غدًا صيام الخميس ..

إن لم تكُن في قوافِل الصائمين، فـكُن في قوافِل المُذكِّرين 💛

صلاة الضحى 🤍

🌸 ذَاتُ النِّقَــاب 🌸

https://t.me/qurashy88

إعلان عن حملة و دورة بعنوان #لا_مزاح_بالقرآن
**************
((قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ۗ إِنَّمَا يَتَذَكَّرُ أُولُو الْأَلْبَاب))
بشرى سارّة
يعلن المكتب الدعوي للشيخ عبد الله بن محمود الكنَّاص بالتعاون مع الدكتور إياد قنيبي

عن إقامة دورة/ عبر وسائل التواصل الاجتماعي
في كتاب:
◣ 【تحذير الغافلين من خطر الهُزء بالدّين للدكتور جمال الباشا】◢
بالإضافة لعدة مقاطع مرئية للدكتور إياد قنيبي

📅 موعد الدورة
تبدأ الجمعة 20/جمادى الأولى/1443 الموافق 24-12-2021
تنتهي 5/جمادى الآخرة/1443
ويكون الاختبار 10/جمادى الآخرة/1443

◣ميزات الدورة:
1-تعظيم الله وما أمر به سبحانه في نفس المسلم.
2-يحصل من يجتاز الاختبار بنسبة 60 على شهادة من المكتب الدعوي للشيخ الكنّاص تتضمن إجازة في الكتاب من المؤلف.

للاشتراك بالبرنامج عبر التلغرام
t.me/alkannas12

للاشتراك عبر الواتسأب أرسل تعظيم الله واحب كل مسلم مع الاسم الثلاثي
إلى الرقم: 00905348611443 (واتس أب حصرا)

لمتابعة أخبار الدورات الشرعية عبر التلغرام على القناة الرسمية للشيخ الكنّاص
t.me/abdullahalkannas3
انشر أيها الكريم وأيتها الكريمة محتسبين الأجر في تعظيم كلام الله تعالى ودينه...

إلى الأم/الأب المسلمَين..

بالله عليكم توقفوا دقائق قبل تصوير صغيركم أمام شجرة الميلاد، أو في حضن الرجل صاحب اللحية المزيفة والملابس الحمراء المسمى "بابا نويل"، أو أمام الزينة البراقة المضيئة الملونة..

دقائق فقط..
قبل أن تصوروه لتنشروها على وسائل التواصل وتجمعوا الإعجابات والتعليقات بـ"ما شاءالله!"، "حبيبي ما أجمله!".. وغيرها..
توقفوا مع أنفسكم قليلاً فقط..

ما هذه الشجرة التي تبتهجون بها وتريدون وضع ابنكم بجانبها؟ عن ماذا تعبر؟ ما المناسبة التي تريدون أن ترتبط الذكرى الجميلة لابنكم بها؟ هذه الأمانة التي رزقكم الله ووضع بين أيديكم.. كيف تُحفظ بوضعها هناك من أجل أن نعجب بشكلها وانعكاس الأضواء عليها كلعبةٍ لا ولن تعقل؟ أنتم كمسلمين تعلمون أن هذا العيد احتفال بميلاد من يسمونه "ابن الله" و"تمثله في جسد إنسان"، كيف يستقيم أن تشركوا ابنكم فيه لأنه يبدو "لطيفاً" هناك فقط؟

ماذا إن كبُر ومرَّت عليه هذه الصورة؟ كيف ستجيبون تساؤلاته والتناقضات التي سيجدها داخله ناحيتها؟
"ماما.. قلتِ أننا لا نحتفل بالكريسماس، لكنكِ هنا تصورينني مع الشجرة!"
"بابا.. قلتًَ أن هذا ليس عيدنا، لكنك هنا تضحك معي فيه!"
"ماما.. ممكن أتصور مع الشجرة مثل لما كنت صغير؟" "لماذا لا نستطيع وضع شجرة في بيتنا؟ حين كنت صغيراً كنتم تحبونها!"

