من أجل العلاقات الإنسانية عامة والبيوت خاصة:
شعور المظلومية، ولعب دور الباذل من أجل الآخرين دون رد، أو دور مَن لا يجد تقديرا في حين أنه شخص بسيط يرضيه أقل شيء .. إلخ هو شعور مما تميل إليه النفوس بشدة.

وهو من أخطر الأمور ومن أكثر ما يفسد العلاقات البشرية عامة، والبيوت خاصة؛ فالشيطان يقنع كل طرف بأنه صاحب الحق المهضوم الذي بذل وتعب دون تقدير، ولذلك يكفي إلى هنا!

وهذا في الحقيقة جُبن وأنانية وعدم مسؤولية، يتهرب به الإنسان من الإنصاف ومواجهة نفسه بخطئه، وحساب الأمر بصورة واقعية للوصول إلى موطن الداء ومحل الخلاف.

والحل المثالي هو في: أن يتهم كل طرف نفسه قبل أن يوجه أصابع الاتهام إلى الطرف الآخر، فإن عجز عن حساب الأمور فليعرض الأمر على من يعلم عنه إنصافا وعدلا، ويثق بخبراته، وربما لأجل ذلك جعل الشرع بعث حكم من أهله وحكم من أهلها.

أما الاستمرار على دعوى: أنا المظلوم المهضوم، أنا الذي لا يستحقني الآخرون، سأرحل وتندمون .. إلخ هذا العَته دون مراجعة للنفس، فإنما أظهره ونشره مرضى التنم-ية البشرية، وتلقفه أناس وجدوا فيه مُسَكّنا سهلا لضمائرهم، وشعورا بإشباع النقص، يتهربون به عن مواجهة أنفسهم بأخطائهم، والسعي في إصلاحها، ويحسون فيه بالعظمة والمكانة.

وهذا ما أجده كثيرا فيما يُعرض عليّ من مشاكل للأسف، فإذا واجهت أحدهم بأن الغلط عنده يُصدم، وكان ينتظر أن أربت على كتفه وأهتف معه: الحمد لله أنه مازال أمثالك بالدنيا!
فيفاجأ بأنه سبب الداء، ويحتاج العلاج، بل ويلزمه الاعتذار للآخرين.
نسأل الله الهداية وصلاح بيوت المسلمين.

والله تعالى أعلم.

وصلنا خبر وفاة صديقتنا الإشراقية للتو..
دثروها بدعواتكم كرمًا.. وصلوا على النبي وتبسموا ولا تنسوها..

https://t.me/wadaq2

حبيبة القلب كانت هنا
كنت أستعجب من همة آية وحبها للخير ودلالتها عليه إنا لله وإنا إليه راجعون
انشروها صدقة لها

‏
🌑🌕 أذكار المساء الصحيحة🌕🌑
‏ ࿐༜.. ࿐༜.. ࿐༜


🌕 - *((أمْسَيْنَا وَأَمْسَى الْمُلْكُ للهِ، وَالْحَمْدُ للهِ، وَلاَ إِلَـهَ إِلاَّ اللهُ وَحْدَهُ لاَ شَرِيكَ لَه, لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، رَبِّ أَسْأَلُكَ خَيرَ مَا فِي هَذِهِ اللَّيلَةِ وَخَيْرَ مَا بَعْدَهَا، وَأَعُوذُ بِكَ مِنْ شَرِّ هَذِهِ اللَّيلَةِ وَشرِّ مَا بَعْدَهَا، رَبِّ أَعُوذُ بِكَ مِنَ الْكَسَلِ وَسُوءِ الْكِبَْرِ، رَبِّ أَعُوذُ بِكَ مِنَ عَذَابٍ فِي النَّارِ وَعَذَابٍ فِي الْقَبْرِ).*

📚(مختصر مسلم: 1894)

🌕 - *((إذا أمسى فليقل: اللَّهُمَّ بِكَ أَمْسَيْنَا وَبِكَ أَصْبَحْنَا، وَبِكَ نَحْيَا وَبِكَ نَمُوتُ، وَإِلَيْكَ الْمَصِيرُ))*

📚(الصحيحة: 262) .

🌕 - *((اللَّهُمَّ أَنْتَ رَبِّي، لاَ إِلَـهَ إِلاَّ أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ, أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي، فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إلاَّ أَنْتَ)).*

📚(مختصر البخاري: 2420)

🌕 - *((يَا حَيُّ يَا قَيُّومُ بِرَحْمَتِكَ أَسْتَغِيثُ, أَصْلِحْ لِي شَأْنِي كُلَّهُ, وَلاَ تَكِلْنِي إِلَى نَفْسِي طَرْفَةَ عَيْنٍ))*

📚(صحيح الترغيب: 661)

🌕 - *((اللَّهُمّ عَالِمَ الْغَيْبِ وَالشَّهَادَةِ, فَاطِرَ السَّمَوَاتِ وَالأَرْضِ, رَبَّ كُلِّ شَيْءٍ وَمَلِيكَهُ، أشهد أن لا إله إلا أنت, أَعُوذُ بِكَ مِنْ شَرِّ نَفْسِي، وَشَرِّ الشَّيْطَانِ وَشَِرَْكِهِ, وَأَنْ أَقْتَرِفَ عَلَى نَفْسِي سُوءًا أَوْ أَجُرَّهُ إِلَى مُسْلِمٍ)).*

📚(صحيح الكلم: 21)

🌕 - *((اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالآخِرَةِ, اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي, وَدُنْيَايَ, وَأَهْلِي, وَمَالِي, اللَّهُمَّ اسْتُرْ عَوْرَاتِي وَآمِن رَّوْعَاتِي, اللَّهُمَّ احْفَظْنِي مِنْ بَيْنِ يَدَيَّ, وَمِن ْ خَلْفِي, وَعَنْ يَمِينِي, وَعَنْ شِمَالِي, وَمِنْ فَوْقِي، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي)).*

📚(صحيح الكلم: 23),
(صحيح ابن ماجه: 3135)


🌕 *أمسينا على فطرة الاسلام وعلى كلمة الاخلاص وعلى دين نبينا محمد صلى الله عليه وسلم وعلى ملة ابينا ابراهيم حنيفا مسلما وما كان من المشركين*


🌕 - *((أَعُوذُ بِكَلِمَاتِ اللهِ التَّامَّاتِ مِنْ شَرِّ مَا خَلَقَ)).*
ثلاث مرات

📚(مختصر مسلم: 1453),(صحيح الترمذي: 3604/م

🌕- *((سُبْحَانَ اللهِ وبحمده عَدَدَ خَلْقِهِ, وَرِضَا نَفْسِهِ, وَزِنَةَ عَرْشِهِ, وَمِدَادَ كَلِمَاتِهِ))*

ثلاث مرات
📚(الصحيحة: 2156)

🌕 - *((بِسْمِ اللهِ الَّذِي لاَ يَضُرُّ مَعَ اسْمِهِ شَيْءٌ؛ فِي الأَرْضِ وَلاَ فِي السَّمَاءِ وَهُوَ السَّمِيعُ الْعَلِيمُ)).*
ثلاث مرات

📚(صحيح الترمذي: 3388)


🌕 - *((سُبْحَانَ اللهِ وَبِحَمْدِهِ)).*
مائة مرة

📚(مختصر مسلم: 1903)
,(صحيح أبي داود: 5091)

🌕 *(لاَ إِلَـهَ إِلاَّ اَللهُ وَحْدَهُ لاَ شَرِيكَ لَهُ, لَهُ الْمُلْكُ, وَلَهُ الْحَمْدُ, وَهُوَ عَلَى كُلِّ شَيْءٍ قَدِيرٌ).*
مائة مرة

📚(صحيح الترغيب: 658)

