باقي على رمضان ثلاثة أشهر و13 يوم

لو بدأت تحفظ قرآن من بكره بمعدل وجه يوميا = هتحفظ خمسة أجزاء باتقان

ولو حفظت كل يوم وجهين = هتحفظ عشرة أجزاء

ولو حفظت ثلاثة أوجه = هتحفظ 15 جزء!

توكل على الله، وابدأ
وعلى قدر العزائم تؤتى الفتوحات

مين يتخيل إنك تحفظ 15 جزء ف 3 أشهر بس!!

ولو انتظرت اتساع وقتك مش هتحفظ ولا هتتقدم خطوة ف حياتك
والذين جاهدوا فينا لنهدينهم سبلنا

شوف حد ابدأ معاه وشدوا بأيدي بعضكما
ولو ربنا عز وجل رأى منك صدق العزيمك ؛ لأعانك

ها ، قولت أي؟!
هتبدأ.. إذا فالآن .

🌿السُّنّة الرابعة والستين🌿

عن عليِّ بنِ أبي طالبٍ رضيَ اللهُ عنه، عن رسولِ اللهِ صلَّى اللهُ عليه وسلَّم أنَّه: يكونُ مِن آخِرِ ما يقولُ بين التشهُّدِ والتَّسليمِ: (اللهمَّ اغفِرْ لي ما قدَّمْتُ وما أخَّرْتُ، وما أسرَرْتُ وما أعلَنْتُ، وما أسرَفْتُ، وما أنتَ أعلَمُ به منِّي، أنتَ المُقدِّمُ وأنتَ المُؤخِّرُ، لا إلهَ إلَّا أنتُ)

التطبيق:
قولي الدعاء ده بعد التشهد وقبل ما تسلمي من الصلاة ❤️

#سنن_مهجورة
#سنن_بعد_التشهد

🌴وصايا نبوية من خير البرية🌴
☘تابع الوصية العاشرة: " اجتنبوا السبع الموبقات "☘

نفتكر الحديث ونكمل حديثنا عن السبع الموبقات :

📌عن أبي هريرة رضي الله عنه، عن النبي صلى الله عليه وسلم قال:" اجتنبوا السبعَ الموبقاتِ . قالوا : يا رسولَ اللهِ ، وما هن ؟ قال : الشركُ باللهِ ، والسحرُ ، وقتلُ النفسِ التي حرّم اللهُ إلا بالحقِّ ، وأكلُ الربا ، وأكلُ مالِ اليتيمِ ، والتولي يومَ الزحفِ ، وقذفُ المحصناتِ المؤمناتِ الغافلاتِ " رواه البخاري ومسلم 

☘( أكلُ الربا ) الربا محرم بالكتاب والسنة والإجماع، وهو من الكبائر التي حرَّم الله تعالى التعامل بها،و جعل الله تعالى التعامل بالربا إعلاناً للحرب مع الله فقال تعالى: { : ﴿ يَا أَيُّهَا الَّذِينَ آَمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ وَإِنْ تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُون}

تخيل لما ربنا سبحانه وتعالى هو اللي بيحارب آكل الربا هيكون حاله إيه؟ 
هل فيه أكتر من محاربة الله واللعن والطرد من رحمته والعقاب من ربنا سبحانه وتعالى ؟
ومع ذلك كتير بيتهاون في أمر الربا 

ففي حديث عبد الله بن مسعود رضي الله عنه عن أبيه عن النبي صلى الله عليه وسلم قال: (( لعن الله آكل الربا، وموكله، وشاهديه، وكاتبه )) ، وقال: (( ما ظهر في قوم الربا والزنا إلا أحلوا بأنفسهم عقاب الله عز وجل ))رواه أحمد

