ية إللي احنا عملناه فيهم،
فحب أبو سفيان إنه يتأكد إذا كان رسول الله ﷺ فعلا قُتل ولا لأ زي ما ابن قمئة قال، فقال للمسلمين :
أفيكم محمد🤔
يعني محمد ﷺ لسه عايش، فرسول الله ﷺ أشار للصحابة بإنهم ميردوش على أبو سفيان فسكتوا،
فقال أبو سفيان : أفيكم ابن قحافة🤔
فأشار لهم رسول الله ﷺ إنهم ميردوش والصحابة ساكتين،
فسأل أبو سفيان : أفيكم عمر🤔
فمحدش من الصحابة رد، ففرح أبو سفيان وقال :
خلاص كده الثلاثة دول ماتوا وارتحنا منهم👌
فعمر بن الخطاب رضي الله عنه مقدرش يمسك نفسه😅
حس بغيظ وشماتة فمقدرش يسكت فرد عليه وقال له:
يا عدو الله! إللي انت ذكرتهم دول أحياء وربنا أبقى على ما يسوؤك😠
يعني ربنا أبقى على حياة إللي يضايقك ويحرق دمك😅

☆إيه ده 😳
هو كده مش يبقى عمر عصى أمر رسول الله ﷺ بإنهم ميردوش على المشركين زي ما الرماة عصوا أمر رسول الله ﷺ 😶
الوضع مختلف طبعا، أمر رسول الله ﷺ للرماة كان تشريعي واضح وصريح وأكد عليه أكثر من مرة، مفهوش أي مجال للاجتهاد لأن ضرره كارثي، أما موقف عمر بن الخطاب هنا مختلف،
رسول الله ﷺ لم يُلزمهم ويؤكد عليهم زي ما عمل مع الرماة، هو كان أمر اجتهادي من رسول الله ﷺ إن الأَوْلى إنهم ميردوش على المشركين،
لكن لما المشركين بدأوا يشمتوا ويغيظوا المسلمين عمر ماستحملش، ورسول الله ﷺ لم يعاتبه ويقول له اسكت،
بالعكس شوفوا إيه إللي حصل بعد كده👌

أبو سفيان لما سمع كلام عمر اتصدم، لأنه كان وصل له إن رسول الله ﷺ كان خلاص قُتل، فقال له :
ناشدتك الله يا عمر، هو محمد فعلا حي ولا قتلناه😳
فقال له عمر : بل حي😤
فقال أبو سفيان: أنت عندي أصدق وأبر من ابن قمئة👌

☆المشركين كانوا بيحترموا المسلمين، يعني هم كانوا بيقاتلوهم ويعذبوهم، لكن في داخلهم كل الاحترام للمسلم إللي بيدافع عن عقيدته ومبادئه وتضحيته في سبيل دينه،
عشان كده أبو سفيان صدق عمر، وكان عنده أصدق من صاحبه ابن قَمئة👌

أبو سفيان طبعا اتغاظ إن رسول الله ﷺ والوزيرين بتوعه لسه عايشين😕
فحب يرد الغيظ ده للمسلمين قال لهم :
قد كان فيكم مُثلة لم آمر بها ولم تسُؤني 😒
يعني الجثث بتاعة أصحابكم حصل فيها تمثيل، وأنا مأمرتش بكده، بس أنا عادي مزعلتش يعني،
مع إن العرب أصلا من طبيعتهم إنهم لا يمثلوا بالجثث، بس عادي يعني مادام مع المسلمين يبقى مفيش مانع نكسر القاعدة ونخالف كل قوانينا🤓

أبو سفيان حب يحس بنشوة الانتصار فقال بصوت عالي : أُعْلُ هُبل! يعني بيعظمه وإنه هو إللي نصرهم،
فسكت الصحابة وهم متضايقين وحاسين بالقهر، هو أه الهزيمة مش بسببهم، بس الهزيمة شاملة الكل،
أقول لكم مثال عشان اقرب لكم المعنى🤔
عارفين لما تكون واحدة لابسة نقاب أو واحد بلحية وتلاقيه عمل خطأ والناس بقى تقعد تتكلم بكلام يغيظ ويحرق الدم،
إنتي كمنتقبة أو الرجل الملتحي هيحس بضيق،
مش هو إللي عمل الخطأ لكن الكلام بيؤذيه لأنه زي ما بنقول في مركب واحدة، أو بمعنى أصح زي ما قلنا في البداية في سفينة واحدة👌
فقال لهم رسول الله ﷺ:
ألا تجيبوه؟
قالوا: نقول إيه يا رسول الله😓
فقال لهم : قولوا الله أعلى وأجلّ!

☆رسول الله ﷺ بيعلم الصحابة وبيعلمنا إن مش عشان حصل للمسلمين هزيمة مادية يبقى ده مانع من الفخر بعقيدتكم كمسلمين👌
فقالوا : الله أعلى وأجل 😤
فرد عليهم أبو سفيان : لنا العُزّى ولا عُزّى لكم😏
فقال لهم رسول الله ﷺ : ألا تجيبوه؟
فقالوا : نقول إيه يا رسول الله🤔
قال : قولوا الله مولانا ولا مولى لكم، فقال الصحابة :
الله مولانا ولا مولى لكم😤
فأبو سفيان مسكتش 😅
قال: يوم بيوم بدر😈
يعني زي ماهزمتونا في بدر هزمناكم في أحد💁‍♂️
فقال رسول الله ﷺ للصحابة إنهم يقولوا:
لا سواء 😏 يعني مفيش مقارنة، قتلانا في الجنة وقتلاكم في النار🤷‍♂️
فانسحب أبو سفيان من أرض المعركة ولم يقعد فيها لحظة واحدة، وكأنه كان عايز يهرب 😅

طيب هل كده يعتبر المشركين انتصروا فعلا في غزوة أحد؟
والمسلمين هيعملوا إيه عشان يخرجوا من الأزمة دي ورسول الله ﷺ لسه لحد دلوقتي بينزف والدم مش راضي يقف🙊
ده إللي هنعرفه الجزء الجاي إن شاء الله 😊


#Eman_Shalapy

وقفت وسمعت كلام رسول الله ﷺ مقلتش إزاي مشفش أخويا قبل ما يندفن وقعدت تجادل وتصمم إنها تشوفه، جالها الأمر خلاص انتهى.. سمعنا وأطعنا،
وده يعلمنا مهما كانت مشاعرنا فيها حزن شديد أو حتى فرحانين يجب إنها متخرجش من إطار شرع ربنا👌

أخذ الزبير الثوبين وراح لرسول الله ﷺ عشان يكفنوا حمزة،
فلما أرادوا إنهم يكفنّوه ، لقوا جنبه رجل من الأنصار ملوش كفن واتعمل فيه زي ماتعمل في حمزة بالضبط من التمثيل بجثته،
فاستحى الصحابة ومبقوش مرتاحين، إزاي يكفنوا حمزة في ثوبين، والأنصاري ملوش كفن😓
فقالوا إنهم يكفنوا كل واحد في ثوب من الثوبين.

☆ والشهداء إللي بيموتوا في معارك ضد الكفار لا يُغسّلوا ولا يُصلى عليهم ويُكفنوا في ثيابهم إلا لو ملابسهم تقطعت، أو أُخذت ثيابهم فيُؤتى لهم بثياب يُكفنوا فيها،
وده القول الراجح من جمهو أهل العلم ، لأن الصلاة على الميت هي شفاعة له، والشهيد يُكفر عنه كل شيء إلا الدين، وبيشفع في سبعين من أهله فمش محتاج شفاعة أصلا😅

بدأ رسول الله ﷺ في دفن الموتى، دفن حمزة بن عبد المطلب مع ابن أخته عبد الله بن جحش، ودفن عبد الله بن حرام زي ما قلنا مع عمرو بن الجموح، والموقف صعب ومؤلم لرسول الله ﷺ وهو بيدفن أصحابه واحد وراء الثاني😞

☆ممكن حد يسأل بعد ما شاف إللي حصل لرسول الله ﷺ من آلام نفسية وجسدية هو ليه ربنا خلى رسول الله ﷺ يتعرض للأذى ده، هو رخيص عند ربنا يعني 😓
هو مش قال لرسوله: " فَإِنَّكَ بِأَعْيُنِنَا" فين بقى😕

