?

ده إللي هنعرفه الجزء الجاي إن شاء الله 😁

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

عنه في الجزء الرابع والثمانين لو تفتكروا😅

المهم،
لما أنس تطوع بإنه يحرس رسول الله ﷺ وجيش المسلمين رسول الله ﷺ أمره إنه يركب على فرس ويتوجه ناحية الشِّعب الموجود في المنطقة دي لحد ما يوصل لأعلاه،
والشِّعبُ هو الطَّريقُ بينَ الجَبَلَينِ، وقال له رسول الله ﷺ:
" لا نُغَرَّنَّ مِن قِبَلِك اللَّيلةَ"
يعني خليك مفتح وصاحي ومركز عشان العدو ميهجمش علينا وانت نايم ومش واخد بالك واحنا معتمدين عليك،
فانطلق أَنَس لأعلى الشِّعب وقعد يحرس،
فلما جاء الصبح، خرج رسول الله ﷺ للمكان إللي بيصلوا فيه فصلى ركعتين، وبعدها قال للصحابة:
هل أحسَسْتُم فارِسَكم؟
يعني حد شاف أنس او سمع صوته، فقال الصحابة:
" يا رسولَ اللهِ، ما أحسَسْناه"
يعني محدش فينا يعرف عنه حاجة🤷‍♂️
فأُقيمت الصلاة،
"فجَعَل رسولُ اللهِ ﷺ وهو يُصلِّي يَلتَفِتُ إلى الشِّعبِ"
يعني بقى ينظر بطرف عينه ناحية الطريق إلى الجبل، فلما خلّص صلاته قال:
"أبشِروا فقد جاءَكُم فارسُكُم"
فالصحابة قعدوا ينظروا من خلال الشجر الموجود في الشِّعب فلقوا أنس جاي على فرسه،
وجاء ووقف عند رسول الله ﷺ وقال له إنه راح في المكان إللي رسول الله ﷺ أمره يروحه وقعد يدوّر على جانبي طريق الجبل ونواحيه عشان يشوف إذا كان في حد مستخبي ولاّ حاجة؛ فملقاش حد،
فقال له رسول الله ﷺ:
" هَل نزَلْتَ اللَّيلة؟"
يعني هل نزلت من على الفرس بتاعك الليلة دي،
فقال له أنس إنه فضل قاعد على الفرس طول الليل ومكنش بينزل من عليه إلا لو عشان يصلي أو يقضي حاجته من بول أو غائط،
فقال له رسول الله ﷺ:
" قد أوجَبْتَ فلا عليكَ أن لا تَعملَ بعدَها"
يعني كده وجبت لك الجنة بسبب الحراسة بتاعتك دي، وانت مش محتاج تعمل نوافل بعد كده خلاص بسبب حراستك لينا طول الليل👌

وصل جيش المسلمين لوادي حُنين في العاشر من شوال، يعني بعد ما خرجوا من مكة بأربعة أيام،
و ده يعتبر مدة زمنية طويلة؛ لأن المسافة من مكة لوادي حنين حوالي سبعة وعشرين كيلو بس،
في حين إن جيش المسلمين جاء من المدينة لمكة في عشر أيام، والمسافة بين مكة والمدينة خمسمائة كيلو، يعني كانوا بيمشوا بمعدل خمسين كيلو في اليوم،
فإزاي بقى قعدوا أربع أيام في مسافة سبعة وعشرين كيلو مع إنهم كان المفروض يقطعوا المسافة دي في نص يوم 🤨
لأ ومش كده وبس ده أول ما وصلوا لوادي حنين راحوا داخلين على طول من غير ما يشوفوا في كمائن ولاّ لأ، ومن غير ما يرتبوا المعركة هتبقى إزاي،
اندفعوا ودخلوا المعركة على طول بدون أي تفكير و تَأَني،
وده خطأ عسكري كبير جدا وقعوا فيه،
مع إن الجيش ده كان فيه خالد بن الوليد العبقري وفيه عمرو بن العاص وأبو عبيدة بن الجراح وغيرهم من القادة العسكريين الكبار،
وفوق كل دول القائد رسول الله ﷺ،إللي كان بيقود الجيش بحكمته العسكرية المعروفة، وبدقته في إدارة الأمور،
وطبعا بسبب الخطأ ده حصلت الكارثة😶
جيش المسلمين أول ما دخل وادي حُنين مفيش دقائق إلا واتعرض لهجوم شديد من الكمائن إللي كان مالك بن عوف مجهزها🙊
الكمائن دي أمطرت جيش المسلمين بالسهام والرماح من كل مكان وثارت خيول هوازن في وجوه المسلمين،
وخرجت فِرق هوازن من هنا وهناك، وأُحيط بالمسلمين من كل مكان، وفي لحظات انهارت عزائم المسلمين ومعظم الجيش بدأ يهرب من أرض المعركة 😳
مفيش مقاومة ولا تفكير، كله بدأ يهرب هروب عشوائي،
تخيلوا إن متبقاش في أرض المعركة حول رسول الله ﷺ غير عشرة بس😬
عشرة من اثنا عشر ألف، وكان من العشرة دول أبو بكر وعمر والعباس، وأبو سفيان بن الحارث ابن عم رسول الله ﷺ إللي كان رسول الله ﷺ رافض إنه يقابله وهو في طريقه لفتح مكة واتكلمنا عنه في الجزء المائة واثنين وستين،
في الوقت الحَرِج ده أثبت صدقه وانتماءه للإسلام وصدق دفاعه عن رسول الله ﷺ بعد ما كان بيهجوه،
كارثة أشد من كارثة فرار المسلمين في أُحد؛ لأن في أحد خالف بعض رجال الجيش خالفوا الأمر وبعضهم ثبت، وبعضهم قاتل حتى الشهادة،
لكن هنا في حنين كله هرب ما عدا عشرة😶

ليه حصلت كل الأحداث دي، ويا ترى هيخرج المسلمون من الأزمة دي إزاي،
ده إللي هنعرفه الجزء الجاي إن شاء الله 👌

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

ى بني حارثة من الخزرج وهم من خير دُور الأنصار كما قال رسول الله ﷺ،
دلوقتي طلع نداء لأصحاب الشجرة، وطلع نداء للأنصار من أصحاب الشجرة، ونداء أخص للخزرج من الأنصار، ونداء أخِير أخص لبني حارثة من الخزرج،
فعملوا إيه بقى إللي سمعوا النداء، العباس بيحكي ويقول :
"فَوَاللَّهِ، لَكَأنَّ عَطْفَتَهُمْ حِينَ سَمِعُوا صَوْتي عَطْفَةُ البَقَرِ علَى أَوْلَادِهَ"
يعني رجعوا بسرعة جدا زي البقر إللي بترجع تدافع عن أولادها الصغار، وقال الأنصار في لحظة واحدة وبصورة جماعية وبحماس: يا لَبَّيْكَ، يا لَبَّيْكَ
وجاءوا من كل مكان في أرض الموقعة، حتى إنهم مكنوش شايفين رسول الله ﷺ من شدة تزاحم الناس،
وكان الرجل فيهم لما يلاقي صعوبة في العودة؛ لأن الدابة إللي راكب عليها في عكس الاتجاه كان يترك الدابة وينزل ويمشي على قدميه لحد ما يلحق برسول الله ﷺ👌
وبدأ يتجمع المسلمون حول رسول الله ﷺ لحد ما وصلوا للمائة وبدأ القتال بين المشركين والمسلمين،
ولما اشتدت المعركة أخذ رسول الله ﷺ حصَياتٍ فرمى بهنَّ وجوهَ الكفَّارِ، يعني أخد تراب من الأرض ورماه في وجوه الكفار وقال: شَاهَت الوجوه،
فدخل التراب في عيون وأنوف جميع الكفار، وكانت هنا نقطة تحوّل فارقة في موقعة حنين👌
وعمل رسول الله ﷺ الخطوة الثالثة والأخيرة في علاج الازمة وهي :
◇ تذكير الصحابة بأن النصر من عند الله عز وجل:
فرفع رسول الله ﷺ صوته وهو يقول:
"انهزِموا وربِّ الكعبةِ انهزِموا وربِّ الكعبةِ"
وبدأ رسول الله ﷺ يدعو في إلحاح:
اللهم أنزل نصرك، اللهم إني أنشدك ما وعدتني، اللهم لا ينبغي لهم أن يَظهروا علينا، اللهم أنزل نصرك🤲
في اللحظات دي اتعالج المرض الخطير إللي أصاب المسلمين يوم حنين، وأدركوا من كل قلبهم إن الناصر الحقيقي هو الله عز وجل، واستوعبوا معنى:
"وَمَا النَّصْرُ إِلَّا مِنْ عِنْدِ اللَّهِ إِنَّ اللَّهَ عَزِيزٌ حَكِيمٌ"
وبدأت فعلا الهزيمة تتحول إلى نصر👌

