أذكار الصباح💛

.

#كفى_بالموت_واعظا #الدنيا #لنفسك #الموت

ما هو فضل صلاة الضحى؟

ج/ صلاة الضحى تكون بعد شروق الشمس بربع ساعة لحد قبل أذان الظهر بربع ساعة

وفضلها أنك بصلاة الضحى تؤدي حق الله عز وجل عليك في بدنك

عَنْ أَبِي ذَرٍّ رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ قَالَ:

( يُصْبِحُ عَلَى كُلِّ سُلَامَى مِنْ أَحَدِكُمْ صَدَقَةٌ، فَكُلُّ تَسْبِيحَةٍ صَدَقَةٌ، وَكُلُّ تَحْمِيدَةٍ صَدَقَةٌ، وَكُلُّ تَهْلِيلَةٍ صَدَقَةٌ، وَكُلُّ تَكْبِيرَةٍ صَدَقَةٌ وَأَمْرٌ بِالْمَعْرُوفِ صَدَقَةٌ، وَنَهْيٌ عَنْ الْمُنْكَرِ صَدَقَةٌ، وَيُجْزِئُ مِنْ ذَلِكَ رَكْعَتَانِ يَرْكَعُهُمَا مِنْ الضُّحَى )

-الشيخ محمد عبد الهادي

هناك ظاهرة وقت الإمتحانات عند بعض الأخوات، وأنا هنا لست في مقام النقد، بل مقام النُصح إن شاء الله تعالى مع أني لستُ من أهله..

وقبل أي شيء..

وفقكن الله
رضي الله عنكن
زوجكنَّ الله برجال تشع طمأنينية في الدين والدنيا

ثمَّ يا زينة البيت، ومؤنسة القلب، وقمر الدار أعلم أن المشاعر متضاربة وقت الإمتحانات، والنفسيات متعبة، والأكتاف اللطيفة كليلة، والأيادي الرقيقة متلوثة بالحبر الأزرق.. فجددن النية،واحتسبن حتى التنهيدة في سبيل الله، ولرفعة المسلمين
كل هذا بالحسبان، ولكم كل الدعم، والدعاء إن شاء الله تعالى
لكن أن نتخذ وقت الإمتحانات كل سنة لنطلق لأنفسنا العنان للكلام عن الرغبة بالزواج، ونشر فساتين الأعراس مع كلام قد تخجلين أن تقوليه لصديقتك في الأوقات العادية، وتستحيل منشوراتنا الدينية كلامًا عن الحب، والاحتواء؛ والحاجات الشعورية؛ فهذا شيء قد لا يستلطف من فتاة نَدية كغصن البان، ولا من حُرةٍ حيية
إضافة لما يجلبه هذا الكلام من مفاسد إن كان على مرأى الرجال، ومرأى من يقول انظروا فتيات المسلمين؛ أو انظروا من ينشرن الدين

فلتكن فترة الإمتحانات بمشاعرها المتضاربة، فترة افتقار، وتوكل، ويقين، ودعاء عريض.

أذكار المساء💕

#قصص_الأنبياء(٢)
#السيرة_النبوية
#الحلقة_السادسة_والثمانون
#أحداث_السنة_الرابعة_من_الهجرة
#غزوة_بني_النُّضَيْر

وقفنا المرة إللي فاتت عند رسول الله ﷺ لما أرسل رسالة لبني النُّضير وأمرهم إنهم يخرجوا من المدينة بسبب نقضهم العهد إللي بينهم وبين رسول الله ﷺ،
لكن قبل ما نعرف هل استجاب بني النُّضَيْر لأمر رسول الله ﷺ ولا لأ عايزة أكمل قصة عامر بن الطفيل إللي اتكلمنا عنه المرة إللي فاتت،
هو أنا كنت محتارة أكمل قصته دلوقتي ولا استنى لحد ما ييجي وقتها في عام الوُفُود،
بس على ما ييجي وقتها هتكونوا نسيتم مين هو عامر بن الطفيل أصلا فخليني أكملها لكم دلوقتي أحسن😅

