قَالَ رسول الله ﷺ : "المسلمُ أَخو المسلم، لا يَظلِمُه، ولا يُسْلِمُهُ، ومَنْ كَانَ فِي حاجةِ أَخِيهِ كانَ اللَّهُ فِي حاجتِهِ، ومَنْ فَرَّجَ عَنْ مُسلمٍ كُرْبةً فَرَّجَ اللَّهُ عَنْهُ بها كُرْبةً مِنْ كُرَبِ يوم القيامةِ، وَمَنْ سَتَرَ مُسْلمًا سَتَرَهُ اللَّهُ يَومَ الْقِيامَةِ" مُتَّفَقٌ عَلَيهِ.

اللهم اجعلنا سبباً لقضاء حوائج خلقك ومن خير من اقتدى بخير خلقكﷺ اللهم آمين

بنت أبيك..

وأنتِ في غمرة هذه الدنيا، وألواح إعلانات التجميل تسّاقط عليك من كل مكان، وسبل الجمال التي تتذلل أمام ناظريك؛ تتهيأ لاستحسانك وأنت المنشّأة في الحلية، الشغوفة بالزينة..

تذكري؛ أن لا شيء فوق جمال الحياء..

والله العظيم إنهم يتنافسون من أجل صورة جديدة للفتاة:

جميلة وسهلة..!

فهم في عصر السرعة لا يريدونك هدفًا يتعب من أجله القلب الصادق الملهوف، بل وسيلة إلى بقية لذائذهم المرادة..!

أحيطي قلبك بالصيانة يا غالية..

تأبَّي واعتلي واحتشمي واستحي..

لا تغيبنّ هذه القيم عن شغفك وهاجسك!

فأنتِ حيث تضعين نفسك
وقيمتك حيث تجعلين مكانك

والله سائلك؛ تذكري هذا جيدًا يا بنت أبيك، يا جمانة!

أفنان الجعر

https://youtu.be/0Yuwg5dSjeM

*﴿إِنَّ الَّذينَ يُحِبّونَ أَن تَشيعَ الفاحِشَةُ فِي الَّذينَ آمَنوا لَهُم عَذابٌ أَليمٌ فِي الدُّنيا وَالآخِرَةِ وَاللَّهُ يَعلَمُ وَأَنتُم لا تَعلَمونَ﴾*

ده جزاء اللي بيحب إن الفاحشة تنتشر بس!
فما بالكم باللي بينشرها ويخلي الناس تتعود عليها؟ 💔

لنطبّق سنّته ﷺ

من السنن : النوم مُتوضئاً على الشق الأيمن، مع قراءة الدُعاء..
قَالَ رسُولُ اللَّهِ ﷺ:
إذا أخذتَ مضجعَكَ فتوضَّأ وضوءَكَ للصَّلاةِ ثمَّ اضطجِع على شقِّكَ الأيمنِ ثمَّ قل اللَّهمَّ أسلمتُ وجْهي إليْكَ وفوَّضتُ أمري إليْكَ وألجأتُ ظَهري إليْكَ رغبةً ورَهبةً إليْكَ لا ملجأَ ولا منجا منْكَ إلَّا إليْكَ آمنتُ بِكتابِكَ الَّذي أنزلتَ ونبيِّكَ الَّذي أرسلتَ فإن مِتَّ في ليلتِكَ مِتَّ على الفطرةِ ، قالَ فرددتُهنَّ لأستذْكرَهُ فقلتُ آمنتُ برسولِكَ الَّذي أرسلتَ فقالَ : قل آمنتُ بنبيِّكَ الَّذي أرسلتَ.
أخرجه البخاري (247)، ومسلم (2710)، والترمذي (3574) واللفظ له
اللهم اجعلنا من خير من يقتدي بخير خلقكﷺ اللهم آمين

•
صَلاةُ الفَجرِ فِي الدُّنيَا ضِياءٌ
‏وَأُنسٌ يُفرِحُ النَّفسَ الحَزِينَة

‏فَطُوبَى يَا أُهَيلَ الفَجرِ أَجرٌ
‏وَأذكَارُ الصَّبَاحِ لكُم سَكِينَة!

