#Сўраган_эдингиз

Савол: Мактаб ўқувчиларига олтин медаль бериш шартлари қандай?

Жавоб: Ўзбекистон Республикаси Вазирлар Маҳкамасининг 2019 йил 22 апрелдаги 154-сонли қарори билан умумий ўрта таълим муассасаларининг иқтидорли битирувчиларини олтин ва кумуш медаллар билан тақдирлаш тартиби таcдиқланган.

✅ Унга кўра, олтин медаль умумий ўрта таълим муассасаларининг 9-синфини битирганлик тўғрисидаги аъло даражали шаҳодатномаси мавжуд бўлган, умумий ўрта таълим муассасаларининг 10- ва 11-синфларида барча фанлар бўйича якуний назоратлар, чораклик ва йиллик баҳолари аъло бўлган, намунали хулқ-атворли ва жамоат ишларида фаоллик кўрсатган битирувчиларга берилади.

✅ Кумуш медаль умумий ўрта таълим муассасаларининг 9-синфини битирганлик тўғрисидаги аъло даражали шаҳодатномаси мавжуд бўлган, умумий ўрта таълим муассасаларининг 10- ва 11-синфларида барча фанлар бўйича йиллик баҳолари аъло бўлган, намунали хулқ-атворли ва жамоат ишларида фаоллик кўрсатган битирувчиларга берилади. 👇
Ўқитувчилар учун телеграмда махсус каналга қўшилинг👇

http://t.me/Xalq_talimi_xodimlari

⚡️1 июлдан пенсия ва нафақалар оширилди

Президентнинг тегишли фармони (ПФ-6241, 04.06.2021 й) билан 2021 йилнинг
1 июлидан бошлаб:

а) белгиланган ёшга доир энг кам пенсия миқдорида ва ундан кам пенсия олувчи шахсларга пенсияни ҳисоблаш базавий миқдорининг 20 фоизи миқдорида қўшимча тўлов жорий этилсин.

Бунда, иш стажи тўлиқ бўлмаган чоғдаги пенсияларнинг энг кам миқдори қўшимча тўловни ҳисобга олган ҳолда 256 675 сўмдан 400 000 сўмга оширилади;

б) белгиланган ёшга доир энг кам пенсия миқдоридан 565 000 сўмгача пенсия олувчиларнинг ёшга доир ва ногиронлик бўйича пенсиялари миқдори 565 000 сўмга етказилди;

в) зарур иш стажига эга бўлмаган кекса ёшдаги ва меҳнатга лаёқатсиз фуқароларга бериладиган нафақа миқдори 315 030 сўмдан 400 000 сўмга етказилди;

г) боқувчисини йўқотганлик:

пенсияси олувчиларнинг ҳар бир меҳнатга қобилиятсиз оила аъзоси учун қўшимча тўлов жорий этилди;

пенсияси олувчиларнинг бир нафар меҳнатга қобилиятсиз оила аъзоси учун пенсиянинг энг кам миқдори 256 675 сўмдан 400 000 сўмга оширилсин ва кейинги ҳар бир меҳнатга қобилиятсиз оила аъзоси учун амалдаги тартибга мувофиқ пенсия тўланади;

нафақаси олувчи оилаларнинг барча аъзоларини қамраб олиш мақсадида уларнинг бир нафар меҳнатга қобилиятсиз оила аъзоси учун нафақа миқдори 400 000 сўм ва кейинги ҳар бир меҳнатга қобилиятсиз оила аъзоси учун 150 000 сўмдан қўшилиши белгиланди;

д) болаликдан ногиронлиги бўлган шахсларга бериладиган нафақа ойига 513 350 сўмдан 565 000 сўмга оширилди.

👇
Ўқитувчилар учун телеграмда махсус каналга қўшилинг👇

http://t.me/Xalq_talimi_xodimlari

Мактаблар рейтингини аниқлашнинг янги мезонлари тасдиқланди

Ҳукумат қарори (345-сон, 03.06.2021 й.) билан умумий ўрта таълим муассасалари рейтингини аниқлаш тартиби тўғрисидаги янги низом (1-илова) тасдиқлангани ҳақида хабар берган эдик.

