ليت من يدري بحبه وياثق من غلاه
لاسعى بجروح قلبي سعى بعلاجها .

ياشين الغياب الي بلا سبه و تبرير
غيااااب الي ما فكر بقلبي ولا حنه .

‏ليه اخذت القلب دامك ما تقدر عليه.
ليه قلت احبك دامك مانت قدها..؟

مايخاف المؤمن اللي فيه من ربه مخافه
‏مصدر الخوف الحقيقي واحد ماخاف ربه .

كبرت وكني اللي عاش عمره من ثمان عقود
وأنا ما زلت في سن الشباب ومنتصف عمري .

ترا حياة الفتى مهما قوى باسه
‏محفوفةٍ بالخطر والموت تابعها .

ما صار عندي فضول لا مرّوا العابرين
‏ وما صارت الناس تزعجني سخافاتها .

يصيبنا فالليل نوبات اكتئاب
ونطيب لا شفنا من الصبح سّفره .

‏أنا صدّيق الليل والتسهيد
‏كل السهارى حسبة أخواني .

وش ابي في طولة العمر جعله مايطوّل
كان هذا مقدم العمر وش عاد أخره .

‏أحر من وقع السيوف وأشدّ من طعن الرماح
‏لا صار فيك الهم باين وانت صامل تنّكره .

يا ملذّات العمر ما عاد يشغلني حماسي
ما تحرّى في حياتي غير ساعةٍ مستجابة .

فقدت الذرا والظّل والعرف والتوجيه
فقدت الحزام اللي لاتضايقت أتحزم بّه .

قل للمصايب ، والعنا ، والغرابيل
‏ترى شربنا مرها ،،،، وارتوينا

راس مالي خوة الكفو .. كساب الجميل
‏عزوتي في ساعة الضيق لاخاب الجبان

إن زان حظك الزم السر والصمت
‏وإن شان لا تجعل عدوك يشوفه

عسى منزلن ضمه حقوق الوسم تسقيه
‏وتضحك له الدنيا وهو يضحك حجاجه

تعيش المواقف ما تحلل مع الاجساد
‏دفنا النشاما ما دفنا جمايلها

صبرت وصبري عند الله مايضيع
‏عسى ربي يجازيني باللي تمنيته

خل الكلام وشد حيلك بالافعال
‏الفعل يذكر ، والسوالف سوالف .

ليت الأماني كل ماجّت على البال
يضحك لها الحظ الجميل وتحقق.