إذا بتسأل اي طالب من دفعة 2023 تابع مع قناة موكا السنة الماضية ايا مادة اكتر شي حبيتا غالبا رح يقلك الداخلية الهضمية يلي كانت مع الدكتور أسامة ❤️🔥

بهي السنة وبعد تخرج الدكتور أسامة بمعدل 88.5% رح يعيد تسجيل المادة بس هالمرة بثقة أكبر .. خبرة أكبر .. همة أكبر .. وبدل ماتكون فويسات صوتية هالمرة من خلال فيديوهات وسلايدات كاملة رح نغوص فيها بأعماق المادة ونفهم كامل تفاصيلها

بحيث تتحول لوحدة من أجمل مواد الوطني على الإطلاق لهيك الكل يحضر الفيديو ويتابع مع الدكتور أسامة وانشالله ينال الشرح اعجابكم ❤️❤️👇🏻
https://www.youtube.com/watch?v=Qw8ApWLX0AU

لطالما دوماً هناك من يكبرون بإنجازاتهم لا بأعمارهم ..
وأن السنة بأيامها الكثيرة لا تعبّر عن مقدار الإنجاز الذي تم حصده ..
ومن بدايتها سنةٌ جديدة تكللت بالتعاون معهم لتقديم كلّ ما يحتاجه طالب الطب في سوريا للامتحان الطبّي الموحّد ..
لنبارك لهم بعاماً جديداً مليء بالنجاح والتميّز للفريق الذي اتخذ من اسمه شعاراً ..

فريق #Medboss العظيم الذي جمع أوائل سوريا في مكان واحد مليء بالصدق والأمانة العلمية والجودة الاحترافية ❤️

ومن اسمه وبتعاونه أطلقنا رسمياً مشروعنا #XCourse ليكون وسيلة الوصول إلى المعدل بأيدي كادر قوّي فخم من أطباء سوريا ❤️

مبارك #Medboss الذي للدقة والأمانة اثبت انه فعلا ال #Boss ❤️

كل عام وأنتم بخير ميدبوس بمناسبة الذكرى السنوية لتأسيس أهم وأروع كادر طبّي لطلاب السنة السادسة في سوريا ومبارك لكم إنجازاتكم ❤️

https://t.me/MedBOSS_Team

#XRay_Team
#XRay_App

بطريق الطب الطويل كلنا بحاجة لحدا يدعمنا وخاصة بفترة الامتحانات لما نكون متوترين وخايفين ومو عرفانين من وين نبلش وكيف ندرس هالمادة وكيف بدنا نميز هي الحالة عن غيرا وكتير تفاصيل منغرق فيها وبنصير ندور على أي شي ممكن يساعدنا فكيف اذا كانت هي الفترة هيي على مدى سنة كاملة🥺💔

ولأنو كلنا مرينا بهي المرحلة ومنعرف الشعور يلي انتو فيه هلق قررنا نكون معكم ونقدملكم كلشي منقدر عليه كمحاولة لنخفف من وطأة الشعور يلي عم يغلي جواتكم 🔥❤️

ولأنو كل حدا فينا عندو شغف بمكان معين مكان طول عمرو بيحلم يكون فيه أو يوصلو❤️ أنا إيمان شغفي كان وح يضل من لما خطيت أول خطوة بطريق الطب ويمكن من قبل هيك بكتير هو طب الأطفال 💛

ولهاد السبب اخترت كون معكم بكورس مادة طب #الأطفال لحتى ندرس سوا ونتعلم سوا كل التفاصيل الحلوة لهالمادة❤️😍

شو ح نلاقي بهاد الكورس؟🤔

✔️خلال هاد الكورس حاولت إني ركز على كل الأفكار الهامة يلي ممكن تكون أفكار امتحانية اشرحها بأسلوبي الخاص حتى سهل دراسة المادة عليكم 💛❤️

✔️اعتمدت على عرض الحالات السريرية على شكل قصص نموذجية قد ترد كنص سؤال والتنبيه على العرض المميز لكل حالة هاد الشي بساعدنا نتوجه مباشرةً للحالة بدون ما نضيع بباقي التفاصيل ❤️

✔️إضافة صور وفيديوهات بتساعد على فهم الحالة ومقاربتا بشكل أفضل وبنفس الوقت بتقويلنا الجانب السريري 🥰