احنا قلنا كثير إن رسول الله ﷺ هو القدوة للبشرية كلها،
فعشان لما أي إنسان يتحط في موقف فيه ألم وأذى يتذكر إللي حصل مع رسول الله ﷺ ويصبر،
وربنا لما قال لرسول الله ﷺ فإنك بأعيننا، مقلوش إنه هيعيش مبسوط ..مرتاح..مش بيتعرض للأذى أو مشاكل أو إني هجاملك وتفسد المقاييس والسنن الكونية في إن تنصروا الله ينصركم،
لكن ربنا بيقيم برسول الله ﷺ الحق والمِلّة العَوْجاء، شوفوا أول الآية ربنا بيقول إيه:
"وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا"
بيقول له اصبر على إللي هتواجهه، الابتلاء موجود وسُنن ربنا لا تُحابي أَحد، فزي ما حصل مع رسول الله ﷺ هيحصل مع غيره👌
وزي ما رسول الله ﷺ اتعامل مع المشاكل وحلها بطريقته، لازم احنا كمان نعمل زيه،
إزاي بقى رسول الله ﷺ خرج من الأزمة دي، ويا ترى هيعمل إيه في شماتة المنافقين واليهود في المدينة🙄

ده إللي هنعرفه الجزء الجاي إن شاء الله 😊


#Eman_Shalapy

نا إن ربنا معانا، فسجل لهم القرآن موقفهم وكلامهم:
"الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ"
وإللي بيتوكل على الله، ويصدق في التوكل، ربنا يكفيه، هو البشر دول إيه يا جماعة، هو حد يقدر يرفع إصبع واحد إلا بأمر من ربنا،
إللي بيكون مع ربنا ويتوكل عليه فعلا، ربنا بينصره وبيصرف عنه كل أذى، وده إللي حصل مع الصحابة،
هم كانوا مستعدين إنهم يُفنوا حياتهم في الدفاع عن رسول الله ﷺ وعن الدين، وعايزين يُظهروا صدقهم وإن إللي حصل في غزوة أحد كان مجرد خطأ عابر، فمحدش فيهم خاف وأصروا جميعا على القتال👌
فكانت النتيجة إن ربنا عافاهم وصرف عنهم الأذى ورجع أبو سفيان لمكة، وظل المسلمون في مكان حمراء الأسد ثلاثة أيام لحد ما سمع العرب، إن محمد وأصحابه جاءوا وانتظروا جيش مكة، وجيش مكة هو إللي خاف وهرب،
وانقلبت الهزيمة إلى نصر😊
"فَانقَلَبُوا بِنِعْمَةٍ مِّنَ اللَّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ ۗ وَاللَّهُ ذُو فَضْلٍ عَظِيمٍ "

أما بقى إللي بيخاف خوف يمعنه عن نصرة الإسلام، ودايما خايف من أعدائه وبيسارع لإرضاء العدو على حساب الدين وخايف من مكائد العدو، فدي صفات المنافقين وضِعاف الإيمان،
ربنا بيقول عنهم:
"فَتَرَى الَّذِينَ فِي قُلُوبِهِم مَّرَضٌ يُسَارِعُونَ فِيهِمْ يَقُولُونَ نَخْشَىٰ أَن تُصِيبَنَا دَائِرَةٌ"
والخوف ده من أهم الأسباب إللي وصل أمة الإسلام للحال إللي هي فيه دلوقتي،
إللي يخاف على رزقه يتنازل عن دينه، وإللي يخاف على حياته يتنازل عن دينه، كل واحد يخاف أول حاجة يفكر يتنازل عنها هي دينه للأسف،
مع إن ربنا بيقول لنا بكل وضوح :
"وَإِن تَصْبِرُوا وَتَتَّقُوا لَا يَضُرُّكُمْ كَيْدُهُمْ شَيْئًا"

فلو كان الإنسان صادق في التوكل على الله كان عرف إن الرزق ده من عند الله، وطاعة ربنا لن تمنع أبدا رزق الله،
وكان عرف إن الأمة لو اجتمعت على أن يضروا المسلم بشيء لن يضروه إلا بشيء قد كتبه الله عليه،
لو المسلم عمل مثل الصحابة هينقلب بنعمة من الله وفضل لن يمسه سوء👌

بدأ جيش المسلمين يجهز نفسه للعودة إلى المدينة، إزاي هيستقبل أهل المدينة جيش المسلمين، وإيه أهم الأحداث إللي هتحصل بعد كده،
ده إللي هنعرفه الجزء الجاي إن شاء 😊



#Eman_Shalapy

بة لما فهموا المعنى ده كويس، انتصروا وسادوا الدنيا في سنوات قليلة، مع إن أعدادهم قليلة وإمكاناتهم بسيطة في مقابل أعدائهم،
لكن إللي يميز المسلمون ويجعلهم أعزة هو طاعتهم لله ولرسوله👌
وده إللي ربنا علمه للصحابة والصحابة فهموه وطبقوه، والدور علينا احنا نفهم ونطبق المعنى ده،
"وأَنْتُمُ الأَعْلَوْنَ.... إِنْ كُنْتُمْ مُؤْمِنِينَ"
وقت ما المسلمين يحققوا الإيمان الكامل بالله ورسوله هيكونوا هم الأعلى في كل الأرض 👌
وده وعد ربنا للصحابة ولنا،
"إِنْ يَنْصُرْكُمُ اللَّهُ فَلا غَالِبَ لَكُمْ"
ربنا هو الناصر واحنا عارفين القاعدة إللي قلنا عليها قبل كده من بداية السيرة وقلت إنها هتفضل معانا طول السيرة:
《إن تنصروا الله ينصركم》
هتنصروا ربنا بإقامة شرعه وبطاعة أوامره وأوامر رسوله هينصركم ومحدش هيقدر يغلبكم أبدا👌
"إِنْ يَنْصُرْكُمُ اللَّهُ فَلا غَالِبَ لَكُمْ"
وده حدث متكرر يا جماعة... سنة كونية حتى من قبل زمن رسول الله ﷺ، وربنا قال للصحابة كده عشان يربيهم،
شوفوا الآية بتقول إيه:
"وَكَأَيِّنْ مِنْ نَبِيٍّ قاتَلَ مَعَهُ رِبِّيُّونَ كَثِيرٌ فَما وَهَنُوا لِما أَصابَهُمْ فِي سَبِيلِ اللَّهِ وَما ضَعُفُوا وَمَا اسْتَكانُوا وَاللَّهُ يُحِبُّ الصَّابِرِينَ"
بيقول لهم إنتم مش أول ناس يحصل معاهم كده،
السابقين إللي مروا بنفس الموقف بتاعكم ده محدش منهم ضِعف، والقيام بعد السقوط والضعف مش حاجة نادرة بالعكس ده هو القاعدة الصحيحة،
القاعدة إن الإنسان مهما فشل أو حصلت له مشكلة يقوم مرة ثانية 👌

☆والقاعدة دي نستفيد منها حاجة مهمة جدا في حياتنا اليومية، وهي إننا مهما وقعنا في الذنب أو فشلنا في أي شيء نقوم ونحاول مرة ثانية وثالثة ورابعة لحد ما ننجح،
نفسك يبقى عندك يقين بالله جاهدي نفسك وخذي بالأسباب واتعلمي لحد ما توصلي لدرجة اليقين،
حاولتي مرة وملقتيش نتيجة... متيأسيش👌
قومي وحاولي لحد ما توصلي لهدفك، إنتي مش حالة نادرة، كل الناس إللي قبلنا مرّوا بنفس إللي احنا بنمُر بيه دلوقتي،
بس احنا محتاجين نعرف نقوم صح ونستفيد من أخطائنا عشان نصلح ونبدأ من جديد ونوصل لهدفنا زي ما الصحابة ما عملوا 😊

إن شاء الله الجزء الجاي هنعرف أهم الأحداث إللي حصلت مع رسول الله ﷺ والصحابة بعد غزوة أحد 😁


#Eman_Shalapy

ا ومشتريها وآكل ثمنها 👌

إللي هو أي حاجة خاصة بالخمر من قريب ولا من بعيد محرمة وملعون صاحبها😮
بعد ما جمعوا الخمر سَفَكوها كلها في طرقات المدينة يعني كبُّوها كلها في الأرض.

