🔺 كۆبونه‌وه‌ی شاندی بزوتنه‌وه‌ی گۆڕان و پارتی سۆسیال دیموکراتی کوردستان له‌ سلێمانی.

🔺 شاندی گۆڕان گه‌ڕێكی سه‌ردانكردنی بۆ لای لایه‌نه‌كان ده‌ستپێكردوه‌ و له‌باره‌ی دۆخی نێوخۆی بزوتنه‌وه‌كه‌ و هه‌رێمی كوردستان رونكردنه‌وه‌ ده‌داته‌ لایه‌نه‌كان.

🔺 ئومێد خۆشناو، پارێزگاری هەولێر و ئێرمان تۆپچو، کونسڵی گشتیی کۆماری تورکیا لە هەولێر كۆبونه‌وه‌.

"باس له‌ میکانیزمی نوێی وەرگرتنی ڤیزای توركیا بۆ هاوڵاتیان هه‌رێم كرا"

🔺 پارێزگای هه‌ولێر:

🔺 ئەمڕۆ پێنجشەممە ئومێد خۆشناو، پارێزگاری هەولێر، لە دیوانی پارێزگا پێشوازیی لە ئێرمان تۆپچو، کونسڵی گشتیی کۆماری تورکیا لە هەولێر کرد، دوایین پەرەسەندنە سیاسیەکانی ناوچەکە بەگشتی و برەودان بە پەیوەندییە دوقۆڵییەکانی نێوان هەردولا باسیان لێوەکرا.

🔺 کونسڵی تورکیا لەهەولێر، هاوخەمی و سەرەخۆشیی خۆی بۆ شەهیدانی بۆردومانە ناڕەواکانی ئەم دواییەی سەر هەولێری پایتەخت دەربڕی و هیوای زو چاکبونەوەی بۆ برینداران و گەڕانەوەی ئارامی و ئاشتی بۆ ناوچەکە خواست.

🔺لە تەوەرێکی تری کۆبونەوەکەدا، كە تایبەت بو بە میکانیزمی نوێی وەرگرتنی ڤیزا، کونسڵی تورکیا ڕونکردنەوە و بەرچاو ڕونیدا کە گۆڕانکارییەکان تەنها لە ئاستی کۆمپانیای جێبەجێکاردا بوە و ڕێکارەکان وەک خۆیان ماونەتەوە و هیچ گۆڕانكارییەك لە پیدانی ڤیزا نەكراوە.