#قصص_الأنبياء(٢)
#السيرة_النبوية
#الحلقة_مائة_وثلاث_وعشرون
#علامات_الساعة_الكبرى_الجزء_الرابع
#المسيح_الدجال_الجزء_الثالث
#ابن_صيّاد

وقفنا المرة إللي فاتت عند ابن صياد واختلاف العلماء فيه هل هو الدجال ولاّ لأ،
خلونا نشوف قصة ابن صياد وانتم احكموا بنفسكم إذا كان العلماء لهم حق في الاختلاف ده ولاّ لأ😁
ابن صياد اسمه : صافي بن صياد أو صائد،
وقيل عبد الله بن صياد أو صائد، وكان ابن صياد من يهود المدينة،
وكان دجّالاً وبيتكهن للناس، فكانت تكهناته دي أحيانا بتكون صادقة وأحيانا كاذبة، فانتشر خبره بين الناس، وطلعت إشاعة إن هو الدجال،
فرسول الله ﷺ كان عايز يطّلع على أمره ويتبين حاله ويعلم حقيقته، ويُظهر إبطال حاله للصحابة ، وإنه كاهن ساحر يأتيه الشيطان فيُلقي على لسانه ما يلقيه الشياطين إلى الكهنة،
وخصوصا إن مكنش نزل لرسول الله ﷺ وحي في ابن صياد هل فعلا هو الدجال زي ما الناس بتقول ولاّ لأ،
فكان رسول الله ﷺ بيذهب لابن صياد ويسأله أسئلة يختبره بيها، وساعات كان يتخفى لابن صياد ويحاول يسمع من كلامه من غير ما ياخد باله،
يعني مثلا في يوم من الأيام خرج رسول الله ﷺ مع عمر بن الخطاب ومعاه كم واحد من أصحابه متجهين ناحية ابن صياد،
فكان ابن صياد قاعد بيلعب مع الصبيان وكان ساعتها قَارَب الحُلُم يعني قرب من البلوغ يعني عمره اثنا عشر سنة تقريبا،
ولما قرب رسول الله ﷺ من ابن صياد محسش بيه ابن صياد ولا أخد باله إن رسول الله ﷺ قرب منه لحد ما رسول الله ﷺ ضرب بيده، يعني خبط بإيده👏
فابن صياد التفت وشاف رسول الله ﷺ، فقال له رسول الله ﷺ:
" أَتَشْهَدُ أَنِّي رَسُولُ اللَّهِ؟!!"
فنظر ابن صياد لرسول الله ﷺ وقال:
" أَشْهَدُ أَنَّكَ رَسُولُ الأُمِّيِّينَ"

☆ودي أول نقطة تلخبط، لأن الدجال إللي كان مقيد بالسلاسل سأل تميم الداري ما فعل نبي الأميين😕

وراح ابن صياد سأل رسول الله ﷺ:
أتشهد أني رسول الله؟
فتركه رسول الله ﷺ وقال :
" آمَنْتُ بِاللَّهِ وَبِرُسُلِهِ"
يعني ابن صياد بيدعي النبوة أمام رسول الله ﷺ، ورسول الله ﷺ تركه معملهوش حاجة عشان عايز يستغله ويسمع كلامه من غير ما ابن صياد يحس بكده،
وبعدين سأله رسول الله ﷺ :
انت بتشوف إيه؟! أو إيه إللي بيجيلك؟
يعني مش انت رسول ايه بقى الوحي اللي بيجيلك،
فقال ابن صياد: يأتيني صادق وكاذب!
فقال له رسول الله ﷺ: انت اختلط عليك الأمر 👌
وبعدين قال له رسول الله ﷺ:
"إِنِّي قَدْ خَبَأْتُ لَكَ خَبِيئًا"
يعني أنا خبأت لك حاجة، تقدر تعرف إيه هي، وكان رسول الله ﷺ خبأ في نفسه 《الدخان》 من قوله تعالى:
" فَارْتَقِبْ يَوْمَ تَأْتِي السَّمَاء بِدُخَانٍ مُّبِينٍ"
فقال ابن صياد:
"هُوَ الدُّخُّ"
يعني يقصد الدخان، ولكنه قطمها على طريقة الكهان، فعرف رسول الله ﷺ مادته وأنها شيطانية، فقال له رسول الله ﷺ:
" اخْسَأْ فَلَنْ تَعْدُوَ قَدْرَكَ"
يعني لا تتعدى حدودك انت وأمثالك من الكهان إللي مش بيحفظوا من جمل الشياطين الكثيرة كلمة واحدة،
يعني رسول الله ﷺ بيوضح الفرق بينه وبين ابن صياد وبيقول له انت مش رسول ولا حاجة،
انت اخرك تعرف كلمة ولا اتنين من كلام الشياطين، أما الأنبياء والرسل فإن الله تعالى يوحي إليهم من علم الغيب ما يوحي، فيكون الوحي واضح مفهوم كامل،
فهنا عمر بن الخطاب قال لرسول الله ﷺ:
"دَعْنِي يَا رَسُولَ اللَّهِ أَضْرِبْ عُنُقَهُ"
يعني خليني أقتله ونخلص، فقال له رسول الله ﷺ:
" إِنْ يَكُنْهُ فَلَنْ تُسَلَّطَ عَلَيْهِ وَإِنْ لَمْ يَكُنْهُ فَلا خَيْرَ لَكَ فِي قَتْلِهِ"
يعني لو هو الدجال مش هتقدر تقتله، ولو مش الدجال فمفيش فايدة من قتله،
ورسول الله ﷺ لم يقتل ابن صياد مع إنه ادعى النبوة لأن ساعتها ابن صياد كان لسه صغير مبلغش الحُلم حتى، يعني كان عمره حوالي اثنا عشر سنة زي ما قلنا من شوية،

بعد كده رسول الله ﷺ ومعاه أبي بن كعب راحوا لمنطقة النخل إللي فيها ابن صياد زي بستان كده أو مزرعة، ورسول الله ﷺ قعد يمشي براحة بين النخل والشجر عشان يراقب ابن صياد من غير ما ياخد باله لعله يعرف عنه حاجة،
فشافه رسول الله ﷺ وهو نايم على رداء بتاعه وعمال يتمتم بكلمات كده بصوت واطي بكلام مش مفهوم،
فرسول الله ﷺ عمال يقرب منه وبيحاول يسمع بيقول إيه،
وإيه الكلام الغير مفهوم إللي بيقوله ده،
فأم صياد خرجت من البيت إللي في المزرعة وشافت رسول الله ﷺ وهو بيتخفى لابنها وبيتسمع له فنادت على ابنها وقالت:
يا صافِ محمد وراك👌
فثار ابن صياد وغضب وقام من مكانه، فقال رسول الله ﷺ:
"لَوْ تَرَكَتْهُ بَيَّنَ"
يعني لو أمه مكنتش اتكلمت وكنت سمعت الكلام إللي عمال يقوله كنت عرفت إذا كان هو الدجال ولاّ لأ،
فرسول الله ﷺ فضل متحير في أمره ومعرفش إذا كان ابن صياد هو الدجال فعلا ولاّ لأ وانتشر الموضوع بين الناس إن رسول الله ﷺ بيشك في ابن صياد إن هو الدجال،
وكان عمر يحلف بالله إن ابن صياد هو الدجال أمام رسول الله ﷺ ورسول الله ﷺ مش بيعترض عليه لأن رسول الله ﷺ كان متوقف فيه وميعرفش إذا كان