إيه إللي حصل بعد كده؟
ده إللي هنعرفه الجزء الجاي إن شاء الله 😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

ِ النَّعم"

◇الأمر الثاني:
معرفة بعض المعلومات العسكرية الخطيرة👌
لأن العبيد دول أخبروا رسول الله ﷺ إن الطعام والشراب إللي في داخل الطائف يكفي للمطاولة والصبر على الحصار سنة على الأقل أو عدة سنوات،
والمعلومة دي مهمة جدا؛ لأن بالوضع ده الحصار مش هيبقى يوم أو يومين ولا شهر ولا شهرين،
ده عندهم طعام يكفي لسنة أو أكثر،
يعني بالعربي كده أهل الطائف مش خسرانين حاجة من الحصار ده🤷‍♂️
لكن المسلمين بقى مش هيقدروا يستنوا في المكان ده كتير؛
لأن القوات الإسلامية مش مجرد فرقة إسلامية من الجيش الإسلامي،
ولا مجرد جيش لدولة، ده القوات الإسلامية دي هي المجتمع المسلم كله😅
ورسول الله ﷺ لم يترك في المدينة إللي هي عاصمة الدولة الإسلامية إلا القليل من الرجال لحراسة النساء والأطفال والديار،
وكمان في كثير من القبائل إللي دخلها الإسلام حديثاً، والقبائل دي محتاجة متابعة مستمرة خوفاً من انقلابها إلى الكفر والهجوم على المدينة،
وفي لسه كثير من القبائل لم تسلم في الجزيرة العربية، فممكن يهجموا على المدينة برده،
ومننساش اليهود في خيبر إللي على مسافة قريبة من المدينة، وهم على عهد مع رسول الله ﷺ وممكن يخالفوا العهد وينقضوه كعادتهم،
وكمان أهل مكة إللي لسه كانوا على الجاهلية من فترة قريبة جدا،
ده غير الغنائم الضخمة المتروكة في وادي الجعرانة😳
يعني في أمور ضخمة جدا وكتيرة ميقدرش رسول الله ﷺ إنه يسيبها ويقعد هنا في حصار الطائف إلى أجل غير مسمى😶
فيا ترى بقى رسول الله ﷺ هيعمل إيه🤔

ده إللي هنعرفه الجزء الجاي إن شاء الله 😊


#Eman_Shalapy

هيبقى لزام علينا إننا نفعل مثله ﷺ؛
لأنه القدوة ويجب اتباعه، فلما انسحب رسول الله ﷺ بعد المشاورة فهو كده ترك الأمر لقادة المسلمين ولرأي الشورى،
يعني لو المسلمين شافوا إن الحصار في وراه فايدة يبقى يصبروا لحد ما يفتحوا الحصن، زي ما حصل في فتح خيبر💁‍♂️
ولو شافوا إن الموضوع مستحيل أو خسائره كبيرة يبقى ينسحبوا زي ما حصل في الطائف، وفي الحالتين هم بيتبعوا وبيقتدوا برسول الله ﷺ👌

اتجهز الجيش للرحيل وهمّ ماشيين حصل موقف في منتهى الرقة من رسول الله ﷺ،
بعض الصحابة كانوا لسه متضايقين إنهم مفتحوش حصن الطائف بعد كل ده، فقالوا لرسول الله ﷺ:
يا رسول الله، ادعُ على ثقيف!
فقال رسول الله ﷺ :
اللهم اهدِ ثقيفاً وائْتِ بهم🤲
رسالة رسول الله ﷺ إنه يوصل بدعوته للناس مش إنه يقتلهم،
هدفه إنقاذ الناس من النار مش إنه ينتقم منهم،
مع ذكريات الطائف في المرة الأولى، وواقع الطائف في المرة الثانية من رفضهم للإيمان واستكبارهم عنه ومقاومتهم وقتالهم؛ لسه رسول الله ﷺ يرجو إسلامهم،
ما غابت عن رسول الله ﷺ رسالته وهدفه أبدا، ولو تفتكروا لما جاءه الطُّفَيْل بن عمرو الدَّوْسي بيطلب منه يدعو على قومه دَوْس لأنهم رفضوا الإسلام قال رسول الله ﷺ:
" اللهم أهد دوساً، وائت بهم"
وبعد غزوة أحد وبعد ما قريش قتلوا سبعين واحد من أصحابه لم يدعو عليهم ولكنه قال:
"اللهم أهد قومي فإنهم لا يعلمون"
وصدق رسول الله ﷺ لما قال عن نفسه:
" إِنِّي لَمْ أُبْعَثْ لَعَّانًا ، وَإِنَّمَا بُعِثْتُ رَحْمَةً"

رجع رسول الله ﷺ من الطائف بعد أربعين يوم، ووصل إلى وادي الجعرانة، وكان عنده مهمة عظيمة، وهي مهمة تقسيم الغنائم الكتيرة دي على الجيش المنتصر👌
لكن رسول الله ﷺ موزعش الغنائم أول ما رجع على طول، ده استنى كم يوم يمكن ربنا يستجيب دعوته بسرعة ويأتي أهل الطائف ويُسلموا فيرجع لهم أموالهم ونساءهم وأطفالهم،
فلما لقاهم مجوش والناس إللي أسلموا جديد بدأوا يطلبوا توزيع الغنائم ويلحوا،
بدأ رسول الله ﷺ بتوزيع الغنائم، وتوزيع غنائم حنين بالذات موضوع طويل،
عشان كده هنقوله كله على بعضه المرة الجاية إن شاء الله 😁

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

ضة ومائة بعير بقت مِلكه في لحظة، والمائة بعير ده هو نفس رقم المكافأة إللي قريش أعلنت عنها للي يأتي برسول الله ﷺ حياً أو ميتاً يوم الهجرة فاكرين😊
فسبحان مُبدل الأحوال👌
أبو سفيان شاف العطاء إللي رسول الله ﷺ أعطاه له فطلب لأبنائه يزيد ومعاوية، فقال لرسول الله ﷺ:
وابني يزيد يا رسول الله😅
فقال رسول الله ﷺ لبلال:
"زِنْ له يا بلال أربعين أُوقية من فضة، وأَعطهِ مائة من الإبل"
فقال له أبو سفيان:
وابني معاوية يا رسول الله😅
فقال رسول الله ﷺ لبلال:
"زِنْ له يا بلال أربعين أُوقية من فضة، وأَعطهِ مائة من الإبل"
ويزيد ومعاوية كانا مسلمين،
فلما أبو سفيان شاف رسول الله ﷺ بيعطي العطاء ده بدون أي نقاش وبكل سهولة كده ذُهل😳
وقال لرسول الله ﷺ:
"إِنَّكَ لَكَرِيمٌ ، فِدَاكَ أَبِي وَأُمِّي، وَاللَّهِ لَقَدْ حَارَبْتُكَ فَنِعْمَ الْمُحَارِبُ كُنْتَ، ثُمَّ سَالَمْتُكَ فَنِعْمَ الْمُسَالِمُ أَنْتَ، جَزَاكَ اللَّهُ خَيْرًا"
تحسوا بصدق في كل كلمة قالها سبحان الله، أبو سفيان اختصر حياته كلها مع رسول الله ﷺ في الكلمتين دول👌
إيه إللي غيّر رجل كان بيشُك في نبوة رسول الله ﷺ إلى رجل مؤمن مادح لرسول الله ﷺ؟
إيه إللي ثبّته بعد ما كان متردد؟
إيه إللي أسعده بعد ما كان حزين بعد تغير الأحوال في مكة؟
مش همّ الثلاثمائة من الإبل والمائة والعشرين أوقية من الفضة؟
طيب وهي تيجي إيه قيمة الأموال دي جنب هداية إنسان؟ وإيه هي قيمة الأموال جنب استقرار الدولة الإسلامية؟
وتيجي إيه الأموال دي جنب تأليف قلوب بني أمية وتثبيت أهل مكة على الإيمان؟
صحيح إن المال حلو ومهم، لكنه يتصاغر جدا جنب المعاني دي👌
وهي دي كانت نظرة رسول الله ﷺ للأمور، عشان كده كان ﷺ يُعطي بلا حساب،
كان يُعطي عطاء من لا يَخشى الفقر، كان يُعطي وكأن المال لا ينتهي، والعطاء موقفش عند أبي سفيان رضي الله عنه وابنيْه يزيد ومعاوية، لكنه أعطى غيرهم وإللي هنعرف قصتهم المرة الجاية إن شاء الله 😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

