ت والتزامات سواء دينية أو نيوية 👌

وطبعا محدش يطلع ويقول أصل ده رسول الله ولازم يكون كده وهو ربنا مثبته😅
لا يا حبيبتي رسول الله بشر زينا بيحزن ويتألم وبيمرض وبيتعرض لنفس إللي احنا بنتعرض له👌
وإلا مكنش ربنا يقول لنا نقتدي برسول الله لو كان عنده قدرات خارقة مش عندنا 😀
عشان كده أي رسول لازم يكون بشر👌
"قُلْ إِنَّمَا أَنَا بَشَرٌ مِّثْلُكُمْ يُوحَىٰ إِلَيَّ أَنَّمَا إِلَٰهُكُمْ إِلَٰهٌ وَاحِدٌ"

فلما حد يقولك رسول الله عمل واعملي زيه متقوليش أصل ده رسول الله، أو حتى تقولي جواكي كده،
لأن معنى كلامك إن ربنا قالك تعملي حاجة إنتي مش أدها ومش هتقدري تعمليها،
وده كده ظلم، وربنا لا يظلم مثقال ذرة🤷‍♀️
أيوة رسول الله كان ربنا بيثبته بسبب قوة الإيمان إللي عنده،
لكن قوة الإيمان دي حاجة مكتسبة 👌
يعني أي حد يقدر يكون صاحب إيمان قوي وده عن طريق:

♡طلب العلم الشرعي ،لأن كل ما الإنسان اتعرف على ربنا أكثر ،القلب يتملى حب وخوف ورجاء وخشية من الله،
زي ما رسول الله كان بيتعلم القرآن من جبريل😉

♡الاجتماع على عمل الخير، تشوفي حد تعملي معاه الطاعات المختلفة، ولو مفيش مش مشكلة استعيني بالله وهتلاقي ربنا بعث لك إللي يعينك😊

♡الدعوة إلى الإيمان، يعني إنك تدعي الناس وتأمريهم بالمعروف وتنهيهم عن المنكر،
كلمي الناس عن ربنا، وعن رسوله وعن الأخلاق،
وقبل ما تكلميهم خليهم يشوفوا فيكي فعلا الكلام ده،
رسول الله كان عبارة عن قرآن يمشي على الأرض،
خلي ده هدفك، إنك عايزة تكوني قرآن يمشي على الأرض زيه،
وطول مانتي بتحاولي إنك تكوني كده،
عمرك ما هترجعي عن طريق الإلتزام، لأنك هتكوني كل يوم في زيادة،
وده أهم حاجة ،إنك تستمري على طريق الإلتزام لحد ما تقابلي ربنا 😊

♡التفكر في الكون وفي الأحداث إللي بتحصل في حياتنا وحياة إللي حوالينا،
ونطلع العبر إللي تثبتنا على الدين وتقوي إيماننا واحنا تكلمنا عن التفكر قبل كده في البداية قبل البعثة،
ممكن ترجعوا له لو حبيتم😉

♡الصبر...مش هتقدري تعملي الحاجات دي غير لما يكون عندك صبر،
صبر إنك تتعلمي العلم الشرعي، صبر إنك تقعدي وتتفكري ، صبر إنك تعملي الطاعات وتبعدي عن المحرمات،
وإللي معندهوش صبر ضاع خلاص😳
لا مضعش إللي معندهوش صبر يعلم نفسه الصبر مرة واتنين وعشرة لحد ما يوصل إنه يكون عنده صبر،
ورسول الله بيقول :
"من يتَصبر يُصَبره الله"
يعني إللي بيقاوم نفسه على الصبر ويغصبها عليه ربنا هيصبره،
هو احنا مش لما بنيجي نصوم نبقى جعانين ونقعد نصبر نفسنا ونستحمل لحد ما المغرب يأذن،
اهه ربنا بيعلمنا طريقة الصبر، يعني هو أعطانا بداية الخيط،
الصيام مثال على التصبر وتعلم الصبر،
طبقوا القاعدة دي في باقي حياتكم، صبروا نفسكم على الطاعة، وهتوصلوا في النهاية👌

◇حياة رسول الله صلى الله عليه وسلم كلها عِبر، ومفيش بشر على وجه الأرض قصة حياته متوثقة ومحفوظة بالدقة والتفاصيل دي غير رسول الله صلى الله عليه،
وده عشان نتبعه في كل خطوة من خطوات الحياة😊

ماتت خديجة في السنة العاشرة للبعثة، بعد موت أبي طالب،
والعلماء سموا العام ده بعام الحزن بسبب حزن رسول الله الشديد على عمه وزوجته،
يعني مش رسول الله هو إللي سمى العام بعام الحزن👌