لكن الصحابة ظهر عندهم مشكلة😳
الناس إللي ماتوا، والناس إللي قُتلوا من المسلمين وكانوا بيشربوا خمر زي حمزة بن عبد المطلب،
دول وضعهم إيه🙊
فأنزل الله تعالى:
"لَيْسَ عَلَى الَّذِينَ آمَنُوا وَعَمِلُوا الصَّالِحَاتِ جُنَاحٌ فِيمَا طَعِمُوا إِذَا مَا اتَّقَوا وَّآمَنُوا وَعَمِلُوا الصَّالِحَاتِ ثُمَّ اتَّقَوا وَّآمَنُوا ثُمَّ اتَّقَوا وَّأَحْسَنُوا ۗ وَاللَّهُ يُحِبُّ الْمُحْسِنِينَ"
يعني خلاص هم مكنش عندهم الحكم فربنا مش هيحاسبهم عليه، لكن إللي عايش وعرف الحكم يلزم أمر الله وأمر رسوله👌

◇وعلى فكرة الخمر هي تقريبا المعصية الوحيدة إللي فيها التحريم الشديد ده كله ، لأنها كما قال عنها عثمان بن عفان رضي الله عنه :
اجتنبوا الخمر فهي أم الخبائث،
وقال عنها رسول الله ﷺ:
اجتنبوا الخمر فإنها مفتاح كل شر!
يعني الشر كله بيأتي من ورائها، بسبب غياب العقل👌
وفي قصة حكاها رسول الله ﷺ للصحابة توضح لهم خطورة شرب الخمر،
قال لهم:
كان في رجل معتزل الناس للعبادة، عابد يعني من الأمم إللي كانت قبلكم، فأحبته امرأة،
فأرسلت له خادم من الخدم بتوعها يقول له احنا عايزينك للشهادة،
فراح الرجل مع الخادم، وأدخله الخادم البيت فكان كل ما يعدي من باب في البيت الخادم يقفل الباب وراه بالمفتاح لحد ما وصل لامرأة شكلها جميل ومعاها غلام طفل صغير يعني، وكان جنبها زي زجاجة خمر،
فقالت له:
أنا لم أدعوك للشهادة ولكن دعوتك عشان تقتل الغلام ده أو تقع علي《عايزاه يزني بها》 أو تشرب كأس من الخمر،
ولو رفضت هصوّت وهفضحك وسط الناس😈
فلما شاف إن مفيش مفر من الموقف إللي هو فيه ده،
لقى إن أهون حاجة من وجهة نظره إنه يشرب من الخمر،
وفعلا شرب كأس من الخمر، فقال لها زيديني، يعني هاتي كمان كأس،
وفضل يشرب لحد ما بقى سكران، فقتل الغلام وزنى بالمرأة😶
فقال لهم رسول الله ﷺ بعد ما حكى لهم القصة:
فاجتنبوا الخمر، فإن الإيمان وإدمان الخمر لا يجتمعان في صدر رجل أبدا، وليوشكن أحدهما أن يخرج صاحبه👌
يعني إما مؤمن وإما مدمن خمر 😑

والوعيد في شرب الخمر شديد جدا،
يعني إللي بيشرب الخمر ربنا لا يقبل منه صلاة أربعين يوم إذا لم يتب منها👌

ومش معنى إنها لا تُقبل منه، إن يترك الصلاة😅
لأ، ده يجب عليه الصلاة عشان يُسقط الفرض من عليه،
لكن الكلام في القبول يعني ملوش ثواب على الصلاة كنوع من العقاب على ذنب شرب الخمر،
وزي ما قلنا لا يُقبل لمن لم يتب، أما إللي شربها وتاب خلاص ربنا يقبل منه التوبة و الصلاة عادي،
أما إللي يشرب الخمر من المسلمين ويموت من غير توبة، فهو مات على كبيرة من الكبائر،
فهنا حكمه إلى الله، لو شاء الله عذبه ولو شاء غفر له،
ولو دخل الجنة بمشيئة الله، فهو إما يُحرم من الشرب من خمر الجنة إلى الأبد،
أو إنه مُعرض للحرمان من خمر الجنة لفترة مؤقتة،
وظاهر حديث رسول الله ﷺ إن شارب الخمر في الدنيا هيتحرم منها للأبد في الجنة،
يقول رسول الله ﷺ:
"مَنْ مَاتَ مِنْ أُمَّتِي وَهُوَ يَشْرَبُ الْخَمْرَ، حَرَّمَ اللهُ عَلَيْهِ شُرْبَهَا فِي الْجَنَّةِ"

☆طبعا حد ممكن يسأل، طيب الجنة مفيهاش حرمان وربنا قال:
"وَفِيهَا مَا تَشْتَهِيهِ الْأَنْفُسُ وَتَلَذُّ الْأَعْيُنُ وَأَنْتُمْ فِيهَا خَالِدُونَ"
فإزاي بقى شارب الخمر هيُحرم منها وكمان الحرمان نوع من أنواع الألم والعذاب، والجنة مفيهاش لا ألم ولا عذاب🤔

بكل بساطة، ربنا هينزع من قلبه اشتهاء الخمر، يعني مش هيبقى عايز يشرب خمر ومش هيكون حاببها ولا هتيجي على باله أصلا،
لكن نعيمه هيبقى ناقص وهتفوته لذة عظيمة، ونقصان النعيم مش من العذاب لأن معروف إن أهل الجنة درجات وإللي بيتحرم من الدرجات العالية في الجنة لا يحزن وبيكون راضي باللي ربنا أعطاه له👌

أما بقى إللي بيشرب الخمر وهو مُستحل لها، يعني يقول الخمر أصلا مش حرام وعادي إننا نشربها ومات على كده،
فهو كافر لا يدخل الجنة أصلا، عافانا الله وإياكم😓

《للتفصيل أكثر في موضوع الخمر، هتلاقوا الروابط في التعليقات من موقع الإسلام سؤال وجواب👇 》

رسول الله ﷺ مستمر في تربية الصحابة تربية إيمانية من خلال القصص،
فإن شاء الله المرة الجاية هنحكي عن بعض القصص إللي رسول الله ﷺ حكاها للصحابة، قبل مانتكلم عن رد فعل العرب من المشركين على إللي حصل للمسلمين في غزوة أحد 😁

#Eman_Shalapy

"مَا تَرَكْتُ بَعْدِي فِتْنَةً أَضَرَّ عَلَى الرِّجَالِ مِنْ النِّسَاءِ"
وده لأن ربنا خلق الرجل بطبعه إنه يميل للمرأة،
متجيش واحدة تقولي طب واحنا ذنبنا إيه يعني نتكتف بحجاب ومنخرجش براحتنا عشان خاطر الرجل🙃
الدنيا دار ابتلاء وامتحان يا جماعة، يعني إللي بيطيع ربنا ويبعد نفسه عن الوقوع في الحرام هيدخل الجنة،
وإللي هيمشي وراء هواه ويقع في الحرام مصيره إلى النار،
فزي ما الرجل طبيعته إن يميل للمرأة ويجب عليه إنه يمنع نفسه من الوقوع في الحرام ويجب عليه غض بصره،
النساء برده من طبيعتها حب الزينة وإنها تظهر الزينة دي للناس،
فيجب عليها إنها تقاوم ميلها الفطري للزينة وتلتزم بأمر الله، لأنها هي كمان في ابتلاء،
فربنا بيبتلي كل واحد على حسب طبيعة تكوينه وفي الحاجة إللي بيحبها وشديدة عالنفس💁‍♀️
ماهو معلش يعني، هو فين الابتلاء إن ربنا يمنع عني حاجة أنا كارهاها🤨
لما أكون مثلا مش بحب أكلة معينة وألاقي أمي في يوم تقول لي طيب أنا مش هعملك الأكلة الفلانية كنوع من العقاب عشان مسمعتش كلامها في حاجة هيبقى رد فعلي إيه😅
أكيد هقول لها بركة يا جامع أنا أصلا مبحبهاش😑
لكن تعالي كده خليها تمنعك عن مشوار مهم ولا خروجة مع أصحابك كنتي مستنياها وبتخططي لها، شوفي رد فعلك هيبقى عامل إزاي🙊
فالابتلاء اسمه ابتلاء لأننا بنعمل حاجة أو بنقاوم حاجة ضد رغباتنا وضد هوانا،
فربنا جعل فتنة الرجال وابتلاؤهم الأشد في النساء،
وشوفوا الشعراء وكلامهم عن النساء وقصص حب عنتر وعبلة وغيرهم،
وهنروح بعيد ليه، انتم شايفين الواقع بتاعنا وحال الشباب والبنات😞
وحتى رسول الله ﷺ كان بيقول للنساء:
"مَا رَأَيْتُ مِنْ نَاقِصَاتِ عَقْلٍ وَدِينٍ أَذْهَبَ لِلُبِّ الرَّجُلِ 《الْحَازِمِ 》مِنْ إِحْدَاكُنَّ"
يعني مش راجل كده وخلاص، ده الرجل الحازم إللي يَغلب ولا يُغلب، المرأة بقى تغلبه وتضيع عقله😅
فتخيلوا بقى لما يكون شاب بيحب امرأة الحب الشديد ده بقاله سنين، ماهي بنت عمه😁
وكمان مع الميل الفطري للنساء وكان خلاص تمكّن من المرأة ومفيش أي مانع يمنعه إنه يزني بها،
يقوم عنها وكمان يترك لها المال إللي تعب في تجميعه، وكل ده عمله لله وكان مُخلص فيه عشان كده ربنا استجاب له وحرك لهم الصخرة شوية👌

