"وَلَتَجِدَنَّهُمْ أَحْرَصَ النَّاسِ عَلَىٰ حَيَوَٰةٍ"

خافوا مِن مجردِ التهديدِ بمقاطعةِ منتجاتهم، واعتَبَروا ؛ففرنسا ليستْ منهم ببعيدٍ.
سُبحانَ مَن أعزَّ الإسلامَ وأهلهُ دائمًا وأبدًا.

#قصص_الأنبياء(٢)
#السيرة_النبوية
#الحلقة_الثمانون
#الإخلاص_وقصة_أصحاب_الغار(١)

اتكلمنا المرة إللي فاتت عن الأحداث بعد غزوة أحد وشفنا آيات القرآن إللي نزلت وصنّفت المجتمع لمؤمنين ومنافقين وشهداء،
خلصت غزوة أحد ورجع المسلمون لممارسة حياتهم اليومية، إللي عنده جراح محتاجة تخف، وإللي رجع لشغله في زراعة البساتين و....و...
وطبعا المسلمون بيتقابلوا مع رسول الله ﷺ في الصلوات الخمس كل يوم،
قلنا قبل كده إن رسول الله ﷺ كان بيربي الصحابة تربية إيمانية وكان بينوع في طريقة تربيته لهم، مرة عن طريق القصة ومرة عن طريق مواعظ مباشرة، ومرة كان يقرأ عليهم القرآن فقط،
رسول الله ﷺ كان عايز يعلم الصحابة معنى الإخلاص، فهيحكي لهم قصة عشان يوريهم الإخلاص ممكن يعمل إيه وبالتالي هم نفسهم هيكونوا حريصين إنهم يحققوا الإخلاص ده👌
☆طيب هو رسول الله ﷺ ليه عايز يعلم الصحابة الإخلاص أصلا🤔

لو تفتكروا لما كنا بنتكلم عن رحلة المعراج واتكلمنا عن حوض رسول الله ﷺ ومين الناس إللي هتشرب منه، قلنا إن عشان ربنا يتقبل مننا العمل الصالح لازم نكون محققين شرطين:
الإخلاص والمتابعة،
المتابعة هي اتباع رسول الله ﷺ في كل شيء واتكلمنا بالتفصيل عن النقطة في الجزء الرابع والثلاثين عشان لو حبيتم ترجعوا لها تاني😊
"فَمَن كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا "
فليعمل عملا صالحا يعني موافق للسنة، زي ما رسول الله ﷺ كان بيعمل بالضبط من غير ما نبتدع،
وشرط المتابعة لرسول الله ﷺ يعتبر سهل لو قارناه بالشرط الأول وهو الإخلاص،
"وَلَا يُشْرِكْ بِعِبَادَةِ رَبِّهِ أَحَدًا "
لأن الرياء أو خلينا نقول الشرك زي ما رسول الله ﷺ سمّاه إللي هو عكس الإخلاص أخفى من دبيب النمل،
يعني لو إنتي قاعدة في البيت هتحسي بدبة النملة 🐜وهي ماشية في الشقة🤔
طبعا لأ، محدش فينا هيعرف إن في نملة في البيت غير لما نشوفها بعنينا، تخيلوا بقى لما تبقى حاجة أخفى من دبة النملة هل ممكن إننا نحس بيها😶
مستحيل طبعا😅
طيب وإيه المشكلة يعني من الرياء🤨
الرياء سبب لحبوط العمل، وإن ربنا لا يتقبله من الإنسان،
ربنا بنفسه بيقول في الحديث القدسي:
" أَنَا أَغْنَى الشُّرَكَاءِ عَنِ الشِّرْكِ، مَنْ عَمِلَ عَمَلًا أَشْرَكَ فِيهِ مَعِي غَيْرِي، تَرَكْتُهُ وَشِرْكَهُ "
❌واحد بيحفظ قرآن عشان الأجر 《و》عشان يأخذ إجازة ويقول للناس أنا معايا إجازة في القرآن وبالتالي الناس تحترمه وتقدره وينظروا له نظرة إعجاب،