الوضع دلوقتي في مكة نقدر نقول عنه إنه بقى متجمد، واقف زي ماهو مفيش أي تقدم😕
المسلمين بيعذبوا، المشركين بيؤذوا رسول الله، محدش دخل في الإسلام، ودعوة الإسلام بتُحارب وتُشوه😞
حتى لما كان أي أحد ييجي للحج من سادات العرب كان سادات مكة بيحذروه إنهم يسمعوا لرسول الله،
وده من بداية الجهر بالدعوة،
حتى في قصة حصلت مع سيد قبيلة دَوْس في حج السنة السادسة من البعثة،
سيد دَوْس كان اسمه 《الطُّفَيْل بن عمرو الدَّوْسي》
جاء للحج فلما سادة مكة شافوه قالوا له عندنا رجل ساحر، بيقول كلام سحر بيفرق بين الرجل وأهله والرجل وقبيلته،
فاوعى تسمع له أبدا🤫
فيقول الطفيل إنهم قعدوا يزنوا عليه لحد ماخاف وحط القطن في ودنه عشان ميسمعش كلام رسول الله ولو بالغلط تخيلوا😅
فوهو بيطوف حول الكعبة شاف رسول الله بيصلي عند الكعبة،
وطبعا كان شكله مميز لأنه بيصلي صلاة مختلفة عن باقي الناس، وكان قريب منه فأسمعه الله بعض كلمات من القرآن
فلما رسول الله خلص صلاة وقام عشان يرجع بيته راح وراه الطفيل بن عمرو،

☆سبحان الله الممنوع مرغوب 😅
يعني سادات مكة لو كانوا سابوه أو حتى كانوا قالوا له روح اسمع لمحمد مكنش هيروح،
بس عشان هم خوفوه وقالوا متروحش أثاروا فضوله،
وكل ما أي حد حاول يمنع دعوة الإسلام من الإنتشار وحاربها تنتشر أكثر 👌

راح له الطفيل وقال له يا محمد : قومك قالوا لي كذا وكذا وخوفوني منك، لحد ما سديت أذني بالقطن😑
وأنا سمعت بعض الكلام إللي قلته فأنا عايز أسمع منك 😕
فرسول الله بدأ يوضح له رسالة الإسلام وقرأ عليه القرآن،
فأسلم الطفيل بن عمرو الدوسي😮
وبعدين في نفس اللحظة إللي أسلم فيها قال لرسول الله:
يارسول الله أنا سيد قومي، والناس بتسمع كلامي فأنا هر

وح أدعوهم للإسلام،
لكن ادعوا الله إنه يجعل لي آية زي علامة كده تساعدني في دعوتهم👌
فدعا له رسول الله : يارب اجعل له آية،
فكان في وجهه زي نور كده ،كأنه مصباح مُضيء،
فقال يا رسول الله:
بلاش وجههي هيقولوا إن الآلهة عاقبته عشان ساب الدين😓 فدعا رسول الله له إنه يجعلها في طرف السوط بتاعه،
فبقى الضوء متعلق في طرف سوطه😉

فلما وصل لقبيلته دوس ودخل عليه أبوه وكان شيخا كبير في السن يسلم عليه قال له الطفيل:
متكلمنيش ولا لك أي علاقة بي خالص😤🤚
فأبوه استغرب وسأله: ليه يابني كده😥
فقال له الطفيل:
عشان أنا أسلمت وتابعت دين محمد 😤
فأبوه قال له: خلاص أنا ديني هو دينك 👌
فقال له الطفيل:
روح اغتسل وطهر ملابسك وتعال أعلمك الإسلام، وفعلا عمل كده وعلمه وأسلم أبو الطفيل ،
جاءت زوجته وقال لها: متكلمنيش ولا لك اي علاقة بي خالص😤🤚
فزوجته استغربت إيه ده في إيه🤨
فقال لها نفس الكلام فأسلمت هي كمان معاه،
لقى الموضوع ماشي معاه كويس😅
راح رايح لقومه وقال لهم نفس الكلام إللي قاله لأبوه وزوجته،
طبعا مسمعوش كلامه وكانوا هيقتلوه ، وخلاص مش هنكلمك ولا لنا علاقة بك ، وهنجيب غيرك يعني بسيطة 😡

فراح لرسول الله صلى الله عليه وسلم وقال له : يارسول الله محدش فيهم آمن وانتشر فيهم الزنا،
ادع عليهم يارسول الله😤
فرفع رسول الله يده وقال:
اللهم اهد دوسا 🤲
فقال له : روح ادع قومك 《وارفق بهم》👌

☆الطفيل بن عمرو كان مفكر إن الناس كلها زي بعض، وينفع معاها نفس الأسلوب،
فلما استعمل أسلوب الشدة مع أهله ونجح،
فكر إن الأسلوب ده هينفع مع قومه😶
ونسي إن الأهل ممكن يتقبلوا منه إللي ميتقبلوش الغريب👌
فمينفعش إننا ندعي الناس كلها بنفس الأسلوب، في ناس ممكن نتكلم معاهم بعشم فيقبلوا الكلام،
في ناس تانية بنتعامل معاهم بالشوكة والسكينة 😅
في ناس إيمانها عالي مجرد ما نقول لهم قال الله وقال الرسول ينفذوا على طول بدون نقاش ،
في ناس تانية عايزة تقتنع الأول وتثبتي لها صحة الكلام،
وهكذا،
فرسول الله عرف إن الطفيل كان شديد على قومه، فوصّاه إنه يكلمهم براحة ورفق، مع إنهم كفار،
فما بالنا لما بنتكلم وندعوا المسلمين، نعاملهم إزاي 😉
وكانت النتيجة إن دوس كلها أسلمت بعدين لما الطفيل دعاهم برفق😊