☘( أكلُ مالِ اليتيمِ ) واليتيم هو من مات والده وهو دون سن البلوغ 
إنتم حاسين يعني إيه أكل مال اليتيم ؟ 
إن كل شربة ماء من أموال اليتامى بغير حق إنما هي نار تغلي في البطون، وكل لقمة خبز من أموال اليتامى بغير حق إنما هي نار تتأجج في البطون يقول تعالى : { إنّ الَّذِينَ يَأْكُلُونَ أَمْوَالَ الْيَتَامَى ظُلْمًا إِنَّمَا يَأْكُلُونَ فِي بُطُونِهِمْ نَارًا وَسَيَصْلَوْنَ سَعِيرًا}

🍃وقال الإمام الذهبي رحمه الله: "قال السدي رحمه الله تعالى: "يُحشر آكل مال اليتيم ظلماً يوم القيامة ولهب النار يخرج من فيه, ومن مسامعه, وأنفه, وعينه، كل من رآه يعرفه أنه آكل مال اليتيم"

☘( التولي يومَ الزحفِ ) وهو الفرار من الجهاد ولقاء العدو في الحرب
لأن هذا يضعف صفوف المسلمين وينشر الوهن في عزائمهم وفيه تخاذل كبير
وأخرج الترمذي وغيره من حديث بلال بن يسار بن زيد مولى النبي صلى الله عليه وسلم قال: سمعت أبى يحدثنيه عن جدى أنه سمع رسول الله صلى الله عليه وسلم يقول: ((من قال أستغفر الله الذي لا إله إلا هو الحي القيوم وأتوب إليه؛ غُفر له وإن كان فر من الزحف))

☘( قذفُ المحصناتِ المؤمناتِ الغافلاتِ ) هنا هنلاقي حرص الإسلام على عرض وكرامة الإنسان 
فأصل القذف: الرمي بالحجارة، وهو هنا رمي المرأة بالزنا أو ما كان في معناه ، والمحصنات المؤمنات الغافلات يعني الحرة البالغة العفيفة . وطبعا ده للرجال والنساء مش خاص بالنساء فقط 

🍃وقسم العلماء ألفاظ القذف إلى أقسام: صريح وكناية
فالصريح: هو اللفظ الذي يقصد به القذف ولم يحتمل غيره، مثل: يا زان، ويا زانية.

والكناية: هي اللفظ الذي يفهم من وضعه احتمال القذف، مثل: يا فاجر يا فاسق يا خبيث، ويا خبيثة يا فاجرة يا فاسقة، وفلانة لا ترد يد لامس، وفلانة تحب الخلوة، ونحو ذلك.

ربنا يستر أعراضنا جميعا

👈فلا تستهونوا بهذه الأمور لأنها مهلكة 

اللهم ارزقنا طاعتك، وجنِّبنا معصيتك، وأجرنا من الذنوب والمعاصي والكبائر إنك ولي ذلك والقادر عليه
#منة_الكريم
〰🌸🍃〰🌸🍃〰

تابعونا على قناة 🌷همسات الأوابين🌷
https://t.me/hamasatelawbin

بقينا نتكلم بغير لغتنا
ونتعامل بغير تاريخنا
ونحتفل بغير أعيادنا
طيب باقي من هويتنا وعقيدتنا إيه؟

رغم أن الأمر عقدي
إلا أن في بعض أمور العقيدة المسلمين بيتجادلوا ويتناقشوا ويقرروا إن هما بيعملوا الصح وبيعملوا اللي يؤلف القلوب بينهم وبين غيرهم من الديانات

أنت كمسلم بتهنئ النصارى بعيدهم ليه؟
في عقيدتنا، لك أن تهنئ جارك النصراني بنجاحه مثلا
ولك أن تعزيه في فقد عزيز عليه
ولكن مينفعش أبدا تهنئه بيوم هو بيعتقد أن الله أنجب فيه ولد!