ولة الإسلامية👌

وطبعا انتم شوفتم تضحية الأنصار على مدار السنين إللي فاتت دي كلها،
يعني مننساش إن شهداء أحد كانوا أكثرهم من الأنصار، وكان الأنصار بيقتسموا أموالهم مع المسلمين،
وفي غزوة بدر كان الأنصار ثُلُثَيْ الجيش، وشاركوا مع رسول الله ﷺ في كل المعارك،
وحتى لما المسلمين هربوا في بداية معركة حنين كانوا همّ إللي رجعوا وقاتلوا حول رسول الله ﷺ ودافعوا عنه بعد ما نادى عليهم العباس، وكانوا همّ سبب النصر،
وبعد كل ده لم يعطِ رسول الله ﷺ للأنصار شيئا، زي ما قال أنس بن مالك رضي الله عنه،
وده على الرواية إللي بتقول إن رسول الله ﷺ أعطى للكل ولم يعطِ للأنصار،
أما الرواية التانية فرسول الله ﷺ أعطى للأنصار نصيبهم من الغنائم العادية زيهم زي الباقيين،
زي ما قلنا في المثال كده المرتب العادي، لكن المكافأة العظيمة مكنتش لهم كانت لغيرهم،
فكده كده بالوضع إللي شرحناه ده فالأنصار يعتبروا لم يأخذوا شيئا فعلا👌
وأصلا كان من عادة رسول الله ﷺ إنه يكافئ المجتهد في القتال بزيادة في الأجر،
لكن دلوقتي مكنش في مجال إن رسول الله ﷺ يكافئهم ؛ لأن كان له وجهة نظر مختلفة وإللي شرحناها المرة إللي فاتت والمرة دي،
فالأنصار لما شافوا إللي حصل وشافوا توزيع الغنائم على الناس إللي مكنوش بيعملوا حاجة غير إنهم كانوا معوقين للمسلمين تأثروا جدا وحزنوا حزن شديد جدا،
وقال بعضهم:
"إذَا كَانَتِ الشِّدَّةُ فَنَحْنُ نُدْعَى، وَتُعْطَى الغَنَائِمُ غَيْرَنَا"
يعني في وقت الشدة ووقت ما كان رسول الله ﷺ محتاجنا دعانا،
ولما جاء وقت توزيع الغنائم إللي احنا السبب الرئيسي في وجودها مخدناش منها حاجة،
وفي رواية تانية قالوا:
" يَغْفِرُ اللَّهُ لِرَسولِ اللَّهِ ﷺ ، يُعْطِي قُرَيْشًا ويَدَعُنَا، وسُيُوفُنَا تَقْطُرُ مِن دِمَائِهِمْ"
يعني بقى رسول الله ﷺ بيعطي لقريش إللي لسه كنا بنقاتلهم قريب جدا، واحنا لأ،
فهمّ حسّوا إن رسول الله ﷺ بدأ يميل لأهله وعشيرته من قريش ويُفضّلهم بالعطاء،
الموقف صعب جدا على الأنصار يا جماعة، ولو فعلا حطينا نفسنا مكانهم هنحس بألمهم،
وده واحنا عارفين وجهة نظر رسول الله ﷺ في إللي عمله وشوفنا أثر قراره الحكيم،
فما بالكم بقى بالأنصار إللي مكنوش فاهمين وجهة النظر دي ولا مستوعبينها وكانوا حاسين إنهم كده خلاص اتركنوا على الرف، ورسول الله ﷺ حن بقى لأهله وعشيرته🙊

الكلام طبعا وصل لرسول الله ﷺ، وإللي أخبره بالكلام ده هو سعد بن عبادة سيد الأنصار، فسأله رسول الله ﷺ، عن رأيه الشخصي،
فقال له سعد: أنا رجل من قومي، يعني هو حاسس بنفس إحساس الأنصار،
يا ترى بقى رسول الله ﷺ هيتعامل مع الموقف الخطير ده إزاي؟
ده إللي هنعرفه الجزء الجاي إن شاء الله 👌

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊



#Eman_Shalapy

ه ﷺ حرّك مشاعرهم بالنقطة دي بالذات؛ لأنهم أصلا كانوا قلقانين وخايفين إن رسول الله ﷺ يتركهم ويرجع لقريش👌
فرسول الله ﷺ استعمل الحُجة والعقل والعاطفة في توضيح وجهة نظره.

◇النقطة التاسعة:
الدعاء المُخلص لهم أن يرحمهم الله عز وجل وأن يثبت أقدامهم، وده كان لما قالهم:
"اللهم ارحم الأنصارَ، وأبناءَ الأنصارِ، وأبناءَ أبناءِ الأنصارِ"

◇النقطة العاشرة والأخيرة:
التذكير بالآخرة، وإن الإنسان في الدنيا ممكن يخسر حاجة في مقابل إن الكل يكسب،
يعني الأنصار خسروا العطايا إللي رسول الله ﷺ أعطاها لغيرهم، لكن كل المسلمين ودولة الإسلام كسبوا الناس إللي
رسول الله ﷺ تألف قلوبهم دول👌

☆سؤال مهم بقى،
ليه رسول الله ﷺ مقعدش مع الأنصار واستشارهم قبل ما يوزع العطايا دي أصلا وبكده نتجنب الموقف الصعب ده🤔

شوفوا،
أولا كده الخُمس إللي رسول الله ﷺ وزع منه على المؤلفة قلوبهم ده، مِلك لله ولرسوله يتصرف فيه رسول الله ﷺ زي ما هو عايز على حسب المصلحة إللي هو شايفها هتخدم الإسلام والمسلمين،
ومحدش له أصلا إنه يعترض؛ لأن الكل أخد نصيبه خلاص من الأربع أخماس التانيين💁‍♂️
ثانيا:
رسول الله ﷺ ميعرفش الغيب إلا إللي ربنا بيقوله عليه،
فهو مكنش يعرف ولا كان متخيل إن حاجة زي كده ممكن تزعل الأنصار؛
لأنه عارف قوة إيمانهم وزهدهم في الدنيا، وعارف حرصهم على مصلحة الإسلام والمسلمين،
وكان ممكن ربنا يوحي لرسول الله ﷺ بالغيب إللي هيحصل، بإن في أزمة هتحصل عند الأنصار ويقوله يقعد معاهم ويفهمهم، وخلاص الأزمة تتحل،
طيب وبعدين؟
القادة إللي هييجوا بعد رسول الله ﷺ هيتعاملوا في الموقف إللي زي كده إزاي ومفيش وحي😕
رسول الله ﷺ قدوة للناس بصفة عامة، وقدوة لكل قائد هييجي بعده بصفة خاصة،
فكان لازم رسول الله ﷺ يتصرف ويعمل إللي يشوفه مناسب، ويحصل الاعتراض من الأنصار عشان نتعلم منهم أدب الاعتراض،
ونتعلم من رسول الله ﷺ طريقة حل المشاكل زي ما شوفنا كده 👌
قصة رسول الله ﷺ مع الأنصار في الموقف ده مليانة دروس وعِبر، تخيلوا لو مكنتش حصلت، كنا هنتعلم الدروس والعبر دي إزاي🤷‍♂️
فمش كل حاجة ظاهرها شر أو ألم بتبقى فعلا كده،
《فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا》

شوفتوا إزاي سيرة رسول الله ﷺ عبارة عن منهج عملي للخروج من كل أزمة في حياتنا مهما كانت كبيرة😊
وصدق رسول الله ﷺ لما قال:
" إِنِّي قَدْ تَرَكْتُ فِيكُمْ مَا إِنِ اعْتَصَمْتُمْ بِهِ فَلَنْ تَضِلُّوا أَبَدًا، كِتَابَ اللَّهِ وَسُنَّةَ نَبِيِّهِ ﷺ"
لو اتبعنا منهج رسول الله ﷺ في حل المشاكل كده مش هيبقى في قطيعة وغيبة ومشاكل بين المسلمين👌

☆في ملحوظة مهمة جدا😅
النقط العشرة إللي قلناهم دول ملهمش أي فايدة ومش هتجيب نتيجة إلا مع ناس قلوبها نقية ودرجة إيمانها عالية وهدفهم الجنة فعلا وعايشين حياتهم لله👌
لأن احنا ممكن نعمل فعلا الخطوات دي كلها في حل مشاكلنا مع الناس لكن الطرف التاني مفيش منه أي استجابة🤷‍♂️
فمتفكروش إن ده خلل في منهج رسول الله ﷺ، لأ، الخلل في الطرف التاني إللي في قلبه مرض،
أو ممكن يكون في الطرف نفسه إللي بيحل المشكلة، يعني ممكن ميكونش طبق منهج رسول الله ﷺ صح، فعشان كده مفيش نتيجة💁‍♂️