🌕 - (قُلْ : *" قُلْ هُوَ اللَّهُ أَحَدُ والمعوذتين* حين تصبح وحين تمسى ثَلاَثَ مَرَّاتٍ ، تَكْفِيكَ مِنْ كُلِّ شَيْءٍ)

📚(صحيح الترمذي ).
(وأبو داود )رقم/5082

#أذكار_المساء

#قصص_الأنبياء(٢)
#السيرة_النبوية
#الحلقة_مائة_و ثلاثة_عشر
#أحداث_السنة_السادسة_من_الهجرة
#ما_بعد_الحديبية

وقفنا المرة إللي فاتت عند رسول الله ﷺ لما قام يذبح الهدي بتاعه ويحلق شعر رأسه عشان يتحلل من الإحرام،
لكن قبل ما نكمل عايزة أوضح نقطة😊
الحديث إللي قلناه المرة إللي فاتت عن إصلاح ذات البين:
ألا أخبركم بأفضل من درجة الصيام والصدقة والصلاة، فقال أبو الدرداء : قلنا بلى يا رسول الله ،
قال :إصلاح ذات البين"
المقصود هنا بالصلاة والصدقة والصيام بالنوافل مش الفرائض، يعني رسول الله ﷺ بيقول إن إصلاح ذات البين أفضل من نوافل الصلاة والصدقة والصيام،
لكن مش أفضل من فرائض الصلاة الخمس ولا أفضل من صيام شهر رمضان الفرض ولا هي أفضل من الزكاة مثلا،
لأ، الأفضلية هنا بين النوافل فقط 👌

نرجع لرسول الله ﷺ وهو بيذبح الهدي، الصحابة لما شافوا رسول الله ﷺ قام يذبح الهدي بتاعه عرفوا خلاص إن كده مفيش أي أمل إنهم يدخلوا مكة يكملوا عمرتهم فقاموا كلهم وبدأوا يذبحوا الهدي بتاعهم ويحلقوا رؤوسهم،
ولكن قاموا وهم مغمومين لدرجة إنهم كادوا يقتلوا بعض من الغم،
يعني مثلا لما الواحد بيكون بيقطع حاجة بالسكينة وهو متضايق وزعلان أو مغموم مش ساعات بيتعور🤔
لأن ساعتها مش بيبقى مركز هو بيعمل إيه لكن تركيزه كله في الهم والغم إللي هو فيه،
كذلك الصحابة في الموقف ده كانوا مهمومين ومغمومين فكادوا يقتلوا بعض من الغم،

☆طيب ليه الصحابة مسمعوش كلام رسول الله ﷺ من أول مرة قال لهم يقوموا يذبحوا الهدي مع إنهم زي ما قال عروة بن مسعود الثقفي في وصفهم إنهم مجرد ما رسول الله ﷺ كان يأمر أمر الكل بيسارع في تنفيذ الأمر ده😕

الصحابة كان عندهم أمل إن الوحي ينزل ويقول لهم ادخلوا مكة وكملوا العمرة، يعني كانوا زي الغريق إللي بيتعلق بقشة زي ما بيقولوا😅
فلما رسول الله ﷺ قال لهم يقوموا يتحللوا مكنوش مستوعبين، يعني هو بجد كده خلاص مفيش أي أمل إننا نكمل العمرة بعد ما جينا المشوار ده كله،
طيب وأبو جندل هنسيبه فعلا لقريش يعذبوه ومش هننقذه وناخده معانا😥
تقدروا تقولوا إنهم كانوا في حالة صدمة😕
عشان كده رسول الله ﷺ كان عاذرهم وتعامل مع الموضوع بكل حكمة لما لقاهم مستجابوش لأمره تركهم لحد ما يلاقي حل، وهو كان حاسس باللي هم حاسين بيه وشايف الأزمة إللي هم فيها،
لكن الفرق إن رسول الله ﷺ كان شايف المصالح إللي هتيجي من وراء المعاهدة دي وإللي الصحابة مكنوش شايفينها،
وانتم عارفين الإنسان لما بيكون مهموم أو في ابتلاء مبيشفش قصاده،
فلما خرج رسول الله ﷺ وبدأ هو يذبح الهدي عرفوا خلاص إن مفيش وحي هينزل يقول لهم يكملوا العمرة فهنا بقى قاموا كلهم وبدأوا ينفذوا أمر رسول الله ﷺ،
وبكده انتهت مشكلة كبيرة جدا كانت هتحصل بين رسول الله ﷺ والصحابة بسبب رأي أم سلمة رضي الله عنها،

☆وهنا في فائدة وهي إن رسول الله ﷺ شارك أم سلمة رضي الله عنها في همومه ومشاكله وكمان استشارها وأخذ برأيها مع إن الموضوع يعتبر ميخصهاش،
ومع ذلك رسول الله ﷺ لما هي سألته زعلان ليه، مقلهاش مثلا دي حاجة متخصكيش أو انتي مش هتفهمي المشكلة دي أو...أو...
حكى لها وسمع منها رأيها وكمان أخذ بيه، فمفيش مشكلة خالص إن الرجل يستشير زوجته في أمور تخصه حتى لو كانت هي خارج الموضوع وملهاش علاقة بيه،
ومحدش يقول بقى لما هي تبقى زي أم سلمة أبقى أستشيرها😤
الشاهد من الموقف إن الأعلى منزلة والأعقل والأحكم وهو رسول الله ﷺ استشار إللي أقل منه، فالزوج مش زي رسول الله ﷺ ولا الزوجة زي أم سلمة لكن احنا بناخد العبرة من الموقف وهو عبرة استشارة الزوج لزوجته،
هي كان عندها رأي خَفِي على رسول الله ﷺ واحنا قلنا قبل كده إن رسول الله ﷺ ممكن يخفى عليه أمور ربنا يعلمها له عن طريق الاستشارة، سواء استشارة أصحابة أو استشارة أزواجه،
والحكمة من كده إن رسول الله ﷺ قدوة لنا كرجال ونساء في كل شيء فلازم تحصل معاه مواقف وهو يتصرف فيها بطريقة معينة عشان إللي ييجي بعده واتحط في نفس الموقف يتصرف زيه بالضبط،
ومن المواقف دي استشارته لزوجاته في أمور مهمة، أيوة في بعض أراء للنساء تودي في داهية😅
لكن برده لهم آراء حكيمة في أوقات تانية، فالزوج هو إللي يحدد بقى ينفع يستشير زوجته ولاّ لأ،
يعني واحد زوجته بتتقي الله وعندها علم وليها نظرة ثاقبة، إيه المانع إن يستشيرها🤷‍♂️
لكن للأسف في أزواج بيرفضوا آراء زوجاتهم مع إنها آراء صحيحة لمجرد فقط إنها امرأة بحجة إنها مبتفهمش حاجة أو متعرفش أو...أو..😑
لكن دي بتكون نظرته لها للأسف، فأكيد إللي بالعقلية دي لا يتبع سنة رسول الله ﷺ في النقطة دي👌

نرجع لرسول الله ﷺ ونشوفه عمل إيه😊
رسول الله ﷺ حلق شعر رأسه فحلق بعض الصحابة زي رسول الله ﷺ وبعض الصحابة لم يحلقوا ولكن قصروا من شعورهم،
فلما رآهم رسول الله ﷺ قال:
اللهم ارحم المُحَلّقين 🤲
فالصحابة إللي قصروا قالوا : والمقصرين يا رسول الله 😅
يعني بيطلبوا منه إنه يدعو كمان للي بيقصروا شعرهم ومش بيحلقوه كله،

فقال

رسول الله ﷺ مرة ثانية:
اللهم ارحم المحلقين 🤲
فالصحابة قالوا:
والمقصرين يا رسول الله 😅
ثلاث مرات يدعوا للمُحلقين، والصحابة يطلبوا منه الدعاء للمقصرين، ففي المرة الرابعة قال ﷺ: والمقصرين😊