تَكَادُ السَّمَاوَاتُ يَتَفَطَّرْنَ مِنْهُ
وَتَنشَقُّ الْأَرْضُ
وَتَخِرُّ الْجِبَالُ هَدًّا

أَن دَعَوْا لِلرَّحْمَٰنِ وَلَدًا

وَمَا يَنبَغِي لِلرَّحْمَٰنِ أَن يَتَّخِذَ وَلَدًا

كن مسلم قوي متمسك بعقيدتك ودينك
#عقيدة
#أبجديات_Online
#د_محمد_الغليظ

https://t.me/Elghalez

🌿السُّنّة الخامسة والستين🌿

عن معاذ بن جبل رضي الله عنه أنَّ رسولَ اللَّه صلَّى اللَّه علَيهِ وسلَّمَ أخذَ بيدِهِ، وقالَ: يا مُعاذُ، واللَّهِ إنِّي لأحبُّكَ، واللَّهِ إنِّي لأحبُّك، فقالَ: أوصيكَ يا معاذُ لا تدَعنَّ في دُبُرَ كلِّ صلاةٍ تقولُ: (اللَّهمَّ أعنِّي على ذِكْرِكَ، وشُكْرِكَ، وحُسنِ عبادتِكَ)

التطبيق:
بعد ما تقولي التشهد الأخير حافظي الدعاء ده (اللهم أعنّي على ذكرك و شكرك وحسن عبادتك) 🌸

#سنن_مهجورة
#سنن_بعد_التشهد

🌴وصايا نبوية من خير البرية🌴
☘الوصية 11: " أطعموا الطعام وأفشوا السلام " (الجزء الأول)

🌴" يا أَيُّها الناسُ ! أَفْشُوا السلامَ ، و أطْعِمُوا الطعامَ ، وصِلُوا الأرحامَ ، وصَلُّوا بالليلِ والناسُ نِيَامٌ ، تَدْخُلوا الجنةَ بسَلامٍ " . رواه أحمد والترمذي

🍃( أفشوا السلام ) وصية سهلة وبسيطة ولا تكلف أكثر من قول " السلام عليكم ورحمة الله وبركاته " لكن فوائدها كثيرة جدا وأهمها الغرض الأول من هذا الحديث وهو نشر التآلف والحب والمودة في المجتمع فعن أبي هريرة رضي الله عنه قال: قال رسول الله صلى الله عليه وسلم: (لا تدخلون الجنة حتى تؤمنوا، ولا تؤمنوا حتى تحابوا، أولا أدلكم على شيء إذا فعلتموه تحاببتم: أفشوا السلام بينكم) رواه مسلم

🌾بل السلام من حق المسلم على المسلم فعن أبي هريرة أن النبي صلى الله عليه وسلم قال: (حق المسلم على المسلم ست) رواه مسلم

🌾وإفشاء السلام من خير خصال الإسلام، فعن عبد الله بن عمرو رضي الله عنهما أن رجلا سأل رسول الله صلى الله عليه وسلم: أي الإسلام خير؟ قال: (تطعم الطعام, وتقرأ السلام على من عرفت ومن لم تعرف) رواه البخاري

💡أخدتم بالكم من قوله صلى الله عليه وسلم " تقرأ السلام على من عرفت 👈ومن لم تعرف👉"؟

🍁والمقصود بإفشاء السلام نشره والإكثار منه

🌾ومتبخلش على نفسك بالأجر وقولها كاملة جاء رجلٌ إلى النبيِّ صلى الله عليه وسلم فقال:" السلامُ عليكم فردَّ عليه السلامَ ثم جلس فقال النبيُّ صلى الله عليه وسلم عشْرٌ. ثم جاء آخرُ فقال: السلامُ عليكم ورحمةُ اللهِ، فردَّ عليه، فجلس، فقال: عشرون. ثم جاء آخرُ فقال: السلامُ عليكم ورحمةُ اللهِ وبركاتُه، فردَّ عليه، فجلس، فقال: ثلاثون." رواه ابو داود
🔺〰🔺〰🔺〰🔺