زي كده البذرة لما بنيجي نحطها في التربة،
مش احنا بنختار التربة المناسبة للبذرة عشان تطلع الثمرة🤔
أهه البذرة دي مهما كانت جودتها عالية ومن أحسن أنواع البذور، فهي عمرها ما تطلع ثمرة لو الأرض إللي هتتزرع فيها أرض فاسدة بور لا تصلح للزراعة🤷‍♂️
وكذلك العكس، ممكن الأرض هي إللي كويسة والبذرة هي إللي فاسدة، أو ممكن همّ الاتنين فيهم مشكلة😅
فمش هنعرف الخلل فين غير لما نحاول نطبق منهج رسول الله ﷺ مرة واتنين وتلاتة وعشرة،
ومحدش ييأس؛ لأن ربنا بيحاسبنا على المحاولات مش بيحاسبنا على النتيجة،
فخلوا عندكم يقين كده إن منهج رسول الله ﷺ مفهوش أي مشكلة، ومش محتاج تعديل،
المشكلة في طريقة التطبيق أو في الشخص إللي بنطبق معاه المنهج ده👌

وبكده انتهت قصة توزيع غنائم حنين،
أَلّف رسول الله ﷺ ﷺ قلوب البعض واسترضى آخرين، واتحلت كل الأزمات، وكانت الأيام دي من أسعد أيام المسلمين في الفترة النبوية،
طبعا في أحداث تانية كتير حصلت بس هيبقى صعب إني اشرحها كلها وكمان فيها الضعيف والمختلف في صحته،
فأنا قلت لكم أهم الأحداث إللي حصلت😅
وإللي عايز يستزيد بقى، ممكن يرجع مثلا لكتاب
《البداية والنهاية》لابن كثير،
وكتاب:
《السيرة النبوية كما جاءت في الأحاديث الصحيحة》 لمحمد الصوياني.

بعد بقى الانتهاء من توزيع الغنائم كلها ورضا كل فريق بما أخذ، سواء من الجزء الرئيسي من الغنيمة أو من الخمس إللي رسول الله ﷺ وزعه،
حصلت مفاجأة ضخمة غير متوَقعة😶

إيه المفاجأة إللي حصلت دي؟
ده إللي هنعرفه الجزء الجاي إن شاء الله 😁

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊



#Eman_Shalapy

سول الله إلى المسلمين، وبالمسلمين إلى رسول الله، في أبنائنا ونسائنا"
فقام رسول الله ﷺ وقال:
"أمّا ما كان لي ولبني عبد المطلب فهو لكم"
يعني كأن رسول الله ﷺ بيقول الكلام ده لأول المرة،
فلحد كده رسول الله ﷺ عمل إللي يقدر عليه تجاه هوازن،
ومبقاش فاضل غير إن المسلمين يرجّعوا لهوازن السبي بتاعهم،
فقام المهاجرون وقالوا :
"ما كان لنا فهو لرسول الله ﷺ"
يعني رسول الله ﷺ له مُطلق الحرية في التصرف في السبي إللي عندهم، وبالتالي رسول الله ﷺ هيرجّع السبي لهوازن،
وقام الأنصار همّ كمان وقالوا:
"ما كان لنا فهو لرسول الله ﷺ"
وده دليل قاطع يا جماعة إن الأنصار أخدوا من أربعة أخماس الغنيمة،
مش زي ما الفريق التاني من العلماء قالوا إنهم لم يأخذوا أي شيء من الغنائم، وإلا فهمّ هيرجّعوا إيه هنا لو مش معاهم حاجة من الغنائم 🤷‍♂️
فكده رِجِع جزء من السّبي من قسم مهم من أقسام الجيش،
لكن اتبقى أقسام كبيرة من الجيش لسه عندهم من السبي وخاصة الأعراب؛ لأنهم غالبية الجيش، وهم في الأساس قبائل تميم وفُزَارة وسُلَيم،
فقام الأقرع بن حابس زعيم بني تميم وقال:
أما أنا وبنو تميم فلا😤
يعني احنا مش هنرجع لكم أي حاجة،
وقام عيينة بن حصن زعيم بني فُزارة وقال هو كمان:
وأما أنا وبنو فزارة فلا😤

والموقف ده كده ممكن يؤثر على إسلام هوازن😶
لكن رسول الله ﷺ لم ييأس، ودخل معاهم في مساومة مادية تُجارية تناسب طبيعتهم في المرحلة دي؛
لأن نظرتهم للموضوع كانت نظرة مادية بحتة،
وطبعا هو لم يَلُمْهُم على أنهم لم يقبلوا شفاعته ﷺ ؛ لأن ده حقهم وهمّ رفضوا إنهم يتنازلوا عنه،
وده مكنش أمر مباشر من رسول الله ﷺ، يعني رسول الله ﷺ مأمرهمش إنهم يتنازلوا عن السبي، هو عرَض بس إنه يرجعوا النساء والأطفال لهوازن،
فقال لهم رسول الله ﷺ عشان يغريهم:
"أمّا مَن تَمسّك منكم بحقه من هذا السبي فله بكل إنسان يتنازل عنه من السبي ستُّ فرائض من أولِ شيءٍ نصيبه"

يعني رسول الله ﷺ بيقولهم إنهم لو تنازلوا عن السبي إللي عندهم ده هيدفع لهم قيمته مضاعف ست مرات من أول سبي يحصل عليه المسلمين بعد كده،
فوافقت القبيلتان بالكامل على إعادة السبي إلى هوازن، ونجح عرض رسول الله ﷺ في الخروج من الأزمة، وعاد كل السبي إلى هوازن،
إلا امرأة عجوز كانت في يد عيينة بن حصن الفزاري رفض إنه يرجعها في البداية عشان يكيد في هوازن🤦‍♂️
وبعدين أعادها بعد كده واتحلت المشكلة.
العباس بن مِرْدَاس زعيم بني سليم هو كمان كان قال:
وأما أنا وبنو سليم فلا😤
لكن بنو سُلَيم نفسهم قاموا وقالوا:
ما كان لنا فهو لرسول الله ﷺ،
يعني بنو سليم رفضوا كلام زعيمهم العباس بن مرداس وقالوا إنهم هيعيدوا السّبي مع رسول الله ﷺ،
لكن كده مش ظاهر مين موافق ومين معترض، يعني هم قالوا كده في نفس واحد إنهم هيتنازلوا عن السبي،
فممكن يكون في ناس منهم مش موافقين ومش ظاهرين وسط الأغلبية،
وطبعا هنا السبي ده حق لكل فرد لازم يتنازل عنه بإرادته،
يعني هو مش رأي أغلبية يمشي على الكل لو في اتنين او ثلاثة معترضين،
لأ، كل واحد فيهم لازم يكون موافق وراضي بالتنازل ده،
فقال لهم رسول الله ﷺ:
" إنا لا ندري من أذِن منكم في ذلك ممن لم يأذن، فارجعوا حتى يَرفع إلينا عُرفَاؤُكم أمرَكم"
يعني احنا مش عارفين مين إللي موافق ومين إللي مش موافق، فانتم اتفقوا كده مع بعض وكل مجموعة يوكلوا واحد يقول لرسول الله ﷺ الرأي النهائي،
فعاد العُرفَاء أو النقباء بعد ما كلموا الناس، وأخبروا رسول الله ﷺ إن الناس قد طَيبُوا وأَذِنوا،
يعني الناس نفوسهم راضية بإنهم يرجعوا السبي، وبكده أخيرا انتهت قصة السبي والغنائم😅

متبقاش بقى غير مالك بن عوف، الزعيم إللي مجاش مع وفد هوازن،
يا ترى هو فين ورسول الله ﷺ هيعمل معاه إيه؟

ده إللي هنعرفه الجزء الجاي إن شاء الله 😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

أبو سفيان يتشال من زعامة مكة؛ لأن عتاب بن أسيد منهم💁‍♂️
فكان أنسب حل إنه يعطي إمارة مكة لعتاب بن أسيد👌

وطبعا مش معنى كده يا جماعة إن عتاب مكنش عنده الإمكانيات إللي تؤهله إنه يحكم مكة، وإنه اتعين كده عشان قبيلته😅
احنا بنتكلم هنا عن رسول الله ﷺ، هو مش هيختار أي شخصية كده وخلاص👌
فعتاب كان شاب عمره حوالي عشرين سنة، قلبه مكنش لسه تلوث كثيرا بعقائد المشركين،
ومكنش في تاريخ عداء طويل بينه وبين المسلمين زي أبو سفيان مثلا،
فهيبقى سهل إنه ينقاد لرسول الله ﷺ ويسمع كلامه،
وفعلا عتاب حَسُن إسلامه جدا وكان كثير الصلاة والصيام والصدقة،
وكان من المقربين جداً إلى رسول الله ﷺ، وترك رسول الله ﷺ معاه معاذ بن جبل عشان يعلمه أمور الإسلام ورجع رسول الله ﷺ مع المهاجرين والأنصار إلى المدينة.