فعلا هو الدجال ولاّ لأ،
فكان غالب عليهم الظن ان ابن صياد هو فعلا الدجال عشان كده عمر رضي الله عنه كان بيحلف ورسول الله ﷺ مكنش بيعترض،
وقصة ابن صياد مع رسول الله ﷺ كانت في السنين الأولى بعد الهجرة يعني قبل قصة تميم الداري إللي قلنا عنها المرة إللي فاتت،
فلما جاء تميم الداري وحكى قصته لرسول الله ﷺ نقدر نقول إن قصة ابن صياد بقت خلاص منسوخة،
وإن ابن صياد مجرد واحد من الكُهان الدجالين وليس هو الدجال الأكبر إللي هيخرج آخر الزمان،
لكن المشكلة بقى في إللي حصل بعد كده وخلّى العلماء يختلفوا،
بعد موت رسول الله ﷺ حصلت حادثتين مع ابن صياد حيرت العلماء:
◇الحادثة الأولى :
ابن صياد أسلم وبقى غني عنده أموال كثيرة وكثرت ذريته،
واحنا قلنا إن الدجال عقيم لا يُولد له،
في مرة ابن صياد كان ماشي في طريق من طُرق المدينة الضيقة فقابله عبد الله بن عمر بن الخطاب وكان مع عبد الله مجموعة من أصحابه،
فلقاه بقى أعور، وعينه عاملة زي العنبة الطافية😳
فاستغرب عبد الله بن عمر وقال لابن صياد:
إمتى حصل لعينك إللي أنا شايفه ده😧
فقال له ابن صياد: معرفش😕
فقال له ابن عمر: متعرفش؟!! وهي في رأسك؟!!🤨
يعني عينك في راسك ومش عارف امتى بقيت أعور😅
فابن صياد قال لعبد الله بن عمر:
لو أراد الله جعل عيني في عصاك 🤷‍♂️
فهنا عبد الله بن عمر غضب منه جدا وراح ماسك العصاية بتاعته ونزل ضرب على ابن صياد لحد ما كسر العصايا بتاعته على ابن صياد،
فغضب ابن صياد غضب شديد وانتفخ، أه انتفخ🙊
وقعد ينتفخ لحد ما ملأ السكة الضيقة إللي كانوا واقفين فيها زي ما بنشوف في أفلام الكارتون كده😅
والناس إللي واقفة كلهم بقى مصدومين من منظر ابن صياد😳
والعجيب كمان إن عبد الله بن عمر بيقول والله ما حسيت إني ضربته ولا فاكر أصلا إني ضربته، وأصحابي إللي كانوا معايا هم إللي بيقولوا إني ضربته،
وراح بعدها لأخته حفصة بن عمر زوجة رسول الله ﷺ وحكى لها إللي حصل،
فقالت له حفصة: انت مالك ومال ابن صياد بتغضبه ليه، انت مش عارف إن الدجال هيخرج بسبب غضبة يغضبها👌

◇الحادثة الثانية:
ابن صياد كان بيسمع كلام الناس فيه وإن هو الدجال فكان بيتأذى من كلامهم وكان دايما يدافع عن نفسه بأنه مش هو الدجال،
خرج ابن صياد مرة للحج مع الناس، وكان من ضمن الناس واحد من الصحابة من الأنصار اسمه أبو سعيد الخدري،
ففي الطريق قعدوا يريحوا والناس اتفرقت كل واحد راح مكان واتبقى أبو سعيد مع ابن صياد،
فهنا أبو سعيد الخدري رضي الله عنه خاف من ابن صياد من كتر الكلام إللي بيتقال عليه😅
لأ وابن صياد جاب متاعه أغراضه وحاجته يعني ووضعها مع متاع أبو سعيد، يعني احنا قاعدين مع بعض مش هسيبك😁
فأبو سعيد قال له :
الجو حر فلو إنك وضعت أغراضك تحت الشجرة إللي هناك دي يكون أحسن،
ففعلا ابن صياد أخذ أغراضه ووضعها تحت الشجرة، وبعدها كان في غنم فراح ابن صياد حلب من الغنم وجاء لأبو سعيد باللبن يشربه، فقال لأبي سعيد: اشرب،
لكن أبو سعيد مش عايز منه حاجة أصلا هو نِفسه يبعد عنه وده لازق فيه🤦‍♂️
فقال له أبو سعيد:
الحر شديد واللبن حار😅
بيعتذر بلطف يعني عشان ميجرحوش ويقول له أنا مش عايز منك حاجة،
فقال ابن صياد لأبي سعيد:
أبا سعيد! لقد همَمْت أن آخذ حبلاً فأعلقه بشجرة ثم أختنق مما يقول لي الناس😑
يعني من كتر الكلام أللي الناس بتقوله عنه فكر إنه ينتحر ويخلص من الهم ده كله،
وبدأ بقى يدافع عن نفسه ويتلطف في الكلام مع أبو سعيد عشان يثبت له براءته، قال :
يا أبا سعيد! من خَفِيَ عليه حديث رسول الله ﷺ ما خفي عليكم معشر الأنصار!
يعني لو الناس معرفتش أحاديث رسول الله ﷺ الأنصار أكيد عارفين كلامه ﷺ، ومش انت من أعلم الناس بحديث رسول الله ﷺ،
طيب هو مش رسول الله ﷺ قال عن الدجال إنه كافر؟!
طيب أنا مسلم🤷‍♂️
مش رسول الله ﷺ قال عنه : هو عقيم لا يُولد له، طيب أنا تركت ابني في المدينة،
مش رسول الله ﷺ قال: لا يدخل المدينة ولا مكة، طيب أنا جاي من المدينة ورايح مكة أهه😕
فزي ما تقولوا كده ابن صياد صعب على أبو سعيد الخدري ولقى إن كلام ابن صياد فعلا منطقي جدا، وقال أبو سعيد في نفسه:
حتى كدت أن أعذره، يعني فعلا حسيته مظلوم، وإن مش هو الدجال،
وراح ابن صياد مكمل كلامه:
أما والله إني لأعرفه وأعرف مولده وأين هو الآن😤
يعني أنا أعرف الدجال وأعرف أبوه وأمه وأعرف هو فين دلوقتي،
فأبو سعيد اتصدم وقال له: تباً لك سائر اليوم، أيُسُّرك أنك ذاك الرجل؟
يعني تحب إنك تكون انت الدجال، فابن صياد إللي عمال يدافع عن نفسه وكان عايز ينتحر بسبب كلام الناس قال:
لو عُرِض عليَّ ما كرهت🤷‍♂️
يعني لو اتعرض عليه إنه يكون الدجال مش هيعترض وهيوافق عادي جدا🤦‍♂️
وحتى موته، محدش يعرف هو مات إزاي ولا هو فين أصلا، حصلت حادثة اسمها يوم الحَرّة حصل فيها قتال بين أهل المدينة وجيش يزيد بن معاوية،
وفي اليوم ده فقدوا ابن صياد لا لقوه هو شخصيا ولا لقوا جثته وده من الأمور إللي زودت الشك عند الناس،
وقالوا إن هو المسيح الدجال، لكن

القول الراجح إن ابن صياد هو دجال من الدجالين وإنه ليس هو الدجال الأكبر،
وشك رسول الله ﷺ فيه كان بسبب إن في صفات مشتركة بينه وبين الدجال، وربنا كان أوحى لرسول الله ﷺ صفات الدجال ولم يوحِ له مين هو الدجال👌

☆ممكن حد يسأل ويقول : طيب هو مش الدجال مكتوب بين عينيه كافر وهيشوفها كل مؤمن ، إزاي رسول الله ﷺ مشافهاش🤨

بكل بساطة العلامة دي وغيرها من العلامات إللي جاءت في الدجال مش هتظهر غير في وقت فتنته لما يخرج على الناس آخر الزمان فيدعي الألوهية،
فلو اعتبرنا ان ابن صياد كان فعلا الدجال فطبيعي إن رسول الله ﷺ ميشفش بين عينيه كلمة كافر،
وزي ما قلنا إن الراجح إن ابن صياد مش هو الدجال👌