🍃( أطعموا الطعام ) لمن يطعم الطعام ؟ 👈لكل من يحتاج إليه

🌾وإطعام الطعام ليس للفقراء والأيتام فقط لكن إطعام الضيف من كمال الإيمان
بل الجيران لو طبختي ابعتي لجيرانك من الأكل حتى ولو كان شيء بسيط حاسة انه حقير ففي الحديث " يا نساءَ المسلماتِ ، لا تَحقِرنَّ جارةٌ لجارَتِها ولو فِرسِنَ شاةٍ " رواه البخاري
☘والفرسن يعني الكوارع

🌾و نسمع وصية من الرسول صلى الله عليه وسلم يوصيها لأبي ذر فيقول : " يا أبا ذرٍّ ! إذا طبَخت مرَقةً ، فأكثِرْ ماءَها ، وتعاهَدْ جِيرانَك " 

🌾بل إن إطعام الطعام يدخل فيه إطعام الزوجة والأولاد وأنه صدقة يقول صلى الله عليه وسلم : " وإنك لن تنفق نفقة إلا أجرت عليها حتى اللقمة ترفعها إلى في امرأتك " رواه البخاري ومسلم.

〰🌸🍃〰🌸🍃〰

تابعونا على قناة 🌷همسات الأوابين🌷
https://t.me/hamasatelawbin

#قصص_الأنبياء(٢)
#السيرة_النبوية
#الحلقة_مائتين_وثلاثة_وعشرين
#أحداث_السنة_العاشرة_من_الهجرة
#حجة_الوداع_الجزء_الأول
#بداية_الرحلة

اتكلمنا في الأجزاء الأخيرة عن بعض قصص الصحابة مع رسول الله ﷺ وبعض قصص الحديث النبوي، وأنا بصراحة كنت محتارة أكمل في قصص الحديث النبوي والصحابة ولّا أدخل في الكلام عن حجة الوداع😅
فلقيت إنها فرصة إننا نعيش نفس لحظات ذي الحجة مع رسول الله ﷺ،
سبحان الله، أنا لو حاولت أرتب الأحداث وأنظمها بحيث يبقى في تزامن بين حجة الوداع وبين أيام ذي الحجة إللي احنا فيها دلوقتي دي مش هعرف أضبطها كده🙈
فهو بترتيب من ربنا سبحانه، فعشان كده هنتكلم عن الحجة الأولى والوحيدة التي حجها رسول الله ﷺ في الإسلام😊

في أواخر شهر ذي القعدة من السنة العاشرة من الهجرة قرر رسول الله ﷺ الخروج للحج،
وعرّف الناس إنه هيخرج للحج عشان إللي عايز يخرج للحج معاه يبدأ يتجهز،
فوصل الخبر للناس حول المدينة فتجهزوا للخروج للحج مع رسول الله ﷺ،
خرج رسول الله ﷺ من المدينة باتجاه مكة ومعه زوجاته التسع كلهن وابنته فاطمة،
وخرج معه الصحابة رضي الله عنهم، وكل ده كان في آخر خمس أيام من شهر ذي القعدة، وكان يوم سبت،
خرج من المدينة بعد ما صلى الظهر أربع ركعات وذكّر الناس ووعظهم وعلمهم كيفية مناسك الحج،
وَصَل رسول الله ﷺ لمنطقة اسمها ذي الحُلَيْفَة، أو ما يُسمى في عصرنا دلوقتي آبار علي،
والمنطقة دي هي ميقات أهل المدينة، يعني المكان إللي يبدأ فيه الإحرام.

☆الإحرام معناه:
نية الدخول في حج أو عمرة، زي كده لما نيجي نصلي بتبقى نيتنا الدخول في الصلاة لما نقول تكبيرة الإحرام،
فكذلك الإحرام هو نية الدخول في حج أو عمرة لما نوصل المكان إللي هيبدأ فيه الإحرام👌
والأصل في الإحرام المنع،
يعني الواحد هيمتنع عن أشياء معينة هي في العادي حلال، لكنها في الوقت ده بالذات حرام عليه👌
والإحرام هو أول ركن من أركان الحج، يعني أول حاجة يبدأ بيها إللي عايز يحج أو يعمل عمرة💁‍♂️
والنية محلها القلب ، والتلفظ بها بدعة،
يعني إن الواحد ينوي الحج أو العمرة من قلبه عند الميقات، ولا ينطق بالنية دي؛
لأن رسول الله ﷺ لم يتلفظ بالنية سواء في الحج والعمرة أو في أي عبادة تانية، يعني مقلش نويت الحج والعمرة، أو نويت أصلي كذا وكذا أو....أو...
لأ، نية أي عمل صالح تكون في القلب👌