عامر بن الطفيل قلنا عنه إنه كان من فجرة وفُسّاق العرب وكان من بني عامر القبيلة القوية إللي رسول الله ﷺ عرض عليهم الإسلام وهو في مكة قبل الهجرة خالص لو تفتكروا🤔
وزعيمهم ساعتها قال لرسول الله ﷺ إنهم هينصروه بس المُلك بعد كده يكون لهم ورسول الله ﷺ رفض كلامه وبعدين محصلش الاتفاق وقابل رسول الله ﷺ الأنصار بعدها زي ما حكينا،
فعامر بن الطفيل كان من القبيلة القوية دي،
ولعله والله أعلم سمع من الزعيم بتاعهم عن اللقاء إللي حصل بين قومه وبين رسول الله ﷺ فبقى عنده حقد على رسول الله ﷺ وعلى المسلمين وانتهز فرصة مَجِيء وفد المسلمين لأرض بني عامر عشان ينتقم منهم،
حقده ده استمر سنين مع انتصارات المسلمين وتوسع دولة الإسلام لحد ما جاء عام الوفود بعد فتح مكة سنة تسعة هجريا،
العام إللي القبائل كانت بترسل لرسول الله ﷺ وفد من عندها عشان تُعلن إسلامها أو يعملوا معاه عهد صلح أو يأتوا ليعرفوا عن الإسلام،
قومه قالوا له الناس أسلمت فأسلم انت كمان،
فقال لهم :
يعني أنا كنت ببذل جهد عشان العرب تتبعني، فأنا أبقى تابع لفتى من قريش😏
فهو لما لقى الوضع بقى بالمنظر ده قرر إنه يغتال رسول الله ﷺ👌
فكان له صاحبين على نفس درجة فِسقه وفجوره كده وكانوا شاركوا معاه في قتل السبعين صحابي في بئر معونة واحد اسمه أَرْبَد بن مَقِيس والثاني اسمه جُبَار بن سُلْمى وهو إللي قتل الصحابي حرام بن ملحان وأسلم بعدين واتكلمنا عنه المرة إللي فاتت،
قال عامر بن الطفيل لصاحبه أربد :
احنا نروح لمحمد زينا زي باقي الناس ، وأنا هشغله بالكلام فانت تيجي من وراه وتقتله بالسيف😈
فكان ده الاتفاق بينهم، راحوا المدينة عند رسول الله ﷺ وبدأ رسول الله ﷺ يعرض عليهم الإسلام وقال لعامر بن الطفيل: أسلم يا عامر!

☆مع إن عامر قتل سبعين من الصحابة غدرا بس رسول الله ﷺ عنده استعداد إنه يتغاضى عن كل شيء في مقابل إسلامه،
يعني هو همه إنقاذ الناس من النار أكثر من الانتقام منهم👌

فعامر بن الطفيل قال له: هسلم بشرط إني يكون لي الأمر من بعدك😤
يعني عايز إنه يكون الخليفة والحاكم للمسلمين بعد موت رسول الله ﷺ،
طبعا رسول الله ﷺ رفض كلامه، فقال له عامر بن الطفيل :
خَالِني يا محمد!
يعني تعال نتكلم أنا وانت لوحدنا من غير ما يكون حد معانا،
رسول الله ﷺ قال له:
لأ، حتى تؤمن بالله وحده لا شريك له🤚
يعني أنا مش هقعد معاك لوحدنا إلا لما تدخل في الإسلام الأول،
وعامر عمال يتحايل على رسول الله ﷺ ويشغله ويبص لصاحبه عشان يتحرك ويقتل رسول الله ﷺ زي ما كانوا متفقين وصاحبه واقف مبيتحركش🤨
كرر الموضوع كذا مرة ويبص لصحابه يعني يلا اخلص واقتله وصاحبه واقف،
فقال عامر بن الطفيل لرسول الله ﷺ وهو بيهدده:
والله لأَمْلأَنّها عليك خيلا ورجالا👌
يعني أنا هجيب لك جيش كبير جدا يقضي عليك،
وأخذ عامر بن الطفيل صاحبه أربد وخرجوا من عند رسول الله ﷺ،
فدعا عليه رسول الله ﷺ:
اللهم اكفني عامر بن الطفيل🤲

بعد ما خرجوا وبِعدوا عن رسول الله ﷺ عامر بن الطفيل مسك أربد وقعد يقول له:
معملتش إللي اتفقنا عليه ليه 😡
بقى أنا إللي كنت بعمل لك حساب لدرجة إني كنت بخاف على نفسي منك، والله ما هخاف منك بعد النهاردة😤
فقال له أَربد :
اصبر بس متستعجلش واعرف إللي حصل😑
أنا كنت كل ما أحاول أقتله بالسيف ألاقيك جيت وقفت بيني وبينه، كنت أضربك يعني بالسيف وأقتلك😒
فدي معجزة حفظ الله بها رسوله ﷺ من القتل👌

في طريق رجوع عامر وأربد لبلادهم ربنا سلط على عامر بن الطفيل الطاعون في رقبته،
الطاعون ده زي السرطان في عصرنا كده ربنا يعافينا ويعافي المسلمين،
واشتد به المرض فجاء الليل فاستضافته امرأة من بني سلول، فهانت عليه نفسه إزاي يموت زي ما البعير بيموت بالغدة في رقبته وكمان يموت في بيت امرأة من بني سلول،
وبني سلول كانوا من أذل وأجبن قبائل العرب،
يعني بالنسبة له الموتة دي موتة ذل وهو سيد من سادات العرب وكان يخافه العرب وكمان كان بيناظر كسرى ملك الفرس،وكان الناس بيهابوه ويخافوه،
فمتوقعش إنه يموت الموتة الذليلة دي، فكان يقول:
أغُدة كغدة البعير وفي بيت سلولية😑
فركب على فرسه عشان يوصل لقومه لكنه مات في الطريق على الكفر👌