وبالأخير ما عندي شي قولوا إلا إني بتمنالكم من كل قلبي كل التوفيق والعلامات الحلوة وانشالله تكونوا عم تستفادوا من كلشي عم نقدموا سواء أنا أو أي حدا من زملائي بهالمشروع الحلو ❤️❤️

مشروع XCourseانطلق ليكون معكم رفيق وفي بهالطريق الطويل ❤️🔥

وهي رابط الفيديو الأول التمهيدي للمادة
https://youtu.be/Cb544bSYlvA?si=19ljTHP8cXqlYWk2

كل الحب الكم مني ومن كل الكادر ❤️
ناطرين آراءكم بفارغ الصبر💛

د.ايمان مصطفى

كورس جديد مع مادة تقيلة ومهمة وهالمرة مع الدكتورة إيمان مقيمة في طب الأطفال في دمشق والثانية على جامعة البعث بالوطني بعلامة 91 ❤️🔥

ضمن الكورس رح تشرح الدكتورة ايمان المادة بكامل تفاصيلها باسلوب مبسط وسهل ورح تضل متابعة على قناتها الخاصة بعرض حالات سريرية وملاحظات واختبارات مفيدة على قناتها بالرابط
https://t.me/DREmanpediatric

ولاتنسو تحضرو الفيديو الأول وبانتظار ارائكم فيه ❤️❤️
https://youtu.be/Cb544bSYlvA?si=19ljTHP8cXqlYWk2

بين عجقة المواد📚📚وضغط الوقت عليكن📘
تعالو شوي لنحكي عن مادة خفيفة نضيفة ومضمونة📈

مادتنا المحبوبة اليوم هيي #الجلدية🔍
معي أنا الدكتورة نبال خليل خريجة طب بشري 2023 من جامعة طرطوس 💚

يللي بيصير مع أغلبنا انو بحكم الضغط الكبير من مواد السنة السادسة أغلبنا ما بيقدر يترك وقت كافي للعيادات عموما ومنها الجلدية
ومنضل نحس انو فيها نقص 💔😢

لهيك رح نكون اليوم سوا بفكرة مميزة🔥
والأولى من نوعا واللي هيي كورس الجلدية ✨

شو نعمل نحن بالجلدية بهاد الكورس😈؟

📌رح نعتمد بالشرح على الصور الكتيرة ونبني سوا ذاكرة بصرية قوية لكل المادة تسهل
علينا الدراسة وتختصر الوقت

📌رح نعرض حالات سريرية مهمة

📌رح ننوه عأفكار كتيرة بسيطة ولكنها كتير وارد تجي بالامتحان بهيئة اسئلة وصياغة جديدة

📌رح نكون معكن بقناة خاصة لنتابع فيها سوا كل الاسئلة اللي ممكن تخطرلكن وكمان نعمل فيا
كويزات هامة لهي المادة

📌أهم نقطة رح يقدملك ياها هادا الكورس هيي #الوقت⏳
رح ندرس المادة بوقت قياسي ما يشكل عليك عبء أو ضغط بنفس الوقت ضامن كل الأفكار
بهالمادة وفهمانا تماما

📌بالمختصر نحن رح نضب الجلدية بالجيبة🪬💯
ورح اترككم مع الفيديو الأول للمادة بعنوان:
#أورام_الجلد_الخبيثة 👌
https://youtube.com/watch?v=jV3CbY4bIHc&si=t63htf9QP7drqrrp

مشروع X_Course# مصمم خصيصا إلكن وليرافقكن بهالمشوار ونكتب قصة نجاح
مميز ناطرينه منكن❤️

منتمنالكم كل التوفيق والكم منا كل الحب والدعم❤️

د.نبال خليل

كورس جديد ومميز جداً و فريييد من نوعه!