اتبقى عندنا الرجل الثالث، يا ترى قال إيه،
وهل خرج الثلاثة من الغار بعد كده، وإيه حكاية صاحبة الوشاح الأحمر دي🤔
ده إللي هنعرفه الجزء الجاي إن شاء الله😁

☆ ملحوظة مهمة👌
الأحداث إللي بحكيها عن رسول الله ﷺ مع الصحابة، بحكيها بصفة عامة مش خاصة بزمن محدد😅
يعني قصة أصحاب الغار إللي رسول الله ﷺ حكاها للصحابة مكنش وقتها بعد غزوة أُحد بالضبط،
وكذلك لما حكيت قبل كده عن قصة قاتل المائة نفس،
أنا معرفش الأحداث دي كان وقتها امتى بالضبط، لكن أنا بقول لكم أمثلة عن حياة رسول الله ﷺ مع الصحابة كانت عاملة إزاي، عشان نتعلم ونقدر نطبق ده في حياتنا،
وفي قصص تانية هقولها، بس إللي رواها صحابة تأخر إسلامهم،
فهقولها بعد ما نعرف إنهم أسلموا، وأنا بحاول أراعي زمن الأحاديث والأحداث بين رسول الله ﷺ والصحابة داخل المدينة على أد ما أقدر،
لكن الغزوات والسرايا زمانها معروف فمفيش فيها مشكلة😁


#Eman_Shalapy

الجارية مكنش عندها بيت ولا تعرف حد ولا لها أي مكان تروحه، فاستمرت الجارية دي تخدم الأسرة الغنية في مقابل إنها تعيش معاهم ويأكلوها معاهم يعني،
المهم، في يوم من الأيام خرجت بنت صغيرة من بنات الأسرة دي عشان تروح الحمام،
والحمام في زمانهم معناه مكان معمول للناس عشان يستحموا فيه، مش معناه الحمام بتاعنا دلوقتي 😅
فالبنت دي كان عليها وِشاح لونه أحمر، والوشاح هو قماشة طويلة بتتلف حول الرقبة زي كده 👈🎗
البنت دخلت الحمام وتركت الوشاح خارج الحمام،
كان في حِدَأَة بتطير، يعني حِداية، وهي طائر يشبه الصقر
كده تقريبا🦅 🤔
الحِدَأة شافت الوشاح الأحمر فكرته حتة لحمة، راحت نازلة عليه خطفته وطارت،
البنت خرجت من الحمام ملقتش الوشاح بتاعها، راحت تعيط لأهلها، دوروا عليه مش لاقيينه😕
فاتهموا الجارية السوداء بإنها سرقته، وقعدوا يفتشوها لدرجة إنهم قلعوها هدومها وفتشوا في جسمها، وهي تقول لهم إنها لم تأخذه وهم مش مصدقينها،
الجارية حست بالظلم والمهانة والضعف، ملهاش حد يدافع عنها ولا يثبت براءتها، وهي ضعيفة مش عارفة تدافع عن نفسها،
فالجارية السوداء ملقتش غير إنها تدعو الإله إللي في السماء، وهي كانت أصلا بتعبد الأصنام،
لكن زي ما ربنا قال عن المشركين، إنهم لما يكونوا في كرب وبلاء بيدعو الله مخلصين له الدعاء ويتركوا آلهتهم👌
" فَإِذَا رَكِبُوا فِي الْفُلْكِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ يُشْرِكُونَ "

الجارية قعدت تدعو الله من كل قلبها إنه يظهر براءتها ويخلصها من المشكلة إللي هي فيها دي،
فاستجاب الله لها في نفس اللحظة إللي دعت فيها👌
الحدأة رجعت بالوشاح ورمته عليهم وهم واقفين،
تخيلوا منظر الناس وهم ماسكين في خناق الجارية وفجأة يلاقوا الوشاح بيترمى عليهم من السماء😊
وبكده ظهرت براءة الجارية السوداء، فأخذوا الوشاح وراحت الجارية مزعقة فيهم:
اتهمتوني ظلم إن أنا إللي سرقته وأهه قصادكم أهه😡
فقررت الجارية إنها تهاجر من البلد دي بعد ما الموقف ده أثر فيها جدا، لكن تروح فين ملهاش حد😓
فعرفت إن في واحد بيقول إنه رسول من عند الله، فهاجرت إلى المدينة، وذهبت لرسول الله ﷺ وأعلنت إسلامها وعملت لها خيمة في المسجد وسكنت فيها،
وكانت دائما بتنشد بيتين من الشعر بتقول فيهم:

ويَوْمُ الْوِشَاحِ مِنْ أعَاجِيبِ رَبِّنَا

إلَا إِنَّهُ مِنْ بَلْدَةِ الْكُفْرِ أَنْجَانِي

فسألتها السيدة عائشة مرة إيه يوم الوشاح ده، وليه بتقولي الأبيات دي على طول🤔
، فحكت لها الجارية قصتها مع الوشاح ومع استجابة ربنا لدعائها وهي كانت لسه مشركة😊
تخيلوا إن ده استجابة ربنا لدعاء المضطر الكافر، فما بالكم بدعاء المضطر إللي بيقول لا إله إلا الله👌
ادعوا ربنا يا جماعة : "إِنَّ رَبِّي قَرِيبٌ مُّجِيبٌ "

إن شاء الله الجزء الجاي يوم الإثنين إللي قبل العيد هنتكلم فيه عن رسول الله ﷺ وبعض مواقفه مع زوجاته وبعض مواقفه مع أصحابه 😁

♡ملحوظة عايزة أقول عليها😊
الهدف إللي أنا عايزة أحققه من حكاية قصص الأنبياء ومن حكاية السيرة بالذات،
هو إني أَعرّف القارئ مَن هو رسول الله ﷺ، عشان أزرع في قلبه حب رسول الله ﷺ وحب الصحابة،
وكمان عشان القارئ يعرف دينه، أنا مش بحكي قصة وخلاص، إللي عايز قصة فقط هيلاقي محاضرات كثيرة وكتب كثيرة بتحكي قصة حياة رسول الله ﷺ،
لكن أنا هدفي هو تعليم الناس أساسيات الدين من خلال شرح قصص الأنبياء والسيرة النبوية،
وانتم شايفين الناس معندهاش حتى المعلومات الأساسية عن دينها، وحتى مكسلين يتعلموا😞
فأنا مش عايزاكم تزهقوا يا جماعة، ووعايزاكم تطولوا بالكم معايا🙈
إن شاء الله على ما نخلص السيرة هتطلعوا منها بكمية معلومات كثيرة جدا مكنتوش هتعرفوها لو أنا حكيت فقط مجرد أحداث وراء بعضها وخلاص،
بحاول أخليكم تحسوا كأنكم كنتم عايشين مع الصحابة،
كأنكم جزء منهم، عايشين لنفس هدفهم، بنتربى معاهم وإللي بيربينا رسول الله ﷺ،
طبعا أنا بحاول على أد ما أقدر أعمل كده، والفتح والتوفيق من عند ربنا،
فجزاكم الله خيرا على صبركم واستمراركم معايا، وربنا يجمع بيننا يوم القيامة مع رسول الله ﷺ يسقينا من حوضه ونستظل بظل عرش ربنا عز وجل😊


#Eman_Shalapy

برت في السن وبعدين طلبت من رسول الله ﷺ إنه يرجعها لعصمته تاني في مقابل إنها تعطي ليلتها لعائشة فدي رواية ضعيفة لا تصح عن رسول الله ﷺ 🙅‍♀️❌

من المواقف المضحكة إللي حصلت مع رسول الله ﷺ وعائشة رضي الله عنها،
، إن رسول الله ﷺ في مرة دخل عليها وهي بتلعب بعرائس لها،
فسألها رسول الله ﷺ: إيه ده؟
فقالت له : دول بناتي😊
فسألها، إيه إللي في وسطهم ده؟
قالت له : فرس🐎😊
فسألها : وإيه إللي عليه ده ؟
فقالت له: جناحان، فسألها باستغراب:
فرس له جناجان؟!!!
فقالت له:
هو إنت مسمعتش إن سليمان بن داوود كان عنده فرس لها أجنحة😤
فضحك رسول الله ﷺ من كلامها😁
يعني متخيلين إن عائشة الصغيرة رضي الله عنها إللي اتولدت في الإسلام، هي إللي بتقول لرسول الله ﷺ إللي نزل عليه قصص الأنبياء كلهم إن سليمان عليه السلام كان عنده فرس لها أجنحة😅
وكان رسول الله ﷺ بيسرّب لها بنات الأنصار عشان يلعبوا معاها، يعني يخليهم يروحوا لعائشة يلعبوا معاها من باب المؤانسة،
وخصوصا إن عائشة رضي الله عنها كانت صغيرة في السن، هي أه كانت زوجة لكن محتاجة لأصحاب يؤنسوها وبتلعب بالعرايس عادي، زي ما تلاقي البنات في جامعة وبيحبوا الدباديب وبيلعبوا بيها💁‍♀️
فرسول الله ﷺ كان بيراعي مشاعر زوجاته وبيراعي حوائجهن النفسية، وهو القائل عن نفسه:
"خيركم خيركم لأهله وأنا خيركم لأهلي"