شوفتم نهاية الكِبر والإعراض عن اتباع الحق وصلته لإيه😓
المفروض يعني إن صاحبه أربد يتعظ بقى ويرجع يستسمح رسول الله

ﷺ💁‍♀️
لكن ده معملش كده، لما وصل لقومه سألوه :
هاه إيه الاخبار، وإيه إللي حصل، عرفتم إيه🤔
قال لهم أربد بكل اسكتبار وغطرسة:
مفيش حاجة😒
محمد دعانا لعبادة شيء لو هو عندي قصادي دلوقتي هرميه بالسهام وأقتله 😤

☆شايفين تكبره وتعديه على إللي خلقه،
عارفين المتكبر ده وأمثاله من إللي بنشوفهم دلوقتي كان أصلهم إيه؟
كان أصله من تراب...التراب إللي لو جه على هدوم واحد فيهم بينفضه،
بكرة هيبقى فوقهم تراب وتحتهم تراب وعن أيمانهم تراب وعن شمائلهم تراب، وهم نفسهم هيتحولوا لتراب في يوم من الأيام كأنهم ما خرجوا من التراب أبدا👌
الناس إللي بتتعدى على ربنا وتنكر وجوده وتستكبر عن عبادته لو اجتمع أهل الأرض كلهم بعلمائهم وخبرائهم وأجهزتهم مش هيقدروا يخلقوا لواحد منهم شعرة👌
متخيلين شعرة واحدة بس محدش يقدرها يخلقها،
مش بنتكلم عن قلب بينبض مائة وخمسة عشر ألف نبضة في اليوم....ولا بنتكلم عن كِلى تُغَسّل ستة وثلاثين مرة في اليوم،
ولا بنتكلم عن ثلاثمائة وستين مِفصل بيحركوا جسمه...فقط شعرة واحدة...صدق الله :
"وَفِي الْأَرْضِ آيَاتٌ لِّلْمُوقِنِينَ*وَفِي أَنفُسِكُمْ ۚ أَفَلَا تُبْصِرُونَ "

تعتقدوا أن ربنا هيسيب أربد وأمثاله!!! حاشاه سبحانه...إن الله يُمهل ولا يهمل..إن ربك لبالمرصاد...إن الله ليُمْلِي للظالم حتى إذا أخذه لم يُفْلِتْه👌

بعد ما أربد قال كلمته دي بيوم أو يومين خرج ومعاه جمل له عشان يبيعه فأرسله الله عليه صاعقة من السماء أحرقته ولم تُبقِ منه شيء👌
شوفتم إللي كان بيتبجح ويقول إنه يقدر يقتل ربنا بقى مصيره إيه...يا ترى إحساسه كان إيه وهو بيحترق بالصاعقة...يا ترى إحساسه إيه وهو بيُعذب في قبره لحد دلوقتي إلى قيام الساعة،
ولعذاب الآخرة أشق،
والله لو بيصرخ كل يوم وبيعض الأصابع من الندم ويبكي الدم يارب أخرجني وأنا أؤمن بك ومقلش الكلام إللي قلته ده تاني عمره ما يرجع تاني😞
أربد خلاص انتهى وملوش فرصة تانية لكن غيره من إللي لسه على قيد الحياة عنده الفرصة للتغيير والإيمان طاعة الله،وإللي يضيع الفرصة دي لا يلُومَنّ إلا نفسه👌
"وَمَا ظَلَمَهُمُ اللَّهُ وَلَٰكِن كَانُوا أَنفُسَهُمْ يَظْلِمُونَ "

تعالوا نشوف الآيات إللي نزلت تعقيبا على مقتل عامر بن الطفيل وأربد بن مقيس ،يقول الله تعالى في سورة الرعد:
"اللَّهُ يَعْلَمُ مَا تَحْمِلُ كُلُّ أُنثَىٰ وَمَا تَغِيضُ الْأَرْحَامُ وَمَا تَزْدَادُ ۖ وَكُلُّ شَيْءٍ عِندَهُ بِمِقْدَارٍ*
عَالِمُ الْغَيْبِ وَالشَّهَادَةِ الْكَبِيرُ الْمُتَعَالِ *
سَوَاءٌ مِّنكُم مَّنْ أَسَرَّ الْقَوْلَ وَمَن جَهَرَ بِهِ وَمَنْ هُوَ مُسْتَخْفٍ بِاللَّيْلِ وَسَارِبٌ بِالنَّهَارِ*
لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ ۗ إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ ۗ
وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ ۚ وَمَا لَهُم مِّن دُونِهِ مِن وَالٍ*
هُوَ الَّذِي يُرِيكُمُ الْبَرْقَ خَوْفًا وَطَمَعًا وَيُنشِئُ السَّحَابَ الثِّقَالَ*
وَيُسَبِّحُ الرَّعْدُ بِحَمْدِهِ وَالْمَلَائِكَةُ مِنْ خِيفَتِهِ وَيُرْسِلُ الصَّوَاعِقَ فَيُصِيبُ بِهَا مَن يَشَاءُ وَهُمْ يُجَادِلُونَ فِي اللَّهِ وَهُوَ شَدِيدُ الْمِحَالِ"