*طيَّب الله صُبحكم يا أهل الفجر* 🤍|•

صيام الخميس 🤍

#قصص_الأنبياء(٢)
#السيرة_النبوية
#الحلقة_الخامسة
#نشأة_رسول_الله
#حادثة_شق_صدر_رسول_الله

وقفنا المرة إللي فاتت عند ولادة محمد بن عبد الله حفيد عبد المطلب وشفنا الأحداث إللي حصلت يوم ما اتولد وعرفنا ليه اتسمى باسم محمد،
كان من عادة قريش إنهم لما يتولد لهم مولود مكنوش بيربوه في مكة وكانوا بيرسلوه خارج مكة يرضع ويتربى هناك أول سنتين أساسي لأسباب كثيرة منها :
إن الحُجاج لما كانوا بيأتوا لمكة كانوا بيقعدوا فيها فترة طويلة،
فالأطفال لما بيختلطوا بالناس لغتهم العربية مش بتكون فصيحة ومضبوطة مائة بالمائة 👌
وقريش عايزين عيالهم يكونوا متمكنين من اللغة، فكانوا بيرسلوا أبناؤهم للبدو يتربوا هناك لحد ما لسانهم يتعود على اللغة العربية الصحيحة وبعدين يرجعوا لمكة،
زي مثلا في عصرنا لما الطلبة بتسافر للبلاد الأوروبية وتعيش مع أسر أجنبية عشان يتعلموا منهم اللغة الأجنبية مضبوطة 😉
واللغة العربية مهمة جدا عند العرب، تقدروا تقولوا إنها حياتهم، كان الواحد منهم لما يكون فرحان يقول شعر،
ولما يكون زعلان يقول شعر وفي الحرب شِعر ،
فإزاي هيبهروا الناس بكلامهم ويشتهروا بين العرب وهم مش متعلمين لغة عربية صحيحة 🤷‍♀️

من الأسباب كمان إنهم كانوا عايزين عيالهم يتربوا على حياة الخشونة وميكنوش مدلعين يعني😅
لأن إللي بيتربى في المدينة بيكون متعود على حياة الترف ،
لكن إللي بيتربى في البدو مثلا بيكون متعود على صعوبات الحياة فبيكون شخصيته أقوى ومتحمل للمسؤولية👌

السبب الثالث:
لأن مكة بيأتي لها الناس من كل مكان فكان فيها أمراض،
بعكس الصحراء إللي هواءها نظيف فبيكون نادر فيهم المرض وعندهم صحة😉
فكانت قريش بترسل أبنائها للأعراب من صغرهم عشان يتربوا عندهم،

طبعا احنا ممكن نستغرب ونقول إزاي واحدة ترضى إن ابنها يبقى بعيد عنها ومتشفوش إلا بعد سنتين وواحدة تانية هي إللي ترضعه😳
تقدروا تقولوا إن الموضوع عادة عندهم والناس كلها بتعمل كده فمحدش بيفكر في الموضوع أصلا وشايفينه عادي😅

والأعراب نفسهم كانوا بيوافقوا إنهم يأخذوا الأطفال من باب المنفعة، يعني هياخدوا أموال مقابل رعايتهم للأطفال،
لكن هم مكنوش بيطلبوا مبلغ معين عشان كانوا شايفين إن عيب المرأة تأخذ أجرة على لبنها،
فكان أبو الطفل بيعطوا للأم إللي بترضع مكافأة أو بلغتنا احنا إكرامية 😁