❌واحدة بتتعلم العلم الشرعي عشان تعبد ربنا 《و》 عشان الناس تقول عليها أه فلانة العالمة وتبقى مشهورة بين الناس،
واحد بيعمل خير عشان الأجر 《و》عشان الناس متجبش سيرته إلا بالخير ويبقى محبوب وسط الناس،

❌واحدة بتتصدق عشان أجر الصدقة 《و》عشان الناس تقول عليها ده فلانة دي كريمة وبتساعد الفقراء والناس تمدحها،
الأمثلة دي وغيرها كثير، مثال على إللي بيعمل عمل لله عشان الأجر وعشان حاجة تانية،
والنتيجة للأسف هتكون زي ما ربنا قال:
"تَرَكْتُهُ وَشِرْكَهُ"
يعني مفيش عمل أصلا، ربنا لم يتقبل العمل من أساسه،
لو واحد عمل عمل لله بنسبة ٩٩% لله و ١% بس لغير الله، ربنا لن يتقبل منه😞

☆خلونا نقرب المعنى ونشوف مثال😊
لو واحدة قالت لزوجها شوف أنا بحبك بنسبة ٩٠ % لكن ١٠ % الباقيين بحب ابن الجيران،
هل هو هيقبل ويرضى بالتسعين ويقول أهه أحسن من ما فيش😕
ولاّ هيقلب الدنيا كلها عشان العشرة % دول ولن يقبل بإن زوجته تحب واحد تاني ولو بنسبة بسيطة 🤷‍♀️
أهه ولله المثل الأعلى في السماوات والأرض الوضع كده في أعمالنا الصالحة مع ربنا فهو أغنى الشركاء عن الشرك👌
عشان كده رسول الله ﷺ كان حريص إنه يعلم الصحابة معنى الإخلاص وإزاي يجتهدوا عشان يحققوه😊

خلونا نشوف رسول الله ﷺ حكى إيه للصحابة😁
قال رسول الله ﷺ للصحابة:
هل تعرفون قصة أصحاب الرّقِيم؟
" أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا"
فالصحابة قالوا :
لا يا رسول الله😕
فقال لهم رسول الله ﷺ :
خرج ثلاثة ممّن كانوا قبلكم، يعني ثلاثة أشخاص خرجوا من بيوتهم رايحين مشوار....مسافرين....بيتمشوا ...فنزل عليهم المطر فآواهم المبيت إلى غار،
يعني دخلوا الغار عشان يحتموا من المطر، والغار عبارة عن فتحة داخل الجبل، فقالوا نروح نقعد فيه لحد ما المطر يخلص، دخلوا فعلا الغار وبعدها سقط حجر من الجبل وسد فتحة الغار،
عارفين لما بيكون في أمطار بتحصل انهيارات والأمطار بتحرك الصخور، فحصل إن الصخرة اتحركت ووقعت على باب الغار قفلته خالص، حاولوا يحركوها متحركتش😶

طبعا أي حد في مكانهم هيخاف ويترعب، متخيلين ناس داخل جبل اتقفل عليهم المخرج الوحيد ومش معاهم أكل ولا مية، وحتى لو معاهم هيكفيهم كم يوم يعني😕
إللي يشوف الموقف يقول إن الثلاثة دول هيهلكوا أكيد، هيموتوا موت بطيء👌

وهم نفسهم كانوا عارفين الوضع الخطير إللي كانوا فيه، فقالوا :
محدش هينجينا

من الأزمة دي غير ربنا، فخلونا ندعي ربنا بصالح أعمالنا،
يعني كل واحد يشوف إيه أكثر عمل صالح عمله في حياته ويتوسل إلى الله به،

