ФЫД ÆМÆ ЙÆ ФЫРТТÆ

Фыд бафæдзæхста йæ фырттæн, лымæн ут, зæгъгæ; фæлæ уыдон нæ уисæн кодтой. Уæд фыд рахæссын кодта уисой æмæ загъта:
— Асæттут-ма йæ!
Лæппутæ йыл бирæ фæцархайдтой, фæлæ сын уисой асæттын нæ бакуымдта, сæ бон не сси йæ асæттын. Уæд фыд уисой райхæлдта æмæ загъта, иугай уисгай-ма йæ асæттут, зæгъгæ.
Уыдон хæрз æнцонæй асастой уисойы алы уис дæр хицæнæй.
Æмæ сын уæд фыд афтæ зæгъы:
— Сымах дæр гъе афтæ: кæд иумæ лымæн уат, уæд уыл ничи фæтых уыдзæн; фæлæ хылтæ куы кæнат æмæ уæ алчи йæхæдæг хицæнæй куы архайа, уæд уыл алчи дæр æнцонæй фæтых уыдзæн æмæ уæ бабын кæндзæн.


@XurZaerin
https://t.me/barzafcag1. Л.Толстой «Рассказы для детей», ирон æвзагмæ тæлмац, 1955

Знон, 12 майы, куыд æнæхъæн дунейы, афтæ Хуссар Ирыстоны дæр банысан кодтой медицинон хойы профессионалон бæрæгбон.

Уый фæдыл Республикæ Хуссар Ирыстоны Æнæниздзинад хъахъхъæныны министр Джыгкайты Томас раарфæ кодта республикæйы медицинон хотæн сæ профессионалон бæрæгбоны цытæн.
«Медицинон хойы уæздан, фæлæ уый рады уæззау куыстæн аргъ кодтой кæддæриддæр. Ацы куыст домы бæрзонд профессионализм, стыр быхсындзинад, хæларзæрдæдзинад, рынчыныл аудын. Æнæ медицинон хотæй нæй гæнæн уæвæн иунæг медицинон уагдонæн дæр. Уыдон стыр æххуыс сты дохтыртæн æмæ пациенттæн дæр», - банысан кодта Джыгкайты Томас.
Уый банысан кодта медицинон хоты равдисгæ хъæбатырдзинад Хуссар Ирыстоны уæззау хæстон рæстæджыты. Æппæт медицинон хотæн йæ зæрдæ зæгъы фидар æнæниздзинад, амонд, сæ куысты профессионалон рæзт æмæ æнтыстытæ.

@XurZaerin

Горæт Чеховы цæуынц ерыстæ боксæй 13-14 аздзыд чызджыты æмæ лæппуты ‘хсæн.

Уый тыххæй хъусын кæнынц Фæсивæдон политикæ æмæ спорты фæды комитеты пресс-службæ.
Цæгат Ирыстоны иумæйаг командæйæ равзæрстой дыууæ хуссарирыстойнаг боксеры.
Джиоты Дмитрий 66 кг уæзы ныридæгæн акодта æнтыстджын тох, æмæ афтæмæй фæуæлахиз æхсæнад «Динамо»йы уæлахиздзау, Луганскы Адæмон Республикæйы минæвар Горленко Маркыл.

Абон та тох уыдзæнис Гæбæраты Алимæн 90 кг уæзы категорийы. Æнтыстджын у.

@XurZaerin

Ленингормæ фæндаг цадæггай сыгъдæггонд цæуы.
Ныры онг уал Ахмадзы хъæумæ фæндаг у сыгъдæггонд, даррдæр цæуынц куыстытæ.

Тынг къæвдаты фæстиуæгæн бахъыгдард ис Уæллаг Захъормæ фæндаг дæр.

Куыстытæ адарддæр кæндзысты, къæвдатæ куы фæуой, уæд.

@XurZaerin

Кæй фæуазæлттæ, уый фæстиуæгæн сывæллæтты рæвдауæндæтты иу æрцыдысты хъармгæнæнтæ, 17 майы онг.

@XurZaerin

Уалыты Чермен рамбылдта бронзæ майдан лицензион турниры Стамбулы.

Чермен 74 кг уæзы категорийы фæуæлахиз Нуркожа Кайпановыл.

@XurZaerin

Луганскы Адæмон Республикæ расидыны боныл 10 азы сæххæсты цытæн Паддзахадон ансамбль «Симд» радта концерт Луганскы.

@XurZaerin

Ме ‘взаг

У иу æвзаг дæр а дунейæн фаг,
Фæлæ нæ ивынц мады риу æндæрыл!..
Мæлæн дын нæй, мæ фыдæлты æвзаг,
Кæд ма æрбайсæфт хоры нæмыг мæры?!

Ды незаманæй ацы боны онг
Нæ фесæфтай дæ уаз хъæлæс, дæ намыс.
Æнус-æнус дæ сыгъдæг уды конд
Цырен арт æмæ карды комыл бахсыст.