لأول مرة رح تتقدم #الجلدية بكورسات مصوّرة بتعتمد عالذاكرة البصرية وربط المعلومات 👌

مع الدكتورة المميزة نبال خليل ❤️

احضروا الفيديو الأول ولا تنسوا تعطونا رأيكم:
https://youtube.com/watch?v=jV3CbY4bIHc&si=t63htf9QP7drqrrp

#X_Course_Project

الفيديو الثالث ، مجّاني متوفّر على يوتيوب
الرحى العداريّة كاملاً

الغلط بالرحى العداريّة بيبدأ بالالقاح ، نطاف او بيوض عديمة النوى، مناعة الام ترفضها فيحدث استحالة بالخلايا الزغابية وتمنع تطور المضغة وتتحول لحويصلات بلا اوعية دموية = عدم تطور الجنين

شرحه كاملاً على يويتوب :

https://youtu.be/kZJDEO2274k?si=B6hOGZQTnqPQmPUm

ملحوظة : مقدار المشاهدات عالفيديوهات بتشكّل حافز اني نزلكم فيديوهات مجانيّة .. لذلك نحضر اكتر كرمال نزلكن اكتر
موفقين ❤️

وهلا صار دور العينية..👁
محبوبة جماهير الوطني اكيد🤭
حاليا ماضل في داعي لضل العينية المادة العاملة أزمة لطلاب السادسة بالفهم   او لشرح الأفكار .. رح تصير معنا أسلس ان شالله ❤️❤️
معي انا الدكتورة هبة عبود مقيمة عينية بمشفى العيون الجراحي بدمشق خريجة 2022 جامعة تشرين بمرتبة الاولى على جامعة تشرين والثالثة على سوريا بالفحص الوطني

لهيك قررنا نعمل مشروع كورسات xcourse  بحيث نشرح المواد صوت وصورة  بالاعتماد على نوطةMedboss  ونكون أقرب لالكن وانا حكون معكن بمادة العينية بحيث:

✔️نشرح الافكار العامة بالدورات وننوه عليها لتتركز تماما

✔️نربط النظري بحالات ومسائل عملية عم نشوفها بالمرضى

✔️نركز ع صور  لفهم الافكار وشرح تفاصيل الصور كمان بحيث منكون اعتمدنا ع الذاكرة البصرية والسمعية بنفس الوقت👌

✔️ الشرح رح يتم بالاعتماد على نوطةMedboss2024 للعينية باعتبار انها كافية للفهم وايضا جامعة لاسئلة دورات جامعات ومسائل سريرية
رح كون معكن بغروبي بحيث ننشر عليه اسئلة ونقاشات من الكورسات العم اشرحها

وهي رابط غروبي لنشر الاسئلة👇
https://t.me/OxnBpxbp2WNiOTY0

وهي فيديو عينية من شغلي ضمن فريق الكورسات بتمنى تعطوني رأيكم بالبداية مع #الأجفان :
https://youtu.be/54WJsBJjpag?si=aCKi9-yZHs2oMIO_

#X_Course_Project

مادة السهل الممتنع 🤩

رح تصير أسهل وأريح مع الدكتورة هبة عبود ( طبيبة مقيمة باختصاص العينية سنة ثانية) يلي ح تقدم المادة بفيديوهات مصوّرة بطريقة سهلة الربط والحفظ 😍

بداية بالأجفان:
https://youtu.be/54WJsBJjpag?si=OFoPA32YUgOA8HEd

بكرا ح نختم العياداات انطرونا 🤩
#X_Course_Project

بعد انطلاق مشروع XCourse ولحتى نكون اقرب منكم ونجاوب على كل الاسئلة يلي ببالكن ساوينا غروب جديد خاص بالتواصل
https://t.me/XCourseGroup

رح نكون متواجدين فيه للمساعدة والمتابعة معكن ونجاوب على ايا سؤال علمي أو توضيح لفكرة أو شي تقني متعلق بالتطبيق والاشتراك بالكورسات وغيرو

واليوم المسا في موضوع مهم رح ناخد رأيكم فيه وقريبا انشالله رح نساوي بث مباشر مع بعض على التلغرام لهيك الكل ينضم على الغروب وخلوكن متابعين معنا ❤️❤️

ولاتنسوا تحضرو العينات يلي نزلت واليوم رح ينزل 2 فيديوهات جديدة واحد عن القلبية للدكتور حسن اسماعيل والتاني عن الهضمية للدكتور أسامة الحوراني بتلاقوها بالرابط 🔥🔥
https://www.youtube.com/@X-Raymedical-cb4bm/videos

معقول السعال الليلي يكون من أبكر أعراض قصور القلب؟! كيف ممكن يكون فيه عند الشخص قصور قلب مع انو نتاج القلب زايد؟  كيف بيعمل التهاب بلعوم بالعقديات داء قلبي رثوي مزمن؟! ليش بصير نبضان بكل أعضاء المريض تقريبا بسياق قصور الصمام الأبهري؟ شو هو خافض الضغط يلي فيني أوصفه ع الهاتف؟ شو هو ثلاثي بيك؟ طيب ثلاثي بارلو؟ ...