لما وصل رسول الله ﷺ لذي الحُلَيْفَة في نفس يوم السبت إللي خرج فيه؛ صلى فيها العصر ركعتين والمغرب ثلاث ركعات والعشاء ركعتين، وصلى فيها فجر يوم الأحد،
وبدأ الناس يأتوا من كل مكان، فجاء خلق كثير، وطبعا مفيش ولا واحد مشرك كلهم مسلمين،
لأن زي ما قلنا في أحداث السنة التاسعة نزلت الآية إن المشركين ممنوع يدخلوا مكة تاني👌

في الليلة إللي نامها رسول الله ﷺ دي جاءه جبريل عليه السلام في المنام وأمره إنه يصلي في واد العقيق،
قال رسول الله ﷺ:
" أَتَانِي اللَّيْلَةَ آتٍ مِن رَبِّي، فَقالَ: صَلِّ في هذا الوَادِي المُبَارَكِ، وقُلْ: عُمْرَةً في حَجَّةٍ"
وواد العقيق ده بيمر بمنطقة ذي الحُلَيْفَة إللي قاعد فيها رسول الله ﷺ دلوقتي وهيُحرم منها،
عشان كده العلماء قالوا إنه يُستحب للي عايز يحج أو يعتمر من منطقة المدينة إنه يصلي ركعتين في مسجد ذي الحُلَيْفَة قبل إحرامه أو يصلي فريضة إن كان وقت صلاة فريضة وبعدين يُحرم،
زي ما رسول الله ﷺ عمل، فهو صلى الظهر في يوم الأحد ده وأحرم بعد صلاة الظهر مباشرة.

◇هو احنا مش قلنا إن النية محلها القلب؟
إيه بقى إللي جاء في الحديث دلوقتي ده معناه إيه🤨
"وقُلْ: عُمْرَةً في حَجَّةٍ"

ده معناه إنه يذكر النُّسُك في التّلبيَة، يعني يقول:
اللهم لبيك عمرة، أو اللهم لبيك حج، أو اللهم لبيك حج وعمرة،
وهي دي إللي ربنا أمر رسول الله ﷺ بيها، أمره إنه يَقْرِن الحج والعمرة مع بعض، وده اسمه حج القِرَان،
فكده تبقى دي هي العمرة الرابعة التي اعتمرها رسول الله ﷺ،
الأولى كانت عمرة الحديبية إللي أهل مكة منعوه فيها، والتانية كانت السنة إللي بعدها واسمها عمرة القضية،
والعمرة الثالثة بعد فتح مكة بعد ما رجع من حنين ووزع الغنائم وكان اسمها عمرة الجُعرانة،
والعُمرة الأخيرة هي إللي كانت مع الحج👌

يبقى رسول الله ﷺ أحرم بالحج والعمرة مع بعض،
ولأن ده حج قِران فيجب على الحاج إنه يقدم هَدْي، والهدي معناه البهيمة من الأنعام سواء إبل أو بقر أو غنم زي الأضحية كده،
والحاج عليه هَدي واحد فقط، ولو زوّد فله أجر أعلى،
فرسول الله ﷺ ساق الهدي معاه وكان الهدي إللي ساقه معاه ثلاثاً وستين ناقة،
وجاء علي رضي الله عنه من اليمن بسبعة وثلاثين ناقة، فبقى العدد كله مائة بَدَنَة💁‍♂️