☆في هنا فائدة في آية :
"لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ ۗ إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ ۗ
وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ ۚ وَمَا لَهُم مِّن دُونِهِ مِن وَالٍ"
ربنا جعل لكل واحد مننا ملائكة مُوَكلة بحفظه من الجن والإنس والهوام يعني أنواع الحيوانات أو الحشرات المختلفة أو الحوادث أو أي شيء سواء كان الإنسان نايم أو صاحي،
زي بالضبط كده لما ملوك الدنيا بيكون لهم حرس خاص بيهم يحموهم،
طول ما الإنسان طائع لله وبيقول الأذكار بتاعة اليوم الملائكة موجودة بتحفظه من أي حاجة تحصل له،
وقت ما يقصر في الأذكار أو يقع في المعاصي من غير ما يتوب الحماية تترفع،
فربنا بيقول هنا إن ربنا لا يغير حفظه للناس إلا لو غيروا هم حالهم من الطاعة إلى المعصية،
"إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ"
وساعات ربنا يُقدّر على الإنسان شيء فالملائكة ترفع حفظها عنه عشان يصيبه قدر الله لحكمة يعلمها الله👌
فلما الإنسان يشوف إنه نجى من حادثة...نجى من كارثة نجى من أي حاجة فده بأمر الله للملائكة المسؤولين عن حفظه،
ولو حصل له الابتلاء يبقى بسبب تقصيره في الأصل لأن الملائكة بتكون رفعت حفظها عنه أو إن ربنا له حكمة في ابتلائه فأمر الملائكة إنها ترفع حفظه عن الإنسان👌

◇طيب نعرف إزاي الفرق🤔
الإنسان يشوف حاله:
لو هو طائع لله بيبعد عن كل نواهيه ويتبع أوامره يبقى هنا ابتلاء لحكمة ربنا يعلمها،
لو هو مقصر وغرقان في الذنوب

والمعاصي يبقى الملائكة هنا رفعت حفظها عنه عشان يُبتلى وربنا يكفر عنه ذنوبه،
لأن ربنا قال:
"فَمَن يَعْمَلْ مِثْقَالَ ذَرَّةٍ خَيْرًا يَرَهُ*وَمَن يَعْمَلْ مِثْقَالَ ذَرَّةٍ شَرًّا يَرَهُ "
فمثقال الذر من الذنوب إللي متبناش منها وعملنا حسنات تغطيها هنشوفها في الابتلاءات في حياتنا عشان تعوض نقص الحسنات إللي عندنا👌
《هتلاقوا الكلام ده بالتفصيل موجود في محاضرة رائعة جدا للدكتور عبد المحسن الأحمد اسمها حياتك فرصة،الرابط في التعليقات👇》

نرجع بقى لقصة بني النُّضَير 😁
اليهود استلموا رسالة رسول الله ﷺ من هنا وألقى الله في قلوبهم الرعب من هنا،
مع إنهم كانوا أقوياء وعندهم أسحلة كثيرة وأموال وحصون يتحصنوا فيها ضد المسلمين، يعني بالقياسات المادية هم وضعهم أحسن من وضع المسلمين وخصوصا بعد الأزمات الاخيرة إللي تعرض لها المسلمون،
ومع ذلك خافوا وبدأوا يلموا حاجتهم وقرروا يخرجوا من المدينة بدون قتال، والأمور لحد كده ماشية تمااام👌
عبد الله بن أبي بن سلول زعيم المنافقين مهنش عليه الأمور تمشي بسلام😑
راح لليهود وقال لهم :
إنتم إزاي هتسيبوا أرضكم وبيوتكم وتخرجوا من المدينة،
ادخلوا الحصون بتاعتكم وأنا معايا ألفين مقاتل هيدخلوا معاكم في الحصون ويحاربوا معاكم ويدافعوا عنكم حتى الموت😤
شوفوا القرآن بيقول إيه عن الموقف ده في سورة الحشر:
"أَلَمْ تَرَ إِلَى الَّذِينَ نَافَقُوا يَقُولُونَ لِإِخْوَانِهِمُ الَّذِينَ كَفَرُوا مِنْ أَهْلِ الْكِتَابِ لَئِنْ أُخْرِجْتُمْ لَنَخْرُجَنَّ مَعَكُمْ وَلَا نُطِيعُ فِيكُمْ أَحَدًا أَبَدًا وَإِن قُوتِلْتُمْ لَنَنصُرَنَّكُمْ وَاللَّهُ يَشْهَدُ إِنَّهُمْ لَكَاذِبُونَ"

بعد ما كان اليهود خلاص خارجين من غير أي مشاكل اقتنعوا بكلام عبد الله بن أبي بن سلول وقالوا مش هنخرج وتحصنوا في حصونهم وأرسلوا لرسول الله ﷺ رسالة:
احنا مش هنخرج من ديارنا واعمل إللي تعمله😤