كيف ستردّون حينها؟ هل ستكستون الصغير وتنظرون في هواتفكم وتتجاهلون تعجّبه؟ هل ستقعون في حيرة بين الاعتراف بالخطأ وبين إنكاره؟ أم أنكم ستخادعون نفوسكم وإياه بأنها "كانت صورة للتسلية لا أكثر"؟

هذه الصورة تُحفظ، تؤثر فيكم وفي ابنكم، وهي رسالةٌ تختارون اليوم محتواها لتبقى لابنكم حتى ما بعد وفاتكم..

-

لافتة:
هذه دعوةٌ للتوقف مع النفس الآن والامتناع عن ارتكاب ذات الأخطاء المشهورة وتكرارها كأنها لا تهم ولا تترك أثراً ولا انطباعاً ولا تحفر في عقيدتنا وعقيدة أولادنا من بعدنا، و هناك إجاباتٌ كثيرة يمكن للوالدين الإجابة بها على تساؤلات الابن في حال أخطؤوا فعلاً واكتشفوا خطأهم ودون مخادعة ولا كذب، لكن المهم أن نلاحظ أننا نخطئ، نعترف بالخطأ ونتوقف عنه ونربي الابن على أننا نجتهد فعلاً، ومن ثم نظل بشراً نخطئ ونصيب ونستعين بالله..

"وَأحِبُّ كثرةَ الصَّلاةِ عَلَى النَّبيِّ -صلَّى اللهُ علَيهِ وسَلَّم- فِي كلِّ حَالٍ، وأنَا فِي يَومِ الجُمُعةِ ولَيْلتِها أشدُّ اسْتحبَابًا .."

#الإمَامُ_الشَّافعي | 💬✨

الكريسماس بين الوهم والحقيقة⛔️

#قصص_الأنبياء(٢)
#السيرة_النبوية
#الحلقة_التاسعة_والعشرون
#إسلام_نفر_من_الجن
كنا واقفين المرة إللي فاتت عند سؤال مهم وهو إزاي ربنا يأذن لملك الجبال بتدمير مكة والطائف وفيهم ناس لم يؤذوا رسول الله ﷺ،
يعني مش كل الناس آذوا رسول الله ﷺ ، فإيه ذنب الناس الذين لم يؤذوه🤔

ساعات بعض الناس بيعملوا حاجات غلط، وإللي حواليهم راضيين،
أو شجعوهم على كده ، فاللي راضيين وشجعوا بيشاركوا الناس إللي عملت الخطأ في الإثم،
حتى لو في واحد مش موجود واتحكى له ومأنكرش الغلط ورضِي به ، كان له نفس ذنب إللي عمل كده، فربنا يعاقبه زي إللي عمل👌
قال رسول الله ﷺ :
" إذا عُمِلت الخطيئةُ في الأرض كان مَن شهدها فكرهها
– أو أنكرها – كمن غاب عنها، ومن غاب عنها فَرَضِيَها، كان كمن شهدها"

زي مثلا إللي حصل مع ناقة صالح عليه السلام ..فاكرين😁
التسعة إللي كانوا مفسدين شجعوا الرجل إللي قتل الناقة،
والعذاب نزل على القرية كلها ، لأنهم كانوا راضيين بقتلها 👌

مثال من أرض الواقع بتاعنا، لو واحدة صاحبتك راحت فرح كله اختلاط وأغاني وقعدت تحكيلك وتقولك عملنا وسوينا وحصل وحصل،
فإنتي لو قلتي ياريتني كنت معاكي، أو زعلتي إنك مرحتيش أو مأنكرتيش على صحبتك ورضيتي إللي هي عملته وإللي حصل في الفرح من المحرمات دي...هتاخدي نفس ذنب صاحبتك مع إنك محضرتيش🙊
لو واحدة بتحكيلك عن علاقتها المحرمة مع شاب وإنتي بتسمعي ومبسوطة وراضية وبتشجعيها على الغلط ده،
هتاخدي نفس ذنبها حتى لو إنتي عمرك ما كلمتي شاب😶
لو واحدة حكت لك إنها مسكت فلانة ومسحت بكرامتها الأرض ،وفرجت الدنيا عليها وإنتي قلتي لها جدعة وتستاهل و...و....
هتاخدي نفس ذنب إللي حكت لك مع إنك مكنتيش موجودة😑
قيسوا بقى على كده...إللي يُقتل ظلم مثلا والناس ترضى وتشمت فيه تاخد نفس وزر القاتل، وهكذا...