عارفين ليه رسول الله ﷺ بيقول خيركم خيركم لأهله😊
لأن الإنسان ممكن يجامل الناس بصفة عامة ويظهر لهم أحسن حاجة فيه لما يقابلهم ساعة ولا اتنين،
لكن أهل بيته إللي عايشين معاه وعارفين كل حاجة عنه هم إللي يعرفوه كويس، وهنا يبان الشخص ده هل هو فعلا إنسان أخلاقه كويسة ولا لأ👌
فكل ما كان الإنسان بيعامل أهل بيته كويس زي ما بيعامل الناس برة وأكثر كمان كان فعلا على خُلق ودين،
أما بقى لو بيعامل أهل بيته بطريقة سيئة ومش مراعي حقوقهم وفي نفس الوقت بيعامل الناس برة البيت أحسن من معاملته لأهله فده للأسف بيبص لمنظره قصاد الناس بس ومش فارق معاه هو عند ربنا إيه،
لأن هو لو كان فيه خير، كان راعى حدود ربنا في أهل بيته الأول👌
الكلام ده، للزوج والزوجة والأبناء ولكل واحد فينا، نراجع كده نفسنا ونشوف، أنا بعامل زوجي إزاي...بعامل زوجتي إزاي...بعامل أمي أبويا وإخوتي إزاي بغض النظر بقى هم يستاهلوا ولا ميستاهلوش😅
لأن احنا بنتعامل مع ربنا، مش بنتعامل مع الناس، ومفيش حاجة بتضيع عند ربنا، حتى مثقال الذر من الخير😊

إن شاء الله المرة الجاية هنتكلم عن أحداث السنة الرابعة من الهجرة😁

♡الجزء الجاي هيكون يوم السبت إللي بعد العيد إن شاء الله، وهنرجع لمعاد يوم ويوم مرة ثانية لأن ظروفي حاليا لا تسمح إني أنزل قصة كل يوم، معلش اسمحولي🙈
عيدكم مبارك😊
كل سنة وانتم طيبين، وتقبل الله منا ومنكم صالح الأعمال وجعلنا الله وإياكم من عتقائه من النار ورزقنا الجنة من غير سابقة عذاب ولا عقاب، يارب آمين🤲❤



#Eman_Shalapy

مر بن الخطاب رضي الله عنه،
فبدأ يكلمهم وكان فيهم واحد مصمم إنه ياخد من نوع معين من التمر ومياخدش من غيره، وكمان عايز نصيبه كله دلوقتي،
إللي هو حاطط العقدة في المنشار😑

فرسول الله ﷺ بدأ يكلمه عشان يصبر على جابر ويعطي له التمر إللي هو عايزه الحصاد الجاي، فرفض الرجل شفاعة رسول الله ﷺ وقال: لأ، أنا عايز حقي دلوقتي، لأن المال ده مال أيتام😕
مع إنه كان ممكن يسأل رسول الله ﷺ عن الحكم الشرعي، لكنه رفض وصمم إنه يأخذ حقه،
خدوا بالكم إن رسول الله ﷺ مش بيأمره زي ما أمر عبد الله بن أنيس، ده هو بس شفيع يعني له الاختيار إنه يقبل أو يرفض وإلا فلو كان أمره كان على طول هينفذ الأمر بدون نقاش 👌

فلما رسول الله ﷺ شاف الوضع كده قال لجابر : متزعلش، ودخل في الحديقة بتاعة جابر وبدأ يمشي فيها ويقف تحت كل نخلة ويتكلم بكلام لا يفهمه جابر،
وبعد ما خلّص مشي قال لجابر إوزن لهم حقهم إللي عايزينه،
وخرج رسول الله ﷺ يصلي العصر ومعاه عمر بن الخطاب رضي الله عنه،
فقعد جابر يوزن للدائنين كل واحد نصيبه، فكلهم أخذوا حقوقهم كلها والتمر زي ما هو لم ينقص منه أي شيء😮
فانطلق جابر بسرعة زي الشرارة لرسول الله ﷺ في المسجد وهو فرحان وقال له: شوفت يارسول الله، أنا وفيت دين عبد الله 😁
فقال: الحمد لله👌
وده كان من معجزاته ﷺ 😊

في شهر صفر من السنة الرابعة من الهجرة، جاء وفد لرسول الله ﷺ من قبيلتين عربيتين هما قبيلة عَضُل وقبيلة قارّة،
قالوا لرسول الله ﷺ إن الإسلام بدأ يظهر فيهم بس هم ميعرفش حاجة عن تعاليم الإسلام،
فطلبوا منه إنه يرسل معاهم بعض الصحابة عشان يعلموهم الإسلام والقرآن،
فاختار رسول الله ﷺ عشرة من الصحابة كان منهم خُبَيْب بن عَدِي وزيد بن الدَّثِنّة وجعل قائدهم عاصم بن ثابت رضي الله عنه،
خرج العشرة مع الوفد من المدينة متوجهين لمكان القبيلتين،
وصل الخبر لقبيلة اسمها بنو الحارث من قريش،
فأرسلت مئتي رامٍ على خيولهم،
الرامي ده زي الطائرات المقاتلة دلوقتي في زماننا إللي بتبقى في طليعة الجيش، إللي بتفتتح القتال😅
المهم أرسلوا المئتين دول عشان يقتلوا العشرة،
وفي نفس الوقت ده الوفد إللي كان مع المسلمين من القبيلتين أول ما وصلوا لمنطقة اسمها ماء الرّجِيع غدروا بالمسلمين،
وطلبوا العون على المسلمين من حي من قبيلة هُذيل إللي كان قائدهم خالد بن سفيان الهذلي لسه مقتول مبقالوش شهر،
فأجابوهم وحاوطوا الصحابة العشرة، وطلبوا منهم إنهم يستسلموا ولهم العهود إنهم مش هيقتلوا منهم أحد👌

☆يعني هم من البداية مكنوش عايزين إسلام ولا حاجة وكانوا عايزين ينتقموا من المسلمين،
فهم كمان استخدموا الخديعة مع رسول الله ﷺ، وطبعا احنا عارفين إن رسول الله ﷺ بشر زينا بالضبط لا يعلم الغيب إلا إللي ربنا يُطلعه عليه،
وهنا رسول الله ﷺ مكنش يعرف إللي هيحصل لأصحابه وإلا مكنش أخرجهم معاهم أصلا👌

عاصم بن ثابت قائدهم إللي بعد إسلامه عاهد الله إنه لا يمس مشرك ولا يَمسه مشرك قال :
والله لا أنزل على عهد مشرك😤
فقعد يقاتل مع العشرة حتى قُتل هو وستة من أصحابه، فتبقى ثلاثة : خُبيب بن عدي وزيد بن الدثنة وصحابي ثالث لم يعرف الرواة اسمه،
فأمسك المشركون الثلاثة من الصحابة وكتفوهم فقال الثالث : والله هذا أول الغدر👌
وقعد يقاومهم ويقاتلهم وهم يجروه لحد ما قُتل مع أصحابه السبعة، وتبقى خُبيب بن عدي وزَيد بن الدَّثِنة.

ياترى هيحصل معاهم إيه، ده إللي هنعرفه الجزء الجاي بعد بكرة إن شاء الله، لأن القصص هتبقى يوم ويوم😊



#Eman_Shalapy

العانة لا يُترك أكثر من أربعين يوم،
فهو على الرغم من إللي هو فيه وإنه خلاص هيُقتل إلا إنه كان حريص على طاعة أمر رسول الله ﷺ 👌
كان في امرأة زي ما بنقول سجانة، كانت بتجيب له الأكل في المكان المحبوس فيه، وكان عندها طفل صغير،
ففي يوم وهي قاعدة مع ابنها من التعب غَفَت، يعني راحت في النوم، والولد نزل من على رجلها يحبو، يعني يزحف لحد ما وصل عند خبيب،
فشافه خبيب وشاله وحطه على رجله،
وكان الموس ساعتها في إيده، فانتبهت الأم وفتحت عينها ملقتش ابنها، دورت عليه لقت الولد قاعد على رجل خبيب وماسكه بإيد وإيده التانية ماسك الموس،
راحت شهقت 😱
طبعا خافت على ابنها، واحد كده كده مقتول فإيه المانع يعني لما ياخد في سكته واحد ولا اتنين عشان ينتقم منهم وهم أصلا هيقتلوه ظلما وعدوان🤷‍♀️
فلما شافها شهقت، قال لها: إنتي خايفة إني أقتله، والله لا أقتله، وترك الطفل يروح لأمه،
خبيب كان عارف كويس جدا إن كل مسلم هو سفير للإسلام يعكس صورته الحسنة عن طريق أخلاقه ومعاملاته الطيبة،
وده خلى المرأة تقول عنه: والله ما شفت أسيرا خير من خبيب👌
وحكت عنه إنها شافته في يوم بياكل عنقود من العنب وهو مُقيد بالحديد ومفيش في مكة كلها حبة عنب👌
فدي كانت كرامة من كرامات الله لخبيب رضي الله عنه،