الدعوة دلوقتي واقفة في مكة، مانعين حد يسمع لرسول الله،
مضيقين على المسلمين في كل حاجة😑
طيب وبعدين لازم يكون في حل وإلا كده مش هيبقى في أي تقدم خالص في الدعوة😶
ورسول الله مهما كان حزين أو مهموم فهمه الأول هو نشر دعوة الإسلام👌
فرسول الله فكّر في حاجة يعملها لأول مرة معملهاش خلال العشر سنين إللي فاتوا دول😮
فكر إنه يطلع بنفسه خارج مكة يشوف مدينة تانية يدعو الناس إللي فيها،
لكن المدينة إللي رسول الله محتاجها لها مواصفات معينة،
رسول الله فكر أنهي أكثر مدينة مناسبة ، لقاها مدينة الطائف👌
اشمعنى الطائف🤨
مدينة الطائف كان لها مميزات مش موجودة في غيرها:
◇أولا:
تعتبر الطائف المدينة الثانية في الجزيرة العربية بعد مكة،
فيها ناس كثيرة وفيها التجارة شغالة كويس، ولها مكانة بين قلوب العرب💁‍♀️
◇ثانيا:
الطائف فيها قبيلة قوية جدا هي قبيلة ثقيف، وواضح من الأحداث إن الخطوة الجاية إللي قريش هتعملها هي إنها هتحارب رسول الله والمسلمين،
فاحنا محتاجين قبيلة قوية👌
◇ثالثا:
كان في منافسة دينية كبيرة بين مكة والطائف، فإذا كانت مكة فيها الصنم المشهور هُبل،
فالطائف فيها صنم اللات المشهور وإللي ناس كثيرة بتحلف به،
فيمكن الطائف تحب تسحب البساط من مكة فتتبنى هي الدعوة الجديدة دي وتتفوق على مكة💁‍♀️
◇رابعا:
الطائف تعتبر قريبة نسبيا من مكة، المسافة بينهم مائة كيلو فقط،
فكده هيبقى التنسيق سهل بين مكة والطائف، يعني رسول الله هيعرف يتابع الأحداث في البلدين بسهولة😉
◇خامسا:
الطائف مهمة جدا لأهل مكة لأن أثرياء مكة لهم أملاك في الطائف،
فلو دخلت الطائف في الإسلام هتكون ضربة اقتصادية كبيرة موجعة لأهل مكة 👌

رسول الله أخذ القرار بإنه يتوجه للطائف، وكان ده بعد موت أبي طالب وخديجة بحوالي شهر،
على حسب الروايات كان في شهر شوال من السنة العاشرة للبعثة تقريبا🤔
يعني رسول الله معندوش حاجة اسمها راحة، مفيش راحة في الدعوة👌
المسافة بين مكة والطائف مائة كيلو،
فخرج رسول الله للطائف ماشي على قدمه😶
وكان الطريق كله صحراء وحر ، كان في شهر مايو تقريبا،
هو كان ممكن يأخذ معاه جمل أو فرس مثلا،
بس لو كان عمل كده كان أهل مكة هينتبهوا إنه مسافر فممكن يمنعوه، وهو عايز ينشر الدعوة😕
ففَضّل إنه يتحمل مشقة السفر عشان يحاول إنجاح فكرة الدعوة في الطائف 👌
وحتى وهو مسافر لم يأخذ أحد من الصحابة الأقوياء زي حمزة أو عمر بن الخطاب،
عشان برده محدش ياخد باله،أخذ معاه زيد بن حارثة، وكان ساعتها اسمه زيد بن محمد،
فعادي لما واحد يخرج مع ابنه في مشوار🤷‍♀️
قعد رسول الله صلى الله عليه وسلم في الطريق حوالي يومين، لحد ما وصل للطائف.

يا ترى هيبتدي الدعوة إزاي وهيكون إيه ر

د فعل أهل الطائف،
ده إللي هنعرفه الجزء الجاي إن شاء الله😊



#Eman_Shalapy

الغنيمة الباردة💗

اللهم صلِّ على سيدنا محمد وعلى آله وصحبه وسلم تسليمًا كثيرًا 🤍

عُذراً بابا نويل

السّيد سانتا كلوز تحيّة وبعد:

كنتُ صغيراً عندما سمعتُ بكَ أوّل مرّة، أخبروني أنّكَ تدخلُ البيوتَ من مداخنها حاملاً كيس ألعاب، فتمنيتُ من كلّ قلبي أن ألتقيكَ، وبالفعل انتظرتكَ تلك الليلة أن تهبط عليّ رغم أنّ بيتنا ليس فيه شيمينيه ولا مدخنة! حتى أني لم أنتبه أن سطح البيت لا يتّسع لتركن عليه عربتكَ وأيائلكَ!

المهم أنكَ لم تأتِ ، فاعتقدتُ أنّ ما منعكَ هذه الأسباب اللوجستيّة التي لا تتوفر لدينا!
فأخبرتُ المعلمة التي حدّثتنا عنكَ كيف قضيتُ ليلتي محدّقاً إلى السّقف
فقالت لي: سانتا لا يهبطُ إلا من المداخن!
ولأني كنتُ طويل لسان منذ نعومة أظافري قلتُ لها: البيوت التي فيها مداخن لا يحتاج أطفالها مزيداً من الألعاب!
فنظرتْ إليّ بدهشةٍ ثم قالت: اكتبْ لسانتا رسالة وضعها في جوربك وأخبره عن هذه الملاحظة!
فقررتُ أن أكتب إليكَ فعلاً، ولكني لم أجد جورباً ليس فيه ثقب لديّ فعدلتُ عن الكتابة إليك!