أي خطيئة تتعمل في أي مكان الأرض والناس ترضى عنها هياخدوا نفس ذنب إللي عملها🙊
شوفتوا إنكار المنكر بالقلب مهم إزاي👌
وده يودينا لنقطة مهمة وهي إن الناس لو تركوا الأمر بالمعروف والنهي عن المنكر ومحاولات الإصلاح ربنا يعذب الجميع، الصالح وغير الصالح😶
"وَاتَّقُوا فِتْنَةً لا تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ"
ورسول الله ﷺ قال:
"إن الناس إذا رأوا الظالم فلم يأخذوا على يديه، أوشك أن يعمهم الله بعقابه"
فأهل الطائف استحقوا كلهم العذاب لأنهم إما وافقوا على أذى رسول الله ﷺ أو شجعوا أو فعلا آذوا رسول الله ﷺ،
وربنا عالم بحال كل واحد فيهم،
فلما يأذن بإهلاكهم جميعا معنى كده إنهم فعلا يستحقوا الهلاك ، وخصوصا إن ربنا لا يظلم مثقال ذرة👌

رجع رسول الله ﷺ لمكة وقبل وصوله وهو في وادي نخلة حصل معاه حادثة،
رسول الله ﷺ كان بيمشي وبعدين يقف يريح،
وراحته كانت إنه يصلي ركعتين 😊
وقف عشان يصلي، وهو بيصلي كان بيقرأ القرآن بصوت عالي،
فمين إللي كان معدي وسمع رسول الله ﷺ بيقرأ القرآن🙊
سبع أفراد من الجن😮

إيه إللي جابهم المكان ده أصلا🤨
لهم قصة 😉
بين زمن عيسى وزمن بعثة رسول الله ﷺ كانت الجن بيطلعوا عند السماء بيسترقوا السمع يعني بيتصنتوا على أهل السماء،
عشان يعرفوا بعض من أخبار الغيب ويقولوها للكهان،
وكانوا متعودين على كده ومفيش مشاكل، وفجأة اتمنعوا من استراق السمع😳
"وَأَنَّا لَمَسْنَا السَّمَاءَ فَوَجَدْنَاهَا مُلِئَتْ حَرَسًا شَدِيدًا وَشُهُبًا"
لقوا السماء اتملت ملائكة كثيرة يحرسوها،
ومعاهم الشهب المحرقة يقذفوها على أي واحد فيهم يحاول إنه يقرب من السماء، إللي يقرب يلاقي شهاب يُقذف عليه يحرقه👌
"وَأَنَّا كُنَّا نَقْعُدُ مِنْهَا مَقَاعِدَ لِلسَّمْعِ فَمَنْ يَسْتَمِعِ الْآنَ يَجِدْ لَهُ شِهَابًا رَصَدًا "

فلما اتمنعوا فجأة كده قالوا أكيد حاجة حصلت في الارض😮
وهم مكنوش عارفين إللي حصل ده بسبب إن ربنا يريد إنه ينزل عذاب بأهل الأرض ولا يريد لهم الخير 🤷‍♀️
"وَأَنَّا لَا نَدْرِي أَشَرٌّ أُرِيدَ بِمَنْ فِي الْأَرْضِ أَمْ أَرَادَ بِهِمْ رَبُّهُمْ رَشَدًا"

فقعدوا يدوروا عن السبب لحد ما لقوا رسول الله ﷺ واقف يصلي في وادي نخلة،
فسمعوه وهو بيقرأ فقالوا لبعض أنصتوا..اسمعوا كده😳
فقربوا من رسول الله ﷺ عشان يسمعوا كويس ومن شدة قربهم منه كانوا كأنهم بيطلعوا على بعض 😅
"وَأَنَّهُ لَمَّا قَامَ عَبْدُ اللَّهِ يَدْعُوهُ كَادُوا يَكُونُونَ عَلَيْهِ لِبَدًا "
دلوقتي رسول الله ﷺ ميعرفش حاجة خالص،
هو بيصلي زي ما بيصلي عادي،