كيف بدنا نحفظ و نتذكر اصغائيات الصمامات؟ وتبدلات التخطيط بامراض القلب ؟ و شو الحل مع اللانظميات و أدويتها ؟ من وين بدي راجع الدورة القلبية و مخطط النبضان الوداجي و فزيولوجيا التوتر الشرياني؟... ..

أهلا وسهلا بكم أعزائي ببحر القلبية المادة الأصعب و الأدسم من مواد الفحص الوطني و أكثرها حاجة للفهم وصاحبة النصيب الأكبر من عدد الأسئلة (+20سؤال ما بين داخلية وأطفال و جراحة )

تابعوا معي ع قنوات the internist (يلي عنده عدد مجلدات كبير هي رابط القناة الأساسية) لنتعرف أكتر ع أهم أبحاث المادة كيف بتندرس، شو النكشات بكل واحد فيها وين لازم نتوسع شوي و وين لا وين بكفي نفهم و وين لازم نبصم ..

بترككم هلق مع الفيديو الأول عن اليات قصور القلب وبتمنالكم مشاهدة ممتعة❤️

لا تنسوا تعطوني آرائكم و اقتراحاتكم بس حضرتوا الفيديو
https://youtu.be/rP8MH_CUIkA?si=sDIO63l1I_fllE0u

كل التوفيق الكم
د. حسن أديب اسماعيل ( مقيم باختصاص أمراض الجهاز الهضمي - جامعة دمشق)

صار دور وحدة من أهم وأصعب مواد السادسة .. الداخلية #القلبية وهالمرة بأسلوب جديد مع الدكتور حسن رح نفهم فيها كامل المادة 🔥

الدكتور حسن سبق وشارك باعداد عدة كورسات صوتية السنة الماضية بمشروع موكا التطوعي وحازت على اعجاب واسع ورح يقدم 3 كورسات مميزة ل3 مواد هالسنة ضمن كورس اكس 🔥

اضافة لمتابعة خلال السنة ضمن قناته الجديدة المذكورة بالمنشور السابق ولاتنسوا تحضروا الفيديو وتعطونا رأيكم فيه ❤️🔥🔥
https://youtu.be/rP8MH_CUIkA?si=sDIO63l1I_fllE0u

يعطيكم العافية اصدقائي🔥
بعد مانزلنا فيديو المقدمة رجعنا بفيديو جديد من كورس مادة الباطنة الهضمية اللذيذة😋

الكورس لح يغطي مادة الباطنة الهضمية كاملة باذن الله وتم انجاز قسم منيح منه🔥

الفيديو التاني حيشرح موضوع غليظ شوي وكتير طلاب بتنزعج اثناء دراسته يلي هوي اورام الامعاء الدقيقة, بهاد الفيديو بسّطت طريقة نشوء الاورام تبع الامعاء وخصائصها واعراضها بطريقة سهلة تعلق بذهنك ان شاء الله وبحيث ازا نسيتو النظري الموجود بالنوطة تقدرو تستنتجوا انواع هالاورام واعراضها واختلاطاتها من خلال الفهم والرسومات الي رسمتها بهالفيديو

ملاحظة 1: حاولو (في حال بتقدرو) تحضرو الفيديو بدقة 720 او اعلى دقة ممكنة مشان الاشباع البصري للالوان وهيك لانو نحنا خففنا الدقة شوي مشان ينقص حجم الفيديو
اول مايشتغل الفيديو وقفوه شغلة 4 دقايق يحمل شوي لقدام بعدين بلشو حضروه في حال النت عنكون ضعيف ..ازا مافي امكانية دقة 360 منيحة للسلايدات فقط..بس للرسوم الي حأرسمها مو كتير ظريفة