في ليلة الجوارب المثقوبة تلك، طلبتُ من أمي أن تشتري لي هديّة، هي أيضاً قدّيسة، ولكنها قدّيسة حقيقية وليست مثلك، تصلي كثيراً، وتقرأ القرآن، وتدخل البيوت من أبوابها!
فقالت لي: سأشتري لك لعبة بعد أسبوع
فسألتها: ولِمَ بعد أسبوع؟
فقالت: لأننا لا نتشبّه بالآخرين
سألتها: من هم الآخرون، الذين في بيوتهم مداخن
فقالت: لا، الآخرون هم الذين يؤمنون أن سانتا موجود، وينزل من المداخن
فسألتها: وماذا عن العربة والأيائل؟

فابتسمتْ، وحدّثتني عن جبريل يأتي إلى مكة، ويأخذ محمداً صلى الله عليه وسلم على البراق إلى بيت المقدس، وحدّثتني عن المعراج، وعن آدم عليه السّلام في السّماء الأولى، وعن إبراهيم عليه السّلام في السّماء السّابعة، وعن موسى عليه السّلام يُساهم لتكون الصلوات خمساً بدل خمسين لأننا لا نطيق! ومن يومها آمنتُ بالبراق وكفرتُ بأيائلك!

كبرنا بما يكفي يا سانتا، وتوقفنا عن النّظر إلى السّقف، لأنّ الشيء الجميل الوحيد الذي سينزل من أعلى هو عيسى عليه السلام ! لن ينزل من المدخنة وإنما من السماء، ولن ينزل في بيوتنا وإنما عند المنارة البيضاء في دمشق، وأنه لن يحمل يومها كيس ألعاب وإنما رمحاً ليقتل به الدّجال، فوقتها لن يكون هناك وقت للعب!

كبرنا بما يكفي يا سانتا لنعرف أنّ المسيح عليه السلام لنا وليس لكم، وإلا لنزل في الفاتيكان أو في سانت بطرسبرغ! كبرنا بما يكفي لنعرف أن أيائلكم لا تطير، الشيء الوحيد الذي نراه في سمائنا هو طائرات الأف ١٦ والسوخوي التي جعلت أطفال حلب يطيرون

كبرنا بما يكفي لنعرف أنّ الروم هم الروم ولو صار عندهم اتحاد أوروبيّ، وأنّ الفُرس هم الفُرس ولو كفّوا عن عبادة النار! كبرنا بما يكفي لنعرف أنكم كذّابون، لأنّ طفل بيت لحم لا يرضيه أن يُقتل أطفال غزّة!

لا تأتِ إلينا يا بابا نويل فمعبر رفح مغلق، وبيوتنا ليس فيها مداخن، وداريا لم يبقَ فيها بيوتٌ أصلاً، والأطفال في خيم اللجوء على الحدود السورية التركية لا يحتاجون ألعاباً وإنما بطانيات كي لا يقتلهم البرد فقد مات عُمر

وفّر عليك عناء رحلتك، ولا تُتعب أيائلك، فلن ننتظرك، سنُحدّث أولادنا عن جبريل والبراق، وعن عيسى ابن مريم حاملاً رمحه لأن القديسين الحقيقيين لا يُوزّعون الألعاب على الأطفال، وإنما يُحاربون الدّجالين ليعيش الأطفال بسلام

أدهم شرقاوي / من كتاب وإذا الصحف نُشرت

عزيز عليك رسول الله؟ رضيت فيه رسولاً و نبياً ؟
اللهم صل و سلم على نبينا محمد !
طيب اسمع كلامه:
"قدمت عليكم ولكم يومان تلعبون فيهما في الجاهلية وقد أبدلكم الله خيراً منهما يوم النحر ويوم الفطر".

رضيت بالله رباً ؟ رضيت بعوض الله علينا ؟ رضيت يكون عيد الفطر و الأضحى بمكان كل أعياد الكفار و الجاهلية ؟!

رضيت بالإسلام ديناً ؟ رضيت ترمي كُل دين و كُل جاهلية وراك و أنت فرحاان بهذا الدين و انتمائك له ؟

إن شاء الله تكون كذلك.

#بنفسج

#قصص_الأنبياء(٢)
#السيرة_النبوية
#الحلقة_الثامنة_والعشرون
#رحلة_الطائف

وقفنا المرة إللي فاتت عند رسول الله ﷺ لما خرج من مكة ومعاه زيد بن حارثة عشان يروح الطائف يدعو فيها الناس وتكون بديل لمكة،
وصل رسول الله ﷺ للطائف بعد حوالي يومين من مشيه على قدميه في الصحراء،
نحاول نحط نفسنا مكان رسول الله ﷺ ونفكر معاه هنبتدي إزاي👌
خلونا نقف مع رسول الله ﷺ على باب مدينة الطائف،
نبدأ إزاي ومنين ، وندعوا مين 🤔
وخصوصا إن الموضوع المرة دي مش مجرد دعوة للدخول في الإسلام فقط،
ده دعوة وكمان رسول الله ﷺ هيطلب منهم إنهم ينصروه ضد قريش🙊
فاحنا محتاجين ناس لها وزن في البلد وكلمتها مسموعة،
فهنروح لمين🤔
طبعا هنروح لسادات أهل الطائف، لأن دي مهمة سياسية مش هينفع فيها عوام الناس المستضعفين💁‍♀️
لأن المستضعفين مش هيقدروا يحموا رسول الله ﷺ ودعوة الإسلام من قريش،
عايزين حد يتحمل المسؤولية ...له نفوذ ومكانته عالية بين الناس لما يقول الكلمة الناس بصفة عامة تسمع وتطيع،
ولأن رسول الله ﷺ ملوش حد يُجيره أو يحميه في الطائف،
فمش هيقدر يدعو أي أحد إلا لما يكون في حماية له🤷‍♀️
فذهب رسول الله ﷺ إلى ثلاثة إخوة وهم من سادات الطائف عشان يتكلم معاهم👌