وبكده اتفتح على رسول الله ﷺ وعلى المسلمين باب لأزمة جديدة 😓
لسه مائة وخمسين واحد مقتول، ودي حرب الله أعلم هيموت فيها كم واحد تاني،
ومينفعش إن رسول الله ﷺ يسكت في موقف زي ده وإلا هتبقى هزة كبيرة جدا لسمعة الدولة الإسلامية وهيبان إنها بتضعف أكثر فهيجرأ القبائل أكثر إنهم يهجموا على المدينة فالكارثة هتبقى أكبر😶
فكان لازم القرار الحازم بحفظ كرامة وسُمعة الدولة الإسلامية، فقرر رسول الله ﷺ بإنه يحاصر بني النضير عشان يخرجهم من المدينة بالقوة👌
في شهر ربيع الأول من السنة الرابعة من الهجرة جهز رسول الله ﷺ جيش وانطلق لحصار بني النُّضير،
وحاصرهم من كل مكان على الراجح ست ليالي وبعد كده اليهود خافوا ومستحملوش وراحوا مستسلمين لأمر رسول الله ﷺ 👌
مع إن اليهود كان ممكن يعيشوا داخل حصونهم دي سنين لأن عندهم كل حاجة...الأكل والماء والسلاح،
لكنهم انهزموا بالرعب إللي ربنا أرسله على قلوبهم👌
"لَأَنتُمْ أَشَدُّ رَهْبَةً فِي صُدُورِهِم مِّنَ اللَّهِ ۚ ذَٰلِكَ بِأَنَّهُمْ قَوْمٌ لَّا يَفْقَهُونَ "

☆عشان نتعلم بس يا جماعة إن في حاجة اسمها التوكل والاعتماد على الله،
هي قلوب البشر دي بين إيدين مين، مش بين إيدين ربنا قادر إنه يغيرها في لحظة،
هو حد يقدر يضر وينفع حد إلا بأمر الله وإذنه،
رسول الله ﷺ أخذ بالأسباب وجهز الجيش وخرج، عمل إللي عليه وخلاص وهو كان متوقع إن هيبقى في حرب لأنه لا يعلم الغيب إلا إللي ربنا يقول له عليه عن طريق الوحي،
ومع ذلك ربنا كفاه هو والمسلمين إللي معاه الحرب وخلى اليهود يستسلموا بقدرته سبحانه،
"وَلَٰكِنَّ اللَّهَ يُسَلِّطُ رُسُلَهُ عَلَىٰ مَن يَشَاءُ "
لازم نتعلم من الموقف ده إن الإنسان يعمل إللي عليه حتى ولو قدراته ضعيفة، ميخليش الشيطان يحط له عقبات وهمية من غير حتى ما ياخد خطوة عشان يشوف بيها هل العقبات دي حقيقة ولا لأ،
كم مرة حصل معانا موقف وكنا متوقعين أسوأ النتائج وكنا خايفين وبمجرد ما أخذنا القرار ونفذناه لقينا إن كل إللي كنا خايفين منه كان مجرد سراب وإن ربنا يسر لنا أمورنا💁‍♀️
خليكم فاكرين طاعة ربنا والتوكل عليه لا تأتي إلا بخير، البشر دول مجرد آلات لا يملكون إلا إنهم ينفذوا أمر ربنا،
فإذا لجأنا إلى الله يبقى كل حاجة هتتحل،
لكن احنا مشكلتنا إننا دايما بنبص للناس على إنهم هم إللي في إيدهم يضرونا أو ينفعونا وبالتالي نخاف منهم ونعمل لهم حساب وناسيين قول رسول الله ﷺ:
"وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ"

استسلم اليهود لرسول الله ﷺ يحكم فيهم زي ماهو عايز وعبد الله بن أبي بن سلول رأس المنافقين انسحب وهرب ولم يقاتل معهم زي ما وعدهم ولم ينفعهم بشيء وصدق الله👌
"لَئِنْ أُخْرِجُوا لَا يَخْرُجُونَ مَعَهُمْ وَلَئِن قُوتِلُوا لَا يَنصُرُونَهُمْ وَلَئِن نَّصَرُو

هُمْ لَيُوَلُّنَّ الْأَدْبَارَ ثُمَّ لَا يُنصَرُونَ "

أمرهم رسول الله ﷺ إنهم يخرجوا من المدينة معاهم ممتلكاتهم فقط ومياخدوش السلاح،
فبقوا يحملوا كل إللي يقدروا يحملوه على الجمال، لدرجة إنهم خربوا بيوتهم وبقوا يخلعوا الأبواب والشبابيك عشان يأخذوها معهم😅
"هُوَ الَّذِي أَخْرَجَ الَّذِينَ كَفَرُوا مِنْ أَهْلِ الْكِتَابِ مِن دِيَارِهِمْ لِأَوَّلِ الْحَشْرِ ۚ مَا ظَنَنتُمْ أَن يَخْرُجُوا ۖ
وَظَنُّوا أَنَّهُم مَّانِعَتُهُمْ حُصُونُهُم مِّنَ اللَّهِ فَأَتَاهُمُ اللَّهُ مِنْ حَيْثُ لَمْ يَحْتَسِبُوا ۖ وَقَذَفَ فِي قُلُوبِهِمُ الرُّعْبَ ۚ
يُخْرِبُونَ بُيُوتَهُم بِأَيْدِيهِمْ وَأَيْدِي الْمُؤْمِنِينَ فَاعْتَبِرُوا يَا أُولِي الْأَبْصَارِ"

