــــــــــــــــــــــــــــــــــــــــــــ
وبس موفقين يارب 😁🤍

♥️هلو سچاچة♥️

مشكلة ( النسيان ) هذا الكلام يفيدك :

مرات واحد ينسى لأن ترك الدراسة و اتجه لغير شي ، يعني انت جنت تدرس رياضيات خلصت ، تالي رحت تدرس ادب مثلاً ، تالي ورة اسبوع تشوف نفسك ناسي نص الرياضيات 🤕 ، لا تخاف هذا بسبب تغيير الموضوع انت ما نسيت شي ، كلشي مخزن بدماغك تحتاج تراجع بس ، و تراجع المواضيع الي ناسيهة تماما 🤓 ، صدكني مراجعة سريعة تتذكر كلشي👨🏻‍🎓

♥️اما اذا ناسي الموضوع كلش (شلع قلع 😂)
يعني انت لو ما قاري عدل لو ما فاهمه بشكل صحيح لو قريته بشكل سريع ☹ يعني لازم ترجع تقره عدل

و انت اول تالي بالامتحان النهائي راح تمتحن مادة وحدة ورة وحدة و كل تركيزك عليها ف ان شاء الله ما تنسى شيء لا تخاف 😇♥️

اما حالياً تركيزك على سبع مواد اكيد راح تنسه شغله منا او منا ، فلا تخاف من هذا الجانب

اذا كلش كلش محتار حاول تختبر نفسك بالمادة حتى تجرب و تشوف نفسك ناسيها لو لا ، و أتذكر الخوف و الارتباك  قد ينسيك كل المادة ف لا تخاف لا تخاف
و ان شاء الله التوفيق للجميع 🫶🏻❤️

ودائماً اقروا بهدوء وامتحنوا نفسكم قبل كل امتحان 💗

صباح الخير سچاچة ♥️👋🏻

اليوم نحجي عن اهم الاشياء الي لازم نركز عليها قبل نصف السنة 💪🏻💗 :

١ - الامتحانات الشهرية : نكعد نسوي ورقة خاصة لكل الامتحانات الي امتحناها و نكتب درجاتنا لكل مادة ونشوف شكد يحتاج لكل مادة حتى نطلع الاعفاء او ندخل للوزاري ، خلوا هل شيء ابالكم 🫵🏻🧠🤍

٢ - الامتحانات الشفهية : بعد اسبوعين راح تبدي تقريباً ، اريدكم شكد ما تكدرون تاخذون بيهن درجات كاملة لان ترفع من درجة الامتحان التحريري ✍🏻😊

٣ - الخط : خطك ممكن يرفع درجتك اذا جان حلو ومرتب و ممكن ينزلها حتى لو كاتب صح وحافظ صح وماعندك ولا غلط ف حسنوا خطكم بكثرة الدراسة بورقة وقلم واستخدموا اقلام محسنة للخط موجودة بالمكاتب اذا تشوفون خطكم ضعيف ❤️

٤ - النوم والجدول الدراسي : التنظيم هو اساس النجاح ، شكد ما تكون منظم راح تنجح وشكد ما تكون عشوائي او مخربط راح تشوف الدراسة اصعب 🥲💔

٥ - الثقة بالله والايجابية : حطوا ثقتكم بالله وخلوها جبيرة و لا تيأسون ابداً حتى لو بدايتكم جانت ضعيفة ف اكيد الي يتغير ويطور من نفسه رب العالمين مراح يضيع تعبه 😼

٦ - اهمية الفترة التجي : جداً مهمة الاسبوعين الجايات او الشهر الجاي تقريباً هو اهم شهر بالسنة كلها لان هو الي يدخلك وزاري بنسبة جبيرة وهو الي يخليك تطلع اعفاء ف لا تضيع تعب السنة كلها بهل شهر وتسخت بيه 🫂 💛

شلون تقرأ يوم الخميس ، الجمعة والسبت اذا عندك امتحان الاحد ؟ ✨🩷

تعالوا انطيكم احسن جدول تخلصون بي المادة 🤍 :

