صعب افتكر كل اللي بقراه و بتعلمه. لوكان دا اشكال بيواجهك ارجوك اقرا الكلمتين دول.
ناشيونال جيوجرافيك عملت عشر حلقات بما يوازي 500 دقيقة عن حياة اينشتين.
الحلقات مستمده من كتب ومقالات و جوابات ارسلها وارسلت اليه من اخرين. اللي فعلا جدير بالملاحظه هوالطريقة اللي الراجل عمل بيها نظرياته.
علي غير ما كنا نتوقع مكنش بيقعد يعمل دراسة رياضية و المعادلات تقوده لاستنتاج. ابدا ابدا ابدا.
كل الللي وصله كان باحساس وفطرة و الهام بيقوده الي الحقيقة و يرجع بعدكده يثبتها رياضيا هو وعلماء اخرين, لكن المحرك كان المعني ورا النظرية من خلال فهمه للفيزياء.
هودا جوهر العلم. جوهر العلم انك تشعر بمعني العلوم وبعدها يجي كل شئ.دا اللي بيسموه intuition و دا اللي بيميز الناس عن بعض وبيخلي ناس تنجح و تتقدم وناس تمشي وراهم. في كل شئ بتعلمه دور علي قلب الحقيقة واستشعر المعني فيها.بعد كده هتتعلم الاليات والتكنيكس بمنتهي السهوله و دا هيسمحلك تبقي متعلم من اول الجافاسكريبت لحد اعمق اعماق ال Deep Learning و مش هتحس بضغط علي عقلك لان فيه خلاصة المعني مش تفاصيله اللي شاغلاك و هتلاقي التفاصيل علي طرف صباعك لما تعوزها.
دي خلاصة اليات التعلم اللي استنتجها عبر حياتي في مجالات مختلفة من هندسة الزلازل لنظم التشغيل وبينهم ما بينهم.
اوصل لل intuition
اوصل لل intuition
اوصل لل intuition
— copied from eng. mohamed hammad

ناس كتير لما بتبدأ تذاكر لارافيل بتواجه مشكلة فى تحديد المواضيع اللى المفروض تذاكرها والترتيب اللى تمشى عليه خاصة بعد ما بتعدى جزئية الأساسيات بتبدأ تتوه فى الخطوات اللى بعدها وبتحس ان الموضوع كبير. عشان كده مهم تستعين بروود ماب يكون حاططها حد أكثر خبرة منك. الراجل المحترم povilas korop صاحب القناة المشهورة laravel daily عامل روود ماب للمواضيع بناءً على مستوى الشخص وحاطط معاها مصادر سواءً من الدوكمنتيشن أو فيديوهات:
https://github.com/LaravelDaily/Laravel-Roadmap-Learning-Path

الحمد لله ، ازاي تبعت email لأي شخص ب استخدام pure javascript ، بدون استخدام node js أو php mailer أو أي حاجة server side ،، دا لينك الفيديو ، https://youtu.be/d9KyTarmRiY
والplaylist دي بص عليها بصة سريعة بس متأكد انها هتفيدك باذن الله 🌻❤
https://youtube.com/playlist?list=PLnD96kXp-_pNqlUDk72ugJ7UQYQHypS0e

Google's autodraw is fun for using machine learning to turn drawings into nice icons
https://digitalsynopsis.com/design/google-autodraw-ai-experiment/

هل من الضروري تعلم ال Back-End مع ال Front-End ؟

وظيفة ال Front-End واحدة من أكبر الوظائف المطلوبة وليست قليلة كما يظن البعض وتحتاج لوقت طويل لإتقانها ولبناء قائمة مشاريع كأعمال لك ولذلك ليس شرط نهائيا أن تتعلم معها مسار ال Back-End وهناك الكثير من الشركات تحب التخصص ويعجبها الشخص الذي يعمل في مجال واحد ويحترف فيه. وهناك الكثير من المطورين يحبوا التعامل مع الألوان والخطوط والجزء الخاص بالواجهة الأمامية ولا يحب التعامل مع قواعد البيانات ولا الجزء الخاص بال Data Layer عموما وهذا يرجع لك وهناك العكس أيضا ممن لا يحب التعامل مع الألوان والخطوط وال Visuals نهائيا. اما لو كنت من الناس التي لديها الوقت لتعلم المجالين معا ولا توجد لديك مشكلة في التعامل مع الالوان والخطوط والجزء الخاص بالبيانات وتريد أن تكون Full Stack Developer فلا توجد أي مشكلة وهذا شيء جميل والكثير من الشركات تفضله ولكن يجب ان تعلم أنك تحتاج لوقت طويل جدا لإتقان المجاليين معا.