والجن احنا قلنا عنهم قبل كده في قصص الأنبياء إنهم عالم زينا بالضبط بياكلوا ويشربوا ويتناسلوا ويموتوا،
وقلنا إن الشيطان هو الكافر من الجن، والعفريت هو المارد شديد القوة والدهاء والخبث😉
واحنا لا نراهم إلا لو تمثلوا في صورة شخص أو حيوان مثلا ،
فهم دلوقتي قريبين جدا من رسول الله ﷺ بيسمعوا القرآن ورسول الله ميعرفش عنهم حاجة👌
وكان الجن متعجبين جدا من كلام القرآن ومن فصاحته 😮
"وَإِذْ صَرَفْنَا إِل

َيْكَ نَفَرًا مِّنَ الْجِنِّ يَسْتَمِعُونَ الْقُرْآنَ فَلَمَّا حَضَرُوهُ قَالُوا أَنصِتُوا ۖ"
فآمن الجن ورجعوا لقومهم يدعوهم للإيمان 👌

مجرد ما سمعوا القرآن على طول من غير ما أي أحد يطلب منهم راحوا يدعوا قومهم عشان يسلموا،
"فَلَمَّا قُضِيَ وَلَّوْا إِلَىٰ قَوْمِهِم مُّنذِرِينَ"

☆طبعا السؤال إللي يطرح نفسه هنا هم الجن لغتهم إيه وفهموا القرآن إزاي😅

الجن عالم زيينا بالضبط ، عندهم لغات برده، فيهم إللي بيفهم ويتكلم العربي وفيهم الإنجليزي والفرنسي ، فيهم كل الأجناس👌
"كُنَّا طَرَائِقَ قِدَدًا "
وفيهم السني والشيعي والصوفي والمرجئة ...كل الفرق برده😅
وفيهم علماء وفيهم طلبة علم، وفيهم الصالحون والفجار،
زي عالمنا بالضبط👌
"وأنا منا المسلمون ومن القاسطون"
وفيهم الكفار إللي بينكروا البعث زي الكفار من الإنس،
"وَأَنَّهُمْ ظَنُّوا كَمَا ظَنَنْتُمْ أَنْ لَنْ يَبْعَثَ اللَّهُ أَحَدًا "

《المصدر : كتاب : طريق الهجرتين لابن القيم، وفتاوى الشيخ ابن باز》

فبعد ما الجن سمعوا القرآن رجعوا لقومهم منذرين، يعني يخبروهم بأمر رسول الله ﷺ والقرآن ،

☆والجن مكنش فيهم رسل ولا أنبياء،
لكن كان فيهم نُذُر😉
يعني واحد منهم يسمع عن إنذار الله للبشر عن طريق الرسل فيروح ينذر قومه ويقول لهم إللي سمعه من الرسل مثلا،
"وَلَّوْا إِلَىٰ قَوْمِهِم مُّنذِرِينَ ."
وده رأي جمور العلماء ومن الأدلة بتاعتهم قوله تعالى :
"وَمَا أَرْسَلْنَا مِن قَبْلِكَ إِلَّا رِجَالًا نُّوحِي إِلَيْهِمْ"

أما الآية إللي بتقول :
"مَعْشَرَ الْجِنِّ وَالإِنْسِ أَلَمْ يَأْتِكُمْ رُسُلٌ مِنْكُمْ يَقُصُّونَ عَلَيْكُمْ آيَاتِي وَيُنْذِرُونَكُمْ لِقَاءَ يَوْمِكُمْ هَذَا "
فمش معناها إن الجن كان عندهم رسل من جنسهم، هو يقصد المجموع مش الجميع، يعني مجموعهم مع بعض،
الإنس والجن ،لما ربنا بيقول: "ألم يأتكم رسل منكم"، يعني من أحد الجنسين،
إللي هم الإنس، لأن الجن بيشوفوا الإنس وبيسمعوهم زي ما حصل مع رسول الله ﷺ،
بعكس البشر مش بيشوفوا الجن، حتى السبعة من الجن دول لما رجعوا لقومهم عشان ينذرونهم،
قالوا لهم إن في كتاب جديد أنزل من بعد موسى ، يعني هم كانوا عارفين الأنبياء والرسل من قبل كده👌
"قَالُوا يَا قَوْمَنَا إِنَّا سَمِعْنَا كِتَابًا أُنزِلَ مِن بَعْدِ مُوسَىٰ "
فالرسل من البشر فقط😉