المهم في الوقت إللي اتولد فيه محمد بن عبد الله حفيد عبد المطلب جاءت لقريش مرضعات من بني سعد عشان يأخذوا الأطفال من مكة،
فكانت النساء في مكة بيعرضوا أبائهم على المرضعات،
وكانت آمنة بنت وهب بتعرض ابنها محمد على المرضعات زي باقي النساء ،
فأول ما يعرفوا إن محمد يتيم يرفضوا يأخذوه😶
لأن مين إللي هيعطيهم إكرامية..أبوه ميت وحتى جده من وجهة نظرهم مش هيكون حريص عليه زي أبوه،

وكان من ضمن المرضعات واحدة اسمها حليمة بنت أبي ذُؤَيب إللي هي حليمة السعدية،
وكانت فقيرة جدا وكانت حتى معندهاش لبن يكفي ابنها،
وحتى الأتان إللي كانت راكبة عليها كانت ضعيفة وهذيلة وكانت بتأخر الناس وهم ماشيين عشان مش قادرة تمشي،
الأتان أنثى الحمار😅
فبعد ما كل واحدة من المرضعات أخذت رضيع من مكة وخلاص راجعين ..حليمة ملقتش رضيع تأخذه،
فقالت لزوجها الحارث: أنا مش عايزة أرجع من غير رضيع وأصحابي كلهم معاهم رضيع، أنا هروح آخذ اليتيم ده😤

فزوجها الحارث قال لها: خلينا نأخذه يمكن يكون بركة علينا،
فرجعوا وأخذوا محمد اليتيم،
وكانت بترضعه مولاة عمه عبد العزى إللي كنيته أبو لهب
والمولاة معناها امرأة كانت أَمَة ..عبدة يعني إذا صحت الكلمة 😅وسيدها حررها،
والمرضعة دي أرضعت قبل كده حمزة بن عبد المطلب أخو عبد العزى،
فمحمد بن عبد الله بن عبد المطلب وحمزة بن عبد المطلب أصبحوا إخوة من الرضاعة

حليمة السعدية بتقول:
أول ما أخذت اليتيم ورجعت لمكان رَحْلي يعني المكان إللي الناس متجمعين فيه وبايتين فيه زي نقطة تجمع كده،
عشان الصبح ينطلقوا منه لبلدهم، صدرها اتملى لبن فرضعته وشبع ورضعت ابنها وشبع والطفلين ناموا😳
وابنها مكنش بينام أصلا من الجوع وكل ليلة بيبقى بيعيط،
وبعدين زوجها كان بيشوف الناقة بتاعتهم لقى ضرعها مليان لبن مع إنها عجوز😳

فحَلب الناقة وشرب هو وزوجته وشبعوا وناموا وكانت بالنسبة لهم أحسن ليلة يناموها،
فلما صحيوا تاني يوم زوجها بيقول لها:
يا حليمة إنتي شكلك أخذتي نسمة مُباركة
قالت له : فعلا والله🙊
وهم راجعين الأتان إللي حليمة راكبة عليها بتسبق القافلة كلها، وحليمة عمالة تهدي فيها ودي منطلقة، لدرجة إن النساء إللي كانوا معاها قالوا لها:
هو إيه إللي جرى للأتان بتاعتك😳
هو إنتي غيرتيها ولا هي نفسها 🤨

فقالت لهم :مغيرتهاش ولا حاجة ..هي نفس الأتان إللي أنا جيت عليها 😥
ولما وصلوا أرض بني سعد ..حليمة بتقول إن مفيش أرض جدباء مفيهاش زرع زي أرض بني سعد
وفجأة لقيت الغنم بتاعها راجع من المرعى شبعان والضرع بتاعهم مليان لبن،
فالناس مستغربين اشمعنى حليمة
فكانوا بيقولوا للغلمان بتوعهم روحو