☆ملحوظة
الحلق في العمرة أفضل لو كان وقت العمرة بعيد عن وقت الحج، يعني مثلا رجل اعتمر في رمضان وسيحج في نفس العام لما يتحلل من العمرة الأفضل إنه يحلق شعر رأسه،
ولما يحج يحلق شعر رأسه مرة ثانية لما يتحلل من إحرامه في الحج،
لكن لو عمل عمرة في ذي القعدة مثلا وسيحج بعدها في ذي الحجة فالأفضل هنا إنه يُقصر شعره ويترك الحلق للحج،
زي ما رسول الله ﷺ عمل كده، رسول الله ﷺ حلق شعره كامل لأنه مش هيحج👌

بعد ما خلاص المسلمين ذبحوا وحلقوا جاء لرسول الله ﷺ نساء مؤمنات من قريش،
من النساء دول أم كلثوم بنت عُقبة بن أبي مُعَيط إللي قُتل بعد غزوة بدر صَبْرا واتكلمنا عليه قبل كده،
فلما جاءت لرسول الله ﷺ جاء وراها إخوتها الاثنين عمارة والوليد عشان يرجعوها،
لأن المفروض على حسب العهد إللي بين رسول الله ﷺ والمشركين إن أي أحد يأتي مسلما من قريش لرسول الله ﷺ يجب على رسول الله ﷺ إنه يرجعه لقريش،
لكن هل النساء تدخل في الشرط ده 🤔
نزلت الآيات تفصّل في المسألة،
أخرج القرآن النساء من المعاهدة دي ومنع المسلمين إنهم يردُّوا النساء إللي جاءوا مسلمات إلى المشركين لأنهن لا يَحلّون للمشركين،
"لَا هُنَّ حِلٌّ لَّهُمْ وَلَا هُمْ يَحِلُّونَ لَهُنَّ"
لكن كده في مشكلة😕
ماهو ممكن أي واحدة كرهت زوجها ومش عايزة تعيش معاه تقول أنا أسلمت عشان تسيبه، أو مثلا واحدة كانت بتحب حد من الصحابة فتهاجر للمدينة وتقول انا أسلمت عشان تبقى جنبه🤷‍♂️
فكان لازم الامتحان والاختبار، فكان رسول الله ﷺ يمتحن النساء ويسألهن بالله:
انتي خرجتي ليه، هل فعلا خرجتي عشان عايزة الله ورسوله ولاّ هربانة من زوج أو مش عايزة تعيشي في البلد أو...أو....
فلو قالت إنها فعلا خرجت لله ولرسوله ومش عايزة غير الإسلام يبقى لا يردوها للمشركين،
لكن لو قالت إنها هربت أو قالت أي سبب تاني غير الإسلام يرجعوها تاني للمشركين،

☆طيب ما هي ممكن تكذب 🤨

أولا احنا ملناش غير الظاهر ورسول الله ﷺ نفسه قال :
" إِنِّي لَمْ أُومَرْ أَنْ أَنْقُبَ عَنْ قُلُوبِ النَّاسِ ، وَلا أَشُقَّ بُطُونَهُمْ"
ده غير إن في الوقت ده الناس كانت بتأنف الكذب، يعني كان معروف إن الكذب ده حاجة سيئة جدا فكانوا بيترفعوا عن الكذب حتى لو فيه مصلحة،
ثانيا القرآن كان بينزل ساعتها فكانوا عارفين إن إللي هيخبي حاجة ربنا هيظهرها وينزل القرآن يفضح إللي في القلوب👌

فبعد الامتحان وخلاص عرفوا إن المرأة مؤمنة لا ترجع إلى المشركين، قال تعالى في سورة الممتحنة:
"يَا أَيُّهَا الَّذِينَ آمَنُوا إِذَا جَاءَكُمُ الْمُؤْمِنَاتُ مُهَاجِرَاتٍ فَامْتَحِنُوهُنَّ اللَّهُ أَعْلَمُ بِإِيمَانِهِنَّ ۖ فَإِنْ عَلِمْتُمُوهُنَّ مُؤْمِنَاتٍ فَلَا تَرْجِعُوهُنَّ إِلَى الْكُفَّارِ "
ونزل التحريم بزواج المؤمنين من المشركات أو الاستمرار في الزواج منهن،
"وَلَا تُمْسِكُوا بِعِصَمِ الْكَوَافِرِ"
فطلق عمر بن الخطاب رضي الله عنه زوجتين له كانتا على الشرك، ولا يجوز للمسلمين إنهم يتزوجوا من الوثنيين إللي بيعبدوا الأصنام،
بعكس المُحصنات من أهل الكتاب ربنا أباح للمسلمين إنهم يتزوجوهن وطبعا بشروط معينة مش أي واحد يروح يتزوج أي واحدة كده من أهل الكتاب زي ما الناس فاهمة😅

فلما حصل التفريق بين المشركين والمؤمنين ربنا أمر المؤمنين إنهم يطلبوا المهر إللي كانوا دفعوه للنساء المشركات لما تزوجوهن،
وإن المسلمين يردوا للمشركين المهر إللي كانوا دفعوه للمسلمات لما تزوجوهن، يعني كل واحد يرجع مهر التاني سواء المشركات أو المؤمنات،
"وَاسْأَلُوا مَا أَنفَقْتُمْ وَلْيَسْأَلُوا مَا أَنفَقُوا"

خلاص كده المسلمون تحللوا وجمعوا حاجتهم وتركوا الحديبية وراجعين للمدينة، في الطريق نزلت سورة الفتح تعلق على صلح الحديبية،
"إِنَّا فَتَحْنَا لَكَ فَتْحًا مُبِينًا "
أول ما نزلت السورة أرسل رسول الله ﷺ في طلب عمر، طبعا ساعتها عمر رضي الله عنه كان خايف إنه ينزل فيه قرآن بسبب إللي عمله مع رسول الله ﷺ،
فجاء لرسول الله ﷺ وهو قلقان فقرأ رسول الله ﷺ عليه سورة الفتح،
فاستغرب عمر وسأل رسول الله ﷺ:
هو فعلا فتح؟!😮
فقال له رسول الله ﷺ: نعم فتح👌
وسورة الفتح آياتها رقيقة وهادئة وجميلة ودي حاجة فعلا تميزت بها سورة الفتح، اقرأوها بعد ما تقرأوا صلح الحديبية وانتم هتفهموا قصدي😊
خلونا نشوف بعض الآيات كده وتعليقها على المواقف إللي حصلت،
فاكرين الخمسين واحد من المشركين إللي جاءوا عشان يهجموا على معسكر المسلمين وهدفهم إنهم يشعلوا الحرب بين الطرفين ومحمد بن مسلمة مسكهم وسلمهم لرسول الله ﷺ وبعدين رسول الله ﷺ أطلقهم ربنا ذكر الحادثة دي في الآية:
" الَّذِي كَفَّ أَيْدِيَهُمْ عَنْكُمْ وَأَيْدِيَكُمْ عَنْهُمْ بِبَطْنِ مَكَّةَ مِنْ بَعْدِ أَنْ أَظْفَرَكُمْ

عَلَيْهِمْ وَكَانَ اللَّهُ بِمَا تَعْمَلُونَ بَصِيرًا"
وبعدين لما حصلت البيعة تحت الشجرة بيعة الرضوان ربنا قال عنها :
"إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّهَ يَدُ اللَّهِ فَوْقَ أَيْدِيهِمْ فَمَنْ نَكَثَ فَإِنَّمَا يَنْكُثُ عَلَى نَفْسِهِ وَمَنْ أَوْفَى بِمَا عَاهَدَ عَلَيْهُ اللَّهَ فَسَيُؤْتِيهِ أَجْرًا عَظِيمًا"
يعني في الحقيقة الصحابة بايعوا ربنا على الطاعة والثبات وربنا مطلع عليهم، ومن شدة تأكيد العقد ده ربنا قال : يد الله فوق أيديهم يعني كأنهم صافحوا الله بأيديهم في المبايعة دي،