قالوا لهم إن في كتاب أنزل من بعد موسى يهدي إلى الحق،
والمطلوب منكم إنكم تسمعوا للرسول وتؤمنوا به وبكلامه،
عشان ربنا يغفر لكم ذنوبكم وينجكيكم من العذاب👌
"قَوْمَنَا أَجِيبُوا دَاعِيَ اللَّهِ وَآمِنُوا بِهِ يَغْفِرْ لَكُم مِّن ذُنُوبِكُمْ وَيُجِرْكُم مِّنْ عَذَابٍ أَلِيمٍ "

☆سؤال🤔
هم الجن ليه قالوا لقومهم أنزل من بعد موسى ومقلوش عيسى 🤨

الموضوع فيه أقوال كثيرة وملغبطة، فأنا هقول لكم الراجح وإللي ذكره ابن كثير وشيخ الإسلام ابن تيمية😅
قالوا:
لأن الإنجيل تابع للتوراة، يعني التوارة التي أُنزلت على موسى هي الأصل،
والإنجيل جاء بيُحلل بعض الأمور التي حُرمت على بني إسرائيل في التوراة ،وهو فيه مجموعة من المواعظ ،
وربنا قال عن عيسى عليه السلام:
"وَيُعَلِّمُهُ الْكِتَابَ وَالْحِكْمَةَ وَالتَّوْرَاةَ وَالإِنْجِيلَ "

فلو عيسى عليه السلام مكنش تبع لموسى عليه السلام في شريعته مكنش ربنا علمه التوراة 🤷‍♀️
هو ربنا علم رسول الله ﷺ التوراة والإنجيل 😁
لأ...لأن شريعة الإسلام مختلفة وشاملة لكل الشرائع 👌

فالإنجيل زي المتمم كده للتوراة يعني نقدر نقول إنه الجزء الثاني من التوراة 😅
عشان كده الجن قالوا موسى ومقلوش عيسى😉

بدأ نفر الجن يشرحوا لقومهم هم سمعوا إيه بالضبط :
قالوا لقومهم إنهم سمعوا قرآن عجيب في فصاحته ومعانيه الكثيرة 😮
"فَقَالُوا إِنَّا سَمِعْنَا قُرْآنًا عَجَبًا"
والقرآن ده بيدعوا للحق والهدى والإيمان فعلى طول صدقناه ومش هنرجع للشرك إللي احنا كنا عليه تاني أبدا😤
"يَهْدِي إِلَى الرُّشْدِ فَآمَنَّا بِهِ وَلَنْ نُشْرِكَ بِرَبِّنَا أَحَدًا"

وربنا العظيم جل جلاله مكنش له زوجة ولا ولد زي ماكان سفيهنا إبليس وإللي زيه بيقولوا 😑
"وَأَنَّهُ تَعَالَى جَدُّ رَبِّنَا مَا اتَّخَذَ صَاحِبَةً وَلَا وَلَدًا "
واحنا عمرنا ما تخيلنا إن ممكن حد من الإنس ولا الجن يكذب في إن ربنا له زوجة وولد😳
"وَأَنَّا ظَنَنَّا أَنْ لَنْ تَقُولَ الْإِنْسُ وَالْجِنُّ عَلَى اللَّهِ كَذِبًا "
فلما سمعنا القرآن عرفنا إنهم كانوا كاذبين، فآمنا🤚

في نفس الوقت إللي كان الجن بيدعوا قومهم كان رسول الله ﷺ قرب من مكة عشان يدخلها،
لكن قبل ما نتكلم عن دخوله ﷺ مكة، هنكمل قصة الجن لأن لها تكملة هتحصل بعد ما رسول الله ﷺ يدخل مكة ويقعد فيها كم شهر😉