◇فقال الأول:
يارب إنت عارف إن أنا كان عندي أبوان شيخان كبيران وعندي زوجة وأطفال صغار براعيهم،
فلما كنت برجع للبيت ومعايا اللبن بعد ما حلبته، كنت ببدأ بأبوي أخليهم يشربوا قبل أبنائي الصغار،
ومكنتش بقدّم على أبوي أي حاجة.. لا أهل ولا مال، كانوا هم عندي رقم واحد،
وفي يوم من الأيام اتأخرت عليهم بسبب إني مكنتش لاقي زرع أخضر للغنم ففضلت ماشي...ماشي... لحد ما لقيت الزرع وأكّلت الغنم وضرعها امتلأ لبن، ورجعت باللبن عشان يشربوا فلقيتهم ناموا،
فكرهت إني أصحيهم وأزعجهم، روحت واقف باللبن جنبهم مستنيهم يصحوا، وأولادي عند رجلي عمالين بيعيطوا من الجوع،
فكرهت إني أسيبهم وأمشي وكرهت أني أسقي الأطفال قبل ما أسقيهم،
وفضلنا على الوضع ده لحد ما الفجر طلع وصحيوا من النوم وشَرِبا من اللبن فيارب لو كنت تعلم إني عملت كده ابتغاء مرضاتك، عشان عايز رضاك يعني،
ففرّج عنا ما نحن فيه🤲
فتحركت الصخرة حاجة بسيطة شافوا منها السماء، لكنهم مش هيعرفوا يخرجوا لسه.

☆الرجل ده وصل بالبر لأعلى درجاته لأنه عمل حاجة نادر جدا إن ولد يعملها مع أبويه👌
وهي إنه يقدم أبويه على أبنائه، ليه دي حاجة نادرة🤔
لأن الابن بيحب أبويه حب تكلّف، بعكس الأب والأم طبعهم إنهم يحبوا أبناءهم، يعني ربنا طبع الأبوين إنهم يحبوا أبناءهم حب فطري،
يعني مهما الابن عامل الأب والأم بأسلوب سيء وفضّل غيرهم عليهم فهم هيفضلوا يحبوه مهما حصل،
لكن لو الأبوين عاملوا الأبناء معاملة سيئة هيكرهوهم، عشان كده ربنا لم يوصِ الأباء بالأبناء وبرعايتهم لكن أوصى الأبناء برعاية آباءهم💁‍♀️
وانتم أكيد شوفتم أمثلة كثيرة لأباء وأمهات ممكن يضحوا بكل ما يملكون عشان يعالجوا أبنائهم ومحدش فيهم يحس بالندم إنه صرف أمواله كلها،
في حين إننا شفنا أمثلة كثيرة لأبناء ممكن يتخلصوا من أبائهم عشان يورثوهم أو عشان خلاص زهقوا وتعبوا منهم😞

《طبعا بتكلم في قاعدة عامة مليش دعوة بالناس إللي بتشذ عن القاعدة 😅》

ولو لاحظتم في القرآن هنلاقي لما ربنا بينهانا عن الشرك بييجي على طول وراه وبالوالدين إحسانا،
"وَإِذْ أَخَذْنَا مِيثَاقَ بَنِي إِسْرَائِيلَ لَا تَعْبُدُونَ إِلَّا اللَّهَ وَبِالْوَالِدَيْنِ إِحْسَانًا."
"وَوَصَّيْنَا الْإِنْسَانَ بِوَالِدَيْهِ حُسْنًا"
"وَوَصَّيْنَا الْإِنْسَانَ بِوَالِدَيْهِ إِحْسَانًا"

فالرجل هنا أب وبيحب أبناؤه الصغار حب طَبعي، وكمان عمالين بيعيطوا عايزين يشربوا من اللبن، ومع ذلك مرضاش إن حد تاني يشرب قبل أبويه حتى لو كانوا أبناءه،
لأ ويفضل كمان واقف بعد اللّف بتاع طول اليوم والجري وراء الغنم لحد الفجر،
طيب كان على الأقل ينام، لأن تاني يوم محتاج يخرج بالغنم فلازم يريح شوية، ومينفعش مثلا ينام جنب الغنم وإلا الذئب هياكل الغنم أو الغنم تسرح مع نفسها وميعرفش يلمهم فلازم يبقى مصحصح لهم😅
لكنه منمش وفضل واقف مستنيهم يصحوا،
هو كان بيعمل كده من قلبه لأنه كان عايز الثواب من عند ربنا وبس، ومكنش يعرف إن عمله ده هينجيه في يوم من الأيام👌
¤طبعا السؤال إللي كلنا ممكن نسأله، وهو يعني من الرحمة إنه يسيب عياله يعيطوا من الجوع كده وهو واقف😑
طب ما كان يسقيهم وخلاص 😕