☆ممكن حد يسأل ويقول : طيب ليه رسول الله ﷺ مسابش أبا سفيان على حكم مكة؟
ما هو خلى مالك بن عوف زعيم للي أسلموا من هوازن، وهو كان زعيمهم قبل ما يسلموا زي أبو سفيان كده🤔

شوفوا،
أبو سفيان كان هو زعيم مكة من بعد مقتل أبي جهل على طول، يعني هو له تاريخ طويل جداً من العداء مع المسلمين، وعنده ميراث ضخم من الكراهية لرسول الله ﷺ،
ورسول الله ﷺ مكنش لسه مطمئن لإسلام أبي سفيان عشان يعطيه إمارة مكة،
وخصوصا إن مكة هي أعظم مدن العرب على الإطلاق، فهو ميقدرش يعطيها لرجل لسه لم يثق في إسلامه،
واحنا شوفنا في الحوار إللي حصل بين رسول الله ﷺ وبين أبي سفيان قبل فتح مكة إزاي أبو سفيان لحد اللحظات الأخيرة مكنش لسه مقتنع تمام الاقتناع بقضية النبوة وكان أسلم مضطر،
بعكس مالك بن عوف إللي كان لسه حديث العهد بالعداوة مع رسول الله ﷺ،
وكل تاريخ العلاقة بينه وبين رسول الله ﷺ لا يتعدى الأيام إللي حصلت فيها غزوة حنين،
وأبو سفيان كان كبير في السن وغرق لسنوات طويلة في عبادة الأصنام لحد ما قلبه تشربها،
بعكس مالك بن عوف إللي قلنا عنه من شوية إنه كان شاب حديث السن لم يفنِ عمره في حب الأصنام،
ومننساش نقطة مهمة جدا وهي إن أبا سفيان كان يقود أكثر من قبيلة في مكة حاربت رسول الله ﷺ لسنوات طويلة وممكن تنقلب عليه في أي لحظة،
بعكس مالك بن عوف إللي كان يقود قبيلة تشعر بالجميل، وتعترف بالفضل لرسول الله ﷺ إللي أعاد لهم السبي بالأسلوب الرائع إللي شوفناه،
فالوضع مختلف تماما بين مالك بن عوف وبين أبو سفيان👌

رجع رسول الله ﷺ إلى المدينة في آواخر ذو القعدة، وقبل ما نعرف الأحداث إللي حصلت في المدينة هنتكلم عن ثلاث سرايا كانوا حصلوا بعد فتح مكة مباشرة في المناطق المحيطة بمكة،
واحدة بقيادة خالد ين الوليد، والتانية بقيادة قَيْس بن سعد بن عبادة والثالثة بقيادة الطُّفيل بن عمرو الدوسي،

وهنعرف تفاصيل السرايا دي المرة الجاية إن شاء الله 😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

هو بنفسه بيروح يشوفه👌

☆عندنا هنا سؤال وتوضيح بخصوص السيدة مارية:
◇السؤال :
ليه رسول الله ﷺ لم يتزوج من السيدة مارية وظلت عنده مِلك يمين🤔

لأن زواج الإماء ممنوع في الشرع إلا لِمن لا يستطيع التزوج بالحرة ويخشى على نفسه الوقوع في الحرام،
يعني لا يجوز للحر إنه يتزوج الأَمة إلا بشرطين:
◇الأول:
عدم الطَّوْل، وهو ألا يستطيع نكاح حرة مسلمة.
◇الثاني:
خوف العَنَت، وهو خوف الوقوع في الحرام
ربنا بيقول:
"وَمَنْ لَمْ يَسْتَطِعْ مِنْكُمْ طَوْلًا أَنْ يَنْكِحَ الْمُحْصَنَاتِ الْمُؤْمِنَاتِ فَمِنْ مَا مَلَكَتْ أَيْمَانُكُمْ مِنْ فَتَيَاتِكُمُ الْمُؤْمِنَاتِ....... ذَلِكَ لِمَنْ خَشِيَ الْعَنَتَ مِنْكُمْ "
والشرع شدّد في موضوع عدم الزواج من الإماء ده لِمَا يترتب عليه من استرقاق الولد، يعني الولد بيتّبع أمّه في الحرية، أو الرق،
ورسول الله ﷺ يقدر يتزوج من نساء حرائر زي ما هو عايز فمش محتاج إنه يتزوج أمة،
والموضوع مختلف بالنسبة للسيدة صفية بنت حُيَي والسيدة جُوَيرية بنت الحارث؛ فهن في الأصل كُنّ حرائر وبعدين أُخِذوا في السّبْي،
فأعتقهن رسول الله ﷺ وتزوجهن إكراما لهن وكمان لمكانتهن ولتأليف قلوب قبائلهن، يعني هو لم يتزوجهن إلا بعد ما أعتقهن،
أما السيدة مارية فهي من البداية جارية من القبط، فتسرّى بها رسول الله ﷺ كمِلك يمين من غير ما يتزوجها،
وكان ممكن رسول الله ﷺ يُعتق مارية ويتزوجها هي كمان، لكن رسول الله ﷺ قدوة وأفعاله تشريع،
فهو لما يتسرّى بالنساء فده بيؤكد إن الموضوع حلال،
والصحابة كان عندهم إماء يتسرّون بهن مع زوجاتهم👌

◇والكلام ده هياخدنا لنقطة التوضيح💁‍♂️
و هي إن الأَمة إذا وَلَدت لسيدها بقت اسمها أم ولد، وطفلها إللي اتولد ده بيكون حر،
وهي نفسها بتبقى حرة لكن بعد موت سيدها، يعني بعد ما سيدها يموت بقت زيها زي أي امرأة حرة، لا تُباع ولا تُشترى، وتقدر تتزوج زواج عادي،
فالسيدة مارية بقت حرة لأنها ولدت لرسول الله ﷺ ولد، لكن حريتها دي تكون بعد موت رسول الله ﷺ،
لكن حريتها دي مختلفة عن باقي النساء، يعني هي لا يجوز لها إنها تتزوج بعد رسول الله ﷺ؛ لأن زوجات رسول الله ﷺ اللاتي دخل بهن وإماءه لا يجوز لهن الزواج من بعده ﷺ،
ودي حاجة خاصة برسول الله ﷺ👌

طبعا مصادر الكلام إللي قلته بالأدلة والشرح المُفَصّل هتلاقوها في التعليقات👇

إن شاء الله المرة الجاية هنكمل باقي الأحداث إللي حصلت بعد ما رسول الله ﷺ رجع المدينة😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

الله له ماله وساق الخشبة على الأمواج لحد ما وصلت لصاحب الدين ومراحتش لا يمين ولا شمال، فسبحان من سيّرها😊

نسأل الله أن يوفقنا جميعا لما يحب ويرضى، وأن يعيننا على الأخذ بالأسباب وأن نتوكل عليه سبحانه حق توكله🤲