بعد ما النفر من الجن دعوا قومهم قالوا لازم نروح نقابل النبي ده،
وخرجوا فعلا راحوا يقابلوا رسول الله ﷺ ، في الوقت ده كان رسول الله ﷺ مع الصحابة وبعدين لقوا رسول الله ﷺ اختفى ،دوروا عليه في الاودية والطرق مش لاقيينه فخافو

ا جدا إنه يكون حد قتله أو عمل فيه حاجة 😥
ماهي الأجواء في مكة ساعتها كانت مكهربة وده إللي كان ناقص مكة تعمله مع رسول الله ﷺ😑
فالصحابة قالوا فبتنا في شر ليلة 😞
مش عارفين يعملوا إيه ولا فين رسول الله ﷺ، القلق كان هيموتهم 😶
فلما جاء الصبح لقوا رسول الله ﷺ راجع من ناحية طريق غار حراء،
فأقبل عليه عبد الله بن مسعود وسأله كنت فين يا رسول الله، احنا دورنا عليك في كل مكان 😥
فقال له جاءني داعي الجن عشان أروح أقرأ عليهم القرآن، فروحت قرأت عليهم القرآن، وآمن الجن،
إللي جاءوا يسمعوا من رسول الله ﷺ، وفي روايات بتقول إنهم كانوا اثنا عشر ألف😮
فتخيلوا الأعداد دي من الجن تدخل في الإسلام🙊
ورسول الله ﷺ هو رسول للإنس والجن، يجب عليهم إنهم يؤمنوا به ويتبعوه ومن يؤمن برسول الله ﷺ يدخل الجنة ومن لا يؤمن برسول الله ﷺ يدخل النار👌

واحنا حوالينا جن لما تقرأوا القرآن علوا صوتكم شوية لعل أحد من الجن يسمعكم فيسلم ويكون في ميزان حسناتكم يوم القيامة 😉

أنا قلت في قصة الجن المختصر المفيد، عشان نبقى فاهمين الدنيا ماشية إزاي ،وإلا فهي فيها روايات كثيرة وشروح كثيرة 😅
فاحنا نأخذ إللي يفيدنا منها عشان نبقى فاهمين القرآن😊

إن شاء الله المرة الجاية هنتكلم المرة الجاية عن إزاي رسول الله ﷺ دخل مكة وإيه الأحداث إللي حصلت بعد كده 😉


#Eman_Shalapy

_*🐂🌾🐄 شفيقة في الريف 🐄🌾🐂*_

*الحلقة 7*

*👂🏻🤫👧🏻 استنطاق الأطفال 👧🏻🤫👂🏻*

✒️ شفيقة قاعدة تتفرج على المسلسل هي وعمتها بهية 📺
فجأة دخلت بنت صغيرة جايبة طبق فيه حلويات وبتقول لها أمي بتسلم عليكي يا ستي بهية وبعتالك الطبق ده عشان أبويا جه من السفر🥧🍰 👧🏻

✒️ شفيقة سألت عمتها بنت مين دي يا عمتي بهية 🤔
قالت لها دي بنت متولي جارنا هنا ... راجل شغال في السعودية ومبسوط وربنا موسعها عليه ... لسة نازل أجازة من كام يوم كدة ... استنى وأنا هأرر لك البت واعرف لك كل حاجة 🤫

✒️ بهية قالت للبت ... جايبة منين الفستان الحلو اللي لابساه ده يا فرحة 👗⁉️
قالت لها ده أبويا جايبهولي من السعودية يا ستي بهية 😍

✒️ قالت لها وجاب لأمك واخواتك إيه⁉️ 🧐

✒️ قالت لها جايب لهم هدوم حلوة خاالص 😍

✒️ قالت لها ومجابش دهب لأمك ⁉️🤥
✒️ قالت لها جاب لها خاتم شكله حلو خالص 😍

✒️ قالت لها أمك يا بت مفيش واحدة متدلعة زيها 😏 لا ليها حما ولا عمة، وعايشة حياتها بالطول والعرض ونسوان العزبة كلها حاسدينها على الهنا اللي هي فيه 👀🔥

✒️ شفيقة قالت لها حسرة عليا وعلى بختي 🤧
ده المنيل عبدو جوزي مجبليش حتى خاتم فالصو من يوم متجوزني😤