خرج المشركون بخبيب لمنطقة اسمها التنعيم برة الحرم عشان يقتلوه هناك،
وقبل ما يقتلوه قال لهم سيبوني أصلي ركعتين، فتركوه يعني آخر طلب له في الحياة،
فصلى ركعتين خفيفتين وقال لهم:
لولا إنكم ممكن تظنوا إني خايف من القتل كنت طولت في الصلاة👌
فكان خبيب هو أول من سن لمن يُقتل صبرا أن يصلي ركعتين👌
◇طبعا رسول الله ﷺ لما عرف أقر الركعتين دول ولو كان فعله خطأ كان رسول الله ﷺ نبه وقال إللي فعله خبيب خطأ،
يعني مش أي حد يخترع حاجة في الدين نمشي وراه،
لازم يكون في دليل من القرآن او السنة👌

☆فاكرين بقى معنى قتل الصبر😅
معنى يُقتل صبرا إن الإنسان يُقتل في غير معركة أو حادثة،
يعني نجيب شخص كده ونكتفه ونقتله، سواء بالذبح أو ضرب النار أو بالسهام أو ...أو...
وقتل الصبر للمسلم له أجر عظيم يقول رسول الله ﷺ:
"قَتْلُ الصَّبْرِ لا يَمُرُّ بِذَنْبٍ إِلا مَحَاهُ "

بعد ما صلى خبيب دعا على كل الموجودين:
اللهم احصهم عددا ..واقتلهم بددا ..ولا تبقي منهم أحدا🤲
وكان أبو سفيان حاضر ومعاه ابنه معاوية،
فلما بدأ خبيب يدعو راح أبو سفيان رامي معاوية على الأرض وجعل وجهه للأرض حتى لا تصيبه دعوة خبيب،
هم كان عندهم اعتقاد إن المدعو عليه لو نزل في الأرض وألصق نفسه بها لم تصبه الدعوة،
وصلبه المشركون على خشبة عشان يقتلوه وكان أول مسلم يُصلب،
وأنشد خبيب شعر قبل قتله مباشرة، واشتهر منه :
ولستُ أبالي حين أُقتل مُسلما
على أيّ جنبٍ كان في الله مَصْرعي

يعني مادام أنا هموت على الإسلام مش مهم بقى إيه الطريقة إللي هموت بيها أو المكان إللي هموت فيه👌
وقال : يارب مش لاقي حد يبلغ رسولك مني السلام فبلغه مني السلام!
فقام عقبة بن الحارث إلى خبيب وقتله وهو مصلوب😓

أما الصحابي الثاني زيد بن الدّثنة إللي اشتراه صفوان بن أمية، أمر صفوان موْلى له اسمه نِسْطاس إنه يقتل زيد وكان ده في نفس اليوم إللي قُتل فيه خبيب،
لما أرادوا إنهم يقتلوا زيد جاء أبو سفيان وسأله وحلّفه بالله قال:
ناشدتك الله يازيد! تحب إنك تكون بين أهلك وأحبابك ومحمد عندنا هنا نضرب عنقه مكانك؟
فقال زيد بن الدثنة الأنصاري إللي لم يعش مع رسول الله ﷺ غير ثلاث سنوات فقط :
والله ما أحب إني أكون بين أهلي وأحبابي ومحمد في المكان إللي هو فيه تصيبه شوكة 👌
فقال أبو سفيان:
أنا مشفتش حد من الناس بيحب حد زي حب أصحاب محمد لمحمد😮

وقُتل رضي الله عنه وبكده يكتمل قتل العشرة من الصحابة،
هم أه قُتلوا وممكن نحس بالألم عشانهم، لكن هم في قبورهم مرتاحين، في أحسن حال، مُنعّمين في قبورهم👌

إزاي وصل الخبر لرسول الله ﷺ 🤔
في نفس اليوم إللي حصل فيه الغدر وعرف الصحابة إنهم مقتولين دعا عاصم بن ثابت رضي الله عنه وقال:
اللهم بلغ عنا نبيك🤲
فاستجاب الله لعاصم وأخبر رسول الله ﷺ باللي حصل مع الصحابة العشرة في نفس اليوم👌
طبعا رسول الله ﷺ حزن لمقتل أصحابه، كل واحد فيهم له معاه قصة، وهو بشر يحزن لما بيفقد حد بيحبه،
أيوة بيهون عليه لما يعرف إنهم في الجنة لكن حزن الفقد موجود وخصوصا لما يكونوا من المقاتلين الأشداء ومن المدافعين عن الإسلام😞

للأسف حصلت في نفس الشهر حادثة هي أشد من حادثة مقتل العشرة، أدت لحزن رسول الله ﷺ حزن شديد جدا،
إيه هي الحادثة دي وإيه إللي حصل فيها،
ده إللي هنعرفه الجزء الجاي بعد بكرة إن شاء الله👌


#Eman_Shalapy

ل هيسمعوا الكلام من غير مشاكل ولاّ هيركبوا دماغهم ويفضلوا قاعدين في المدينة🤔

ده إللي هنعرفه الجزء الجاي إن شاء الله 😊


#Eman_Shalapy

هُمْ لَيُوَلُّنَّ الْأَدْبَارَ ثُمَّ لَا يُنصَرُونَ "

أمرهم رسول الله ﷺ إنهم يخرجوا من المدينة معاهم ممتلكاتهم فقط ومياخدوش السلاح،
فبقوا يحملوا كل إللي يقدروا يحملوه على الجمال، لدرجة إنهم خربوا بيوتهم وبقوا يخلعوا الأبواب والشبابيك عشان يأخذوها معهم😅
"هُوَ الَّذِي أَخْرَجَ الَّذِينَ كَفَرُوا مِنْ أَهْلِ الْكِتَابِ مِن دِيَارِهِمْ لِأَوَّلِ الْحَشْرِ ۚ مَا ظَنَنتُمْ أَن يَخْرُجُوا ۖ
وَظَنُّوا أَنَّهُم مَّانِعَتُهُمْ حُصُونُهُم مِّنَ اللَّهِ فَأَتَاهُمُ اللَّهُ مِنْ حَيْثُ لَمْ يَحْتَسِبُوا ۖ وَقَذَفَ فِي قُلُوبِهِمُ الرُّعْبَ ۚ
يُخْرِبُونَ بُيُوتَهُم بِأَيْدِيهِمْ وَأَيْدِي الْمُؤْمِنِينَ فَاعْتَبِرُوا يَا أُولِي الْأَبْصَارِ"

تركت بنو النضير المدينة ولم يسلم منهم إلا رجلان، أما زعماء بني النضير حُيَيْ بن أخطب و《أبو رافع سَلاّم بن أبي الحُقَيْق》توجهوا لشمال المدينة لمنطقة اسمها حصون خيبر،

☆خليكم فاكرين اسم أبو رافع ده، له قصة بعدين👌

وبكده انتهت أزمة بني النضير بكل سهولة ويسر، وغَنِم المسلمون السلاح والثمار، وانتشر الخبر في الجزيرة العربية إزاي المسلمون استطاعوا إنهم ينتصروا على قبيلة بني النضير إللي لها تاريخ طويل في المدينة ولها تاريخ في صنع السلاح والقلاع والحصون بكل سهولة،
وبكده يكون المسلمون استعادوا جزء كبير من هيبتهم👌

طبعا رسول الله ﷺ استغل الحدث ده عشان يثبت أقدام الدولة الإسلامية من جديد وسط الجزيرة العربية فجهز جيش عشان يروح يقاتل قبائل نجد إللي قتلوا أصحابه السبعين ، وخرج هو ﷺ على رأس الجيش في غزوة اسمها غزوة نجد،
لكن المشركين هربوا منه ومحدش خرج لقتاله وانتشر الخبر في جزيرة العرب وبكده زادت هيبة المسلمين في نظر أعدائهم، ورجع رسول الله ﷺ إلى المدينة.