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

فبيقول الكلام ده ومش واعي للي بيقوله؟
فالصحابة قالوا له إنه مش مجنون، فقال رسول الله ﷺ:
أَشَرِبَ خَمْرًا؟
يعني هو شرب خمر فلعبت بعقله ومبقاش عارف هو بيقول إيه؟
فقام رجلٌ ‏فَاسْتَنْكَهَهُ ‌‏فَلَمْ يَجِدْ منه ريح خمرٍ، يعني واحد منهم قام و شمّه فملقاش فيه أي ريحة للخمر،
فسأل رسول الله ﷺ ماعز:
أَزَنَيْتَ؟ فقال ماعز: نعم 😞
فقال له رسول الله ﷺ:
"لَعَلَّكَ قَبَّلْتَ أَوْ غَمَزْتَ أَوْ نَظَرْتَ"
يعني ممكن تكون عملت حاجة انت مفكرها زنا وهي مش زنا، زي التقبيل أو النظر مثلا،
ورسول الله ﷺ بيقوله كده لأنه ﷺ كان قال قبل كده:
" إِنَّ اللهَ كَتَبَ عَلَى ابْنِ ‏آدَمَ حَظَّهُ مِنَ الزِّنَا أَدْرَكَ ذَلِكَ لَا مَحَالَةَ؛ فَزِنَا الْعَيْنِ النَّظَرُ،
وَزِنَا اللِّسَانِ المَنْطِقُ، وَالنَّفْسُ تَمَنَّى وَتَشْتَهِي، وَالْفَرْجُ يُصَدِّقُ ذَلِكَ كُلَّهُ وَيُكَذِّبُهُ"
فرسول الله ﷺ بيحاول يشوف له مخرج بإنه يمكن يكون فِهِم بعض كلام رسول الله ﷺ غلط وعلى الأساس ده اعترف على نفسه بالزنا🤷‍♂️
ويُستحب للحاكم إنه لا يُبادر بإقامة الحد الشرعي لو جاءه واحد من الرّعية يعترف على نفسه بإنه عمل شيء يستوجب الحد،
لكن يُستحب له إنه يُعَرِّض للمُقر عشان يرجع عن إقراره، زي ما رسول الله ﷺ كان بيعمل كده،
فلو أصر المُقر على إقراره، أقام الحاكم عليه الحد، وهو ده إللي رسول الله ﷺ عمله لما لقى ماعز مصمم على إقراره زي ما هنشوف بعدين،
و هنا في فرق بين موقف رسول الله ﷺ مع ماعز وموقفه مع المرأة المخزومية إللي سرقت ورفض ﷺ شفاعة أسامة بن زيد رضي الله عنه وأصر على إقامة الحد،
و ده لأن المرأة المخزومية لم تعترف على نفسها وفي بعض الروايات إنها أنكرت أصلا موضوع السرقة ولما فتشوا بيتها لقوا المال عندها،
فكده ثبت الحَد بالبينة أو بالدليل، ففي فرق بين إللي ثَبت عليه الحد باعترافه، وإللي يثْبُت عليه الحد بالبينة،
فالثاني هو إللي يجب إقامة الحد عليه أول ما يوصل أمره للحاكم👌

إزاي بقى تم تطبيق الحد على ماعز وإيه إللي حصل بعدها،
ده إللي هنعرفه الجزء الجاي إن شاء الله 😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

الكلام عن باقي أحداث السنة التاسعة من الهجرة😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊



#Eman_Shalapy

ة،
لكن قومه خلاص ربنا أهلكهم بالصيحة وهي صوت هائل عظيم، ماتوا بعدها
"إِنْ كَانَتْ إِلَّا صَيْحَةً وَاحِدَةً فَإِذَا هُمْ خَامِدُونَ"
والقضية منتهتش لسه، تخيلوا حسرتهم، ندامتهم يوم القيامة لما يجتمع العذاب على الروح والبدن، خلاص ملهمش أي فرصة تانية،
لكن احنا لسه عندنا فرصة للتوبة واتباع أوامر ربنا واجتناب نواهيه👌

إن شاء الله المرة الجاية هنشوف واحد تاني من ثقيف برده كان على دين إبراهيم، وكان مستني ظهور نبي آخر الزمان،
لكن لما ظهر......هنعرف عمل إيه المرة الجاية😊

♡أنصحكم يا جماعة بسماع تفسير القرآن كامل للدكتور 《أحمد عبد المنعم》، هتلاقوا في التعليقات👇 رابط لتفسير قصة مؤمن آل ياسين، اللهم بارك رائعة،
وهو يتناول تفسير القرآن بطريقة مميزة جدا ويربط أحداث التفسير بالواقع وبأسلوب مميز وسهل وبسيط جدا بدون أي تعقيد وأكثر كلامه بالعامية👌

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

👌

ولو تاخدوا بالكم في الآية ربنا بيقول:
《فَانْسَلَخَ》 《فَأَتْبَعَهُ》《 فَكَانَ》 مِنَ الْغَاوِينَ، الفاء دي بتدل على السرعة،
يعني كل حاجة حصلت بسرعة، بعد ما كان من أهل الإيمان، على طول بقى من أهل الغِواية والضلال،
فربنا بيحذرنا وبيقول لنا إن السقوط سهل،
يعني الواحد عشان يوصل ويستقر في عبادة معينة بيكون جاهد نفسه فيها وتعب،
زي إللي بيطلع السلم كده، بيتعب على ما يطلع،
بعكس إللي بينزل السلم،
بيكون نزوله سهل، فسهل إن الواحد يسيب العمل بالطاعات بسرعة وبيبقى مفكرها في البداية حاجات بسيطة و فجأة بيلاقي نفسه في أسفل سافلين للأسف، وعمره ما كان يتخيل إنه يوصل للوضع ده😞

☆عارفين،
كل واحد فينا كل يوم تقريبا بيتعرض لموقف بلعام أو موقف أمية بن الصلت، حاجات كتير اتعلمناها وبنتعلمها،
ومن إللي اتعلمناه ده في إللي لم نعمل بيه، وفي إللي عملنا بيه و توقفنا عن العمل بعد فترة،
في إللي عرفت إن النقاب فرض في زمن الفتنة على الأقل وملبستوش، وفي إللي لبسته وقلعته، والموضوع موقفش عند خلع النقاب، ده اتطور للبس بناطيل ومساحيق تجميل، ميكب أب يعني،
في إللي عرف إن الربا حرام ولسه بيتعامل بيه، وفي إللي كان توقف عن التعامل بالربا ورجع له تاني،
وفي إللي عارف إن الأغاني والأفلام والمسلسلات حرام ومع ذلك مكمل عادي وبيتفرج،
وفي إللي توقف ورجع تاني، وفي....وفي....وفي....
حياتنا مليانة بالمواقف المشابهة لهم،
عشان كده بتلاقوا ناس كتيييير بتقع حوالينا وحالها بيتغير تماما بعد ما كانوا في منزلة عالية وكان في منهم حتى ناس مشهورة وبنستغرب ليه حصل كده،
و الإجابة عندنا في القرآن :
آتيناه آياتنا فانسلخ منها فكان من الغاوين👌

ربنا يثبتنا وإياكم على الحق حتى نلقاه ولا يجعلنا من الغاوين🤲

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

لك يا عدي بن حاتم إنما يمنعك من الدخول في هذا الدين ما ترى من حاجتهم، فوالله لَيُوشِكَنَّ المالُ يفيض فيهم حتى لا يوجد مَنْ يأخذه،
ولعله إنما يمنعك ما ترى من كَثرة عدوِّهم وقلة عَدَدِهم، فوالله ليوشكن يُسمع بالمرأة تخرج من القادسية على بعير حتى تزور هذا البيت لا تخاف،
ولعلك إنما يمنعك من الدخول فيه أن المُلْك والسلطان في غيرهم،
وايم الله ليوشكن أن يُسْمَع بالقصور البِيض من أرض بَابِل قد فُتِحَتْ عليهم".
يعني رسول الله ﷺ بيقول لعدي بن حاتم انت مش عايز تدخل في الإسلام ومتردد لأنك شايف أد إيه المسلمين فقراء ومعندهمش المال الكافي،
فوالله لييجي اليوم إللي المال هيفيض ويبقى كتير في إيد المسلمين لدرجة إنهم مش هيلاقوا حد ياخد منهم الصدقات،
ولعل إللي مخليك برده مش عايز تدخل الإسلام إنك شايف عدد المسلمين قليل وأعداؤهم عددهم أكتر منهم،
فوالله هييجي اليوم إللي تسافر فيه المرأة من القادسية في العراق وتيجي تحج البيت وهي لا تخاف من أحد ومش محتاجة تدخل في جوار حد يحميها،
ولعلك مش عايز تدخل الإسلام عشان شايف الملك والسلطان في غير أيدي المسلمين فوالله هييجي اليوم إللي تُفتح فيه القصور البيضاء بتاعة كسرى في العراق وتبقى في إيد المسلمين👌
طبعا عدي بن حاتم كان بيسمع كلام رسول الله ﷺ وهو مذهول😳
إزاي يعني المرأة هتسافر من غير جوار، أمّال فين قطاع الطرق ساعتها،
وإزاي المسلمين هينتصروا على كسرى أعظم ملك على وجه الأرض ساعتها وياخدوا قصوره😮
ودخل عدي في الإسلام وبعد الموقف ده بحوالي ست سنين المسلمين فتحوا بلاد فارس والروم وأسقطوا أعظم إمبراطوريتين على وجه الأرض ساعتها،
وقال حاتم لما كان بيحكي قصة إسلامه إللي قلناها دي:
قد مضت اثنتان وبقيت واحدة: لَيَفِيضَنَّ المالُ حتى لا يُوجد من يأخذه.
يعني هو شاف حاجتين من التلاتة اتحققوا من إللي رسول الله ﷺ قال عليهم: فتوح فارس والروم وانتصار المسلمين عليهم، وشاف المرأة تسير من العراق لبيت الله الحرام من غير ما تكون في جِوار أحد،
أما الثالثة إللي مشفهاش حاتم كانت استفاضة المال ودي حصلت في عهد الخليفة عمر بن العزيز واتكلمنا عنها واحنا بنتكلم عن علامات الساعة لو تفتكروا😁