رابط الفيديو على يوتيوب:👇
https://youtu.be/yBjUJlmJhUc?si=SfjCIC64mQDiHbnQ

ملاحظة هامة : كل مازاد عدد المشاهدات  عالفيديوهات بعرف انو انتو مهتمين وبتشكلي حافز اني نزلكم فيديوهات مجانيّة اكتر .. لذلك خلينا نحضر ونشارك رابط الفيديو مع رفقاتنا اكتر مشان نزلكن فيديوهات اكتر ان شاء الله🔥

مشاهدة ممتعة وبالتوفيق للجميع ❤️

فيديو جديد بعد منتصف الليل

حتى تحلا السهرة مع اكس كورس 😌❤️

شاركونا برأيكم لنقيس مدى التقبل للفكرة والحاجة الها ❤️👆🏻

إذا سبقك القطار حلّق بطائرة ❤️
شعار لازم يكون موجود معنا كلّنا بهالسنة الطويلة💪🏻

ولأن الضغط كبير سواء بالوقت أو بالمنهاج أو حتى بحالتنا النفسية حبيت تكون مادة #الأذنية أظرف شي بكل هالسنة معي أنا الدكتورة حلا شحود مقيمة جراحة عصبية وخريجة دورة 2023 بعلامة وطني 90

رح نشتغل على كورس حط فيه كل خبرتي ومعلوماتي وجهدي حتى نضمن الأذنية كاملة 👂🏻😎

الكورس رح يكون عبارة عن :

🧠لمحات تشريحية وفيزيولوجية مبسّطة مع عرض صور لإغناء المحتوى.
🧠شرح عن كافة الأمراض مع مناقشة حالات سريرية بطريقة تعتمد على المحاكمة والربط (وهيك اذا لعبو بأي سؤال رح تضمنو 😌).
🧠سلايدات تتضمن الزبدة والأفكار المهمة .
🧠التنويه على اسئلة الدورات ومناقشة الأسئلة الصعبة وكيفية الجواب عنها .
🧠قناة رح تابع فيها معكن لآخر السنة ورح ننزل فيها دورات الجامعات الهامة وملاحظات ونكشات المادة كلها .
🧠والأهم من هاد كلو الكورس رح يكون قصير بالمدة الزمنية بحيث ندرس المادة ونخلصها بوقت قصير .☠
🧠إضافة لدعم نفسي متل ماتعودتو عليني ورح كون رفيقتكم من هلأ حتى تقدمو الفحص وباركلكم بأحلى العلامات ❤️❤️

وهيك يا دكاترتنا الرائعين فيكن تشيلو هم الأذنية عنكم ورح تتحول المادة لوحدة من المواد السهلة الحلوة سوا مع بعض انشالله❤️✨

كلّني أمل فيكم وبتمنالكم التوفيق 🦋❤️

وهي رابط أول فيديو وبانتظار ارائكم ❤️❤️
https://youtu.be/7nobQ4aw-TY?si=_Wt22FNPreDgF-2W

د.حلا شحود

وليكون ختامها مسك هلا صار دور مادة الداخلية الدموية😌 معي انا الدكتور أشرف ضوا خريج 2023 بمعدل 84 ومقيم أذنية في مشفى حماة الوطني.

🔥 أولشي لنحكي كلمتين عن المادة
1_ الدم من اكتر المواد الي محتاجة ترميم من خارج المرجع

2_ الها ارتباطات مع معظم الداخليات يعني اذا درسنا الدم وفهمناها بالشكل الصح ممكن نقدر نحل سؤال كلية مثلا..


🔥لهيك قررنا بمشروع X_Course انو نشرح المواد صوت وصورة بالاعتماد على نوطة Medboss المصدر الأشمل للامتحان الوطني ونغطي كل النكشات والثغرات الي تفاجأنا فيها بدورة ال 2023.

❤️شو الشي المميز بكورس الدم :

🔥 متل ما حكيت فوق الدموية من اكتر المواد الي محتاجة ترميم من خارج المرجع لهيك مافي داعي تتعذب وتدور ع أي شرح خارجي لفهم أي فكرة نحنا متعذبين عنكم ومدعمين الفكرة والمعلومة بكلشي بيلزما لحتى تكون متكاملة وبترتيبا الصح.