☆طيب لو واحد ملقاش هَدي يعمل إيه🤔
يعمل زي ما ربنا قال في سورة البقرة:
" فَمَن لَّمْ يَجِدْ فَصِيَامُ ثَلَاثَةِ أَيَّامٍ فِي الْحَجِّ وَسَبْعَةٍ إِذَا رَجَعْتُمْ تِلْكَ عَشَرَةٌ كَامِلَةٌ"
يعني إللي مش هيلاقي هدي سواء لأن مفيش مال أو مفيش حيوان يبقى الحاج يصوم ثلاثة في الحج يكون

أخر يوم للصيام هو يوم عرفة،
ولما الحاج يرجع لبلده يصوم سبع أيام تانية👌

☆ملحوظة:
الهدي ده خاص بكل حد غير أهل مكة، يعني أهل مكة المستوطنين مكة ليس عليهم هدي ولا صيام،
لكن أي حد جاي من برة مكة عليه هدي،
ولو ملقاش يبقى صيام العشر أيام زي ما قلنا👌
ربنا بيقول في باقي الآية إللي قلناها:
"ذَلِكَ لِمَنْ لَمْ يَكُنْ أَهْلُهُ حَاضِرِي الْمَسْجِدِ الْحَرَامِ"

◇طيب لو واحد مقيم في مكة بسبب عارض، يعني بسبب عمل أو دراسة أو...أو...هل كده يبقى معلهوش هدي زي أهل مكة🤔
هنا الموضوع يختلف، أي واحد موجود في مكة مقيم إقامة عارضة لسبب وهيترك البلد ويمشي ولو بعد فترة وعايز يحج حج قِران أو تَمَتُّع يبقى يجب عليه هدي،
لكن لو كان الحج مُفرِد يبقى معلوش هدي، ولو قدم هدي أفضل، لكن مش واجب زي القِران والتَمَتُّع.

☆حج القِران وحج التمتع بيبقى حج وعمرة مع بعض،
والفرق بين حج القران والتمتع هنعرفه الجزء الجاي إن شاء الله لما ييجي الموقف بتاعه مع الصحابة😅
أما حج المُفرِد فبيكون حج فقط من غير عمرة👌

يبقى كده يا جماعة رسول الله ﷺ خرج من المدينة راح ذي الحُلَيْفَة بات فيها وصلى تاني يوم الظهر واغتسل وتطيب وأَحرم ولبس ملابس الإحرام إللي هي الإِزَار والرّداء؛
لأن لا يجوز للمحرم إنه يلبس المخيط من الثياب،
وركب رسول الله ﷺ الدابة ولبى تلبية حج القِران اللهم لبيك حج وعمرة، وبعدها قال تلبية التوحيد:
" لبيك اللهم لبيك، لبيك لا شريك لك لبيك، إن الحمد والنعمة لك والملك لا شريك لك"
وساق مائة من الهدي عشان يذبحها قربة لله،
تماما كده😅

☆ملحوظة:
رسول الله ﷺ لما تطيب كان على جسده، وقبل عقد نية الإحرام ولم يضع الطيب على الإزار أو الرداء؛ لأن لا يجوز وضع الطيب أو العطر على ملابس الإحرام أو بعد عقد نية الإحرام👌

وبالنسبة للنساء في الحج فهي برده نفس الموضوع، زي ما رسول الله ﷺ عمل كده، تغتسل وتصلي وتعمل كل إللي رسول الله ﷺ عمله حتى لو كانت نفساء أو حائض، طبعا ما عدا الصلاة وإنها لا تتطيب، يعني متحطش عطر؛
لأن العطر للنساء محرم إذا كانت هتمشي وسط رجال،

ومن المواقف إللي حصلت في ذي الحليفة إن أسماء بنت عميس البحرية إللي اتكلمنا عنها قبل كده وقلنا إنها كانت زوجة جعفر بن أبي طالب وهي حاليا متزوجة من أبي بكر الصديق رضي الله عنه كانت حامل وولدت طفل اسمه محمد،