☆ملحوظة:
طبعا يا جماعة قصة إسلام حاتم الطائي دي محصلتس في يوم ولّا اتنين، ده الموضوع أخد له فترة،
يعني على ما أخته استنت حد تثق فيه وتسافر معاه،
وبعدين سفرها للشام إللي لوحده بياخدله حوالي شهر رايح جاي😅
بس أنا قلت القصة كلها هما على بعضها عشان مننساش الأحداث بتاعتها👌

كده بقى واضح إن الدولة الإسلامية بقت قوية جدا، وكل شوية عمالة بتكبر، وشوفنا إزاي اتحولت من حركة مُضطهدة في مكة إلى دُوَيلة صغيرة في المدينة، ثم إلى دولة عظمى تأخذ مساحة ضخمة في الجزيرة العربية بكاملها،
وطبعا ده أدى لإيه😀
أدى إلى إن الدولة الرومانية تاخد قرار بإنهاء التواجد الإسلامي في شبه الجزيرة العربية😶

إيه إللي حصل، وإزاي رسول الله ﷺ هيتعامل مع الموضوع ده؟
ده إللي هنعرفه الجزء الجاي إن شاء الله 😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊



#Eman_Shalapy

قاحلة في الجو الشديد الحرارة ده في الجزيرة العربية😑
والناس إللي راحت للعمرة أو الحج في داخل المدينة في الحر هيعرفوا صعوبة الحركة في الجو ده، مع إن الأمور تعتبر متيسرة إلى حد كبير في زماننا دلوقتي،
ومع ذلك الحر لا يُحتمل، فما بالكم باختراق الصحراء على الجمال أو سيراً على الأقدام،
والمسافة من المدينة إلى تبوك إللي هيخيم فيها رسول الله ﷺ بعدين هي سبعمائة كيلو متر،
وده بالقياس في عصرنا الحديث لو هنمشي في خط مستقيم،
أما طُرق الصحراء فأكيد إنها كانت أطول من كده، وكانت طرق مُلتَفّة وملتوية وصعبة، ومفيش مرواح ولا تكييفات ولا مظلات،
هيمشوا منهم للشمس كده في الحر مسافة أسبوعين على الأقل😬
وضيفوا بقى لكل ده إن المسلمين هيواجهوا عدو قوي جدا العرب عمرهم ما كانوا يتخيلوا أبدا مواجهة الجيش ده،
دولة الرومان دولة ضخمة ولها تاريخ طويل في الحروب وانتصرت على تاني أقوى دولة في العالم دولة فارس،
فالجيش الروماني ده لا يُستهان بيه أبدا،
فكده اجتمع على المسلمين ثلاثة ابتلاءات، ابتلاء نقص المال وابتلاء الحر وابتلاء قوة العدو،
فكانت الغزوة دي غزوة عَسيرة، ومش احنا إللي سميناها كده، ده ربنا العالم بكل شيء وعالم أد إيه الظروف كانت صعبة على المسلمين هو إللي وصفها بالعُسْرة، قال:
" فِي سَاعَةِ الْعُسْرَةِ"

في الظروف الصعبة دي أُمر المسلمون بالخروج للجهاد في سبيل الله، وكان امتحان صعب جدا على المسلمين👌

والسؤال إللي بيطلع لنا هنا هو : ليه ربنا بيعسّر الأمور على رسول الله ﷺ والصحابة كده ويخليهم يعدوا على الامتحان الصعب ده🤔

شوفوا،
الدولة الإسلامية في الوقت ده وصلت لدرجة من القوة محدش كان يتخيلها،
يعني بقى لها اتباع كتير جدا، وبقت دولة ذات هيبة وسيادة وتمكين في الجزيرة العربية خلت العرب بيسارعوا للدخول تحت حكمها،
وكان في ناس منهم تظاهروا بالإسلام وهم يُبطنون الكفر، أو الكراهية للدولة الإسلامية،
وده إللي اسمه النفاق👌
والمنافقين مش بيظهروا في الدولة الضعيفة إلا نادرا، لكن بيظهروا كتير كل ما زادت قوة الإسلام والمسلمين وزاد التمكين لهم،
فكل ما زاد التمكين للمسلمين ربنا بيصعّب الاختبار على المؤمنين، ليييه؟
لتمييز المؤمن من المنافق، ولكَشْف المنافقين أمام أهل الإيمان👌
وكل ما كان الامتحان صعب كان الناجح فيه أصدق 💁‍♂️
و دي سُنّة ربنا في الكون، زي ما في امتحان يميّز الطالب إللي ذاكر من الطالب إللي مذاكرش،
فكذلك في ابتلاء عشان عشان يظهر المؤمن الثابت على الإيمان من المنافق إللي أي ابتلاء يحصل له يسقط فيه،
وربنا بيقول:
"أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ*
وَلَقَدْ فَتَنَّا الَّذِينَ مِن قَبْلِهِمْ ۖ فَلَيَعْلَمَنَّ اللَّهُ الَّذِينَ《 صَدَقُوا》 وَلَيَعْلَمَنَّ 《الْكَاذِبِينَ》"
فاللي عايز يعرف إيمانه صادق ولّا لأ يشوف نفسه في الوقت البلاء عامل إزاي👌

وعلى فكرة يا جماعة رسول الله ﷺ كان ممكن يعرف المنافقين عن طريق الوحي من غير اختبارات ولا أي حاجة😅
لكن لازم المسلمين يتعلموا الطريقة إللي يقدروا بيها اكتشاف المنافقين في داخل الصف المسلم؛ لأن بعد وفاة رسول الله ﷺ مش هيبقى في وحي👌

☆طب وإيه المشكلة يعني لما يكون في منافقين في الصف المسلم🤔

الموضوع ده عايز له شرح من خلال المواقف إللي المنافقين عملوها، وده إللي هنعرفه الجزء الجاي إن شاء الله 👌

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

أبو بكر كده رضي الله عنه،

☆طبعا هنا ممكن تسألوا طيب وهو إزاي أبو بكر يتصدق بماله كله وهو عنده زوجة وعيال، والمفروض إنهم في رقبته ولازم يكفيهم ويصرف عليهم🤔

الفرق بين أبو بكر رضي الله عنه وغيره من المسلمين بصفة عامة والصحابة بصفة خاصة هو شيء وَقَر في الصدر👌
يعني أبو بكر كان عنده قوة يقين وتوكل على الله ملهاش حدود،
هو عارف ومتأكد وواثق في قول رسول الله ﷺ:
" ثَلاثَةٌ أُقْسِمُ عَلَيهِنَّ و ذكر منها: مَا نَقَصَ مَالُ عَبدٍ مِن صَدَقَةٍ"
يعني المال لا ينقص أبدا إذا تصدق به المسلم،
فأبو بكر عارف إن أمواله إللي دفعها دي موجودة عند ربنا ومش هتنقص،
و دي مش أول مرة ينفق فيها أبو بكر كل أمواله في سبيل الله، مننساش في وقت الهجرة وفي بداية الإسلام لما كان بيشتري العبيد إللي أسلموا ويحررهم،
فهو وصل لدرجة عالية جدا من الإيمان والصدق مع الله👌