Мазкур низомга 1-илова сифатида умумий ўрта таълим муассасалари рейтингини аниқлаш мезонлари ва ҳисоблаш методикаси тасдиқланди.

Унга кўра мактаблар рейтингини аниқлашда:

👉 11-синф битирувчилари томонидан олий таълим муассасаларига киришда тўплаган баллари;

👉 ОТМга ўқишга кирганлар салмоғи;

👉 ўқувчиларнинг билим даражаси;

👉 педагогларнинг сифат (салоҳият)и;

👉 ўқувчи ва ўқитувчиларнинг чет тилларини билиш даражаси;

👉 ўқувчи ва ўқитувчилар ўртасида ўтказиладиган ижтимоий сўровнома натижаси;

👉 таълим муассасасида маънавий-маърифий ва ўқув тарбиявий муҳит (Ўзбекистон Республикаси Президенти илгари сурган беш ташаббус доирасида қилинган ишлар асосида) каби кўрсаткичлар инобатга олинади.

👇

http://t.me/Xalq_talimi_xodimlari

Битирувчиларнинг якуний имтиҳонлари ДТМ томонидан амалга оширилади 

Битирувчиларнинг якуний имтиҳонлари Давлат тест маркази томонидан амалга оширилади. Олдинги йил битирувчилари кириш тест имтиҳонларини топширади. Бу ҳақда АОКАда бўлиб ўтган брифингда Давлат тест маркази ахборот хизмати раҳбари Орзиқул Бобоев маълум қилди.

“Кейинги йилларда битирувчиларга давлат томонидан олий таълим олиш бўйича катта имкониятлар, шарт-шароитлар яратилмоқда. Шулардан бири сифатида битирувчиларнинг ортиқча овора бўлмасликлари, фақат бир марта имтиҳон топшириш билан ОТМга кириш имкониятини яратиш назарда тутилмоқда. 

Мактаб, академик лицейлар битирувчиларининг якуний давлат имтиҳонларини кириш тест синовларига тенглаштириш, яъни унификация қилиш тўғрисида қарор лойиҳаси ишлаб чиқилган ва тегишли давлат органларига тақдим этилган”, дейди Орзиқул Бобоев.

Қайд этилишича, олдинги йилларда битирган абитуриентлар учун кириш тест синовлари алоҳида ўтказилади.

Битирувчиларнинг якуний имтиҳонлари Давлат тест маркази томонидан амалга оширилади. Олий таълим муассасаларига кириш тест синовлари қандай тартибда бўлса, якуний давлат имтиҳонлари ҳам шу тартибда ташкил этилади (мактабларда эмас).

👇
Ўқитувчилар учун телеграмда махсус каналга қўшилинг👇

http://t.me/Xalq_talimi_xodimlari

#Қонунчиликдаги_янгиликлар

Умумий ўрта таълим муассасалари рейтингини аниқлаш тартиби белгиланди

🔰 Ҳукумат қарори (345-сон, 03.06.2021 й.) билан Умумий ўрта таълим муассасалари рейтингини аниқлаш тартиби тўғрисидаги низом тасдиқланди.

👥 Низомга кўра, ҳар йили 20 январга қадар Қорақалпоғистон Республикаси, Тошкент шаҳри ва вилоятларда Таълим инспекцияси ҳамда тизимида умумий ўрта таълим муассасаси бўлган вазирликлар ва идораларнинг ҳудудий бўлинмалари ходимларидан иборат тегишли ҳудуддаги умумий ўрта таълим муассасаларида ижтимоий сўровномалар ва назорат ишларини ўтказиш бўйича ишчи гуруҳлар тузилади.

🌎 Ишлаб чиқилган рейтингни аниқлашга оид маълумотлар базасини шакллантириш бўйича жадваллар ҳар йили 1 февралга қадар Таълим сифатини назорат қилиш давлат инспекцияси расмий веб-сайтидаги платформага (monitoring.tdi.uz) жойлаштирилади.

Шу билан бирга, жадваллар уларга тегишли маълумотлар киритилиб, умумий ўрта таълим муассасаларининг директорлари томонидан тасдиқланган ҳолда 25 апрелга қадар ҳудудий бўлинмаларга тақдим этилади.