☆ممكن حد يسأل طيب ليه ربنا ميحمهوش ويؤيده بالمعجزات يعني وخلاص ،ماهو ربنا قادر 🤔

قلنا قبل كده إن رسول الله ﷺ قدوة، وحياته منهج ،وربنا أمرنا إننا نتبعه في كل حاجة،
عشان كده رسول الله ﷺ لازم يأخذ خطوات عملية تنفع لأي أحد يأتي من بعده وهيكون في نفس الموقف بتاعه👌
وحصل فعلا إن واحد من المسلمين اتحط في موقف شبيه بموقف رسول الله ﷺ،
الموقف كان لواحد اسمه عبد الرحمن بن معاوية بن هشام بن عبد الملك،
إللي اتعرف بإسم 《عبد الرحمن الداخل》 ، لما كان العباسيون بيقتلوا أي أحد من بيت الخلافة الأموية،
هرب عبد الرحمن الداخل في قصة طويلة وكان مُطارد ومطلوب الرأس في كل مكان،
لحد ما وصل للأندلس ، وقبل ما يدخل الأندلس كان أرسل مولاه لرؤساء قبائل البربر عشان يساعدوه في الدخول للأندلس،
ويقفوا معاه عشان يقدر يحكم الأندلس ويخلصها من الظلم إللي كانوا فيه ساعتها ويقيم الخلافة الأموية في الأندلس بعد سقوطها في المشرق،
فده واحد من المسلمين استفاد من سيرة رسول الله ﷺ وتخطيطه للدخول للطائف👌

وصل رسول الله ﷺ لسادات الطائف الثلاثة وعرفهم بنفسه ودعاهم للإسلام وشرح لهم وضع المسلمين كله،
وإنهم محتاجين الدعم والنصرة ضد قريش،
هم كانوا ثلاثة إخوة أبناء واحد من سادات الطائف اسمه عمرو بن عُمير، خلونا نشوف ردوا على رسول الله ﷺ قالوا إيه :
الابن الأول كان اسمه عبد ياليل قال لرسول الله ﷺ:
ده أنا أقطع أستار الكعبة لو ربنا أرسلك 😤
《بيقول كده إعتراضا على ربنا يعني إزاي يرسلك إنت رسول😑》

الابن الثاني وكان اسمه :مسعود قال:
هو ربنا ملقاش غيرك يرسله يعني🙄

الابن الثالث كان اسمه حبيب، وده حاول يستظرف شوية 😀
قال:
أنا مش هكلمك أبدا 🤚
لو كنت رسول فأنت أعظم من إني أتكلم معاك😰
ولو كنت كاذب فأنت أحقر من إني أكلمك😒
يعني كده كده مش هكلمك😑

ردودهم على رسول الله ﷺ كانت في قمة السفاهة وانعدام الأدب معاه😞
تخيلوا نفسية رسول الله ﷺ وهو بيسمع الكلام ده، والصدمة إللي اتصدمها من كلامهم😥
ومع ذلك رسول الله ﷺ قال لهم:
طيب ده رأيكم ، بصوا متقولوش لأحد إننا حصل بيننا الكلام ده، خلوه سر بيننا!
ورسول الله ﷺ مش عايز الخبر يوصل لقريش، لأنهم لو عرفوا هيتهموه صراحة كده بالتخابر مع قبيلة أجنبية وإنه عايز يزعز نظام الحكم في مكة ،
وإنه عايز يثير الفتنة، ومش بعيد يأخذوها سبب عشان يقتلوا رسول الله ﷺ ويقولوا للناس ده خائن وتبقى قضية رأي عام بقى،
وحتى الناس إللي كانوا متعاطفين معاه ينقلبوا ضده،
وإنتم عارفين باقي القصة😀

الثلاثة دول لم يحفظوا سر رسول الله ﷺ ، مكنش عندهم لا أخلاق ولا مروءة،
مش بس أفشوا سر رسول الله ﷺ ، ده كمان حرضوا السفهاء والغلمان على أذية رسول الله ﷺ 😑