كده احنا عرفنا مكان المسيح الدجال والعلاقة بينه وبين ابن صياد وعرفنا المكان إللي هيخرج منه،
امتى بقى هيخرج، وإيه الظروف إللي هيخرج فيها🤔
احنا قلنا إن الدجال هيخرج بعد الملحمة الكبرى وفتح القسطنطينية في آخر الزمان،
أما الظروف إللي هيخرج فيها فالثلاث سنين إللي بيسبقوا خروج الدجال هيكونوا ثلاث سنوات شِدَاد،
هيكون في فُرقة واختلاف وفتنة وفساد من أحوال الناس ، وخفة من الدين ،وسوء ذات بين،
ويصيب الناس فيها جوع شديد ، السنوات دي مفهمش مطر والماء على الأرض هيكون قليل جدا،
فاكرين لما قلنا إن من علامات الساعة الصغرى توقف نزول المطر ، أهه في الثلاث سنوات قبل خروج الدجال هتحصل العلامة دي ،
في السنة الأولى تحبس السماء ثلث المطر،
والأرض هي كمان هتحبس ثلث النبات، وفي السنة الثانية السماء تحبس الثلث الثاني من المطر والأرض تحبس الثلث الثاني من النبات،
وفي السنة الثالثة تحبس السماء الثلث الثالث من المطر والأرض تحبس الثلث الثالث من النبات،
يعني مفيش ماء يبقى مفيش زرع، فمش هيلاقوا أكل يأكلوه ولا مية يشربوها، حتى الحيوانات هتهلك إلا ما شاء الله،
قال رسول الله ﷺ:
" إن قبل خروج الدجال ثلاث سنوات شداد، يصيب الناس فيها جوع شديد،
يأمر الله السماء في السنة الأولى أن تحبس ثلث مطرها، ويأمر الأرض أن تحبس ثلث نباتها،
ثم يأمر السماء في السنة الثانية فتحبس ثلثي مطرها،
ويأمر الأرض فتحبس ثلثي نباتها، ثم يأمر السماء في السنة الثالثة فتحبس مطرها كله، فلا تقطر قطرة،
ويأمر الأرض فتحبس نباتها كله، فلا تنبت خضراء، فلا يبقى ذات ظَلْف إلا هلكت؛ إلا ما شاء الله"
والمقصود من ذات الظلف الحيوانات، فالصحابة لما سمعوا كلام رسول الله ﷺ سألوه عن الناس هيعيشوا إزاي ومفيش لا زرع ولا ماء ولا حتى حيوانات يأكلوها،
فقال لهم رسول الله ﷺ إنهم هيعيشوا على قول لا إله إلا الله والحمد لله والله أكبر، وهيقوم الذكر بمقام الطعام،
"قيل: فما يعيش الناس في ذلك الزمان؟
قال رسول الله ﷺ : التهليل والتكبير، والتحميد، ويجزئ ذلك عليهم مَجْزأة الطعام"

◇وهنا في فائدة وهي إن الأذكار بتعطي قوة للبدن، وده مش خاص بآخر الزمان فقط لكن خاص بكل زمان والدليل على كده إن فاطمة بنت رسول الله ﷺ لما اشتكت له وإنها عايزة خادم قال لها رسول الله ﷺ إنه هيقولها على حاجة هي أحسن من الخادم، وهي إنها قبل ما تنام تسبح الله ثلاث وثلاثين مرة،
وتحمد الله ثلاث وثلاثين وتكبر أربع وثلاثين، فالحديث موضح إن الذكر فيه فائدة في تقوية البدن،
فحتى احنا لو احتاجنا للي يساعدنا في الأعمال فالحل إننا نكثر من ذكر الله، لأن فيه قوة للبدن،
ودي حقيقة فعلا مش مجرد كلام وعن تجربة شخصية عشان محدش بس يستبعد الموضوع وإنه صعب أو مستحيل👌

☆طيب سؤال بقى،
هو مش احنا قلنا إن المهدي هيكون قبل الدجال وإنه لما يحكم هيملأ الأرض عدل وربنا هيخرج له الثمار وينزل له الغيث من السماء،
إزاي بقى يكون في قحط وقلة ماء وغذاء وفتن وفساد في أحوال الناس🤔
المسيح الدجال هيخرج في زمن المهدي، والمهدي هيكون حاكم عادل وهيملأ الأرض عدل والعدل بييجي معاه كثرة الخير ونزول البركة من السماء،
لكن الوضع هيتغير قبل خروج الدجال بثلاث سنوات وربنا قادر، ومش معنى إن المهدي هيكون إمام عادل وخليفة راشد إن ميكونش في ناس فاسدين في الأرض وفي منافقين،
فقبل خروج الدجال هيكون في فتن تصيب الناس عشان تطلع إللي جواهم ويميز الله الخبيث من الطيب ويتميز أهل الحق عن أهل الباطل، وساعتها ينقسم الناس لفريقين :
فريق مؤمن لا نفاق فيه، وفريق منافق لا إيمان فيه،
والمؤمنين هم إللي هيقاتلوا الروم وينتصروا عليهم ويفتح الله عليهم القسطنطينية وروما وغيرها من البلاد،
ومتنسوش إن المهدي هيحكم سبع أو ثمان سنوات،
فممكن لما يحكم هيقدر يملأ الأرض عدل وتفضل الفتن والاختبارات مستمرة عشان يحصل التمايز بين المؤمنين وغيرهم،
لأن احنا عارفين إن المنافقين مش بيظهروا غير في عزة الإسلام وقوته، فإزاي ربنا يُظهر إللي في قلوبهم غير بالابتلاءات والفتن زي ما حصل في غزوة أحد وما بعد غزوة أحد وإللي حصل في غزوة الأحزاب لو تفتكروا👌
فمن حكمة ربنا إن يكون في ابتلاءات وشدائد قبل الدجال عشان المؤمنين يتعلقوا بالله فتثبت قلوبهم في الامتحان الأكبر

،
وفي نقطة تانية وهي إن الدجال لما يخرج هيكون جايب معاه الخيرات كلها وهيأمر السماء إنها تمطر فتمطر ويأمر الأرض البُور إللي مفيهاش زرع إنها تطلع زرع فالزرع يخرج،
فهنا الابتلاء يكون أشد على الناس ومش هيثبت أمامها غير المؤمن صادق الإيمان،
ومش كده وبس ده الدجال هيعمل حاجات تانية في الناس هنعرفها الجزء الجاي إن شاء الله بالتفصيل👌

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊



#Eman_Shalapy

⭐ المصادر ⭐


https://islamqa.info/ar/answers/8301/من-هو-ابن-صياد-وهل-هو-المسيح-الدجال



https://www.google.com/amp/s/islamqa.info/amp/ar/answers/153862



https://fatwa.islamweb.net/ar/fatwa/16535/



لو كان ابن صياد هو الدجال، كيف لم يقرأ النبي عليه الصلاة والسلام كلمة " كافر " بين عينيه ؟ - الإسلام سؤال وجواب
https://islamqa.info/ar/answers/286116/%D9%84%D9%88-%D9%83%D8%A7%D9%86-%D8%A7%D8%A8%D9%86-%D8%B5%D9%8A%D8%A7%D8%AF-%D9%87%D9%88-%D8%A7%D9%84%D8%AF%D8%AC%D8%A7%D9%84-%D9%83%D9%8A%D9%81-%D9%84%D9%85-%D9%8A%D9%82%D8%B1%D8%A7-%D8%A7%D9%84%D9%86%D8%A8%D9%8A-%D8%B9%D9%84%D9%8A%D9%87-%D8%A7%D9%84%D8%B5%D9%84%D8%A7%D8%A9-%D9%88%D8%A7%D9%84%D8%B3%D9%84%D8%A7%D9%85-%D9%83%D9%84%D9%85%D8%A9-%D9%83%D8%A7%D9%81%D8%B1-%D8%A8%D9%8A%D9%86-%D8%B9%D9%8A%D9%86%D9%8A%D9%87