اول شيء الخميس هذا راحة الكم 🤩

ثاني شيء شيء الجمعة لازم نايمين من وكت يعني كون ب 12 هيج 😴💛

تكعدون الصبح ب 10 يوم الجمعة 💞

ريوك لحد 10:30 وراها تبدون تقرون لحد ساعة 12:30 الظهر 💚

صلاة + غداء + راحة شوية تصير الساعة 3:00

ترجعون تقرون من 3 الظهر -8:30 بالليل ✨

كل ساعتين تاخذون استراحة 15 دقيقة و تخلون يمكم بطل مي تشربون حتى ما يصير عدكم تعب وجفاف 🩷

اذا صار عدكم ملل اثناء القراءة حاولوا تغيرون مكانكم او تغيرون طريقة الدراسة يعني تقرون وانتوا تتمشون 💪🏻🙂

تاخذون هسة استراحة من 8:30 لل 10:00 وبعدها ترجعون تقرون لحد 12:00 وتنامون

السبت تعيدون نفس الروتين بس يوم السبت تقرون الامتحان بتركيز اعلى 💗

ركزوا ع المهمات والوزاريات وركزوا ع الاسئلة الي اجت بالشهريات و توكلوا ع الله ويارب يسهل عليكم 🤲🏻🤍✨

🔴 عاجل | التربية تحدد مواعيد الامتحانات

• مواعيد امتحانات نصف السنة

🔹 نصف السنة
• المرحلة الابتدائية: 2026/1/25
• المرحلة المتوسطة: 2026/1/20
• المرحلة الإعدادية: 2026/1/20

🔹 امتحانات التمهيدي (الخارجي):
تبدا بتاريخ 2026/2/3

• مواعيد الامتحانات النهائية

🔹 الصفوف غير المنتهية :
- الابتدائية 2026/5/2
- الثانوية 2026/5/5

🔹 الصفوف المنتهية :
- السادس الابتدائي  2026/5/10
- الثالث المتوسط  2026/5/16
- السادس الاعدادي سيحدد لاحقا

مشكلة النسيان ... أعزائي الطلاب الابطال

🌿 أولًا: الأسباب الشائعة للنسيان
ترك الصلاة اوعدم التركيز بها
قلة النوم أو السهر الطويل.
التوتر والقلق أثناء الدراسة أو الامتحانات.
♦️ضعف التركيز بسبب المشتتات (الموبايل، الضوضاء، التفكير الزائد).
الدراسة السطحية دون فهم أو ربط.
نقص الغذاء الجيد والماء أو قلة الحركة.
♦️الاصابة بفقر الدم اونقص الحديد
كثرة الهموم
💡 ثانيًا: الحلول العملية
🧠 1. قبل الدراسة:
🔷️خذ نومًا كافيًا (7–8 ساعات) يوميًا في الليل وتجنب السهر .

🔷️تناول وجبة خفيفة فيها مكسرات أو تمر أو فواكه اوزبيب قبل المذاكرة.
ا🔷️شرب كوب ماء قبل أن تبدأ.
📚 2. أثناء الدراسة:
🔸️افهم الفكرة قبل الحفظ، فالفهم يُثبّت المعلومة.
🔸️استخدم الخرائط الذهنية أو الألوان لتسهيل التذكر.
🔸️خذ استراحة قصيرة كل 40–50 دقيقة.
🔸️احكي المعلومة بصوتك أو اكتبها بيدك، فذلك يرسخها.

🔁 3. بعد الدراسة:
✨️راجع الدرس في اليوم نفسه لمدة 10 دقائق فقط.
✨️اعيد المراجعة بعد يوم، ثم بعد أسبوع (طريقة "التكرار المتباعد").
✨️اختبر نفسك بطرح أسئلة أو تلخيص دون النظر للكتاب.

🌺 ثالثًا: الجوانب الروحية
اهتم بصلاتك وركز بها وكذلك تدبر بالقران ولو صفحة.
ردد قبل الدرس ياذاكر يامذكر ياحافظ ياحفيظ .
الصلاة على محمد واله .
قراءة اية الكرسي وسورة الاعلى .