رسول الله ﷺ لم ييأس وقعد في الطائف عشرة أيام مسبش واحد من أشرافهم إلا وكلمه،
ومحدش استجاب منهم إطلاقا وكلهم رفضوا دعوة الإسلام ونصرته ﷺ 😞
في اليوم العاشر قالوا له: اخرج من بلدنا ،مش عايزينك فيها 😡
وعملوا صفين من العبيد والسفهاء خارج الطائف،
ولما أخرجوا رسول الله ﷺ جعلوه يعدي بين الصفين دول وبدأ العبيد والسفهاء يرموه بالحجارة وبدأ رسول الله ﷺ ينزف ،
وهو مش عارف يتصرف إزاي،
وكان معاه زيد بن حارثة بيحاول يبعد عنه الحجارة ومش عارف،
الحجارة بتتحدف من كل مكان، واتفتحت رأس زيد رضي الله عنه، ده غير الشتيمة واللعن 😞
ورسول الله ﷺ ومعاه زيد بيحاولوا إنهم يخرجوا من بين الصفين دول ،
وحتى العبيد لم يتركوهما، طلعوا يجروا وراهم يحدفوهم بالطوب لمسافة كبيرة في روايات تقول قعدوا يجروا وراهم خمسة كيلو،
لحد ما لقوا حديقة فدخل فيها رسول الله ﷺ ومعاه زيد حارثة،
فخاف العبيد يدخلوا وراءهم ورجعوا للطائف،
دخل رسول الله ﷺ وقعد في الحدي

قة دي وأسند ظهره لشجرة والدم ينزف منه من كل مكان😥

متخيلين نفسية رسول الله ﷺ كانت عاملة إزاي لما شوية عبيد وسفهاء يعملوا فيه كده وهو سيد من سادات مكة!!
متخيلين كمية الألم والوجع إللي كان حاسس بيهم في الوقت ده،
والدم بينزف من كل مكان، وهدومه مقطعة مليانة تراب وهو رجل عنده خمسين سنة ويتعمل فيه كده؟!!!
رسول الله ﷺ شاف الدم وهدومه المقطعة والتراب ...حاول يتماسك قصاد زيد بن حارثة مقدرش،
نزلت الدموع من عين رسول الله ﷺ ...قعد يبكي بحرقة،
أيوة هو رسول لكنه بشر ...يتألم ..يحزن..ملوش أي مكان دلوقتي على الأرض،
مكة... زمان الناس هناك عرفوا باللي حصل،
الطائف... طردوه وضربوه وشتموه يروح فين طيب؟!!
وأصلا ليه يحصل له كل ده..إيه السبب...ماهو كان عايش منعم الناس كلها بتحترمه،
وكان يلقب بالصادق الأمين...كل إللي بيحصل ده بسبب دعوة الإسلام!!
كل ده عشان كان عايز يوصل لنا الإسلام،
واحنا أول حاجة بنفرط فيها هي سنة رسول الله ﷺ وتعاليم الإسلام،
الناس مش عارفة التضحيات الرهيبة إللي دفعها رسول الله ﷺ والصحابة عشان يوصلوا رسالة الإسلام،
الدين وصل لنا بالدم يا جماعة،
هل بعد ده كله نفرط فيه كده بكل سهولة؟!!
تخيلوا إحساس رسول الله ﷺ هيكون إيه لو سمع حد فينا بيقول على حاجة في الدين عادي يا جماعة دي سنة مش لازم نعملها 😒
الصحابة كانوا بيعملوا السنة عشان هي حاجة رسول الله ﷺ عملها!!
عارفة لما تكوني بتشتغلي وطالع عينك في الشغل ومستحملة النزول في الحر والبرد،
ومستحملة موظفين معاكي بيحرقوا دمك، ومدير قارفك في الشغل، كل ده عشان توفري لعيالك حياة كريمة وفي الآخر تيجي بنتك ولا ابنك يقولك:
عادي يعني هو إنتي بتعملي إيه، وياخد الفلوس ويصرفها في حاجات تافهة جدا😑
إحساسك هيكون إيه ساعتها،
ولا تكوني طول النهار طالع عينك في شغل البيت والجري ورا العيال والغسيل والطبخ و...و... وبعدين زوجك يقول لك وهو إنتي بتعملي إيه أصلا،
وعادي يعني إللي بتعمليه ده مش مهم😒
احساسك بيبقى عامل إزاي...حتى مفيش كلمة شكر تخفف عنك!!
أهه احنا بنعمل كده مع رسول الله ﷺ للأسف😞
رسول الله اتعرض لأضعاف أضعاف إللي بنتعرض له عشان يوصل لنا الدين،
واحنا حتى مش بنقول كلمة شكر في إننا نتبع سنته، ونقول تحقيرا 《دي سنُة》،
مع إن السّنة دي مش اجتهاد من رسول الله ﷺ ده ربنا هو إللي قال على الحاجات دي،
يعني سنن الصلوات دي ربنا جعلها سنة، وجعل الفروض الخمسة فرض،
رسول الله ﷺ مش بيجتهد في الدين بمزاجه، كل كلمة بيقولها ويعملها هي من عند الله👌

احنا أكيد زعلانين من إللي حصل لرسول الله ﷺ وكان نفسنا نبقى معاه عشان نحميه وننصره صح؟
طيب ماحنا ممكن نعمل كده دلوقتي👌
لو كل واحد فينا اتبع سنة رسول الله ﷺ هو كده نصره،
الحب مش مجرد كلمات ومشاعر....الحب أفعال،
لو احنا متبعناش سنة رسول الله ﷺ دلوقتي واحنا آمنين، توقعوا إننا لو كنا في زمنه ﷺ ووسط تكذيب الناس له احتمال كبير أوي إننا كنا نكون مع الناس إللي كانت بتحدفه بالحجارة😔