تركت بنو النضير المدينة ولم يسلم منهم إلا رجلان، أما زعماء بني النضير حُيَيْ بن أخطب و《أبو رافع سَلاّم بن أبي الحُقَيْق》توجهوا لشمال المدينة لمنطقة اسمها حصون خيبر،

☆خليكم فاكرين اسم أبو رافع ده، له قصة بعدين👌

وبكده انتهت أزمة بني النضير بكل سهولة ويسر، وغَنِم المسلمون السلاح والثمار، وانتشر الخبر في الجزيرة العربية إزاي المسلمون استطاعوا إنهم ينتصروا على قبيلة بني النضير إللي لها تاريخ طويل في المدينة ولها تاريخ في صنع السلاح والقلاع والحصون بكل سهولة،
وبكده يكون المسلمون استعادوا جزء كبير من هيبتهم👌

طبعا رسول الله ﷺ استغل الحدث ده عشان يثبت أقدام الدولة الإسلامية من جديد وسط الجزيرة العربية فجهز جيش عشان يروح يقاتل قبائل نجد إللي قتلوا أصحابه السبعين ، وخرج هو ﷺ على رأس الجيش في غزوة اسمها غزوة نجد،
لكن المشركين هربوا منه ومحدش خرج لقتاله وانتشر الخبر في جزيرة العرب وبكده زادت هيبة المسلمين في نظر أعدائهم، ورجع رسول الله ﷺ إلى المدينة.

☆السؤال بقى...هو ليه رسول الله ﷺ لم يُعاقب عبد الله بن أبي بن سلول والمنافقين معاه على معاونتهم لليهود🤔
وربنا قال عنهم :
"أَلَمْ تَرَ إِلَى الَّذِينَ نَافَقُوا يَقُولُونَ لِإِخْوَانِهِمُ الَّذِينَ كَفَرُوا مِنْ أَهْلِ الْكِتَابِ لَئِنْ أُخْرِجْتُمْ لَنَخْرُجَنَّ مَعَكُمْ وَلَا نُطِيعُ فِيكُمْ أَحَدًا أَبَدًا وَإِن قُوتِلْتُمْ لَنَنصُرَنَّكُمْ وَاللَّهُ يَشْهَدُ إِنَّهُمْ لَكَاذِبُونَ"

احنا اتكلمنا في الجزء الرابع والستين عن المنافقين بصفة عامة وبتوضيح كبير عن كل حاجة تخصهم،
فأنا هذكّركم هنا بسبب واحد بس 😊
قلنا إن عبد الله بن أبي بن سلول ظاهره الإسلام فلو رسول الله ﷺ قتله هينتشر في جزيرة العرب إن محمد يقتل أصحابه، فكده الناس هتخاف تدخل في الإسلام،
فرسول الله ﷺ استحمل الضرر إللي الجاي من المنافقين وعلى رأسهم عبد الله بن أبي بن سلول في مقابل مصلحة أكبر وهي دخول الناس في الإسلام بدون أي خوف👌

☆ إللي عايز يراجع المعلومات عن موضوع المنافقين هيلاقي رابط الجزء إللي اتكلمنا فيه عنهم في التعليقات إن شاء الله😁👇

دلوقتي دخلنا في شهر ربيع الثاني، وفي وسط فرح المسلمين باستعادة هيبة الدولة الإسلامية وبدأوا يقفوا على رجلهم تاني ماتت زينب بنت خزيمة زوجة رسول الله ﷺ وهي لسه عندها ثلاثين سنة ويادوب لسه مكملتش ثمانية أشهر زواج من رسول الله ﷺ 😓
احنا كنا قلنا إن رسول الله ﷺ تزوجها في شهر رمضان
من السنة الثالثة من الهجرة بعد موت زوجها عُبيدة بن الحارث،
وكان رسول الله ﷺ تزوجها مواساة لها بعد موت زوجها، وكانت امرأة تقية تساعد المحتاجين لدرجة إن كان لقبها أم المساكين،
فماتت أم المساكين، وكانت هي ثاني زوجة تموت لرسول الله ﷺ بعد خديجة رضي الله عنها،
فلم يمت من زوجات رسول الله ﷺ في حياته غير خديجة وزينب بنت خزيمة رضي الله عنهما،
وأصبح عدد زوجات رسول الله ﷺ ثلاثة بعد موت زينب ودفنها رسول الله ﷺ في البَقِيع وهو مكان دفن من يموت من المسلمين،

في وسط الأحداث دي كلها، في مكة كان أبو سفيان بن حرب رئيس مكة بيسأل مجموعة من قريش :
مفيش واحد يروح يتسلل ويقتل لنا محمد، هو بيمشي في الأسواق لوحده ومش معاه حراسة فهتكون مهمة سهلة👌
فقال له رجل من الأعراب......