Ҳудудий бўлинмалар томонидан жадваллар асослантирувчи ҳужжатлари билан биргаликда ҳар йили 1 майга қадар махсус платформага жойлаштирилади.

Шунингдек, назорат ишлари умумий ўрта таълим муассасаси ўқувчиларининг умумтаълим фанлари бўйича билим даражасини аниқлаш мақсадида ёзма иш ва тест синови шаклида ўтказилади.

✅ Рейтинг қуйидаги ҳисоблаш тамойиллари асосида аниқланади:

👉 рейтингда иштирок этаётган барча умумий ўрта таълим муассасаларининг баллари ҳар бир мезон бўйича алоҳида ҳисобланади;

👉 тегишли мезон бўйича энг юқори натижага эга бўлган умумий ўрта таълим муассасасига мазкур мезон учун белгиланган энг кўп балл берилади;

👉 қолган барча умумий ўрта таълим муассасаларининг баллари энг юқори баллга эга бўлган умумий ўрта таълим муассасасининг баллари йиғиндисига нисбатан ҳисоблаб чиқарилади;

👉 ҳар бир мезон бўйича ҳисобланган баллар йиғиндиси асосида умумий ўрта таълим муассасасининг рейтинги белгиланади.

📊 Рейтинг натижалари ҳар йили янги ўқув йили бошланишидан кечикмай Инспекциянинг расмий веб-сайтида эълон қилинади ва ОАВда ёритилади.

👇
Ўқитувчилар учун телеграмда махсус каналга қўшилинг👇

http://t.me/Xalq_talimi_xodimlari

5 июндан Республика умумтаълим мактабларида 1-синфга қабул бошланади.

Тошкент шаҳри, Қорақалпоғистон Республикаси ва вилоятларнинг марказидаги умумтаълим мактабларида 1-синфга қабул жараёнлари тажриба-синов тариқасида электрон шаклда амалга оширилади. Жараён 2 босқичда бўлади:

Биринчи босқичда ота-оналар 2021 йилнинг 15 июнидан 5 июлига қадар my.maktab.uz электрон плафтормаси орқали рўйхатдан ўтиб, фарзандлари 1-синфга чиқадиган мактабларни танлайдилар.

Бунда ота-оналарга 3 та мактабни танлаш имконияти берилади. Биринчи мактаб-ота-она доимий истиқомат қилаётган ҳудуддаги мактаб, яъни яшаш манзили бириктирилган микроҳудуддаги мактаб;

Иккинчи ва учинчи мактаблар - ота-оналарнинг ихтиёрий танлови асосида фарзандларини қатнаши учун қулай бўлган мактаблар.

Иккинчи босқичда 2021 йилнинг 6 июлидан 31 июлга қадар ота-оналар электрон плафторма орқали танлаган биринчи мактабга, яъни бириктирилган микроҳудуддаги мактабга ҳужжатларини топширадилар, бунда ҳужжатларни топшириш тўлиқ электрон шаклда амалга оширилади. Ота-оналарнинг доимий яшаш манзили бўйича бириктирилган микроҳудуддаги мактабга жойлашишлари кафолатланади.

Агар ота-оналар микроҳуддуддаги мактабни эмас, бошқа мактабларни танлаган бўлса, яъни электрон рўйхатдан ўтиш вақтида танлаган иккинчи ёки учинчи мактабларнинг бирида бўш ўринлар бўлган тақдирда 1-15 август кунлари ҳужжатларини топширишлари мумкин бўлади.

Қолган ҳудудлар (Қорақалпоғистон Республикаси ва вилоятларнинг бошқа туман (шаҳар)лари) умумтаълим мактабларида 1-синфга қабул анъанавий шаклда, яъни бевосита мактабда амалга оширилади.