رسول الله ﷺ قعد يبكي بحرقة وضاقت عليه الدنيا ومفيش حد من أهل الأرض يقدر ينصره،
فرفع يده إلى السماء...رفع يده لناصر المستضعفين والمظلومين،
رفع يده لعالم الغيب والشهادة ...الذي يرى ويسمع كل شيء، دعا رسول الله ﷺ بدعاء حزين جدا رُوِي أنه قال:
"اللهم إني أشكو إليك ضعف قوتي...وقلة حيلتي ...وهواني على الناس...يا أرحم الراحمين!
أنت رب المستضعفين وأنت ربي...إلى من تَكِلُني؟
إلى بعيد يَتَجَهّمُنِي《يعني يكشر في وجهي》
أم إلى عدو ملّكته أمري..إن لم يكن بك غضب عليّ فلا أبالي،
《يعني يارب لو إللي بيحصلي ده مش بسبب إنك غضبان علي فأنا مش هيهمني، أهم حاجة إنك تكون راضي عني》
لكن عافيتك أوسع لي..
أعوذ بنور وجهك الذي أشرقت له الظلمات وصلُح عليه أمر الدنيا والآخرة من أن تنزل بي غضبك أو يحل عليّ سخطك،
لك العُتْبى حتى ترضى ،ولا حول ولا قوة إلا بك🤲
《يعني يارب أنا هقعد أعتذر لك لحد ما ترضى عني》

رسول الله ﷺ دعا... نشوف استجابة ربنا وتخفيفه الألم عن رسول الله ﷺ هتيجي إزاي👌
◇أولا :
الحديقة إللي دخلها كانت لسيدين من سادات المكة إللي كانوا بيؤذوا رسول الله ﷺ،
هما شيبة وعتبة ابنا ربيعة، وكانوا ساعتها موجودين في الحديقة فشافوا رسول الله ﷺ وهو بالمنظر ده،
الطبيعي إنهم يشمتوا فيه بسبب العداء إللي بينهم، ولكن ربنا رقق قلوبهم عليه،
وبدل ما يشمتوا فيه أرسلوا عبد لهم اسمه عدّاس يعطيه قطف من عنب كم عنقود عنب يعني،
يبقى أول حاجة ربنا أرسل له طعام من عند أشد أعدائه👌

◇ثانيا:
بدأ رسول الله ﷺ يأكل من العنب وقال بسم الله، فاستغرب عداس إللي كان نصراني، أول مرة يسمع حد في المنطقة دي يقول كلمة بسم الله😳
فقال عدّاس لرسول الله ﷺ: الكلام إللي قلته ده محدش بيقوله من أهل البلاد دي😮
فقبل ما رسول الله ﷺ يشرح لعداس يعني إيه بسم الله ويدعوه للإسلام بدأ يتعرف عليه،

☆ودي قاعدة مهمة في الدعوة ...قبل ما تدعي حد اتعرفي عليه الأول ،
أو ابدإي بكل

ام بسيط لطيف تفتحي منه الكلام،
متدخليش على طول في الشخص إللي قصادك وتقوليله افعل ولا تفعل 😶
لأن احنا منعرفش إللي قصادنا ده كان يومه عامل إزاي، فممكن لو دخلنا فيه مرة واحدة كده يقفل أو يرد رد مش كويس،
عشان كده نحاول نفتح حوار ولو بسيط مع الشخص إللي هندعوه، زي ما رسول الله ﷺ عمل مع عدّاس😉

ومع إن رسول الله ﷺ في حالة صعبة إلا إنه لم ينس أمر الدعوة،
سادات الطائف رفضوا ،لكن لعل الغلام ده يُسلم، لعل رحلة الطائف كلها كانت عشانه👌
بدأ رسول الله ﷺ يسأل عداس:
إنت من أنهي بلد؟
فقال عداس : من نَيْنَوى، فقال رسول الله ﷺ:
من قرية الرجل الصالح يونس بن متى؟
فعداس استغرب وقال لرسول الله ﷺ:
وإنت تعرف منين يونس بن متى😳
أصلا نينوى قرية مش معروفة عند الناس، فده عارف القرية وعارف إن كان فيها نبي 😮

فرسول الله ﷺ قال له: هو أخي..أنا نبي وهو نبي!
هنا عداس آمن في لحظة وقام على رسول الله ﷺ يقبل رأسه ويده😮
وعتبة وشيبة بيراقبوا الموقف من بعيد ...قالوا لبعض:
بعتنا له الأكل أفسد علينا الغلام🤦‍♂️
فنادوا على عداس فجاءهم وسألوه :
هو إيه إللي حصل ده...إيه إللي خلاك تقوم وتقبل محمد بالطريقة دي🤨
فقال لهم عداس :
والله مفيش أحد على الأرض أحسن من الرجل ده، والله قال لي حاجة محدش يعرفها غير نبي👌
فقالوا :
ويحك يا عداس 《يعني كأنهم بيقولوا له نهارك أبيض 😳》ده دينك أحسن من دينه، ملكش دعوة بيه😤
فربنا هون على قلب رسول الله ﷺ بإسلام العبد الضعيف ده😊

كان لازم رسول الله ﷺ يخرج من الحديقة دي لأنه لا يأمن على نفسه، ممكن أي أحد يؤذيه،
فخرج متجها لمكة وهو لسه مهموم وعمال يفكر في حل،
وفضل ماشي في اتجاه مكة ومكنش حاسس بنفسه، لحد ما وصل منطقة اسمها قرن الثعالب،
يعني مشي خمسة وثلاثين كيلو من غير ما يشعر من شدة الهموم والتفكير 😶