☆وهو ربنا له يد🤨
أبوة ربنا له يدين وله قدمين وله وجه وبيتكلم وبيضحك وبيغار، لاااكن مش معنى كده إنه زي البشر👌
احنا بنتشابه في الاسم فقط لكن اليد دي عاملة إزاي أو ربنا بيضحك إزاي أو بيغار إزاي منعرفش🤷‍♂️
زي لما نقول رجل الكرسي، هي رجل الكرسي زي رجل البشر🤨
طبعا لأ، ولكن التشابه في الاسم فقط، ولله المثل الأعلى في السماوات والأرض،
فاحنا بنثبت لربنا ما أثبته لنفسه، ربنا قال إنه عنده يد خلاص يبقى عنده يد ،
ميقولش أنا عندي يد وبعدين ييجي واحد من البشر ميعرفش حاجة ويقول لربنا لا يارب انت معندكش يد، ده اليد بتاعتك معناها القدرة🤓
فربنا هو الأعلم بنفسه سبحانه، فلما يقول لنا حاجة خلاص نصدقها زي ما هي من غير ما نقعد نقول طب إزاي ونقعد نشبه أو نعطل أي صفة من صفاته سبحانه،
" لَيْسَ كَمِثْلِهِ شَيْءٌ ۖ وَهُوَ السَّمِيعُ الْبَصِيرُ "👌

الصحابة إللي بايعوا رسول الله ﷺ كانوا فعلا صادقي الإيمان، ربنا عَلِم إللي في قلوبهم من صدق ويقين وثبات ووفاء عشان كده رضي عنهم، وتخيلوا بقى لما ربنا يرضى عن حد، أمنيتنا جميعا إن ربنا يرضى علينا،
فتخيلوا إحساس الصحابة لما يسمعوا إن ربنا رضي عنهم😊
"لَقَدْ رَضِيَ اللَّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ فَعَلِمَ مَا فِي قُلُوبِهِمْ فَأَنْزَلَ السَّكِينَةَ عَلَيْهِمْ وَأَثَابَهُمْ فَتْحًا قَرِيبًا"

فربنا هيكافئهم بفتح قريب بعد الحديبية، وهو فتح خيبر وهنعرف قصة الفتح ده بعدين إن شاء الله،

ربنا بيكلم الصحابة بقى وبيقول لهم عن المشركين إللي منعوهم من الدخول لمكة وأد إيه كانوا متحمسين يدخلوا مكة للعمرة حتى ولو بالغصب والقتال وكانوا مجهزين الهدي،
"هُمُ الَّذِينَ كَفَرُوا وَصَدُّوكُمْ عَنِ الْمَسْجِدِ الْحَرَامِ وَالْهَدْيَ مَعْكُوفًا أَنْ يَبْلُغَ مَحِلَّهُ "
لكن ربنا بيعرفهم بقى ليه مخلاهمش يدخلوا مكة بالقوة وقال :
لو كنتم دخلتم وقاتلتم كنتم هتقتلوا رجال ونساء مؤمنين يكتموا إيمانهم انتم متعرفهمش،
وساعتها كان هيصيبكم إثم وانتم مش عارفين، لكن لو كان تميز المؤمنين عن المشركين كنت سمحت لكم بالدخول لمكة وقاتلتم المشركين،
"وَلَوْلَا رِجَالٌ مُؤْمِنُونَ وَنِسَاءٌ مُؤْمِنَاتٌ لَمْ تَعْلَمُوهُمْ أَنْ تَطَئُوهُمْ فَتُصِيبَكُمْ مِنْهُمْ مَعَرَّةٌ بِغَيْرِ عِلْمٍ "
فأخرنا العقوبة عنهم لحد ما نطلع منهم المؤمنين ويرجع كثير من المشركين إلى الإسلام، وهنشوف العمالقة إللي هيسلموا بعد كم شهر فقط من الصلح ده👌
"لِيُدْخِلَ اللَّهُ فِي رَحْمَتِهِ مَنْ يَشَاءُ لَوْ تَزَيَّلُوا لَعَذَّبْنَا الَّذِينَ كَفَرُوا مِنْهُمْ عَذَابًا أَلِيمًا"
وحكت الآيات عن موقف سهيل بن عمرو
وإنه أخذته الحميّة وهي الغرور والطيش وصمم إنه لا يكتب كلمة 《بسم الله الرحمن الرحيم》 ولا يكتب كلمة
《رسول الله》
وفي المقابل ربنا أنزل الاطمئنان والصبر على رسوله وعلى المؤمنين إللي معاه،
"إِذْ جَعَلَ الَّذِينَ كَفَرُوا فِي قُلُوبِهِمُ الْحَمِيَّةَ حَمِيَّةَ الْجَاهِلِيَّةِ فَأَنْزَلَ اللَّهُ سَكِينَتَهُ عَلَى رَسُولِهِ وَعَلَى الْمُؤْمِنِينَ "

أما بقى موقف عمر رضي الله عنه وسؤاله عن الرؤيا ربنا بيطمئن قلبه بقوله:
"لَقَدْ صَدَقَ اللَّهُ رَسُولَهُ الرُّؤْيَا بِالْحَقِّ لَتَدْخُلُنَّ الْمَسْجِدَ الْحَرَامَ إِنْ شَاءَ اللَّهُ آمِنِينَ مُحَلِّقِينَ رُءُوسَكُمْ وَمُقَصِّرِينَ لَا تَخَافُونَ فَعَلِمَ مَا لَمْ تَعْلَمُوا فَجَعَلَ مِنْ دُونِ ذَلِكَ فَتْحًا قَرِيبًا "

يعني الرؤيا إللي رسول الله ﷺ شافها كانت رؤيا حق، هتدخلوا المسجد الحرام وهتطوفوا بالبيت في أمان،
فالصحابة لما سمعوا الآيات ارتاحوا واطمأنت نفوسهم، لكن لسه موضوع أبو جندل بن سهيل بن عمرو مضايقهم😓

رجع رسول الله ﷺ للمدينة ومعاه الصحابة وخبر الصلح بدأ ينتشر بين الناس وإن رسول الله ﷺ رجع سالما وكمان حصل صلح بينه وبين قريش، فجاء الأعراب يعتذروا لرسول الله ﷺ إنهم مخرجوش معاه للعمرة عشان كانوا مشغولين بأموالهم وأولادهم،
فنزلت الآية توضح موقفهم وأعذارهم الواهية👌
"سَيَقُولُ لَكَ الْمُخَلَّفُونَ مِنَ الْأَعْرَابِ شَغَلَتْنَا أَمْوَالُنَا وَأَهْلُونَا فَاسْتَغْفِرْ لَنَا "
السبب الرئيسي إللي خلاهم ميخرجوش مع رسول الله ﷺ هو :
"بَلْ ظَنَنْتُمْ أَنْ لَنْ يَنْقَلِبَ الرَّسُولُ وَالْمُؤْم

ِنُونَ إِلَى أَهْلِيهِمْ أَبَدًا"
يعني همّ خافوا يخرجوا معاه لأنهم شافوا إن رسول الله ﷺ رايح يسلم نفسه للمشركين وهتحصل حرب هيُقتل فيها المسلمون كلهم،

احنا كده وصلنا لآخر السنة السادسة من الهجرة، وهنا هتبدأ مرحلة جديدة من الدعوة إلى الإسلام،
الدعوة هتبقى عالمية😮
رسول الله ﷺ أُرسل للثقلين الإنس والجن، فالدعوة لازم توصل لكل أهل الأرض، فبدأ رسول الله ﷺ بإرسال رسائل الدعوة إلى الإسلام لملوك الأرض، كِسْرى وقيْصر والنجاشي والمُقَوقس وغيرهم،
فلأن إرسال الرسائل استمر لحد أوائل السنة السابعة من الهجرة فاحنا هنتكلم عن الرسائل دي بالتفصيل لما نتكلم عن السنة السابعة من الهجرة إن شاء الله😊