قال له إيه 😅
ده إللي هنعرفه الجزء الجاي إن شاء الله بعد بكره 😁

#Eman_Shalapy

وده رابط قناة التليجرام هتلاقوا عليها كل القصص إللي فاتت👇

https://t.me/joinchat/AAAAAEhulzm7RmVxsli1pQ

اتوضينا و رحنا المسجد أول ما نوصل هنعمل ايه؟
#زي_النبي
احفظ الذكر ده 👆

t.me/moh_elghaleez

‏صيام الإثنين هذا فيه خمس فضائل لا تجتمع بالسنة إلا مرة واحدة:

١-من الأيام البيض
٢-ترفع فيه الأعمال إلى الله
٣-من صيام ست من شوال كصيام الدهر
٤-يوم الإثنين هو الذي ولد فيه النبي ﷺ
٥-وهو اليوم الذي أنزل فيه عليه ﷺ

سُئل ﷺ عن فضل صوم الإثنين فقال:
"فيه ولدت وفيه أنزل علي"
رواه مسلم

#مشاري_الخراز

أذكار الصباح🧡

أذكار المساء💙

الدرس الثالث من سلسلة وليستعفف هيبقي قصتين (تنوّع ف اساليب السرد اهو لعلنا نستعفف بإذن الله💜)

أول قصة وهي وردت ف القرآن يقول الله عز وجل عن نبيه موسي عليه السلام «وَلَمَّا وَرَدَ مَاءَ مَدْيَنَ وَجَدَ عَلَيْهِ أُمَّةً مِّنَ النَّاسِ يَسْقُونَ وَوَجَدَ مِن دُونِهِمُ امْرَأَتَيْنِ تَذُودَانِ ۖ قَالَ مَا خَطْبُكُمَا ۖ قَالَتَا لَا نَسْقِي حَتَّىٰ يُصْدِرَ الرِّعَاءُ ۖ وَأَبُونَا شَيْخٌ كَبِيرٌ (23) فَسَقَىٰ لَهُمَا ثُمَّ تَوَلَّىٰ إِلَى الظِّلِّ فَقَالَ رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ (24)» سورة القصص

نبي الله موسى عليه السلام لما ورد عند ماء مدين لقي رُعاه كتيرة جدا بيشربوا وبيسقوا الغنم بتاعم وامرأتين واقفين ع جنب ف قالهم «ما خطبكما» ايه الي موقفكم كدة؟ ف ردوا رد شافي كافي في جملة واحدة «قَالَتَا لَا نَسْقِي حَتَّىٰ يُصْدِرَ الرِّعَاءُ ۖ وَأَبُونَا شَيْخٌ كَبِير» يعني مش هنعرف نسقي والرجالة كتيرة كدة والي جابنا احنا مش ابونا إنه شيخ كبير .. ف نبي الله موسى عليه السلام قالهم ايه؟ ماقالهمش حاجة سقي ليهم علطول ، وبعد ما سقي قالهم ايه؟ ماقالهمش حاجة برضه هو تولي الي الظل وما استناش حتي شكر

تعالو نتخيل الحوار دة ولكن بنكهة «جروب الدفعة🌚»
مالك؟
-مفيش
لا بجد قولي مالك
-مش عارفة اسقي لحد ما الرعاة يمشوا!
وايه الي رمي القمر دة ع الهم دة
-بابي كبير ف السن مايقدرش يسقيلنا
لا عنيا اسقيلكم انا ، انا زي اخوكم برضه
-ميرسي كتير
اتفضلي ..
-بجد مش عارفة اشكرك ازاي
دة رقمي لو عايزة تسقي تاني رني عليا .. يلا عايزة حاجة ؟
-لا شكرا
اما تروحي رني عليا طمنيني هاه

الحوار الأول كان بين نبي الله موسى عليه السلام والبنتين ابنتا نبي الله شعيب عليه السلام «علي قول اغلب التفاسير» .. والحوار التاني بين ولد وبنت في سياق من الجدعنة والاحترااامممم التام والاتنين كان حوار لضرورة لكن السياق يختلف .. والحوار الي دار بين نبي الله موسي والمرأتين هو الصح وهو الي مافيهوش ذنب .. لكن الحوار التاني فيه دخول ف تفاصيل برة إطار «الضرورة» وفيه حُرمة

-بس انا لازم اتعود ع الكلام مع الجنس الاخر عادي عشان لو حصل خطوبة وجواز ابقي عارفة اتكلم وكدة