🔮نوايا اذكار الصباح والمساء

🌷لأكون من الذاكرين لله فيذكرنى الله

🌷اتباع سنة الرسول صل الله عليه وسلم

🌷لأتقرب إلى الله وأرضيه ويطمأن قلبى بذكره

🌷أن استعن بالله بدفع الشر والأذى عنى

🌷أحقق بها التوكل على الله وتفويض الأمر كله له سبحانه وتعالى

🌷تحصيل ثواب الأذكار

🌷حط الخطايا والذنوب عنى

🌷الوقاية من الجن والحسد والسحر والشياطين بإذن الله

🌷تجديد العهد مع الله وتجديد معانى التوحيد

🌷أن أبدأ يومى بثواب عظيم

🌷أن أكون من المفردين
☀☀أن تسهو عن أذكار الصباح والمساء، يعني أن تهدم حصنك من الشرِّ ، وتترك بابك مفتوحًا للضر ، اذكاركم حافظوا عليهاا☀
🌕 أذكار الصباح 🌕
‏ ࿐༜.. ࿐༜.. ࿐༜

💫صحيح الأذكار لإمام السنة المحدِّث الألباني رحمه الله.

🌕 *أَصْبَحْنَا وَأَصْبَحَ الْمُلْكُ لِلَّهِ وَالْحَمْدُ لِلَّهِ لَا إِلَهَ إِلَّا اللَّهُ وَحْدَهُ لَا شَرِيكَ لَهُ ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ . رَبِّ إنِّي أَسْأَلُكَ خَيْرَ مَا فِي هَذِاِ اليَوم وَخَيْرَ مَا بَعْدَهُ وَأَعُوذُ بِكَ مِنْ شَرِّ هَذِاِ اليَوم وَشَرِّ مَا بَعْدَهُ . رَبِّ أَعُوذُ بِكَ مِنَ الْكَسَلِ وَسُوءِ الْكِبَرِ . رَبِّ أَعُوذُ بِكَ مِنْ عَذَابٍ فِي النَّارِ وَعَذَابٍ فِي الْقَبْرِ . ))*

📚(مختصر مسلم: 1894)

🌕 - *(( اللَّهُمَّ بِكَ أَصْبَحْنَا، وَبِكَ أَمْسَيْنَا، وَبِكَ نَحْيَا، وَبِكَ نَمُوتُ، وَإِلَيْكَ النُّشُورُ, ))*

📚(الصحيحة: 262) .

🌕 - *((اللَّهُمَّ أَنْتَ رَبِّي، لاَ إِلَـهَ إِلاَّ أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ, أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي، فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إلاَّ أَنْتَ)).*

📚(مختصر البخاري: 2420)

🌕 - *((يَا حَيُّ يَا قَيُّومُ بِرَحْمَتِكَ أَسْتَغِيثُ, أَصْلِحْ لِي شَأْنِي كُلَّهُ, وَلاَ تَكِلْنِي إِلَى نَفْسِي طَرْفَةَ عَيْنٍ)) .*

📚(صحيح الترغيب: 661)

🌕 - *((اللَّهُمّ عَالِمَ الْغَيْبِ وَالشَّهَادَةِ, فَاطِرَ السَّمَوَاتِ وَالأَرْضِ, رَبَّ كُلِّ شَيْءٍ وَمَلِيكَهُ، أشهد أن لا إله إلا أنت, أَعُوذُ بِكَ مِنْ شَرِّ نَفْسِي، وَشَرِّ الشَّيْطَانِ وَشَِرَْكِهِ, وَأَنْ أَقْتَرِفَ عَلَى نَفْسِي سُوءًا أَوْ أَجُرَّهُ إِلَى مُسْلِمٍ)) .*

📚(صحيح الكلم: 21)

🌕 - *((اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالآخِرَةِ, اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي, وَدُنْيَايَ, وَأَهْلِي, وَمَالِي, اللَّهُمَّ اسْتُرْ عَوْرَاتِي وَآمِن رَّوْعَاتِي, اللَّهُمَّ احْفَظْنِي مِنْ بَيْنِ يَدَيَّ, وَمِن ْ خَلْفِي, وَعَنْ يَمِينِي, وَعَنْ شِمَالِي, وَمِنْ فَوْقِي، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي)) .*

📚(صحيح الكلم: 23),(صحيح ابن ماجه: 3135)

🌕- *((لاَ إِلَـهَ إِلاَّ اَللهُ وَحْدَهُ لاَ شَرِيكَ لَهُ, لَهُ الْمُلْكُ, وَلَهُ الْحَمْدُ, وَهُوَ عَلَى كُلِّ شَيْءٍ قَدِيرٌ)) .*

📚(صحيح الترغيب: 656),
(صحيح الترمذي: 5077)

🌕 - *((بِسْمِ اللهِ الَّذِي لاَ يَضُرُّ مَعَ اسْمِهِ شَيْءٌ؛ فِي الأَرْضِ وَلاَ فِي السَّمَاءِ وَهُوَ السَّمِيعُ الْعَلِيمُ)) .*
ثلاث مرات .

📚(صحيح الترمذي: 3388)

🌕 - *((اللَّهُمَّ عَافِنِي فِي بَدَنِي، اللَّهُمَّ عَافِنِي فِي سَمْعِي، اللَّهُمَّ عَافِنِي فِي بَصَرِي، لاَ إِلَـهَ إلاَّ أَنْتَ, اللَّهُمَّ إِنِّي أَعُوذُ بِكَ مِنَ الْكُفْرِ وَالْفَقْرِ، اللَّهُمَّ إِنِّي أَعُوذُ بِكَ مِنْ عَذَابِ الْقَبْرِ، لاَ إِلَـهَ إلاَّ أَنْتَ)) .* تعيدها ثلاثًا حين تصبح,
وثلاثًا حين تُمسي .

📚(صحيح أبي داود: 5090)

🌕 - *((لاَ إِلَـهَ إِلاَّ اَللهُ وَحْدَهُ لاَ شَرِيكَ لَهُ, لَهُ الْمُلْكُ وَلَهُ الْحَمْدُ يُحْيِي وَيُمِيتُ وَهُوَ عَلَى كُلِّ شَيْءٍ قَدِيرٌ)) .* عشر مرات .

📚(الصحيحة: 2563)

🌕 - *((سُبْحَانَ اللهِ وَبِحَمْدِهِ))*. مائة مرة .

📚(مختصر مسلم: 1903),(صحيح أبي داود: 5091)

🌕 *((لاَ إِلَـهَ إِلاَّ اَللهُ وَحْدَهُ لاَ شَرِيكَ لَهُ, لَهُ الْمُلْكُ, وَلَهُ الْحَمْدُ, وَهُوَ عَلَى كُلِّ شَيْءٍ قَدِيرٌ))* . مائة مرة .

📚(صحيح الترغيب: 658)

🌕 -( قُلْ : *قُلْ هُوَ اللَّهُ أَحَدٌ ، وَالمُعَوِّذَتَيْنِ* ، حِينَ تُمْسِي وَتُصْبِحُ ثَلاَثَ مَرَّاتٍ ، تَكْفِيكَ مِنْ كُلِّ شَيْءٍ )

📚(صحيح الترمذي ).
(وأبو داود )رقم/5082


🌕- *((رَضِيتُ بِاللهِ رَبًّا, وَبِالإِسْلاَمِ دِينًا, وَبِمُحَمَّدٍ نَّبِيًّا))* .

