🔴 أيضا تساعد قيمة MCV ( حجم الكرية الوسطي) على تحديد وحصر أسباب فقر الدم :

1_ ال MCV منخفضة( بشوفها بكل الحالات التي يقل فيها توافر المواد الأولية الضرورية لتصنيع الكريات ) :


♦️ مين هيي المواد الأولية الضرورية لتصنيع الكريات:
حديد _ سلاسل الغلوبيولين _ الهيم

♣️لذلك تكون MCV منخفضة في حالات :

1_ عوز الحديد
2_ التلاسيميا ( كونه طفرة بتصيب سلاسل الغلوبيولين )
3_ التسمم بالرصاص ( يؤثر على أحد مراحل تصنيع الهيم)
4_ فقر الدم الالتهابي ( بالمراحل المتقدمة )
5_ فقر الدم بالأرومات الحديدية.


2_ ال MCV مزدادة ( تشاهد بالحالات التي يتأثر فيها تطور الكريات وتبقى بمراحلها الفتية الأولى كبيرة الحجم )

♦️ ويتأثر انقسام ونضج الكريات بحالتين
1_ المعمل خربان ( نقي العظم مرتشح بخلايا ورمية عم تاخد مكان الكريات الطبيعية المفروض تتطور )

2_ لا يوجد وقود لتشغيل المعمل ( عوز B9 B12 )

♣️ لذلك تكون MCV مزدادة في حالات :


1_ فقر الدم بعوز B9 و B12
2_ عسر تصنع النقي
3_ فقر الدم لفانكوني
4_ اي ارتشااح ورمي بالنقي ( كالابيضاض الحاد )


3_ ال MCV طبيعية

♣️ تشاهد في :

1_ حالات النزف أو الانحلال الحاد ( عم اخسر كريات من المحيط وعوض النقي بدالهن مافي شي أثر على حجم الكرية)

2_ فقر الدم الالتهابي ( المراحل الأولى)

🔴 الخطوات الصح لقراءة تحليل CBC وتقييم فقر الدم

1_ بتطلع عالخضاب العام HGB

2_ بتطلع عال MCV بتساعدني على حصر سبب فقر الدم

3_ بتطلع عالشبكيات لأعرف أتوجه واسأل حالي شو وضع النقي ( شغال ولا مو شغال )


🔴 هي التفاصيل العامة للتوجه بيبقى بكل نوع في معايير بتفرق ونحنا عم نذكرها خلال الشرح

يعطيكم العافية جميعا ❤️

هيك بتكون انتهت مناقشتنا لليوم
عم تكون المناقشات رديفة للكورس عم نحاول نشتغل ع نقاط محددة لنبني الية تفكير ومبادىء خاصة فينا بمادة الدموية ( بتقلل علينا كمية الحفظ )

بتمنى المشاركة تكون اكتر لأن هالشي الي بتناقشوه هون ما رح ينتسى

للاسبوع الجاي بكون انتهى كامل الكورس وبإمكاننا ننزل قصص سريرية متكاملة واتمتات ونكشات امتحانية

الدموية مادة بتنحط بالجيبة بس تندرس بذكاء وهاد الي عم اشتغل عليه

تابعوا معنا رح تلاقوا فائدة كبيرة
بالتوفيق للجميع ❤️❤️

يعطيكن العافية دكاترة 😃
المشاركة بالنقاشات عم تكون كتير ضعيفة والأسئلة الي عم تجيني عالخاص كتيرة .. نحنا عم نعمل النقاشات والتصويت عالوقت الي بناسبكن كرمال تكون الفائدة لألكن أكبر ما يمكن والتفاعل مع الأسئلة والنقاشات رح يخليكن تتذكرو هي المعلومات أكتر من الحفظ البصم بتمنى منكن الأسئلة الي عالخاص تكون هون مشان الكل يستفاد .. بالأخير نحنا بهمنا تستفادو من كل كلمة ومن كل دقيقة عم تقضوها معانا عالقناة.
وهلأ رح نزل تصويت مشان الأقناد والأسئلة عن البحث إذا ما بتحبو اليوم والكل مشغول لأنو عيد فينا نأجل للأسبوع الجاي بس بشرط الكل يكون محضر.
كل سنة وأنتو سالمين
وموفقين بدراستكن 🔥💜

خلص جهزو حالكن الأسبوع الجاية الأربعاء 🔥
وينعاد عالجميع بالخير 💜

يعطيكن العافية 🔥

كونوا جاهزين اليوم عال 9

رح نكمل مناقشة واسئلة واتمتات بأول فيديوهات فقر الدم ( الأعراض والعلامات السريرية+ فقر الدم بعوز الحديد + فقر الدم الالتهابي ) 🔥🔥