يعني هي كانت خارجة للحج وهي حامل فولدت😅
فأمرها رسول الله ﷺ بالاغتسال وإنها تلبي تلبية الحج عادي،
فالغسل هنا للاستحباب مش الوجوب، فلو كانت المرأة نفساء أو حائض تغتسل وبعدين تلبي تلبية الحج،

وبالنسبة لملابس المرأة في الإحرام فهي تلبس حجابها الشرعي عادي، ولا يشرط لبس معين زي الرجل كده، وطبعا اللبس إللي هتلبسه ميكنش فيه أي زينة ولا يلفت النظر ولا شكله جميل،
لكنها فقط لا تلبس《النقاب أو القفازين》،
لأن رسول الله ﷺ قال:
"لا تنتقب المرأة المحرمة ولا تلبس القفازين"
النقاب بيبقى قماشة كده منقوبة أو مخرومة خرمين أو خرم واحد، أو اسمه برقع وبيكون متفصل على أد الوجه،
زي ما القفاز أو الجاونتي متفصلين على اليد،
ده إللي مينفعش المرأة تلبسه،
محدش هنا ييجي يقول إن ده دليل على عدم فرضية النقاب😅
ده كده معناه بقى إن رسول الله ﷺ لما أمر إن الرجال ميلبسوش المخيط يبقى هيمشوا عريانين🙃
قال إن الرجال ميلبسوش المخيط بس يلبسوا لبس تاني يغطوا بيه جسمهم،
كذلك برده المرأة مش هتلبس النقاب لكن هتغطي وجهها في الإحرام زي ما عملت السيدة عائشة رضي الله عنها وباقي زوجات رسول الله ﷺ ونساء الصحابة،
قالت السيدة عائشة:
" كان ‏الرُّكبان يمرون بنا ونحن مُحرمات مع رسول الله ﷺ فإذا حاذوا بنا سدلت ‏إحدانا جلبابها من رأسها على وجهها فإذا جاوزونا كشفنا"
وقالت أسماء بنت أبي بكر نفس الكلام إللي قالته عائشة،
والمعنى إنهم وهم محرمات مع رسول الله ﷺ وكانوا كاشفين لوجوههن فإذا اقترب منهن الرجال تقوم كل واحدة منزلة من على رأسها من جلبابها إللي يغطي وجوههن،
أو بيغطوا وجوههن وأيديهن بالخمار إللي لابسينه،
وخدوا بالكم إن رسول الله ﷺ كان شايف فعل الصحابيات وفعل السيدة عائشة وباقي زوجاته،
يعني لو كان فعلهم غلط أو مثلا مش فرض كان رسول الله ﷺ قال لهم يخففوا شوية عن نفسهم بدل ما كل شوية يرفعوا وينزلوا،
لكن ده محصلش ورسول الله ﷺ لم يتكلم فده معناه إن فعلهم كان صحيح 👌

والحكمة في عدم لبس المرأة النقاب والقفازين بالذات في وقت الإحرام هي برده نفس الحكمة من النهي ‏عن جميع محظورات الإحرام للرجل والمرأة💁‍♂️
وهي التعبد لله بذلك👌
يعني الاستجابة لأوامر الله، قال مفيش تطيب ومفيش قص شعر ومفيش ...ومفيش....كل ده عشان نفهم إن الأمر كله لله وإن احنا ملناش غير إننا نطيع أمر الله وبس👌

خرج رسول الله ﷺ والصحابة والصحابيات على الهيئة إللي احنا شرحناها دي متجهين لمكة،
وهم يُلبُّون بتلبية التوحيد بعد ما كان عمرو بن لحي أضاف لها تلبية الشرك وكانت العرب على مر السنين بيرددوها،
فرسول الله ﷺ دلوقتي