📚(الصحيحة: 2686)

🌕 - *((أَصْبَحْنَا عَلَى فِطْرَةِ الإِسْلاَمِ، وَكَلِمَةِ الإِخْلاَصِ، وَدِينِ نَبِيِّنَا مُحَمَّدٍ، وَمِلَّةِ أَبِينَا إِبْرَاهِيمَ حَنِيفًا مُّسْلِمًا -وَمَا كَانَ مِنَ المُشْرِكِينَ-))*

📚(الصحيحة: 2989),

🌕- *((سُبْحَانَ اللهِ وبحمده عَدَدَ خَلْقِهِ, وَرِضَا نَفْسِهِ, وَزِنَةَ عَرْشِهِ, وَمِدَادَ كَلِمَاتِهِ))* . ثلاث مرات .

📚(الصحيحة: 2156)

🌕 - *((ما أصبحت غَداةً قطُّ إلا استغفرت الله فيها مائة مرة))*.
📚(الصحيحة: 1600)

#أذكار_الصباح

أسأتُ ولم أُحْسِنْ وجئتُكَ تائباً

وأنَّى لِعَبْدٍ عن مواليه مَهْرَبُ

يُؤَمِّلُ غُفَراناً فإنْ خَابَ ظَنُّه

فما أَحَدٌ منه على الأرضِ أخيبُ

‏
🌑🌕 أذكار المساء الصحيحة🌕🌑
‏ ࿐༜.. ࿐༜.. ࿐༜


🌕 - *((أمْسَيْنَا وَأَمْسَى الْمُلْكُ للهِ، وَالْحَمْدُ للهِ، وَلاَ إِلَـهَ إِلاَّ اللهُ وَحْدَهُ لاَ شَرِيكَ لَه, لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، رَبِّ أَسْأَلُكَ خَيرَ مَا فِي هَذِهِ اللَّيلَةِ وَخَيْرَ مَا بَعْدَهَا، وَأَعُوذُ بِكَ مِنْ شَرِّ هَذِهِ اللَّيلَةِ وَشرِّ مَا بَعْدَهَا، رَبِّ أَعُوذُ بِكَ مِنَ الْكَسَلِ وَسُوءِ الْكِبَْرِ، رَبِّ أَعُوذُ بِكَ مِنَ عَذَابٍ فِي النَّارِ وَعَذَابٍ فِي الْقَبْرِ).*

📚(مختصر مسلم: 1894)

🌕 - *((إذا أمسى فليقل: اللَّهُمَّ بِكَ أَمْسَيْنَا وَبِكَ أَصْبَحْنَا، وَبِكَ نَحْيَا وَبِكَ نَمُوتُ، وَإِلَيْكَ الْمَصِيرُ))*

📚(الصحيحة: 262) .

🌕 - *((اللَّهُمَّ أَنْتَ رَبِّي، لاَ إِلَـهَ إِلاَّ أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ, أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي، فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إلاَّ أَنْتَ)).*

📚(مختصر البخاري: 2420)

🌕 - *((يَا حَيُّ يَا قَيُّومُ بِرَحْمَتِكَ أَسْتَغِيثُ, أَصْلِحْ لِي شَأْنِي كُلَّهُ, وَلاَ تَكِلْنِي إِلَى نَفْسِي طَرْفَةَ عَيْنٍ))*

📚(صحيح الترغيب: 661)

🌕 - *((اللَّهُمّ عَالِمَ الْغَيْبِ وَالشَّهَادَةِ, فَاطِرَ السَّمَوَاتِ وَالأَرْضِ, رَبَّ كُلِّ شَيْءٍ وَمَلِيكَهُ، أشهد أن لا إله إلا أنت, أَعُوذُ بِكَ مِنْ شَرِّ نَفْسِي، وَشَرِّ الشَّيْطَانِ وَشَِرَْكِهِ, وَأَنْ أَقْتَرِفَ عَلَى نَفْسِي سُوءًا أَوْ أَجُرَّهُ إِلَى مُسْلِمٍ)).*

📚(صحيح الكلم: 21)

🌕 - *((اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالآخِرَةِ, اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي, وَدُنْيَايَ, وَأَهْلِي, وَمَالِي, اللَّهُمَّ اسْتُرْ عَوْرَاتِي وَآمِن رَّوْعَاتِي, اللَّهُمَّ احْفَظْنِي مِنْ بَيْنِ يَدَيَّ, وَمِن ْ خَلْفِي, وَعَنْ يَمِينِي, وَعَنْ شِمَالِي, وَمِنْ فَوْقِي، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي)).*

📚(صحيح الكلم: 23),
(صحيح ابن ماجه: 3135)


🌕 *أمسينا على فطرة الاسلام وعلى كلمة الاخلاص وعلى دين نبينا محمد صلى الله عليه وسلم وعلى ملة ابينا ابراهيم حنيفا مسلما وما كان من المشركين*


🌕 - *((أَعُوذُ بِكَلِمَاتِ اللهِ التَّامَّاتِ مِنْ شَرِّ مَا خَلَقَ)).*
ثلاث مرات

📚(مختصر مسلم: 1453),(صحيح الترمذي: 3604/م

🌕- *((سُبْحَانَ اللهِ وبحمده عَدَدَ خَلْقِهِ, وَرِضَا نَفْسِهِ, وَزِنَةَ عَرْشِهِ, وَمِدَادَ كَلِمَاتِهِ))*

ثلاث مرات
📚(الصحيحة: 2156)

🌕 - *((بِسْمِ اللهِ الَّذِي لاَ يَضُرُّ مَعَ اسْمِهِ شَيْءٌ؛ فِي الأَرْضِ وَلاَ فِي السَّمَاءِ وَهُوَ السَّمِيعُ الْعَلِيمُ)).*
ثلاث مرات

📚(صحيح الترمذي: 3388)


🌕 - *((سُبْحَانَ اللهِ وَبِحَمْدِهِ)).*
مائة مرة

📚(مختصر مسلم: 1903)
,(صحيح أبي داود: 5091)

🌕 *(لاَ إِلَـهَ إِلاَّ اَللهُ وَحْدَهُ لاَ شَرِيكَ لَهُ, لَهُ الْمُلْكُ, وَلَهُ الْحَمْدُ, وَهُوَ عَلَى كُلِّ شَيْءٍ قَدِيرٌ).*
مائة مرة

📚(صحيح الترغيب: 658)

🌕 - (قُلْ : *" قُلْ هُوَ اللَّهُ أَحَدُ والمعوذتين* حين تصبح وحين تمسى ثَلاَثَ مَرَّاتٍ ، تَكْفِيكَ مِنْ كُلِّ شَيْءٍ)

📚(صحيح الترمذي ).
(وأبو داود )رقم/5082

#أذكار_المساء

مصارحة مع فتيات 🌺
لماذا لم ترتدي الحجاب للآن
كانت غالب الاجابات تدور حول أُمي: (تقول بأني طفلة) ..
اعلمي أيتها الأم الفاضلة أنّ من شبَّ على شيءٍ شاب عليه، فلا تطالبي ابنتك بما لم تتعود عليه بعد فوات الأوان، ولا تُعرضيها لكل أنواع التزين ومجاراة الممثلات وفجأة في عمر معين تطالبينها بالإحتشام فإن هذا الأمر غير ممكن .. 💜
فالنفس تعتاد الخير أو الشر .. وبيدك الاختيار الآن
فلا تأتي بعد فوات الاوان وتقولي ابنتي لا تسمع كلامي!