☆السؤال بقى...هو ليه رسول الله ﷺ لم يُعاقب عبد الله بن أبي بن سلول والمنافقين معاه على معاونتهم لليهود🤔
وربنا قال عنهم :
"أَلَمْ تَرَ إِلَى الَّذِينَ نَافَقُوا يَقُولُونَ لِإِخْوَانِهِمُ الَّذِينَ كَفَرُوا مِنْ أَهْلِ الْكِتَابِ لَئِنْ أُخْرِجْتُمْ لَنَخْرُجَنَّ مَعَكُمْ وَلَا نُطِيعُ فِيكُمْ أَحَدًا أَبَدًا وَإِن قُوتِلْتُمْ لَنَنصُرَنَّكُمْ وَاللَّهُ يَشْهَدُ إِنَّهُمْ لَكَاذِبُونَ"

احنا اتكلمنا في الجزء الرابع والستين عن المنافقين بصفة عامة وبتوضيح كبير عن كل حاجة تخصهم،
فأنا هذكّركم هنا بسبب واحد بس 😊
قلنا إن عبد الله بن أبي بن سلول ظاهره الإسلام فلو رسول الله ﷺ قتله هينتشر في جزيرة العرب إن محمد يقتل أصحابه، فكده الناس هتخاف تدخل في الإسلام،
فرسول الله ﷺ استحمل الضرر إللي الجاي من المنافقين وعلى رأسهم عبد الله بن أبي بن سلول في مقابل مصلحة أكبر وهي دخول الناس في الإسلام بدون أي خوف👌

☆ إللي عايز يراجع المعلومات عن موضوع المنافقين هيلاقي رابط الجزء إللي اتكلمنا فيه عنهم في التعليقات إن شاء الله😁👇

دلوقتي دخلنا في شهر ربيع الثاني، وفي وسط فرح المسلمين باستعادة هيبة الدولة الإسلامية وبدأوا يقفوا على رجلهم تاني ماتت زينب بنت خزيمة زوجة رسول الله ﷺ وهي لسه عندها ثلاثين سنة ويادوب لسه مكملتش ثمانية أشهر زواج من رسول الله ﷺ 😓
احنا كنا قلنا إن رسول الله ﷺ تزوجها في شهر رمضان
من السنة الثالثة من الهجرة بعد موت زوجها عُبيدة بن الحارث،
وكان رسول الله ﷺ تزوجها مواساة لها بعد موت زوجها، وكانت امرأة تقية تساعد المحتاجين لدرجة إن كان لقبها أم المساكين،
فماتت أم المساكين، وكانت هي ثاني زوجة تموت لرسول الله ﷺ بعد خديجة رضي الله عنها،
فلم يمت من زوجات رسول الله ﷺ في حياته غير خديجة وزينب بنت خزيمة رضي الله عنهما،
وأصبح عدد زوجات رسول الله ﷺ ثلاثة بعد موت زينب ودفنها رسول الله ﷺ في البَقِيع وهو مكان دفن من يموت من المسلمين،

في وسط الأحداث دي كلها، في مكة كان أبو سفيان بن حرب رئيس مكة بيسأل مجموعة من قريش :
مفيش واحد يروح يتسلل ويقتل لنا محمد، هو بيمشي في الأسواق لوحده ومش معاه حراسة فهتكون مهمة سهلة👌
فقال له رجل من الأعراب......

قال له إيه 😅
ده إللي هنعرفه الجزء الجاي إن شاء الله بعد بكره 😁

#Eman_Shalapy

وده رابط قناة التليجرام هتلاقوا عليها كل القصص إللي فاتت👇

https://t.me/joinchat/AAAAAEhulzm7RmVxsli1pQ

هو في أحسن من إللي ضاع مني، واحنا منعرفش إن ربنا هيرزقنا بالأحسن لأن ده وعد من رسول الله ﷺ،
زي أم سلمة رضي الله عنها، هي قالت الدعاء زي ما رسول الله ﷺ قال للمسلمين بصفة عامة،
وهي متعرفش إن بعد كم شهر بس ربنا هيرزقها مش بمن هو خير من أبي سلمة ده ربنا هيرزقها بخير مَن وطأت قدمه الأرض من البشر👌
اوعوا تنسوا وعد رسول الله ﷺ 😊
"ما من مسلم تصيبه مصيبة فيقول :
إنا لله وإنا إليه راجعون ، اللهم أجرني في مصيبتي وأخلف لي خيراً منها، إلا أخلف الله له خيراً منها👌

يا ترى حصل إيه تاني بعد كده ده إللي هنعرفه الجزء الجاي إن شاء الله 😁

#Eman_shalapy

وده رابط قناة التليجرام هتلاقوا عليها كل القصص إللي فاتت لحد جزء النهاردة👇

https://t.me/joinchat/AAAAAEhulzm7RmVxsli1pQ

ف تحركاتهم بعد كده، هل هيستسلموا للمسلمين ولا لسه هيحاربوهم تاني🤷‍♀️


#Eman_Shalapy


وده رابط قناة التليجرام هتلاقوا فيها كل القصص إللي فاتت👇

https://t.me/joinchat/AAAAAEhulzm7RmVxsli1pQ

وا للمدينة،
طبعا خبر تجمع المشركين بالأعداد الرهيبة دي، كان له تأثير كبير على أهل المدينة😬
ياترى كان رد فعل أهل المدينة كان إيه، ويا ترى إيه الخطة إللي رسول الله ﷺ هيستعملها في الدفاع عن المدينة،

ده إللي هنعرفه الجزء الجاي إن شاء الله 😁


#Eman_Shalapy

ارج إمكانيات البشر👌
الموضوع فعلا صعب، إزاي الصحابة قدروا يحفروا الخندق ده😳
البشر في العادة ميقدروش يعملوا العمل ده، لكن الله سبحانه وتعالى إذا أراد إنهم يعملوا هيخليهم يعملوا ويتموا المشروع، سواء بأيديهم وإنه يعطيهم القوة، أو يؤيدهم بالملائكة تساعدهم، ويرزقهم البركة في الوقت والجهد👌
بدأ المسلمون في حفر الخندق ومعهم رسول الله ﷺ، رسول الله ﷺ مقلهمش يلا يا رجالة ورونا الهمة واحفروا ولما تخلصوا اندهولي، وراح قعد في بيته مستني المسلمين يخلصوا😑
رسول الله ﷺ حاكم المدينة، النبي المرسل المطاع والقائد الأعلى لجيش المسلمين نزل بنفسه يحفر مع المسلمين،
مش واقف يهندس عليهم ويقول لده اعمل وده متعملش،
ده ماسك المِعْول بيضرب به الأرض وبيحفر،
والتراب كان مغطيه لدرجة إن الصحابة مكنوش شايفين بطنه من كثرة التراب إللي مغطيها👌
ووزع رسول الله ﷺ الأعمال بين المسلمين، مفيش حد أحسن من حد ومفيش حاجة اسمها واحد قاعد كده كسلان مش بيشتغل،
كان بيعطي كل عشرة من الصحابة أربعين ذراع يحفروها ولما يخلصوها يأخذوا غيرها وهكذا،
حصلت أحداث ومعجزات أثناء حفر الخندق، هنعرفها إن شاء الله الجزء الجاي😊


#Eman_Shalapy

ابة وبدأوا يأكلوا والتمر يزيد...هم ياكلوا والتمر يزيد،
لحد ما شبعوا كلهم ومشيوا والتمر بيقع من على طرف الثوب😮

☆ممكن حد يفكر إن المعجزات دي خاصة برسول الله ﷺ وبجيل الصحابة فقط،
لكن الكرامات دي بتحصل دائما وأبدا للصالحين المجاهدين،
وإللي يقرأ تاريخ المسلمين من بعد رسول الله ﷺ هيلاقي العجب،
يعني الكرامات مش وقف على رسول الله ﷺ فقط، لكنها حظ من الله ينصر به عباده الصالحين👌

الصحابة مستمرين في حفر الخندق، وكان ساعات بعض الصخور بتقف قصادهم مش بيعرفوا يكسروها فكانوا بيستعينوا برسول الله ﷺ عشان يكسرها لهم،
وهم بيحفروا في يوم واجهتهم صخرة كبيرة، حاولوا يكسروها مفيش فايدة لدرجة إن المَعاول تكسرت وهم بيحاولوا يكسروا الصخرة،
راحوا لرسول الله ﷺ واشتكوا له، فجاء معهم للمكان إللي فيه الصخرة، ونزل ومسك المِعْول وقال : بسم الله وضرب على الصخرة، فانكسر ثلثها فلما رآها انكسرت قال ﷺ:
الله أكبر! أُعطيت مفاتيح الشام، والله إني لأُبصر قصورها الحُمر الساعة👌
وبعدين ضرب الصخرة ضربة ثانية فانكسر الثلث الثاني وقال :
الله أكبر! أُعطيت مفاتيح فارس، والله إني لأُبصر قصر المدائن الأبيض👌
وبعدين ضرب الجزء الأخير من الصخرة فتفتت الصخرة وقال :
الله أكبر! أُعطيت مفاتيح اليمن، والله إني لأُبصر أبواب صنعاء من مكاني هذا👌