بعد ما رجع رسول الله ﷺ للمدينة بعد صلح الحديبية بفترة بسيطة كم يوم بس جاءه رجل مسلم من مكة،
واحد اسمه أبو بصير جاي هربان من التعذيب إللي كان بيحصل له في مكة،
عرف يفك نفسه ويهرب من مكة وهاجر للمدينة، مشي على رجله خمسمائة كيلو لحد ما وصل للمسجد النبوي ودخل لرسول الله ﷺ وقال له أنا جاي مسلم مهاجر يا رسول الله،
ملحقش ياخد نفسه وإلا رجلين من قريش داخلين وراه وبيقولوا :
العهد الذي بيننا وبينك يا محمد، رجع لنا أبو بصير😤
فقال لهم رسول الله ﷺ إنهم يأخذوه،
هنا أبو بصير اتصدم😳
بعد ما قدر إنه يهرب من مكة وفضل مُطارد في الصحراء أيام والله أعلم بحاله كان بياكل إزاي ولاّ بينام إزاي والتعب إللي كان فيه وبكل بساطة كده رسول الله ﷺ يسلمه للكفار😥
وهو قال لرسول الله ﷺ:
يا رسول الله يفتنوني في ديني، إزاي ترجعني ليهم😢

هو مكنش يعرف عن العهد إللي كان بين رسول الله ﷺ وبين المشركين،
فرسول الله ﷺ قال له:
احنا بيننا وبين قريش عهد ومنقدرش نخالف العهد ده، ارجع وربنا هيجعل لك ولأصحابك المستضعفين مخرجا👌
وهنا مأساة أبو جندل تتكرر مرة ثانية ولكن بصورة أشد، ورسول الله ﷺ والصحابة مش قادرين يعملوا حاجة للمستضعفين دول😓

الرجلين المشركين أخذا أبا بصير واتجهوا راجعين لمكة، وهم ماشيين بيريحوا في النص ومكنوش لسه بعدوا أوي عن المدينة، فوهم قاعدين السيف بتاع واحد من المشركين لمع كده في الشمس وهو ماسكه، فأبو بصير قال له:
السيف بتاعك ده حلو أوي وشكله قوي🤔
فالرجل المشرك قعد يتفاخر ويقول له أنا عملت بيه كذا وكذا وأبو بصير متفاعل معاه وراح قايله وريهولي كده😮
فالمشرك أعطى السيف لأبو بصير، أول ما أبو بصير مسك السيف راح قاطع رقبة المشرك 🙊
المشرك الثاني عرف إنه هيتقتل هو كمان راح طالع جري على المدينة وأبو بصير وراه،
وصل لرسول الله ﷺ في المسجد رسول الله ﷺ شاف منظره وهو جاي مرعوب فقال للصحابة :
الرجل ده شاف الموت👌
فجاء وراءه أبو بصير وقال لرسول الله ﷺ:
يا رسول الله انت خلاص وفّيت بعهدك لهم وأنا ربنا نجاني منهم 🤚
وخرج من عند رسول الله ﷺ، وهو خارج سمع أبو بصير رسول الله ﷺ يقول :
ويْلَ أمه مِسْعَرُ حربٍ لو كان معه رجال👌
يعني لو هو معاه رجال هيشعلل الحرب، أبو بصير سمع الكلمة وانطلق ناحية ساحل البحر وسكن هناك،
أبو جندل عرف يهرب من الأسر من مكة وعرف إن أبا بصير سكن عند ساحل البحر فراح يسكن معاه،
بدأوا هم الاتنين يهجموا على قوافل قريش إللي بتعدي من المنطقة دي، وبقى كل إللي يُسلم ينضم لهم لحد ما كونوا
عصابة، أي قافلة لقريش يهجموا عليها،
وأصلا قريش كانت عملت المعاهدة عشان تضمن إن قوافلها تعدي، فكده بقوا في ورطة😕
راحوا باعتين لرسول الله ﷺ خلاص احنا متنازلين عن الشرط بتاع إن إللي يأتيك من عندنا مسلم ترجعه لنا تاني، خلاص إللي يُسلم خده مش عايزينه بس نحل المشكلة دي،
وبكده كسب رسول الله ﷺ المعاهدة من جميع الجهات، والفرق بين المعاهدة والتنازل عن الشرط كان أيام،
وأرسل رسول الله ﷺ لعمر وأخبره بالخبر، وظهر لعمر ولكل الصحابة حكمة رسول الله ﷺ والفرج إللي جاء لأبو بصير وأبو جندل وغيرهم من المستضعفين👌
وواحد من الصحابة اسمه سهل بن حُنَيْف كان بيقول للتابعين بعدين :
أيُّها النَّاسُ اتَّهِمُوا رَأْيَكُمْ علَى دِينِكُمْ،
يعني لما يكون في حاجة مش فاهمينها في الدين أو مش مستوعبينها اتهموا عقولكم ولا إنكم تتهموا أوامر الله أو رسوله،
لقَدْ رَأَيْتُنِي يَومَ أبِي جَنْدَلٍ، ولو أسْتَطِيعُ أنْ أرُدَّ أمْرَ رَسولِ اللَّهِ ﷺ عليه لَرَدَدْتُهُ،
يعني لو كان يقدر إنه يرد أمر رسول الله ﷺ بإن أبو جندل يرجع مع جيش المسلمين كان هيرده ومش هينفذ أمر رسول الله ﷺ وكان هيقاتل قريش ويرفض المعاهدة لأن مكنش شايف الحكمة إللي رسول الله ﷺ شايفها،
وده يعلمنا احنا كمان إن مش كل حاجة شايفينها شر أو مش مستوعيبنها نرفضها أو ننكرها،
لأننا زي ما شوفنا الموقف العصيب ده أخرج فتح مبين إزاي، ولسه هنشوف الأحداث بعدين كلها هتبقى في صالح المسلمين إزاي👌

♡الجزء ده طويل معلش، لأن ده آخر جزء قبل العيد كل سنة وانتم طيبين وربنا يتقبل منا ومنكم صالح الأعمال❤
للأسف أنا هضطر أوقف السيرة لمدة أسبوعين لظروف خارجة عن إرادتي والله🙈
وإن شاء الله أول منشور ه

يبقى يوم السبت أربعة وعشرين أغسطس، وهيبقى مفاجأة إن شاء الله🤫



#Eman_Shalapy

•سُبحَان اللّٰه وبحمدهِ .. سُبحَان اللّٰه العَظِيم.

•استَغفِر اللّٰه العَظِيم وأتُوب إِلَيْهِ.

•اللهُمَّ صلِّ وسلم وبارك على نبيّنَا مُحَمَّد وعلى آلهِ وصحبهِ أجمَعِين.

•لا إله إِلَّا أنتَ سُبحَانك إنِّي كُنت من الظالمين.

السلام عليكم ورحمة الله وبركاته..

بفضل الله ثم تبرعاتكم جمعنا حالة الأسبوع اللي فات على خير 💚
و الحالة الجديدة الأسبوع دا /
صلوا ع النبي 🌻
الحالة اللي معانا ست مطلقة مسنة وقاعده لوحدها ومش عندها اي عائل بتقبض 320 ج بس، محتاجه عملية مياه بيضاء علي عنيها 💔
العملية هتتعمل ليها مجاني بفضل الله بس محتاجه 1000 ج مصاريف كشف وعلاج والادوات وكدا وكمان عايزين نجيب لها غساله عشان تقدر تغسل هدومها 💔
هنجمعلها باذن الله 3000 للعملية والغساله , جمعنا منهم 760 ج وباقي 2240 ج 🥹
اي مبلغ هيفرق جدا فمن لها .؟🥹💚

اللي حابة تستفسر تتواصل معايا هنا 👇👇👇
@zra555

#غيث💚

https://youtu.be/up9shHCur44

ده (فارس حميدة) صاحب أغنية "مفيش صاحب بيتصاحب" اللي كان كل الشباب تقريبا بيسمعها في وقتها.
فارس ربنا تاب عليه تماما وابتعد عن طريق الغناء.