أنت أُمٌ مسلمة وبيدك جيل يتكأ عليك، فأحسني 💜

#قصص_الأنبياء(٢)
#السيرة_النبوية
#الحلقة_مائة_وأربعة_وعشرون
#علامات_الساعة_الكبرى_الجزء_الخامس
#المسيح_الدجال_الجزء_الرابع
#فتنة_المسيح_الدجال

اتكلمنا المرة إللي فاتت والأجزاء إللي قبلها عن صفات المسيح الدجال وعن مكانه وعن الظروف إللي هيخرج فيها وعلاقته بابن صياد،
عايزين بقى نعرف إيه هي فتنة المسيح الدجال إللي فتنته هي أعظم فتنة هتعدي على البشر زي ما رسول الله ﷺ قال:
" ما بين خلق آدم إلى قيام الساعة أمر أكبر من الدجال"
الدجال هيخرج من المشرق من إقليم خُراسان بسبب غضبة يغضبها، إيه سبب الغضب إللي هيغضبه ده الله أعلم🤷‍♂️
مفيش أي حديث عن رسول الله ﷺ بيقول عن السبب إللي يخلي الدجال يغضب،
إللي نعرفه إنه هيغضب فهيخرج، وطبعا كله بتقدير الله وبإذنه👌
هيغضب الدجال ويخرج وأول ما يخرج يدعو إلى الإسلام ويقول: إنه مسلم، ويدافع عن الإسلام،
وبعدين يدّعي النبوة ،وبعدين يدّعي الربوبية ويقول للناس إن هو الإله أو هو الله،
وهيكون معاه نهرين بيمشوا معاه، نهر من نار ونهر من ماء أو في حديث تاني معاه جنة ونار ومعاه جبال الخُبز،
ويمشي في الأرض بسرعة كبيرة وفتنته عامة لكل أهل الأرض، مفيش بلد في الأرض إلا وهيدخلها الدّجال ما عدا مكة والمدينة والمسجد الأقصى والطور،
قال رسول الله ﷺ:
أنذرتكم المسيح ....إلى أن قال:
"يسير معه جبال الخبز وأنهار الماء.... يبلغ سلطانه كل مَنهَل
لا يأتي أربعة مساجد الكعبة ومسجد الرسول والمسجد الأقصى والطور"
هيتبعه أول ما يطلع سبعين ألف من يهود أَصْبهان عليهم الطَّيَالِسَة،
قال رسول الله ﷺ:
" يَتْبَعُ الدَّجَّالَ مِن يَهُودِ أصْبَهانَ، سَبْعُونَ ألْفًا عليهمُ الطَّيالِسَةُ"
وفي رواية تانية عليهم التِّيجان،

☆والطّيْلسان معناه الثَّوبُ الَّذي به خُطوطٌ، وهو كساءٌ بيُوضَعُ على الكتِف، أَو يُحِيط بالبَدنِ، ويُعرَف بالشَّال،
عارفين، زي الشِّماغ العربي كده🤔
عامة صورة الطيلسان هتلاقوها في التعليقات👇

◇سؤال : هو في يهود في أصبهان🤨
أصبهان إللي هي أصفهان في زماننا دلوقتي وهي موجودة في إيران، وموجود فيها حوالي ثلاثين ألف يهودي على حسب الإحصائيات المقدرة لهم،
◇طيب إزاي أصلا اليهود راحوا أصفهان أو إيران أو خلونا نقول بلاد فارس😕
فاكريييين لما اتكلمنا في قصص الأنبياء عن الملك بُخْتُنصر إللي حكم الأرض مع ثلاثة ملوك تانيين،
وقلنا إن بختنصر دخل مدينة القدس وحرقها وقتل المقاتلين وسبى النساء والأطفال وحرق التوراة وخرب الحصون وهدم المساجد،
وأخذ بختنصر معاه إلى أرض العراق إللي هي بلاد فارس أربعين ألف من اليهود كعبيد عشان يخدموا أهل بابل،
أهه دي كانت بداية اليهود في بلاد فارس، وبعدين لما رجع اليهود للقدس زي ما حكينا في قصص الأنبياء مكنوش كلهم رجعوا،
رفض بعض اليهود مغادرة بلاد فارس لأنهم لقوا فيها رغد العيش والأمان، وفضلوا عايشين فيها حتّى يومنا هذا👌
وهيفضلوا عايشين هناك لحد زمن الدجال ولما يخرج هيتبعه منهم سبعون ألف،
وهنا نلاحظ تواطئ اليهود مع الدجال، و إن دور اليهود لا ينتهي إلى قيام الساعة، وهم عايزين يحكموا العالم ويسيطروا عليه،
وفي عقيدة اليهود إن الدجال اسمه المسيح بن داود، وأنه هيخرج في آخر الزمان ويرجع لهم الملك،
فلازم نعرف ونفهم كويس جدا إن اليهود أعداؤنا دائماً وأبداً ولازم نحذر منهم في كل عصر ووقت،
واحنا شوفنا عملوا إيه مع أنبيائهم من أول موسى عليه السلام وعملوا إيه مع رسول الله ﷺ، فاحنا مش هنكون أغلى عندهم من الأنبياء يعني😑

☆قبل ما نكمل الكلام عن باقي أتباع الدجال، خلونا نعرف معلومة بما إننا بنتكلم عن المشرق،
رسول الله ﷺ كان دايما يقول إن الفتن تأتي من ناحية المشرق،
والمشرق إللي هي بلاد فارس: العراق وإيران، والمقصود بالفتن هنا هي الفتن العظيمة إللي هيكون لها تأثير في الأمة،
ولو لاحظتم هتلاقوا إن فتنة الخوارج خرجت من جهة المشرق من بلاد فارس العراق وإيران،
وفتنة الشيعة الروافض من هناك والتتار دخلوا على المسلمين وذبحوهم من هناك،
والحروب إللي حصلت حتى في العصر الحاضر هتلاقوها في الجهة دي، وطبعا مش هتكلم عن داعش إللي بدأت من هناك،
حتى لو كانت بدأت على منهج صحيح لكن حصل انحراف بعدين واحنا شوفنا وسمعنا بلاويهم والله أعلم بحقيقتهم،
فلو تتبعنا التاريخ الإسلامي هنلاقي إن منطقة خراسان مليانة بالفتن والحروب والمشاكل،
لأن سكان الجهة دي بيتميزوا بحب العنف والدم والثورة
وكانت بلاد فارس على طول في ثورات والوحيد تقريبا إللي استطاع يقمع الثورات في العراق كان الحجاج بن يوسف الثقفي، حكمهم عشرين سنة😅
فالجهة دي عبارة عن بؤرة فتن فعلا زي ما رسول الله ﷺ قال: " الفتن من جهة المشرق"
والفتن هتختم بإن الدجال هيخرج من هناك، ويا لها من خاتمة بصراحة😶
ربنا ينجينا من الفتن ما ظهر منها وما بطن🤲

يبقى كده احنا عرفنا إن هيتبع الدجال سبعين ألف من يهود أصبهان وده كان الصنف الأول،
الصنف الثاني إللي هيتبع الدجال هم الكفار بصفة عامة زي التُّرك أو التتار

إللي وجوههم عاملة زي المَجَان المُطَرّقة،
واحنا قلنا قبل كده إن المجان المطرقة معناها إن وجوههم مبطّطة وعريضة زي الترس إللي طُرق عليه بالحديد، وهيتبعه كمان العَجَم،
أما الصنف الثالث إللي هيتبع الدجال فهم الكثير من المسلمين إللي هيفتنهم الدجال بالخوارق إللي هتظهر على يديه ،وخاصة الأعراب والنساء👌