Тыгъд быдыры дыл дымгæйы ныхмæ
Лæхурдта Скиф йæ тызмæджы ныхæстæ.
«Тох!.. Тох!..» — сæрмæттаг сабийы дзыхæй
Ысхаудта дзырд — лæг у, æрцыд йæ рæстæг!

Гуыпп… Мыхъхъ… Тъæпп… Дæнг, —
Ныффæсус и дæ хъуыр.
Ныццарыдта алайнаг мады хъарæг…
Фæразон дæ, æнхъæлмæгæс, мæгуыр:
Кæд дыл ныккæндзæн иу фæрныг та зарæг!

Фæлæ дæ рæстæг а фарнæй хызта,
Дæ сыгъзæрин æй ракалын нæ фæндыд…
Ныззарыд уæд Ирон лæппу — Къоста —
Æмæ дæ тулдз йæ уидæгтæм нызмæлыд.

Мæлæн дын нæй, мæ фыдæлты æвзаг, —
Дæ зæронд мад у ацы зæххы къори,
Æмæ куы сæфай (ма зæгъæд ызнаг), —
Дæуимæ сæфы дунейы истори!

Хаджеты Таймураз

@XurZaerin

Номарæн турнир
#Спорт

Дзауы поселочы ныр 5-æм хатт уагъд æрцыд Советон Цæдисы хъайтар Хъоцыты Константины номарæн турнир уæгъдибар хъæбысхæстæй. Ерысты майдантыл тох кодтой 100 спортсмены бæрц. Турниры, сæйраджыдæр, хайад истой 13 азы онг кæуыл цыд, ахæм богалтæ. Сæ тыхтæ фæлвæрдтой Цхинвал, Дзау æмæ Дзæуджыхъæуы минæвæрттæ. Турнир официалонæй байгом кæныны церемонийы æрæмбырдуæвджытæн раарфæ кодта Президент Гаглойты Алан.

Спортуарзджытæ…

https://xurzarin.ru/?p=48997

Белгороды уæззау рис
#Трагикон_цау

Радон террористон æхстыты амæттаг бацис горæт Белгороды дæсуæладзыгон цæрæн хæдзар. Йæ иу хай бынтондæр ныккалдис.

Дæсгай адæймæгтæ хæдзары пырхæнты бын… Улæфты бон… Сихорафон… Адæмæн сæ фылдæр ахæм афон хæдзары вæййынц…

Тынг бирæ цæфтæ…

Се ‘ппæты кæстæрыл цæуы æрмæстдæр дыууæ мæйы… Æнахъом саби цардмæ рæстмæ нæма акаст, афтæмæй бахауд реанимацимæ.

Зæрдæ скъуыйы фыдрыстæй… Риссы зæрдæ,…

https://xurzarin.ru/?p=48999

Ирыстон – йæ зарæджы сæр
#Юбилей

Поэт Плиты Ильяйы райгуырдыл сæххæст 110 азы

Ирон литературæйæн кæд даргъ историон фæндаг нæй, уæддæр дзы цы фысджытæ архайынц, йæ рæзтмæ сæ бавæрд чи хастой æмæ хæссынц, уыдон дзæвгар сты. Алкæмæндæр сæ йе сфæлдыстадон тых, йæ курдиаты авналæнтæ æндæр æмæ æндæр æмвæзадыл сты, алкæмæн сæ йæхи фæндаг ис. Йæхи сфæлдыстадон фæндагыл цыдис…

https://xurzarin.ru/?p=49001

Владимир Кузнецов: «Ирыстон – мæ дыккаг райгуырæн бæстæ»
#Мысынад

7-æм майы Ирыстоны дзыллæтæ йæ фæстаг фæндагыл афæндæраст кодтой ирон адæмы æнувыд хæлар, зынгæ ахуыргонд Владимир Кузнецовы. Уый цардæй ахицæн 5 майы горæт Кисловодскы. Ныгæд æрцыд Дзæуджыхъæуы Скæсæн уæлмæрды Кады аллейæйы. Йæ ном сыгъзæрин дамгъæтæй фыст æрцыд Ирыстон æмæ ирон адæмы историйы. Йæ лæггæдтæ йын никуы ферох кæндзысты ирон адæм.

Ирон этносмæ чи нæ…

https://xurzarin.ru/?p=49003

Хъахъхъæнæм фæндагыл цæуыны фæткойтæ
#Æхсæнад

Фæндагыл цæуыны фæткойтæ хъахъхъæнын абон нæ горæты хуыздæрхъуаг у. Уый хауы куыд машинæскъæрджытæм, афтæ фистæгæй цæуджытæм дæр. Хъыгагæн, нæ горæты, афтæ ма респубикæйы фæндæгтыл дæр арæх æрцæуы фæндагон-транспортон цаутæ. Ныртæккæ ахæм дуг æрцыд æмæ адæм æппынæдзух кæдæмдæр тагъд кæнынц: чи куыстмæ, чи – скъоламæ, чи та фæндагыл цæуыны фæткойтæ рæстмæ нæ зоны æмæ афтæмæй…

https://xurzarin.ru/?p=49005