Қабул анъанавий шаклда амалга ошириладиган ҳудудларда ота-оналар бевосита 2021 йилнинг 15 июндан -15 июлга қадар доимий яшаш манзили бўйича бириктирилган микроҳудуддаги мактабга фарзандларини 1-синфга жойлаштриш учун ҳужжатларини топширишлари мумкин. 👇
Ўқитувчилар учун телеграмда махсус каналга қўшилинг👇

http://t.me/Xalq_talimi_xodimlari

Халқ таълими вазирлигида ўқув йили якунлари ҳамда янги ўқув йилига тайёргарлик масалалари муҳокама этилди

Бугун Халқ таълими вазири Шерзод Шерматов бошчилигида ўтказилган видеоселектор йиғилишида ҳудудий Халқ таълими тизими раҳбарларининг иш фаолияти самарадорлигини баҳолаш меъзонларига эришиш, ўқув йили якунлари, ёзги таътил даврида ўқувчиларнинг бўш вақтларини мазмунли ташкил этиш ҳамда янги ўқув йилига тайёргарлик кўриш масалалари муҳокама этилди.

Жумладан 2021 йилда республика бўйича таълим сифатини оширишга эришиладиган мақсадли кўрсаткичлар санаб ўтилди. Хусусан ушбу йўналишда қизил тоифадаги ҳамда кам қувватли мактаблар сонини камайтириш, ўқитувчиларнинг тил билиш даражасини ошириш, Олий ва биринчи тоифали ўқитувчилар сонини кўпайтириб, тоифаси бўлмаган ўқитувчилар сонини камайтириш орқали таълим сифатини ошириш лозимлиги қайд этилди.

Якуний давлат имтихонларини ўз вақтида тугатишни назорат қилиш, 20 июнга қадар ўқувчиларнинг маълумотларини Attestat.uzedu.uz электрон тизимига киритиш ва шаҳодатномаларни чоп этиш. Мактабларда “Абитуриент” ШТАБини ташкил этиш орқали битирувчиларнинг ҳужжатларини Олий таълим муассасаларига топширишга кўмаклашиш. 20-30 июнь кунлари Мактабни мувафаққиятли битирган ўқувчиларга олтин ва кумуш медалларни топширишни тантанали ташкил қилиш, иқтидорли ўқувчиларни ихтисослаштирилган мактабларга йўналтириш юзасидан топшириқлар берилди.

👇
Ўқитувчилар учун телеграмда махсус каналга қўшилинг👇

http://t.me/Xalq_talimi_xodimlari

Осиё тараққиёт банки Ўзбекистонда STEM таълимни ривожлантиришга 100 миллион доллар ажратади

Ўзбекистон Республикаси Халқ таълими вазирлиги ва Осиё тараққиёт банки (ОТБ) ўртасида 100 миллион АҚШ долларлик лойиҳани амалга ошириш тўғрисида меморандум имзоланди.

Мазкур лойиҳа доирасида мактабларда 7–11-синфларда STEM йўналишида таълимини ривожлантиришга қаратилган.

STEM фанлари бўйича ўқув дастурлари ва дарсликларнинг амалдаги стандартларини сақлаб қолиш ва такомиллаштириш, ўқитувчиларни тайёрлаш ва қайта тайёрлаш, мактаблар учун зарур жиҳозларни сотиб олиш, мактаб биноларини таъмирлаш ва таълим технологияларини ривожлантириш.

Бундан ташқари, лойиҳада Ўзбекистондаги мактабларда ўқувчилар билимини баҳолаш тизимини такомиллаштириш кўзда тутилган.

Лойиҳа 2020-2022 йилларда Ўзбекистон Республикаси учун Мамлакат операцияларининг бизнес-режаси (CОБП), ҳукуматнинг сўнгги ташаббуслари ва Ўзбекистон Республикаси Халқ таълими тизимини 2030 йилгача ривожлантириш концепциясига мувофиқ амалга оширилади.

*

Азиатский банк развития выделит на развитие STEM образования в Узбекистане 100 миллионов долларов США

Между Министерством народного образования Республики Узбекистан и Азиатским банком развития (АБР) подписан меморандум о реализации проекта на сумму 100 миллионов долларов США.

Проект направлен на развитие в школах STEM образования для 7-11 классов. Он будет поддерживать и улучшать существующие стандарты учебных программ и учебников по предметам STEM, подготовку и переподготовку учителей, закуп необходимого оборудования для школ, реконструкцию школьных зданий, развитие образовательных технологий. Кроме того, проектом предусмотрено совершенствование системы оценки знаний учащихся в школах Узбекистана.

Проект будет реализован в соответствии Бизнес-планом страновых операций (COBP) по Республике Узбекистан на 2020-2022 годы, недавними государственными инициативами и Концепцией развития системы народного образования Республики Узбекистан до 2030 года.