☆ممكن حد يسأل ويقول :
يعني هي الناس هتبقى ساذجة للدرجة دي وتصدق إن واحد أعور هو الإله😑

طيب يعني هم الناس إللي بيعبدوا البقر والفئران في عصرنا عصر التكنولوجيا والحضارة والعلم والفضائيات دول إيه مثلا🙂
العالم بقى قرية صغيرة يعني ممكن أي حد يعرف أي معلومة في أي مكان ومع ذلك في عبّاد للبقر وعباد للفئران وغيرها من الحيوانات والأصنام😶
فيعني بالعقل كده حد يعتقد إن البقرة ولاّ الفأر ده إله😳
تخيلوا بقى إن الدجال هيخرج في وقت مجاعة وقحط وقلة ماء، فهييجي ويقول للناس أنا إله وماشي معاه نهر من نار ونهر من ماء وجبال الخبز،
فالمظهر العام بيُبهر الناس خصوصا في المجاعة وإنهم عايزين ياكلوا،
غير بقى التّجْريف والتشكيك في ثوابت الدين إللي شغال من دلوقتي من قبل حتى زمن الدجال،
يعني مثلا مش بتسمعوا إللي يقول النصراني مش كافر ولا حاجة وهو بيعبد إلهه هو كمان،
ولو حد قال عليه كافر يعترض وإزاي تقولوا عليهم كده وهو انت ربنا عشان تقولوا عليهم كده😤
ولاّ إللي تروح تقرأ قرآن على النصراني الميت في الكنيسة والناس تنبهر بيها وكلام بقى في مدحها مقلكوش😬
الدين بيتغير ويتبدل واحنا مش حاسين ومش واخدين بالنا والجهل زاد جدا،
حتى خطب الجمعة إللي المفروض الواحد بيروح ياخد منها شحنة إيمانية ولاّ ياخد منها معلومة بقت مُوحّدة وبتتكلم عن أهمية النظافة والصبر على الغلاء وحب الزعماء والصبر على الغلاء من أجل الوطن😀
فمتستغربوش لما تسمعوا إن الناس هتتبع الدجال وهو معاه الخوارق كلها،
يعني لما الناس تؤمن به هيأمر السماء فتُنزل المطر ويأمر الأرض فتُنبت الزرع وتروح الماشية تأكل من الزرع فتكبر وتسمن وضرعها يتملى لبن في ساعتها،
ويروح لناس تانية ويدعوهم إنهم يؤمنوا به فيرفضوا ويكفروا به فيصبحون مُمْحِلِين، يعني عندهم قحط زيادة ومفيش زرع ولا ماء ويأخذ منهم حتى الأموال إللي كانت معاهم،
"ويَمُر بالخَرِبة فيقول لها أخرجي كنوزك"
يعني الدجال هيعدي على الأرض الخراب ويقول لها أخرجي كنوزك، فالأرض تسمع كلامه وتطلع الكنوز الموجودة في باطنها فتتبعه الكنوز دي وتمشي وراه وهو ماشي زي جماعات النحل لما بتمشي مع بعض كده،
طبعا كل ده بإذن الله وهو ابتلاء واختبار للبشر عشان يظهر صادق الإيمان من الكاذب👌
فواضح الفرق بين الفريقين، فاللي هيشوف الفرق أكيد هيبقى جواه سؤال:
أنا هخسر إيه لو اتبعت الدجال، إللي بيتبعه بتتحل مشاكله الاقتصادية وبياخد الكنوز والأكل وإللي نفسه فيه،
في حين إللي بيخالفه هيعيش في مجاعة وضنك وقحط؟!
وهو مش عارف إنه هيخسر دينه للأسف وإن كل إللي مع الدجال ده سراب ومش هيعرف إنه سراب غير لما يفوت الأوان،
زي مافي ناس كتير جدا عرفت إن إللي وعد بيه دجال عصرنا طلع سراب وهم شاربين المُر دلوقتي ومحدش قادر يتكلم،
☆محدش يفهمني صح😀

المهم يعني إن ناس كتير هتتبع الدجال ومن أكثر الناس دي الأعراب والنساء وكل إللي معندوش علم بصفة عامة،
الدجال هييجي للأعرابي مثلا ويسأله:
أرأيتَ إن بعثتُ لك أباك وأمك أتشهد أني ربك؟
يعني الدجال بيسأل الأعرابي لو أنا أحيَيْت لك أباك وأمك تشهد إني أنا ربك إللي بيحيي ويميت،
فيقول الأعرابي: نعم😤
فيستعين الدجال بالشيطاين ويجعلهم يتمثلوا بصورة أب وأم الأعرابي ده ويقولوا له:
يا بُني اتبعه فإنه ربك👌
فلما الأعرابي يشوف أبوه وأمه إللي خلاص ماتوا وعرفوا إيه إللي بعد الموت أكيد هم أدرى منه، فيسمع كلامهم ويتبع الدجال،
مش عايزين بقى بعد ده كله الناس تتبعه😓
إللي عبد البقرة وهي حيوان مش بيقدم حاجة ولا حتى بينطق سهل جدا يتبع المسيح الدجال بسبب الجهل إللي عايشين فيه،
وقيسوا على كده كمان النساء👌
النساء هيُفتنوا بالدجال وهيكونوا من أكثر التابعين له، بسبب انتشار الجهل بينهن وغلبة العاطفة عليهن،
حتى إن الرجل ليرجع إلى حَمِيمِه وإلى أمه وابنته وأخته" وعمته فيوثقها رباطاً مخافة أن تخرج إليه"
يعني الرجل العاقل المسلم يذهب إلى نساء أهل بيته ويربطهم عشان خايف عليهم يخرجوا للدجال فيؤمنون به ويقعوا في فتنته،
وانتم عارفين الناس بصفة عامة والنساء بصفة خاصة تحب تتفرج أد إيه على الحاجات الغريبة وتعرفها وتجربها والنياء بتقلد بعض حتى في الغلط😅
واحنا مش هنروح بعيد، نظرة على الواقع هتخليكم تعرفوا ليه النساء هتتبع الدجال وتقع في فتنته،
يعني مين أكثر حد بيتبع صيحات الموضة وبيقلد تقليد أعمى حتى لو كانت ضد العقل، مش النساء؟
مين إللي كلمة تودينهم وكلمة تجيبهم وبكل سهولة ينخدعوا، مش النساء؟
عشان كده أعداء الإسلام لما يكونوا عايزين يضربوا الإسلام في مقتل يفتنوا النساء لأن التأثير عليهن أسهل،
ولما تُفت

ن النساء مين إللي هيضيع في النص، الرجال طبعا، واحنا اتكلمنا قبل كده عن تأثير النساء على الرجال في جزء لماذا النساء فمش هعيد😅

☆وطبعا مش عايزة أفكركم برقص النساء قصاد اللجان الانتخابية وإنهم أكثر ناس نزلت انتخبت ومش هقولكم بقى نزلوا انتخبوا مين 🙂
وانتم شوفتم بنفسكم المهازل إللي حصلت وبتحصل😀
وكل ده بسبب الجهل المنتشر بينهن وتغلب العاطفة عليهن،
وده على المستوى العام، شوفوا بقى على المستوى الخاص وفي الحوارات بين النساء هتلاقوا كمية جهل واتباع هوى مش ممكن😳
وحتى لو حد حب ينصحهن يتهموه بالتشدد وغيرها وغيرها من الاتهامات المُعلبة الجاهزة😑
ده حتى مبيفكروش يتعلموا ولا يدورُّوا على الصح، هم شايفين إن كده صح وحابين ده فخلاص بقى هو ده الصح💁‍♂️
تخيلوا إن للأسف ده بقى حال غالبية النساء في زماننا دلوقتي، فلما الدجال ييجي بقى بالخوارق بتاعته ومعاه كنوز الذهب والفضة، ومع قلة العلم في الأرض ومع غربة الدين ومعاه القحط والجوع، ساعتها وضع النساء هيبقى عامل إزاي😶
أما النساء إللي هيكون عندها العلم وبتتقي الله ومربية نفسها على الدين فدي ربنا هيثبتها أمام الفتن بصفة عامة وأمام فتنة الدجال بصفة خاصة👌
فاللي هيفرق بين الناس ساعتها بصفة عامة وبين النساء بصفة خاصة هو العلم وتقوى الله، في علم وتقوى ربنا هيثبت الإنسان سواء كان رجل أو امرأة،