◇ولما وصل لقرن الثعالب لقى في سحابة بتظله رفع رأسه لقى جبريل،
وده الأمر الثالث من استجابة ربنا لدعاء رسول الله ﷺ،
قال جبريل عليه السلام لرسول الله ﷺ:
إن ربك سمع الكلام إللي الناس قالوه لك وردهم عليك،
فأرسل الله لك معي ملك الجبال تأمره إللي إنت عايزه وهو هينفذ👌
فنادى ملك الجبال رسول الله ﷺ وقال:
يا محمد! لو إنت عايز ..هطبق عليهم الجبلين وهم في النص ويهلكوا جميعا 👌

عايزاكم تتخيلوا موقف رسول الله ﷺ 🙊
ربنا بنفسه أرسل له ملك الجبال عشان ينتقم من الناس إللي ظلموه،
يعني هم فعلا يستحقوا الهلاك بإذن من الله،
يعني رسول الله ﷺ لو أمر ملك الجبال إنه يهلكهم ليس عليه أي لوم👌
ولكنه ﷺ رد بكل هدوء ورحمة وأخلاق راقية قال:
لا...بل أرجو أن يُخرج الله عز وجل من أصلابهم من يعبد الله وحده👌
يعني لو الناس دي كانوا مشركين لعل أبنائهم يؤمنوا،

♡وده يعلمنا حاجة مهمة جدا وهي إننا كمسلمين رسالتنا إننا نجعل الناس مسلمين،
مش ننتقم منهم، رسالتنا إننا ننقذهم من النار مش ندخلهم فيها، مش لازم يحصل التمكين للمسلمين على جثث الملايين من الكفار،
مفيش مشكلة إن التمكين يتأخر في مقابل إسلام الكفار،
الإسلام مش دين انتقام،
الإسلام دين رحمة، الإسلام جاء عشان يرفع الظلم عن المظلومين،
رسالتنا كمسلمين إننا نعلم الناس الدين بكل رحمة،
والناس مش هتسيبنا...الناس هتؤذينا وهتضايقنا و...و...
بس ده مش سبب إننا نسيب الدعوة أبدا، لأن أجرنا بنأخذه من الله يوم القيامة👌
محدش يستهين بكلمة يقولها وهو يبتغي بها وجه الله،
ممكن تقولي لواحدة نصيحة فتسخر منك،
وتروح تنقل الموقف لواحدة تانية خالص على سبيل السخرية والاستهزاء بيكي،
تلاقي إللي وصلها الكلام تهتدي بسبب نصيحتك، وإنتي زعلانة ومتعرفيش ربنا بيدبر الأمور إزاي،
على الرغم من إن رحلة الطائف كان كلها ألم نفسي وجسدي،
لكن كان من ثمارها إسلام نفس ونجاتها من النار👌

متسيبوش الدعوة ...دعوة الناس للإلتزام والدعوة للإسلام..ده الميراث إللي رسول الله ﷺ تركه لنا وأوصله لنا بالدم،
إللي عايز ينصر رسول الله ﷺ يتبعه ويتبع سنته ويعلمها لكل إللي حواليه،
ولو أوذيتم قولوا:
لقد أُوذي رسول الله بأكثر من هذا فصبر 😊

تمسكوا بسنة رسول الله ﷺ دي وصيته.. بيقول لكم :
عليكم بسنتي وسنة الخلفاء الراشدين من بعدي عُضّوا عليها بالنواجذ ،
يعني تمسكوا بها بقوة، متسيبوهاش...لازم بعد ما عرفنا إللي حصل مع رسول الله ﷺ في الطائف يكون لنا وقفة مع نفسنا،
قولي لنفسك دايما : اوعي تسيبي سنة..تمسكي بالسنة .. دي وصية رسول الله ﷺ..وصّلها لنا بالدم 👌

رجع جبريل وملك الجبال من غير ما يحصل حاجة ، وكمل رسول الله ﷺ طريقه للرجوع لمكة،
في الطريق حصل حاجة عجيبة وجديدة من نوعها مع رسول الله ﷺ 😳
لكن قبل ما نعرف إيه إللي حصل ، في سؤال وهو :
إزاي ربنا يأذن لملك الجبال بتدمير مكة والطائف وفيهم ناس لم يؤذوا رسول الله ﷺ،
يعني مش كل الناس آذوا رسول الله ﷺ ، فإيه ذنب الناس الذين لم يؤذوه🤔

هنعرف الإجابة على السؤال ده، مع الحادثة إللي حصلت لرسول الله ﷺ وهو راجع من مكة الجزء الجاي إن شاء الله😊

قال رسول اللَّه صلَّى اللَّهُ عليه وسلم:

«كَلِمَتَانِ خَفِيفَتَانِ عَلَى اللِّسَانِ، ثَقِيلَتَانِ فِي الْمِيزَانِ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ، سُبْحَانَ اللَّهِ الْعَظِيمِ» 🤍

بارك الله فيها وفي ذريتها ءامين ءامين ءامين.

غدًا صيام الخميس ..

إن لم تكُن في قوافِل الصائمين، فـكُن في قوافِل المُذكِّرين 💛