انتبهو منيح ع هاد السؤال الغالبية مجاوبين خطأ
المرة الماضية حكيت ملاحظة أنو هاشيموتو يترافق مع زيادة خفيفة بحدوث اللمفوما

هي الفقرة جاي منا سؤال مرة بالامتحان وأفكارا بسيطة ركزوها منيح

كنت حابي خلي القصص السريرية والعينات للنهاية
بس مع الاسف لأن مافي اي حماس
رح اعطيكم هالتحليل خبرونا عنو

يعطيكن العافية جميعاً ❤️❤️

كونوا جاهزين اليوم المسا عال 9 رح نتناقش ببعض الأفكار المهمة بفيديو فيزلووجيا الدم 2 ورح نبدا ننزل اتمتات عن فقر الدم

احضروا الفيديوهات وانشالله بتتثبت الأفكار اكتر بالمناقشة 🔥🔥

ينعاد عالجميع بالصحة والخير🩷🩷انشاالله نفرح بتفوقكم🩷

بما انو التفاعل قليل
راح اعطيكن الخلاصة الدهبية لأهم افكار فيزيولوجيا الدم بتمنى كتير تبقى ببالكم والي عندو اي استفسار يكتبو بالتعليق ومنتناقش فيه 🔥🔥

❤️مبادئ دموية هامة

🔴أهم العوامل الناظمة لتشكل الكريات الحمراء

1_ سلامة المعمل ( نقي العظم )
2_ توافر المواد الأولية اللازمة ( الحديد )
3_ توافر الوقود اللازم لتصنيع الخلايا ( B9 _ B12 )

* لذلك بحال صار في مشكلة بالنقي ( ارتشح بمواد سرطانية مثلا ) أو صار في عوز بأحد المكونات الأساسية ( Fe _ B9 _ B12 ) رح يقل تصنيع الكريات ورح يتطور لدى المريض فقر دم مررررركزي ( ليششش ؟ لأن الخلل صار في عملية تصنيع الكريات )


* بينما عندما تتصنع الكريات بشكل نظامي من النقي ويتم تخربها وانحلالها في المحيط ( ضمن الطحال أو ضمن مجرى الدم ) لذلك رح يتطور لدى المريض فقر دم نتيجة خسارة هالكريات من المحيط و يدعى فقر دم محيطي المنشأ .

🔺اذاااا

🔴 فقر الدم Anemia : هو انخفاض كتلة الكريات الحمراء بالجسم وهاد الشي بيصير بحالتين :

1_ النقي ( المعمل ) فيه مشكلة ماعم يصنع هالكريات وهاد منسميه فقر دم مركزي

2_ عم نخسر هالكريات من المحيط ( عم ينحلوا هالكريات ) بشكل أكبر من قدرة معاوضة النقي وهاد منسميه فقر دم محيطي .



🔴الشبكيات تساعد على تقييم وظيفة النقي.

🔺لذلك بحالات فقر الدم مركزي المنشأ ( الخلل بالنقي ) تنخفض الشبكيات.

🔺بينما بحالات فقر الدم المحيطي ( الانحلالي ) ترتفع الشبكيات.


♦️لذلك تعد الشبكيات مشعر هام لتحديد مكان فقر الدم وحصر أسباب فقر الدم.

🔴ومتل ما حكينا ضروري نعرف صفات الخلايا الفتية ونفرقها عن الخلايا الناضجة :

♦️الخلايا الفتية بتكون :

1_ حجمها أكبر
2_ عدد فصوص النواة اكتر
3_ سيتوبلاسماها قاعدية التلون ( لونها اغمق اكتر )

🔴إذا شفت باللطاخة المحيطية أشكال خلوية بتحوي أحد هالصفات معناها بتوجه انو هي خلية فتية لسا ما نضجت ⏪⏪ وهاد الشي مؤشر هام انو في مشكلة مرررررررركزية بالنقي ( من الي حكيناهن فوق ) تعيق تطور ونضج هالخلايا فلازم دور عليها.

معناها هلا جاوبوني 🔥
1_ كيف بقدر ميز بين فقر الدم المركزي والمحيطي مخبريا ومن ناحية الأسباب المحدثة ؟

1_ ما أهمية الشبكيات في تقييم فقر الدم ؟

🔴 أيضا تساعد قيمة MCV ( حجم الكرية الوسطي) على تحديد وحصر أسباب فقر الدم :

1_ ال MCV منخفضة( بشوفها بكل الحالات التي يقل فيها توافر المواد الأولية الضرورية لتصنيع الكريات ) :


♦️ مين هيي المواد الأولية الضرورية لتصنيع الكريات:
حديد _ سلاسل الغلوبيولين _ الهيم

♣️لذلك تكون MCV منخفضة في حالات :

1_ عوز الحديد
2_ التلاسيميا ( كونه طفرة بتصيب سلاسل الغلوبيولين )
3_ التسمم بالرصاص ( يؤثر على أحد مراحل تصنيع الهيم)
4_ فقر الدم الالتهابي ( بالمراحل المتقدمة )
5_ فقر الدم بالأرومات الحديدية.


2_ ال MCV مزدادة ( تشاهد بالحالات التي يتأثر فيها تطور الكريات وتبقى بمراحلها الفتية الأولى كبيرة الحجم )

♦️ ويتأثر انقسام ونضج الكريات بحالتين
1_ المعمل خربان ( نقي العظم مرتشح بخلايا ورمية عم تاخد مكان الكريات الطبيعية المفروض تتطور )

2_ لا يوجد وقود لتشغيل المعمل ( عوز B9 B12 )

♣️ لذلك تكون MCV مزدادة في حالات :


1_ فقر الدم بعوز B9 و B12
2_ عسر تصنع النقي
3_ فقر الدم لفانكوني
4_ اي ارتشااح ورمي بالنقي ( كالابيضاض الحاد )


3_ ال MCV طبيعية

♣️ تشاهد في :

1_ حالات النزف أو الانحلال الحاد ( عم اخسر كريات من المحيط وعوض النقي بدالهن مافي شي أثر على حجم الكرية)

2_ فقر الدم الالتهابي ( المراحل الأولى)

🔴 الخطوات الصح لقراءة تحليل CBC وتقييم فقر الدم

1_ بتطلع عالخضاب العام HGB

2_ بتطلع عال MCV بتساعدني على حصر سبب فقر الدم

3_ بتطلع عالشبكيات لأعرف أتوجه واسأل حالي شو وضع النقي ( شغال ولا مو شغال )


🔴 هي التفاصيل العامة للتوجه بيبقى بكل نوع في معايير بتفرق ونحنا عم نذكرها خلال الشرح