ا ارعوا مع غنم حليمة 😡
وعاش محمد بن عبد الله مع حليمة في بني سعد، قالت عنه حليمة كان بيكبر بسرعة،
يعني لما كان وصل عمره سنتين كأن عمره ست سنين، وكان بيتكلم كلام واضح جدا وهو عمره سنتين 😮
بعد ما بتخلص السنتين بتوع الرضاع الناس بترجع الأطفال لأهلها بعد ما يكونوا فطموهم ويشوفوا إللي عايز يسترجع أبناؤه أو يخليهم مع البدو مدة أطول،
حليمة فطمت محمد وأخذته هي وزوجها الحارث ورجعوا لأمه آمنة زي باقي الناس،
فلما وصلوا عندها قعدوا يقنعوها إنهم يرجعوا بمحمد مرة تانية ويخلوه عندهم عشان خايفين عليه من أمراض مكة،
فمن هنا لهنا أقنعوها ورجعوا فعلا به لبني سعد😅

☆سبحان الله في الأول كانوا زاهدين فيه وأخذوه وهم مضطرين،دلوقتي هم إللي حريصين عليه وعايزينه معاهم👌

بعد ما رجعوا بحوالي شهرين ثلاثة كده🤔
كان محمد ومعاه أخ له من الرضاعة وسط الأغنام وفجأة حليمة لقت الأخ جاي وعمال ينده عليها هي وزوجها وبيقول لها: إلحقوا أخويا القرشي 😱
جاءه رجلين لابسين هدوم بيضاء وقعوه في الأرض وفتحوا بطنه😰
فبسرعة حليمة وزوجها الحارث راحوا يشوفوا إيه إللي حصل،
أول ما وصلوا لقوا محمد الطفل إللي عمره سنتين وكم شهر واقف وشه متغير خايف ومصدوم من إللي حصل له😳
فأبوه من الرضاعة سأله : إيه إللي حصل لك يابني😥
فبدأ يحكي إللي حصل قال:
جاءني رجلان لابسين ملابس بيضاء فواحد منهم صرعني، يعني وقعني في الأرض ، وشق صدري وطلع قلبي ،
وأخرج من قلبي علقة سوداء حاجة زي بذرة سوداء، وقال له :
هذا حظ الشيطان منك..فأخذ قلبه وغسله في طِست من ذهب مليان بماء زمزم يعني غسل قلبه في طبق كبير من الذهب مليان بماء زمزم،
وبعدين رجع قلبه مكانه وخيط صدره وسابوه ومشيوا😶

☆إنتي بتقولي إيه😳
حادثة شق صدر محمد رسول الله صلى الله عليه وسلم ثابتة في صحيح مسلم👌
تقدروا تقولوا إن رسول الله اتعمل له عملية قلب مفتوح من أكثر من ١٤٠٠ سنة 😀
مكنش في وجع مكنش في مخدر مكنش في غرفة عمليات معقمة،
مكنش في نزيف مكنش...مكنش...
إللي شق صدر رسول الله كان جبريل عليه السلام بأمر من الله،
الله إللي أمر النار إنها لا تحرق إبراهيم عليه السلام😊
الله إللي أمر السكين إنها لا تذبح إسماعيل عليه السلام😊
فهو هنا برده أمر الجسم إنه لا يشعر بأي ألم،
وأمر الدم إنه لا ينزف، وأمر...وأمر... فهو إذا أراد شيئا إنما يقول له كن فيكون💁‍♀️

◇طيب ماهو ربنا كان قادر إنه يخلقه من غير ما تحصل القصة دي كلها🙃
ربنا لا يفعل شيء إلا لحكمة👌
خلينا كده نشوف بعض الحكم من الحادثة دي😁
أولا :
تمهيد للطفل محمد ده إنك مش إنسان عادي..إنت بيحصل لك حاجات غريبة مختلفة..فاستعد👌
ولكم أن تتخيلوا مشاعر الطفل ده كانت عاملة إزاي ساعتها وهل ممكن إنه ينسى الحادثة دي في حياته😶

ثانيا:
تمهيد للناس إللي هيسمعوا ويعرفوا قصة محمد وإن الطفل ده له شأن في المستقبل فالناس تبدأ تركز معاه ويجذب انتباههم له👌