👇
Ўқитувчилар учун телеграмда махсус каналга қўшилинг👇

http://t.me/Xalq_talimi_xodimlari

#SPORT_ZAL
#ARNASOY_13_MAKTAB
⚽️Arnasoy tuman XTBga qarashli 13-umumiy o'rta ta'lim maktabi sport zali yangi o'quv yili uchun tayyor holatga keltirildi.
⚽️O'quv yili boshlangunga qadar sport zalida sport to‘garaklari, maktabda tashkil etilgan oromgoh mashg'ulotlari o‘z faoliyatini yuritadi.

Arnasoy tuman XTBga qarashli 13-umumiy o'rta ta'lim maktab ma'muriyati.
@xalq_talimi_xodimlari

Фотоотчет о проведении конкурса английского языка среди 4 классов.Учитель английского языка 301 школы Серигелийского района Гаипова.Н.И.

@xalq_talimi_xodimlari

‼️Ҳурматли ОАВ вакиллари!

‼️Маълум сабабларга кўра бугун 11 июнь кунига режалаштирилган тадбир 14 июнь, душанба куни соат 12:00га кўчирилганини маълум қиламиз.

● Мавзу: Халқ таълими малака ошириш тизими электронлаштирилиши, А.Авлоний номидаги илмий-тадқиқот институтининг Узлуксиз касбий таълим махсус электрон платформаси ишга туширилиши
● Вақти: 12:00
● Жойи: АОКА мажлислар зали
● Иштирок этади: Халқ таълими вазири ўринбосари, А.Авлоний номидаги илмий-тадқиқот институти директори

Келтирилган ноқулайликлар учун узр сўраймиз

ХАЛҚ ТАЪЛИМИ ВАЗИРЛИГИ ТАСАРРУФИДАГИ ИХТИСОСЛАШТИРИЛГАН ДАВЛАТ УМУМТАЪЛИМ МУАССАСАЛАРИГА ҚАБУЛ БОШЛАНДИ

Ҳужжатлар My.maktab.uz сайти орқали электрон шаклда қабул қилинади. Ҳужжатларни топшириш бўйича йўриқнома ушбу видеода ўз аксини топган👆👆👆

Ўқувчилар қабули режалаштирилган ихтисослаштирилган таълим муассасалари рўйхати билан ушбу ҳавола орқали танишишингиз мумкин.

Қабул жараёнлари бўйича қўшимча маълумотларни @mymaktab_uz телеграмм манзили ёки ☎️71 203-07-04 телефон рақами орқали олиш мумкин.

#Биласизми

❗️Абитуриентлар учун ОТМларда сиртқи таълим шаклида қандай ўзгаришлар бўлади?

🔘 2021/2022 ўқув йилида:

🔸 Умумтаълим муассасаларида ишлаётган, олий педагогик маълумотга эга бўлмаган ўқитувчилар учун бакалавриатнинг сиртқи таълим шакли бўйича алоҳида мақсадли қабул параметрлари ажратилади.

🔸 Педагогика ва молия-иқтисод соҳаларидаги ОТМда “5520100 – Ижтимоий иш (фаолиятнинг турли соҳалари бўйича)” бакалавриат таълим йўналиши бўйича фуқароларнинг ўзини ўзи бошқариш органлари учун сиртқи таълим шаклида кадрлар тайёрлаш тизими жорий этилади.

🔸 Юнус Ражабий номидаги Ўзбек миллий мусиқа санъати институтида махсус сиртқи таълим ташкил этилади.

🔸 Республика ОТМнинг “5321000-Озиқ-овқат технологияси (маҳсулотлар турлари бўйича)” ҳамда “5410500-Қишлоқ хўжалик маҳсулотларини сақлаш ва дастлабки ишлаш технологияси (маҳсулотлар турлари бўйича)” таълим йўналишлари бўйича бакалавриатнинг кундузги ва сиртқи таълим шаклларига ўқишга қабул қилишнинг давлат буюртмаси параметрлари босқичма-босқич ошириб борилади.

👇
Ўқитувчилар учун телеграмда махсус каналга қўшилинг👇

http://t.me/Xalq_talimi_xodimlari