بعض العلماء قالوا إن كان في شرع الرجل ده إن النفقة على الأب والأم ورعايتهم مقدمة على النفقة على الأبناء،
وعلماء قالوا إن الأطفال كانوا بيطلبوا حاجة زيادة عن حاجتهم فلم يعطها لهم،
يعني زي ما عيالنا بيعملوا، نبقى مأكلينهم ومشربينهم وشبعانين ويشوفوا حاجة عايزينها يقعدوا يعيطوا عليها عشان يأخذوها😅
فالرجل مرضاش أبدا إن حد يشرب من اللبن قبل أبويه 👌
وهو كان فعلا صادق ومخلص في عمله، لأن مفيش هنا حد يرائيه،
مفيش حد معاه غير مراته، والرجل في العادة لا يرائي زوجته لأنها ليل نهار معاه فعارفة كل حاجة عنه وحافظاه💁‍♀️

◇نشوف الثاني، قال:
يارب إنت عارف إن أنا كان عندي ابنة عم كنت بحبها كأشد ما يحب الرجال النساء، فحصلت لها مجاعة وكانت محتاجة فلوس فجاءتني تطلب مني مالا فراوَدتها عن نفسها، فرفضت ولم تقبل،《كان عايز يزني بها》
فجاءتني مرة تانية تطلب مني المال فراودتها عن نفسها فرضيت بمائة دينار، فجمعتها لها وتعبت على ما جمعتهم لها،

◇المرأة كانت راحت تدور على حد تاني يساعدها ملقتش، فرجعت تاني لابن عمها تطلب منه المال لأن مكنش في حد غيره يقدر يساعدها.

فلما قعدتُ منها مقعد الرجل من امرأته قالت لي:
يا عبد الله، اتق الله ولا تفُضّ الخاتم إلا بحقه،
《يعني مينفعش تمارس معايا العلاقة الزوجية إلا بعقد شرعي صحيح》
فقمت عنها ولم أزنِ بها وهي أحب الناس إلى قلبي، وتركت لها المال،
اللهم إن كنت تعلم أني فعلت هذا ابتغاء مرضاتك ففّرج عنا ما نحن فيه🤲
فتحركت الصخرة حاجة بسيطة لكنهم لسه مش عارفين يخرجوا.

☆أكبر فتنة الرجل ممكن يتعرض لها هي المرأة زي ما رسول الله ﷺ قال:

"مَا تَرَكْتُ بَعْدِي فِتْنَةً أَضَرَّ عَلَى الرِّجَالِ مِنْ النِّسَاءِ"
وده لأن ربنا خلق الرجل بطبعه إنه يميل للمرأة،
متجيش واحدة تقولي طب واحنا ذنبنا إيه يعني نتكتف بحجاب ومنخرجش براحتنا عشان خاطر الرجل🙃
الدنيا دار ابتلاء وامتحان يا جماعة، يعني إللي بيطيع ربنا ويبعد نفسه عن الوقوع في الحرام هيدخل الجنة،
وإللي هيمشي وراء هواه ويقع في الحرام مصيره إلى النار،
فزي ما الرجل طبيعته إن يميل للمرأة ويجب عليه إنه يمنع نفسه من الوقوع في الحرام ويجب عليه غض بصره،
النساء برده من طبيعتها حب الزينة وإنها تظهر الزينة دي للناس،
فيجب عليها إنها تقاوم ميلها الفطري للزينة وتلتزم بأمر الله، لأنها هي كمان في ابتلاء،
فربنا بيبتلي كل واحد على حسب طبيعة تكوينه وفي الحاجة إللي بيحبها وشديدة عالنفس💁‍♀️
ماهو معلش يعني، هو فين الابتلاء إن ربنا يمنع عني حاجة أنا كارهاها🤨
لما أكون مثلا مش بحب أكلة معينة وألاقي أمي في يوم تقول لي طيب أنا مش هعملك الأكلة الفلانية كنوع من العقاب عشان مسمعتش كلامها في حاجة هيبقى رد فعلي إيه😅
أكيد هقول لها بركة يا جامع أنا أصلا مبحبهاش😑
لكن تعالي كده خليها تمنعك عن مشوار مهم ولا خروجة مع أصحابك كنتي مستنياها وبتخططي لها، شوفي رد فعلك هيبقى عامل إزاي🙊
فالابتلاء اسمه ابتلاء لأننا بنعمل حاجة أو بنقاوم حاجة ضد رغباتنا وضد هوانا،
فربنا جعل فتنة الرجال وابتلاؤهم الأشد في النساء،
وشوفوا الشعراء وكلامهم عن النساء وقصص حب عنتر وعبلة وغيرهم،
وهنروح بعيد ليه، انتم شايفين الواقع بتاعنا وحال الشباب والبنات😞
وحتى رسول الله ﷺ كان بيقول للنساء:
"مَا رَأَيْتُ مِنْ نَاقِصَاتِ عَقْلٍ وَدِينٍ أَذْهَبَ لِلُبِّ الرَّجُلِ 《الْحَازِمِ 》مِنْ إِحْدَاكُنَّ"
يعني مش راجل كده وخلاص، ده الرجل الحازم إللي يَغلب ولا يُغلب، المرأة بقى تغلبه وتضيع عقله😅
فتخيلوا بقى لما يكون شاب بيحب امرأة الحب الشديد ده بقاله سنين، ماهي بنت عمه😁
وكمان مع الميل الفطري للنساء وكان خلاص تمكّن من المرأة ومفيش أي مانع يمنعه إنه يزني بها،
يقوم عنها وكمان يترك لها المال إللي تعب في تجميعه، وكل ده عمله لله وكان مُخلص فيه عشان كده ربنا استجاب له وحرك لهم الصخرة شوية👌

اتبقى عندنا الرجل الثالث، يا ترى قال إيه،
وهل خرج الثلاثة من الغار بعد كده، وإيه حكاية صاحبة الوشاح الأحمر دي🤔
ده إللي هنعرفه الجزء الجاي إن شاء الله😁

☆ ملحوظة مهمة👌
الأحداث إللي بحكيها عن رسول الله ﷺ مع الصحابة، بحكيها بصفة عامة مش خاصة بزمن محدد😅
يعني قصة أصحاب الغار إللي رسول الله ﷺ حكاها للصحابة مكنش وقتها بعد غزوة أُحد بالضبط،
وكذلك لما حكيت قبل كده عن قصة قاتل المائة نفس،
أنا معرفش الأحداث دي كان وقتها امتى بالضبط، لكن أنا بقول لكم أمثلة عن حياة رسول الله ﷺ مع الصحابة كانت عاملة إزاي، عشان نتعلم ونقدر نطبق ده في حياتنا،
وفي قصص تانية هقولها، بس إللي رواها صحابة تأخر إسلامهم،
فهقولها بعد ما نعرف إنهم أسلموا، وأنا بحاول أراعي زمن الأحاديث والأحداث بين رسول الله ﷺ والصحابة داخل المدينة على أد ما أقدر،
لكن الغزوات والسرايا زمانها معروف فمفيش فيها مشكلة😁


#Eman_Shalapy

*🌙شفيقة في رمضان 29 🌙*

📛 شفيقة نادت على بنتها تعالي يا بطة بسرعة ساعديني في شوية العجين دول ...
بطة قالت لها مش احنا خلصنا عمايل الكحك والبسكوت يا ماما ⁉️ لسة هنعجن تاني 🙄
شفيقة قالت لها لأ يا بت ده احنا هنعمل الشريك والقرص اللي هنطلع بيهم الأرافة (المقابر) يوم العيد الصبح ❌
وخليت إبراهيم جاب لي كام كيلو برتقان على جوافة وشوية بلح هنطلعهم معاهم رحمة ونور على روح جدك ... وكمان وصيت الشيخ حسين الضرير يجي يقرا على روحه عدية يس ... ألف رحمة ونور عليك يابا 😩