ثالثا:
الإيمان بالغيب..من صفات المؤمنين إللي هيدخلوا الجنة إنهم يؤمنون بالغيب،
وقصص الأنبياء من الغيب والجنة والنار من الغيب،
والأحداث إللي حصلت لرسول الله واحنا مشفنهاش من الغيب😁
فلما تحصل حادثة زي كده ورسول الله نفسه يحكيها ويقول عنها أنس بن مالك إنه شاف أثر الخياطة في صدر رسول الله صلى الله عليه وسلم،
يبقى احنا لازم نؤمن بها من جملة الإيمان بالغيب 😊
لأن إللي يؤمن بإن جبريل رفع قرية لوط بطرف جناحه لحد السماء وبعدين قلبها في الأرض،
يصدق حادثة بسيطة زي شق صدر رسول الله😉

بعد ما سمعت حليمة السعدية وزوجها القصة من الطفل محمد خافوا ليكون الجن عملوا فيه حاجة🙊
فأخذوه ورجعوا لأمه عشان يرجعوه لها قبل ما يحصل له حاجة،
فلما وصلوا عند آمنة قالوا لها :
ابنك أهه رجعناه لك خذيه ..وهو سليم قصادك واحنا كده أدينا الأمانة 😅
فطبعا آمنة شكت إن في حاجة ..إنتم لسه من كم شهر بس كنتم بتتحايلوا عليّ تاخدوه ..إيه إللي حصل😈
فقالوا لها : مفيش حاجة ..احنا بس حبينا نرجعه لك وهو سليم😅
فقالت :لأ..في حاجة😤
وفضلت تضغط عليهم لحد ما حكوا لها إللي حصل👌
فقالت لهم :خفتم عليه من الجن..طيب خليني أحكي لكم إيه إللي حصل معايا يوم ما اتولد ،
وحكت لهم على النور إللي شافته يوم ما اتولد ،
وفي رواية إنها قالت يوم ما اتولد:
"أعيذك بالله الواحد من شر كل حاسد"
فطمنتهم وقالت لهم متخافوش عليه، رجع الطفل محمد لأمه آمنة وعاش معاها، ولما كان عمره ست سنين أخذته أمه آمنة عشان يزور أخواله في المدينة فماتت في الطريق واندفنت بين مكة والمدينة 😳

يعني الأول اتولد يتيم..وبعدين أمه ماتت وهو طفل صغير😢
متخيلين مشاعر طفل عنده ست سنين ماتت أمه😞
فبدأ يهتم به ويرعاه جده عبد المطلب،
وكان بيحبه جدا وكان بيعطف عليه عطف شديد مكنش بيعطفه على أبنائه،
واحنا عارفين إن عبد المطلب كان رئيس مكة،
فكان أبناؤه بيفرشوا لعبد المطلب فرش عشان يستقبل عليه الناس ويجلس معاهم ويسمع لمشاكل الناس،
فمكنش حد يقدر يقعد على الفَرش ده قبل عبد المط

لب لأنهم كانوا بيهابوه، كانوا يقعدوا يستنوه لحد ما ييجي وبعدين يقعدوا،
الوحيد إللي كسر القاعدة دي كان الطفل محمد 😀
كان يقعد عادي ولما كان أعمامه يحاولوا يقوّموه ويبعدوه،
كان عبد المطلب بيقول لهم سيبوه..ابني ده له شأن في المستقبل👌
وكان بيعجبه جدا كل إللي حفيده بيعمله، زي كده لما يكون في جد أو جدة مدلعين أحفادهم ويدافعوا عنهم،
وطبعا الأطفال تلاقيهم بيحبوهم جدا😅
الشاهد إن عبد المطلب كان بيحب حفيده محمد جدا وكان بيحنو عليه كثيرا عشان يعوضه عن يُتمه،
وأكيد الطفل محمد كان حاسس بكده وكان بيحبه هو كمان،
وطبعا وجوده مع عبد المطلب خلاه يتعلم إزاي يتعامل مع السادة وكبراء الناس،
ويشوف مشاكل ده ومشاكل ده وإزاي جده كان بيتعامل بكل حكمة مع المشاكل، فأخذ خبرة واسعة جدا 👌
لما وصل عمره لثمان سنين..مات جده عبد المطلب😳