نماذج كثيرة جدا، أقربهم أدهم نابلسي الشاب التائب اللي ترك الملايين والشهرة لأجل ربنا سبحانه وتعالى.

ربنا يثبته ويرزقه الإخلاص ويتوب على كل عاصٍ غارق في ذنوبه

أذكار المساء💛

🏷️ من البدع في شهر الله المحرّم:

"بدعة الحزن والنوح يوم عاشوراء ، من اللطم والصراخ ، والبكاء ، والعطش ، وإنشاء المراثي، وما يفضي إلى ذلك من سبّ السلف ولعنهم، وإدخال من لا ذنب له مع ذوي الذنوب" كما عند الرافضة ومَن تبعهم، بل بعضهم لا يتزوجون في محرّم؛ لأنه الشهر الذي قُتِل فيه الحسين بن علي رضي الله عنه.
وبعضهم يمنعون النساء من الزينة والاكتحال وغير ذلك.

⚠️ وكل هذا مخالف للسُّنّة ولهدي سلف الأمّة.

#السنة_دين_وحياة
#سامي_هوساوي

📮أليست السُّنّة نعمة وَجَنَّة؟!

#قصص_الأنبياء(٢)
#السيرة_النبوية
#الحلقة_مائة_وأربعة_عشر
#علامات_الساعة_الصغرى
#الجزء_الأول

كلامنا في الأجزاء الأخيرة إللي فاتت كان عن الغزوات والسرايا والمعاهدة مع قريش،
يعني نقدر نقول إننا كنا مركزين على العلاقات الخارجية للدولة الإسلامية😊
عايزين بقى نعيش شوية مع رسول الله ﷺ والصحابة في المدينة ونشوف رسول الله ﷺ كان بيعلمهم إيه عن الدين،
من الحاجات إللي رسول الله ﷺ كان بيعلمها للصحابة إنهم يؤمنوا بالغيب،
وكان من الغيب ده يوم القيامة ويوم القيامة هو اليوم إللي الناس هتُبعث فيه بعد الموت وتتحاسب على أعمالها،
وهو يوم محدش يعرف وقته امتى غير ربنا عز وجل، لا أنبياء ولا ملائكة، لكن اليوم ده هيأتي أكيد👌
ورسول الله ﷺ لما جاءه واحد من الأعراب يسأله متى الساعة رسول الله ﷺ قال له: ماذا أعددت لها،
فمش المهم إننا نعرف هي امتى لكن المهم إننا نستعد لها زي المسافر إللي بيستعد للسفر،

☆ملحوظة :
ميعاد يوم القيامة من الغيبيات الخمسة إللي لا يعلمها إلا الله، والغيبيات الخمسة دي هي :
◇يعلم إللي هيحصل للإنسان في حياته،
◇يعلم إللي في الأرحام من ذكر أو أنثى،
◇يعلم متى ينزل المطر ،
◇يعلم متى يموت الإنسان،
◇يعلم وقت الساعة أو يوم القيامة
"إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ ۖ وَمَا تَدْرِي نَفْسٌ مَّاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ "

ومع إننا منعرفش امتى بالضبط ميعاد يوم القيامة لكن ربنا أخبرنا عن علامات لليوم ده، وده من رحمة ربنا بعباده عشان ينتبهوا من غفلتهم ويستعدوا للقاء الله،
"فَهَلْ يَنْظُرُونَ إِلَّا السَّاعَةَ أَنْ تَأْتِيَهُمْ بَغْتَةً فَقَدْ جَاءَ أَشْرَاطُهَا "

فالعلامات دي زي بالضبط كده العلامات إللي بتكون على طريق المسافر،
لما نركب أي مواصلة ونشوف علامة مكتوب عليها فاضل كذا كيلو على المكان إللي احنا رايحينه فبنستعد للنزول كل ما نقرب للمكان ده،
يعني لو واحد ركب قطار ومدة سفره ساعتين أكيد هيبقى قاعد وواخد راحته بعكس لما يشوف علامة بتقول له خلاص انت نازل المحطة الجاية بيبدأ يستعد ويلم حاجاته عشان ينزل،
كذلك أشراط الساعة أو علامات الساعة، ربنا جعل لنا علامات عشان نستعد، عشان كل شوية نفتكر إن في يوم قيامة وإننا مهما عشنا فاحنا هنرجع لربنا في يوم من الأيام ونقف بين يديه ونتحاسب على كل صغيرة وكبيرة👌
فالهدف الرئيسي من علامات الساعة هو الاستعداد، مش إننا ننشغل بيها وتكون هي شغلنا الشاغل ونقعد ندور عليها😅

وعلامات الساعة بتنقسم لقسمين:
علامات ساعة صُغرى وعلامات ساعة كُبرى،
◇علامات الساعة الصغرى هى العلامات إللي بيتكرر حدوثها ومستمرة مش بتنقطع وبيكون بينها وبين يوم القيامة زمن،
ومش كل الناس بيحسوا بيها لأنها ممكن تحصل في مكان ومكان تاني لأ.

◇أما علامات الساعة الكبرى هي علامات غير مألوفة وعظيمة كل الناس بيحسوا بيها وبيشوفوها وبتكون قريبة جدا من يوم القيامة،
وكل العلامات بتيجي وراء بعضها زي حبات الخرز إللي في العقد إذا انقطع، شوفوا الحبات بتقع وراء بعضها إزاي بسرعة، كذلك علامات الساعة الكبرى بتيجي بسرعة وراء بعضها👌

قبل ما نتكلم بالتفصيل عن العلامات دي عايزة أفكركم بنقطتين :
♡أولا :
كل الكلام إللي هقوله عن علامات الساعة هو من الأحاديث الصحيحة فقط مش هجيب أي حديث من الأحاديث الضعيفة، وشرح الأحاديث هو كلام الصحابة والتابعين والعلماء يعني أنا فقط بنقل لكم الكلام لكن بأسلوب مُبسط مش أكثر،
وطبعا هتلاقوا في التعليقات كل المصادر إللي أنا بجيب منها المعلومات👇😊

♡ثانيا:
بأكد على إن الهدف من السيرة النبوية مش إننا نحكي قصة وخلاص،
أنا عايزاكم تعيشوا مع رسول الله ﷺ والصحابة وتعرفوا حياتهم كانت إزاي سواء وقت الغزوات والسرايا أو الحياة اليومية إللي كانوا بيعيشوها مع رسول الله ﷺ في المدينة بمشاكلهم وفرحهم وحزنهم عشان نحبهم ويبقى سهل علينا إننا نعمل زيهم على أد ما نقدر عشان ربنا يحشرنا معاهم يوم القيامة،
وكمان بالطريقة دي نقدر نتعلم الدين من رسول الله ﷺ زي ما كان بيعلمه للصحابة بكل بساطة😊

نكمل كلامنا عن علامات الساعة،
علامات الساعة الصغرى في منها إللي حصل وخلاص خلص وفي منها إللي حصل ومازال مستمر وفي منها إللي لسه محصلش،
رسول الله ﷺ قال للصحابة وهو بيكلمهم عن يوم القيامة :
"بُعِثْتُ أَنَا وَالسَّاعَة كَهَاتَيْن" وأشار بأصبعيه السبابة والوسطى✌
يعني رسول الله ﷺ بيقول للصحابة إن أول علامة من علامات الساعة الصغرى هي بعثته ﷺ،
والمسافة بين بعثته وبين قيام الساعة زي المسافة بين السبابة والوسطى كده✌
فهو النبي الأخير ومفيش أي أنبياء بعده وييجي بعده القيامة ونهاية الدنيا.