طيب هل احنا بقى مطلوب مننا نعمل زي أبو بكر كده ونتصدق بمالنا كله🤔
إللي يجاوبنا على السؤال ده عمر بن الخطاب رضي الله عنه 👌
بيقول إن اليوم إللي رسول الله ﷺ طلب فيه إن المسلمين يتصدقوا عشان يجهزوا جيش العسرة كان وَافق مال عنده كتير يقدر يتصدق منه،
وكان دايما ينافس أبا بكر رضي الله عنه في عمل الآخرة و بيبقى عايز يسبقه، فلقى إن اليوم ده أنسب يوم يقدر يسبق فيه أبو بكر،
فقسم ماله كله نصفين،
نصف خلاه لأهله وعياله، والنصف الثاني أخده وراح بيه لرسول الله ﷺ،
فلما رسول الله ﷺ شاف المال سأل عمر رضي الله عنه:
ما أبقيتَ لأهلك؟
فقال له عمر: تركت لهم مثله👌
فساعتها بقى جاء أبو بكر رضي الله عنه و أعطى رسول الله ﷺ ماله كله، فهنا قال عمر:
والله لا أسبقه إلى شيء أبدًا، يعني أنا عمري ما هعرف أسبقه أبدا،
فلو أخدنا بالنا من كلام رسول الله ﷺ لما قال لكل واحد فيهم: ما أبقيتَ لأهلك، هنلاقي إن رسول الله ﷺ كان حريص على إن كل واحد فيهم يبقّي مال لأهله؛ لأن ده هو الأصل،
أيوة التصدق بكل المال جائز لكن بشروط ومش أي حد هيقدر عليه، لكن الأَوْلى التصدق ببعض المال عشان المسلم يقدر يُؤدي الالتزامات إللي عنده💁‍♂️
《والموضوع فيه تفصيل كبير، إللي عايز يتوسع فيه هيلاقي الروابط في التعليقات👇》

كل واحد من الصحابة بدأ يتصدق باللي يقدر عليه لتجهيز جيش العُسرة، سواء بقى إللي دفع أموال كتيرة زي عثمان وأبو بكر وعمر وعبد الرحمن بن عوف وغيرهم،
وفي إللي دفع أموال قليلة على أد جهده،
مين بقى إللي قاعد وشايف إللي بيحصل ده😬
المنافقين💁‍♂️
يسكتوا مثلا؟
لأ😑
شوفوا ربنا بيقول إيه عنهم:
" الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ"
يعني لو واحد غني من المسلمين جاء بمال قالوا:
ده بيتصدق وبينفق رياء عشان الناس تقول عليه ده مُنفق والناس تمدحه😏
ولو واحد فقير جاء بمال قليل بحسب قدرته سخروا منه، وسخروا من قلة عطائه واستهزءوا به:
يعني أموالك دي يعني هي إللي هتفرق في تجهيز الجيش😏

ناس كده استغفر الله يعني😑
واحنا بنقابل الناس دي في حياتنا وتعاملتنا، إللي هو قاعدين للساقطة واللاقطة ومفيش وراهم حاجة غير الانتقاد 🤦‍♂️

طب هل موضوع المنافقين وقف على كده؟
لأ للأسف، لسه لهم كوارث تانية هنعرفها الجزء الجاي إن شاء الله👌

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊



#Eman_Shalapy

عليها في غير وقت الحيض👌
نرجع بقى للصحابة الفقراء إللي بكوا عشان ملقوش حاجة يركبوا عليها عشان يخرجوا للجهاد،
هم كانوا حوالي سبعة زي ما قلنا من شوية،
واحد منهم وهو عُلْبَة بن زيد بن عمرو الحارثي
وصل به الشوق للجهاد في سبيل الله إنه يخدم الإسلام وينصره بطريقة محدش يتخيلها ولا يتصورها أصلا😮
في الليل كده بينه وبين ربنا من غير ما حد يعرف قال:
"اللهم إنه ليس عندي ما أتصدقُ به،
اللهم إني أتصدقُ على كل مسلم بكل مظلمةٍ أصابني فيها من مال أو جسد أو عِرْض"
يعني كأنه بيقول لربنا يارب أنا معنديش حاجة أتصدق بيها زي باقي الصحابة،
بس أنا عايز أخد أجر الصدقة فأنا هتصدق على كل مسلم بكل مظلمة أصابني فيها من مال أو جسد أو عِرْض😔
هو عايز يساعد المسلمين بأي حاجة ومش معاه حاجة يساعدهم بيها؛ يبقى خلاص يساعدهم بالعفو عن ظلمهم له ورد حسناتهم إليهم،
يعني يوم القيامة كل واحد كان اعتدى عليه أو ظلمه أو أخد ماله بغير حق هييجي يقف قصاد ربنا يوم القيامة ويدفع له من حسناته،
فهو بقى تصدق على المسلمين بالمظالم دي، يعني مش هياخد منهم حسنات يوم القيامة👌

تاني يوم الصبح خرج مع الناس عادي للصلاة ومحدش يعرف حاجة،
فبعد الصلاة رسول الله ﷺ قال: أين المتصدق بعِرضِه البارحة؟
يعني فين الرجل إللي تصدق على المسلمين بعرضه امبارح؟
فقام عُلبة رضي الله عنه من وسط الناس،
فقال له رسول الله ﷺ:
"أبشر فوالذي نفسي بيده لقد كُتبتَ في الزكاةِ المُتَقبّلة"
هو مكنش مستني حاجة في المقابل، ولا كان متخيل إن ربنا هيخبر رسول الله ﷺ من فوق سبع سماوات بالصدقة دي، وكمان يبشره بقبول الصدقة ضمن الزكاة المتقبلة،
يعني كان عنده كمية صدق وإخلاص أدت إن ربنا تقبل منه العمل ده،
مع إن لو حد كان سمعه وهو بيقول كده كان ممكن يقول طيب وانت الصدقة بتاعتك دي هتفيد الجيش في إيه يعني😏
لكن هو بذل إللي يقدر عليه وهو مش متخيل إن الصدقة بتاعته دي هيُضرب بيها المثل إلى يوم القيامة👌

☆ممكن حد يسأل ويقول:
طيب وهو كده حقه مش هيضيع🤔
يعني إللي ظلموه واغتابوه دول وهو سامحهم؛ هو كده استفاد إيه؟
ماهو خسر حسنات كان هياخدها منهم😕

هو هنا مخسرش، بالعكس ده كسب حسنات ملهاش أول من آخر وربنا هو إللي هيجازيه بيها، إزاي؟
ربنا بيقول:
"فَمَنْ عَفَا وَأَصْلَحَ فَأَجْرُهُ عَلَى اللَّهِ"
واخدين بالكم من وأجره على الله دي 👌
يعني ربنا محددش الأجر ده هيكون أد إيه، لأن الكريم إذا أخبر بأنه يتولّى بنفسه الجزاء اقْتَضَى عِظَم قَدْر الجزاء وسِعَة العطاء،
يعني ربنا لما يريد إنه يعطي أجر عظيم على شيء فهو بيخفي حجم الأجر ده أد إيه،
يعني مثلا ربنا بيقول في الحديث القدسي:
"كل عمل ابن آدم له إلا الصيام؛ فإنه لي وأنا أجزي به"
فعشان ربنا يعرّفنا أد إيه أجر الصيام عظيم فهو سبحانه أخفى حجم الأجر ده،
فالصحابي إللي تصدق بعرضه ده ربنا هيعوضه بأضعاف أضعاف الحسنات إللي كان هياخدها من إللي ظلمه أو إللي اغتابه أو..أو...
لأن هو مهما أخد من من حسناته فالحسنات هتكون على قدر المظلمة وبس،
يعني لو المظلمة تساوي عشرين حسنة مش هياخد أكتر من عشرين حسنة،
بعكس تعويض ربنا العظيم له لو هو عفى في الدنيا👌
وطبعا دي مش خاصة بالصحابي ده بس، ده الكلام ده لعامة المسلمين،
يعني إللي مش لاقي أموال يتصدق بيها، يقدر يتصدق بعرضه على المسلمين وربنا هيتقبل صدقته إن شاء الله ويجازيه يوم القيامة من واسع فضله سبحانه😊

بعد ما رسول الله ﷺ أعلن الخروج للجهاد اجتمع جيش عدده أكثر من ثلاثين ألف مقاتل من الصحابة في معسكر عند ثَنِيّة الوداع وهو المكان إللي هينطلق منه الجيش لتبوك،

المنافقين يسكتوا بقى🙄
رأس المنافقين عبد الله بن أبي بن سلول راح عامل معسكر هو كمان أسفل معسكر رسول الله ﷺ،
قال يعني عشان يجمع فيه الناس😒
زي كده ما عمل في غزوة أحد وكان معاه مجموعة من المنافقين خرجوا معاه وبعد كده انسحب هو والمنافقين إللي كانوا معاه وانسحب معاه ثلاثمائة من المؤمنين الصادقين بسبب تأثرهم باللي عمله ده،
فهو عايز يعيد نفس الحركة دي تاني عشان يزعزع الجيش المسلم،
يا ترى بقى هل هيقدر إنه يزعزع الجيش مرة تانية وينسحب ويرجع معاه حد من المسلمين؟

ده إلي هنعرفه الجزء الجاي إن شاء الله👌

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊



#Eman_Shalapy