متخيلين طفل عمال يتنقل من شخص لشخص، وكل شوية يفقد حد بيحبه ويهتم به،
بيحصل له صدمة نفسية واحدة ورا الثانية وهو صغير،
تعتقدوا إن طفل زي ده عقليته ونضجه زي غيره من الأطفال إللي عاشوا حياة طبيعية😀
طبعا لأ👌
ده طفل ذاق معنى الألم ومعنى الفراق، فقلبه هيكون أرق وأحن من غيره😊
كان عبد المطلب وصّى ابنه عبد مناف إللي هو لقبه أبو طالب إنه ياخد باله من محمد ابن أخيه ويراعيه،
فلما مات عبد المطلب تولى رعاية الطفل محمد عمه أبو طالب لما كان عمره ثمان سنين.
《البداية والنهاية لابن كثير》

أبو طالب كان فقير وكان عنده عيال كثيرة،
مع إنه كان سيد وشريف في مكة لكن كان فقير ومع كثرة عياله الوضع كان صعب😅
فكان لما بيحطوا الأكل مثلا لأبنائه عشان يأكلوا كانوا بيهجموا على الأكل..فكان الطفل محمد من أدبه إنه مكنش بيهجم معاهم،
كان بيستناهم يخلصوا ولو اتبقى حاجة بياكلها متبقاش مكنش بياكل ومكنش بيقول إنه جعان🙊
واستمر الموضوع ده فترة لحد ما عمه أخذ باله فقال لأهل بيته خلّوا لمحمد أكل لوحده على جنب لأنه مش بياكل مع الأولاد،
عاش محمد مع أبو طالب في بيته، وفي يوم من الأيام لما كان عمره اثنا عشرة سنة، أبو طالب كان خارج للتجارة في بلاد الشام،
فمحمد كان عايز يروح معاه فأعمامه وعماته رفضوا وقالوا إنت كده هتعرضه للأمراض وهو صغير والسفر طويل،
فقال خلاص مش هاخده.. فلقى محمد بيبكي فقلبه رق له، وقال : والله لأخذك معي ومش هفارقك ولا تفارقني أبدا👌

وفعلا أخذه أبو طالب وانطلقوا في الرحلة إلى الشام وهم في الطريق .....يا ترى حصل إيييه😁

هنعرف إن شاء الله الجزء الجاي😚



#Eman_Shalapy

في ليلة الجمعة صلّوا على خير خلق اللّٰـه ﷺ

لا تنسوا أذكار الصباح 🌿🌸

الكَهف نُورنا لباقي الأيّام ..
لا تنسوا أن تنهلوا مِن نورها 🌸

لطيفة عجيبة أوردها الشيخ الشنقيطي رحمه الله قال:
«إنّ الصّلاة على النّبيّ ﷺ تُعدُّ من برِّ الرجل بأبيه، وذلك أنّ الملَك الّذي يبلّغ النّبي ّﷺ صلاة النّاس عليه يقول:"يا محمد إنّ فلان بن فلان يصلي عليك".

فيكون المرء سببًا في ذكر اسم أبيه عند النبيﷺ، وهٰذا من أعظم البرّ والإحسان.»

اللهم صل وسلم وبارك على سيدنا محمد وعلى آله وصحبه أجمعين

على منهاج النُّبُوَّة ٧٥
أَفَتَّانٌ أنتَ يا مُعاذ!