📛 بطة قالت لها بس أنا مش عايزة ألبس اسود وأروح الطرب يوم العيد 😬
قالت لها لا يا بطة اخص عليكي، ده جدك بيستنانا من العيد للعيد نروح له ... ولا عايزاه يبقى نايم مش مرتاح في قبره 😢🚫

طرب يوم العيد يا شفيقة😏
العيد اللي ربنا عمله فرحة للمسلمين تقلبيه نكد وتلبسي الأسود وتروحي المقابر ☹️

📛 المفروض إن زيارة المقابر بتكون علشان الناس تتعظ وتتذكر حال الدنيا وتعمل لآخرتها ✅
وبالنسبة للنساء في علماء حرموا زيارتها للقبور تماما مستدلين بحديث النبي صلى الله عليه وسلم : *"لعن الله زائرات القبور"*
لكن زيارة المقابر يوم العيد بدعة منكرة وممكن تبقى محرمة كمان من الحاجات اللي بتتعمل فيها ... تلاقي الستات طالعين متبرجات والعيال يتنططوا على القبور ويقعدوا عليها وكل ده حرام ❌
ده غير العياط والعويل والذي منه❌

📛 غير كدة يا شفيقة الميت مبيستناش زيارة الأحياء ... الميت بيستنى منهم الدعاء والاستغفار والصدقة، هي دي الحاجات اللي ثبت إنها بتوصل للميت من الأحياء ... لكن إن الميت يستنى زيارة أهله ويعرفهم كل ده كلام مفيش دليل عليه... هو الميت فاضي لنا أصلا 😏 أكيد الحال اللي هو فيها أكبر من أنه يفكر في أهل الدنيا😣

📛 وكمان يا شفيقة قراءة القرآن عند القبور بدع وكمان قراءة الفاتحة على روح الميت أو سورة يس كل ده بدع لم ترد في السنة، زي م قلنا بس الصدقة والدعاء والاستغفار والحج والعمرة عن الميت هما اللي بيوصلوا ✅

شفيقة : خلاص هفرق القرص على عيال الحارة واهي صدقة برده ... وبلاها الشيخ حسين يقرا عدية يس، ده حتى كان بياكل نص القرص على م يخلص🤭

ماشي يا شفيقة 😅
*مستنيينك بكرة😍*

#شفيقه_في_رمضان

من لم يُحسِن استقباله، فليُحسِن وداعه.
‏الأعمال بالخواتيم.
‏⁧ #ليلة_٢٩⁩

اللهم إنك عفو تحب العفو فاعف عنا

t.me/moh_elghaleez

أذكار الصباح🤎

🌿 *السُّنّة الـ ٢٩*🌿

قال رسول اللّٰه صلّى اللّٰه عليه وسلم: (إذا أخذتَ مَضجعَك منَ اللَّيلِ فاقرَأْ {قُلْ يَا أَيُّهَا الْكَافِرُونَ} ثُمَّ نَمْ على خاتمتِها فإنَّها براءةٌ منَ الشِّركِ)

*التطبيق*:
داومي على قراءة سورة الكافرون قبل النوم عشان تكسبي فضلها وهو البراءة من الشرك 🌸

#سنن_مهجورة
#سنن_قبل_النوم

" تَهَادُوا تَحَابُّوا "
رواه البخارىّ 💚.

يومكم لطيف يا أهل غيث الكِرام ، حرصاً من غيث على اتباع هدى النبي أردنا أن نصل الود بيننا ، فكما يتهادى الناس بالهدايا العينية فكرنا أن نجعل الهدية مختلفة ، وأن تكون الهدية قربة من ربّ السماء.
دلوقتي تقدر تتصدق عن أي شخص تحب تتصدق عنه واحنا ف غيث هنبعتله رسالة نعرفه إن حد مجهول تصدق له من باب إدخال السرور على قلب مسلم ، يلا بسرعة إلحق سابق ف الخير 💚🤝 .