☆ملحوظة عشان محدش يفهم غلط😁
النساء مش هتتبع الدجال عشان هم نساء، لأ النساء هيتبعوا الدجال عشان معندهمش علم والجهل منتشر بينهن،
وكل ما كانت المرأة علمها قليل كل ما مشاعرها تغلبت عليها أكثر ووقعت في الخطأ،
بدليل إن في نساء هتثبت أمام فتنة الدجال👌

من العلم إللي نتعلمه عشان نقدر نثبت أمام فتنة الدجال،
هو إننا نعرف صفات الدجال عشان منتخدعش فيه،
ورسول الله ﷺ لما وصف الدجال للصحابة خاف إنهم يتلخبطوا في صفاته أو ييجي وقت الناس تنسى صفات الدجال إللي احنا قلناها قبل كده؛ فقال لهم كلمة جامعة تلخص الموضوع، قال:
"فَإِنْ أُلْبِسَ عَلَيْكُمْ فَاعْلَمُوا أَنَّ رَبَّكُمْ لَيْسَ بِأَعْوَرَ"
يعني رسول الله ﷺ بعد ما وصف المسيح الدجال قال للصحابة وقال لنا احنا كمان لو حسيتم بلخبطة ومش عارفين تميّزوه اعرفوا إن ربكم ليس بأعور👌

☆عشان كده لازم نربي نفسنا يا جماعة ونتعلم الدين صح ونتمسك بيه مش بس عشان فتنة الدجال، احنا ممكن منحضرهاش بس حياتنا مليانة بالفتن ولازم ناخد بالأسباب عشان منقعش فيها واحنا برده شايفين حوالينا ناس كتير بتقع مكناش نتوقع إنهم يقعوا،
فالنجاة تكون بالعلم وتقوى الله👌
ربنا يثبتنا وإياكم على دينه ولا يُزغ قلوبنا بعد الهداية ومعرفة الحق🤲

نرجع للدجال ونشوف هيقعد في الأرض أد إيه🤔
فتنة الدجال دي هتستمر في الأرض أربعين يوم،
اليوم الأول في طوله كأنه سنة، يعني احنا السنة عندنا
ثلاثمائة وخمسة وستين يوماً، فبنقعد فترة معينة عشات نحس إن السنة خلصت،
فاليوم الأول من الأربعين من أول طلوع الشمس إلى الغروب أو انتهاء اليوم كله بيعدي زي السنة في الطول، يعني باختصار اليوم بيمر ببطيء جداً، كمرور السنة على الحقيقة مش مجاز، يعني الشمس هتكون بتجري ببطئ شديد جدا،
واليوم الثاني مقداره مقدار شهر،
واليوم الثالث مقداره مقدار أسبوع، وباقي الأربعين يوم مقدارهم زي مقدار أيامنا العادية أربعة وعشرين ساعة،
سُئِل رسول الله ﷺ عن مدة وجود الدجال في الأرض قال:
" أربعون يوماً، يوم كسنة، ويوم كشهر، ويوم كجمعة، وسائر أيامه كأيامكم"
وهنا الصحابة انتبهوا لنقطة مهمة وسألوا عنها رسول الله ﷺ، وهي الصلاة 👌
هل الصلاة هتكون خمسة برده في اليوم إللي زي السنة واليوم إللي زي الشهر واليوم إللي زي الأسبوع ولاّ هيكون نظام الصلاة إزاي🤔
قالوا: يا رسول الله! فذلك اليوم الذي كسنة، أتكفينا فيه صلاة يوم؟
فقال لهم رسول الله ﷺ:
" لا، ولكن اقْدُرُوا له قَدره"
يعني شوفوا في الأيام العادية أوقات الصلاة بينها أد إيه واحسبوا الساعات دي وصلوا،
خلونا ناخد مثال للتوضيح👌
بين الفجر والظهر في حوالي سبع ساعات ، فلو جاء الفجر وطلع اليوم الذي ظهر فيه المسيح الدجال، هيكون أول يوم من الأربعين إللي هو مقداره سنة،
فالناس هتقد سبع ساعات وبعدها تصلي الظهر، ولأن الشمس لسه هتكون طالعة لأن اليوم طويل جدا هنحسب بين الظهر وبين العصر مثلا ثلاث ساعات،
فنحسب ثلاث ساعات وبعدها نصلي العصر وهكذا لحد ما الصلوات الخمسة تخلص،
ولو الصلوات الخمس خلصت ولسه اليوم مخلصش يبقى الناس تصلي تاني الفجر في نفس اليوم على حسب عدد الساعات إللي بيحسبوها بين العشاء والفجر في الأيام العادية وهكذا،

◇ومن هنا العلماء استفادوا حكم شرعي مهم جدا👌
احنا عارفين إن القطب الشمالي النهار فيه ستة أشهر والليل ستة أشهر،
فإزاي مثلا المسلم هيصلي لو راح عاش هناك أو واحد من الناس إللي عايشين هناك أسلم هيصلي إزاي وعندهم ستة أشهر نهار وستة أشهر ليل🤷‍♂️
فالعلماء أخذوا من حديث الدجال ده قاعدة تقدير الوقت للصلاة، يصلي الفجر أول ما

تشرق الشمس،
بعدها يصلي الظهر، بعدها يصلي العصر مع أن الشمس لسه موجودة، ثم يصلي المغرب والعشاء والشمس ما زالت موجودة،
عشان نفهم بس إن الإسلام شريعة متكاملة وكل جزء منها بيكمل التاني مينفعش ناخد جزء ونسيب جزء،
تخيلوا لو كان العلماء قالوا احنا ملناش دعوة بالدجال ده زمنه غير زماننا فملناش دعوة بالأحاديث دي،
كانوا هيطلعوا قاعدة تقدير وقت الصلاة للناس إللي الشمس بتقعد عندهم فترة طويلة إزاي💁‍♂️

المهم، الدجال هيتحرك في الأرض ويدخل كل بلد بسرعة زي ما قلنا، وهيعدي على الناس ويفتنهم فيتبعه من يتبعه ويَثْبُت من يُثبته الله،
السؤال بقى إزاي الواحد يحفظ نفسه من فتنة الدجال🤔

ده إللي هنعرفه الجزء الجاي إن شاء الله 😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

⭐ المصادر ⭐

https://fatwa.islamweb.net/ar/fatwa/205930/



https://islamqa.info/amp/ar/answers/129164



https://www.islamweb.net/ar/fatwa/74380/



https://audio.islamweb.net/audio/index.php?page=FullContent&audioid=101285

صاحب البيت أدرى بأي بابٍ يَفتح لك، وفي أي غرفةٍ يُجلسك، أيًّا كان الباب الذي تطرقه، ولله المثل الأعلى هكذا أرى مسألة الرزق، أنت تطرق، والله يسكّنك حيثما أرادك، ولو خالف مرادَك. ودائمًا ما يكون اختيار الله لك هو الأجمل على الإطلاق.

يوسف الدموكي.