طب نكمل القصة؟ .. نبي الله موسى عليه السلام تزوج احدي البنتين والمهر بتاعها كان قضاء 8 او 10 سنين من عمره خدمة لأبوها .. مهرها عالي اوي؟ عشان هي تستاهل .. يعني انتي مش هتكوني غالية لما تعملي سين وما ترديش او لما تبعتيله ف الشات قلب ازرق بدل الاحمر ، او انك تلفتي نظره كل شوية عشان يجي يتقدملك .. قال الله عز وجل قول أبو البنتين «قَالَ إِنِّي أُرِيدُ أَنْ أُنكِحَكَ إِحْدَى ابْنَتَيَّ هَاتَيْنِ عَلَىٰ أَن تَأْجُرَنِي ثَمَانِيَ حِجَجٍ ۖ فَإِنْ أَتْمَمْتَ عَشْرًا فَمِنْ عِندِكَ ۖ وَمَا أُرِيدُ أَنْ أَشُقَّ عَلَيْكَ ۚ سَتَجِدُنِي إِن شَاءَ اللَّهُ مِنَ الصَّالِحِينَ (27)»

فمهما تزينتي وتجملتي و و و عمره ما هيعجبه غير حيائك! وحتي لو حاولتي تلفتي نظره او تعملي اي حاجة ونجحت معاه وجه اتقدملك فعلا فانتي اخدتي رزقك بالحرام والرزق كان هيجي هيجي انتي استعجلتيه ، وما عند الله لا يُنال إلا بطاعته ..

القصة الثانية هي قصة السيدة عائشة رضي الله عنها في حادثة الإفك مش هنتكلم عن الحادثة نفسها هنتكلم عن اول موقف لما كانوا راجعين من الغزوة ولسة هيمشوا السيدة عائشة نزلت من ع الجمل تقضي حاجتها وهي راجعة مالقتش العقد بتاعها ف فضلت تدور عليه لحد ما لقيته جت ترجع لقت الجيش مشي وسابها ف فضلت قاعدة مكانها مستنياهم يجو ياخدوها ف غلبها النعاس ف نامت وكان الصحابي «صفوان بن المعطل» رضي الله عنه كان بيسير خلف الجيش ف وهو بيلحق بيه رأي سواد نائم قرب منه وشاف وشها الي انكشف وهي نايمة وهو كان يعرفها قبل ما تنزل ايات الحجاب ف لما عرفها قال (إنا لله وإنا إليه راجعون) ، ف هي صحيت ع صوته وبتحكي وبتقول فخمّرت وجهي بجلبابي ، قامت عشان ترجع معاه للجيش ، صفوان نزل لها الراحلة بتاعته وركبت وبتحكي إنه ما كلمهاش بأي كلمة لحد ما وصلوا للجيش غير جملة "إنا لله وإنا إليه راجعون" الي قالها وهي نايمة ..
📌يعني ماقالهاش عينيكي فيها حزن ليه يا عائش ، ولا قالها خدي رقمي عشان لو سابوكي تاني رني عليا اخدك انا زي اخوكي برضه ، ولا حتي سألها هم سابوكي ليه ولا سألها ايه رايك ف الغزوة الي فاتت انهي اكتر حتة عجبتك!

وننوه يجماعة إن السيدة عائشة رضي الله عنها محرمة علي كل الرجال اصلا لأنها زوجة النبي صلى الله عليه وسلم وأم المؤمنين بس مع ذلك ربنا قال فيهم « ۚ وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاءِ حِجَابٍ ۚ ذَٰلِكُمْ أَطْهَرُ لِقُلُوبِكُمْ وَقُلُوبِهِنَّ ۚ » وصفوان رضي الله عنه ما قالش دي أمي اما ادردش معاها شوية عشان ماتحسش اني دمي تقيل ولا هي سألته عن حاله ولا ايه الي غيره الاسلام فيه وايه الدروس المستفادة من الغزوة!

وماحدش يقولي دول صحابة ولا دة نبي .. كلنا بشر وكلنا هنتحاسب وفي ناس مننا ومن زمننا وبيعملوا كدة ومش معني انهم قليل انهم غلط!

وفي النهاية .. الاختلاط حاجة للاسف بتحصل معانا يوميا ، معركة يومية يا تخرج منها كسبان يا تخرج منها كسبان برضه مافيش خيار تاني لإن دة دينك وقلبك الي هو رأس مالك في الطريق الي الله عز وجل
وأجمل ما قيل في أدب الاختلاط
لا تُطل النظر(بص ف الارض واقرا درس غض البصر الي بعتناه) ، ولا تستَبِح الحديث(بلاش هئ ومئ ، بلاش دخول ف التفاصيل) ، وكُفّ عن المزاح، والزم الكُلفة (قول حضرتك وماتقوليش يا موستافااا)، واجتنب حدوث الألفة (ما تقولهاش انا ارتحتلك اوي كأني اعرفك من زمان هي معاك من خمس دقايق احنا هنهزر!) ، وإياك والخلوة (ودي خط أحمر)، والكلام الذي له معنيان (احنا بيننا حاجات مشتركة كتير اوي)، واترك مسافة كافية.. وإلا فاحفظ نفسك ونفوس من حولك ولا تختلط ..‏ يا تحفظ نفسك وقلبك يا تقعد ف المسجد تربي قلبك ونفسك وبعدين تخرجلنا