الدّال على الخير كفاعله 💚.

#غَيث

اللي حابة تستفسر تتواصل معايا هنا 👇👇👇
@zra555

⭕ تنبيه ⭕

الحديث المنتشر بأن الرسول صلى الله عليه وسلم كان يودع رمضان ويقول اللهم لا تجعله آخر العهد من صيامنا إياه..... إلى آخره

هذا الحديث ليس له وجود في كتب السنة، وموجود في كتب الشيعة🚫

انتبهوا بارك الله فيكم ⛔

👇🏻
https://www.dorar.net/fake-hadith/474

#كلمات_قرآنية_قد_تفهم_خطأ

١٣٦. ﴿تَجري مِن تَحتِهِمُ الأَنهارُ﴾ [الكهف: ٣١]

❌ ليس المعنى بأنها تجري تحت أرجلهم مباشرة
✅ بل المراد أنهم يكونون جالسين على سرر مرفوعة في البساتين والأنهار تجري من بين أيديهم

١٣٧. ﴿فَمَا اسطاعوا أَن يَظهَروهُ وَمَا استَطاعوا لَهُ نَقبًا﴾ [الكهف: ٩٧]

يظهروه:
✅ يعلوه ويصعدوه
✅ والمعنى ما قدروا أن يعلوه لارتفاعه
وما استطاعوا له نقبًا:
✅ من أسفله لشدته وصلابته
❌ وليس معناها يبينوه ويكشفوه

١٣٨. ﴿فَأَجاءَهَا المَخاضُ إِلى جِذعِ النَّخلَةِ﴾ [مريم: ٢٣]

✅ أجاءها أي ألجأها واضطرها المخاض إلى الجذع
❌ وليس أجاءها بمعنى أتاها

١٣٩. ﴿قَد جَعَلَ رَبُّكِ تَحتَكِ سَرِيًّا﴾ [مريم: ٢٤]

✅ سريًا أي جعل تحتك نهرًا صغيرًا
❌ وظن بعضهم أن معناه سريرًا

١٤٠. ﴿وَلَهُم رِزقُهُم فيها بُكرَةً وَعَشِيًّا﴾ [مريم: ٦٢]

❌ فهم بعضهم من هذه الآية أن في الجنة ليلًا أو نهارًا
✅ والصواب كما قال ابن كثير: (أي في مثل وقت البكرات ووقت العشيات لا أن هناك ليلًا ونهارًا، ولكنهم في أوقات تتعاقب يعرفون مضيها بأضواء وأنوار)
✅ وقال شيخ الإسلام: (والجنة ليس فيها شمس ولا قمر ولا ليل ولا نهار ولكن تعرف البكرة والعشية بنور يظهر من قبل العرش)

أذكار المساء🤎

ماتنسوش الفقراء و المساكين من الكحك و البسكوت 💙
كحك و بسكوت للفقراء طيب ما نعطيهم فلوس أفضل🤔
👈 قال الله تعالى ( لن تنالوا البر حتى تنفقوا مما تحبون)
و كان ابن عمر يتصدق بالسكر لأنه يحبه فقيقول له الناس المال أنفع للفقراء و المساكين فكان يقول أعلم و لكنني أحب السكر
و يتلوا عليهم الاية السابقة .

#السلفية_العابده

غداً الأحد المتمم لشهر رمضان ، والإثنين أول أيام عيد الفطر

كل عام وأنتم بخير🌿

رسميا الأحد رمضان!

والمعتبر في رمضان هو حالك بآخر الشهر، يعني لو أحسنت في آخر ليلة فإن العبرة بما ختمت به شهرك.

كما أن الإنسان لو كان مقصرا طوال عمره ثم تاب وأحسن بآخر يوم من حياته فإنه سوف يكتب محسناً وليس مقصرا.

قال النبي ﷺ :
"وإنما الأعمال بالخواتيم"
رواه البخاري

هذه فرصتك!

#مشاري_الخراز