دعاء لتسهيل الإمتحان وحفظ المعلومات وعدم نسيانها :

- اللهم اني استودعك ما قرأت وما حفظت وما تعلمت ، فرده لي عند حاجتي إليه انك على كل شيء قدير اللهمّ ربّ السماوات والأرض ربّ الناس أجمعين ، سهَل عليّ هذا الأمتحان ، واجعله يسيراً خفيفاً عليّ ، اللهمّ أجعل كلّ إجابة واضحة أمام عيني يا رب العالمين ، اللهمّ إنّي أسألك خير هذا الإمتحان وخير ما فيه وخير ما بعده ، اللهمّ إنّي أعوذ بك من شر هذا الأمتحان وشرَ ما فيه وشر ما بعده لي 💗

أنتُ دائماً گدها 💪🏻🤍.

⏰ سچاچة هاي الرسالة حفظوها يمكم لان راح تحتاجوها الاسابيع الجاية كلش

موضوعنا اليوم عن الانشاء باللغة العربية وشلون تكدر تكتب انشاء بطريقة ممتازة وتاخذ عليه درجة كاملة بالامتحان ✍🏻🤍

-اول شيء واهم شيء لازم تعرفة عن الانشاء بمادة العربي هو (الخط)❤️ ، الخط الحلو والواضح والمفهوم يرفع درجتك بشكل كلش جبير بالانشاء ، اغلب المصححين ما يقرون الانشاء كامل لان وراه مئات الدفاتر يصححها ، فأذا شاف خطك حلو ومرتب والورقة حلوة مباشر راح ينطيك درجة كاملة ✔️😁💗

-ثاني شيء هو التعبير ، حاول دائماً تعبر عن الموضوع بطريقة لغوية قواعدية يعني اضبط القواعد الكتابية بشكل صحيح ، يعني اكتب الكلمات بشكل صحيح ، ونوع بالكلام لا تكرر اكثر من كلمة بنفس السطر ، اللغة العربية واسعة كلش تذكر 👀♥️

-ثالث شيء هو التدريب ، اي التدريب بالبيت ضروري كلش عن الانشاء ، طلع من النت عنواين انشاء واكعد اكتب عليها وطور نفسك وكل ما تكتب اكثر راح تطور اكثر 🫡🔥

-رابع شيء هو المحتوى ، يعني شكد راح تكتب كم ورقة ؟ ورقتين تلاثة اربعة ؟ ، شوف بصراحة الزيادة كالنقصان يعني لا تكعد تكتب اكثر من ورقتين وتصفط كلام ماله داعي 😂💗 ، ورقتين كتابة كلش كافية و مع مقدمة كلش حلوة وخاتمة كذلك 🫡

- خامس شيء : من تكتب التعبير مالتك حاول تخلي وياه ايات قرآنية او احاديث نبوية للرسول (ص) او اقوال الامام علي (ع) او من كتابات الشعراء يعني مثلاً اذا الانشاء جان يتحدث عن الاخلاق اكتب : { أكثر ما يدخل الناس الجنة ، تقوى الله وحسن الخلق } ، واذا جان عن الاهل اكتب ( وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ).

وهكذا راح تحصل درجة كاملة اذا سويت كل هذني  🤍

📢 / واخر شيء احب اكلكم انو بمعهدنا ( معهد المصطفى التعليمي ) بمحافظة بغداد بمنطقة الحبيبية قرب ساحة الحمزة ، راح نبدي نسوي مراجعة لنصف السنة من يوم 1/1 ف الي يريد يسجل يمنا يتواصل ويانا  

|￣￣￣￣￣￣￣￣￣￣￣|
⠀🫠نص السنة بعد 29 يوم
|＿＿＿＿＿＿＿＿＿＿_|
                \ (•◡•) /
                  \      /
                    ---
                    |   |

الف الف مبرووك الخميس عطلة في جميع محافظات العراق 🥳💕✔️