قائد قافلة الحج دي بيبلي بتلبية التوحيد إللي قعد ثلاثة وعشرين سنة يناظر ويحاور ويقاتل عشان يوصلها لكل الجزيرة العربية😊
دي يا جماعة أول سنة يُقام فيها الحج بدون أي شرك أو مشركين من زمن عمرو بن لحي،
فتخيلوا مشاعر رسول الله ﷺ وهو في طريقه للحج بعد ما خلاص حقق هدفه بعد سنين طويلة من المعاناة🙊
يعني احنا مثلا بنشتاق ونفسنا نروح للحج،
والناس إللي بتروح للحج بتبقى فرحانة إنها هتؤدي الفريضة العظيمة دي،
فتخيلوا بقى مشاعر رسول الله ﷺ بالذات إللي محجش قبل كده، وحتى العمرات إللي عملها قبل كده كان فيها مشركين بيلبوا تلبية الشرك،
دلوقتي مفيش الكلام ده خلاص،
رسول الله ﷺ حقق إللي كان بيحارب وبيعاني السنين إللي فاتت دي كلها عشانه،
الناس جاية من كل اتجاه وهي تلبي تلبية التوحيد فقط،
ماهو في حج السنة التاسعة تم الإعلان إن محدش من المشركين هيدخل مكة تاني خلاص👌
مهما حاولنا نتخيل مشاعر رسول الله ﷺ في موقف زي ده مفيش كلمات تقدر توصف مشاعر رسول الله ﷺ في اللحظة دي👌

استمرت الرحلة دي حوالي أسبوع، يعني هو خرج من ذي الحليفة يوم الأحد وصل مكة يوم الأحد إللي بعده،
حصل إيه بقى بعد ما وصل مكة؟
ده إللي هنعرفه الجزء الجاي إن شاء الله 😊

مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

⭐المصادر⭐
https://www.islamweb.net/ar/fatwa/70768/

https://www.google.com/amp/s/www.aljazeera.net/amp/blogs/2018/7/19/%25D8%25AE%25D8%25B0%25D9%2588%25D8%25A7-%25D8%25B9%25D9%2586%25D9%258A-%25D9%2585%25D9%2586%25D8%25A7%25D8%25B3%25D9%2583%25D9%2583%25D9%2585-%25D9%2583%25D9%258A%25D9%2581-%25D8%25AD%25D8%25AC-%25D8%25A7%25D9%2584%25D8%25B1%25D8%25B3%25D9%2588%25D9%2584-%25D8%25A7%25D9%2584%25D9%2583%25D8%25B1%25D9%258A%25D9%2585

https://binbaz.org.sa/fatwas/6864/صفة-حج-النبي-عليه-الصلاة-والسلام

https://islamqa.info/ar/answers/31821/التلفظ-بالنية-في-الحج-والعمرة

https://www.alukah.net/sharia/0/73319/

https://dorar.net/hadith/sharh/3302

https://binbaz.org.sa/fatwas/12677/استحباب-الصلاة-في-مسجد-ذي-الحليفة-قبل-الاحرام

https://www.islamweb.net/ar/fatwa/11923/عدد-العمر-التي-أداها-رسول-الله-صلى-الله-عليه-وسلم

https://www.alukah.net/sharia/0/73950/

https://binbaz.org.sa/fatwas/16511/صفة-مناسك-الحج-الثلاثة

https://binbaz.org.sa/fatwas/10952/حكم-الهدي-على-من-تمتع-بالعمرة-الى-الحج-وهو-من-اهل-مكة

https://binbaz.org.sa/fatwas/5222/صفة-لباس-المراة-المحرمة

https://www.islamweb.net/ar/fatwa/7088/هل-تغطي-المرأة-وجهها-وكفيها-بغير-النقاب-والقفازين-إذا-كانت-محرمة

https://islamqa.info/ar/answers/194704/تطيب-بعد-الاغتسال-ولبس-الاحرام-فماذا-عليه

https://islamqa.info/ar/answers/223070/الهدي-الواجب-على-الحاج-ومكان-ذبحه

فلوسي وفلوسك
#الميثاق_الغليظ