هل الرسم بال CSS غير مفيد ؟

لن تجد شركة تطلب منك تصميم عنصر عن طريق رسمه بال CSS لأنك ستستعمل صورة او Font Icon أو SVG ولكن مهارة الرسم بال CSS تجعلك توظف كل ما تعلمته وتتعمق في خصائص اللغة بشكل جميل ومفيد وستضيف إليك الكثير جدا من الافكار وستقوم بتطوير مهاراتك جدا لذلك الرسم بال CSS شيء مفيد جدا جدا وهناك الكثير من المواقع تعتمد كلها على هذه الطريقة في مرحلة التعلم مثل موقع CSS Battle فكل شيء فيه عبارة عن رسمة تقوم بتنفيذها بال CSS

راي البشمهندس احمد فتحي ف الكورسات الاوفلاين

لو عندك اي سوال ف البرمجه عموما تعالي
https://www.clubhouse.com/room/mWrgRjlD

البوتكاست ده عظمه حرفيا وهيحمسك جدا .... بيوريك الناس اللي شغاله ف الشركات الكبيره وازاي سفرت و درس ازاي واي العقبات الخ
https://podcasts.google.com/feed/aHR0cHM6Ly9hbmNob3IuZm0vcy80MjU2NDY4MC9wb2RjYXN0L3Jzcw?sa=X&ved=2ahUKEwiooOH436LyAhULTRoKHR_MBF0Q9sEGegQIARAD

لو عاوزني ارشحلك حاجه تبدا تسمعها ابدا باللقاء اللي عامله مع الزيرو او شوف الحلقه بتاعت محمد الشريف

للناس اللي هتبدا تذاكر رياكت وعاوزه محتوي عربي فيه طبعا البشمهندس حمزه بس للاسف الكورس مش كامل وهو قال ف اخر فيديو انه وقف الكورس »»»فشوف الكورس ده فيه كل حاجه ولسه البشمهندس كريم بينزل فيدوهاات ف البلاي ليست دي كل اسبوع
https://www.youtube.com/watch?v=RgtTrM_sflo&list=PLejc1JbD4ZFSaQIFNstRIrbm_fqb12Q59

عيد نشره لاني اريد ان يقراه الجميع:
ممكن تتوفرلك مصادر ممتازة و ناس تدعمك علشان تتقدم و تتعلم لكن يفضل حاجه.
ايوه حاجه كتير من الناس اللي انت بتثق فيهم وبتتعلم منهم عارفينها بس بيخجلوا يقولوها و مش بيجيبوا سيرتها.
الحاجه دي بتوقعك و تخليك تكسل تكمل وتياس.
انا هقولهالك. الناس اللي انت شايفهم متعلمين وجامدين اوي دول بيقروا المقال تلات مرات و يقروا الكتاب مرتين علشان يفموه و بيعيدوا المقطع من محاضرة في الفيديو خمس مرات.
الناس المتعلمة دي مش سوبرمان بيقرا و يفهم علي طول. ابدا بنحارب مرات ومرات في نفس المصدر علشان نفهمه.
محدش بيقولك كده وبيقولولك انك عندك ما يلزم و الحكاية بقت سهله خالص. لا الحقيقه انك لازم تعرف ان الفهم بياخد وقت وعادي جدا تقرا و متفهمهش و تدور علي مصدر تاني و بعدين ترجع للاولاني.
انا عن نفسي بعمل كده بقالي عمر و اللي شفتهم متعلمين كويس كلهم بيعانوا نفس المعاناه. اديني قلتلك الحقيقه يا عم.
بحاول اساعدك باني اقولك علي مصادر تكون واضحه و اختارلك اللي منهم بيوصل اسرع لكن هتفضل عزيمتك وهمتك هي سلاحك الاساسي.
هتفضل عزيمتك وهمتك هي سلاحك الاساسي
هتفضل عزيمتك وهمتك هي سلاحك الاساسي
و الله علي ما اقول شهيد.
---copied from eng mohamed hammad