رسول الله ﷺ بيبشر المسلمين إنهم هينتصروا على الفرس والروم وأتباعهم في اليمن، وهيملكوا قصورهم ودول أعظم دولتين على وجه الأرض في زمانهم،
جيش الفرس لوحده يا جماعة كان أكثر من مليون جندي متخيلين😳
والصحابة قلقانين من العشرة آلاف إللي جايين بعد كم يوم،
وهم أصلا كلهم ثلاثة آلاف، فاللي هو إزاي يعني يا رسول الله، ده احنا مش لاقيين ناكل، يبقى هننتصر على أعظم دولتين في العالم😅
ومع ذلك الصحابة صدقوا بوعد رسول الله ﷺ، لأنهم عارفين إنه لا ينطق عن الهوى، وعارفين إن كل كلمة بيقولها هتتحقق، إزاي محدش يعرف، لكن وعد الله هيحصل هيحصل👌

☆احنا دلوقتي لو بصينا للواقع بتاعنا هنلاقي إننا أبعد ما نكون عن النصر والتمكين، وكل أعداء الإسلام اجتمعوا على حربه، سواء من الكفار أو المنافقين أو حتى من المسلمين أنفسهم إللي مش فاهمين دينهم صح، وبيضروا الدين وهم مش حاسين ولا عارفين بيعملوا إيه،
ومع ذلك بقول لكم إن المستقبل للإسلام، وإن الإسلام هيرجع يسود تاني وهيكون هو الحاكم الأوحد في الأرض،
لأن الدين ده بتاع ربنا وهو إللي هيحفظه،
وأي حد بيحارب الإسلام فهو بيحارب الله، وأي حد بيحارب الله القوي عمره ما هينتصر أبدا، بالعكس ده ربنا هيستعمله هو ذات نفسه لنشر الإسلام ونصرته وتبقى حسرة عليه لما يشوف الإسلام إللي كان بيحاربه بقى هو سبب في انتشاره ونصرته👌

انتهى المسلمون أخيرا من حفر الخندق، وهم يادوب خلصوا من هنا ولقوا جيش المشركين وصل على حدود المدينة🙊
حتى ملحقوش يستريحوا 😓

يا ترى رد فعل المشركين كان إيه لما شافوا الخندق، وهل قدروا إنهم يعبروا الخندق ولا عملوا إيه🤔

ده إللي هنعرفه الجزء الجاي إن شاء الله 😊

#Eman_Shalapy

نَاجِرَ وَتَظُنُّونَ بِاللَّهِ الظُّنُونَا* هُنَالِكَ ابْتُلِيَ الْمُؤْمِنُونَ وَزُلْزِلُوا زِلْزَالًا شَدِيدًا"
مرحلة الزلزلة دي أشد مراحل الابتلاء، لكن معنى إنها جت والإنسان ثبت يبقى خلاص النصر قريب جدا👌
"وَزُلْزِلُوا حَتَّىٰ يَقُولَ الرَّسُولُ وَالَّذِينَ آمَنُوا مَعَهُ مَتَىٰ نَصْرُ اللَّهِ ۗ أَلَا إِنَّ نَصْرَ اللَّهِ قَرِيبٌ"
رسول الله ﷺ قائد عملي، لازم يشوف حل للمشكلة دي، وإلا المسلمين كلهم هيبادوا بما فيهم الأطفال والنساء😥

يا ترى رسول الله ﷺ عمل إيه عشان يحل الأزمة دي؟

ده إللي هنعرفه الجزء الجاي إن شاء الله👌



#Eman_Shalapy

مين؟
فقال له : فلان بن فلان، ومحدش سأله هو مين 🤭
وزي ما بنقول، أفضل وسيلة للدفاع هي الهجوم😁

أبو سفيان قال لهم:
يا معشر قريش!
انتم شايفين إللي بيحصل، مش هينفع نقعد هنا أكثر من كده، وكمان بلغنا من بني قريظة ما نكرهه، مفيش حاجة
بتثبت على حالها، الخيام بتتقلع والقدور بتتقلب،
فأنا راجع لمكة فارجعوا، وقام ركب على جمله واتجه ناحية مكة وباقي جيش مكة وراه،
يقول حذيفة : لولا كلام رسول الله ﷺ إني معملش حاجة لحد ما أرجع كنت ضربته بالسهم وقتلته👌
لكن لأن رسول الله ﷺ قال له متعملش حاجة لحد ما ترجع فهو سمع كلام رسول الله ﷺ وترك أبو سفيان يمشي،

وجيش غطفان لما عرف انسحاب قريش، انسحبوا هم كمان لبلادهم، وانهزم الأحزاب وخلصت المعركة، بس كده😶
"يَا أَيُّهَا الَّذِينَ آمَنُوا اذْكُرُوا نِعْمَةَ اللَّهِ عَلَيْكُمْ إِذْ جَاءَتْكُمْ جُنُودٌ فَأَرْسَلْنَا عَلَيْهِمْ رِيحًا وَجُنُودًا لَّمْ تَرَوْهَا ۚ وَكَانَ اللَّهُ بِمَا تَعْمَلُونَ بَصِيرًا "

☆ممكن حد يقول طيب ما كان ربنا أرسل عليهم الريح دي من الأول وخلصنا، بدل التعب ده كله😣
ماهو نصر ربنا يا جماعة مش بييجي كده لأي حد، النصر لا يأتي إلا للمؤمنين الصادقين، فلازم الابتلاء عشان يتميز الصادق من الكاذب والمؤمن من المنافق👌

رجع حذيفة بن اليمان بالخبر الجميل والنصر العظيم لرسول الله ﷺ، جاء لرسول الله ﷺ وكان يصلي، فقعد جنبه لحد ما خلص صلاة وأخبره بالخبر،
"وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْرًا وَكَفَى اللَّهُ الْمُؤْمِنِينَ الْقِتَالَ وَكَانَ اللَّهُ قَوِيًّا عَزِيزًا"

وانتهت واحدة من أعظم معارك المسلمين، مع أنه محصلش فيها قتال زي غزوة بدر أو غزوة أحد،
وكأن الله عز وجل يريد أن يقول لنا:
مش مطلوب تحقيق النصر، أو تحقيق أي نتيجة ولكن المطلوب هو الأخذ بالأسباب وبذل المجهود ،
النصر أو النتيجة بتاعة ربنا، مطلوب مننا نأمر بالمعروف وننهى عن المنكر مش مطلوب مننا إننا نخلي الناس تسجيب لنا وتسمع الكلام،
ربنا يا جماعة هيحاسبنا على إللي نقدر نعمله، وهل قصرنا ولا لأ، مش هيحاسبنا على النتيجة أبدا، النتيجة أو النصر هينزل بالطريقة التي يريدها الله عز وجل، وفي الوقت الذي يريد سبحانه وتعالى👌

رجع رسول الله ﷺ من الخندق لبيته ورجع الصحابة، خلاص انتهت غزوة الأحزاب، دخل بيته ﷺ يغتسل بعد غياب شهر وبعد مشقة وعناء،
لكن......
لكن إيه 😁
ده إللي هنعرفه الجزء الجاي إن شاء الله 😊


#Eman_Shalapy

ا من المسلمين، قتل واغتصاب وتعذيب وحرق وتمثيل بالجثث،
ومش هقول لكم اقرأوا التاريخ عشان تعرفوا،
لكن شوفوا في واقعنا المعاصر إللي على غير ملة الإسلام بيعملوا إيه في المسلمين،
شوفوا اليهود نفسهم بيعملوا إيه دلوقتي مش في المسلمين البالغين، شوفوهم بيعملوا إيه في الأطفال، وما محمد الدّرة وإيمان حجو وغيرهم وغيرهم عنا ببعيد،
فيهود بني قريظة كانوا هيذبحوا كل أهل المدينة، فالجزاء من جنس العمل،
" وَلا يَحِيقُ الْمَكْرُ السَّيِّئُ إِلَّا بِأَهْلِهِ "
وهم لو كان عندهم ذرة ندم، كانوا على الأقل تظاهروا بالإسلام لما كعب بن أسد عرض عليهم عشان يحفظوا دماءهم وأموالهم ونساءهم، لكن دول فضلوا لحد آخر لحظة معاندين مستكبرين،
ولو تركهم رسول الله ﷺ لعادوا مرة ثانية وثالثة لحرب المسلمين وقتالهم👌

يا ترى إيه إللي حصل لسعد بن معاذ بعد كده، وإيه إللي حصل لأبي لبابة، ده إللي هنعرفه الجزء الجاي إن شاء الله 😊



#Eman_Shalapy