🔥 رح اعتمد بشرح المادة ع مبدأين هامين ( نفهم صح ونتطرق للمعلومة من كل زواياها + نرتب أفكار المادة ليسهل استحضار المعلومة ) يعني رح نبدا بالفيزيولوجيا الطبيعية لتطور السلاسل الدموية، بعدين ننتقل للأمراض والاستقصاءات الدموية ، رح نحدد بدقة موقع الخلل بكل مرض دموي وعلى أساسو رح نعرف شو الأعراض السريرية الي رح يراجعنا فيها المريض ( بمجرد عرفنا على أي مستوى خلوي عم تصير المشكلة أرومة ولا خلية ناضجة مثلا ) كل هالقصص رح تصير واضحة وبسيطة معنا انشالله 😌


🔥رح ادعم شرحي للمادة بقصص سريرية لتوسع نظرتنا ورؤيتنا للأمراض الدموية، ورح اعتمد على جداول لنفرق بين القصص الي بتشبه بعضا.

🔥 رح يكون في غروب أو قناة رديفة عالتلغرام نتناقش فيها سوا بمعظم نكشات الدورات ونكون قريبين منكم بأي تساؤل بيخطر عبالكم.

🔥 طبعا ما رح ننسى انو الوقت رح يكون مثالي و مناسب للجميع، مدة الكورس رح تكون حوالي 7ساعات ننهي فيها ونضمن كامل الدموية 😌

وهي الفيديو الأول صار عاليوتيوب لتشوفوا طريقة الشرح في الكورس ❤️👇🏻
https://youtu.be/TK7elj3Xq1o?si=0qcyxWjWj253rR1U

داخلية جديدة رح نغوص بتفاصيلها مع الدكتور أشرف بأسلوب جديد وشرح مبسط وممتع ❤️🔥

لا تنسوا تحضرو الفيديو وتعطونا رأيكم فيه 😍👇🏻
https://youtu.be/TK7elj3Xq1o?si=0qcyxWjWj253rR1U

إضافة لفيديو الأذنية للدكتورة حلا يلي حكت فيه عن تشريح الأذن خاصة انه بشكل مدخل للمادة وبساعدنا على الفهم والربط مع أمراض الأذن يلي رح نحكي عنها بالفيديوهات القادمة 👇🏻
https://youtu.be/7nobQ4aw-TY?si=_Wt22FNPreDgF-2W

المادة اللطيفة الخفيفة الظريفة صارت بالجيبة 🥰
صار دور الباطنة الغدية المادة الي دراستا معنا رح ترفع عندكن هرمون السعادة 💙💙
معي انا الدكتورة نجاة الشيخ حسن خريجة جامعة دمشق 2023 ومقيمة داخلية عامة دمشق ومدربة اسعافات اولية
الغدية هيي من المواد الي اذا فهمناها صح بتضمنو اسئلتا كاملة وهي مهمتنا بمشروعنا الجديد Xcourse الي رح يسهل عليكن رحلة الامتحان الوطني وهو مشروع مشترك بين جهات أثبتت وجودا بقوة بالأعمال الطلابية الي هنن فريق Medboss و Xray و قناة Nerd وأنا رح كون معكن بهاد الكورس بحيث :
✔ نعتمد بالشرح على الصور والكتابة والذاكرة البصرية بشرحنا من نوطة Medboss الغنية عن التعريف
✔ نوسع فهمنا للسريريات بحيث نضمن كمان أسئلة المقابلات السريرية
✔ وندقق على الافكار المهمة الي ممكن تجي بأسئلة الامتحان كصياغة جديدة بالإضافة أكيد للأسئلة المكررة
✔ ورح كون معكن بأي سؤال بيخطر عبالكن ونعمل كويزات لنتأكد من فهمنا
📌 أهم فكرة معانا هيي توفير الوقت يعني المادة بتخلص بوقت قياسي مع فهم كامل واسئلة دورات وطني وجامعات بالمختصر الوقت لعبتنا 🕶
ورح اتركن مع اول فيديو من المادة كمقدمة عنها
https://youtu.be/nWyGmWbiAe4?si=rh1B7-EabykP3M9x

وبداية ب #الغدة_الدرقية
https://youtu.be/50Yfff3FwZU?si=BuBkX1-seiJZHy9U

منتمنالكن كل التوفيق والنجاح بمشواركن وانشالله رح نمشي معكن خطوة بخطوة لتفرحو بأعلى العلامات
الكن منا كل الحب وأمنياتنا بالتوفيق والنجاح ♡