🔺 ته‌یف سامی سه‌رپه‌رشتی كۆبونه‌وه‌ی شاندی به‌غدا و هه‌رێم ده‌كات

🔺 ته‌یف سامی، وەزیری دارایی عێراق سەرۆکایەتی کۆبونەوەی تەکنیکی به‌غدا و هه‌رێم ده‌كات سەبارەت بە جێبەجێکردنی سیستەمی سیستمی ئه‌سیكۆدا لە هەرێمی کوردستان و یەکخستنی ڕێکارەکانی گومرگی.

🔺 وەزیری دارایی جەختی لە پابەندبون بە یاساکانی ئێستا لە چوارچێوەی سیستەمی ئه‌سیكۆدا و دەستنیشانکردنی هەر ناکۆکییەکی یاسایی لە نێوان هەردولادا کرد بە مەبەستی هاوئاهەنگییان و بەدەستهێنانی ڕەزامەندی فەرمی پێویست.

🔺 هەروەها ڕێککەوتن کرا لەسەر پێکهێنانی تیمێکی ناوچەیی ئه‌سیكۆدا بۆ ئەوەی بەشێک بێت لە تیمی نیشتمانی یەکگرتو، لەگەڵ جەختکردنەوە لەسەر دڵنیابون لەوەی کە هەمو پێداویستیەکانی سیستەمه‌كه‌ لەلایەن کۆمپانیا پەیوەندیدارەکانی هەرێمەوە جێبەجێ دەکرێن و دەسەڵات و بەرپرسیارێتی هەر لایەنێک بە ڕونی دیاری بکرێت بۆ ئەوەی گەرەنتی کارکردنی بێ کێشە بێت.

🔺 كۆبونه‌وه‌ی شاندی بزوتنه‌وه‌ی گۆڕان و پارتی سۆسیال دیموکراتی کوردستان له‌ سلێمانی.

🔺 شاندی گۆڕان گه‌ڕێكی سه‌ردانكردنی بۆ لای لایه‌نه‌كان ده‌ستپێكردوه‌ و له‌باره‌ی دۆخی نێوخۆی بزوتنه‌وه‌كه‌ و هه‌رێمی كوردستان رونكردنه‌وه‌ ده‌داته‌ لایه‌نه‌كان.