كان مُعاذ بن جبل يُصلي العِشاء مع النبيِّ صلَّى الله عليه وسلَّم، ثم يرجعُ إلى قومه ويصلي بهم…
فرجعَ ذات يوم فصلَّى بهم، وصلَّى خلفه فتىً من قومه، فأطالَ مُعاذٌ الصلاة، فتركَ الفتى الصلاةَ، وصلَّى وحده!
فلمّا انقضت الصلاة أخبر الفتى مُعاذاً بإطالته، وأنه تركه وصلَّى وحده، فقال له معاذ: إنَّ هذا نفاق، لأُخبِرنَّ النبيَّ صلَّى الله عليه وسلَّم!
فلَقِيَ مُعاذ النبيَّ صلَّى الله عليه وسلَّم فأخبره، فأرسلَ إلى الفتى وسأله، فقال: يا رسول الله، يُطيلُ المكث عندكَ، ثم يرجع، فيُطوِّل علينا في الصلاة.
فقال له النبيُّ صلَّى الله عليه وسلَّم: أَفَتَّانٌ أنتَ يا مُعاذ؟!
ثم قال للفتى: كيف تصنعُ يا ابن أخي إذا صليتِ؟
قال: أقرأ بفاتحة الكتاب، وأسأل الله الجنة وأعوذ به من النار، وإني لا أدري ما دندنتك ودندنة مُعاذ! أي لا أنتبه كثيراً للقراءة.
فقال له النبيُّ صلَّى الله عليه وسلَّم: إني ومُعاذ حول هاتين نُدندن! أي نقرأ حول الجنة والنار!
وكان قد أُشيع أن العدو قد اقتربَ، ولم يرُقْ للفتى أن نعته مُعاذ بالمُنافق، فقال: سيعلمُ مُعاذٌ إذا قَدِمَ القوم.
فخرجَ الفتى في جيش المسلمين، ورزقه الله الشهادة، فقال النبيُّ صلَّى الله عليه وسلَّم لمُعاذ: ما فعلَ خصمي وخصمك؟!
فقال: يا رسول الله، صدَقَ اللهَ وكذبتُ، لقد استشهد!

كان النبيُّ صلَّى الله عليه وسلَّم إذا صلَّى بالناس ينوي أن يُطيلَ القراءة بما يحتملُ المصلون خلفه، فيسمع بكاء صبيٍّ في الخلف كانتْ أمه قد أحضرته معها لتُصلِّي معه، فيُخفف الصلاة كي لا يشغل قلب الأم على ولدها!
وكان يأمر الأئمة أن لا يُطيلوا في الصلاة، فيقول: إذا صلَّى أحدكم بالناس فليُخفف فإن فيهم الضعيف والسقيم وذا الحاجة، وإذا صلَّى أحدكم لنفسه فليُطوِّل ما شاء!

وجاءَ رجلٌ إلى النبيِّ صلَّى الله عليه وسلَّم فقال: إني أتأخرُ عن صلاة الصبح لأجل فُلانٍ مما يُطيلُ بنا، فغضِبَ النبيُّ صلَّى الله عليه وسلَّم وقال: يا أيها الناس إنَّ منكم منفرين، فأيكم أمَّ الناس فليُوجزْ، فإن من ورائه الكبير والضعيف وذا الحاجة!
التطويلُ في الصلاةِ مجلبةٌ للمشقة على الناس، وهو خلاف السُّنَّة، فترفَّقوا بالناس ولا تصدُّوهم عن صلاةِ الجماعة!

درسٌ آخر، لا تدخلوا في نوايا الناس، ولا توزعوهم على الجنة والنار، لا أحد يعلمُ ما في القلوب إلا خالقها، ورُبَّ مُتذمِّرٍ من أمرٍ إنما يتذمّر على الشيخ أو العالِم ولا يتذمّر على الشرع والشريعة، فلا تجعلوا من أنفسكم بمقام النُبُوة، والفتى الذي نعتَهُ مُعاذ بالنفاق نالَ الشهادة تحت لواء النبيِّ صلَّى الله عليه وسلََم، فتأدَّبوا مع الله!

أدهم شرقاوي
#على_منهاج_النبوة

*‏صلاة الضحى*

‏سُنةٌ بعد إشراق، وَصدقةٌ دونَ إنفاق، وحصادٌ لحسناتٍ لا تُعدّ ..

•|🤍