✒️ بهية قالت للبت واتغديتوا إيه بقى النهاردة 🤔

✒️ قالت لها اتغدينا محشي وبط أصل أبويا بيحبه🍱🍗😍

✒️ قالت لها طب اسمعي يا فرحة ... خدي الجنيه ده هاتي بيه حلاوة واوعي تجيبي سيرة لأمك عاللي سألتك عليه ... سامعة ‼️☝🏻

✒️ قالت لها حاضر يا ستي بهية 😍 وخدت الجنيه وجريت عالدكان وهي فرحانة 👧🏻

✒️ ليه كدة يا حجة بهية انتي وشفيقة 🤦‍♀️
حتى العيال الصغيرة مسلموش منكم 😬

✒️ استنطاق الأطفال( تسحبوهم في الكلام) علشان تعرفوا أسرار البيوت ده حرام😐
النبي صلى الله عليه وسلم قال :
*«مَنْ تَسَمَّعَ حَدِيثِ قَوْمٍ وَهُمْ لَهُ كَارِهُونَ ،صُبَّ فِي أُذُنيِهِ الْآنُكُ يَوْمَ الْقِيَامَةِ»*

*الآنُك هو: الرصاص المُذاب*

يعني اللي بيعمل كده هيتصب في ودنه رصاص سايح يوم القيامة 😧

قال الإمام الصنعاني رحمه الله:

*«ويلحق باستماع الحديث.. استخبار صغار أهل الدار عن ما يقول الأهل والجيران من كلام أو ما يعملون من الأعمال »*

✒️ هتستفيدوا إيه لما تعرفوا فلان لبس إيه ولا جاب لمراته إيه ولا كلوا إيه ⁉️
يعني ليه تجيبوا لنفسكم غضب ربنا وعذابه في حاجه ملهاش لازمة ولا تخصكم⁉️

✒️ ليه تكشفوا ستر البيوت وتحسدوا وتحقدوا على غيركم
وانتوا مش عارفين فيهم إيه لمجرد الكلام والحكايات 🚫

✒️ وانتي كمان يا شفيقة مش راضية بحياتك ولا جوزك، وبصة لغيرك بالرغم إنك في نعم كتير بس مش حسة بيها 🚫

✒️ بصيتوا بعين الحسد والغيرة لهدية بسيطة جايبها واحد لمراته، ومتعرفوش هو بيتعب في شغله قد إيه، ولا هما متحملين إيه ⁉️

✒️ اتقوا الله وخليكم في حالكم وسيبوا الناس في حالها👍🏻

شفيقة : خلاص يا ختي عندك حق والله
على رأي المثل (حسدوا الغجر على ضل الشجر) 😙

الله يهديكي يا شفيقة😇

نشوفكم الحلقة الجاية ان شاء الله 🌹

#شفيقة_في_الريف

من سُنن صلاة الفجر يوم الجُمعه 🌸

قراءة سورة السَّجدة في الركعة الأولى، والإنسان في الركعة الثانية..
فقد روى البخاري عَنْ أَبِي هُرَيْرَةَ رضي الله عنه، قَالَ: "كَانَ النَّبِيُّ صلى الله عليه وسلم يَقْرَأُ فِي الجُمُعَةِ فِي صَلاَةِ الفَجْرِ {الم . تَنْزِيلُ} [السَّجْدَةَ]، و{هَلْ أَتَى عَلَى الإِنْسَانِ حِينٌ مِنَ الدَّهْرِ} [الإنسان]".


ولا ننسىٰ الصلاة على الحبيبﷺ..
عَلَيكُم بِسُنَّتِهِ ﷺ ♥

سورة الكهف🤍

*اللهم صلِّ على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم إنك حميد مجيد*🤍

*صلاة الضحى* 🤍

نورٌ ما بينَ الجُمعتين 🌿

اللهُمَّ صلِّ على مُحَمَّد وعلى آل مُحمّد كما صليت علىٰ إبراهيم وعلى آل إبراهيم إنك حميدٌ مجيدٌ
اللهُمَّ بارك علىٰ مُحَمَّد وعلى آل مُحَمَّد كما بارَكت على إبراهِيم وعلى آل إبراهِيم إنك حميدٌ مجيدٌ