☆طبعا السؤال إللي محيرنا كلنا، إزاي يعني بعثة رسول الله ﷺ قريبة جدا من الساعة كده وعدّى دلوقتي أكثر من ألف وأربعمائة سنة ولسه مفيش حاجة حصلت والله أعلم فاضل لسه

كمان كم سنة🤨

الإجابة بكل بساطة إننا لازم نراعي النسبة الزمنية واحنا بنتكلم، يعني الحساب الزمني عندنا غير الحساب الزمني عند ربنا، مش ربنا بيقول إن اليوم عند ربنا كألف سنة عندنا:
"وَإِنَّ يَوْمًا عِندَ رَبِّكَ كَأَلْفِ سَنَةٍ مِّمَّا تَعُدُّونَ "
يبقى ده معناه إن الألف وأربعمائة سنة دول يادوب ميجوش يوم ونص عند ربنا 😅
وربنا نفسه قال:
"إِنَّهُمْ يَرَوْنَهُ بَعِيدًا وَنَرَاهُ قَرِيبًا "
هو بالنسبة لنا بعيد عشان العامل الزمني مختلف عندنا لكن هو قريب عند ربنا، يعني لو افترضنا جدلا يعني إن عمر الدنيا لسه فيه كمان ألف وأربعمائة سنة يعني ثلاثة آلاف سنة تقريبا يبقى المجموع عند ربنا ثلاثة أيام فقط،
وكمان الزمن الباقي من الدنيا بالنسبة للأمم السابقة زمن قليل، قال رسول الله ﷺ:
"إِنَّمَا بَقَاؤُكُمْ فِيمَا سَلَفَ قَبْلَكُمْ مِنْ الْأُمَمِ كَمَا بَيْنَ صَلَاةِ الْعَصْرِ إِلَى غُرُوبِ الشَّمْسِ"
ففترة بعد العصر لغروب الشمس فترة قليلة جدا بالنسبة لليوم كله وهو ده حال الباقي من الدنيا،
يبقى كده مفيش أي إشكال لما رسول الله ﷺ يقول بُعثت أنا والساعة كهاتين✌😊

1◇يبقى خلاص كده أول علامة هي بعثة رسول الله ﷺ.

2◇العلامة الثانية: انشقاق القمر
"اقْتَرَبَتِ السَّاعَةُ وَانْشَقَّ الْقَمَرُ"
واحنا اتكلمنا بالتفصيل في الجزء الأربعين عن معجزة انشقاق القمر ممكن ترجعوا لها عشان تفتكروا الأحداث،

3◇العلامة الثالثة زي ما رسول الله ﷺ قال لواحد من الصحابة اسمه عَوْف بن مالك هي: موت النبي ﷺ،
قال رسول الله ﷺ لعَوْف:
أُعدُدْ ستًّا بين يدي الساعةِ :
مَوتي ؛
ثم فتحُ بيتِ المقدسِ ،
ثم مُوتانِ يأخذ فيكم كقُعاصِ الغنمِ ،
ثم استفاضةُ المالِ حتى يُعطَى الرجلُ مائةَ دينارٍ ، فيظلُ ساخطًا ،
ثم فتنةٌ لا يبقى بيتٌ من العربِ إلا دخلَتْه ،
ثم هُدنةٌ تكون بينكم وبين بني الأصفرِ ، فيغْدرون ، فيأتونكم تحت ثمانينَ غايةً ، تحت كلِّ غايةٍ اثنا عشرَ ألفًا.

يعني رسول الله ﷺ بيقول إن في ست علامات هيحصلوا قبل قيام الساعة، طبعا مش دي كل العلامات في علامات تانية بس الستة دول رسول الله ﷺ قالهم مع بعض وأولهم موته ﷺ،
وقصة موته هنعرفها بعدين إن شاء الله وهنشوف إزاي إن موته كان أعظم مصيبة في حياة الصحابة وفي حياة الأمة كلها،
خلونا ناخد العلامات إللي في الحديث واحدة واحدة،

4◇العلامة الرابعة زي ما جاءت في الحديث : هي فتح بيت المقدس،
في وقت رسول الله ﷺ بيت المقدس كان تحت حكم الرومان، فهو بيقول إن المسلمين هيفتحوا بيت المقدس وهيبقى تحت حكم المسلمين بعدين،
والعلامة دي حصلت فعلا في عهد عمر بن الخطاب رضي الله في سنة ستة عشر أو سبعة عشر من الهجرة وبقى بيت المقدس تحت حكم المسلمين،
وطبعا فتح بيت المقدس غير تحرير بيت المقدس، يعني عمر بن الخطاب رضي الله عنه فتحه أول مرة، وصلاح الدين الأيوبي حرر بيت المقدس بعدين لما وقع في أيدي النصارى،
ففي فرق بين الفتح والتحرير،
فالفتح هو إللي من علامات الساعة👌

5◇العلامة الخامسة مُوتَان أو مَوَتان يحصل في الأمة، يعني موت جماعي يصيب عدد كبير من الناس زي الغنم إللي بيصيبه مرض وفجأة يقعوا كلهم أموات،
والعلامة دي حصلت بعد فتح بيت المقدس سنة ثمانية عشر للهجرة،
حصل وباء أو طاعون في قرية صغيرة اسمها عَمْوَاس بين الرّمْلة وبيت المقدس وبعدين الوباء ده انتشر في بلاد الشام ومات بسببه عدد كبير جدا من المسلمين وعدد كبير من الصحابة زي أبو عبيدة عامر بن الجراح أمين الأمة ومعاذ بن جبل، وسهيل بن عمرو وابنه أبو جندل.
حتى يُقال إن إللي ماتوا من المسلمين بسبب الوباء ده كانوا خمسة وعشرين ألف، واتسمى الوباء باسم طاعون عَمْواس.

☆ملحوظة :
بلدة عمواس مش مجودة دلوقتي لأن اليهود هدموها سنة 1967 وشردوا أهلها وبنوا مكان القرية دي غابة بأموال المتبرعين من اليهود الكنديين وسموها منتزه كندا.

6◇العلامة السادسة: استفاضة المال والاستغناء عن الصدقة، يعني المال هيبقى كثير جدا مع الناس لدرجة إنهم مش هيلاقوا حد ياخد الصدقة بتاعتهم،
في حديث تاني لرسول الله ﷺ بيقول فيه إن الرجل هيبقى كفه مليان ذهب أو فضة صدقة ويقعد يدور على حد ياخد الصدقة دي مش هيلاقي،
والعلامة دي تحققت، ففي عهد الصحابة وانتشار الفتوحات الإسلامية وفتح بلاد فارس والروم المال بقى كثير جدا،
وفي عهد عمر بن عبد العزيز فاض المال، يعنى بقى في فائض كبير في المال وبقى الواحد يعرض الصدقة على الناس وميلاقيش إللي يقبلها،
والعلامة دي هتحصل مرة ثانية في آخر الزمان في زمن المهدي وبعد ما ينزل عيسى عليه السلام،
وهنعرف إللي هيحصل وقتها لما نتكلم عنهم إن شاء الله😊

7◇العلامة السابعة: ظهور الفتن،
والفتنة يعني الابتلاء والاختبار، فهيحصل للناس اختبارات كثيرة تزلزل الإيمان في القلوب،
ورسول الله ﷺ في حديث تاني بيقول عن الفتن :
إن بين يدي الساعة فتنا كقطع الليل المظلم، يعني الفتنة في شدة وقوتها زي الليل شديد السواد،
ورسول الله ﷺ بيتكلم عن سوا

د الليل إللي هو شافه بتاع الصحراء إللي مفهوش أي ضوء خالص مش سواد الليل بتاعنا إللي الأنوار مخلية له ضوء فالواحد يستأنس بيه،
سواد الليل بتاع الصحراء مرعب فعلا، وإللي سافر بالليل في طريق صحراوي من غير ضوء على الطريق هيعرف معنى قطع الليل المظلم،
فالفتن إللي هيتعرض لها المؤمنين زي الليل المظلم ده
لدرجة إن الواحد يبقى الصبح مؤمن وبالليل يكفر وده بسبب إنه هيبيع دينه بعَرَض من الدنيا،
وأظن احنا شايفين الموضوع ده في الواقع بتاعنا، كم واحد كان مسلم وعشان اتعرض لابتلاء ترك الدين وألحد،
وكم واحد ضحى بدينه وباعه عشان شغلانة أو عشان مال أو عشان منصب،
وكم واحد كان ملتزم بتعاليم الإسلام وبسبب الابتلاءات ترك الالتزام، وإللي قلعت النقاب وبقت تلبس بناطيل وإللي كان بيصلي وساب الصلاة وهكذا،
والفتن مستمرة لحد قيام الساعة وكل ما بنقرب من يوم القيامة كل ما ما الفتن بتكون أصعب وأشد، وكل فتنة يتعرض لها المؤمن يقول هذه مُهلكتي، يعني خلاص الفتنة دي هي إللي هتضيعني،
عشان كده رسول الله ﷺ بيقول لنا :
بادروا بالأعمال الصالحة فتنا كقطع الليل المظلم ،
يعني عشان الواحد ينجوا من الفتن والاختبارات الشديدة دي محتاج إنه يسارع ويعمل الأعمال الصالحة قبل ما يتعرض للإبتلاء ؛ لأن صنائع المعروف تقي مصارع السوء، يعني إللي عنده رصيد من الأعمال الصالحة هو إللي ربنا هينجيه ويحفظه من الفتن👌
وطبعا مع الدعاء والتعوذ من الفتن ما ظهر منها وعارفين إنه فتنة وما بَطَن يعني المختفي ومش عنه عارفين إنه فتنة،

☆وإللي عايز ينجو من النار ويدخل الجنة يعمل زي ما رسول الله ﷺ قال :
"مَن أحَب أن يُزحزَح عن النار ويدخل الجنة ، فلتأتِه منيَّتُه وهو يؤمن بالله واليوم الآخر، وليأتِ إلى الناس الذي يحب أن يُؤْتى إليه"
يعني احنا عندنا جزئين :
◇الجزء الأول :
إن الواحد فينا يموت على الإيمان بالله واليوم الآخر ، والإيمان قول باللسان وتصديق بالقلب وعمل بالجواح، فاللي بيؤمن بالله واليوم الآخر فعلا مش مجرد كلام لازم يعمل الأعمال الصالحة عشان يموت على الإيمان ده.

◇الجزء التاني :
إننا نعامل عموم الناس زي ما بنحب الناس تعاملنا، ونعمل معاهم إللي نحب إنه يتعمل معانا،
فننصح للناس زي ما ننصح لنفسنا ،ونكره للناس ما نكرهه لنفسنا ، منكذبش عليهم ، ولا نغشهم ولا نخدعهم ، ولا نحب لهم الشر،
فلما نتعامل مع الناس يكون ميزان المعاملة : هل احنا نحب إن الناس يعاملونا بالمعاملة دي أو لأ،
فنعاملهم باللطف زي ما نحب إنهم يعاملونا باللطف واللين ، وبحسن الكلام وبحسن المنطق واللين ،وإللي هيعمل كده هو ده إللي هيُزحزح عن النار ويدخل الجنة👌

8◇العلامة الثامنة من علامات الساعة: ظهور مُدّعي النبوة،
يعني بعد رسول الله ﷺ في ناس هتدعي النبوة منهم حوالي ثلاثين واحد هيكون لهم أتباع كثيرون ويشتهروا بين الناس وهيكون لهم قوة،
ومن الثلاثين دول أربعة نساء، وفي أواخر عهد رسول الله ﷺ ظهر أول مُدعي للنبوة وهو مُسَيْلِمة الكذاب،
وظهر بعد مسيلمة باقي الثلاثين.

9◇العلامة التاسعة: انتشار الأمن،
كان في عهد رسول الله ﷺ قُطاع الطرق كثير وكان في قبائل كاملة تقطع الطريق،
فرسول الله ﷺ قال إن الساعة لن تقوم حتى يسير الراكب لوحده من العراق إلى مكة لا يخاف إلا ضلال الطريق،
والعلامة دي حصلت في زمن الصحابة لما الإسلام انتشر في البلاد وانتشر العدل.

10◇العلامة العاشرة إللي جاءت في الحديث إللي قلناه من شوية : الفتنة التي تدخل كل بيوت العرب،
قال العلماء إن الفتنة دي كانت الفتنة إللي حصلت بين الصحابة بعد مقتل عثمان بن عفان رضي الله عنه،
وطبعا الموضوع ده كبير ومحتاج شرح مش هينفع ألخصه في كلمتين😅
في علماء من العصرالحديث قالوا إن الفتنة دي هي فتنة وسائل الإعلام والتواصل الاجتماعي، لأنها بتدخل كل بيوت المسلمين حتى في الأماكن الصحراوية،
وهم استنتجوا الكلام ده من جمع أحاديث رسول الله ﷺ مع بعضها،
يعني في حديث لرسول الله ﷺ يقول عن الفتنة دي
إنه يدخل حَرّها بيت كل مسلم،
يعني يدخل أذى الفتنة دي بيت كل مسلم فهي تعم المسلمين ومش خاصة بالعرب فقط،
وفي حديث تاني قاله حذيفة بن اليمان رضي الله عنه:
لَيُوشِكَنَّ أَنْ يُصَبَّ عَلَيْكُمَ الشَّرُّ مِنَ السَّمَاءِ حَتَّى يَبْلُغَ الْفَيَافِيَ .
قَالَ : قِيلَ : وَمَا الْفَيَافِيُ يَا أَبَا عَبْدِ اللهِ ؟
قَالَ : الأَرْضُ الْقَفْرُ .
واحنا بنشوف الناس في الصحاري ومعاهم الموبايلات والنت وبيوصل لهم كل شر من أغاني وأفلام ومسلسلات وغيرها😓

دول كانوا أول عشر علامات من علامات الساعة الصغرى،
إن شاء الله المرة الجاية نكمل الجزء الثاني من علامات الساعة الصغرى،
أي حد عنده سؤال عن علامات الساعة ياريت يسيبه في تعليق وأنا إن شاء الله هجاوب عليه وأنا بشرح في الأجزاء الجاية😊
وطبعا ياريت تنشروا العلامات دي عشان الناس تاخد بالها 👌

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

⭐ المصادر ⭐
Watch "الفتنة التي تدخل كل بيت من بيوت العرب ... // الشيخ عبدالعزيز الطريفي" on YouTube
https://youtu.be/ivOBDON3fKU



https://www.google.com/amp/s/islamqa.info/amp/ar/answers/178416



Watch "الشيخ محمد الزغبي - علامات الساعة التي حدثت - بداية النهاية" on YouTube
https://youtu.be/5_8iUpI9qns


Watch "رحلة إلى الدار الآخرة - محمد حسين يعقوب" on YouTube
https://www.youtube.com/playlist?list=PLDJJY_Mbkad-jeQVwJc8DiYxTF2PUKqHm



Watch "‎ قصة النهاية - طارق السويدان ‎" on YouTube
‎ قصة النهاية - طارق السويدان ‎: https://www.youtube.com/playlist?list=PLiHea6JPiE6k7kNO5YdjfDlc2HPPyb7ID




https://www.ajurry.com/vb/showthread.php?t=25965




https://www.islamweb.net/ar/fatwa/15192/معنى-حديث-بادروا-بالأعمال-فتناً-كقطع



https://www.google.com/amp/s/islamqa.info/amp/ar/answers/300003